Suesuega 8 Faamaumauga Faaopoopo

Transcription

1 Ata Tele O le 144,000 ma le Motu o Tagata e Toatele Suesuega 8 Faamaumauga Faaopoopo O loo tatou vaaia ai i le Faaaliga 3:21 le uiga atu lua o faasinomaga, o le tulaga lea e avea ai le fuaiupu mulimuli o se faaaliga e le gata o le ta aofaiga o mea uma ua ta ua, a o le faatomuaga foi o le vaaiga o loo sosoo mai. O loo ta ua la e lenei fuaiupu le faatasia o le au paia ma Iesu i Lona nofoalii ina ua manumalo, e pei lava foi ona Ia manumalo. I le Faaaliga 5, o loo faailoa mai ai le manumalo o Iesu Keriso ma faatasi atu ai e nonofo ma Lona Tama i Lona nofoalii. O le Faaaliga 7, o le a tatou vaaia ai le faatasi ai ma le au paia e ui e le i faigofie le auala na latou uia. O le va o le Faaaliga 5 ma le 7, o le tatalaina lea o faamaufaailoga i le Faaaliga 6 e faaalia ai le auala na manumalo ai tagata o Le Atua ma mafai ai ona latou ausia le nofotupu faatai ma Keriso e pei ona Ia folafolaina mai ia i latou. O loo faaataina mai i le Faaaliga 5 le taimi tonu lava na faalatalata atu ai Iesu i Lona nofoalii i le malumalu i le lagi, tago atu i le tusi taai, o le faailoga lea o le see atu ia te Ia o le pule ma le aia tatau atoa na taumafai Satani na te faoa mai ia te Ia. Ona afio ai loa lea o Ia i le nofoalii o le univesa atoa, i le itu taumatau o Lona Tama, ona Ia tali sapaia ai loa lea o le alaga ma le faaneeneega e na o le tupu e tatau iai. Sa avea le tupu, e le gata o le pule a o le faamasino foi na te faaauauina loa lava le faasalaga o e tetee ia te ia, a e faamanuia ia i latou o e lagolago ia te ia. O le faavae la lenei o mea uma lava o loo mulimuli mai i le Tusi o Faaaliga. Mulimuli ane i le Faaaliga, o loo sau ai mai le nofoalii taui o faamanuiaga ma faasalaga. E alagatatau i le Tamai Mamoe ona tatalaina faamaufaailoga ona o Ian a fasia. O le mea lea, o mea uma o loo tatou maitauina i faamaufaailoga, e tatafe uma mai lava i le satauro. E tatalaina e le Tamai Mamoe faamaufaailoga o le tusi taai o le feagaiga e faaalia ai fuafuaga uma a Le Atua mo Ona tagata. A faataunuuina lea tulaga, ona mafia lea ona tatou molimauina faamanuiaga ma mala a o taulimaina e soo o Iesu le feagaiga na muai folafolaina ia Isaraelu. A tatou ulufia loa lenei mafutaga o le feagaiga ma Le Atua e ala i lo tatou taliaina o le tu itu i mai o Iesu i faitotoa o tatou loto, ona tatou maua lea o faamanuiaga ma folafolaga eseese: e nofotupu faatasi ma Ia i Lona nofoalii; e avea i tatou ma tupu ma faitaulaga e pule faavavau; e avea le aai ma le laau o le ola ma i tatou. E amata loa ona talatalaina e le Tamai Mamoe noanoataga o le tusi o le feagaiga, ona tatou molimauina lea o tulaga e seese o le a tutupu ai i soo Kerisiano o Iesu i le lalolagi. Muamua, o le a vaaia le solofanua sinasina. O le faatulagana o le gagana Eleni e manino ai o lenei tulaga o le a tupu mai i le taimi lea, o se mea lea e faaauauina o le valaau a le tala lelei o se mea lea e faaauauina pea. E faifai pea lava lenei valaau ma manumaloina ai loto o alii ma tamaitai. E faaauaina pea le manumalo o le tala lelei seia oo lava ina finagalo Le Atua e tapunia le faitotoa o avanoa (Mataio 24:14). Revelation Seminar Extra Notes Page 1 of 6

