LAMEPA EFKAS LAMEPA EFKAS

Transcription

1 LAMEPA EFKAS LAMEPA EFKAS LOMIGA: ME - IUNI 2013 LE AUAUNA LELEI E, MA LE FAAMAONI, INA ULUFALE MAI IA I LE FIAFIA O LOU ALII MATAUPU I TOTONU Le auauna lelei e, ma le faamaoni Upu mai le Faatonu Lauga Tusitusiga o Ieremia Ekalesia ma lana galuega totino... Tala i atu ai le Tala lelei i tagata uma... Theology? (Rev. Elder Falelua Lafitaga) O le Lu i tāua mo le Ekalesia i ona po nei Ieremia 1: We are the light of the World. Faamanuia a le KFHS Class of O le Ulua i Malaga Faa -Misionare Toe Tu: O le Atua ae le o Aia Tatau Fonotele a le EFKAS 2014 i Amerika? I le itula e 9 o le taeao o le aso 8 o le masina o Iuni 2013, na amata ai le sauniga o le faauuga lona lua sefulu ma le fitu a le Seminare Faafaifeau i Kanana Fou. O le taitai o le sauniga o le susuga ia Dr. Ulisese E. Sala FT. O le tatalo na saunia e le susuga ia Rev. Elder Mafutaga Faaleaoga. O le Lauga na saunia lava e le susuga i le taitai o le sauniga ia Dr. Ulisese E. Sala FT. O se upu sa maua mai le Tusi Paia i le Feagaiga Fou; Mataio 25:20-26;30. O le autū o le feau mo le au faaiuaso Auauna lelei ma le faamaoni, ulufale mai ia i le fiafia o lou Alii. E ese foi le pa i mai o le feau tāua e pei ona fofogaina e lana auauna i lea aso. E le gata o se oso tāua mo le au faaiuaso o le a o atu i tua e feagai ma le galuega, a o se lu i foi poo se toe fafagu i le aufaigaluega o loo galulue i nuu ma aulotu, ina ia tumau pea le faamaoni i le galuega ua valaauina ai. Ta ua e le susuga a le Toeaina; O le faamaoni o le meaalofa mai le agaga, e amata la i le agaga, ae lē o le poto ma le atamai. Ta ua foi e le susuga a le Toeaina, ua seāseā toe maua ni auauna faamaoni i nei aso, ona ua malosi le ola tu inanau o tagata, ua pupū o tatou loto i mea o le lalolagi ma oa faaletino. Faafetai tele i lau susuga a le Toeaina mo le feau sa folafolaina, e lē gata e fai ma oso tāua mo le au faauu, ae fai foi lea ma lu itau mo tatou uma ua valaauina e talai le talalelei ia Iesu Keriso le Alii ma le Faaola. O se faauuga uiga ese lenei talu ona amata mai isi faauuga ua mavae atu a le Seminare, auā o le lona lua ai lenei o tausaga talu ona ofoina atu e Kanana Fou na o le B.D ia i latou uma e faauu mai le Seminare i Kanana Fou. O loo faaauauina pea foi le aoaoina o faletua i mataupu faale-atamai e pei ona aoaoina ai foi a oa o. O se tasi foi o polokalame fou sa amataina i lenei tausaga e pei ona ta ua e le susuga a le Peresetene ia Rev. Tafailematagi Muasau, o le polokalame lea o le certificate in Ministerial Studies; lea o loo taula i mo a oa o fesoasoani, aemaise ai soo se tasi lava e fia faalauteleina le malamalama i le Tusi Paia, le Mataupusilisili, le Galuega Faafaifeau, aemaise ai foi Tala faasolopito o le Ekalesia. Mo se tala la i le au faaiuaso o le tausaga , e to a 23 i latou sa faaiuina ma le manuia le faamoemoe, ina ua mae a mataupu faatulagaina mo le faailoga o le B.D. E to a 14 a oa o o le tausaga 4, ma le to a 9 o susuga i faafeagaiga o loo galulue i aulotu. O suafa nei o a oa o o le tausaga 4. Sinaka Ulutu, Lisi Thompson, Valaauina Taumua, Uaea Satele, Tofiga Levaula, Ausage Lelili o, David Charlie Dabuae, Maluofenua K. Sogivalu, Sapini Te o, Andrew Tuliau, Maseluse P. Elisara, Kalafi Tinipua, Alofa Hosea, Aneli Henry Fakaofo. Ma o suafa nei o susuga i faafeagaiga; Rev. Ioane Evagelia, Rev. Vilirupu Mauigoa, Rev. Lalomauga Paau, Rev. Tumau Petaia, Rev. Elder Pesaleli Poufa, Rev. Elder Faaeteete Saifoloi, Rev. Tuiaana Sagaga, Rev. Tusi Seanoa, ma le susuga ia Rev. Pou Tauaa. Sa vaaia le faatumulia o le malumalu Ua taunuu i Kanana Fou (faaauau itulau 5) LAMEPA EFKAS

2 P A G E 2 E K A L E S I A F A A P O T O P O T O G A K E R I S I A N O I A M E R I K A S A M O A UPU MAI LE FAATONU Se i manatunatu ane lava ma mafaufau faasolo i le taua o le Kalena Kerisiano, i le auaua i ta itasi mai o masina o le tausaga---ianuari, Fepuari, Mati, Aperila, se ia aulia mai Me Ou te faatusa i se tusi e teu ai ata taua o le aiga (family album). A e le tutusa lagona pe a fua i le vaavaai a le tagata lotu e naunau ia iloa le tala aga o le Ekalesia Kerisiano, ma le tagata lotu e auai i le mafutaga ona ua fai ma masaniga. O le masina o Me i lenei tausaga, ua tofu lava le vaiaso, o vaiaso e fa ma le aso faailogaina e taua, e fesoota i ma le talitonuga faale-faatuatua, talitonuga faakerisiano: E faapei o lenei, (i) vaiaso muamua, Me 9, Aso Tofi Faamanatu le Afio A e o Iesu i le lagi; (ii) vaiaso lua, Me 12, Aso Sa Faailogaina o Tina; (iii) vaiaso tolu, Me 19, Aso Sa Faamanatu o le Penetekoso; (iv) vaiaso fa, Me 26, Aso Sa Tolu-Tasi o le Atua (Trinity); Me 27, Aso Tuugamau (Memorial Day). O le upu Samoa, Me o le faasamoaina lea o le upu Peretania, May, e pogai mai i le upu Eleni, Maia, o lona uiga o ia o le malosi tutasi, o le atua fafine na te faatupu olaolaina, ua faatatau i le tau e totogo a e ai le ola lauusiusi o la au. E ono tele lava se faamatalaga e mana omia, pe a fai e talatalanoa i le taua o aso faailoga ma aso faamanatu ta itasi ia e pei ona ta ua i luga. A e o le a taumafai e vaelua i ni vaega aloa ia se lua, e pei o lenei: Muamua, faailoga ma faamanatu talitonuga ma le faatuatuaga faa-kerisiano; Lua, faailoga ma faamanatu le taua o le soifua mafuta faatasi o e ua talitonu i le Atua e to atasi. Muamua, faailoga ma faamanatu le taua o lo tatou faatuatuaga: O Iesu Keriso o le Alo Pele e toatasi o le Atua le Tama, o ia na soifua ma saunia le togiola mo le tagata agasala; na faasatauroina ma maliu ai, na tanumia i le tuugamau; na toe soifua mai ina ua mavae aso e tolu, e faapei ona molimauina e ona so o. Ina ua mavae aso e fasefulu (40), talu lona Toe-Tu mai, ona afio a e lea i le lagi (Mareko 16:19, Luka 24:50-53; Galuega 1:9-11). Ua afio i le Nofoalii Silisili ese faatasi ma le Tama, ua fai o ia ma Puluvaga mo a tatou agasala. Ina ua afio Iesu i le lagi, na poloa i i ona so o o le a auina mai le fesoasoani, o lona Agaga Fesoasoani lea, e pei ona faatinoina i le Aso Penetekoso (Galuega 2:1-31). O le faailogaina foi lea o le limasefulu o aso (50th) talu lona Toe-Soifua mai le oti ma le tuugamau. O le Aso Sa e soso o ma le Penetekoso, e faailogaina ai le atoaga o le Atua le Tama, le Atalii, ma le Agaga Paia (Trinity Sunday). Lua, faailoga ma faamanatu le taua o le soifua mafuta faatasi o e ua talitonu i le Atua: Toetoe o atunuu sa oloto uma o le lalolagi ua latou faailogaina ma faamanatu le aso e faapitoa mo Tina (tama ita i), aua lo latou soifua ta uaogaina i totonu o aiga, atunuu ma malo, e o o lava i le Ekalesia Kerisiano. O le Aso Sa o Tina i Samoa atoa, ma Samoa ua salalau i itu e fa o le lalolagi, ua latou faailogaina ma le agaga fiafia ma le loto faafetai i le Atua, ona o Tina ma lona soifua ta uaogaina, a e maise lava i totonu o mafutaga faale-aiga. A e le faagaloina ai le taua o le soifua ta uaogaina o e sa asaina le faigata o le soifua atia e o aiga, nuu ma atunuu, a e maise o faigamalo a le lalolagi ma le ola faatuatua i le Atua---i latou ua tofafa mai ti asa ma mafuta atu i le nuutumau---o le uiga lea o le Aso Tuugamau (Memorial Day). Le au faitau Lamepa e, ma le ekalesia EFKAS o lo o tapua i a o alo faiva ana tama-fanau i tiute ma matafaioi eseese, e le gata i totonu o le laumua o le ekalesia, a e faapea foi i le nofo i Pulega ma Matagaluelga, se i o tatou manatunatu pea ma mafaufau loloto ane i le taua o la tatou galuega tala i ma lo outou soifua tautua i le Tala Lelei ma le fe au ua valaauina ai i tatou ta ito atasi. E faapitoa i lenei masina lau Faigame, aua lou aao foa i ma ou lima-mafola: (i) Ia faailoga ma faamanatu pea lou talitonuga ma lou faatuatuaga, e to atasi lava le Alii, e to atasi foi le Faaola, ua na o Iesu Keriso le Alo Pele e toatasi o le Atua le Tama. O IA na afio mai, ua toe afio a e, a o lona Fesoasoani Sili, le Agaga Paia lea, e to alua ma i tatou i lo tatou vaivai. A e aua foi nei galo, e mana omia lava lou soifua mafuta faatasi ma i latou o loo mana omia lau fesoasoani. Ia taumafai e maua le ola mafuta fiafia, aua e aoga foi lea mo lou soifua faaloaloa i le lalolagi na foa iina mai mo le tagata ina ia ola fiafia ai, ma olioli e faavavau i lona Atua o lo o soifua, ma e soifua pea e faavavau. Ia manuia! UPU FAAOPOOPO MAI LE FAATONU Ua tuu faatasi le masina o Me ma Iuni i le lolomiga lenei e tasi, e amata ai le ta ilua masina o loo totoe o le tausaga. Ua faia lea fuafuaga ina ia talafeagai ma taualumaga o loo totoe o le tausaga, e tusa ai ma galuega faatino i le Ofisa Tutotonu o le EFKAS. Faafetai. O sina tala puupuu mo le masina o Iuni: Ua tatou taunuu i le ogatotonu, po o le afa o le faitauina o aso o lenei tausaga. O le upu Iuni, ua faaliliu mai i le upu, June, o le gagana Peretania; e pogai mai le gagana Latina Junious ; a o le tupu aga (faaauau itulau e 5)

3 E K A L E S I A F A A P O T O P O T O G A K E R I S I A N O I A M E R I K A S A M O A P A G E 3 O LE LAUGA (Saunia e le Susuga a le Faafeagaiga ia Sanerivi Mulitalo, F.S.) Isaia 61: 1 11 Kalatia 5: O le lauga i le suafa o le Atua le Tama, le Atua le Alo ma le Atua le Agaga Paia! Matua: Kalatia 5:25 Afai ua tatou ola i le Agaga, ia tatou savavali foi i le Agaga. Manatu Autu: O le Tagāvai a le Kerisiano O le faamanatuina o le afio ifo o le Agaga Paia po o le Aso o le Penetekoso. Ua le o toe nenefu i lau faafofoga, pe toe taumatemate i lou finagalo tala faamaumauina e uiga i le Aso Penetekoso, e pei ona faamauina i le tusi o Galuega. O vaaiga ofoofogia na molimauina, ae maise ai o faalogona o tagata na mafai ona auai i lea aso. Le Agaga Paia fai vavega, na mafai ai ona maua le femalamalamaa i o tagata. Ua lē o se aso na tupu fua, ao le aso na atofaina, o le aso na tuupoina ao mafuta le Alii ma lona au soo, lea foi na toe faamanatu ina ua toe soifua manumalo mai le oti. O le aso na faatalitali ai ma le toto a le au soo, ao faatumulia Ierusalema i tagata Iutaia ma uluai fua o a latou faatoaga, e faamanatu ma osi ai le taulaga faafetai i le Atua, ona o lana tausiga ma lona alofa ia i latou i le tuanai ma le taimi nei. Le aso faamanatu a Iutaia e atoa i ai le 50 aso mai le paseka, ae atoa ai foi le 50 aso, talu ona toe soifua manumalo mai le Alii o Iesu, ma le faataunuuina o lana folafolaga i le au soo e ala i le Agaga Paia. O aso faamanatu ua masani ai Iutaia i tausaga taitasi. O polokalama faataotooto a le tagata, ao loo lotolotoi ai ma fuafuaga lililo a le Atua, lea ua le gata i le au soo lona molimauina ao le toatele foi o le au Iutaia. Taoto ia la le uiga ma le amataga o le aso Penetekoso i lona tala faasolopito, ae sei o tatou vaavaai ma toe to manatu, poo mafai e lou kerisiano ma lo u kerisiano ona tauave ma faatino lea sootaga mafanafana. Aua afai o le tausaga e 1830, e tusa ai ma tala faamaumauina ma faamaonia, na muai suluia ai ou laueleele e ave malolosi o le talalelei, e maualuga foi i se taofi, o le amataga foi lena ma le mautinoa, o le lotolotoi o le Agaga o le Atua i o tatou tagata. Le Agaga o le Atua na feliuaina nisi o tu ma aga faanuupo, ina ia mafai ona fesootai ma le galuega faaola a le talalelei, e pei ona aumaia e misionare lea ua faigofie ai, le va fesootai o le tasi ma le isi, i ni lelei ma ni faaletonu. Le Agaga lea o le Atua na tautino ai ma le mautinoa le perofeta. Fai mai ana upu, Ua i ou luga le agaga o le Atua. Ua faauuina a u e le Alii e talai le talalelei i e ua tigaina. Ua ia auina mai a u e fusifusi i e loto momomo, e talai le sa olotoga i le tafeaga, ma matua tatalaina e ua fusifusia. Le tautinoga e totogo a e mai le loto, le loto ua talitonu ma le mautinoa i le agaga o le Atua. Lona valaauina ina ia apoapoai ia Iuta, ua tele le agasala. Ia foi i le Atua e ala i le salamo mai amio leaga, ona toe alofagia lea o ia e le Atua. Peitai e lei gauai Iuta, na mafua ai ona faatafea ma faatoilaloina e Nepukanesa ma lona malo o Papelonia. Peitai ona o le Atua tausi feagaiga, o le Atua alofa mutimutivale; o le Atua alofa faamagalo, na toe alaga ai le perofeta mo Iuta ma lona laveaiina. Le tulai mai o Kuresa ma lona malo o Peresia, na faatoilaloina le malo o Papelonia. O auala ma faiga lililo a le Atua, o loo faaalia ai lona silisiliese ma lana pule aoao. Le agaga o le Atua na tuu mumusuina Kuresa, na mafua ai lana faaiuga, ina ia faasaolotoina sā Iuta. Tuu le faitalia i le tagata, pe toe fia foi i Ierusalema pe leai. O le tala e toatele atu na nonofo, i lo latou na toe foi. Aisea? E le faigofie le toe tau amata o aiga, ma tau atinae mea uma ua faaleagaina. O i latou ia na toe foi, ma taumafai e atinae aiga, toe fausia pa o Ierusalema, ae maise o le taumafai ina ia toe fausia le malumalu ua taoto i le eleele, lea o loo agai i ai le auauna ua maua le agaga o le Atua. Le auauna faauuina ua i ai le agaga o le Atua, na te avatua le lototele i e o tigaina. Na te avatu faamafanafanaga i e o loto momomo, ma tuusaoloto i e o pologa ma fusifusia. E avatu le fiafia i e o faanoanoa i Siona. O le matagofie e sui ai le lefulefu. O le ofu e fai ai viiga e sui ai le loto faavaivai. Le agaga o le Atua na te tuu mumusuina le auauna faatauvaa, ina ia maua le lototele, le malosi ma le atamai, e faaleo ma faia ai galuega fesoasoani, mo e o mafatia ma tigaina. Le agaga o le Atua e alu ai ma le talitonu, e tautala ai ma le mautinoa i mea uma, leai se fefe poo se ola masalosalo.

