Ulutala o Lesona. Telefoni * Fax * Website: *

Transcription

1 Ulutala o Lesona 1. Le Atua 2. O le Amataga o le Agasala 3. O le Foafoaga ma le Pa ū o le Aigā Tagāta 4. O le Fuafuaga o le Faaolataga 5. O le Togiola i faatusa 6. Laveaiga Mai i Aikupito 7. O le Malo o le Atua i le Lalolagi 8. O se Ata o le Malumalu i le Lagi 9. Potu e Lua 10. O le Lotoā 11. O le Tofiga o Faitaulaga 12. O le Tala Lelei i Auaunaga o le Malumalu 13. O le Soifuaga o Keriso a o le i fanau mai i le tino tagata O Lesona Faale-Tusi Paia o le Sapati, o se suesuega faapolokalame lea o aso taitasi o loo faavae atoa lava i le Tusi Paia ma le Agaga o Valoaga e aunoa ma ni manatu faaopoopo. O siitaga ua matuā pupuu lava ma maoti ina ia maua ai manatu manino ma le tuusao. O puipui [ ] o loo faaaoga i nisi o taimi ina ia mautinoa ai le manino, ma le malamalama lelei i le atoaga o le manatu o loo talanoaina, ma faigofie ai ona faitau. O loo matua fautuaina lava le suesueina atili o tusi o loo aumaia ai a tatou suesuega. O Lesona Faale-Tusi Paia o le Sapati (USPS ), Vol, 87, No. 1, Ianuari- Mati, Saunia i kuata taitasi e le Matagaluega o le A oga o le Sapati a le Koneferenisi Aoao a le Faagaioiga Toe Fuatai Aso Fitu o le Toe Afio Mai. Aiā o Meatotino 2010, lomia ma tufatufaina e le Reformation Herald Publishing Association, 5240 Hollins Road, Roanoke, Virginia , U.S.A. AMERIKA ma CANADA Telefoni * Fax * Website: * info@sdarm.org AUSETALIA Telefoni * Fax * Website: * info@sdarm.org.au SAMOA P.O. BOX 6458 APIA, SAMOA Lesona: 1

2 Upu Tomua I le avea o i tatou ma tagata o le Faagaioiga Toe Fuatai Aso Fitu o le Toe Afio Mai, o loo tatou i le lotolotoi o le toaitiiti o loo naunau loloto lava i le mea moni lea ua ia i tatou se faafanoga e tatau ona inoino i ai ma se lagi e tatau ona maua (The Desire of Ages, p. 636). E lē tele ni ala agai atu i le lagi. E lē mafai ona filifili e tagata taitoatasi lona lava ala. Fai mai le fetalaiga a Keriso, O a u o le ala:... e leai lava se tasi e alu atu i le Tamā, pe a lē ui mai ia te A u (Ioane 14:6). Talu mai lava ona laugaina le uluai lauga o le tala lelei, ina ua fetalaia mai i totonu o Etena o le a tuimomomo e le tama a le fafine le ulu o le gata, o loo siitiaina ai lava Keriso o Ia o le ala, upu moni, ma le ola.... Ua na o Ia lava le ala e mafai ai ona tatou o atu i le Atua. Ibid., p E ui lava ina o le a lē talia Keriso e le lalolagi ona e lē o vaai atu le lalolagi ia te Ia, e lē iloa foi o Ia e le lalolagi (Ioane 14:17), ae tatou te iloa o Ia ona sa tatou faaulufaleina mai o Ia ina ua Ia tu itu i mai i le faitotoa o ō tatou loto (Faaaliga 3:20). Na Ia tatalo i le Tamā: O le ola e faavavau lava lenei, ina ia latou iloa oe le Atua moni e toatasi, ma Iesu Keriso, o Lē ua Ē auina mai (Ioane 17:3). E tusa ai ma le faamatalaga a Ioane le aposetolo, o le igoa lea e tasi, o le Atua moni, e patino i le Tama ma le Alo. Ma ua tatou iloa ua afio mai le Alo o le Atua, ma ua Ia foai mai ia i tatou se malamalamaaga, ina ia tatou iloa o Ia o Lē e moni, ma ua tatou i totonu ia te Ia o Lē e moni, i totonu lava o Lona Alo o Iesu Keriso. O le Atua moni lenei, ma le ola e faavavau (1 Ioane 5:20). I le mataupu e faatatau i lo tatou faaolataga e lē lava lo tatou iloa e faatatau ia te Ia; e tatau ona tatou iloa o Ia, vaai atu ia te Ia e ala i le faatuatua, ma mulimuli ia te Ia i mea uma e alu i ai o Ia (Faaaliga 14:4). O Ia o lo Tatou Faitaulaga sili i le malumalu i le lagi, i le nofoaga na Ia ulufale atu i ai ina ia iloa ai o Ia... mo i tatou. O le mea foi lea e mafai ai ia te Ia ona matua laveai ia i latou o ē e o atu i le Atua e ala atu ia te Ia (Eperu 7:25; 8:1, 2; 9:24). Ina ia mafai ai ona tatou mulimuli atu ia te Ia e ala i le faatuatua ma ia tatou malamalama ai i le galuega i le malumalu faalelagi i aso mulimuli nei, o lea ua tatalaina mai ai le nofoaga Sili ona Paia i totonu o le malumalu faale-lagi i luma o mata o lo tatou malamalamaaga (Faaaliga 11:19). I le tausaga atoa o le 2011, o le a tatou suesueina ai e ala i le alofa tunoa o le Atua, le fuafuaga o le faaolataga e fesootai ma le malumalu. E amata i le lesona lenei o le kuata muamua, O le Fuafuaga o le Faaolataga ma Auaunaga o le Malumalu, matou te tatalo ina ia faamaonia le avea ma faamanuiaga o faasologa atoa o lesona nei. Tau ina ia aumaia faalatalata e nei lesona i tatou i le Alii ma fesoasoani ai ia i tatou i le saunia o i tatou mo Lona toe afio vave mai. O le Matagaluega a le A oga o le Sapati a le Koneferenisi Aoao 2

3 Lesona 1 Sapati, Ianuari 1, 2011 Le Atua A o le i fanaua mai mauga, a o lei faia foi e oe le lalolagi ma le atu laulau, o le Atua oe mai le vavau e oo i le faavavau (Salamo 90:2). O le Atua sa i ai lava i le taimi ua tuanai. O Ia o LĒ OLA Silisiliese.... E lē mafuatia o Ia ma i ai i soo se mea. E leai ni a tatou upu e mafai ona faamatala ai Lona silisiliese ma Lona mamalu. Medical Ministry, p. 92. Faitauga Fautuaina: Testimonies, vol. 8, pp Uluai Aso Tesema O SE FAAALIGA FAATINOINA O LE ATUA a. O le a le tele o le latalata mai o le Atua ia i tatou? Galuega 17:24-27; Ieremia 23:24. b. Ina ua mavae le ō ese mai nai Aikupito, na faapefea ona nofo faatasi le Atua ma le aiga tagata i se auala na mafai ai ona vaai tagata i Lona mamalu ma Lana amio? Esoto 25:8; Salamo 63:2. O le a le igoa o le mauga na tulai ai i luga le malumalu o le Atua? Salamo 9:11; 76:2. c. O le a se mea na a oa oina e faatatau i le Atua e auaunaga o le malumalu ma le fuafuaga o le faaolataga? Salamo 77:13; 68:24. O le sauniga mamalu o le fasia o le manu ma le tapuaiga i le malumalu ma upu na tautala ai perofeta o se faaaliga lea o le Atua. Patriarchs and Prophets, p O upu moni tetele na faailoa mai e faatusa i auaunaga o le malumalu, sa faailoaina mai, ma na pu eina e le faatuatua le auga autu o lena faatulagaga atoa uma o le Tamai Mamoe lea a le Atua, o le a na aveesea le agasala a le lalolagi. Education, p