2 Peitai e iai foi ma faigata e fesagai ma le talaiina ma le taliaina foi o le tala lelei ia Iesu. E mafai lava ona teena e soo talitonu le galuega a Le Atua i o latou loto. Na faamalamalamaina e Iesu lenei tulaga i Lana faataoto i le Luka 8:4-15. Na Ia fetalai o nisi e taliaina lenei valaau e pei o latou loto se ala e maaa ia loto. E le taua ia i latou le valaau ma aveesea ai e manulele le fatu. O isi loto e pei se eleele manifinifi i luga o se vai papa. O ni loto papa ua ia. E iai le taimi e talitonu ai; a e a tofotofoina loa, ona pauu ese lea ona e le mauaa. O isi foi loto e saisaitia e vaotalatala (o popolega, faafiafiaga ma faatosina a le lalolagi), e mole ai le agaga. A o isi loto e pei o se eleele lelei. Latou te lagona le upu ma latou gauai ai. E loloto ma mauaa i le eleele lelei ona avea ai lea o le fatu le feau o le tala lelei o se fatu e tupu laulaua, malosi ma fua tele mai. O lapataiga nei feau uma ia i tatou: e tatau lava ona tatou mulimulitu i ia Iesu. E mafai ona tatou pauu ese e pei ona lapatai mai le faataoto. O le semina lenei e fesoasoani ai le taitai I nisi o Kerisiano a faaolaina loa ona tumau ai lava lea o le faaolataga. A e faafesagai ma lenei tulaga, faamamafa le Luka 8:13, o loo faamalamalamaina ai o nisi e iai le taimi e talitonu ai a e a oo mai tofotofoga ona pauu ese lea. A oo i lea tulaga, e eseese lava auala e tutupu mai ai ia uiga. O le solofanua mumu e faailoa mai ai le auala e mou ese ai le filemu e mau mai i le taliaina o Iesu. E mafai lava ona avea soo se tai o i tatou ma sau ai. E tele ina avea i latou e liliu ese mai ia Iesu Keriso o e fai ma faafitauli sili ia i latou o e filifili e tumau lo latou talitonu ia Iesu Keriso. Fetalai Iesu o le fili o le tagata e totonu lava o lona aiga. A faaauau pea e tagata lenei tulaga, ona latou fesagai ai lea ma mala o le solofanua uliuli. E iai le oge o le afioga a Le Atua o le a lamatia ai ina ua mou le tala lelei. E le liliu mai mai lava, ona oo loa lea i le laasaga o le solofanua samasama, o le oti lea. O le tulaga na oo ia Isaraelu, e mafai foi ona oo ia i tatou, soo o Iesu, faatasi pe taitoatasi foi. O taimi uma lava e talaiina ai le tala lelei, e mulimuli mai ai lava tietie solofanua mulimuli e tolu. O loo tupu i taimi uma lava. E iai le manaoga tupito ia i tatou taitoatasi tatou vaavaai ifo ai i o tatou olaga ma fesili, O o u tuuina atu pea lo u olaga ia Iesu? O atoatoa ea ona ou mulimuli atu ia Iesu i auala uma lava ua Ia tatalaina mai ia te a u mai le Tusi Paia? E tatau ona faaaluina e le taitai se taimi iinei e talanoaina ai le manatu lenei ma faatagaina ai le Agaga Paia e galue i loto o le vasega. E mafai foi ona ta ua le tulaga na le anaana ai Iutaia i le tausiga o le feagaiga ma aveesea ai le avanoa faapitoa na tuuina atu ia i latou. E pei ona tatou molimauina uiga o ekalesia e fitu, o loo tatou molimauina lava foi le tele o nei uiga i le talaaga o le ekalesia