4 P A G E 4 E K A L E S I A F A A P O T O P O T O G A K E R I S I A N O I A M E R I K A S A M O A Le agaga o le Atua e maua ai e tagata uma le malosi faafouina, o manatu ma lagona lelei, e atinae ai manuia mo tagata uma. Alaga le auauna, e faailoa ia i latou ua toe foi ma taumafai e toe fausia Ierusalema, ina ia faamoemoe ma faalagolago i le agaga taitai o le Atua, e mafai ai mea faigata. Le taeao toe afua o Iuta, e ao ai ina taulai le vaai i le faasinoga a le agaga o le Atua. Le agaga o le Atua e pei ona faailoa e lana auauna, na te toe aumaia le faamoemoe ola mo lona nuu, ua leai se faamoemoe. Fai mai upu a le auauna, Ou te matua fiafia i le Alii, e olioli lou loto i lou Atua. Aisea? Le auauna ua faaofuina e le agaga o le Atua i le ofu o le olataga, ma faapulupuluina i le ofu o le amiotonu. Le agaga o le Atua, na te faatupuina ma faatumauina le sootaga a le tagata ma lona tuaoi, ae maise le tagata ma le Atua. O le taumafaiga a le auauna ina ia maua e tagata uma o Iuta ua toe foi, le agaga o le limalima faatasi, le agaga o le galulue ma le fiafia faatasi, ae maise o le agaga o le fealofani, e fefaasoaai ai le alofa o le Atua. Ao lena foi le naunautaiga o Paulo mo Kalatia, o tagata o nuu ese na galue ai le agaga o le Atua e ala i le talaiga a le aposetolo. Le taumafaiga a le aposetolo i lana malaga muamua i lana talaiga, na ia faailoa ai le talalelei ia Iesu Keriso. Le faaolataga ma le tauamiotonuina o le tagata e ala i le faatuatua, ae le o galuega a le tulafono. O le tulafono o galuega faaletino. O galuega a le tino e feteenai ma galuega a le Agaga. Fai mai le aposetolo ia Kalatia, Afai e taitaiina outou e le Agaga, ua le nonofo outou i le tulafono. Ia outou savavali i le Agaga, ona le faia lea e outou o tuinanau o le tino. E anoanoai tuinanau o le tino e pei ona faailoa e le aposetolo ia Kalatia, ma ou te talitonu foi, ua loa ona e silafia. Ao le tautinoga a le aposetolo, O e faia mea faapena, e le fai le malo o le Atua ma o latou tofi. Peitai ua na oi latou e atagia ai le alofa, le olioli ma le filemu. Le onosai ma le faamaoni. Le agamalu ma le amio mama. O fua o le Agaga, o i latou ia, e fai mo latou tofi le malo o le Atua. Afai e sailiili i tusi a le aposetolo, pau lava lea o le nuu ma tagata ua le mafai e le aposetolo ona onosai ma faapalepale i ai, lea na ia faapea ai i le amataga o le mataupu e 3 o lana tusi, Kalatia valea e, o ai ea na ia pelogia outou? Ua faailo le valea, ina ua le mafai ona ola ma savavali i le taitaiga a le Agaga, ae ua tosina i talaiga a le au Iutaia, o loo tausi ma usitai i taitaiga a le tulafono. Le au uso e, fai mai upu o lau tagavai Ia faamuamua le Atua. Ae fai mai Samoa tutoatasi, Faavae i le Atua Samoa. O lona uiga e faamuamua le Atua i mea uma, ma ia tumau i le Atua le viiga. E talitonu se taofi, e lei soona faaupuina ma fatuina fua upu o tatou tagāvai. Na faaupuina ma fatuina ina ua mautinoa i le Atua. Ina ua soifua ma savavali o tatou tagata i le taitaiga ma le faasinoga a le agaga o le Atua. Ina ua talitonu augāmatua o le tuanai, o le faasinoga ma le taitaiga a le agaga o le Atua, na mafua ai ona maua lo ta taeao manuia. Fai mai le siuleo o loo faalogoina pea i o tatou laufanua, Ua ao Samoa. O le a sou silafia, o talafeagai lea fuaitau? Afai ua ao Samoa, ae aisea ea e saga tutupu ai pea faafitauli matuiā ma ogaoga i lotoifale o aiga, o nuu ma le faigamalo, e oo lava foi i ekalesia? Afai o Samoa ua faakerisianoina, o tagata tautua lotu ma toaaga i tapuaiga, ae aisea e faigata ai ona soifua i le Agaga ma savavali i le Agaga? E ui lava o loo outou soifua ma tatou ola i le lalolagi o faafitauli ma faaosoosoga, e ui lava foi ina leai se tasi e atoatoa sona lelei, peitai afai e tausisi ma manatua pea e le tagata kerisiano lana tagavai ia soifua ma savali i le agaga, e talitonu se lagona o le a foia faafitauli o loo tutupu pea. E faamanatuina pea i tausaga uma, e tagata kerisiano ma ekalesia kerisiano uma i le lalolagi e aofia ai ma Samoa, le Aso Sa o le Penetekoso. Le afio ifo o le Agaga Paia, na mafai ai ona maua le fesootaiga e ala i gagana. Ua mafai e le isi ona malamalama i le gagana a le isi. Ao lena foi le faamoemoe o le agaga o le Atua moi tatou lana fanau, ina ia maua le femalamalama a i o le tasi i le isi, ina ia mafai ona ola ma savavali faatasi i le Agaga, ma ia atagia fua o le Agaga i o tatou olaga. I lenei masina, o le masina o faiga taulaga. O foai e tautua ai le Atua ma lona finagalo e ala i lana galuega talai ma ana galuega fai. O le foai e ofoina atu e le tagata ma le malie atoatoa, ina ua tuumumusuina e le agaga o le Atua, ma faailoa ai lona fai mea sili. Le fanau a le Atua ma lau faitau, afai e moni ua ao Samoa, e tatau foi ona atagia uiga ma aga, e faailoa ai ua ao lo tatou atunuu. Afai foi o le ta tagāvai ia faamuamua le Atua, e ao foi ina tausia ma atagia i mea uma tatou te fai, le faamuamua o le Atua. Afai foi o Samoa ua kerisiano ona tagata, e tatau ona soifua ma savavali i le agaga o le Atua, ma ia atagia fua o le Agaga. O le tagavai

5 E K A L E S I A F A A P O T O P O T O G A K E R I S I A N O I A M E R I K A S A M O A P A G E 5 a le kerisiano faamaoni, ia ola i le Agaga ma savali i le Agaga. Le faataitaiga sili lea na manino i le soifua o lo tatou Alii o Iesu Keriso, na soifua i le Agaga, na savali ma fua mai fua o le Agaga i lona soifuaga atoa. Le mafuaaga lea na ia mafai ai ona faatoilaloina o faafitauli ma faigata e oo lava i le oti, ona sa soifua ma savali i le Agaga. Afai ua tatou ola i le Agaga, e tatau foi ona tatou savavali i le Agaga. O le tagāvai lena, mo lou kerisiano ma lo u kerisiano, nei ma aso uma lava,,, Amene. ********************************************** (faaauau mai le itulau muamua) i le paia o aiga, o matua, uō ma e masani a i latou uma sa faaiuina ma le manuia le faamoemoe. E tusa ai ma le ripoti a le susuga a le Peresetene o le Seminare, e to a sefulu le aofai o Faiaoga tumau o loo i ai nei, e to atasi le susuga i le faiaoga lē tumau, ma le teuoloa faatasi ai ma le Librarian. E to alima faiaoga o loo faaauauina pea le taumafai i aoaoga i fafo mo nisi o faailoga maualuluga e pei o Masters ma Foama i (Ph.D), ma le faamoemoe a mae a ona toe taliu mai lea e galulue i le Seminare i Kanana Fou. E to alua faiaoga fou ua talia e le Komiti faafoe ma le Komiti a le au Toeaina e amata i le tausaga aoga lea o loo lumana i nei O le susuga i le Faifeau Foma i ia Amaamalele Tofaeono mo le matātā o le mataupu silisili ma lona faletua ia Joan Aleluia Tofaeono Dr. Min. Mo le tausaga aoga fou , e to aono i latou ua pasia e ulufale i le Seminare, o i latou ia o Veteran Brown (Hawaii), Troy Foilefutu (Alaska), Graig Masaniai (Hawaii), Apisaloma Toleafoa (Tutotonu), Timothy Sa Young (Los Angeles), ma Vagana Falealii Saili (Tutotonu). E momoli atu le agaga faafetai tele i lau susuga a le Peresetene, le susuga a le sui pule, aemaise le aiga o faiaoga ma o outou faletua, mo le galuega mae a sa outou feagai ai i lenei tausaga faaleaoga ua mavae atu. Malo le onosa i, malo le faapale pale, ia faamanuia tele le Atua mo outou, ma ia manuia foi le au faaiuaso o lenei tausaga. Soifua ma ia manuia! Rev. Mika Tele a Falealii. ************************************************** ************************************************** (faaauau mai itulau 2) mai le atua fafine o Roma, o Juno, e ta ua ai le atua o Jupiter. Ua fesootai nei uiga eseese ma fesuia iga o aso ma le tau (seasions). O le masina o Iuni e maua i ai aso pito i uumi itula o le ao (daylight) i le afa i Matu o le lalolagi (northern hemisphere); e faafeagai ma aso pito i pupuu itula o le ao (daylight) i le afa i Saute o le lalolagi (southern hemisphere). O le taimi foi lea e faitauina ai aso o le tau mafanafana, ma aso o le tau malulu i le itu i matu ma le itu i saute o le lalolagi. Ua talitonu nisi, o Iuni, o le vaimasina ua talafeagai mo le atina eina o aiga fou, e ala i sauniga o le faaipoipoga. Ua le tele ni aso faailogaina faale-lotu ia Iuni, se i vagana le Faauuga a le Seminare i Kanana Fou, Aso Toonai, Iuni 8th.; ma le Aso Sa o Tama, Iuni 16th. Rev. Emau Petaia ********************************************** (Fa aauauina o le Tusi o IEREMIA mai le lolomiga o Fepuari) (Tusia Rev. Elder Faaeteete Saifoloi) O Ta utinoga a Ieremia: (The confession of Jeremiah) O loo salalau i totonu o le tusi o Ieremia valoaga o loo fa amatala ai tauiviga sa feagai ma Ieremia, a o tuuina atu e ia le feau a le Atua ma le faamaoni, e ui ina tete e ia te ia tagata o le Atua, o e na le fia fa alogo i mea na ia fai atu ai i le suafa o le Atua. Na manatu i latou ua fiafia Ieremia e tala i lo latou fa aleagaina. Peita i, e tasi lava le ala na ia ta u atu, o mea na ia fa alogo ai mai le Atua. Ua fa aalia i nisi o vaega le lagona o Ieremia, o le ita ma le inoino i e fa asaua ia te ia. A e na te le i fa aalia i tagata lena lagona, ua na o le Atua lava na ia fa aali i ai. O mataupu nei o loo aofia i le vaega lea ua taua o Ta utinoga a Ieremia; 10:23-25, 11:18-12:6, 15:10-21, 17:12-18, 18:18-23, 20:7-18. E peiseai e le i fa aaogaina e Ieremia nei vaega i ana lauga. E le taumate fo i, sa tusia e se tagata i ana tusitusiga ma toe fa asalalau mulimuli ane, ma sa taofi e Paruka nei fa amaumauga uma. O mataupu fa aopoopo: (The Appendix)