4 d. O le a le faamafanafanaga na maua e le tupu o Tavita ina ua ia vaai a e i le nofoaga o le malumalu i Ierusalema? Salamo 122:1; 134:3. Aso Gafua Tesema O LE MAFUAAGA O LE FAUINA O LE MALUMALU a. I le tuuina atu o le malumalu ia Isaraelu, o ai ma o le a se mea na faamoemoe le Atua o le a latou maua? Salamo 27:4, 5; 84:1-5, 10. Mai i le avea o i latou ma tagata pologa, o tagata Isaraelu na siitiaina i latou i luga a e o malo uma lava ina ia avea ma oa faapitoa a le Tupu o tupu. Na vavae ese i latou e le Atua mai i le lalolagi, ina ia mafai ai ona Ia tuuina atu ia i latou se tiute faapitoa. Na Ia faia i latou ma tagata tausi mea o Lana tulafono, ma na Ia fuafua, e ala atu ia i latou, ina ia faatumauina i le lotolotoi o tagata, le malamalamaaga e faatatau ia te Ia. Na faapena ona fuafuaina ina ia susulu atu le malamalama o le lagi i se lalolagi ufitia i le pogisa, ma o le a faalogoina ai se leo o ole atu i tagata o malo uma ina ia liliu ese mai i lo latou ifo i tupua ina ia latou auauna i le Atua soifua. Patriarchs and Prophets, p Na faatonu atu le Atua ia Mose mo Isaraelu, Ia latou faia foi mo A u se malumalu, Ou te nofo faatasi ai ma i latou (Esoto 25:8), ma na Ia afio i totonu o le malumalu, i le lotolotoi o Ona tagata. I a latou faigamalaga vaivai ma le mafatia uma i le vao, sa ia i latou lava le faailoga o Lona faatasi mai ia i latou. The Desire of Ages, p. 23. b. O a aiaiga na mafai ai ona nonofo tagata o le Atua i totonu o Lona malumalu, e ala i le faatuatua? Salamo 15:1-5. O le a le mautinoaga sa tuuina atu ia i latou? Salamo 91:1-9. O le a se mautinoaga ua ia i tatou e avea o se taula mausali mo le agaga? Eperu 6:19, 20; 10:19, 20. Ia Isaraelu, o ē na naunau le [Atua] ina ia avea ma Ona nofoaga e afio ai, na Ia faaalia atu i ai le faataitaiga silisili matagofie ma atoatoa le lelei o Lana amio. O le ata o Lana amio na faailoa atu ia i latou i le mauga ina ua tuuina atu ia i latou le tulafono mai i Sinai.... Peitai o lenei amio atoatoa le lelei a le Atua na leai so latou malosi, i totonu ia i latou lava, latou te ausia ai. O le faaaliga i Sinai sa na ona mafai ona faailoa atu 4

5 ai ia i latou lo latou manaoga ma le leai o so latou fesoasoani. O se isi lesona na fuafuaina e a oa o mai e le malumalu, e ala i ona auaunaga o taulaga i manu fasia, - o le lesona lea o le faamagaloina o agasala, ma le mana e maua e ala i le Faaola mo le usitai e ola ai. Education, pp. 35, 36. Na fuafua le Atua o le malumalu i Ierusalema e tatau ona avea ma molimau i taimi uma i le iuga maualuga ua tatalaina atu mo agaga uma lava.... O lotoā o le malumalu i Ierusalema, faatumuina i pisapisao lē paia o fetauaiga, na faatusa moni atoa mai ai lava le malumalu o le loto, ua faaleagaina e ala i le i ai o lagona o tuinanauga eseese o le tino ma manatu lē paia. I le faamamāina o le malumalu mai i tagata faatau mai ma faatau atu o le lalolagi, na faailoa mai ai e Iesu le auga o Lana galuega ina ia faamamaina le loto mai i le faaleagaina i le agasala mai i faanaunauga faale-lalolagi, o tuinanauga faapito, o masaniga leaga, o loo faaleagaina ai le loto. The Desire of Ages, p Aso Lua Tesema O LE ATUA E I AI I SOO SE MEA a. O ai o loo ala mai ai le afio faatasi o le Atua ma tagata taitoatasi o Ana auauna? Isaia 57:15; 66:1, 2; Ioane 14:16, 17, 23. O le a Lana aiaiga ina ia mafai ai ona afio i totonu o i tatou? O le Agaga Paia o le sui lea o le Atua, peitai e lē o i ai uiga faale-tagata, ma e tutoatasi lava ia. O le taofia o Keriso e le tino tagata, o lea na lē mafai ai e Ia ona i ai i nofoaga uma lava. O lea na aoga ai mo Ona soo Lona alu atu i Lona Tama, ma auina mai le Agaga ina ia avea ma Ona sui i le lalolagi lenei. E leai la se tasi na mafai ona sili atu nai lo isi ona o le nofoaga o loo nofo ai poo lana faatasiga foi ma Keriso. O le a mafai ona maua e tagata uma lava le Faaola e ala i le Agaga. O le uiga lea o le a sili atu ai ona Ia latalata mai ia i latou nai lo le tulaga e i ai pe ana faapea e le i afio a e o Ia i le lagi. The Desire of Ages, p Afai tatou te iloa le Atua, ma Iesu Keriso o Lē na Ia auina mai, o le fiafia e lē mafaamatalaina o le a o o mai i le agaga. Oka, le tele o lo tatou manaomia o le faatasi mai a le lagi! O tagata faigaluega taitasi uma lava e tatau ona manavaina a e lana tatalo i le Atua mo le papatisoga a le Agaga Paia. O vaega o tagata e tatau ona faapotopoto faatasi ina ia valaau atu i le Atua mo le fesoasoani faapitoa, mo le poto faalelagi, ina ia iloa ai e tagata o le Atua le auala e fuafua ma fafau ma faataunuuina ai le galuega. Testimonies to Ministers, p

6 b. O faapefea ona faailoa atu e aposetolo o Paulo ma Ioane aiaiga e mafai ai ona tatou maua le faatasi mai o le Atua ia i tatou? 1 Korinito 3:16, 17; 1 Ioane 3:24. I totonu o le loto faale-tagata ua faamamaina mai i amioga eleelea uma lava, ua afio ai le Faaola pele, faaleleia ai, faapaiaina ai le natura atoa, ma faia ai le tagata o se malumalu mo le Agaga Paia. Ibid., pp. 387, 388. O le tofotofoga lenei; o le faamaoniga o lo tatou alofa, o le faatuatua lea e galueaina e le alofa ma faamamaina ai le agaga. O lē e lē alofa mai ia te A u e lē tausia e ia A u upu. Ioane 14:24. O lē ua ia te ia a u poloaiga ma tausi i ai, o ia lea e alofa mai ia te A u: o lē e alofa mai foi ia te A u o le a alofagia o ia e Lo u Tama, o le a Ou alofa foi ia te ia, o le a Ou faaali foi ia te ia. Ioane 14:21. O se folafolaga lenei e i ai ona aiaiga. E lē tatau ea ona tatou faaiuina ma le poto le manatu lea, o le mafuaaga ua matua laitiiti tele ai le iloaina e le ekalesia o le faatasi mai o le Atua, ona o lo latou lē naunau e faia mea ia ua Ia faatonu maoti mai, ma o loo latou avatu ai i le lalolagi se faatusa sese o le amio a Keriso. The Ellen G. White 1888 Materials, p Aso Lulu Tesema O LE FAAALIAINA O LE ATUA a. Talu ai ona e lei i ai lava se tagata ua vaai i le Atua le Tama, o le a se mea e tatau ona tatou iloa e faatatau i lo tatou manaomia o le faaaliaina mai o Keriso? Ioane 1:18. E pei ona faia e le tautala i manatu, e faapena foi Keriso i le Tama lē vaaia. O Ia o le faaaliga o le Tama, ma ua faaigoaina o ia o le Upu a le Atua. Na auina mai e le Atua Lona Alo i le lalolagi, na faaofuina Lona itu Atua i le tino tagata, ina ia mafai ai ona faailoa atu e le tagata le faatusa o le Atua lē vaaia. Na Ia faailoaina mai i Ana Upu, i lana amio, i lona mana ma lona mamalu, le natura ma uiga o le Atua. O le itu Atua na faaalia mai e ala i le tino tagata i le malamalama agalelei, ma le agamalu. O Ia o le tino o le tulafono a le Atua, o upu tusitusia ia o Lana amio. The SDA Bible Commentary [E. G. White Comments], vol. 5, p

