1. O FEAU A LE FAAALIGA MO I TATOU

Transcription

1 1. O FEAU A LE FAAALIGA MO I TATOU O Le Ata Tele O le tusi o Faaaliga, o se tusi e iai fe au faapitoa mo le lalolagi i taimi o le iuga. O nisi nei o fautuaga taua mo e naunau e suesue ma fia malamalama atili i lenei fe au taua ua faaalia mai ia i tatou e ala mai i le Tusi o Faaaliga. Manatua: Ia faavae le suesuega i le agaga maualalo Ia manino i le matautia o le faasese e le tagata, o ia lava. E taua tele le tatalo ia taitai e le Agaga o Le Atua le suesuega Ia tele se taimi e faaaluina i vaega o le Faaaliga e faigofie ona malamalama iai Ia suesue faatasi ma isi. Taumafai e malamalama i le uiga o le fe au ia i latou na ulua i auina atu iai le Faaaliga O lenei tusi, o le Faaaliga mai lea o Iesu Keriso. O lea ia sailiili ai i auala e faaali mai e le Faaaliga e malamalama atili ai ia Iesu Keriso. O ai na tusi le tusi o Faaaliga? 1:4 O Ioane, o le tasi o soo o Iesu. O le Iutaia, ae na tusitusi i le gagana Eleni. Na malamalama ma masani lelei tagata o Ekalesia i Asia Ititi ia Ioane. O fea na tusia ai le tusi o Faaaliga? 1:9 Sa faaaunuua Ioane i le motu o Patamo, e le mamao ma le talafatai o Asia Ititi, a o tuuina ifo iai e Le Atua le fe au i Ekalesia e 7. O anafea na tusia ai le Faaaliga? E tele tusitusiga mai le senituri e lua ma le tolu e foliga mai ai na tusia le Faaaliga i le va o le TA 81 & TA 96. O le taimi tonu lea o pulea Roma e le Taitai o Domitian (Emperor). O ia lea na amataina le sauaina o Kerisiano. O le talitonuga lautele, o le Faaaliga na tusia o se fe au e faalototeleina ai le au Kerisiano i taimi o sauaga ma pulega faapaupau a Roma. E ui lava i lea, e manino le aoga o fe au o le Faaaliga i tupulaga uma o e taliaina Iesu o lo latou Alii ma Le Faaola. O lenei talitonuga e mafua mai ona e foliga mai e faavaeina le Faaaliga i le Lauga ta uta ua a Iesu i le Mauga o Olive i taimi o Ona puapuaga ma mafatiaga a o agai atu o Ia i le satauro. O Lana lauga e faatatau i le taimi o le iuga, tatou te maua ai nisi o fautuaga i olaga e tatau ona tatou ola ai, a o tatou lalata atu atili i Lona toe afio mai. E faamalosi mai foi nei fea u i lo tatou Faamoemoe (Hope), Uiga (Meaning), ma le Mafuaaga (Purpose), ua tatou ola ma soifua ai i lenei taimi o le iuga. Faaaliga 1:1 Na tusia e Ioane le Faaaliga a Iesu mai Le Atua, e faatatau i mea e tusa ona vave oo mai. O le Toe Afio Mai o Iesu, o le Sini Tututotonu lea o le Tusi o Faaaliga. O le sini lenei e maua i le faatomuaga (Faaal. 1:7). E faapena foi ona toe faamanatu mai i upu faaiuiu o le tusi (Faaal. 22:7, 12 &20), lenei lava faamoemoe o tagata soifua uma. E lua vaega tetele o le Faaaliga. O le vaega muamua o mataupu O le afa mulimuli (Faaaliga 12-22), tatou te molimauina ai nisi o faailoga e lalata atu i le toe afio mai o Iesu. O loo faaataina mai e Ioane i le Tusi o Faaaliga le faaauauina o galuega a Iesu sa faia, oloo faia, ma o le a faia pea mo le faaolataga o Ona tagata. Faitau le Mataio 24:1-3 O le tali a Iesu i le fesili a Ona soo, Pe oo afea ia mea? Pe se a foi le faailoga o Lou maliu mai, ma le gataaga o le lalolagi? (f4), na aofia ai ma le faatafunaina o Ierusalema. Peitai, sa ta ua foi i Lana tali mea o le a oo i le lalolagi atoa i Lona toe afio mai, e pei ona molimau mai ai le Mataio 24: Na tali Iesu i le faatafunaina o Ierusalema ma le iuga o le lalolagi e pei lava o se tulaga e tasi. O le a sou manatu, aisea na tuufaatasia ai e Iesu mea ia e lua, e ui lava e valavala tele taimi e tutupu ai? O le faatafunaina o Ierusalema, e ui ina ititi pe a faatusa atu i le iuga lalolagi, ae pei lava ona faaumatia Ierusalema sa mitamita ai Iutaia, e faapena foi le lalolagi o loo tuinanau atu iai nisi. E le i faamalamalamaina e Iesu le valavala tele o taimi o ia faatafunaga e lua. Semanu e matua faavaivai Ona soo pe a na latou malamalama i le valavala tele o taimi o ia faatafunaga e lua. E faaaogaina soo e Tusitala o Valoaga lenei auala. O se mea e tupu, e malamalama iai tagata o lea taimi, e tele ina faaaogaina e tusitala lea lava mea na tupu e fai ma valoaga o se mea tele e tupu i le lumana i. Na fetalai Iesu, a o le i faatafunaina Ierusalema, e iai mea o le a tutupu i luma mai, a mataala iai, e mafai ona iloa ai ua lalata tele mai lea faatafunaga. Ia E fetalai mai ia te i matou pe oo afea ia mea? Pe se a foi faailoga o Lou maliu mai, ma le gataaga o le lalolagi. (Mat. 24:4) Faitau le Mataio 24:4-8 TAUA: Sa iai foi taua i vaega eseese o le malo o Roma i ia vaitaimi, ae maise lava i Palesetina. 1

2 OGE: TA 44, o se tasi lea o oge tele i Palesetina. I le taimi o le taitai Roma o Claudius. Na iai foi nisi oge tetele na aafia ai Palesatina. FAAMAI: Luka 21:10-11 E iai mafuie teteele i lea mea ma lea mea, o oge foi, ma faamai, ma faaiteite ma faailoga tetele mai le lagi. E 30,000 tagata na maliliu i le faamai o le bubonic i le taimi o le pulega a le taitai Roma Nero, i le taumalulu e tasi. MAFUI E: O le TA 60 na matua laugatasi ai Laotikaia i le mafui e tele, sosoo ai ma Pompei i Italia TA 63. E le i pine ona toe fausia o Pompei, ae toe tanumia e le lava ma i le Mauga o Vesuvius i le TA 79. Na tele mafui e i le ulua i senituri. PEROFETA PEPELO MA KERISO PEPELO: Molimauina e le Tusitala Eperu Josephus le faateleina i lea lava vaitaimi o mesia-pepelo e pei ona valoia e Iesu. O i latou ia na fevaevaeai ai Palesitina ona o lo latou faatupuina o le fouvale i le malo o Roma. Faitau le Mataio 24:15-17: O loo faailoa mai ai le malosi e ta ua, o le mea inosia e faatafunaina a i. O le fetalaiga a Iesu e faatatau i lea malosi (Luka 21:20), na faataunuuina muamua ina ua faatafunaina Ierusalema. A iloa e outou ua siosiomia Ierusalema i au o le taua, ia outou iloa i lea aso, ua latalata lona faatafunaina. Na molimauina foi le faataunuuina o lenei valoaga a o lumanai le faatafunaga o Ierusalema i le TA 70. Na fasiotia e nei mesia ma perofeta pepelo se autau itiiti a Roma sa leoleo ina Ierusalema. Na avea lea fouvalega ma mea na matua toatamai ai le kovana Roma sa i Suria ma na ia auina mai ai loa se au tau e 30,000 agai mai i Ierusalema. Peitai na faateia tagata Iutaia ina ua toe tuumuli faafuasei lenei autau tele agai atu i nuu tu matafaga o Iutaia. Manatu loa Iutaia o le faailoga lea o lo latou manumalo,ona latou tuliloaina ai loa ma fasiaotia fitafita tusa ma le 6,000 o autau Roma. E masani ona tauaveina e fitafita Roma a latou