Kerisiano. Faataitaiga, I augatupulaga o le Auaposetolo, sa muai saoasaoa le alu a le tala lelei i le lalolagi. Ona mulimuli atu ai lea o le tetee ma sauaga. Ona sosoo ai lea ma augatupulaga na faatagaina ai uiga faapaupau e filogia ai le tala lelei: Na avea ai Roma i le manatu o nisi o le malo Kerisiano I lalo ifo o le Pulega le Taitai o Konesitenitina. O le amataga ma le mafuaaga lea o Augatupulaga pe o Tausaga Pogisa ma le oge i le Afioga a Le Atua. O le ituaiga oti lea na oo i le lalolagi Kerisiano. Peitai e mafai ona taunuu le valoaga lenei i Kerisiano o soo se augatupulaga. E mafai ona aafia soo se tagata talitonu i manuia pe o mala foi o le feagaiga. O faamanuiaga uma e taunuu lea i le nofoaga i le Ierusalema Fou, i le avea lea ma tupu ma faitaulaga faatasi ma Keriso i Lona nofoalii. O mala o lapataiga ia e oo mai i solofanua ma e tietie ai. O lapataiga nei a Le Atua e taumafai e toe faafoi atu ai i tatou ia te Ia. A e a tatou teena, o le iuga o le solofanua samasama o le oti faaleagaga lea. Tatou te seleseleina mala o le feagaiga. Revelation Seminar Extra Notes Page 2 of 6

3 Sosoo ai e pei lava o Isaraelu o le Feagaiga Tuai ma talafeagai foi ma tulaga e faatinoina e le tupu Isaraelu pe a faaeeina loa iai le pule ona liliu atu loa lea o Le Atua ia i latou o sauaina Ona tagata ma teena Lana pule ia i latou. I le faamaufaailoga lona lima, o loo iai le valaau mo le faamasinoga tonu mai ia i latou o sauaina i augatupulaga uma. O loo faaataina mai i latou nei o agaga i lalo ifo o le fata o taulaga mu ona sa faataulagaina o latou ola mo Iesu, o latou tagi atu i Le Atua mo se faamasinoga tonu. Ma e matua faula i mafuaaga e tagi atu ai i Le Atua i latou nei. O le faamaufaailoga lona ono o loo vaaia ai le laa mai o Le Atua i le talaaga o le lalolagi e ala i le toe afio mai o Iesu i le lalolagi. Ua vaaia le fulifao o le foafoaga; ua sosola le au amioleaga i Lona afio mai ma latou alalaga ai i mauga ma papa e solo ifo e tanumia ai i latou. O le fesili la ua tulai mai, O ai ea e mafai ona tu atu? O le tatalaina la o faamaufaailoga e fitu e aofia ai le vaitaimi mai le satauro seia aulia le toe afio mai o Iesu i le lalolagi. E tatau ona faamamafaina e le taitai le manatu lenei ona o se manatu e malosi e lagolagoina ai le talitonuga o le Tusi o Faaaliga e faatatau tele i mea e tutupu i le talaaga o le lalolagi (historian), nai lo i latou e manatu o le Faaaliga e faatatau na o mea e tutupu i le lumanai (futurism). O le tatalaina o faamaufaailoga e fitu e le faaalia tusitusiga i totonu o le tusitaai lava ia; o le tatalaina e Keriso o faamaufaailoga e mafua ai ona tutupu mea nei i le lalolagi. E lei matala le tusitaai ma faailoa mai mea o tusia ai seia mae a ona talaia faamaufaailoga uma e fitu. O le tatalaina la o le tusitaai na alagaina mai e le agelu malosi o le Faaaliga 10:1-10 ma fuifuilua mai ai ma le faaiuina o le talaiina o le tala lelei i le lalolagi. A o lei tatalaina le faamaufaailoga lona fitu i le Faaaliga 8:1, o loo muai faailoa mai le feau o le faamalosiga e tali ai le fesili O ai ea