7 b. O le a le uiga o le fetalaiga a Keriso ina ua Ia fetalai mai o i latou e mamā o latou loto o le a latou vaai i le Atua? Mataio 5:8. E faapefea ona tatau ona aafia o tatou olaga i lenei tulaga i se auala faatinoina? O ē e mamā o latou loto latou te iloa le Atua foafoa i galuega a Ona aao malosi, i mea matagofie o loo aofia ai le lalolagi atoa. I totonu o Lana Upu tusia ua latou faitauina ai i upu manino lava le faaaliga o Lona alofa tunoa, o Lona lelei, ma Lona alofa. O upu moni o loo natia mai i ē popoto ma ē atamamai ua faaalia mai i pepe. O le matagofie ma le taua tele o le upu moni, lea e lē o vaaia e tagata popoto faale-lalolagi, o loo faaalia i taimi uma lava ia i latou o loo i ai se faanaunauga talitonu, faatuatua e pei o se tamaitiiti ina ia latou faia le finagalo o le Atua. Tatou te iloa ma malamalama e ala i lo tatou tofusia, o i tatou lava, i le natura faale-lagi. Thoughts From the Mount of Blessing, pp. 26, 27. O ē mamā o latou loto o le a latou vaai i le Atua. O Lona faatasi mai e mafai ona faaalia; ae e lē mafai ona malamalama i ai. O lenei malamalamaaga e matua ofoofogia lava mo i tatou. O loo i ai lagona e lē mafai ona faamatalaina. O nisi o mea e lē mafai ona tautalagia e se tasi. E lē mafai e upu, ma e matua lē mafai foi e o tatou manatunatuga ona mafai ona malamalama i mea uma; auā o loo i ai se faamatalaga lē mafaamutalia i tua atu o o tatou manatu. Afai tatou te mananao e avea i tatou ma tagata faigaluega faatasi ma le Atua, e tatau ona tatou talanoa tuusa o lava ma Ia: e tatau ona tatou ole atu mo Lana taitaiga i mea uma lava tatou te faia. Manuscript Releases, vol. 6, p Aso Tofi Tesema O A UIGA O LE ATUA? a. O le a le amio a le Atua? Teuteronome 32:4; 1 Peteru 1:16. b. O a isi uiga e patino i le amio a le Atua? Esoto 34:6; 1 Ioane 4:8. c. O a tapulaa o loo faavaeina ai le nofoalii o le Atua? Salamo 89:14. O le a se mea o loo siomia ai le nofoalii o le Atua? Faaaliga 4:3. Faamatala pe faapefea ona o gatasi le faamasinoga tonu ma le alofa tunoa i le fuafuaga a le Atua. Salamo 85:10. 7

8 E lē na o le faamasinoga tonu lea e tatau ona faatumauina; auā o lenei faiga o le a punitia ai le matagofie o le nuanua o le folafolaga i luga a e o le nofoalii; e mafai ai e tagata ona vaaia na o le faasalaga o le tulafono. Ana faapea e leai se faamasinoga tonu, leai se faasalaga, o le a leai foi se mausali i le faigamalo a le Atua. O le tuufaatasia o le faamasinoga tonu ma le alofa tunoa lea e faaatoatoaina ai le faaolataga. O le tuufaatasia o vaega nei e lua, e taitaia ai i tatou, a o tatou vaavaai i le Faaola o le lalolagi ma le tulafono a Ieova, ina ia tatou alaga faapea, O lou agamalu foi ua faasilisiliina ai a u (2 Samuelu 22:36). God s Amazing Grace, p. 70. d. O le a le faamaoniga e iloa ai e le gata ina foafoaina e le Atua agelu ae na Ia foafoaina foi tagata ma filifiliga saoloto? Teuteronome 30:19; Iosua 24:15. E lē fiafia le [Atua] i se usitai e faamalosia; ma ua Ia foai mai i tagata uma lava le saolotoga o le filifiliga o le loto, ina ia latou avatu ia te Ia le auaunaga faia fua a le loto fuatia ifo. Patriarchs and Prophets, p. 34. Aso Faraile Tesema 31 FESILI TOE FAAMANATU 1. O fea o loo finagalo le Atua e afio ai i le taimi lenei? 2. O le a le aiaiga e manaomia e le Atua i totonu o Lona malumalu a o le i Ia finagalo e afio ai iina? 3. O tatou lafoia atu ea uiga o le Atua o loo fa aalia i totonu o le malumalu? 4. E faapefea ona mafai ona tatou vaai i le Atua? 5. Faamatala le amio a le Atua. E faapefea ona mafai ona e faamaonia mai i le Tusi Paia o tane ma fafine na foafoaina i latou o ni tagata saoloto i a latou filifiliga? 8

9 Lesona 2 Sapati, Ianuari 8, 2011 O le Amataga o le Agasala Na Ia fetalai atu foi ia te i latou, na Ou iloa Satani pei o le uila o pa ū mai le lagi (Luka 10:18). O le agasala na amata ia te ia o lē na sosoo atu lona tulaga ia Keriso, na sili ona faamamaluina e le Atua ma na sili lana pule ma lona mamalu i le lotolotoi o agelu o le lagi. The Great Controversy, p Faitauga Fautuaina: Patriarchs and Prophets, pp The Story of Redemption, pp Uluai Aso Ianuari 2 1. O LE AMATAGA O LE AGASALA a. O ai na amata ai le agasala? Ioane 8:44; 1 Ioane 3:8. O le agasala na amata ia te ia o lē na sosoo atu lona tulaga ia Keriso, na sili ona faamamaluina o ia e le Atua ma na sili lana pule ma lona mamalu i agelu uma o le lagi. O Lusifelo, le atalii o le taeao, o ia na muamua i kerupi faamalumalu, na paia o ia ma lē faaleagaina. Na ia tulai i luma o le Atua Foafoa Silisiliese, ma o ave pupula lē mavae o le mamalu o loo siomia ai le Atua faavavau, na susulu atu i luga ia te ia. Patriarchs and Prophets, p. 35. b. O faapefea ona faamatalaina e le Tusi Paia le uluai amio a Lusifelo ma manatu agasala e oso a e i totonu o lona mafaufau? Esekielu 28:15, 17. c. O le a le uiga na siitia ai e Lusifelo ia lava? Isaia 14:13, 14. O le faaaogaina o le faatusa o le perenise o Turo, o faapefea ona faamatala e Esekielu le faasilisiliina e Lusifelo o ia lava? Esekielu 28:2. Na faataga e Lusifelo ina ia manumalo lona fuā loto leaga ia Keriso, ma sa matua finafinau lava i lana galuega lea. O le fesiligia o le silisiliese o le Alo o le 9

10 Atua, ma faapena ona tuuaia ai le poto ma le alofa o le Atua foafoa, o le sini lea a lenei perenise o agelu. Ibid., p. 36. Aso Gafua Ianuari 3 2. TAUA I LE LAGI a. O ai na au ma Lusifelo e tetee atu i le pule sili a le Atua? Iuta 6; 2 Peteru 2:4. O lona tuua o lona nofoaga i luma lava o le Tama, na alu atu ai loa Satani ina ia faasalalau atu le uiga o le lē malie i agelu. Na ia galue i se uiga faalilolilo lava, ma na ia natia mo sina taimi lana sini moni i lalo o se foliga o le ava mo le Atua. Na ia amata ona ia faailoa atu masalosaloga e faatatau i tulafono na pulea ai agelu o le lagi, ma ia fai mai ai e ui lava ina atonu e aoga tulafono mo tagata o lalolagi, a o agelu o ē e sili atu le faasilisiliina o i latou, latou te lēi manaomia se tulafono faapea, auā o lo latou lava poto o se taiala lea ua lava lelei. E lē o i latou o ni meaola na mafaia ona aumaia le faalumaina i le Atua; o o latou manatu uma na paia; ma na lē i toe mafai ona latou agasala e faapei ona lē mafai e le Atua lava ia ona sese. Patriarchs and Prophets, p. 37. b. Faamatala le iuga o le tetee a Lusifelo ma le lapataiga e tatau ona tatou aumaia ai mai i lenei tetee. Faaaliga 12:7-9. O le au uma lava o agelu o le lagi na amia ina ia tutulai i luma o le Tamā, ina ia filifilia ai iuga o agelu taitasi. Na faailoa ma le lē mā e Satani lona lē malie ina ua faasilisiliina Keriso nai lo ia. Na ia tulai a e i luga ma le loto vii ma ia fai mai e tatau ona tutusa o ia ma le Atua ma e tatau ona aveina atu o ia i fonotaga ma le Tama ma ia na malamalama ai i Ana fuafuaga. Na faailoa atu e le Atua ia Satani, e na o Lona Alo lava e toatasi na te finagalo e faailoa atu i ai Ana fuafuaga lilo, ma na te finagalo i le aiga atoa lava i le lagi, e o o lava ia Satani, ina ia gauai mai ia te ia i le usitai atoatoa, lē mafaafesiligia; peitai na ia (Satani) faamaonia lona lē aoga mo se nofoaga i le lagi. Ona faasino atu lea o Satani ma le loto vii i agelu o loo loto gatasi ma ia, na toeitiiti lava a aofia ai le afa o agelu uma, ma alaga faapea, O i latou nei ua faatasi ma a u! O le a Ē tulia ea foi ma i latou nei ma matua gaogao ai le lagi? Ona ia faailoa mai lea ua ia sauni e tetee i le pule a Keriso ma ia puipuia lona nofoaga i le lagi e ala i lona fai faamalosia i lona malosi. The Story of Redemption, p