tupua i taimi o taua. O ia tupua e tauaveina i pou e iai laau faalava i luga. E tofu lava le vaegaau ma lo latou tupua. Na manatu Iutaia o mea inosia nei tupua ma tapuaiga ua faia i eleele paia o Ierusalema. O le mafuaaga lea na tusia ai e Mataio, o le mea inosia e faatafunaina a i, ua tu i le mea paia. Ae malamalama atili i le molimau a Luka 21:20, a iloa e outou ua siosiomia Ierusalema i au o le taua, o au tau ia a Roma. Na manatua e Kerisiano o le uluai senituri le lauga (valoaga) a Iesu, ina ua latou vaaia ua tuumuli autau a Roma, ma latou sosola ai loa i le nofoaga e ta ua o Pela. Na toe taliu mai autau a Roma i le taitaiga a Tito (Titus), ma ia faatafunaina ai Ierusalema. E leai se Kerisiano e tasi na maliu ai ona o lo latou usitai i le faatonuga (valoaga) a Iesu (Mataio 24:15-18). E le gata ina valoia e Iesu le faatafunaina o Ierusalema, ae na Ia valoia foi le iuga o le lalolagi. Na Ia faailoa mai i tupulaga i le lumanai o mea o le a tutupu ina ia iloa ai le latalata mai o lea taimi. Molimau le Mataio 32-35, e iai le tupulaga e vaaia le taunuu o nei mea uma. A o le a tuuina atu foi ia i latou o faailoilo e iloa ai le latalata tele o lea taimi. Peitai e tumau lava Lana lapata iga, A o lea aso ma lea itu aso, e le iloa e se tasi. E manino le valoaga a Iesu i le uiga o le soifuaga o tagata o le lalolagi e oo lava i le taimi e toe afio mai ai o Ia. Se i o tatou vaavaai lava i ni molimau a nisi i le selau tausaga ua faatoa mavae atu nei. O le senituri e 19 th, na molimauina ai le mapuna a e o le malosi ma le atamai faasaenisi. Ae alu a e ai foi faatasi ma le talitonuga ua mafai e le tagata lava ia ona pulea lona lava lumana i. Fai mai se tasi tagata tautaua e igoa ia Robert G. Ingersoll: Ua mafai ona ou vaaia se lalolagi ua lepetia nofoalii ma liu lefulefu tupu. Ou te vaaia se lalolagi ua le toe iai se pologa, a ua saoloto tagata uma. Ua ou vaaia se lalolagi o le filemu, e le toe faaaunuua ai se tasi, e le toe iai ni falepuipui. O se lalolagi e le toe iai se faamai o le tino pe o le mafaufau. A ua ola soifua maloloina tagata uma, faaloaloaina le soifua, faatumulia i le fiafia, ufiufia e le alofa le lalolagi, ae suluia atoa i le fetuao e faavavau o le faamoemoe o tagata. O lenei tagata o R. G. Ingersoll, sa matua tauemu ma tetee i le Tusi Paia. Se i tatou faatusatusaina la nisi o nei manatu i le selau tausaga ua faatoa mavae atu nei, ma valoaga a Iesu e sili atu i le 2000 tausaga talu ai. O le fea e te manatu e faamaonia? Valoia e Iesu le faateleina Taua, Oge, Faamai, ma Mafuie i lea mea ma lea mea. E iai Perofeta ma Keriso Pepelo, e faatuputeleina nei mea uma i le taimi ua latalata i Lona toe afio mai. O nei mea uma na fetalai ai Iesu e muamua mai i Lona toe afio mai. Ua faatusaina i le faatiga o le fafine to a fanau mai. A sosoo ma faateleina faatiga o le fafine, ona iloa lava lea e le toe mamao ae fanau mai le pepe fou. TAUA: Ua mafai nei e le tagata ona faaumatia soifua ma mea ola uma i le lalolagi. Ua auai faatasi le tele o malo o le lalolagi e taumafai e tau ma faaumatia le au faatamaoi (terrorists). O le eseesega tele o lenei taua ma Taua Tetele e Lua ua mavae, ona o le toatele o le au faataumoi, e le o toe popole i o latou ola. A ua tuuina atu o latou ola e oti ai. Ua le o toe popole i latou i le fasiotia o ni tagata se toatele latou te le tapua i pe talitonu faatasi. Ua faamata uina e nei tagata faatamaoi le lalolagi i auala eseese e aofia ai ma femalagaiga lautele. O le a faatuputeleina auala eseese e tau ai taua i le lumanai. O nisi nei o auala o le a tauina ai taua: O le ulufia o komipiuta a malo ma faalapotopotoga e faaleagaina ai fesootaiga. E mafai e lenei auala ona faalegaina suavai, eletise, ma aupega a malo. O le gaosia o faamai eseese e mama i ai na o se ituaiga o tagata ina ia mafai ai ona pulea e isi o latou malo. 2

3 OGE: E sili atu i le piliona (1,000,000,000 tasi-vae-ono o tagata o le lalolagi), e ititi ifo i le $1 i le aso e ola ai. O le isi 20%, o le au mauoa ia, latou te faaaogaina le 86% o le tamaoaiga o le lalolagi. A o le 20% aupito matitiva e na o le 1.4 %, o le oa o le lalolagi latou te ola ai. E sili atu i le 800 miliona tagata o le lalolagi e momoe galala i aso taitasi i le fia aai. E 250,000 tamaiti maliliu i vaiaso taitasi i faama i e mafai ona togafitia. E ui e 80% o le mafaufau e atina eina i le 2 tausaga muamua o le tamaititi, e 150 miliona tamaiti o le lalolagi e le lava le protein e atina eina ai le mafaufau, e mafua ai le afaina o latou mafaufau i le taimi e matutua ai. MAFUIE: E sili atu i le 250,000 tagata na maliliu i le tsunami 26 Tesema 2004 ona o le mafui e i le sami i Asia i Saute. O le tausaga e 2008, 70,000 na maliliu i le mafui e i Saina, ma le milona ma miliona na faaleagaina ma lepetia mea e nonofo ai. E pei lava ona valoia e Iesu, e faapena le vaaiga ua tatou molimauina nei i le lalolagi i lea mea ma lea mea. PEROFETA MA KERISO PEPELO: Na valoia e Iesu o le a faateleina i latou nei, latou te faia foi faailoga ma vavega. A o fesili soo o Iesu i faailoga o le faatafunaina o Ierusalema ma le iuga o le lalolagi, ae tali Iesu, Ia outou nei faaseseina outou... Ua tatou molimauina le faatuputeleina o le faanaunauga o tagata o nei ona po i mea faa vavega. Toe silasila totoa i ata tifaga ma TV e faamaonia ai le faaaogaina e le tiapolo o nei faiga e faaseseina ai le mafaufau o le Kerisiano. E tele lapataiga a le tusi o Faaaliga, ia aua tatou te talitonu i soo se mea tatou te vaai iai. A o tatou suesue faatasi i le tusi o Faaaliga, e taua tele lo tatou usitaia o lapataiga a Iesu e faatatau i perofeta ma keriso pepelo. FAAMOEMOE, UIGA, MAFUAAGA O mea uma o loo tatou molimauina nei, ua faailoa mai ai, ua tatou latalata tele i le iuga o le tala tuufaasolopito o le lalolagi. E pei lava ona valoia e Iesu, ua faapea lava mea o loo tatou vaaia nei i lea aso ma lea aso. E matua taua tele fe au ua molimauina e lenei tusi o Faaaliga. E leai se faamoemoe po o se uiga aoga o le olaga o loo tuinanau atu nei iai tagata o le lalolagi. Peitai, ua aoaoina i tatou e le tusi o Faaaliga, aua le atuatuvale pe matau i le lumanai. O loo pule pea Le Atua. E ui ua Ia lapatai mai i faigata o i lumanai, ua Ia faailoa mai foi le faamoemoe e iai o Ia faatasi ma i tatou i le lumanai. A tatou taliaina lapataiga i le tusi o Faaaliga, tatou te mautu ai i le faamoemoe o loo i lumanai le manuia silisili. All rights reserved Seventh-day Adventist Church South Pacific Division. Not for profit publication. Faatagaina le faaliliuina e Etuati E. Erika eerika@adventist.org.au 3