e mafai ona tu atu? O loo faaataina mai i le feau lenei i latou e mafai ona tutu manumalo atu i le taimi o le puapuaga tele o lumanai. Silasila foi i le auala na latou tulai manumalo mai ai i le puapuaga (Faaaliga 7:14); latou te le i alo ese mai ai. E le i aveeseina i latou e Le Atua mai le puapuaga; peitai na latou mafai ona tutu atu ma le faamaoni mo Keriso e fetaiai ma le puapuaga. Na puipui Le Atua ia i latou ona ua ia i latou Lana faamaufaailoga im o latou muaulu (Faaaliga 7:3, 4; 9:4). Ia mautinoa ua manino le vasega i le manatu lenei, o tagata o Le Atua i le taimi o le iuga latou te le alo i le puapuaga tele ona ua segia i latou i le lagi e pei o le talitonuga o nisi; peitai e taitaiina mai lava i latou e Le Atua mai le lotolotoi o lenei puapuaga i Lona mafuta pea ma i latou. Faamaumauga mo le Vasega 5-7 O le 144,000 E mafai ona faananati e le taitai le faasologa o mau nei a e faasino i le ta ua soo o le fuainumera e 12. Faasino i le vasega le le manatu faaopoopo o loo iai le vaega e faatatau i le taua o le faaaogaina e le Faaaliga o fuainumera. E mafia foi ona tuuina atu e le taitai i le vasega latou te sailia vaega o loo ta ua ai le numera e 12 i le Faaaliga O se tasi o mea aupito agagata i le Tusi o Faaaliga o le uiga tonu lea o le fuainumera lenei o le 144,000. O le a pe o ai foi e faatatau iai lenei numera, ma pe o le a foi lona uiga mo i tatou o suesueina ma faitauina lenei tusi i le aso? Revelation Seminar Extra Notes Page 3 of 6

4 Atonu o le mea e sili ona manino i lenei faitauga o le 144,000 e maua mai i le faateleina o le 12 x 12 x 1,000. O le 12 o le ata faatusa lea o ituaiga o Isaraelu. A 12,000 e mai ituaiga taitasi o Isaraelu ona atoa ai lea o le 144,000. Peitai e eseese le faaaogaina e le gagana Eperu o le upu afe (eleph) e le na o se numera. A faaaogaina o le numera, o lona uiga o le afe (eleph) o vaega ia e 144 a e ta i 1,000 i le vaega. E faaaogaina foi le afe (eleph) e faaigoaina ai se vaegaau tau. O se vaegaau a Roma e ta i 1,000 fitafita 960 fitafita tau ma taitai au e 40. E foliga mai ai e masani foi ona faaaogaina le upu afe (eleph) afe e faaigoaina ai taitai o ituaiga, tai pei o se Pulega o itumalo (Esoto 18:21, 25). Na filifilia e Isaraelu anamua taitai e pulea vaega ta i to a sefulu afe (sa oo i le tai lima fuainumera le aofai o alii I ituaiga taitasi (Numera 26:4-62)), pule o le ta i toa afe (e faatusa lea i itumalo taitasi ma a latou pulega) ma pulega o ta i toa selau (nuu), pulega tai toa 50 (o aiga potopoto ia). Ona e tupuga uma mai lava Isaraelu mai le aiga e tasi (Kenese 49:1-28), o vaevaega nei e mafai ona mulimuli nei vaevaega mai le aa o lea aiga. E tele ina vaevaeina ituaiga i vavaega eseese e oo ifo lava i aiga taitasi. Ona le faaaogaina ai loa lea o le upu afe (eleph) e faatatau i se numera, a ua faaaogaina e faatatau i le taitai o se ituaiga tele, pe se taitai o le itumalo o lea aiga. Ona avea ai lea o le fuainumera e 144,000 e faatatau lea i ulu o aiga144 taitasi, latou te pulea lea aiga e oo lo latou aofaiga i fuainumera e 4. O le a