11 O le tetee ma le liliu ese mai i le Atua o loo i ai nei lava i le ea o loo tatou manava ai. O le a tatou aafia ai i uiga nei seivagana ua tatou pipii atu o tatou agaga leai se fesoasoani ia Keriso e ala i le faatuatua. Selected Messages, bk. 2, p Aso Lua Ianuari 4 3. O LE TULAFONO A LE ATUA UA OSOFAIA a. I lena taua o finauga, o le a le tuuaiga sese a Lusifelo e faatatau i le Atua ma Lana tulafono? Ioane 8:44 (vaega mulimuli). Na saili [Lusifelo] ina ia faasese le Upu a le Atua ma faauigaseseina Lana fuafuaga o Lana faigamalo, ma na ia fai mai ai e le i tonu le Atua i le tuuina mai o tulafono i luga o agelu; ma o le manaomia o le gauai ma le usitai mai i Ana meaola na faia, sa na ona Ia sailia ai le faasilisiliina o Ia lava. Patriarchs and Prophets, p. 42. A o lei tuliesea o ia mai i le lagi, sa iloa e Satani le Atua. Na ia iloa Lana amio; peitai talu mai lava le taimi lena, o lana taumafaiga o le faauigaseseina lea o lena amio. O ana faaosoosoga ia ua faia ai tapuaiga o se faasologa o galuega mamafa o le salamo ma faalumaina, poo le faia foi i vaaiga faalialiavale lauiloa ma sauniga mamalu o faalialiaga i ofu ma mea faapena o lanu pupula ma le taugata. O loo tele ituaiga tapuaiga na faatuina e le fili o le Atua, e lē o i ai Keriso e pei o le taulaga a Kaino. The Signs of the Times, March 3, b. O a isi agasala na faaalia i le uluai tetee a Lusifelo? Isaia 14:13. E ese mai i le faaaogaina o le siitiaina o ia lava ma le mana o matape ape a, o a isi soligatulafono na faia e Lusifelo mai lava i le amataga o lana tetee? Ioane 8:44 (vaega muamua). Na tuuina atu ma le poto e [Lusifelo] lana faamatalaga e faatatau i le mataupu, faaaogaina ai le poto faufau ma le taufaasese ina ia faamautuina ai lana sini. O lona malosi e faasese ai e matua telē lava. O le ufiufiina o ia lava i se ofu o le taufaasese, na ia maua ai lona avanoa. O ana gaioiga uma lava na matua faaofuina lava i faiga faalilolilo o lea na faigata ai ona faailoa i agelu le natura moni o lana galuega. Patriarchs and Prophets, p

12 c. Faamatala pe aisea e lē manaomia ai ina ia faaseseina i tatou e tuuaiga a Satani e faatatau i le tulafono a le Atua ma Lana amio. Salamo 119:7-12, 18. O le tulafono a le Atua o le tapulaa moni lava lea e tasi o le atoaga o le amio. O lena tulafono na faata ita iina faatinoina mai i le soifuaga o Keriso. Ua Ia fetalai mai e faatatau ia te Ia lava, Ua ou tausia poloaiga a lo u Tama (Ioane 15:10). E leai se mea e itiiti ifo nai lo lenei usitai, o le a faamalieina ai manaoga o le Upu a le Atua. O lē e fai mai o loo tumau o ia i totonu ia te ia e tatau ona savali o lena tagata e pei ona savali o Ia (1 Ioane 2:6). E lē mafai ona tatou fai mai e lē mafai ona tatou faia le mea lenei, auā ua ia i tatou le mautinoaga, O Lo u alofa tunoa e lava lea mo oe (2 Korinito 12:9). The Sanctified Life, pp. 80, 81. Aso Lulu Ianuari 5 4. TULIESEA MAI I LE LAGI a. Ina ua tuliesea Satani ma ana agelu mai i le lagi, o fea na faaaunuua ai i latou? Isaia 14:12; Faaaliga 12:9. Aisea na tuliesea ai Satani ae e le i faaumatiaina? E o o lava ina ua filifilia ua lē toe mafai ona ia nofo i le lagi, o le poto lē mafuatia o le Atua na lē faaumatiaina ai Satani. Talu ai ona o le auaunaga o le alofa na pau lava lea o le auaunaga e taliaina e le Atua, o le faamaoni o Ana meaola na foafoa e tatau ona faalagolago i se talitonuga e faatatau i Lana faamasinoga tonu ma Lona agalelei. O ē o loo nonofo i le lagi ma isi lalolagi, o le lē saunia o i latou e malamalama i le natura poo iuga o le agasala, na lē mafai ai ona latou malamalama i le taimi lena i le tonu o le faamasinoga a le Atua ma Lona alofa i le faaumatiaina o Satani. Ana faapea e faaumatiaina o ia i le taimi lava lena, semanu o le a latou auauna i le Atua ona o le mata u ae lē o le alofa. Semanu o le aafiaga o le tiapolo taufaasese o le a lē mafai ona faaumatiaina atoatoa, o le a lē matua faaumatiaina atoatoa foi le agaga poo le uiga o le tetee. O le agasala e tatau ona faatagaina ina ia tupu a e i lona tulaga atoa. Mo le lelei o le lalolagi atoa lava i tausaga lē muta, o lea e tatau ai ona faaalia atoatoa e Satani ana tapulaa, ina ia vaaia ai e meaola uma na foafoaina ana tuuaiga tetee i le faigamalo faalelagi i lo latou malamalama moni ina ia faamaonia ai ma lē toe fesiligia ai e faavavau le faamasinoga tonu ma le alofa tunoa o le Atua ma le lē masuia o Lana tulafono. 12

13 O le tetee a Satani e tatau ona avea ma lesona i le lalolagi atoa i augatupulaga uma o loo mulimuli mai, o se molimau lea e faavavau i le natura ma iuga matautia o le agasala. O le galueaiina o le pule a Satani, o ona aafiaga i luga o tagata ma agelu, o le a faailoaina ai fua o le teena o le pule faalelagi. O le a molimauina ai o le i ai o le faigamalo a le Atua ma Lana tulafono, o loo fusia ai iina le manuia o meaola uma lava na Ia faia. The Great Controversy, pp. 498, 499. b. O le a le faaupuga ma o le a le igoa ua faamautuina sese e Satani talu ona lafoina mai o ia i le lalolagi? Luka 4:6; Ioane 14:30. Ina ua fai atu Satani ia Keriso, O malo ma le mamalu o le lalolagi ua foaiina mai ia te a u, ma soo se tasi lava ou te manao i ai o le a ou foai atu i ai, na ia faailoa mai se mea sa na ona moni i sona vaega, ma na ia faailoa mai lea tulaga ina ia faataunuuina ai lana lava fuafuaga o le taufaasese. O le pule a Satani o le pule lea na faoeseina mai ia Atamu, peitai o Atamu o ia lea o le pule na tofia e le Atua foafoa. O lana pule e lē o se pule tutoatasi. O le lalolagi e patino lea i le Atua, ma ua Ia foai mai mea uma i Lona Alo. O Atamu na fuafuaina ina ia pule i lalo o le puleaga a Keriso. Ina ua faalataina atu e Atamu lana pule i lima o Satani, na faamausaliina pea le tumau o Keriso o Ia o le Tupu moni ma le tonu. The Desire of Ages, p Aso Tofi Ianuari 6 5. O LE AAFIAGA O SATANI I TOTONU O LE LALOLAGI LENEI a. O le a le igoa o loo faaaoga e le Tusi Paia e faailoa mai ai le tulaga o loo i ai aafiaga o nofoaga faale-agaga ma amioga o loo pule ai Satani? Mataio 16:18; 23:15; 2 Peteru 2:4 (vaega muamua). b. O le a le galuega autu a Satani ma ana agelu o loo i ai talu mai lava ona lafoina mai i latou i le lalolagi? Faaaliga 12:9. Aumai se faataitaiga e faailoa mai ai le tulaga e galue ai malosi o seoli. Luka 11: Talu mai lava le pa ū o Satani, o loo ia galue lava e ala i auala o faaseseega. Thoughts From the Mount of Blessing, p