4 O Le Ata Tele 2. O LE FAAALIGA A IESU KERISO. Na afio mai Iesu i le lalolagi, soifua, maliu, ma toetu mai i tusitusiga a le au evagelia. Peitai, tatou te vaaia i le Tusi o Faaaliga le Iesu e ese mai nai molimau a le au evagelia. I tusitusiga a le au evagelia, e vaaia ai o Iesu o fealualuai ma soifua o le tagata e pei lava foi o i latou na faatasi ma Ia i na ona po. Manatu Mo Talanoaga: O le a se manatu tatou te maua mai i upu tomua o le Faaaliga 1:1, e faatatau i le tusi o Faaaliga? Faatomuaga (Faaaliga 1:1) E manino le faasolosologa mai o le pule (authority) pe o le aia tatau na faaataina mai ai lenei feau. O Ioane, le tusitala na tusia nei upu uma o le Faaaliga. A o le feau e mai ia Iesu e faatatau ia Iesu. E le se feau mai se tagata, pe faatatau foi i se perofeta tagata. E ui o le tele o ata ma faatusa na faaaogaina e Ioane e faaata mai ai nei valoaga, e tele ina maua uma mai nei ata ma faatusa i le siosiomaga o Ioane ma le Feagaiga Tuai, a o Iesu na Ia filifilia ia ata uma. O le tusi o Faaaliga, e le o ni mafaufauga o Ioane. Na maua mai e Ioane le faaaliga mai ia Iesu Keriso. O le aia tatau la a Ioane, e pei o perofeta o le Feagaiga Tuai ma le Feagaiga Fou, na ia tusia ai upu o lenei valoaga, e tatau ona usitaia (Faaal. 1:3). O le pule pe o le malosi o nei valoaga e maua mai i Le Atua. E manino lava ma ua lapataia ai le au faitau i mala e pagatia ai, pe a faaopoopo pe toesea foi se upu o lenei valoaga (Faaal. 22:18-19). O le molimau a le Faaaliga 1:1, o le tusi o Faaaliga, o le faaalia mai lea o Iesu Keriso. O le faatulagaina o le Faaaliga e Ioane, e sini tasi lava i le faailoa mai o Iesu Keriso. O le faavae tupito lea e tatau ona faanofofaleina i agaga o le au faitau. E tatau ona matua faamamafaina foi e le au suesue o le Tusi o Faaaliga e le o se tusi e na ona faamalieina ai lo tatou fia malamalama i le lumanai. O le totonugalemu o le tusi o Faaaliga e taamilomilo lava i manatu nei: E na o Iesu Keriso e maua ai le faaolataga E iai soo moni o Iesu Keriso E iai e teena Keriso ma Ona soo E lua vaega o le upu Elenei apokalupsis ua faaliliuina faaaliga (apokalupsis: apo aveeseina [away from]; kalupsis le ufiufi [a veiling or covering]). O lona uiga Samoa, apo aveesea (unveiling or uncovering) le ufiufi, e pei ona aveesea o le tapuni o se ulo. A malamalama lelei i lenei upu ma lona uiga tonu na faaaogaina ai, ona fesoasoani lea e faamanuiaina i latou uma e faitau, faalogo, ma faia upu o lenei tusi. E malamalama gofie ai foi isi ata ma aoaoga uma e mulimuli mai. O le a vaaia ma iloa atu ai Iesu i se auala e le i manino muamua iai. Faitau le Faaaliga 1:12-18 Peitai o le sini o le tusi o Faaaliga, o le faamamafaina lea o fe au mai ia Iesu Keriso o i le lagi e faamalosia ai Lana ekalesia i le lalolagi. E tele ina faaaogaina e Ioane ata mai le Malumalu o le Feagaiga Tuai e faaata mai ai Iesu Keriso o i le Mea Paia o le malumalu. O galuega sa faia e le faitaulaga i le malumalu o le Feagaiga Tuai, ia mautinoa o ola ma susulu malamalama lamepa i aso taitasi. E faapena foi le galuega o faia nei e la tatou Faitaulaga Sili o Keriso i le lagi. O loo galue o Ia ina ia susulu malamalama pea le lamepa a Lana ekalesia i le lalolagi, e ui lava e iai mafatiaga ma faigata latou te fetaiai. O ni fe au faatoatoa ma faamalosi loto nei mo i tatou uma. O le tuugalamepa (menorah), o se tasi lea o ata e faaaogaina soo e le Faaaliga. O le ata lenei e faatusaina iai tagata Iutaia, e faapei foi ona faaaogaina e le au Kerisiano le ata o le i a pe o le Satauro i ona po nei. O le a a tatou molimauina le faaaogaina soo e le Faaaliga o lenei ata (tuugalamepa) o le faatusa o ekalesia e Fitu i Asia Ititi. O le faaaogaina o le tuugalamepa, e faailoa mai ai le felatai tele o le faatuatuaga Kerisiano ma le faa-iutaia, le vavalalata tele o le faa-iutaia ma le tala faasolopito o tagata Isaraelu. Na maofa Ioane ina ua faaali mai Iesu ia te ia a o iai i le motu o Patamo. Ona faapau ai lea o Ioane i lona mata u ina ua ia vaaia Iesu (Faaal. 1:7). Na matua ese le Iesu ua vaaia nei mai Le na la feoai i Kalilaia! E foliga tutusa le ata a Ioane ia Iesu, ma le agelu i le Tanielu 10. Peitai e maoae atu Iesu nai ata ona o Iesu o Ia lava o Le Atua. O Lona lauao e pei se fulufulu mamoe, ua faatusa i le kiona ma le afi mumu, o uiga ia o Le e mai Anamua Ona Aso i le Tanielu 7:9. O Lana fetalaiga o Ia lava o Le Muamua ma le Mulimuli (Faaal. 1:17-18), e manino ai ua faaali mai o Ia ia Ioane o Ia lava o Le Atua o le Feagaiga Tuai (Isa. 44:6; 48:12). E moni lava o Iesu, o Ia lava o le Fetu o le Faaaliga i uiga uma o lea faaupuga. O Lana folafolaga i e mulimuli ma le faamaoni ia te Ia, O A u o Le ola nei lava, sa Ou oti, faauta Ou te ola e faavavau, faavavau lava, Amene. O ia te A u foi ki o Seoli ma le oti. (Faaal. 1:18). O se tasi o mea maoa e ua amanaia e sikola o le Tusi Paia i lenei mau: E tai tutusa lelei le faaataina mai e Ioane o Iesu i le Faaaliga, ma le atua tamaitai tautaua o Asia Ititi e igoa ia Hekate. Sa iai le talitonuga faapea o Hekate e iai ki o Seoli, o le nofoaga o e ua oti. Sa talitonu foi tagata i ia ona po faapea e tolu itu ma foliga eseese o Hekate e pule ai i le lagi, lalolagi, ma laloifo o le lalolagi (Seoli). O ona foliga i le lagi e faaigoaina ai ia Selene (Eleni), pe o Luna (Latina) le masina. O lana pule i le lalolagi e igoa ai ia Atemisi (Artemis) pe o Tiana (Galuega 19). O lana pule i laloifo o le lalolagi e igoa ai ia Pesefone (Eleni). Sa faaigoaina foi Heakate, o le amataga ma le gataaga (Faaal. 22:13). O 4