6 P A G E 6 E K A L E S I A F A A P O T O P O T O G A K E R I S I A N O I A M E R I K A S A M O A O le mataupu e 52, o le toe tusia lea o le II Tupu 24:18 25:30. Aisea ua toe tusia ai? O manatu ta atele lava, o mataupu ia ua toe tusia ai vaega o tala fa asolopito, o loo fa amauina ai le talaaga o mea i tua atu o le perofeta, a e le o taua ai lava le igoa o Ieremia. Ua tia i ese fuaiupu o le II Tupu 25, ona o tala ia i le fasiotia o Katalia, lea ua uma ona tusia ma taua i le mataupu A silasila toto a pea i ai, e le o maua i le II Tupu 24/25 le mataupu 52:28-30, lea o loo fa amatalaina ai le fa atafeaina fa atolu o le malo o Iuta i Papelonia. O le Feau: (The Message) E sili atu ona tatou malamalama lelei i le feau fa aleagaga a Ieremia, pe a tatou mafaufau toto a i taimi eseese o lana galuega fa aperofeta. 1. O le pa ū o Asuria: Sa avea Ieremia ma perofeta i le vaitaimi ua tau mou ese atu le pule malosi a le malo o Asuria i le lalolagi. O le taimi lea sa fa avaivaia ai e Ieremia loto o sa Iuta, a o taumafai e tuto atasi ma fai feagaiga ma isi malo, Ieremia 2:18. Sa talitonu Ieremia, o le a feagai nei Iuta ma nisi o osofaiga mai le itu i matu, Ieremia 1: E le taumate sa manatu o ia, ia Sekutia, o le fili fou lea o le a fa asaga tau ia Iuta. O tagata maumausolo sa nonofo i le itu i matu o Asuria. Sa fa aitiitia e nei tagata le malosi o le malo o Asuria i lo latou osofaia lea o le tele o vaega o le malo o Asuria. Sa talitonu fo i nisi o le au su esu e o le Feagaiga Tuai, sa manatu Ieremia, o Papelonia, o le malo lea o le a fai ma fili fou ia Iuta ma lona malo. Sa fa aaoga e Ieremia le tele o upu o loo fa aaoga e le perofeta o Hosea. O se fa ataitaiga lelei, a faitau ma su esu e i le Ieremia 3:1, 6-10, o loo fa amatala ai Iuta, o le ava le fa amaoni. O le moliaga aupito matuia o Iuta, o le liliuese lea o Iuta mai le auauna atu i le Atua, a ua latou auauna ma tapua i atu ia Paala ma isi atua o Kanana, Ieremia 2:23. Sa foaiina atu ia i latou e le Atua fuata lelei, a e ua latou vivi i ma pepese pea ia Paala, Ieremia 5: O loo taua fo i e Ieremia, o Iuta o le fafine talitane. O upu a Ieremia, ua mulilua Iuta i lo latou liliu ese mai le Atua moni, Ieremia 2:20, 5:7. O le a fa asalaina Iuta e le Atua ona o lo latou le fa amaoni. Peita i, e talia lava i latou e le Atua pe a fai latou te toe fo i ma liliu atu ia te Ia, Ieremia 6:6-8, 3:12-14, 22. Sa fa aletonu Ieremia, pe fa amata o i a Iuta le atamai ma le lototele e toe foi ai, ma liliu atu i le Atua soifua, Ieremia 4: O le Toe faafouina o le lotu/tapuaiga e Iosia: Sa maualuga lava i manatu o le perofeta le tagata lenei o Iosia, lea o loo ia fa amatalaina o le tagata amiolelei ma le amiotonu, Ieremia 22: Tusa lava pe leai ni valoaga e fa atatau i lenei mataupu, masalo lava sa lagolago malosi e Ieremia le fa afouina o le lotu e Iosia. O le olaga fa alelotu o Iuta sa fa avae i le tusi o tulafono fa a-teuteronome. O lenei tusi ua avea ai ma solitulafono le ifo ma tapua i ia Paala, ma fa asaina ai faiga sese o tapuaiga sa fa aaoga e tagata o Sa-Iuta. Mulimuli ane, sa iloa e Ieremia, e le mafai e se tusi o tulafono ona fa afou loto o le nu u atoa. E mana omia le liliuina o o latou loto. A aunoa ma le na, e le taumate e fa aseseina le tulafono, e avea ai o se mea pepelo ma le le moni, Ieremia 8:8. E lua ni fa amatalaga sese o loo taua i le tusi o Ieremia: 1. O lo o taua i le tusi o Teuteronome le faia o tapuaiga i le mea e tasi, o lea sa talitonu tagata, e paia ma mamalu Ierusalema, e le mafai ona to ilalo ma pu ea e se fili. Sa fai atu Ieremia ia i latou, e fa alagolago tele le na taofi i lo latou usiusita i ma fa amaoni i le Atua, Ieremia 7:2-7. Ua fa amatala i le tusi o Teuteronome ituaiga taulaga e faia i le Atua i Ierusalema, o lea na manatu tagata e taua le taulaga i le auauna i le Atua. Sa fai atu Ieremia, e mana omia lava e le Atua le ola usiusita i, e le avea le taulaga ma mea e suia ai le auauna, Ieremia 7: O le Nofoaiga a Ioakima: O le tele o valoaga a ieremia e sau mai le taimi o le nofoaiga a Ioakima, a o le i fa ato ilaloina Iuta e Papelonia. Sa ta u atu e Ieremia le fa amasinoga mai le Atua, e leai se fa amoemoe mo Iuta vagana ua fa ato ilaloina, Ieremia 15:1-3. E fa aumatia le autau a Iuta, e to atele tupulaga o le a fasiotia, Ieremia 15:8. O le a fa atafeaina Iuta e tusa ma le finagalo o le Atua, Ieremia 17:4-5. O le a matua puapuagatia i latou i le tafeaga, Ieremia 8:3. O ta utinoga a Ieremia, e le taumate o le vaitaimi tonu lea sa faia ai.sa fa aaoga e Ieremia gagana fa afaatusa e momoli ai lana feau. Ua ia fa atusa le Atua i le fai ipu omea, ma fa amanatu ai i tagata le fa amasinoga a le Atua, e o o mai lava, ona o lo latou le usiusita i. Afai latou te usiusita i i le Atua, e leai se fa amasinoga, Ieremia 18:1-10. Sa fai atu o ia i se tasi vaitaimi, o le a teena e le Atua o Iuta ua pei lava o le fai ipu omea, ua mae a ona faia se ipu, ma ua toe tata e ona ua le atoatoa lona ata, Ieremia 19: E le taumate o le taimi fo i lenei sa faia ai valoaga a Ieremia i malo eseese. Ua soso o le mataupu 25 ma

7 E K A L E S I A F A A P O T O P O T O G A K E R I S I A N O I A M E R I K A S A M O A P A G E 7 mataupu i le Seputuakini, ua i ai se manatu, e i ai se feso otaiga i le va o nei mataupu. Sa talitonu Ieremia e fa amasinoina e le Atua isi malo, atoa fo i ma Iuta. Sa avea ma fa alavelave tele ia Ieremia mataupu sa folafola atu e perofeta pepelo, faapea e fa aolaina e le Atua lona nu u mai Papelonia, Ieremia 23:14, Ina ua mavae le Tafeaga muamua: E le i uma le fa amoemoe o Ieremia e aofia Iuta i totonu o fuafuaga a le Atua mo le lumana i. Sa manatu o ia, o i latou na o i le tafeaga, o i latou ia o le a mafai ona auauna i le Atua i le lumana i. Sa ia tusi atu i le tafeaga i Papelonia, ia nonofo ma le filemu iina, ma galulue mo le lelei o lena atunuu, Ieremia 29:4-7. Ia faatalitali ma le onosa i, o le a fa ataunuuina e le Atua ia fuafuaga uma. E toe fa afo isia i latou i Iuta, Ieremia 24:5-7, ona latou toe atina e lea o Ierusalema, le aai paia, ma o le a fa amaoni ma loto atu i le Atua, Ieremia 33:2-9, 24:7. O le a i ai le feagaiga fou e suia ai le feagaiga lea ua latou solia ma le usitaia, e pei o upu o le tulafono o tusia ai, ia fa ataunuu e tagata uma, Ieremia 50:4 O le a tusia e le Atua lana tulafono i le lumana i i loto o tagata, latou te auauna ia te Ia ma le fiafia, Ieremia 31: O le a i ai le tupu fou i Iuta, e filifilia e le Atua mai le aiga o Tavita, e pule o ia i le poto ma le amiotonu lava, Ieremia 23:5-6 (Malo le faitau ma su esu e i le Feagaiga Tuai. E faia pea...) ********************************************* (faaauau: Ekalesia ma lana galuega totino Pese i le Auauna.. Lamepa --- Aperila (f.5: Afai ua fiu le auauna, ia manatua lenei mea, e le i faataga filifilia o ia e le Atua.... Ia le gata la ina ia faaolaina le aiga o Iakopo, a ia faaolaina foi le lalolagi atoa.) 49: f.6: Ua le faapitoa le galuega a le auauna ia na o ni nai tagata, a e mo tagata uma o le lalolagi. Faapei ona valaauina e le Atua o Aperaamo e ala atu ai le manuia mo aiga uma o le lalolagi, o lea foi le faamoemoe mo Isaraelu le auauna filifilia, ina ia avea ma ala e oo atu ai le malamalama o le Atua, ma lana faaolataga mo nuu uma o le lalolagi. Ia le gata la ina faaolaina le aiga o Iakopo, a ia faaolaina foi le lalolagi atoa. E ui ona o loo fesoota i nei pese e fa i nisi tulaga, e pei o lenei: Ua faaalia ai le moni ma le faamaonia o le finagalo o le Atua i le soifuaga o lana Auauna; o le faaaogaina o le gagana masani, ma le faasologa o fatuga faatauloto, po o pese; --- a e ua i ai foi tulaga ua eseese ai le tasi pese mai lo le isi. O loo aliali mai i ulua i pese a le Auauna (42:1-4; 49:1-6), le filifilia o le nuu o Isaraelu i le fataunuuina o le finagalo o le Atua, i lona tala faasolopito: O le filifilia lea e fai ma faailoga vaaia o le faamaoni o le Atua ma lana faamasinoga tonu. Sa le gata ia Isaraelu ona faailoa atu i le lalolagi lenei feau mai le Atua, a e sa i ai foi le avanoa tatau e galue ai Isaraelu mo ona lava tagata. O se galuega faa au auna na faatinoina i le tele o tausaga o Isaraelu i aso na taugalemu ai, atoa ma aso o ona puapuaga. (A) ISAIA 50:4-9: Ua amata nei ona atagia manino foliga o le Auauna a le Alii; o ia o se perofeta, o se ua filifilia faapitoa e fai ma auauna: Ua i ai le laulaufaiva e tautala ai; ua i ai taliga e faaologo ai; o lona tua e feagai ma tiga; o alafau foi ma le ava ua futia, o uiga faatauemu; atoa ma mata o loo pupula pea e faafeagai ma e o fai fili mai. O loo tofu le itutino ma lona aoga. Peitai, o le laulaufaiva e tautala ai, ma taliga e faalogo ai, o mea pito taua ia i le faataunuuina o le finagalo folafola o le Atua. E le gata ina taua le folafola atu, a e faapea foi ona tatau ona soifua ai le auauna. O le loto masalosalo ma le le talitonu ( A ua fai mai Siona, Ua lafoaiina a u e le Alii, ua galo mai a u e le Alii. 49:14), o le tasi lenei o faigata ua maua le auala e fo ia ai--- Ua foai mai ia te a u e le Alii le Atua... O loo galue foi le Auauna, o le ala lea o le fesoasoani mai o ia ia te a u. O lenei feau mai le Atua ua tuuina mai i lana Auauna, ua le ose mea e fou; a e o se galuega na tauave mai mai le selau ma selau o tausaga ua tuanai i perofeta na muamua--- laulaufaiva o e ua a oa oina, (8:16). ua aofia i lenei pese a le Auauna lana galuega faamisionare, o mea e tatau ona maua e fai ai le galuega, atoa ma le onosa i e feagai ma mea faigata ona o le galuega. (E) ISAIA 52: :12: Ua iloa lenei vaega i le ta u, o le Isaia e Limasefulu-ma-le-Tolu, e ui lava ina o loo aofia ai le mataupu 52 ma le 53. O le vaega mulimuli foi lea o le Tusi a le Perofeta o Isaia ua ta ua o Pese a le Auauna. I LAMEPA EFKAS

8 P A G E 8 E K A L E S I A F A A P O T O P O T O G A K E R I S I A N O I A M E R I K A S A M O A nei pese e fa a le auauna, o loo atagia ai ni tulaga faatino se tolu: (i) O le agasala a Isaraelu e mafua ai ona faasalaina i aao o le Alii; (ii) O puapuaga ua aofia ai tagata uma e oo lava i le Auauna; (iii) O le galuega a le Auauna amiotonu i le tuufaafeagai ma fuafuaga o le faaolataga. O se Auauna e faafeagai ma mea faigata na vaaia i le vaega na sei mavae atu nei (50:4-9). Peiseai o le faatumutumuga lenei o le molimau a le perofeta o Isaia e uiga i le Auauna a le Alii; a e maise o se ata atoa lea o le soifuaga faaleagaga o le tagata i le lalolagi. E ui ina sa faauiga lua le faamatalaina o le auauna mai le amataga--- auauna: o Isaraelu; auauna: o le tagata e toatasi---au aliali mai i lenei pese mulimuli, o se tagata e toatasi ua na faataunuuina le finagalo o le Matai. O le taunuuga na oo i lona maliu faamaturo ona e le ua agasala, a e ua fai o ia ma sui o le toatele. Faauta, e manuia la u auauna... ma matua faaneeneeina. (f.13. E ui ona o se folafolaga faavaloaga, a e na taunuu ma faamaonia. O ia lenei o le Mesia, o le Auauna a le Alii ua faapaleina i le mamalu ma le paia o le Atua. ff.14-15: E faapei ona molimau le Aposetolo o Paulo: E vaavaai i latou o e na le talaiina i ai le tala ia te ia; e lagona e i latou o e na le faaologo atu i ai. (Roma 15:12). O loo faatatau i le folafola atu o le Tala Lelei ia Iesu Keriso. ISAIA 53: f Na afio mai o ia, a e le iloa e le lalolagi. f.2: Na afio mai o ia ona e le o le mana o o le tagata, po o se faamoemoega o le toatele o e na faatalitali. f.3: Na afio mai i se tulaga maulalo, o ona puapuaga foi na avea ma pogai o le tuulafoaiina. ff.4--6: O lona faalumaina ma puapuaga, o lona lava mana o; a e le o se mea na tupu fua, po o ni ana agasala foi. f.7: E ui ina e le i sala, a e lei finau o ia. f.8: Tusa lava pe ta uleagaina ai o ia ma le galuega na auina mai ai, ona o i latou na ala ai ona puapuagatia. f.9: O lona faamasinoga foi ua tatou iloa ai le tonu o le faasalaga, ma le amiotonu o le ua le sala. f.10: O le paia ma le mamalu o ona puapuaga e faasagatonuina ai mea sese uma lava. f.11: Ua avea o ia e fai ma Faaola Lavea i ona ua ia tuuina atu lona lava soifua e fai ma sui. f.12: E ui ina ua mae a le galuega o le faaolataga, e ui foi ina ua faapaleina o ia i le mamalu ma le paia, a e na te tauaveina pea le galuega o le fautua. Ua faaauau pea elnei valoaga se ia taunuu i ona po o le Feagaiga Fou, pei ona molimauina i tala tusitusia a le au faievagelia. Saunia: Rev. Emau S. Petaia, FMM. ********************************************** Tala i atu ai le tala lelei i tagata uma. --- (mai le Lamepa Aperila 2013) [... o le faaaogaina o le upu faamisionare i le fesootaiga ma le galuega faafaifeau, i le Tusi Paia,... e faapei o le tiakono ma tiute faa-faifeau; o le faamisionare e auala mai i le Agaga; ma, e tuuina mai foi tiute faamisionare i se ua talitonu ma faatuatua. O le tele o lo tatou su esu e ma sailiili i le Tusi Paia, o le lautele foi lea o lo tatou iloa ma malamalama i le upu faamisionare (ministry), pe a fai tatou te mafaufau i upu o le Poloaiga, ia tala i atu i nuu uma... ] [soso oga mai le Lamepa o Aperila 2013] Se i faaauau pea su esu ega ma sailiiliga i le Tusi Paia i le uiga ma le faatinoga o le upu, faamisionare, po o le misiona. O le upu Eleni, diakonos, o le nauna, e faatatau i le tagata o lo o auauna atu, ua faaliliuina i le upu o le gagana faa-peretania o le deacon (tiakono), o le tofiga faale-ekalesia i le Filipi 1:1, ma le 1 Timoteo 3:8-13, ua faasino i le tofiga faale-ekalesia. Ua faaaogaina foi le upu lava lea i nisi taimi i se uiga faasalalau e faatatau i le au aposetolo, po o failauga ma a oa o, ma e faatele le faaaogaina lea nai lo le faatatau i le tofi tiakono.