14 O le agaga o [Satani] o loo galue nei i totonu o fanau o le lē usitai. E pei o ia o loo latou saili ina ia talepeina i lalo aiaiga o le tulafono a le Atua ma folafola atu i tagata le saolotoga e ala i le solia o ona poloaiga. The Great Controversy, p c. O le a le iuga o le a i ai i le taua i le va o le malamalama ma le pouliuli? Faaaliga 17:14; 19: O le taua o loo faia nei agai i le tulafono a le Atua, lea sa amata i le lagi, o le a faaauau pea seia o o i le iuga o le taimi. O tagata taitasi uma lava o le a tofotofoina. O le usitai poo le lē usitai o le fesili lea e tatau ona filifilia e le lalolagi atoa. O tagata uma lava o le a valaauina ina ia filifili i le va o le tulafono a le Atua ma tulafono a tagata.... Ona o o mai loa lea o le iuga. O le a faamaonia e le Atua le tonu o Lana tulafono ma lavea i i Ona tagata. O Satani ma i latou uma lava ua faatasi ma ia i le tetee o le a faaumatiaina. The Desire of Ages, p Aso Faraile Ianuari 7 FESILI TOE FAAMANATU 1. Na faapefea ona avea Lusifelo lē na tauaveina le malamalama ma tiapolo/satani lē e tetee? 2. Na faapefea ona ia lūlūina le lē faamalieina i agelu? 3. O a agasala na ia amata ai lana tetee i le Atua? 4. Aisea na toeitiiti ai lava a vave tele ona faaumatia Satani i le taimi na tatau ai ona tuliesea o ia mai i le lagi? 5. O faapefea ona ia faaauauina lana tetee ina ua mavae ona saisaitia o ia i le lalolagi lenei? Lesona 3 Sapati, Ianuari 15, 2011 O le Foafoaga ma le Pa ū o le Aigā Tagāta O lenei, e faapei ona o o mai o le agasala i le lalolagi i le tagata e toatasi, o le oti foi ona o le agasala, ona oo mai ai lea o le oti i tagata uma lava, auā ua agasala tagata uma lava (Roma 5:12). 14

15 Na matua fiafia lava Satani i lana galuega faamanuiaina. O lenei ua ia faaosoosoina le fafine ina ia lē talitonu i le Atua, ina ia fesiligia Lona poto, ma sa ia saili ai e fia iloa Ana fuafuaga poto uma lava. Ma o ia na ala atu ai le faataunuuina e Satani o le faatoilaloina o Atamu. The Story of Redemption, p. 38. Faitauga Fautuaina: Patriarchs and Prophets, pp Uluai Aso Ianuari 9 1. O LE FOAFOAINA O LE AIGA TAGATA a. O le a le fuafuaga a le Atua i le foafoaina o le aiga tagata? Kenese 1:26-28; Ioane 14:3. Na foafoaina e le Atua le tagata mo Lona lava viiga, ma na Ia fuafuaina a uma le tofotofoga, o le a tasi loa le aiga tagata ma le aiga faale-lagi. O le fuafuaga a le Atua le toe faatumuina o le lagi i le aiga tagata, pe afai o le a latou faailoa mai lo latou usitai i Ana upu taitasi uma lava. God s Amazing Grace, p b. E ui lava ina foafoaina o tatou uluai matua i le faatusa o le Atua, aisea na tatau ai ona tofotofoina i laua? Kenese 1:27; Isaia 43:7. Na fuafuaina ina ia tofotofoina Atamu ina ia iloa ai pe o le a ia usitai e pei o agelu faamaoni, pe o le a ia lē usitai. Afai na te manumalo i le tofotofoga, o ana faatonuga i lana fanau o le a na o faatonuga lava o le faamaoni. O lona mafaufau ma ona manatunatuga na semanu e faapei o le mafaufau ma manatunatuga o le Atua. Ibid. Aso Gafua Ianuari O LE FAAOSOOSOGA MA LE PA Ǖ a. O le a le faaosoosoga faigofie na tuu atu e le Atua ia Atamu ma Eva ina ia iloa ai poo ai o le a la talitonu i ai poo le Atua Lē na foafoaina mea uma poo Satani lē taufaasese? Kenese 2:16, 17; 3:

16 E faapei o agelu, o le ulugalii sa nonofo i Etena sa tuuina atu i le taimi o le nofo vaavaaia; o lo la nofoaga fiafia e na o aiaiga lava o le faamaoni i le tulafono a le Atua foafoa na mafai ai ona faatumauina. Sa mafai ona la usitai ma ola, poo le lē usitai foi ma fano. Na faia i laua e le Atua o ē na mauaina faamanuiaga tamaoaiga; peitai afai la te lē amanaiaina Lona finagalo, o Lē na lē faasaoina agelu na agasala, na lē mafai foi ona Ia faasaoina i laua; o le solitulafono o le a aveesea ai Ana meaalofa ma aumaia ai i luga ia i laua le faanoanoa ma le faafanoga. Na lapataia i laua e agelu ina ia mataala i faufauga a Satani, auā o ana taumafaiga ina ia maileia i laua o le a lē faavaivaia. A o la usitai i le Atua na lē mafai e le tiapolo ona faaleagaina i laua; auā, afai e manaomia, o agelu uma lava i le lagi o le a auina mai e fesoasoani ia i laua. Afai la te tetee atu ma le mausali i ana faaosoosoga, o le a la mautinoa lo la saogalemu e faapei o avefeau faale-lagi. Peitai a la gauai tasi atu loa i le faaosoosoga, o o la natura o le a matua faaleagaina lava o le a leai ai so la malosi i totonu ia i laua ma leai ai so la malosi o le amio e tetee ai ia Satani. Patriarchs and Prophets, p. 53. b. O le fea poloaiga o le tulafono a le Atua na solia e Atamu ma Eva e ala i lo la talitonu ma usitai ia Satani? Esoto 30:3. Na faapefea ona aafia a la fanau uma lava na tupuga mai ia i laua ona o la la solitulafono? Roma 3:23; 5:12, 19. Na faalogo atu ma le faaeteete agelu i upu a Satani, lē na amata ai le agasala a o ia tuuina ona lava manatu i luga a e o faatonuga a le Atua ma saili ai ina ia faalēaogaina le tulafono a le Atua e ala i ona manatu taufaasese! Na latou faatali ma le popole ina ia iloa pe o le a faaseseina e le tiapolo taufaaosooso le ulugalii paia ma la gauai ai i ana faaseseega poto. Na latou fesili ifo ia i latou lava, O le a tuu atu ea e le ulugalii paia lo la faatuatua ma lo la alofa mai i le Tamā ma le Alo ia Satani? The Signs of the Times, May 12, O Atamu na foaiina i ai se natura mamā ma lē agasala, peitai na ia pa ū talu ai na ia faalogo i faaosoosoga a le fili. O ana fanau na tupuga mai ia te ia na iu ina faaleagaina; o le lē usitai o le tagata e toatasi na faia ai tagata e toatele lava ma tagata agasala. The Youth s Instructor, June 2,