5 lona fealualuai saoloto i le lagi ma le lalolagi, na talitonu ai tagata o le atua fafine lenei o faaaliga. Na talitonu foi tagata e mafai e Hekate ona faaalia i le lalolagi mea e faia i le lagi. Ona o le talitonuga o tagata e ia Hekate ki o Seoli, na manatu ai foi o ia o le atua o le faaolataga. O le fesili la e ono tulai mai: Aisea lava na filifili ai Iesu Na Te faaaogaina lenei ata o talitonuga faapaupau e faailoa mai ai o Ia? E Fetaiai Le Atua ma Tagata i le Siosiomaga o iai Tagata. Fetalai Iesu i le Faaaliga 1:18, o Ia na oti a ua toetu mai. E molimau le Tusi Paia, na faatoilaloina e Iesu Seoli ma le oti i Lona toetu mai. O lea e manumalo ai o e mulimuli atu ia te Ia i le oti. O Nisi o Molimau a Keriso ia te Ia Lava, O Ia: Le Alo o Le Atua Sa iai a o le i foafoaina se mea e tasi E faalologo ma usitai iai agelu Na Te mafaia ona faailoa mai le lumanai E iai le mana e faamagalo ai agasala Na toetu mai nai e ua oti. O Ai Ea La Lenei Tagata e Igoa Ia Iesu Keriso? Sa soifua ea o Ia o se Tagata Ola, Pe Ua Na o ni Tala Faafagogo? Ae tatau foi ona tatou mua i fesili ane: Tatou te talitonu ea sa soifua se tagata e igoa ia Alesana Le Sili? E faapefea ona tatou iloa? Na e vaai ia Alesana le Sili? E manino le tali: E faalagolago lo tatou talitonuga i tusitusiga a i latou na mafuta ma vaai ia Alesana le Sili. Ae afai tatou te aveeseina Alesana mai le tala faasolopito o le lalolagi, e tele pu e totoe e le mafai ona faatumuina e se tasi i le tala faasolopito o le lalolagi. E faapena foi ona tatou faalagolago ia i latou na mafuta ma Iesu latou te ta u mai ia i tatou lenei tagata o Iesu. Afai e le i soifua mai Iesu, e faapefea ona tatou faamalamalamaina le totogo a e o le ekalesia Kerisiano i lenei malo ititi o Palesetina o le nuu sa nofo ai o Ia? E faapefea ona tatou faamalamalamaina le totogo a e o lenei talitonuga i le uluai senituri? E mafai ona faapea le tali: O le molimau aupito sili ona malosi na soifua lenei tagata o Iesu Keriso o le faauasei lea ona totogo a e o le Ekalesia Kerisiano i le Senituri Muamua. Sa soifua le Tusitala Iutaia o Josephus i le TA 37. Fanau mai o ia i aiga tupu o Iutaia. Na tupu a e foi o ia i Ierusalema ma malamalama ai i le ituaiga lenei faa Naserini o le ta u lea sa ta ua ai uluai Kerisiano. E faapea le molimau a Josephus: O le taimi lea na tutupu a e ai nisi o faafitauli ona o le tagata e igoa ia Iesu. O se tagata atamai na faia ni galuega ofoofogia. O le faiaoga o Ia o tagata na taliaina ni mea uiga ese. Na ia taitaieseina Iutaia e toatele atoa foi ma tagata o Nuuese. O le tagata lea na faaigoaina o Le Keriso. Ina ua faalogo Pilato i tala a tagata maualuluga na ia i matou, na ia faasalaina ai loa lenei tagata i le satauro. Sa le i taofia ai le faatupu faalavelave o i latou na muai mulimuli atu ia te Ia, atoa ai ma le ituaiga o Kerisiano, o i latou ia na faaaogaina Lona igoa. E oo lava i ona po nei, o loo tumau pea i latou. E taua lenei molimau ona e faamaonia i lenei tusitusiga na talitonu le uluai ekalesia Kerisiano na taunuu ia Iesu le Mesia na folafolaina. Na latou talitonu foi na toetu mai o Ia nai e ua oti. O loo taumafai pea i latou e tetee i Kerisiano e faapea mai, o le tala o tusia i Evagelia, na faatoa tusia e le ekalesia Kerisiano i senituri mulimuli mai. E manino e le i talitonu Josephus ia Iesu, semanu e avea ai o ia ma Kerisiano. Peitai, ona e le o ia o se Kerisiano, e atili malosi ai lana molimau e faatatau i se talitonuga e le i auai o ia. (1Josephus, Antiguities qw edited by F. F. Bruce in his book, Jesus and Christian Origins Outside the New Testament, p. 39). Na tusia foi e Josephus ni molimau i olaga o Herota ma Ioane le Papatiso. E auga faatasi foi nei molimau a Josephus ma molimau a le Tusi Paia. E iai foi molimau a nisi tusitala Roma e pei o Tacitus ma Pliny, e faatatau ia Iesu ona na la amanaia le salalau o le faa Kerisiano i le malo Roma. O molimau a ia alii e faapea, sa aoao Iesu i Kalilaia i le taimi o Herota Anatipa, ae maliu i Iutaia ona o le moliaga a Kaiafa le Faitaulaga Sili, ia Pilato. Sa la molimauina foi le salalau o lenei talitonuga agai i sisifo, ua oo lava i Roma. E le i natia pe tau faalelei e le eklaesia le tala ia Iesu i senituri e tele, ua oo mai ai lava le tala e pei ona iai i le amataga. O loo iai foi tusitusiga a i latou e ta ua o Tama o le Ekalesia, (Church Fathers) o nisi o taitai o le ekalesia Kerisiano ina ua mavae le au Aposetolo. O i latou ia e iai Clement ma Ignatius, na latou faaaogaina tusitusiga e tutusa lava ma le Tusi Paia ua ia i tatou. E le mafai ona tatou maua molimau manino a nei Tama pe ana fai e lei tusia le Tusi Paia i le uluai senituri. I le Luka 1:1-3, tatou te maua ai foi lea lava molimau e tasi ona sa faaaogaina e Luka nisi o nei tusitusiga. E Faamaonia Ea Na Toetu Mai Keriso Mai Le Tuugamau? O le a se faamaoniga ia i tatou? E le feteenai tusitusiga o le uluai senituri, na fasiotia Iesu. O le faasatauroga o Iesu na faia faalauaitele. Peitai, e leai ni faamaumauga pe ni tusitusiga, faapea na tapuai Kerisiano i Lona tuugamau e pei o le masaniga a Iutaia i se tagata mamalu, tautaua pe maualuga. E leai se tasi na tapuai i le tuugamau o Iesu, ona e leai se tino na iai. Ona o lea, e tatau la ona tatou fesili ai faapea, O ai na ia aveeseina le tino o Iesu mai Lona tuugamau? E le i mafaia e Iutaia ona latou aveeseina Lona tino. A na mafai, semanu e vave lava ona latou faaaogaina Lona tino e tineia ai le tapuaiga a Kerisiano a o le i salalau i tua. 5

6 Na aveesea e soo o Iesu Lona tino mai le tuugamau? O se uiga ese lea pe a na fai na latou aveina Lona tino. E faapefea ona latou aoaoina le faamaoni pe afai o loo latou natia le mea moni? E toatele i latou na maliliu fasia faamaturo, e leai se tasi o i latou ia na faapea ane, Matou te le i vaai lava ia te Ia o toe soifua mai. A na fai e le i soifua, maliu ma toetu mai Iesu, semanu e le mafai ona tatou faamalamalamaina le faafuasei ona totogo a e o le faa Kerisiano i le uluai senituri. O le Faaaliga 1:5-6, o loo faamatalaina ai le mafutaga a le tagata ma Iesu Na Ia fufulu mai foi ia te i tatou ia tatou agasala i Lona lava toto. Faitau le Faaaliga 1:19-20 Ua toe faamamafaina mai foi i fuaiupu nei le vaega atoa o mulimuli mai o le tusi o Faaaliga. Ia e tusi i mea na e iloa, ma mea o iai nei, atoa ma mea e tutupu amuli. O le Faaaliga, o le faasolosologa lea o fe au na tuuina ifo e Iesu ia Ioane ina ia auina atu i Lana Ekalesia. Na tusia e Ioane mea na ia vaaia i le faaaliga. E ui ina faaalia mai uiga o Ekalesia e 7 i Asia Ititi, peitai e iai foi fe au i mea e tutupu i le lumanai i le ekalesia Kerisiano pe a mavae Ioane. Atinaeina nofoaga mo fanau matua oti, o e ua leai ni aiga ma tuulafoaiina Soloia tulaga o pologa ma uiga faapaupau i isi Atinaeina falemai ma fesoasoani i atunuu matitiva Na Ia aoaoina i tatou e faamagalo atu i o tatou fili (mataio 18:1-35). O le a le ituaiga lalolagi semanu e iai pe a na mulimuli tagata uma i Ana aoaoga? E ui e le i avea o se fomai, a o Ana aoaoga ua manuia ai le faitau miliona o tagata i le vevesi