9 E K A L E S I A F A A P O T O P O T O G A K E R I S I A N O I A M E R I K A S A M O A P A G E 9 A e o le uiga faasalalau lea o le upu deacons, e faatatau lea i le tagata fesoasoani. Ua le faatatau i so o se fesoasoani, a ua faapitoa i le ituaiga o fesoasoani e aoga mo le tasi tagata, po o se isi lava mea. Ua faaaoga e Pualo le upu, diakonosto, e faasino ia te ia lava: o le auauna a le Alii (1 Korinito 3:5), o le auauna a le Atua (2 Korinito 6:4), auauna o le feagaiga fou (2 Korinito 6:4), auauna a le na tala lelei (Efeso 3:7; Kolose 1:23), ma auauna a le ekalesia (f.25). O le upu Eleni, diakoneo o le veape (auauna atu), e pogai mai i le upu diakonos, o lona uiga o le fesoasoani (serve). E tele ina faaaogaina le veape e faatatau i le auauna atu e ala i le faasoasoaina o ta umafa. Manatua, o Mareta sa na auauna, fesoasoani (Ioane 12:2; Luka 10:40), na a oa o mai foi Iesu i le faataoto i mea ai (Luka 17:8, 22:27). I le ulua i ekalesia Kerisiano, sa tofia i latou e to a fitu e faasoasoaina le tamaoaiga o le au uso (Galuega 6:2-3). O le auauna atu (diakoneo) ua faatatau i le auauna i so o se ituaiga o fesoasoani. Na auauna Iesu i ona so o (Mataio 20:28; Mareko 10:45). O le auauna atu lea a Iesu i ona so o, ua aofia ai ma lona a oa o atu. Ua atagia foliga o le auauna atu i le tala lelei ina ua faaali atu e Paulo, o le ekalesia i Korinito o le fua lea o le auauna atu (2 Korinito 3:3). Ua molimau le 1 Peteru 4:10-11 i le uiga o le auauna i lona faauigaina lautele, ma le faauigaina faapitoa: Ia taitoatasi ma auauna o le tasi i le tasi... afai e auauna se tasi, ia tusa ma le malosi ua foaiina mai e le Atua... E tatau i tagata uma ona auauna (uiga faalaua itele), peitai e auauna ia tusa ma mea-alofa ua ia maua---o nisi ua auauna i le folafola atu (po o le perofeta atu), a o isi ua auauna e auala i tiute ma matafaioi e faatino. O lona lua o le auaunaga, o lea ua faa autu i ai le faatinoga o le tofiga o le tiakono (1 Timoteo 3:10, 13). Ua le afaina po o le a tonu le ituaiga o faatinoga, a e ia faatino ma le mana o le Atua, ia maua ai le viiga ma le faamanu (1 Peteru 4:11). O le upu Eleni o le diakonia, e tupuga mai i le upu diakonos lea na mua i ta ua i luga, service po o le ministry. E faaaogaina foi e faatatau i auaunaga faaletino, po o ni galuega faale-lotu. E le tasi se faaliliuga ua faaaoga. Na tuatuagia Mareta i tapenaga o le ta umafataga, ina ua tuu mai e lo u uso ia te a u e sauni toatasi (Luka 10:40). Ua molimau mai i taimi o le Ulua i Ekalesia, aua ua galo o latou fafine ua oti a latou tane i le tufatufaina o mea i aso fai soo. (Galuega 6:1). Ona filifili lea taitoatasi o le au soo, ia avatu ai se alofa i le au uso o nonofo i Iutaia. (Galuega 11:29; 12:25; Roma 15:31; 2 Korinito 8:4; 9:1, 12-13). O le au uso faatuatua sa i Maketonia na latou avatu fesoasoani ia Paulo, o la latou auaunaga lea ia te ia (2 Korinito 11:8). E tele ina faaaoga le upu diakonia (service) e faatatau i le auaunaga faale-agaga (spiritual ministry). O le au aposetolo foi,... matou te finafinau i le talotaloga, ma le auauna i le upu. (Galuega 6:4). O la Paulo, na ia faapea ane, o lo u lava ola foi ou te le naunau i ai, se i ou faauma lo u momo e ma le olioli, atoa ma le faiva ua ou maua mai le Alii o Iesu, ou te molitino atu le tala lelei o le alofa tunoa o le Atua. (Galuega 20:24). O le fe au ua aumaia e Paulo e tusa ma lona toe faaatoatoaina o ona tiute i le tala lelei, o lana lava lea auaunaga (ministry) (2 Korinito 5:18). O le feagaiga fou, o le auaunaga e matua sili lava ona mamalu o le sauniga ua oo mai ai le amiotonu (2 Korinito 3:8-9). E eseese ituaiga o galuega faamisionare (ministry), a e faapitoa lava i le itu faale-agaga; po o le misiona (mission ---i soo se ituaiga auaunaga). O le molimau mai le Tusi Paia:... e matalasi foi faiva, a e tasi lava le Alii ia... Ua foaiina taitasi i tagata le faaaliga o le Agaga e aoga ai. (1 Korinito 12:5, 7): po o le tiakono, ia faia le faiva o le tiakono; po o le a oa o, ia a oa o atu ia (Roma 12:7). Ia taitoatasi ma auauna o le tasi i le tasi i lea lava mea, e pei ona maua e ia o le mea alofa, e pei o auauna pule lelei a le alofa tunoa uiga eseese o le Atua. (1 Peteru 4:10). Tusia e Rev. Emau Petaia ********************************************* {From Rev. Elder Falelua Lafitaga, F.T.} For Lamepa ME - IUNI 2013 THEOLOGY --? O tiute na feagai ma uluai tama o le ekalesia (early church fathers) o lo latou puipui ma toe faamatala, ma toe faauiga le talitonuga i le Atua (Theology), ia o gatusa ma le talitonuga ia Iesu Keriso e pei ona aumaia e le Tusi

10 P A G E 10 E K A L E S I A F A A P O T O P O T O G A K E R I S I A N O I A M E R I K A S A M O A Paia. Na ta ua ai i latou o le Au Paia Faatuatua (apologetics). Ua ou lagona ai foi i lenei taimi so ta tiute faa-tama ua masani ai lenei mea o le mataupu tau i le Atua. E le ose faafinauga la i tala mai i le Seminare i le Lamepa o Mati, a e o se lagona faufautua, faasoa, ma ia faalautele ai le silafia faaleagaga a o tatou tagata lolotu. Ou te usua i faasoa i mea nei: (i) Ua tau sailia se mataupu silisili e faavae ai le galuega faafaifeau a e maise lava galuega faamisionare (mission). (ii) Faaaogaina o le lafo-molia a le alii Tonga o Rev. Sione A. Havea e tau faataitai i ai se faavae ta iala mo tatou (EFKAS). (iii) Ua finagalo le tusitusiga (Lamepa), e tatau ona vaavaalua le tala lelei ma le aganuu, e.g. Samoa. Ua ou tuu le maka faailoga fesili (?) lapo a i tafatafa o le Theology o loo tau saili, ona e leai se mea o nei mea e pei ona ta ua i le Lamepa e tatau ona faaaogaina e ta iala ai le Ekalesia. O se taimi muamua lenei ua ou faalogo ai, e Fete ena i le transcendence ma le immanence o le Atua. E sili ona ou te i ona o le Transcendance le Feagaiga Tuai, a e immanence le Feagaiga Fou. Ae, o lo u te i maoa e, o le leai o se fesootaiga o ia ata e lua o le Atua i le soifuaga ma le galuega tele na alo i ai le Matua o Faiva, o Iesu Keriso i le Faaolataga; i.e., Fanau - Toetu. Ou te talitonu, po le a lava le mamao o le afioaga o le Atua, e pei ona faamatalaina i ata faaaoga i le Feagaiga Tuai, (Transcendence) a e le mafai ai foi ona avesea lona filofiloi ma ona tagata (Immanence). I le tusi o Kenese, i le tala i le savali o le Atua i le faatoaga; tala i le lolo, Noa ma le Vaa; tala ia Elia, a e maise le Feagaiga Tuai atoa; e oo foi i Tusi Salamo (130), e le feteenai lea--- a e o le eseesega o ata e faaaoga e faamatala ai le Atua, fesootai i ona tagata i taimi ma mea tutupu i le history. Manatua foi o Iesu Keriso (fanau-satauro-toetu) na mafua ai ona toe liuliu lagona o le au su esu e i le uiga moni o le Atua o loo faamatalaina i le Tusi Paia, faataitaiga lata mai: Na tusia ai loa le lagona END OF THEISM i le mid 20th. (A.T. Robinson), a e maise foi le galuega tele, The Ground of Our Being (P. Tillich), etc. Ua ou taua lenei mea ona ua aga i uma le faamatalaina o le uiga o le Atua mamao ia Iesu Keriso, na tuu i ai ma upu nei: O le na puapuagatia... a ua toe faatuina mai i e ua oti. (Faaaogaina le fuaitau a D. Bonhoffer, beyond our midst, e faamatala ai le mamao lea.) O Paulo la, le tootoouli o lea tala fou, na ia molimauina le fesootaiga lea, ma na ia faaaogaina ai loa lenei fuaitau lauiloa, In Christ. Ou te faapuupuu atu, e maua uma mea ia e lua i le In Christ. O le In Christ lea a Paulo, o le mea e fau e le Agaga Paia, o ia na te ta iala tatou i le Iesu na faasatauroina. O le ala lea o le malosi o lana talaiga (Iesu na faa-satauroina) ina ua toe-tu. O le fesootaiga lea i lo u taofi, e le o Iesu, a o Keriso Iesu. O le Atua lea o loo matou laugaina nei, o lea foi e soifua ai tagata o aulotu, o le Atua Fesootai: IN CHRIST. 1. Tau Sailia se Mataupu Silsili mo le EFKAS. Ua ou amata faapea, In Christ, e fautua ai i le mataupu silisili o loo tau sailia nei. Ia silafia, o le Atua ia Keriso Iesu e pei ona ou faateteine i ai i luga, o le Atua tonu a lea o loo afifi i totonu o le FAAVAE o la tatou Ekalesia na tusia e nai toeaina ua muamua atu: Ua ou faatuatua i le Atua le Tama, o le e ona le malosi uma lava.... Ua ou faatuatua foi ia Iesu Keriso o lona alo e toatasi o lo tatou Alii.... Na puapuagatia, sa faasatauroina... na oo ifo i seoli... na toe tu mai nai e ua oti... Ua ou faatuatua i le Agaga Paia.... O le taua o lenei FAAVAE i lo u faifeau, ou te manino ai i mea nei: > O lo tatou Atua, o le Atua foafoa (creative); > O lona mamalu faaeaina ma lona silisili ese, e ala i le Satauro; > O lona uiga, O le Satauro, o le faaaliga manino lea o lo tatou Atua, o le Atua auina --- the sending God. > O tatou foi le EFKAS, o le Ekalesia e auina-ina- The Sending Church. Ou te talitonu, e le tau sailia la sa tatou mataupu ta iala faale-atua. Ua uma ona paepae e nai o tatou Tama, na malo ai ma le filiga i le galuega. O lea foi e mafua ai ona fita-i-tuga le aufaiagaluega ma aulotu i le, In Christ, a e maise nai a tatou aulotu mamao e pei o, Fagamalo, Sailele, Aunuu, Sea Tac (Rev. L. Polu); nai aulotu mamao i San Francisco, faapea foi matou i Hawaii. E matitiva ma faigata, a e faia pea ma le loto tetele ona o Keriso Iesu. O le mea mautinoa lava, e le o tau sailia e nei aulotu se mataupu silisili, o le mea o loo olaina ma latou molimauina. 2. E tatau ona vaavaalua le Tala Lelei ma le aganuu. A