17 Aso Lua Ianuari UFIUFI LĒ AOGA LĒ MONI a. O le taimi lava na faapupulaina ai mata o Atamu ma Eva, o le a le mea na la iloa? Ma o le a le mea na la faia? Kenese 3:7. O le alofa ma le filemu lea sa ia i laua na aveesea, ma ua suitulaga ai se lagona o le agasala, o se lagona fefe agai i le lumanai, o se lagona lē lavalavā o le agaga. O le ofu talaloa o le malamalama lea sa ufitia ai i laua, ua mou ese atu nei, ma o le sailia o se mea e suitulaga i le malamalama lea, o lea na la taumafai ai e faia mo i laua lava se ufiufi; auā na la lē mafai, a o leai ni o la ofu, ona la fetaiai ma fofoga o le Atua ma agelu paia. Patriarchs and Prophets, p. 57. b. Faamatala le tulaga faale-agaga o le aiga tagata talu mai le Pa ū. Failauga 7:20; Roma 3: O le agasala lea ua faaleagaina ai le aiga tagata atoa lava, o le mafaufau ua faaleagaina, ua faaleagaina manatunatuga. O le agasala ua pa u maulalo ai tomai o le agaga. O faaosoosoga mai i fafo ua latou maua se lagona o tali mai i totonu o le loto, ma o vae ua liliu lemu atu ma le lē mateia i le amioga leaga. Maranatha, p. 91. c. Ae ui i lea, o faapefea ona taumafai pea le toatele ina ia ufiufiina lo latou lē lavalavā faale-agaga? Faataoto 30:12; Luka 18:9-12. O le ofu talaloa o le olaga lē sala na ofu e o tatou uluai matua ina ua tuuina i laua e le Atua i totonu o Etena paia.... O lenei ofu talaloa o le malamalama o se faatusa lea o o la ofu faaleagaga o le olaga lē sala faale-lagi. Ana la tumau i le faamaoni i le Atua semanu e tumau pea ona faaauau ona ufitia ai i laua. Peitai ina ua ulufale mai le agasala, na la motusia loa la la sootaga ma le Atua, ma na aveesea loa le malamalama lea sa siomia ai i laua. O lo la lē lavalavā ma le mā, na la taumafai ai e faia ofu e suitulaga i ofu faalelagi e ala i le su iina faatasi o lau o le mati e fai ma ufiufi. O le mea lava lenei ua faia e i latou o loo solia le tulafono a le Atua talu mai lava le aso o le lē usitai a Atamu ma Eva. Ua latou su iina faatasi lau mati ina ia ufitia ai le telenoa na faatupuina e le solitulafono. Ua latou ofuina ofu na latou 17

18 fafauina e i latou lava, e ala i a latou lava galuega ua latou taumafai ai e ufiufi a latou agasala ma faia ai i latou ia taliaina e le Atua. Christ s Object Lessons, pp. 310, 311. Aso Lulu Ianuari TA UAMIOTONUINA E LE TAGATA O IA LAVA a. O a fesili na fesiligia ai Atamu e le Atua a o le i fetalaia atu le faasalaga o le oti i luga ia te ia? Kenese 3:9-11. b. Na faapefea ona taumafai Atamu ma Eva e ta uamiotonuina i laua? Kenese 3:12, 13. Na lē mafai e Atamu ona teena pe faia foi se alofaga o lana agasala; peitai e aunoa ma le faaalia o le salamo, na ia taumafai ai e lafo atu le tuuaiga i luga o lana ava, ma faapena ona lafo atu ai i luga o le Atua: O le fafine na Ē aumai ia te a u, na ia aumai ia te a u le fua o le laau, ona ou ai ai lea. O lē na filifili ma le faaeteete ina ia lafoai le fiafia mai o le Atua, o lona aiga i Parataiso, ma se olaga e faavavau o le olioli ona o lona alofa ia Eva, ua mafai nei, ina ua mavae lona pa ū, ona ia taumafai e tuuaia lana ava, ma le Atua foafoa lava Ia, ona o le soligatulafono. E matua matautia lava le leaga o le malosi o le agasala. Ina ua fesiligia le fafine, O le a lenei mea ua e faia? na ia tali mai, Na faasese mai le gata ia te a u, ona ou ai ai lea. Aisea na Ē foafoaina ai le gata? Aisea na Ē faatagaina ai o ia e ulufale mai i totonu o Etena? O fesili nei na tuuina atu i lana alofaga mo lana agasala. Na faapena, e pei o Atamu, ona ia tuuaia le Atua i le matafaioi o lo la pa u ū. Patriarchs and Prophets, pp. 57, 58. c. O le a le uiga masani o tane ma fafine agasala pe a faapupulaina o latou mata i a latou agasala? Roma 2:1-3. O le uiga o le ta uamiotonuina e le tagata o ia lava na uluai amata i le tamā o pepelo; na tuinanau saoloto i ai o tatou uluai matua i le taimi lava na la gauai ai i le aafiaga o Satani, ma o loo faaalia pea e atalii ma afafine uma lava o Atamu. E aunoa ma le faaalia ma le agamalu o a latou agasala, ua latou taumafai e ufiufiina i latou e 18

19 ala i le lafo atu o le tuuaiga i luga o isi, i luga o mea tutupu, poo luga foi o le Atua ma faia ai Ana lava faamanuiaga ma mafuaaga e muimui ai ia te Ia. Ibid., p. 58. Aso Tofi Ianuari O LE FAASALAGA a. O le a le faasalaga na fetalaia e le Atua i luga o o tatou uluai matua ma luga o le eleele? Kenese 3: O le umi lava na tumau ai le faamaoni o Atamu i le Atua, na usitai ai foi le natura uma ia te ia. Peitai ina ua ia tetee i le tulafono faale-lagi, o meaola e maulalo ifo lo latou vasega nai lo ia, na latou tetee mai i lana pule. Na faapena ona finagalo le Alii, i Lona alofa tele, ina ia faailoa mai i tagata le paia tele o Lana tulafono, ma taitaia ai i latou, e ala i mea tutupu i o latou lava olaga, ina ia latou iloa le lamatiaga o le lafoaieseina o lea tulafono, e o o lava i se vaega itiiti lava.... O le lapataiga na tuuina atu i o tatou uluai matua O le aso lua te aai ai i le fua o le laau o le a lua oti moni ai lava (Kenese 2:17) e le i faapea mai le uiga o le faamatalaga lea o le a la oti i le aso tonu lava lea sa la aai ai i le fua faasaina. Peitai o le aso lena o le a fetalaia mai ai le faasalaga e lē mafai ona suia. O le ola e faavavau na folafolaina atu ia i laua i aiaiga o le usitai; o le solitulafono o le a la lafoaia ai le ola e faavavau. O lena lava aso o le a faasalaina ai i laua i le oti. Patriarchs and Prophets, pp. 59, 60. b. O le a le mea na aveesea mai i le aiga tagata ona o le pa ū? Kenese 3: Ana faapea e faatagaina le tagata ina ua mavae lona pa u ina ia saoloto lona pa i atu pea i le laau o le ola, semanu o le a ia ola e faavavau, ma o le a faapena ona ola ai e faavavau le agasala. Peitai o kerupi ma se pelu afi na leoleoina le ala i le laau o le ola (Kenese 3:24), ma e leai se tagata e toatasi o le aiga o Atamu ua faatagaina e sopo atu i lena pa ma ai i le fua e maua ai le ola. O lea e leai ai se tagata agasala e toatasi e ola e faavavau. The Great Controversy, pp. 533,

20 Aso Faraile Ianuari 14 FESILI TOE FAAMANATU 1. O a aiaiga tatou te maua ai le avanoa taua o le mauaina o le nofoaga o i latou na tuliesea mai i le lagi? 2. Na faapefea ona tofotofoina o tatou uluai matua? 3. O a mea o loo taumafai pea tane ma fafine e faia i se vaega taimi e 6000 tausaga? 4. Aisea e avea ai o se agasala sili atu le leaga le ta uamiotonuina e le tagata o ia lava i le faia o mea sese nai lo le lē talitonu ma le lē usitai? 5. O a iuga na oo vave mai lava o le solitulafono a Atamu? 20