o le olaga ina ua latou iloa, e agalelei ma tausia i latou e Le Atua. Na te le i taitaia se autau, peitai o Ona uiga ua tosina ai le faitau miliona mai atunuu eseese, o gagana ma ituaiga, e lafoai atu loto ia te Ia e aunoa ma so Na faaaogaina o se aupega. A o toetoe ina maliu o Ia na Ia faapea mai, E mavae atu le lagi ma le lalolagi, a o A u upu e le mavae lava (Mataio 24:35). Tatou te molimauina i ona po nei le faamaoni o Ana afioga: E iai igoa lauiloa o e popoto, o saenisi, o taitai o malo, na tulai mai ma ua toe mou atu e faavavau. A o le suafa o lenei tagata e tupu tele Lona mana a o taliaina e tagata Ana aoaoga e maua ai le Faamoemoe, le Uiga ma le Mafuaaga o latou olaga. Aisea ea e faapea ai? O le autu o nei fe au, ia faamalosia le kalesia e ui lava e fetaiai ma puapuaga. O le lapataiga a Iesu, ia piimau ma faatuatua pea ia te Ia. E tumau Lona aao fesoasoani se ia tatou saofaga i le lagi. O lenei folafolaga e avea ma fe au e maua ai le toafilemu i le ekalesia: E silafia e Iesu mea o loo tutupu. Na Ia ofoina mai ai fautuaga ma faamalosiga. Na Ia folafola mai foi tatou te mafuta pea ma Ia pe a tatou faamaoni. E Aoga Ea Lo Tatou Manatunatu i Nei Mea? Esili atu i le 2,000 tausaga talu ona fanau mai se tagata i se laueleele e ititi nai lo Tasemania i sauté o Ausetalia. E le i alu o Ia i se aoga maualuga i fafo atu o Lona lava nuu, se i vagana o pepe na sosola ai i Aikupito ma Ona matua mai e na taumafai e fasiotia o Ia. A o ititi lava o Ia na avea ai o se kamuta i le fale kamuta o Lona tama. Na soifua mai o Ia i se olaga mativa ma le le amanaia e taitai o lana tupulaga ma Lona nuu. Ua na o ni nai vaiaso o le olaga o lenei tagata tatou te malamalama iai. A o le tala i Lona maliu ua faatumulia ai le taimi o i latou ua filifili e tusitusia tala o lona olaga. E molimauina pea e le tala tuufaasolopito o le lalolagi o Ia. E iai manatu sa tatau ona mou faatasi atu o Ia ma se malamalamaaga atoa foi ma ni tala ia te Ia ina ua mavae atu lana tupulaga. Peitai, e matua tuufaafeagai lava lea manatu ma le tulaga o molimauina e le talatuufaasolopito o le lalolagi. E ui lava e le atoatoa le molimau ma aoaoga a Ona sui, peitai o loo molimauina le manuia o itu o le lalolagi o loo faaaogaina Ana aoaoga. Na Ia poloaiina i tatou ia faatinoina le Tulafono auro, O mea uma foi tou te loto ia faia e tagata ia te outou, ia faapea lava ona outou faia ia te i latou. (Mataio 7:12). O lenei aoaoga ua agai atu ai ina: Siitia i luga tulaga o tamaitai ma fanau iti 6 All rights reserved Seventh-day Adventist Church South Pacific Division. Not for profit publication. Faatagaina le faaliliuina e Etuati E. Erika eerika@adventist.org.au

7 O Le Ata Tele: 3. O FEAU I EKALESIA I EFESO MA SEMURANA E leai se ekalesia e atoatoa ai le ata o Iesu Keriso. O lona uiga, e eseese uma lava ata o Iesu i ekalesia e 7 o le Faaaliga. E pei lava ona eseese manaoga o ekalesia taitasi, e faapena foi ona faailoa mai e Iesu o Ia le tali o ia manaoga uma o ekalesia e pei ona latou manaomia o Ia. O se tasi o mea muamua ona tatou molimauina i le tusi o Faaaliga, o fe au ia e mai ia Iesu mai le lagi e faalototeleina ai Lana ekalesia i le lalolagi. Na faaaogaina e Ioane ata mai le Feagaiga Tuai e faailoa mai ai o Iesu o loo galue i le Vaega Muamua o le malumalu. O le galuega a faitaulaga latou te tausia lamepa ia susulu malamalama. O le galuega lea a Iesu, le Faitaulag Sili, o loo Ia tausia lamepa o Lana ekalesia lea ia mumu malamalama pea. O le fe au fiafia foi lea mo i tatou. O Feau Mo Ekalesia e 7. O ekalesia e 7, o le uluai 7 lea o faasologa 7 i faaaliga na vaaia e Ioane i le tusi o Faaaliga. O ekalesia e 7, o faamaufaailoga e 7, o pu e 7, o faititili e 7, o mala e 7, mai ipu e 7. E tofu le ata o nei fe au e 7 ma lona faatomuaga e pei o lenei: O le ata o Iesu Keriso i luma o tuugalamepa (Faaal. 1:12-20), e faataimua mai i le faaaliga i feau e 7 i ekalesia e 7 (Faaal. 2 & 3). O le Faatomuaga. O nei faatomuaga e pei ni ata i se fale tele o faagfiafiaga. O le faatulagaina o le tusi o Faaaliga e iai lona uiga pei se faiga o se koneseti i tu faa Eleni. O le faatulagaina o le tusi o Faaaliga sa mafai ona malamalama ai tagata o na ona po, i ata e 7 ma ona faatomuaga e 7 o nei faaaliga. Na faaaogaina e Le Atua auala o faafiafiaga o na ona po, e ala mai ai fe au i mea o tutupu i le univesa. O le mafuaaga o le faaalia mai o nei feau uma, ina ia unaia ai le ekalesia e faaataina atu foliga o Iesu i le lalolagi a o latou mulimuli atu i Ona tulaga aao. Soifuaga o Tagata i Le Uluai Senituri E taua lo tatou malamalama i olaga o tagata ma o latou aai. O le aafiaga o Kerisiano i tu ma aga a ia aai na mafua ai ona tusia le Tusi o Faaaliga. E pei lava ona le tutusa ni tagata se toalua, e faapena foi ona le tutusa ni ekalesia se lua. O le mafuaaga foi lea e eseese ai fe au a Iesu i ekalesia taitasi. E tele lava ina muamua uiga lelei, sosoo ai lapataiga i faafitauli, ae mulimuli folafolaga o faamanuiaga pe a taliaina fautuaga. Feau Faapitoa Mo Ekalesia Taitasi O se tasi uiga ofoofogia o nei fe au i ekalesia e fitu ona e tofu lava le ekalesia ma le ata o Keriso o faailoa mai ai. Faataitaiga: O le ekalesia i Efeso na iai uiga nei o Keriso, O mea nei ua fai mai ai Le uu fetu e fitu i Lona lima taumatau, ma savali o Ia i totonu o tuugalamepa auro e fitu (Faaal.2:1; 1:12-13). O le ata o Iesu i le ekalesia i Semurana o Le muamua ma Le mulimuli, o Le na oti a ua toe ola mai. (Faaal. 2:8; 1:17-18). O le ekalesia i Perekamo, o Iesu o le Pelu e faatau maai ona itu, ua maamamai lava, (Faaal. 