11 E K A L E S I A F A A P O T O P O T O G A K E R I S I A N O I A M E R I K A S A M O A P A G E 11 e atonu o le taumafai mai o le Lamepa (Mati), ona o se ta iala mo le Ekalesia i lenei lava mataupu avilu o le Tala Lelei ma le aganuu, e.g., ta iga-toga & sua, momoliga o faifeau, etc. Ou te faafetai, ona o le tausailia o se ta iala mo nai tagata lolotu (ekalesia). O lea foi ua fesoasoani mai la tatou Lamepa, e faapea: E tatau ona vaavaalua le Tala Lelei ma le aganuu. E ala la ona ou faafetai i le Lamepa, ona o le toatele foi o faifeau (ma nisi o tama o le ekalesia), e taliaina le finagalo lafo o le Lamepa, ona o le ava tele ma le manumanu i ta igasua ma ie tetele o au afa faaaoga i taimi o faaaloaloga. Fesoasoani I: Na amata le finagalo o le Lamepa i le upu, e tatau. Ia silafia, o le vaega o le gagana e palasi i ai le e tatau, o le faalogona faatonu (Imperative Mood). O lona uiga, o le faatonuina, o le faatonuga ia fai. Ua faatonuina tatou e fai lea ma ta iala, o le vaavaalua o le tala lelei ma le agaganuu. O loo sai ai foi ma le fautuaga a le Lamepa, ia faapaleni, aua le mamafa itutasi. Afai a e oo le Ekalesia i le taufaapaleni, o lona uiga, ua le ese ma le tagata gaoi ua faaaoga sese tupe o le account ese, ona tau faapaleni lea, aua e le o sana account. E mafua le taufaapaleni, ona e sese le faatonuga ma le account ua faatonuina i ai le Ekalesia e faaaoga. Faatonuga faapea na tuli ai e Iesu o Peteru i tua, ona e latalata mai laugutu, a e mamao le loto ma le Satauro. Fesoasoani II: O le upu vaavaalua, o le o faatasi, e o tumua i tutusa. Ae, e le mafai ona o uma i se laina e tasi, aua e misa ma filivaa ai. E tofu ma le laina, run parallel. O le fesili tele, e faapefea ona fetaui laina e lua, a o a foi taimi e fesootai ai le Tala Lelei ma le aganuu? O le vaivaiga tele lea o lenei faatonuga ia vaavaalua, ona faatoa fetaui, pe a fai o se mea e mana o ai le isi i le tasi. O le mea e aoga ma manaia i le aganuu mo le Tala Lelei, ia faaaoga e le Tala Lelei; o le mea e aoga ma manaia a le Tala lelei mo le aganuu, ia faaaoga lea e le aganuu. O le upu moni lava, e foliga mai o le mea tonu a lea o loo taoto ai nei le Ekalesia i le va ma le aganuu: masani ona muamua se sauniga, ona sosoo lea ma le aganuu o faaaloaloga. Afai na pau lea o le auala e fesootai ai laina ia e lua (Tala lelei & Aganuu), se fesootaiga a taugata mo le aganuu, a e maise nai tagata o le aganuu. (O le mea mautinoa lava e vaaia i faaaloaloga, ata o le agalelei, loto alofa, loto foai a le tagata Samoa ma le aganuu; e le fesiligia lea mea. Masalo o iinei tonu na taua ai e le Lamepa le mataupu silisili a Sione A. Havea. E mulimuli ona oo mai le tala ia Iesu, ua leva ona i ai le tala lelei i Samoa. Ou te talanoa i le sese o lea mea i se taimi o i luma.) Ou te le fautuaina lea ituaiga o fetaiaiga ia avea ma ala taiala mo le Ekalesia, ona e le i faatonuina e Iesu. E taitai faaeteete foi ota laugutu ona tautala i lea ituaiga o faatonuga ona o le faailoga ua teena (deny) le Alii ma valaauina tatou. A ao le malo ona sila-manino lea o le mataupu silisili taiala mo tatou. O le taiala lenei na amata lona faaulutaoina e si Toeaina o Masalosalo Sopoaga. (Pau lo ma eseesega, o Sopoaga ia taofi - too radical. O a u, o loo taua i lalo ane.) Ekalesia, o lo tatou Atua, o le Atua auina (the sending God). O lona uiga, o tatou foi le Ekalesia, o le Ekalesia e auina. Ona la o tatou o le Ekalesia e auina, o le mea lea, o tatou faatonuga uma foi ma lo tatou taiala, e aumai mai i le Alii na iloa atoatoa i le Keriso Iesu. O le vaitau la lea e soifua ai le Ekalesia (EFKAS), auina i le fetaiaiga ma aganuu a ona tagata, o le vaitau o le In Christ. O faatonuga la na aumai e le Alii mo tatou i le taimi o le fetaiaiga, a o le manino ia: O outou, o le masima o le lalolagi outou.... O outou o le malamalama o le lalolagi outou... O le autu o nei faatonuga, e le o le faaleaogaina, po o tau leagaina o le lalolagi, po o aganuu foi. E le o faatonuina foi tatou, e o e faaoona le lalolagi, pe faatigaina a tatou aganuu. O le autu o le faatonuga, ia faatumauina le faamoemoe, le mafua aga ma le lelei o le lalolagi e pei ona i ai i le fuafuaga paia - divine dei. O le lalolagi na faia e le Atua mo lona faamoemoe (God s purpose). O le taua la o le masima ia preserve - faasaoina ma faatumauina le faamoemoe o le Atua i le lalolagi. O le ata foi lea o le masima mo a tatou aganuu - faatumau ma faasao mea lelei, a e maise le faamoemoe na aumai ai e le Atua. Ia manatua la, o tagata o le Ekalesia, o tagata foi ia o le aganuu (vagana le au ulumalo e le o lolotu i aso nei). A o le Ekalesia e pei ona ou taua i luga, o le Ekalesia auina ma o loo soifua i le vaitau o le In Christ. O le vaitau foi lea o loo saafi ma faatino ai nei a tatou aganuu (In Christ). E le mafai la ona In Christ i le taimi o le Ekalesia, a e In Satanic i le taimi o le aganuu - (vagana le tagata e saili ai ana mea). E le mafai la ona tatou maua le anoifale o le faatonuga a Iesu i lo tatou taimi nei faa- Keriso, pe vaavaalua. Faatoa mafai ona maua ina ua toia a tatou aganuu, a e maise o tatou tagata i le mana o le

12 P A G E 12 E K A L E S I A F A A P O T O P O T O G A K E R I S I A N O I A M E R I K A S A M O A Tala i le Keriso, Iesu. Upu o le faatonuga: O outou, tagata o Ekalesia ma aganuu, ua faatonuina tatou ia avea ma masima e faatumauina mea lelei mo le faamoemoe o le Atua. Pau lava le auala e tupu ai le mea lea o le utufiaina po o le uluulumatafolau, i.e. Penetration : O le mea tonu a lenei o loo faia e nai o tatou tagata (matai - po o tiakono foi). O le utufiaina la, e le faatoa fai i taimi o faaaloaloga. O le mea e tatau ona amata mai lava i le aulotu, mai lava i le laitiiti a o faafailele fanau e oo ina avea ma tagata matutua e i ai matai - tulafale ma alii sili. Ia matua maua e o tatou tagata le loto salamo, le loto liliu, loto mata u ma le loto mama e iloa ai o le Atua ia Keriso Iesu, e auga i ai mea uma. O le loto tonu e mana omia, aua o loto ia latou te tuua le masima e faatumauina ai mea lelei---o le faamoemoe lelei a o tatou aganuu. O loto ia e suia ma faaleleia ma toe iloilo a tatou faaaloaloga faa-aganuu, ia o gatusa ma le divine dei (missio dei) a le Atua mo Samoa. O le ta ua o loto ia, ona e iloa ai foi e a tatou aganuu, o latou foi e viviia le Atua, e iloa ai e a tatou aganuu o latou foi o auauna i le Atua auina. Ona iloa ai foi lea o a tatou aganuu, o ia foi o le aganuu na auina mai e le Atua mo le Atua. O le upu moni, e le o toe nanamu lelei a ni faaaloaloga, po o le a lava le lapopo a, a e le mo le viiga o le Atua. 3. Ua manino le lafo molia a Rev. Havea i lona lagona faatagata o le Pasefika. Ua ou lagona ootia tele i nai alii misionare papa e ona ua foliga ua tuua iina e o tatou nei aso. Ua manatu tele nei aso, o nai alii misionare ua latou aveesea a tatou aganuu ma talatuu, a e faaaoga a latou aga ma a latou aganuu (lotu Kerisiano). Ia manino le Ekalesia i mea nei: (a) E leai se tala lelei e alu na o se tala. E faatino i aga ma tu talafeagai ma le upu, tala lelei. Na faatinoina e nai Misionare le fatu o le Tala Lelei e ala i a latou aga ma gaoioiga (acts/behavior), ua latou masani ai e tau faamatala mai ai le Tala Lelei (e.g. education). A e ou te taofi, e le i taofia ai iina le vave faaaogaina o aga ma amioga faa-samoa a nai o tatou foi tagata, e.g. Faiga o Sauniga Lotu---fifilemu, vagana pese ma lauga na vave tele ona talia le tala ia Iesu Keriso. (Silasila i le Tusi na tusia e le alii fomai o Rev. Elia Taase). O le aulotu, e le o se ata faamisionare pa epa e, o le ata faale-nuu- Samoa. Ona pau le mea faamisionare o loo atagia i le EFKAS, o le structure o le Fono Tele. (e) Ia silafia e le Ekalesia le eseesega o le upu, Tala Lelei ma le upu Aga-ua-lelei. E moni lelei lava, e taunuu mai misionare, ua i ai i o tatou tagata mea ia: loto fesoasoani, loto alofa, o le ava ma le loto foa i, etc. O a tatou tu ma a tatou aga. E ala ona lelei ona o amioga ma aga na aoaoina i totonu o nofoaga fai tele (nuu, aiga, matai & tautua), i.e. O a tatou social acts po o social behavior. O tu ma aga ua talia faalauaitele (socially adopted and accepted) ma ua fai ma a tatou aga ---ua tatou aga a i, a e amata mai i le aiga (socialization). O le ala lea e taua ai ua lelei. A e ia silafia foi, e faapea uma lava atunuu o le lalolagi, e oo foi i tagata e le talitonu i le Atua, o le auala lava lea e tasi na fau ai a latou amio ma aga. E le mafai la i lou taofi ona taua a tatou aga ma amioga o se tala lelei. A faapeaina ona fai, ua le eseese tatou ma le manatu o Marxism, God is a social group. Ou te taua, o aga-ale-nuu (tagata Samoa) ua lelei (socially accepted). (i) O le upu Tala Lelei, o le tala ua ta uina mai (preached); o le tala ua faalogoina (proclaimed); o le tala i le mea ua mautinoa (lived in hope and confidence). O le autu o lea tala, e le o Iesu, a o Keriso Iesu. O le mea moni a lea na tuu i totonu o a tatou amioga ma a tatou aga. Ua le gata la o a tatou aga ma amio ua lelei, a e ua lelei ona o Keriso Iesu. Ua sui ai faavae ma avea ai ma poutu o a tatou aga ma amioga masani. Toe liliu, e le mafai ona taua a tatou aga ma amioga o se tala lelei. Faatoa mafai ona avea ma tala lelei, pe a fai ua faamatalaina ai le Keriso Iesu, i.e. In Christ, e taua ai le alofa, foai ma fesoasoani, agalelei, talimalo, ona o Keriso Iesu, o le na faaulutaoina ma ulu matua i mea uma. E tatau la ona soifua le Ekalesia i le Tala lea, o le tala e ta u pea ma saga ta u pea. O le ala foi lea e taua ai aulotu ma lauga ma sauniga lotu, ona o le tala na ta u. O le mafua aga foi lea e faatuina ai se aoga faafaifeau ona o le tala na tauina mai. (Faafetai i le Lamepa, tele naua mea lelei e faatupu manatu. Ia avea pea ma ala e faatele ai le silafia mautu o nai tagata lolotu i le mataupu tau i le Atua.) ********************************************** ********************************************** **********************************************

13 E K A L E S I A F A A P O T O P O T O G A K E R I S I A N O I A M E R I K A S A M O A P A G E 13 Ieremia 1 : 1-2 O upu a Ieremia, le atalii o Hilikia, o le tasi o le au faitaulaga, o e na i Anatota i le nuu o Peniamina. Na oo mai le afioga a le Alii O le igoa o le tagata, o le matafaioi lea a le tamā ma le tinā e faaigoa i fanau pe a fananau mai. E pele i lona atalii, aua ua au le gafa o le aiga, e tausia aiga, o measina, o fanua ma fale; o le fofoga foi o le aiga i le itumalo tainane nuu ma alalafaga pe a faigatā ni filifiliga fai a nuu i ni faasalaga ona togisala lea o le matai. E faapea foi fanau tamaita i, e ui ina le soifua mai o se tama o le aiga peitai, e tele ona tāūa i ana nafa faatamaitai ma faiva faatina, a o nei onapo ua faasuafaina tamaitai i suafa matai e tausia aiga ina ia mautū aiga potopoto. E mālie upu ua faagaganaina ai le tagata i lana tu, i lana nofo, i le savali ma le tautala, i aga masani ma le faaaloalo, i le faiva faatautua faapea le faiva o le tautua tuavae, ia usitai ma faalogo i lou tama. E faapea upu e mālie ma fia faalogo i ai, aua ua matua upu o faiva i le tai, e faapea foi upu o faiva i uta. A faagasolo foi le saofa iga ona sufi lea o faaaloaloga aua ua aliitaeao tupu ma tamalii, o le susuga i le faafeagaiga faapea le nofo a tulafale ma le aumaga, tainane foi le tapuaiga i faletua ma tausi, o saoao ma tamaitai aemaise le fanau lalovaoa. O le uiga lena o le soifua mai, o le tala faasolopito i auga tupulaga i tu ma aga, i mafuaaga e tuutuu gutu e le fesiligia ai e le tagata lona faasinomaga na ola mai ai, e tusa ma le aoao mai a le tama. E faapea le vaaiga ia Ieremia, o le mautū o lona loto i le saunia o ia e lona tama, e le vaivai ai pe na maluelue lona ola e finau. O le taulealea e saili atu i mea silisili, ma finau atu i laasaga fou, e finau ma fesagai ma ona fili, o i latou e tau faasese ma taufaifai mai. Pe a faitau i le Tusi o loo laualuga lava le igoa o IEREMIA O loo i ai ma suafa taua e toafitu O Hilikia, o Peniamina, o Ioasa, o Amone, o Iuta, o Ioakima, faapea Setekaia. O igoa e taua i lona faasinomaga, o le tāua o le gagana a tagata e agatonu ai lona nuu ma lana galuega. Peitai, o lana galuega, e feteenai ma le manatu o tagata lautele, o lona agaga e naunautai i le faamaoni peitai e le tutusa ma le aganuu e pei ona faia e tagata. O vaaiga faapea tatou te molimauina ai le uiga o le tagata o Ieremia, e atoatoa lona faamaoni, e maualuga ma saunia o ia i lana auaunaga, lea ua amata ai i suafa e taua mo ia i lona valaauina. O le igoa e faaigoaina ai le tagata e o faatasi ma faalupega e faasino tonu i ai lona aiga, o lona nuu, o ona matua, o suafa matai ma fanua o lona aiga, o fua o le laueleele, o lona faasinomaga lea. Peitai e vaavaai atu foi i le taunuuga manuia o se faamoemoe poo le sini o loo tulimataia. O la tatou masani pe a papatisoina tamaiti, e fesili poo le a le igoa Kerisiano o le tamaititi o lea papatisoina ai. E fesili foi poo ai lenei atalii ua tuuina mai ia te a u? E le gata i lea, e oo foi le fesili i le tamā ma le tinā i so la manatu i lenei tama o le a tupu ma ola mai, aemaise se la fuafuaga mamao i le sini ma le faamoemoe o le atalii i lona olaga agai i le lumanai. O le mea taua lava i le faatuatuaga faakerisiano, e ao ona faasilasila i le amataga le faamoemoe o matua i se taiala tatau mo le manuia o le fanau. O le agaga foi lea e tatau ai ona maua e matua se fesoasoani ina ia mautinoa ai le vaaiga atoatoa e lelei ma manuia ai fanau. O le fesili la, po o le a se auala e sili ona talafeagai e manuia ai le lumanai? Na soifua mai Ieremia, ou te le matua mautinoa le uiga o lona igoa, ae mafai ona faapea ua siitia o ia e le Alii, pe faapea foi o le Atua e laveai. Peitai e mautinoa e Ieremia o le Alii o ia o le Atua na faia o ia, na faaigoaina o ia e tusa ma lona finagalo. Na faaigoaina e Hilikia ma lana avā le tama, e le taumate foi sa vaavaai atu i laua i le Atua ma lona faaaogaina o le tama. O le faamoemoe na vaavaai atu i ai o le siitia e le Atua o Ieremia, na te avea o ia ma u fanafana a le Atua e lepetia ma atiae ai lona nuu i mea e manuia ai. O suafa taua i le talafaasolopito o Isaraelu e iloa, ona o faiva taua i le faaaogaina e le Atua o le tagata. E pei o Iosia o le na te fausia ma atiae, o Ioakima o le na te tulai ma atinae, e pei o Setekaia, o le Atua e faia lana amiotonu, o Ieremia o le tagata ua siitia e le Alii. Peitai,e tele foi nisi o nei igoa na faapea ona lē faia le finagalo o le Alii e pei o Ioakima, na ia teena le finagalo o le Alii, e faapea foi Setekaia, aua na ia pepelo i le afioga a le Alii. O Ieremia, o le auauna e pipii lona loto i le galuega mamana a le Atua ua valaauina ai o ia. O lona olaga e usitai i le Atua ma faia e ia lona finagalo. Na ia finau atu i le Alii e tusa ma lona valaauina peitai na ia maua ai le moni ma le faamaoni o le Atua, ua ia tupu ma ola ai ma faatonu mai o ia e le Alii, ua matua ai ma ua mausali