21 ALOFA O LE TAGATA IA TE IA LAVA, FAASESEINA E LE TAGATA O IA LAVA, MA LE TA UAMIOTONUINA E LE TAGATA O IA LAVA O i latou e lapataiina e Keriso e i ai ni o latou agavaa lelei lava, peitai e faaleagaina e i latou uma lava e i ai le ma i o le alofa ifo ia i latou lava, faaseseina o i latou e i latou lava, ma le ta uamiotonuina o i latou e i latou lava, ona o le uiga leaga tele o le faatalale i le fesoasoani i le au uso i le auaunaga i le Atua e ala i upu ma galuega faalototele loto. O loo i ai se lago mate i totonu o le u u. O loo fuaina i latou e Lē na te lē faia lava se mea sese. Na te silafia iuga o gaioiga ia e faailoa mai ai o le alofa ia Keriso e lē o le tapulaa lea o loo nofo tumau i le loto. Ua valaau le Atua ia te outou uma ina ia outou a oa oina mai ia Keriso Lona agamalu. Tuu ese lo outou tomai o le vaavaai i mea sese a isi. Liliu o outou mafaufau i o outou lava sese. O la outou lava amiotonu ua matua leaga lava i le Alii o Iesu Keriso, [Faaaliga 3:15-18]. O nei upu o loo faatatau i ekalesia ma le toatele o i latou o loo i tofiga faamoemoeina i totonu o le galuega a le Atua. O loo matua telē lava se fuainumera Kerisiano i faaupuga e lē o mulimuli moni ia Iesu. Latou te lē o tauaveina le satauro e ala i le faafitia sa o e le tagata o ia lava ma le faataulagaofoina e le tagata o ia lava. E ui lava ina latou faia ni faaupuga tetele i le avea o i latou ma Kerisiano finafinau, latou te lalagaina atu i totonu o le ie o a latou amio le tele o filo o o latou lava uiga leaga o lea ua faaleagaina ai le ata o le faataitaiga matagofie. Fai mai Keriso e faatatau ia i latou: Ua outou faamaualuga i le mitamita ma tautalatala e faatatau i lo outou mauoa ma le faatuputeleina o oa faaleagaga i o outou lava manatu. O le mea moni lava tou te lē o maalili pe vevela foi, peitai ua faatumuina outou i le loto vii lē aoga. Seivagana ua outou liua, e lē mafai ona laveaiina outou; auā o le a outou faaleagaina le lagi i lo outou poto lē faapaiaina. E lē mafai ona ou lagolagoina lo outou uiga ma la outou galuega. Tou te lē o gaioi e tusa ai ma le Fa aa oa o faalelagi. O loo outou mulimuli i se faataitaiga na fafauina e outou lava. Talu ai ona ua outou faaleogalua, E tatau ona Ou luai atu outou ai Lo u gutu.... O i latou o loo i ai i lenei tulaga o loo latou lē malamalama ma le loto i ai. Latou te lē o vaaia le uiga moni o le agasala. O a latou amioga sese latou te faauigaseseina ai i taimi uma le amio a Keriso ma faalumaina faaaliali ai o Ia. O lo latou tautino mai o loo ia i latou se malamalamaaga e faatatau i le upu moni, latou te gaioi ai i o latou agaga e pei o i latou o ni tagata faato a lolotu. E foliga mai latou te lē malamalama i le upu moni lea e tatau ona faailoa atu i upu ma gaioiga ina ia faailoa ai se eseesega maumaututu i le va o lē e auauna i le Atua ma lē e lē auauna ia te Ia. O i latou nei o tagata sese o loo fai mai e o latou faamanuiaga ma avanoa sili ona taua uma faa-kerisiano, ae, i le avea o i latou ma sui o Keriso, latou te lē o tamaoaiga i le alofa tunoa faale-agaga poo galuega lelei foi. O i latou o tagata malaia, matitiva, tauaso, ma le pipili. Se tulaga matua leaga tele lenei pe a o o i ai! Latou te tutulai i lo latou lava malamalama. Peitai e ui lava i lo latou lē malamalama ma le loto i ai, e lē o tuua i latou e le Alii e aunoa ma lapataiga faaopoopo ma fautuaga. The SDA Bible Commentary, [E.G. White Comments], vol. 7, pp. 962,

22 Lesona 4 Sapati, Ianuari 22, 2011 O le Fuafuaga o le Faaolataga O le Atalii o le tagata na afio mai... ina ia foai mai Lona ola o se togiola mo tagata e toatele (Mareko 10:45). Na i ai loa le agasala, na i ai foi ma se Faaola.... O le taimi lava na agasala ai Atamu, na aumai ai e le Alo o le Atua Ia lava e avea ma togiola mo le aiga tagata. The Faith I Live By, p. 75. Faitauga Fautuaina: Early Writings, pp Patriarchs and Prophets, pp Uluai Aso Ianuari O LE TOGIOLA A LE ATUA MO I TATOU a. O anafea na amata mai ai ona i ai se Faaola o le aiga tagata? Faaaliga 13:8. O faapefea ona mafai ona finagalo le Atua ua leva ona uma ona maliu Keriso mo le aiga tagata talu mai le faavaeina o le lalolagi? Roma 4:17 (vaega mulimuli). O le fuafuaga o le faaolataga na folasia a o lei foafoaina le lalolagi. Patriarchs and Prophets, p. 63. b. Aisea na lē mafai ai e se isi lava a ua na o le Alo o le Atua na mafai ona Ia toe faatauina le aiga tagata pa u? Isaia 43:11; Ioane 14:6; Galuega 4:12. E na o Lē lava na tutusa ma le Atua na mafai ona Ia faia le togiola mo le soliga o [le tulafono]. E leai se isi a ua na o Keriso na mafai ona Ia toe faaolaina mai le tagata pa u mai i le malaia o le soliga o le tulafono ma toe aumaia o ia ia loto gatasi ma le lagi. Ibid. c. Aisea na tatau ai ona maliu Keriso mo i tatou? Eperu 9:22; Eperu 1:7. 22

23 I le tele o tagata, o loo avea pea ma mea lilo pe aisea na manaomia ai le tele o taulaga fasia i le taimi a o le i maliu Iesu, pe aisea na taitaia atu ai i le fata faitaulaga manu na fasia na faamasa aina o latou toto.... I taulaga uma lava na faamasaaina o latou toto na faatusa uma mai ai le Tamai Mamoe a le Atua, na te aveesea le agasala a le lalolagi (Ioane 1:29). Our High Calling, p. 47. Aso Gafua Ianuari UA FAAILOA MAI LE FUAFUAGA O LE FAAOLATAGA a. O le a se mea na malamalama i ai o tatou uluai matua ina ua la faalogo i le faasalaga ua fetalaia atu i luga o Satani? Kenese 3:15. Na fai mai le fetalaiga a le Atua: O le a Ou tuuina le feitagai (Kenese 3:15). O lenei feitagai e lē faia i ni uiga faale-natura. Ina ua solia e le tagata le tulafono a le lagi, ua leaga ai loa lona natura, ma ua ia loto gatasi ai loa, a ua lē feitagai, ma Satani. E leai se feitagai faale-natura i le va o le tagata agasala ma Satani lē na amata mai ai le agasala. O i laua uma na agasala ona o lo la teena o lo la uluai talitonuga. O le fili e lē o malolo lava, seivagana ua ia maua lagona e pei o ona lagona ma le lagolago e ala i lona tauanauina o isi ina ia mulimuli i lana faataitaiga. O le mafuaaga lenei ua au faatasi ai agelu pa u u ma tagata amioleaga i se faigauo finafinau lava. The Great Controversy, p [Kenese 3:15] O lenei fuaiupu, na fetalaia atu a o faalogo i ai o tatou uluai matua, o se folafolaga lea ia i laua. A o valoia mai ai le taua i le va o le tagata ma Satani, na fetalaia mai ai foi o le malosi o le fili malosi o le a i u ina talepeina mulimuli lava. Patriarchs and Prophets, pp. 65, 66. b. O fea na faamausaliina ai i luga le fuafuaga o le faaolataga? Ioane 3:16. Na o o mai le taimi na tatau ai ona faia se suiga, a leai o lona uiga o le a matua faaumatiaina lava le faatusa o le Atua mai i loto o meaola na Ia foafoaina. Na vaavaai ma le naunau le lagi atoa uma lava i gaioiga a le Atua. O le a Ia toe faaalia ea Lona toasa? O le a Ia faaumatiaina ea le lalolagi i le afi? Na manatu agelu ua o o mai le taimi e faataunuuina ai le faasalaga o le faamasinoga tonu, ae faauta, na faaalia atu i la latou vaaiga ofo le fuafuaga o le faaolataga. Ia outou ofo, le lagi e, ma ia outou fememea i, le lalolagi e! Na auina mai e le Atua Lona Atalii e toatasi i le lalolagi ina ia laveai le lalolagi! Se alofa matua ofoofogia! O lenei lava le alofa, e lē 23