2:12; 1:16). Aisea ua na o le 7 ai Ekalesia na Faaaogaina? Na faaaogaina e le tusi o Faaaliga le numera 7 o le faatusa o le atoatoa. E le na o le pau lea o ekalesia i Asia Ititi i lea taimi, peitai na filifilia e Le Atua ekalesia ia e 7 ona o latou uiga e tutusa uma ma manaoga o ekalesia eseese o le talaaga o le ekalesia Kerisiano. O le Tala Faoasolopito O Le Ekalesia Kerisiano E le o faailoa mai e le Faaaliga, pe na tusia le Faaaliga faa talaaga o le lumanai o le ekalesia Kerisiano. Peitai, ina ua faamaopoopoina e le sikola o le Tusi Paia o Philip Schaff vaaiga tetele o le talaaga o le ekalesia Kerisiano, na ia maitauina ai le vavalalata tele o mea uma na tupu i le ekalesia Kerisano ma le faamalamalamaaga a Ioane i ekalesia e 7. A o tusi atu Iesu i ekalesia e 7 e ala ia Ioane, na faia e Ioane lenei galuega faa-perofeta e teena ai aoaoga tau faasese na molimauina ua amata ona aafia ai le ekalesia a Iesu Keriso. Na faailoa e Ioane le lafoaia malie e le ekalesia a Iesu Keriso le faatuatua. Na faailoa foi e Ioane ia i latou o mala latou te fetaiai pe afai e le toe foi i le faatuatua i Le Atua. E faamaonia nei moliaga i le tele o senituri mulimuli ane, a o lapataiga na tusia i le uluai senituri. E faamaonia e le tala faasolopito o le ekalesia Kerisiano, o uiga lava na lapataina ai ekalesia e 7 o le Faaaliga, o uiga lava foi ia o loo molimauina i le ekalesia Kerisiano i le taimi nei. A iai ni uiga o nei ekalesia e 7 e molimauina i le talafaasolopito o le ekalesia tele a Le Atua, ona tatou vaavaai totoa lea i le uiga o lea ekalesia. Sa leai ni autau a Roma sa i Asia Ititi i lea taimi. Na fiafia tagata uma i le filemu, le saogalemu ma le tamaoaiga na latou maua mai pulega a Roma i lea vaitaimi. Na avea lea ma mea na tauva ai aai i faiga e faailoa ai lo latou fiafia i pulega Roma. O se tasi o ia faiga o le tapuai i le taitai Roma i o latou malumalu. Peitai, na lapataia e Ioane ekalesia, e le tumau pea lea filemu ma le manuia mai pulega a Roma. E iai le taimi e oo ai puapuaga ia i latou. O se tasi o lapataiga a Ioane i Kerisiano, ia taumamao ma tagata faapaupau ma a latou tapuaiga. Ia le aai i mea ai na osia ai taulaga i tupua, ma ia le auai ia latou faafiafiaga faapaupau. O le Feau i le Ekalesia o EFESO (Faaal. 2:1-7) E tele nisi o mea lelei sa tautaua ai Efeso. O se ekalesia galulue malosi, onosai, faapalepale, e le vaivai gofie foi ona tagata (fuaiupu 2-3). E loloto ana faautaga ma mautu lona aoaoina o le tala lelei. Na taua ia Efeso aoaoga moni a le Tusi Paia ma latou le taliaina ai aoaoga sese i totonu o ona tagata. E foliga 7

8 mai o se ekalesia manuia tele Efeso. Peitai, e iai lona pona e tasi: Ua mavae malie ese lona uluai alofa (fuaiupu 4). O tagata Nikalati (f 6) E le o matua manino pe o ai nei tagata pe o a foi a latou aoaoga. E molimau nisi tusitala o lea taimi, o soo nei o le tiakono o Nikolao (Nicholas) mai Anetioka, le tasi o le toafitu na faauuina e le ekalesia (Galuega 6:5), ae iu ane ua tetee ma avea o se tasi e manao e pule malosi i tagata. E tele ma faigata nisi o uiga e foliga feteenai i le olaga o le Kerisiano. E le gata ina valaau ia tatou faamaoni, galulue malosi, mataalia, ma malamalama i le Tusi Paia, a ua valaauina foi tatou e Le Atua ia tatou alolofa ma le poto. E le faigofie le taumafai ia paleni nei mea uma. O le taumafai e alofa i se tagata, taumafai foi e sailia pe tonu lona malamalama i le Tusi Paia, e le se mea e faigofie. O le naunau ia sa o talitonuga ma aoaoga a le Tusi Paia, sa o foi ma le faatinoga o ia aoaoga, e tele ina mou malie ese atu ai le alofa le faituaoi. Fetalai Iesu, O le mea lea e iloa ai e le lalolagi o O u soo outou, pe a outou fealofani. (Ioane 13:35) O le Folafolaga (f7) O folafolaga i le fuaiupu lenei, e maua mai i mataupu mulimuli e lua o le Faaaliga, o loo ta ua ai le lagi fou ma le lalolagi fou. Ua faailoa mai e le Faaaliga, e ui e iai puapuaga tetele o le a tutupu i taimi tau faaiuiu o le olaga, ae iu lava i le manuia. O le Faaaliga, o le tusi o le FAAMOEMOE, o le UIGA o le lumanai, atoa foi ma le MAFUAAGA o lo tatou suesueina o lenei tusi. I tala atu o faigata ma puapuaga, ua saunia ai e Le Atua mea silisili mo i tatou. E toe faaiu lava le Tusi Paia e pei ona amataina, o le lagi fou ma le lalolagi fou. Faaaliga 21:1-4 Ua uma ona saunia e Le Atua le Aai Fou mo Ona tagata. O lenei Aai e iai le laau ma le vaitafe o le ola. E tele foi ata e faaaogaina ai nei faaupuga e taumafai e faamalamalamaina ai le Aai moni. E manino le fe au. E tutusa mataupu mulimuli e lua o le Faaaliga ma mataupu muamua e lua o le Tusi o Kenese. Na foafoaina e Le Atua le lalolagi moni ma tagata moni. E faapena foi le moni o le lalolagi fou ma ona tagata e mau ai. O mea uma na aveesea mai ona o le agasala, tatou te toe maua uma lava, a o le a silisili atu ona na afio mai Keriso e maliu mo i tatou ina ia tatou ola ai e faavavau. I le va o nei ata e lua Kenese 1-2, Faaaliga o le tala o le puapuagatia tele o le lalolagi. Aisea e faatagaina ai e Le Atua e faaauau pea nei mafatiaga? O le Fe au i Le Ekalesia i SEMURANA (Faaaliga 2:8-11) O le tala i le ekalesia i Semurana e molimauina ai nisi o faafitauli tetele o loo aafia ai foi o tatou taimi. O le fesili taua e tulai mai: Afai e lelei Le Atua e pei ona molimauina e le Tusi Paia aisea ua faateleina ai le leaga ma mafatiaga i lo tatou lalolagi? O osofaiga a le au faataumaoi Setema 11, 2001, ua toe faamanatu mai ai, e moni o loo tatou auai i se taua tele. Fai mai nisi o le amataga lenei o le taua e ese mai taua uma, ma o se taua foi e foliga mai e le iai sona iuga. E latalata i le 3,000 i latou na maumau o latou soifua i lea faalavelave fuafuaina. O e sa feagai ma galuega ma tiute e masani ai i le taimi na maliliu ai. O i latou na sao mai, sa latou faafetaia Le Atua ma Lana puipuiga. Peitai, e faapefea i latou na maliliu? E faapefea ona tatou faafesootaia Le Atua ma lo latou maliliu? Na sili atu ea le lelei o i latou na sao? Pe na sili atu a latou mafutaga ma Le Atua nai lo i latou na maliliu? O le Tali mo Fesili Taua O nisi nei o fesili taua tatou te faafeagai: Afai o Le Atua e Ona le malosi uma lava, na le mafai ea ona Ia taofia lenei fuafuaga leaga? Afai o Le Atua o le Alofa lava Ia, se a na Ia le taofia ai nei tagata? Atonu la e le se Atua malosi, pe se Atua alofa? Atonu foi e leai se Atua soifua? E tele taimi tatou te manatu ai ua gugu le lagi pe a tatou alaga iai ma foliga mai e leai se o faalogo mai. E foliga mai e leai se malosi e maua ia tatou tatalo. A o loo fai mai pea le Tusi Paia e malosi ma alofa Le Atua. E le se faafitauli puapuaga ma mafatiaga i le tagata e le talitonu i Le Atua. Latou te le manatu e iai se tasi mea e sili atu. Ia i latou, e leai se uiga o le soifuaga pe o se faamoemoe o le lumanai. Tatou te maua nisi o tali i nei fesili e tulai mai pea lava pea, i le fe au i le ekalesia i Semurana. Semurana ma Tagata Roma E le o iai ni vaega o lenei aai o totoe. Ao le tulaga o Semurana anamua, o loo iai le aai e igoa o Izmir i Turkey, e nofoia e tagata tusa ma le 2 miliona. O le taimi na tusia ai le Tusi o Faaaliga, o le taimi lea ua amata ai ona masalosalo le malo o Roma i tagata Kerisiano. Ona o le manatu o Kerisiano ua na o i latou e iai le talitonuga moni, na latou le ofoina atu ai mea manogi ia Kaisara, ma molia ai latou te le lagolagoina le pulega a Roma. E pau vaega o le aai o Semurana mai taimi o Ioane o totoe nei, o le maketi. O le vaega lea o le aai o Semurana na fasiotia faa maturo ai le tasi o taitai o le ekalesia Kerisiano, o Polycarp i le TA 156. Ina ua o atu fitafita e saisaitia Polycarp, na ia ofoina atu ia i latou taumafa, ona fesili atu ai lea ia faataga o ia seia fai muamua lana tatalo ona ave ai lea o ia e fasiotia. Ina ua maea lana tatalo o le 2 itula, na latou toe faatonuina o ia e osia sa na taulaga o mea manogi ia Kaisara e faailoa ai lona tetee ia Iesu Keriso ma faasaoina ai o ia. Peitai na tali Polycarp, 86 tausaga o u auauna ia te Ia, e leai Sana 8