le uiga o nei faamatalaga uma? Pe o le a lava le auala e te faamalamalamaina ai le upu afe o le fuainumera e 144,000, o se faaupuga lea e aofaia uma ai le atoaga o le fanauga a Isaraelu. O le 144,000 la, o le faaupuga lea e faaataina mai ai le aofa iga o tagata uma o Le Atua. E faalauaiteleina e le Tusi o Faaaliga Isaraelu ina ia aofia ai i latou uma o e mulimuli atu i le Tamai Mamoe. I le Ierusalema Fou (Faaaliga 21), o faitotoa e 12 e faavae mai i ituaiga e 12 o Isaraelu, a o faavae 12 o soo ia e 12 o Iesu (Mataio 19:28). O le fuainumera la e 144,000, e le se faapotopotoga o ni tagata faapitoa. A o le ata faatusa o tagata uma lava e faamaoni i Le Atua o Isaraelu. O le sikola o le Tusi Paia Peretania e suafa ia Richard Bauckham, e maumaututu lava lana molimau o le faitauga lenei e atagia mai ai le manatu o le Feagaiga Tuai o le faitauina o autau. E faitauina e Isaraelu ona ituaiga e malamalama ai I le malosi o ona autau. Sa na o alii ua ausia tausaga tau sa faitauina (Numera 1:3, 19-46; 26:1-51; 2 Samuelu 24:1-9). O le 144,000 la i le Faaaliga e aofia ai alii mai ituaiga e 12 o Isaraelu (Faaaliga 14:4). O le ta ua soo o le faaupuga mai le ituaiga o... e atagia tele mai ai lava le faitauga o Isaraelu i le Numera 1 a o sauna atu Isaraelu e tau ma nofoia le Nuu o le Folafolaga. O le faitauga la o le nuu o loo maua mai ai le ata mo le taua o le taimi o le iuga o loo faamaumauina mai Tusitaai o le Sami Mate [Dead Sea scrolls (1QM)], e pei lava foi o le Tusi o Faaaliga. O le aofai o autau a Isaraelu i le Faaaliga 7, e manino lava o se ata faatusa, e pei lava foi o le fuataga o le Ierusalema Fou. O le fuainumera la lenei o le 144,000, o le ata faatusa lea e faatatau i le atoatoa o autau a Isaraelu ua nofo sauna mo le taua ma au o le pogisa (Faaaliga 9:16; 17:14; 19:11-21). O se isi faaupuga, o loo faamatalaina mai e le Faaaliga i ata faataua le tulaga faaleagaga o le taimi o le iuga (Richard Bauckham, The Climax of Prophecy, T & T Clark, Edinburgh, 1993, pages ). O le osofaiga o Iraq i le tausaga e 2003, o se taua aupito faatekenolosi lea o le talaaga o taua uma. O le matautia ma le maoa e o aupega eseese faatonutonu alu mamao, e foliga mai ai e mafia lava e le tagata ona tauina se tau mai lona fale. Peitai e le iai se talitonuga ua atoatoa se manumalo se i vagana ua tu laueleele vaega au. E momoe i fanua ia, e tauaveina a latou lava mea ai ma latou fesagai ai i le taua ma le fili. A le tuvae autau, e leai se Pulega e ausia i laueleele ia e na o le faatafunaina mamao mai lava o nofoaga. Revelation Seminar Extra Notes Page 4 of 6

5 E iai foi le tulaga e tutusa ai ma le talaiina o le tala lelei i le aso. E ui lava e mafai ona talaiina foi le tala lelei i Leito, TV, Nusipepa, Neti ma oo ai i le toatele o tagata, o le autau lava o tagata faamaoni o Le Atua e faia soo fesagai taitoatasi o le eseesega tele lava lea. E pei lava ona le mafia e aupega faatonutonu alu mamaoe ona suia fitafita, e le mafia e nei mea uma ona suia le molimau fesagai faamaoni ma le isi. Afai ua tusia lou igoa i le autau