24 ona ua tatou alolofa i le Atua, a ona ua Ia alofa mai ia i tatou, ua na auina mai foi Lona Alo ina ia avea ma togiola mo a tatou agasala (1 Ioane 4:10). E lei auina mai e le Atua Lona Alo i le lalolagi ina ia faasala i le lalolagi, a ia ola le lalolagi e ala ia te Ia. O le toasa o le faamasinoga tonu na ono mafai ona ia tuuina vave mai lava le faasalaga i luga o le tagata. Peitai o le alofa ma le alofa tunoa na foai mai ai e le Atua ia te ia se isi avanoa. The Ellen G. White 1888 Materials, pp. 569, 570. c. E toa fia i latou ua faaavanoaina mai i ai le fuafuaga o le faaolataga? 1 Ioane 2:2; Faaaliga 22:17; 2 Peteru 3:9. Aso Lua Ianuari O LE SILAFIA E LE ATUA O MEA E LE I TUTUPU a. O faapefea ona faailoa mai e Tavita le moni o le silafaga ati a le Atua e faatatau i tagata uma lava? Salamo 139:1-4. b. O le a le uiga o le faamatalaga a le aposetolo o Paulo ina ua ia fai mai, Ua silafia e le Alii ona lava tagata (2 Timoteo 2:19)? Aumai faataitaiga: Ieremia 1:5; Kalatia 1:15. c. Na faapefea ona faaalia e le Atua Lona silafiaina o mea uma e le i tutupu e faatatau ia Esau ma Iakopo? Kenese 25:23. E silafia e le Atua le iuga mai i le amataga. Na Ia silafia, a o le i fananau mai Iakopo ma Esau, amioga tonu lava o le a la fausiaina a e. Na Ia silafia o le a lē i ai ia Esau se loto e usitai ia te Ia. Na Ia taliina le tatalo popole a Repeka ma faailoa mai ia te ia o le a ia te ia fanau e toalua, ma o le tama matua o le a auauna i le tama laititi. Na Ia faailoa mai le talaaga oi lumanai o ana fanau tama e toalua i ona luma, o le a avea i laua ma malo e lua, o le tasi e sili a e nai lo le isi, ma o le a auauna le tama matua i le tama laitiiti. O le ulumatua na i ai lana aiā i tofiga lē laumaua ma avanoa faapitoa ia e lē patino i se isi lava tagata o le aiga. The Story of Redemption,

25 d. O le a le uiga ua fai mai ai na filifilia mai anamua tagata uma lava mo le faaolataga? Efeso 1:3-6, 11, 12. Aisea la, o le a fano ai se tasi? Ioane 3:18, 36; 6:37. E finagalo le Atua ina ia laveaiina tagata uma lava; auā ua atoatoa le taulaga ua faia, i le foaiina mai o Lova lava Alo e toatasi e totogi ai le tau o le faafoiina atu o le tagata. O i latou e fano o le a latou fano ona latou te mumusu e faatamafaiina i latou e avea ma fanau a le Atua e ala ia Keriso Iesu. O le faalialiavale o le tagata e faaleagaina ai o ia mai i lona taliaina o le taulaga na faia o le faaolataga. Peitai o le amiotonu faale-tagata o le a lē sao atu ai se tagata e toatasi i luma o le Atua. O le mea lea o le a taliaina ai le tagata i le Atua o le alofa tunoa lea o Keriso ua foaiina mai e ala i le faatuatua i Lona suafa. E leai se faalagolago e mafai ona tuuina atu i galuega poo lagona oso fiafia foi e avea o ni faamaoniga e iloa ai ua filifilia tagata e le Atua; auā o le au filifilia ua filifilia e ala ia Keriso.... A sau loa le tagata agasala ua salamo ia Keriso, ma ua ia malamalama i lona agasala ma lona lē aoga, ma ia iloa ai e tatau o ia mo le faasalaga, peitai ua ia faalagolago atu i le alofa tunoa ma le alofa o Keriso, o le a lē tuliesea lava o ia. Our High Calling, p. 78. Aso Lulu Ianuari MATAFAIOI FAIFAI PEA a. O fea o tusia ai o tatou igoa pe a tatou liliu ese mai i le malo o Satani agai atu i le malo o le Atua? Luka 10:20. O fea o tusia ai a tatou gaioiga? Filipi 4:3. O i latou uma lava e filifilia le malo o Keriso o le alofa ma le amiotonu ma le filemu, ma faasilisiliina ai ona manaoga uma lava nai lo isi mea uma, o loo fesootaia atu i latou i le lalolagi i luga, ma o faamanuiaga taitasi uma lava e manaomia mo le olaga lenei, ua patino lea ia i latou. I totonu o le tusi o le tausiga a le Atua, le talaaga atoa o le olaga, ua tuuina mai ai ia i tatou taitoatasi se itulau. O lena itulau poo le laupepa o loo tusia ai mea taitasi uma lava o talaaga o ō tatou olaga; e o o lava i lauulu o o tatou ulu o loo faitauina uma. O le fanau a le Atua e lē galo lava i Lona mafaufau. The Desire of Ages, p

26 b. Faamatala pe aisea e feteenai ai ma le Tusi Paia le mataupu o le faaolaina loa-ua faaolaina foi i taimi uma. 1 Korinito 9:27; Eperu 6:4-6; Faaaliga 3:5. A avea loa i tatou ma fanau a le Atua, ona tusia loa lea o o tatou igoa i totonu o le tusi o le ola a le Tamai Mamoe, ona tumau ai lea iina seia o o i le taimi o le faamasinoga suesue. O le taimi lena o le a valaauina ai loa igoa o tagata taitasi uma lava ma vailiiliina ai loa ona faamaumauga e Ia o Lē ua fetalai mai, Ua Ou iloa au galuega. Afai o le a faaalia i le aso lena e le i salamoina atoatoa a tatou amioga leaga, o le a soloiesea loa o tatou igoa mai i le tusi o le ola, ma o le a tulai loa a tatou agasala e tetee mai ia i tatou. The Signs of the Times, August 6, c. O le a le mea e manaomia ia i latou ua valaauina ma filifilia? Mataio 24:13; 2 Peteru 1:1-11. O tagata taitoatasi uma lava e tatau ona finafinau ma le vilivilitai atoa ina ia faaopoopo i taimi uma lava uiga lelei i uiga faale-agaga ua ia maua, faamalosia ai alofa tunoa taitasi uma, ma faatupulaia ai lona agavaa ina ia ia tupu a e ai i le olaga aoga ma le olaga faapaiaina, e faapei o se laau e fuaina mai fua i totonu o le faatoaga a le Alii. E lē tatau ona ia lē fua mai i le iloa e faatatau i lo tatou Alii ma lo tatou Faaola o Iesu Keriso. O le tapuaiga moni e taitaia atu ai i le fausiaina a e o meaalofa ia e sili atu ona taua ai le tagata i le silafaga a le Atua nai lo le auro o Ofeira. The SDA Bible Commentary, [E. G. White Comments], vol. 7, p Aso Tofi Ianuari O FUAFUAGA E FAAVAVAU A LE ATUA a. O le a le igoa ua faaigoaina ai i totonu o le Tusi Paia le fuafuaga o le faaolataga? Roma 16:25, 26; Kolose 1:26, 27. Na silafia e le Atua mea e tutupu i le lumanai, a o lei foafoaina le lalolagi. Na te lei faia Ana fuafuaga ina ia faafetaui ma mea e tutupu, peitai na Ia faatagaina mea tutupu ina ia faaalia ma galueaiina a e. Na te lei galue ina ia aumaia ai se tulaga faapitoa o ni mea tutupu, peitai na Ia silafia o le a tulai mai se tulaga faapea. O le fuafuaga o le a faataunuuina ona o se lē faamaoni a soo se agelu maualuga lava o le 26