9 leaga na faia ia te a u. E faapefea ona ou upu leaga i lo u Tupu? A o tuuina atu o ia i luga o fafie, sa ia talosaga ia le noanoatia o ia. A o tafea ese le afi e le matagi ma faatuatuai ai ona maliu tigaina o ia, na aapa atu se tasi o fitafita ma le pelu ma faavave uma ai lona ola ma ona tiga. O le amataga lea o puapuaga o Kerisiano i Asia Ititi. E toatele Kerisiano na sosola solo ona o nei sauaga. O nisi na latou eli ana ma fausia ai aai i lalo o le manava o le eleele i Kapatokia (Cappadocia, Turkey). Mativa ae Mauoa O le fetalaiga lenei a Iesu ia Semurana, Ua Ou iloa au galuega, ma lou puapuaga, ma lou mativa [a ua e tamaoaiga] (Faaal. 2:9). E iai le talitonuga a le au suesue o le Tusi Paia, o le mativa lenei e faatatau i le le tagolima. A o le mauoa e faatatau i le faaleagaga. Na mauoa Semurana i faamanuiaga o le tala lelei o mea faaleagaga. Na fetalai Iesu: ma le upu faifai mai (a e manatu) o Iutaia i latou, ae leai lava, a o le sunako o Satani i latou. E foliga mai na mou malie ese le sootaga a Iutaia ma le ekalesia Kerisiano, ona fesagai ai lea o le ekalesia ma sauaga. E oo mai i le senituri lona lua ua faatulafonoina e Roma ia ifo tagata uma, sei vagana tagata Iutaia, i lo latou taitai. Na faatagaina e Roma tapuaiga Iutaia ona o le leva o lo latou talafaasolopito. Ona sa manatu Roma o uluai Kerisiano o Iutaia foi, o lea na sao ai Kerisiano Nuuese i sauaga. Ae na iai mafuaaga na faaeteete ai foi Iutaia latou i le pipii atu i Kerisiano. 25 tausaga muamua atu ai na osofaia ai e Iuatia fitafita Roma ona faatafunaina ai lea e Roma Ierusalema ma le malumalu. E faitau afe Iutaia na maliliu ai. Na manino ai Iutaia e vave lava ona soloia la latou sootaga filemu ma Roma, pe a faalogo Roma i talaiga a Kerisiano o le Mesia, o Ia o le tupu. E Leai Se Mata u i Le Alofa (f10) I le taimi na tusia ai le Faaaliga, sa iai faafitauli i le va o tagata Iutaia ma taitai o le aai o Semurana. A talanoaina la e Kerisiano Iutaia Iesu le Mesia, ma le iuga o le lalolagi, ona atili ai lea ona faatuputeleina o feteenaiga i nei vaega e lua. O le mafuaaga lea e tatau ona tatou malamalama ai i le uiga o le faaupuga, faifai. Aua lava e te fefe i mea o le a e tiga ai. Faauta, o le a tuuina atu ni o outou e le tiapolo i le fale puipui, ina ia tofotofoina ai outou. E po agafulu foi e puapuagatia ai outou. (fuaiupu 10). O le faaupuga, po agafulu, e masani ona faaaogaina pe afai e puupuu se taimi e faatatau iai (Kenese 24:55; 1Sam. 25:38; Galuega 25:6). O le, po agafulu, o le taimi lea e tofotofoina ai le faamaoni ma le tumau o le ekalesia i Semurana, e pei o aso e sefulu na tofotofoina ai Tanielu ma ana uo i Papelonia (Tan. 1:12-15). Fetalai Iesu i Uluai Kerisiano Aua e te fefe i mea o tofotofoina ai oe. Aisea? E faigofie lava le tali: E leai se fefe i le alofa... a o le alofa e faateaeseina ai le fefe... ua tatou alofa aua na muai alofa mai o Ia ia te i tatou. (1Ioane 4:18-19). O i latou o e matatau i Le Atua ua latou tuuina atu i latou ia te Ia ona le toe iai lea o se mea e toe matatau ai. Ua latou talitonuina o Ia i soo se mea. E le faatagaina e Le Atua se mea e tasi latou te le manuia ai. Na Te le faatagaina foi se mea tatou te le gafatia pe afai tatou te tumau ia te Ia. E ui lava e iai taimi e maua ai i tatou e tulaga faigata, ae le tatau lava ona faapopoleina ai i tatou. Manumalo i le Oti (f10) Ia e faamaoni seia oo i le oti, ona Ou avatu ai lea ia te oe o le pale o le ola. O le pale lenei e ta ua o le setefano (stephanos), i le gagana Eleni e tuuina atu na o e manumalo i taaloga o le Olimipeka. Na faamalosi atu Iesu ia mulimuli i Ona tulaga aao. Atonu e maliliu ai, peitai Na Te toe faatutu mai i latou i le ola e faavavau i le malo e sili atu. Fuaiupu 11, O Le Oti Faalua. O le Faaaliga 20:6-10 o le faamatalaga lea e faatatau i le aso e faasalaina ai e faavavau e Le Atua o e amioleaga. O le oti lea na maliu ai Iesu mo i tatou pe afai tatou te taliaina o Ia. Tali Mo Mafatiaga Nei O loo tatou ola i se lalolagi e tutupu ai mea leaga. E faapefea ona tatou fesagai ma nei mafatiaga? Tatou te maua ea ni tali mai le tusi o Faaaliga? A o tatou taumafai e tali nei fesili, e iai foi nisi fesili e ono aliai mai: O a ea Uiga Moni o Le Atua? E taalo ea Le Atua ia i tatou? E luluina ea e Le Atua le lalolagi? E faaoso ea e Le Atua galu lolo? O Le Atua ea la lenei na fetalai mai ai Iesu? E tasi lava le e tusilima iai le Faaaliga, o le mafuaaga o mea leaga uma, o le tiapolo lea e toatasi, Faauta, o le a tuuina atu ni o outou e le tiapolo i le fale puipui, ina ia tofotofoina ai outou. (Faaal. 2:10). E le mafai ona tatou suesueina umi le Faaaliga e aunoa ma le tau atu ia Satani ma ana agelu leaga. E manino foi le tala ia Satani i le tusi o Faaaliga. O le Faaaliga 12:7-12, e molimau i le tuliesea o Satani mai le lagi i le lalolagi. Manino foi le maolimau a le Faaaliga e iai le aso e faailoaina ai e Le Atua mea lililo uma o i tua atu o le pupuni o le tala faasolopito o le lalolagi. Pe a tatou vaaia le ata atoa, ona tatou malamalama ai lea sa pulea lava e Le Atua mea uma na tutupu i Lona lava faamaoni i Lana lava foi auala (Faaaliga 15:3-4; 19:1-2). I le iuga tusa ai ma le Faaaliga 20:10 e faaumatia ai le tiapolo ma e mulimuli ia te ia. 9