a Le Atua, e le mafai ona suia e se tasi oe. Ua faatonuina oe e Le Atua e te alu e fai soo o Iesu mai atunuu uma ma gagana ma ituaiga eseese. E le mafia e le TV pe o le Leitio ona faia lea mo oe. E faaleoina mai e le Faaaliga 7:4-8 faitauga o le Feagaiga Tuai o loo faitauina ai autau a Isaraelu. A e ese mai ai le autau lenei ua faaigoaina o le 144,000. Latou te manumalo i lo latou faamalosia o isi e mulimuli mai i o latou talitonuga. O le taua faa Kerisiano e mulimuli I le faataitaiga a le Tamai Mamoe na fasia (Faaaliga 5:6). E manaumalo Kerisiano, e le o le poto pe o le malosi o le tagata a e manumalo i le toto o le Tamai Mamoe (Faaaliga 12:11). I nisi faaupuga, o le manumalo o le Kerisiano e ala mai i le vaivai a e le o le malosi (2 Korinito 12:7-10). E tele tausaga na tetee ai le alii lenei o Aleksandr Solzhenitsyn i e na saisaitia o ia i le taimi o le Pulega faa Soviet. Na ia taumafai ina ia vaaia o ia pulea lava mea n ate faia i lona taimi, o lana mea taumafa ma isi mea uma. A e na avea loa o ia ma Kerisiano, ona ia lafoaia loa lea o ia taumafaiga e pule i ia mea uma. Ina ua ia faia lea na saoloto mai ai loa o ia mai le pule a i latou na saisaitia o ia. E manaomia e le autau le galulue vavalalata ina ia manuia ai a latou fuafuaga. O tatou olaga Kerisiano galulue faatasi o se tasi lea o vaega taua tele o la tatou molimau. O le faamaoni o lenei faatinoga e faaalia ai lava i auala tatou te faia i isi tagata (Ioane 13:35). Na matua faateia se tasi o taitai o le au Hezbollah ina ua ofoina atu e Brother Andrew lona ola e fai ma sui o se tasi o pagota. O lenei tagata Mosalemu na avea ma uo a Brother Andrew. A e na ia vaaia loa e le gauai tagata Kerisiano i o latou talitonuga, ona ia tetee ai lea, Andrew, e le toe mulimuli outou Kerisiano i le olaga o Iesu. E tatau ona outou toe foi i le tusi, le Feagaiga Fou. O le uiga o le tala a lenei tagata o aoaoga a Iesu e aofia ai ma le alofa i fili, o se tulaga e lei molimauina muamua lava e lenei tagata i le au Kerisiano seia la feiloaai ma Brother Andrew. E tatau ona sauni autau mo osofaiga atoa foi ma le puipuiga. E iai taimi e leai se tasi tulaga e manaomia e faia e le fitafita faaleagaga, se i vagana le taofi mau o lona tulaga e tetee atu ai faiga eseese a le tiapolo (Efeso 6:11-14). A ua tuuina mai foi e Le Atua aupega e osofai ma tau ai ma le fili: o le pelu o le Agaga, o le Afioga lava lea a Le Atua (Efeso 6:17). O le mea lea ua faatonuina ai i tatou ia le na ona lolotu, tapuai, faamalosi e le tasi le isi i totonu o le lotu, ma faatalitali i e ua leiloa e omai i totonu o le lotu. O le 144,000 o i latou ia e talaiina le tala lelei i fafo atu o aupa o le lotu i ala tetele ma magaala o nuu e tele. A e manino foi le Faaaliga o osofaiga uma e faataunuuina lea i le tulaga vaivai, e talitonu I le mana ma le faatasi mai o Le Alii. Faamaumauga a le Vasega Itulau 12 Motu o Tagata e Toatele I Ofu Sisina Faaaliga 7:9-17 O le mau lenei e faailoa mai ai le manatu tele mai o Le Atua i tagata o atunuu, gagana, o ituaiga ma augatupulaga eseese. E tusa