14 P A G E 14 E K A L E S I A F A A P O T O P O T O G A K E R I S I A N O I A M E R I K A S A M O A lona loto i le Alii. O le auauna e sopo atu i tuaoi ma finau i le mea moni, faalogologo atu i le Atua, ma mautinoa ai, o lona Alii ua valaauina o ia ma e tatau ona tali atu i le Alii i le agaga ma le faamaoni. O le a se vaaiga taua mo le au faatuatua ua faamanatu mai mo i tatou i lenei tala i le soifuaga o Ieremia? E taua le igoa ua faaigoaina ai le tagata. E taua foi le faiva o matua e faaigoa ma faatonu, ae maise ia kerisiano le igoa faapea le vaavaai atu o matua i le faaaogaina e le Atua o fanau. Tatou te manatua foi i latou na faamoemoe iai Ie Atua e taitaia ma faatulai mai mea lelei i lona nuu peitai ua le faia e le Atua lona finagalo a ua faia e i latou o latou loto. O le auauna o Ieremia ua faamanatu mai, e tatau ona maualuga pea le siufofoga o le Alii o le ua valaauina o ia i le faiva faale-auauna, e manuia foi tagata uma e faalogo ia te ia ma savavali e tusa ma le Atua ma lona finagalo. Saunia e Rev. Nuusila Samuelu. (E faaauau atu i le Lamepa o le a sosoo ai...) ********************************************* WE ARE THE LIGHT OF THE WORLD O le aso Faraile 31 o Me na potopoto ai le mamalu o Matua, o Faiaoga faapea le aufaigaluega i Faifeau ma Faletua, tainane le Komiti faafoe (Board) a le Aoga, e molimauina le taeao o le Faamanuia a le Kanana Elementary School i lana K5 Graduation Program i lenei tausaga. Na taitai I le sauniga le susuga ia Rev. Faletoi Uso, ma na molia ai le faafetai i le Alii ona o lona alofa ua faataunuu ai lenei faamoemoe i le manuia. O le Alii lava ma lona malamalama i le lalolagi ua suluia ai lana fanau ma susulu mai lona poto ma lona tamaoaiga i le asō. Na faafetaia foi le galuega a faiaoga faapea tinā i le a oa oina o fanau ma le faamalolosi. Na silisili lana faafetai i tamaiti ona o le manuia ma le loto fiafia e aooga ma saunia ai i latou i le amataga o le laasia atu i le vasega muamua. O le Presentation o Certificates & Special Awards o le K5 (1) na tauaao lea e Ms.Tomasi & Mrs. Seuteni O le Presentation o Certificates & Special Awards o le K5 (2) na tauaao lea e Mrs. Saufo i & Ms. Tavita K 5 List of Graduates: K5 Section 1 Akenese Ah Fook Authur Ameperosa Atele Salave a Aufata Fruean Aryanna Vaeena Cheryl Paulo Dalan Galea I Derrick Vaeao Elisapeta O Brien Eric Tenise Faimafili Mavaega Francis Ah Vui Gatailevao Leasiolagi Hanna Meafou Innes Nansen Jahrus Anoa I Jahvanti Vae Joseph Puni Ta ala Ken Molioga Marcus Fa atoafe Paulina Lu Taiana Afo Tyalei Tousoon. K5 Section Erwin Henry Ezekiel Elizarrarraz Hezed Logoleo Lelava Milo Leonidas Velghe Louie Schroeder Marie Ard Miracle Auva a Molley Fa apouli Olioli Kava Poliko Manu Sapati Nu usolia Setefano Tuilemafua Soia Masoe Tarian Seto Trinity Po a Trinity Tuilimu Uaiea Salave a Umeyo Vaeao Virginia Mataiasi Wellington Migi Yasrina Potoa e Na ma ea le tufatufaina o faailoga o le fanau, ona saunoa lea o le tamaitai Pule aoga, o Lisa A. Sauni e tusa ma le faamoemoe o le aso o le fanau, o i latou uma o le a siitia atu i le vasega level One i le tausaga fou, talosia ia manuia le tuuaga a fanau ma ulufale mai ma le loto fiafia i le amataga o le tausaga aoga fou. O le tatalo ia faamanuia mai le alofa o le Atua ina ia aumanū ai lenei faamoemoe. Sa saunoa foi le sui o le Komiti Faafoe (Board) o le Aoga e faafetaia le afio mai o le valaaulia ona faaiu ai lea o lenei faatasiga e le susuga a Faletoi Uso i le tatalo, ona taape ai lea o le aofia i le manuia. FAAUUGA VASEGA 8 KANANA FOU ELEMEN- TARY SCHOOL O le aso 5 o Iuni i le 9:00 i le taeao i le Hall a le Mafutaga a Tina na potopoto ai foi Matua, o Faiaoga faapea Faifeau ma faletua mo le molimauina o le faamanuia a le

15 E K A L E S I A F A A P O T O P O T O G A K E R I S I A N O I A M E R I K A S A M O A P A G E 15 Vasega 8, i Ie Kanana Fou Elementary School. Na taitaia le Sauniga e le Susuga i le Faifeau Toeaina o Tautalatasi Fanolua, ao le upu faalaeiau na saunoa i ai le Susuga i le Faifeau o Alataua Siitupe Peko. Na saunoa le Tamaitai Pule o Liza Sauni e faamaonia le Au Faauu o lenei tausaga, ona tufatufaina ai lea o tusi pasi ma faailoga faapitoa na patino lea i le Afioga i le Peresetene o le PTA o le faletua o Tereise Young. O Special Awards Valedictorian Awards - Donated by PTA Florence Saulo Salutatorian Awards - Donated by PTA & School Board (Vailala Vaitautolu) Citizenship Awards - Donated by PTA (Emie & Lina Seva aetasi) Teacher of the Year Award - Donated by PTA (Emie & Lina Seva aetasi) Level 8: Section 1 & 2 1. Adrienne Sa u* 29. Tabatha Po a* 2. Aisa Ve e 30. Talalelagi Aliitaeao* 3. Alofa Su a 31. Tamotu Salave a* 4. Bless Pasia* 32. Tu iomanu Fanolua 5. Charles Uele 33. Valentin Elizarraz 6. Charmaine Sooaemalelagi* 34. Viali Peretania 7. David Liulamaga* 35. Sanele Ilimaleota 8. Divine Siliva* 9. Faafetai Shalhout (NJHS *) 10. Faith Faumuina* 11. Falemalama Maloa 12. Gabriel Misilagi 13. Gregory Matu u 14. Hantoya Fuamatu 15. Inumaleao Young 16. Ionatana Tuitasi* 17. Jaden Maga* 18. Joseph Iosefa 19. Josephine Solofa* 20. Malae Judy Vaimoli* 21. Linette Thompson* 22. Litara Pase* 23. Liulagi Ilaoa* 24. Louishatesa Solomona 25. Noelani Siataga* 26. Payton Ale 27. Precious Ameperosa* Faamanuia a le Aoga Maualuga i Kanana Fou O le itula e 10:30 i le taeao o le aso 24 o Me, i le tausaga e 2013 na amata ai le sauniga o le faamanuia a le Aoga Maualuga a le Ekalesia i Kanana Fou. Na taitaia le sauniga e le Susuga i le Toeaina o Kalepo Vaitautolu. Na autu le saunoaga a le Toeaina i le faamanatu mai a le Tusi Paia, O le mata u i le Atua o le amataga lea o le poto. O lea foi le manatu na faataua i le saunoaga a le afioga i le Kovana Sili, le Tofa Lolo Matalasi Moliga, O so o se mafutaga e maua ai le poto, e atiinae ai le manuia mo le atunuu ma ona tagata aemaise le manuia mo Ekalesia. Na faaalia e le afioga i le Taitaifono o le Ekalesia, le Susuga i le Toeaina o Faataape Lavatai i lana saunoaga, le agaga faafetai ae maise o le viia o le galuega fitā na feagai ma le mamalu o le aiga faiaoga faapea matua. Na ia faapea ane ai, Ia manatua e tonu lau filifiliga pe a lelei lou mafaufau. E toatele ni isi o le a tuliloa le manuia I kolisi po o Iunivesite, o ni isi e manatu ua tatau ona faia ni aiga, ae o le lu i lea, e manuia lau filifiliga pe a sagatonu lou mafaufau. toe upu lapatai a le Taitai o le Sauniga le susuga i le Toeaina o Kalepo Vaitautolu ina o le a faaiu le faamanuia, Ia outou manatua le fanau, e i ai lava le se e, ona faaiu ai lea o le faamoemoe o lea aso taua i le tufatufaina o tusi pasi mai aoga maualuga (High School diploma) mo le Vasega faaiuaso. O nisi nei o Student Accomplishments na faamauina. 1. Jeremiah Sala Fale (SAT-1,010) JSA recipient, University of Hawaii - Manoa UH - Hilo, Stanford 2. Willie Viliamu Jr. (SAT-930) Remington College- $ scholarship (Image America Foundation) 3. Bruce Douglas Irving Scanlan (SAT-1630) University of Hawaii - Manoa, UH-Hilo 4. Andrea Seuga Faikoia (SAT-900) Remington College $ scholarship (Image America Foundaton) 5. Emmittwally Su a-kalio (SAT-790) Football Scholarship, Washington State University. 6. Falanika Christina Timoteo (SAT-1190) University of Hawaii - Hilo 7. Shane Siamu (SAT-910) Remington College, $ scholarship (image America Foundation) 8. Michael James Vavegamailealii Curry U. S. Army 9. Hatesa Tufanua T. Ale (SAT- 1000)