10 E Faalagolago le Olioli i le Talitonuina o Ia. O le fesili tupito i le tusi atoa o Faaaliga, pe faamaoni ea Le Atua i Ana auala? O se tasi talitonuga, o loo faamasinoina nei Le Atua. O lo tatou fiafia e faalagolago lea i lo tatou talitonu, Ioe. E faamaoni lava Le Atua. I le faaiuga o le Faaaliga tatou te vaaia ai le lagi fou ma le lalolagi fou mo e faamaoni ia te Ia. E suesueina auiliili lea i se taimi. O le mataupu e matua maofa ai. Ae faapefea ona tatou olioli pe afai e le faamaoni Le Atua? O le Tali Tupito o Tatou Mafatiaga: O Lo Tatou Faatuatua Lea Fetalai Iesu e faatatau i le faatuatua e pei o tamaiti, (Mataio 18:3). E le masino mea tatou te le malamalama iai, ae tatou te talitonu e iai le aso e faamalamalamaina uma ai e Le Atua. Tatou te molimauina i Ana afioga, e le i tutu mamo Le Atua ma i tatou. Na afio mai o Ia e mau faatasi ma i tatou ina ua fanau mai Lona Alo o Iesu ma avea ma se tasi o i tatou. E pei lava ona faailoa mai e Iesu, e iai taimi tatou te mafatia ma faalataina i tatou e i latou e fai mai, o i latou e mulimuli i Le Atua, a o fanau i latou a Satani. O le a taumafai Satani e tuuina i tatou i falepuipui. A e faamaoni, tusa lava pe oti ai, ona e maua lea o le pale o le ola. E manaomia lo tatou talitonu ia Iesu. O le fe au lea a Iesu i le ekalesia i Semurana. All rights reserved Seventh-day Adventist Church South Pacific Division. Not for profit publication. Faatagaina le faaliliuina e Etuati E. Erika eerika@adventist.org.au

11 O le Ata Tele 4. O FEAU I EKALESIA I PEREKAMO MA TUATIRA. latou o e na lafoaia o latou talitonuga, ma latou ifo ai i o tatou atua, ma avatu uaina ma mea manogi i luma o lou faatusa, ae maise ina ua latou fetuu ia Keriso, o se mea e le faia e se Kerisiano moni. Na fautuaina e Iesu ekalesia taitasi nei e fitu e tusa ma o latou uiga ma manaoga. A o auina atu e Iesu nei fe au, na Ia faailoa atu o latou uiga malolosi atoa foi ma vaivaiga. Na Ia lapataia foi i latou i iuga o a latou filifiliga. O tulaga ma uiga eseese o nei ekalesia taitasi, o tulaga lava foi ia ma uiga o loo vaaia i ekalesia Kerisiano taitasi talu mai lava le uluai senituri. O le fe au i Efeso, ia toe foi i le uluai alofa, o Semurana, ia faamaoni, tusa lava pe sauaina. O fe au nei e faalototeleina ai i latou a o fegai ai ma puapuaga ma tiga. O le fe au faalototele lenei i le ekalesia i Perekamo a o fesagai foi ma faafitauli mai totonu lava ina ua filogia le faatuatua i aoaoga sese. O le fe au na auina ia Tuatira a o faafeagai ma faafitauli o perofeta pepelo na taitaiina ese ai nisi mai le mea moni. Fe au i le Ekalesia i PEREKAMO(Faaal. 2:12-17) Ua faga tonu lava le malama, e Iesu ia Perekamo: Ua Ou iloa le mea e te nofo ai, o iai le nofoalii o Satani. O le aai o Perekamo, o le nofoaga lea sa ogatotonu ai tapuaiga faapaupau ma lamatia faatasi ai ma le ekalesia Kerisiano i aoaoga sese. E tolu ni mea na faamamafaina e Iesu ia Perekamo: 1. E matautia le nofoaga o iai le ekalesia. 2. Ia tumau i le suafa o Iesu Keriso. Na fasiotia le tagata e ioga ia Anetipa o le tetee i tagata uma lava e ui e le mailoa pe o ai tonu lenei tagata. A o lona igoa ua talafegai ma le tuuaiga a tagata o Nuuese faapea, e inoino Kerisiano i tagata uma lava. Na avea lea ma mea e tuuaiina ai Kerisiano e le malo o Roma ona o le le auai i nisi o tu ma aga faalauaitele atoa ma tapuaiga i tupua na faatonuina tagata uma o le malo ia auai. Na talitonu tagata lautele, e le fia mafuta Kerisiano i mafutaga e faatino ai tu ma aga a Roma ona e manatu e eleelea ma malaia ai. E ui e le o ta ua mai i le Tusi Paia, ae foliga mai na fasiotia e le kovana Roma o Pliny Anetipa ona o ia o le Kerisiano. Sefulu ma le lima tausaga mulimuli ane ai, e faapea le molimau a Pliny ia Trajan le taitai Roma: Na ou fesiligia i latou pe o i latou ni Kerisiano. A faapea mai, E moni lea, ona ou toe fesiligia lea faalua ma faatolu foi, ma ou faamatau atu ia te i latou i le sala. O i latou na tumau pea, na ou faatonuina ia fasiotia ona ou te manatu, pe o le a lava lea mea e talitonu iai, e tatau lava ona faasalaina i latou i lo latou le fetuutuunai.... Ae na ou faasaolotoina i Na tali mai Trajan e le tatau ona sailia Kerisiano ma faamasinoina i latou i ni moliaga e le mautu. Ae afai e faamaonia le moliaga, ona faia lea pei ona molimauina e Pliny. E foliga mai na iai se tuaoi le malie pe le fiafia se Kerisiano Iutaia pe Nuuese foi na moliaina Anetipa i le kovana. Manatu i lea ituaiga olaga, e te le iloa pe o ai e ono molia oe i le malo ona o lou talitonuga. 3. E iai Faafitauli i le Ekalesia (Faaal. 2:14). A ua ia te A u ni nai mea ia te oe, ona ua ia te oe o e ua taofi i le mataupu a Palaamo, o le na aoao ia Palako e tuu atu le mea e tausuai ai i luma o le fanauga a Isaraelu, ona ia aai i mea na fasia mo tupua, ma ia latou faitaaga. O Le Faatuutuu i Aoaoga Sese. Na taliaina e nisi o le ekalesia i Perekamo aoaoga a Palaamo o lona uiga ua le popole tele i latou i aoaoga ma uiga sese. Latou te le i teena Keriso, a o le taimi lava e tasi, latou te le i teena foi aoaoga sese ua filogia ai le mea moni. E foliga mai foi na iai nisi o le ekalesia i Perekamo sa auai atu i faafiafiaga faapaupau ma aai i mea ai na osia ai taulaga i tupua. Na auai nisi o Kerisiano i ia uiga faapaupau ma fai ma mea na faaseseina ai Kerisiano vaivai. Pei o le fe au ia Efeso, o lea foi ua toe ta ua le au Nikalaitai (fuaiupu 15), ma faatusatusa ai ma uiga faa Palaamo. O igoa ia e lua Nikalaitai (Eleni) ma Palaamo (Iutaia), e tasi lava lo la uiga o le faatoilaloinaina tagata. Na le fiafia Efeso i nei uiga faapaupau, ae na le popole tele iai Perekamo. O le sini o le fe au ia Perekamo, e matautia tele le faatagaina o aoaoga sese e ofi mai ma lamatia ai le faatuatuaga Kerisiano. Aisea e matautia ai aoaoga sese? Ua faafilogia e Kerisiano Perekamo o latou talitonuga i aoaoga faapaupau. O le fefiloi o le sa o ma le sese o se mea e solosolo malie mai. E manaia le fiafia mai o tagata ia te oe. Ae matua le talafeagai lava lea ma Iesu Keriso. O le mafuaaga lea e valaau ai Iesu e liliu ese ma ia salamo (Faaal. 2:16). Folafolaga mo e Manumalo (Faaal. 2:17) E le gata i le valaau ia salamo, e iai foi le folafolaga o le faamanuiaga: O le manumalo, Ou te avatua iai le manai lilo e ai ai. Ou te avatua foi ia te ia le maa sinasina, ua tusia foi i le maa le igoa fou, e le iloa e se tasi ua na o le ua maua. O le maa sinasina i faamasinoga o ia ona po, o le faailoga lea ua soloia se moliga. Manai Lilo: Na foaiina e Le Atua i le fanauga a Isaraelu le manai e aai ai a o latou sopo mai Aikupito. Ina ia latou manatua pea le auala na taitaiina ma fafagaina ai i latou e Le Atua, na tuuina ai i totonu o le ie pupuni o le malumalu le ipu manai. O le manai lilo, o Iesu Keriso lava lea (Ioane 6:33). 11