lava pen a latou muai teena o Ia, pe o le a foi le matautia o le amiolega na latou faia, na maliu foi Iesu mo i latou. E taua uma i latou ia te Ia ona o le satauro. E matua manino lava le le faailoga tagata o Le Atua. o le faatauaina o ituaiga eseese, ua le na o se faasinomaga faapolokiki o se tasi lenei o faavae o uiga o Le Atua e faasaga i soo se ituaiga o tagata. O Lona le faailogaina o se tasi, e manino ai Lona faatauaina o soo se tagata. Revelation Seminar Extra Notes Page 5 of 6

6 E mafai ona tatou onosaia soo se ituaiga faigata pe afai tatou te vaaia le faamoeemoe i le iuga. Na faamatalaina e le alii o David Kosoff le tala i se tasi rapi ta uta ua lava na fesuiai o la ofu ma lana avetaavale o Samuelu a o le i oo atu lana asiasiga i le sunako. Ina ua la taunuu, na le pine a e siomia e le aufailotu mai le sunako le alii o Samuelu ma le manatu o le sikola lea. A o faia le ipu ti, na taufai faalologo uma le aufailotu i soo se upu a Samuelu, a o latou seluselu atu ia te ia. I lona nenee i lenei tulaga ta uta ua, na le manatu Samuelu na te lafoaia lenei faafoliga ina ua oo i le taimi o le aoaoga a le rapi. Sa savalivali atu lenei alii o Samuelu i le sunako ma lona faatuatuaga malosi lava, e aoao le Talamuta, o se tasi o tusitusiga aupito taua a Iutaia. Na tatalaina e le aumatutua le Talamuta i se tasi o faitauga aupito faigata ona latou fesiligia ai lea o Samuelu n ate faamalamalamaina. Peitai e le gata e le iloa e Samuelu ona faitauina lenei tusitusiga, a e na te le iloa foi lona uiga! Ua foliga mai nei ua te ia le tupua a le aualii lenei. A o lenei tulaga matautia na faateia ai Samuelu ma toe ala ai lona mafaufau. Ina ua mae a ona ia autiloina lenei faitauga mo nai sekone, na ia faapea atu i le aufailotu, Ua ou matua ofo lava ina ua outou fesili mai out e faamalamalama atu ia te outou lenei faitauga faigofie lava. E oo lava i la u avetaavale e le i aoga, e malamalama i lenei faitauga! Ona vaalaau loa lea e Samuelu lana avetaavale na te faamalamalamaina lenei mau, o se tulaga sa matua faigofie i le avetaavale (Told by Norman H Young, Arm wrestling the Devil, Signs of the Times (Australia), August 2003, pages 45-48). E ia taimi e fesagai ai le toatele o i tatou ma faigata e sili atu nai lo le mea e mafai ona tatou faia. O se mea lelei tele ona iai ni a tatou avetaavale e sili atu lo latou malosi ma lo latou atamamai ia i tatou i taimi faapea. O se tasi o aoga tele o le Tusi o Faaaliga o le faatalitonuaina lea o i tatou e mafaia e Le Atua ona taulima ina soo se faafitauli, ma pe o le a le leaga o le tulaga e oo iai, e manumalo lava o Ia i le iuga. Tusa lava pe o le a lo tatou vaivai, e mafai lava ona tatou agai i luma ma le faatuatua, ma lo tatou iloa e vaaia lava i tatou e Le Atua seia oo i le iuga. All rights reserved Seventh-day Adventist Church South Pacific Division. Not for profit publication. Permission granted to Eddie Erika to translate this resource into Samoan. eerika@adventist.org.au; h:ttp//carrumdowns.adventistconnect.org/ Revelation Seminar Extra Notes Page 6 of 6