16 P A G E 16 E K A L E S I A F A A P O T O P O T O G A K E R I S I A N O I A M E R I K A S A M O A 10. Sosene Faiai (SAT 740) 11. Fiapa ipa i Toliutafa Filoiali I - (SAT 1160) 12. Taosaga Patea - (SAT 850) 13. Lentus Seanoa Jr. - (SAT 630) 14. Sandra T. Elisara - (SAT 1290) 15. Toto a Leutefuiono Faumuina - (SAT 740) 16. Anetisa Migi - (SAT 1,230) 17. Pule Salanoa - (SAT 840) 18. William Jeronino Leo 19. Quinnmere Fuimaono - (SAT-1,050) 20. Jesse Manase - (SAT- 900) 21. Lila Mauigoa - (SAT 1020) Stallions Class of Jeremiah Sala Fale ++ *** 27. Max Akeki Ariel Itula 2. Willie Vilamu Jr. ++*** 28. Michael J. V. Curry * 3. Bruce Douglas Irving Scalan+*** 29. Miracle Vivi i Tunoa. 4. Abraham R.J. Siatu u 30. Moelili a Tolo. * 5. Alieta Tofa* 31. Natasha I. To atelegese. * 6. Andrea Seuga Faikoia* 32. Niue P, Mata utia 7. Artesia Ve e 33. Pago Pago Elsie T. Teo 8. Anetisa Migi *** 34. Peter Petersen 9. Anevili Iosua 35. Pule Iupeli T. Salanoa. *** 10. David P.S. Haunga 36. Quinnmere P. M. Fuimaono.* 11. Emmittwally Su a-kalio * 37. Raphael Tuilagi. 12. Falanika Christina Timoteo *** 38. Ryan Tala Vagana 13. Faleatua Iopu 39. Samuelu Papalii. Jr. 14. Feagaimaalii Filoialii 40. Sandra T. Elisara. ** 15. Fiapaipai Toliutafa Filoialii ** 41. Shane Siamu. * 16. Hatesa Tufanua T. Ale * 42. Shonnah-Lei Tuamoheloa*** 17. Isaac Sailimalo Faiivae 43. Sosene Faiai 18. Jesse Manase 44. Susana Nautu Lin. * 19. Johnino J. Supapo 45. Ta atu Milton Sua. 20. Judy P. Bernard 46. Talosaga Patea. *** 21. Kristy Iramk * 47. Taumafai Patea * 22. Laupepa S. Papalii Jr. * 48. Tesimale Seve. * 23. Lentus Seanoa. Jr. ** 49.Timuia E. Logovi i 24. Lila Ruta Mauigoa. * 50. Tofamamao T. Tuimalatu.* 25. Matuaonuulelei Lauofo 51. Toto a L. F. Faumuina. * 26. Maualuga P.Mata utia 52. Willam Jeronino Leo. *** 1. Valedictorian - ++*** 2. Salutatorian - +*** 3. National Honor Society - *** 4. High Honor students - ** 5. Honor Students - * O le Ulua i Malaga Faamisionare 1839 E faatalofa atu i le paia ma le mamalu o le Ekalesia, e talitonu le taofi ua ma ea le galuega o le faiga taulaga ua tuuina atu ai a tatou foai mo le galuega a le Alii, o le viiga lea e le faaitiitia ona o le soifua galulue o le Ekalesia faapea ona tagata. E manatunatu foi le Ekalesia i lenei vaitau ma le faailoa mai o le Agaga o le Alii i le aso o le Penetekoso, na tautalatala ai tagata i gagana ma faaosofia ai le lalolagi e faailoa atu le silisiliese o le suafa o le Alii Toetu o Iesu Keriso, ma taape ai le lalolagi ma le molimau o le Talalelei i le faaolaina o le lalolagi ma ona tagata. O le oo mai o le Talalelei ma le manatua pea o le galuega a Ioane Viliamu ma le uluai aumalaga na totōina le fatu o Ie Talalelei i Samoa i le aso 24 o Aukuso i le tausaga e 1830, e toe manatunatu ai foi i tatou I le galuega faale- Talalelei a le Uluai Malaga Faamisionare, o alo ma fanau a le Atunuu ua ofoina atu lo latou soifua mo le talaiga o le Talalelei i le atu Pasefika. Na faamauina e 34 i latou na ofoina mai peitai na o le to asefululua (12) i latou na filifilia. O le toatolu mai Aiga i le Tai, o Sa u mai Apolima, o Lei ataua Lauina, ma Ioane le uso o Lei ataua Talaafiafi mai Manono, o tagata o le tuloto e masani i taimi malū ma taimi e siisii ai le gātaifale. O Salamea ma Seupule mai Faleula, le afioaga e solia soo ona eleele e toa o le Aigofie. O Mose ma Filipo mai Iva, le Mua au a le Faasalele i taimi o le a ava. O Paulo Fasavalu mai Falelatai, le afioaga o le Aiga Tauaana ma la latou Tama, ma Mose mai Fuaiupolu. O Lalolagi Samoanamao mai Malie le afioaga o le Malietoa, ma Mose mai Saleimoa, le afioga i le Aiga ma le Faletolu, ma Luatua ma le Gautaala. I le ma Fuga le uso o Lautīlēfatia mai PagoPago i Tutuila, le sui e toatasi mai le Faasuaga a le Faleagafulu ma Tama matua. Sa faia se sauniga faapitoa i Saleimoa, e faamavae atu ai ia Ioane Viliamu ma le au tala i ua filifilia, sa auai uma le au misionare, faapea le Susuga a Malietoa ma uo uma a Viliamu faapea aiga o i latou ua filifilia. O le manatu faa- Samoa, A sii se faiva ae le tapua ia e maumau le tautiga. O le feau o le Tala Lelei; A le atiina a e e le Alii le fale, e galulue fua o e atiina a e. A le leoleoina e le Alii le aai, e mataala fua e leoleina. O lea le faamoemoe o lenei sauniga auā e tatau ona amata i le Atua soo se faamoemoe, auā o Ia e maua ai manū. O le uluai Malaga lenei sa taitaia e le misionare o Ioane Viliamu, o le aso 6 o Novema 1839 na tuua ai e le Vaa Lotu o le Kemiteni Samoa mo le galuega tala i, faatasi

17 E K A L E S I A F A A P O T O P O T O G A K E R I S I A N O I A M E R I K A S A M O A P A G E 17 ai le alii vaa o Mokeni (Morgan), o Ioane Viliamu, Misi Harisi ma uluai misionare Samoa mo le Atu i Sisifo. O uluai nuu na to ai taunuu i ai le savali, o le motu lea o Rotuma. Na afea Rotuma i le aso 12 o Novema 1839, na faapea le tala sa faaopeopea lava le vaa i aso e lua ao tau saili pe talia le talaiga. O alii vaa na o atu o Tokoniua ma Fusipaoa sa naunau atu i laua i misionare i ni oloa faapapalagi, e pei o matau o faiva, ma tama i naifi ma isi; peitai ua faailoa atu e Viliamu e le o se vaaoloa ae o le Vaa Lotu. Sa mumusu i laua e afe le Vaa ona e iai lo latou alii e pulea le nuu, na faanaunau atu Viliamu ina ia fesootai atu i le alii o le nuu peitai sa le talia le savali ma ua teena. Sa toe tapena le vaa o le a faasaga i nisi motu, peita i ua aloalo mai le paopao o le alii o Tokoniua ma talosaga iā Viliamu ina ia tuuina atu ni ana aoao, atonu lava o le a talatala atili le savali ma iloa ai sona taua. Ona tuuina atu lea o Leiataua mai Manono ma Sa u mai Apolima; o aoao Samoa muamua ia ua tulaueleele i ni atunuu ese i le talaiga o le finagalo o le Atua. O le tuumuli o le Vaalotu na matua faamaoni ai i laua i lo la faiva ua tofia i ai, e ui i le faatau matatao mai o tagata feai. I le taunuu atu o le savali i le Atu Niu Eperiti na faapea ona taunuu muamua i Futuna, sa taua e le tala, o lenei motu sa taufetuli solo ai tagata uli le lavalavā i matafaga ma talotalo mai i le Vaalotu e afe atu. Sa le maua se mea e sao ai le Vaalotu i uta, peitai sa o ane le vaa i le Vaalotu ma saili atu o le fia maua o ni matau ma ni oloa mai le aumalaga e pei foi o le sailiga a tagata Rotuma, ae maise le faafesuiai atu o a latou ufi ma niu. Na alofagia e le au misionare le talosaga ma tuuina i ai o meaalofa e pei o matau, o faata ma ula lopa, ona faasaga lea o le Vaalotu i Tana, e leai se a oa o na tuua ai ona e faalēmanuia uiga o tagata, latou te le talia foi se tagata ese i o latou laufanua vagana ai nisi oloa mo latou. O le aso 18 o Novema na taunuu ai le Vaalotu i Tana, na o ai i uta le auvaa e faamasani ai ma tagata, ua tufatufa atu ni mea alofa e faapele ai ma faailoa ai e le o latou o ni tagata leaga ae o latou ua o mai e fia uō ma faamasani ma latou. O le mae a o lenei asiasiga na ofo atu ai Lalolagi, o Mose ma Salāvea, o le a latou nonofo i le motu ma a oa o atu le Afioga a le Atua. Na ofo ane foi se tasi e pei ona valaauina ai Lalolagi o le a tausia lelei Aoao ma avatu uma foi i ai o fafine o le nuu. Ona faafetai tele lea o Viliamu i le tausiga ae pau o lea, e sa ona avane o fafine i Aoao, ona e faiavā uma Aoao i Samoa. Sa saunoa foi e tasi lava le avā a le tagata i le a oa oga faakerisiano, o nei foi Aoao e toe foi uma i latou i Samoa e asia o latou aiga pe a mavae ni tausaga. Na tuua le Vaalotu ma faalototele atu Viliamu i le auuso ua tuua nei, ae ua tumutumu ane tagata ma lomilomi o latou lima ma faapea ane, ua matua momosi o latou tino i le ai. O le alofa o le Atua sa leai ai se tasi e tagofia i latou nei ina ua tuua i latou i Tana ae faaauau le malaga a le Vaalotu i Eromaga. E taunuu le Camden le Vaalotu i Eromaga i le faga e igoa o le Dillon s Bay i le aso 20 o Novema, 1839 o loo loto tiga le nuu i se tasi vaa na afe ane i ni nai masina ua tuanai, na tuutaula i le meatonu lava lea ua taoto ai le Camden. O alii papae ia na o mai ma latou soona fai o latou fanua I le soona fai ma le lē fuafua tatau le taina o le laau o le asi (sandal wood), na faa-auupegaina i latou i le malosi, na latou faafefe ma pule ai ma le sauā i le nuu; na fasiotia nisi o tagata, ma faaleaga a latou faatoaga ma mea totino. O ia uiga lē taupulea na faaosofia ai le inoino o le nuu i tagata papa e, ma manatu ai e fasiotia soo se vaa e toe afea o latou eleele. E le i pine le taunuu o le Vaalotu ma ua manatu Eromaga o i latou lava ia na agaleaga ia i latou, ua atili taula le Vaalotu i le ogasami lea sa taula ai le vaa o tagata papa e, ae maise le muamua mai o Ioane Viliamu ma Harisi na faapea loa ona osofaia ma tagatavaleina loa le au misionare, e moni ai upu a le atunuu, Ua lavea fua Foaga ae le i fai misa. E ā ia papalagi e faatupu le vevesi, ae pa ū le uluulu o le laau i Tagata o le Atua. Na toe asia Eromaga i le 1859 i asiasiga e le alii misionare o Misi Tana ma feiloai ai ma Kauiau ma Ovialo, o Kauiau o ia na masoe ai le alii misionare o Viliamu, ao Ovialo na puleesea ai le soifua o Harisi. Na taua e Misi Tana le matuā salamo ma le masiasi o ia alii ua avea ma tagata matutua i le motu o Eromaga. O ia alii ua liua mai i le pogisa e fai ma soo moni mo Iesu Keriso, ua toaaga i lotu, ma ua faamavae foi ma tu faanuupo sa masani ai. Tusia Rev. Nuusila Samuelu *********************************************

18 P A G E 18 E K A L E S I A F A A P O T O P O T O G A K E R I S I A N O I A M E R I K A S A M O A TOE TU: O LE ATUA, AE E LĒ O AIᾹ TATAU Ua avea pea le tatou Lamepa (Lomiga o Aperila) ma ala o mataupu lagalaga ae faatupu lagona. Ua ou talitonu ai, o se tasi a lenei auala e papa i atu ai lo tatou faasoaina o afioga a lo tatou Alii mo le silafia faale Agaga o nai tagata lolotu. E iai le eseesega tele o le fuaitau Aia Tatau ma le mea e igoa o le faaaogaina o tina/tamaitai i se Ekalesia. O le faaaogaina o tina/tamaitai, e le ona oni o latou Aia Tatau, ae ona o tagata soifua na faia foi e le Atua o loo iai foi ni mea alofa o le Alofa Tunoa e laina tutusa ai uma tagata uma (tane ma tamaitai). E malie ai la le lauga faafetai a le tatou Lamepa, ona ua laa le tatou Ekalesia i le silafiaina o le isi lea o vaega o le atoaga (wholeness) o le foafoaga a le Atua e tatau ona faaaogaina i lana galuega. E moni le Lamepa, o le faaaogaina o tina e faiaoga i le aoga faafaifeau (Kanana Fou) aemaise le Ofisa Tutotonu, o se laasaga e fou. O le tatou molimau faa Ekalesia lea i o tatou nofoaga Faa-Samoa sa mafuli i le maledominance, O le ala lea e faasa ai e nisi o afioaga ni matai tamaitai, Ae ia silafia, o le tasi lenei o malala ola na faaaogaina e vase ma tositosiina laina tuaoi o le aganuu, o le male-dominanace. O iinei tonu na savavali ai ma le manino o tatou tagata-a-nuu i o latou tiute, matafaioi, ma tulaga i totonu o se nofoaga (roles, status-quo and structure). Ou te faaluaina la le faafetai a le Lamepa (Aperila) ona o lea ua amata ona suluia nisi o nai a tatou tupua i le malamalama o loo talaiina pea e le Ekalesia. Ae, e leai sa u faafetai i le faaaogaina o le fuaitau Aia Tatau, e faamatala ai le feau o le Toe Tu. Ua laititi tele lea mea mo le Toe Tu lava ia (Reduced Theology). O le fuaitau o le Aia Tatau, e laititi tele foi sona sao nai lo mafuaga e tatau ai ona faaaoga e le Ekalesia tina/ tamaitai. O le ala foi lea ua ou faaulutalaina ai lenei faasoa: O le Toe Tu, o le Atua, ae e le o Aia Tatau. Pe a toe feliua i, e le mafai ona tatou faalaititiina le telē o le Toe Tu na o se feau e faatāua uma ai Aia Tatau o tagata soifua uma, poo le toso mai foi o le Atua, ae faamatalaina ini Aia Tatau. O le upu Aia Tatau : faaperetania Human Rights, o aiā e tatau i soo se tagata soifua. O le upu foi lea e tasi o lea ua faaaoga e faamatala ai le gagana faa faamasinoga i aso nei (court order) o le civil rights. O le aia tatau la, poo human rights, o mea tonu a nei o loo finauina e tama-tama ma teine-teine (gays and lesbians) e tatau ai ona talia latou oni faaipoipoga tatau i luma o le silafaga paia a malo ma tagata, ae tuu ai pea le Atua. O le ala tonu a lea o lo u gatete i le manatu o le Lamepa, o le feau a le Keriso Toe Tu o le faatauaina uma o aia tatau o tagata soifua uma. Afai o lea, o lona uiga, faafetai i le Toe Tu, ua manino nei, ua faatagaina foi e le EFKAS tamatama ma teine-teine e faaipoipo ona o a latou Aia Tatau. O si ata sōsō atu la, ina ia matala le silafia i le gasologa o le taeao, o le Toe Tu ma le mea na tupu ai. E le i maua e fafine le Toe Tu; Na faaalia ia i latou. Faataitaiga: muamua, ua uma ona fuliese le maa; lua, na o agelu ma ana fetalaiga; tolu, o le vave lea na faatonuina ai fafine, e lē o le vave e tala i, o le vave Ia ta u i le Au Soo. Ma le lona fa, o le autu o le vave; ia toe ō i Kalilaia e toe iloa ai o ia. O le ituaiga vave lea (ta u i le au soo) na toe faamautuina e le Keriso Toe Tu ina ua fetaia i ma fafine mulimuli ane: vave ta u, vave ō i Kalilaia, e le o le vave tala i. E le o se vave faatopetope, ae o le vave faa Tamalii; Manino ma Mautinoa. E le mafai ona tatalaina faavave e tala i, ae e le o mautinoa poo le a le mea e tala i. E le mafai ona mautinoa e tala i, pe afai ua faatumuina i le fefefe. E le gata i le fefefe ia Roma ma ona fitafita taufe ai, a o le fefefe o Iesu lea ua latou fetaia i, o le aitu. E le mafai la ona faavaeina se feau tala i faavave a o lea e puaoa finagalo o le au faatuatua i lena taeao, aemaise lava i nai tina tau mulimuli. O le pine faamau o le gaosa na feagai ma nai tina aemaise foi le au soo i lena aso, o le molimau a Ioane ia Peteru ma le isi soo na matua taututuu faavave (faifai le alu a le roadrunner) i le tuugamau. Na tamomo e faavavave; na vave a foi lona tali, o le leai. Le tama foi o siamupini o vave o Peteru; na toe foi ma le Leai. O le eseesega lea o Peteru ma le isi soo lea na la taututuu i le tuugamau. Na saoasaoa ma vave foi Peteru; o le faalavelave, o le vave e su e mea; su e Toe Tu. A o le isi soo, na ia Punou, ona vaai ma iloa ai lea o le Atua Toe Tu ua faaalia. Ia tatou manino ma mautinoa, o le Toe Tu o le mea a le Atua. Tatou te le su ea ma tausaili, ae faaali mai. O le Toe Tu, o le Atua ua faaali mai. O le Atua mamalu ma le faaeaina na ala i le Satauro ma galuega o Kalilaia. Toe Tu, o le ata o le Atua na fatufatuina faalapa o le alititai lo tatou olataga. O le Atua fai mea lelei, fai mea mae ae a; se Atua a fai aiga lelei. O le taua lea o le toe o i Kalilaia, o le itulau amata o le Atua ua faaali mai. Na taia foi nai tina i le mana o le Atua Toe Tu lea ina ua laasia le lagona faa-le- Atua Toe Tu: Ua tagi o ia ma punou. Mulimuli ane, e le gata ua faataunuuina, ae ua o ma le fiafia e ta u i le au soo.

19 E K A L E S I A F A A P O T O P O T O G A K E R I S I A N O I A M E R I K A S A M O A P A G E 19 Ona o lea o fafine; ua taunuu i le mea o loo potopoto matafefefe ai le au soo. Ae, e le gata i fafine, ua faapea foi i soo e toalua na o i Emau e pei o le tala a Luka, ua toe foi ane iai. Ua latou potopoto faatasi, tuufaatasi a latou molimau, ua manatunatu faatasi, fifilemu ma popole faatasi, talatala ma faamoemoe faatasi. Mulimuli ane, na matua tutu a lenei potopotoga ina ua faaalia iai le Keriso Toe Tu. O le potopotoga tonu foi lenei, na manavaina iai le mautinoa atoatoa o le tala e tatau ona tala i. E le muamua la le vave, e muamua le potopoto ia manino ma tumu ile faaaliga. O lenei potopotoga, na iai faatasi ma tina. O iinei tonu, ou te taofi, e taatia ai le mautinoa i le Ekalesia i le tatau o le faaaogaina o soo se tasi ua taia i le Namuasua o le Atua faaali o le Toe Tu: tupulaga talavou, fafine, tamaloloa, matai, tulafale, faifeau, toeaina, pipili, tauaso, malolosi, vaivai, mauoloa, mativa, mea uli, pa epa e, Samoa foi ma ana aganuu. Ia faaaogaina mo feau o le Atua faaali o le Toe Tu. O iinei tonu foi e tala feagai ai le uiga o le Vave o loo taua soo e le aufaigaluega; vave loa, ona ua uma ona potopoto mautinoa. A o le vave lea na faatonuina ai fafine, o le vave e ta u, ae e le o le vave e tala i. O le au au o lenei tusiga ina ia silafia, e le i faaaogaina tina i le tala o le Toe Tu, ma tatou foi, ona oni o tatou Aia Tatau poo ni agavaa. E le o se tiute numera tasi foi a le Toe Tu o le faatauaina oni o tatou Aia Tatau. O le Toe Tu lava ia, o le Atua silisili ese ua faaali mai. O le mafuaaga foi lea ua faaaogaina ai tina, ma tatou foi; ua amanaia tatou ua faaali mai i ai e le Atua lona Toe Tu e ala i le Keriso. E soifua saoloto laia o le tagata pe faapefea ona faaaogaina o ona Aia Tatau; pe sa o pe sesē, o lou lava ono futu lena. A o le lauti tosi a ia mo le au faatuatua ma le au loto salamō aemaise le EFKAS, e mo le viiga ma feau o le Atua ua faaali mai i le Toe Tu. Ia tatou faaeteete foi i le faaaogaina o tagata i le Ekalesia e.g. tina/tamaitai ma soo se tasi, ona o afioga o le a faitauina ai Aia Tatau. Ia tatou papai muamua i le lagona ua tofo i le Atua ua faaali mai. O tatou uma, e tasi lava le ogaumu e tu eleele iai o tatou ola faaaogaina: O le loto salamo e punou maulalo ai i luma o le Alii. Pau a lea o le ala e faatumuina ai ma maua ai le vave lea o loo fia maua, tatou te ola manumalo ai e fai feau a le Alii. O nei foi aso, o tagata ua faaaogaina ona o Aia Tatau, se o isi nei tagata ua sili ona le tatau a latou gaioiga i totonu o aulotu, ma uma vave atu ai oloa ma tamaoaiga a le Ekalesia. Faafetai tele i le Lamepa mo le tautuaina o le soifua faitau a le Ekalesia. Tusia Rev. Elder Falelua Lafitaga. *************************************************** O le Lu i Tāua mo le Ekalesia i ona po nei. Poo le a sau silasila ma sou silafia i le vaaiga i le Ekalesia i lenei vaitaimi, ma ni suiga taua e tatau ona tulai mai i le Ekalesia i le faaauauina o lana tala lelei? Ou te manatu e tele mea tatou te mafaufau i ai mo le faalautele ina o le galuega talai, ae taua le upu a le tasi tusitala e faapea, O mea uma e tutupu ma mamate, e toilalo lava ona o e o loo taitaia galuega E faaeteete ona faaali se manatu ona o le faaeteete i le Ekalesia faapea le aufaigaluega o loo galulue i le tala lelei, peitai o le lui tāūa lea i taitai uma e tatau ona silasila ma vaai i suiga o le soifuaga o loo tatou ola ma soifua ai. E eseese o ta faiva ma tiute e pei ona valaauina i ai tatou, tatou te lagona ai le valaau mai a le Atua i lou soifua ma lou ola ina ia tatou faia suiga lelei e manuia ai le soifua manuia o tagata faapea le atinae o le Ekalesia. Peitai, o nisi foi o i tatou, e tautala ma le faaeteete ona o loo nofonofo lava ma le le popole ma faapea ane e le aiā lava moo i liu o vaa, poo o le le manao i suiga e tatau ona foia ai faafitauli i mea o loo aliali mai. O le mataupu moni lea ua taua ma faama ite mai e le tusitala E tatau ona tulai mai suiga o lou Olaga e mafai ai ona e mafaufau i ai i faagasologa manuia, faapea so tatou sao e agai ai i luma le galuega o le tala lelei. E moni o taitai faapea faifeau tatou te fiafia ina o loo tupu pea ma ola le galuega, peitai tatou te vaai pea i le galuega ua faagasolosolo atu ina mate, e ao ai i taitai faapea faifeau ona tatou tautino ma le faamaoni ma faamaulalo ai i le Atua ona o lana galuega e tatau ona tatou faia ina ia ola e tusa ma lona finagalo. O le vaaiga lea ia i tatou uma ao galulue i le galuega faafaifeau, e moomia lo tatou valaau atu i mea alofa a le Atua, ina ia taitai mai i tatou i mea o loo galulue ai, ae maise mea ua tatou pa u ū ai. O le lu i tele lea e tatau ona silasila i ai i taua, o le lagona e tatau ona tulai mai suiga ma moomia le olaga o le tagata e tatau ona toe fanau faafouina. O le vaivaiga tele i o tatou tagata, e tele lava ina le atagia ni uiga lelei ma le tausafia i o tatou olaga, ae na o uiga e le lelei ma lē logo lelei, ma lē tonu ai a ta filifiliga ma lē sa o ai a ta ta ita iga. E faapea le ata i le Tupu o Saulo i le Feagaiga Tuai. Tatou te faanoanoa ona o le ata o le taitai ua sesē i le

20 P A G E 20 E K A L E S I A F A A P O T O P O T O G A K E R I S I A N O I A M E R I K A S A M O A faia o lana filifiliga, o le ata foi lea o faifeau, faapea taitai o le lalolagi. O le upu masani lava, o le tumau o mea i le vavau, o ata lava ia o taitai e le gaoioi i suiga fou ma lelei. O lo tatou lalolagi i tu ma agaifanua, i sosaiete, le soifuaga o loo siomia ai, o tagata maimoa e faimalaga i mea i le lumanai. E faapea le lalolagi e le tumau, e agai pea i luma ma o le olaga lea e tatau ona vaai iai taitai e ao ina silasila lea i luma i le manuia o tagata. Ina ua valaau le Atua o Mose ina ia faia suiga lelei e pei ona valaauina ai o ia, na suia e le Atua le tagata atoa, na ia valaauina le tagata e fai ma taitai ma faia o lona finagalo. E faapea foi le fanaufouina o Paulo o le na ia faifai i le Alii, na ia luiina loto o tagata faapea le Ekalesia ina ia fai ma soo o le Alii ma folafola i tagata uma ina ia mulimuli i faataitaiga a le Alii. E faapea ata o taitai faapea le aufaigaluega e agai i luma ma galulue e faia suiga mo le atinae o le galuega a le Atua ma faia lona finagalo.. O nai manatu e taitaina ai la tatou faigamalaga i le Alii. 1. Ia tatou lagona pea lo tatou galala i le Atua ma lona valaau mai. O le upu moni afai tatou te le maua le mafutaga ma le Alii, ma ua le fia inu foi o tatou loto i le agaga o le Atua, ona iu lea o tatou i le mulimuli atu o tatou loto i mea o le lalolagi, ua mamao o tatou loto i le agaga o le Atua faapea le loto faafouina. 2. E ao ina feiloai ma mafuta atu i tagata ma faamasani i ai i mea lelei uma e tatau ona iloa ma aoao mai e tupu ai pea le agaga e galue mo le Alii ma faia lona finagalo. E tele suiga lelei tatou te maua mai nisi e ala ia latou tusitusiga, faapea tusi aoga. O ia mafutaga e aoaoina ai i tatou i manatu fou, o lagona fou, ma taiala fou e moomia ai le atinae o le manuia mo le Ekalesia ma ona tagata. O le upu moni a le maua le agaga fou lea o le Atua e mafuta mai ai o ia, faapea le faasoa mai a o tatou tagata, e tumau pea i tatou i le olaga solomuli ma tatou le maua ai mea lelei mo le faasinoga manuia a le Alii. 3. Ia iloilo ma toe su esu e i lou tagata poo lelei ma tonu pea ou manatu. E taua tele le toe iloilo o o tatou tagata e ala i le valaauina o a tatou uō poo nisi foi e fesoasoani, e le ina faaleaogaina ou manatu peitai o nisi e faatonutonu mai i mea o loo vaivai ai ina ia faaleleia le agai i luma ma ia faafouina le fetalai mai o le agaga o le Atua e manuia ai lau galuega. 4. Ia aoaoina i tatou. E taua le aoaoina, e faalautele ai manatu ma tupu tele ai le tamaoaiga o lagona e aoaoina ai i tatou i le faiva faataitai. 5. O le faanaunauga ina ia suia pea mea uma ia lelei. O le soifuaga lea o le tagata e filiga e faia mea silisili. Pe a le o lea, ona tonu ai lea a le Tusitala, O mea uma e tutupu ma mamate, e toilalo lava ona o e ua taitaia le galuega Tusia e Rev. Nuusila Samuelu FS. ************************************************ O LE FAAMOEMOE E SUIA LE NOFOAGA O LE FONO TELE - E.F.K.A.S 2014 Ua i ai le faamoemoe e suia le nofoaga o le Fono Tele a le Ekalesia Faapotopotoga Kerisiano i Amerika Samoa i le tausaga o muamua nei (2014); o se tala mai lea i le Laulaufono a le Fono Tele EFKAS. O lenei faamoemoe, o se lagona ua leva ona manatunatu i ai le Laulaufono, ona o le tulaga ua i ai le ekalesia EFKAS ma suiga ua i ai le soifua tautua ma auauna i le Tala Lelei ma le Ekalesia Kerisiano i nei auga tupulaga. O le mea lea, ua fuafuaina ai le Fono Tele EFKAS Iulai 2014, e usuia i le aai o Carson City, i le settee o Kalefonia (USA); o le itumalo lea o Los Angeles o loo pito tele ai aulotu Samoa pe a finagalo ai le Fono Tele EFKAS. Ua tatou molimauina i nei ona po le televave ma le saoasaoa ua i ai le lalolagi, a e maise lava i le faimalaga ese atu o tagata Samoa i Hawaii ma Amerika ma nonofo tumau ai. O le faitau aofai o tagata faimalaga mai i motu o le Vasa Pasefika i le tausaga 2011, ma nonofo tumau i Amerika (USA), e numera muamua Hawaii e 518,000 ona tulaga lua lea o Samoa, e 174,000; tusa lea ua faatoluina le aofai o Amerika Samoa. E ui ina tele ituaiga lotu o loo faavae ai ekalesia Samoa, a e numera muamua lava le Ekalesia Faapotopotoga Kerisiano (LMS). Ua vaevaeina i vaega e tolu: (O le EFKAS, O le EFKS, ma le EFK-UCC). USA Setete/Aai EFKAS EFKS EFK-UCC Aofai Hawaii & Mainland LAMEPA EFKAS

21 E K A L E S I A F A A P O T O P O T O G A K E R I S I A N O I A M E R I K A S A M O A P A G E 21 Ua atoa le lima o Matagaluega i fafo atu ma Amerika Samoa: Hawaii, Kalefonia Saute, Kalefonia Matu, Setete o WA-OR-AL, ma Niu Sila ma Ausetalia. Ua sili atu lea i Matagaluega e fa i Amerika Samoa: Manu a, Sasa e, Tutotonu, ma Sisifo; ma aulotu e limasefulu ma le fa (54). Ua i ai le fesootaiga ma ekalesia Samoa i le Matagaluega i Kalefonia Saute i le taimi nei, a o fuafua le faailogaina o le limasefulu tausaga ia Iulai 2014, talu ona faavae ma mautu le ekalesia LMS Samoa i Amerika. O le amataga mai le tausaga e 1960 s, e le atoa se sefulu aulotu Samoa, ua na o San Diego, National City, Wilmington, San Francisco, San Jose, Honolulu, Nanakuli, ma Seattle. O loo galueaina nei fesootaiga a le Laulaufono o le Fono Tele EFKAS ma le pulenuu o le aai o Carson City mo le faaaogaina o le Civic Center, aua le faamoemoe o le EFKAS ma faifeau Samoa i Matagaluega EFKAS Kalefonia i Saute ma Matu e uiga i lenei faamoemoe, pe a finagalo ai le Fono Tele. O le faamoemoe aupito sili ona taua, ia tatou tuuina atu i luma o le Ao o le Ekalesia, Iesu Keriso lo tatou Alii, ia fesoasoani mai lona Agaga Paia, e faasino ma faatonu le ala tatou te savavali ai. Ia manuia taualumaga fuafuaina mo lenei faamoemoe taua. *************************************************** LAMEPA EFKAS