СУРГАЛТЫН ҮЙЛ АЖИЛЛАГААНДАА ХЭРЭГЖҮҮЛСЭН АРГА ЗҮЙ, ТЕХНОЛОГИЙН НЭР, ТАНИЛЦУУЛГА, ҮР ДҮНГИЙН ТАЙЛБАР

Transcription

1 СУРГАЛТЫН ҮЙЛ АЖИЛЛАГААНДАА ХЭРЭГЖҮҮЛСЭН АРГА ЗҮЙ, ТЕХНОЛОГИЙН НЭР, ТАНИЛЦУУЛГА, ҮР ДҮНГИЙН ТАЙЛБАР 1. Арга зүйн нэр: ээлжит хичээл бүрээр сурагчийг үнэлгээжүүлэх арга зүй Түлхүүр үг: ээлжит хичээл, үнэлэх, сайт, программ Оршил: Явцын үнэлгээ буюу formative assessment ыг тогтмол хийж сургалтын процесс болон сурагчийн суралцах явцыг үнэлэх, мэдлэг эзэмшилтийн түвшинг тодорхойлох, тодорхой чадваруудыг эзэмшүүлэхэд сэдэлжүүлэх, түүнийг оношлох, сурагчдад зөвлөгөө өгөх шаардлага багш бүрийн өмнө тулгардаг. Цөөн цагаар ордог МЗ-н багш нарын хувьд орж буй хичээл бүрийн цаг дээр үнэлгээг хийх нь зарим тохиолдолд төвөгтэй, цаг шаардсан ажил болдог. Тиймээс энэхүү үйлд оновчтой програм, онлайн сайтуудыг ашиглах нь хялбар болгодог бөгөөд үр дүнтэйгээр асуудлыг шийдвэрлэх арга зам болж байна. Арга зүй: Сургалтын үйл ажиллагааг дэмжсэн програм сайт ашиглах нь өнөө үеийн хэрэглээ болж сургалтын процессыг удирдах, хянах, бүхий л процесст нэвтэрч байгаа тул энэхүү арга зүй нь уг жишгийг даган тодорхой сайт, программуудаар дамжуулан ээлжит хичээл бүрээ үнэлгээжүүлэх явцын үнэлгээ хийх юм. Доор дурьдсан үйл ажиллагаа бүрийг нэг хичээл дээр хэрэгжүүлж болохоос гадна хэсэгчлэн хэрэглэж болох юм. Интернэтийн орчинд олон зуун сайт, програмууд байх боловч тэдгээрийг өөрийн үйл ажиллагаанд оновтой үгүйг тэр бүр мэдэхгүйн улмаас туршин хэрэглэж цаг алдах нь элбэг. Энэ утгаараа бидний хичээлд шууд ашиглахад хялбар олон төрлийн форматаар үр дүнгээ харж болдог тооцоолж болдог, төлбөргүй зэрэг үзүүлэлтүүдээр нь хэрэглэж өөрийн үйл ажиллагаандаа нэвтрүүлсэнээ танилцуулья. Аргачлал: Хичээлийн эхлэл үед Хичээлийн явцад Хэрэглэх сайт, програм компьютер, гар утас, таблет ашиглаж болно. хэвлэсэн карт ашигладаг Үйл ажиллагаа Хичээл бүрийн эхний 1-3 минутын хугацаанд бичих чадварыг тогтмол үнэлэх, дадлагажуулах мөн хичээлд бэлтгэх зорилгоор дараах сайтууд ашиглан дасгал хийх, шалгалт өгөх гэх мэтээр цөөн минутын ажил хийлгэн үнэлгээг Excel програм руу хөрвүүлэн авч болно. Энэхүү үйлийг хичээл бүрээр давтснаар сурагчид бичих чадварт суралцах, түүний процессыг үнэлэх, үндсэн чадвар болох бичих процессыг дэмжих үйл ажиллагаа болж хүүхдүүдэд зөв үйл болж хэвшдэг. Мөн үр дүнгийн мэдээллийг төрөл бүрээр шүүн харах боломжтойгоороо эдгээр сайтууд хялбар юм. Хичээлийн сэдэлжүүлэлтийг хийх, өмнөх төсөөллийг оношлох, өмнөх хичээлийн мэдлэг чадвар эзэмшилтийг тогтоох, сэргээн сануулах буруу ойлголтыг тодруулж ярилцах, давтах зэргээр асуулт даалгаврын тоогоо хичээлийн эхний хэсэгт тохируулан давтамжтайгаар хийлгэснээр цээжлэн тоглоохоос шинжлэх үнэлэх хүртэлх бүхий л түвшний чадваруудыг хамруулан үнэлж болдог бас хөгжилтэй, сонирхолтой орчинг бүрдүүлдэг сайтууд юм. Үнэлгээг Excel програм руу хөрвүүлэх, хариултын анализыг харах, анхаарах сурагчдыг тодруулах гэх мэтээр сайт бүр өөрийн өөрийн онцлогоор танд туслах болно. Энэхүү сайт нь pdf, ppt, png зэрэг олон файлын төрлөөс online cloud-с эхээ авч сурагчлын дэлгэц

2 Хичээлийн төгсгөлд italc программ Moodle дээр үзүүлэхээс гадна нээлттэй асуулт, олон хувилбарт сонголт, зурах, бичих, тэмдэглэх зэрэг хувилбаруудаар сурагчдаас хариу авч үнэлгээжүүлэх сэдэлжүүлэх боломжийг олгодог сайт юм. Эзэмшүүлэхийн хүссэн нэр томьёо, ухагдахуун, тодорхойлолтоо оруулаад давтамжтай сэргээн сануулах, тэдгээрийг шалгалт хэлбэрт шилжүүлэх боломжийг олгодог сайт. Анализ, хариултын хувь, тестийн оноо нь автоматаар гаргах ба шалгалт, санал асуулга зэрэг олон талаар ашиглаж үнэлгээжүүлж болох хялбар арга юм. Сурагчдын ажилд, хичээлийн явцад хяналт хийхэд хэрэглэгддэг үнэгүй программ. Дурын текст, тоогоор виртуал байдлаар санамсаргүй гаргах боломжтой ба ангийн сурагчдыг түүвэрлэн асуух, багийн ялгаатай тоотой гишүүдийг сонгон асуух, материал шалгах зэрэгт хэрэглэхэд ялгар байдаг. Сургалтын процессын менежент хийх зориулалттай төрөл бүрийн хэлбэрээр сургалтын материал оруулахаас гадна, олон хувилбараар шалгалт авах, файл материал авах, шалгалтын сан бүрдүүлэх, түүнийдээ үнэлгээ хийх боломжтой систем юм. Багш өөрийн имэйлээс сурагчид руу имэйл явуулан түүндээ reply хийлгэхдээ хичээлийн файлыг, шалгалтын материалыг, бүтээлийг хавсарган авснаар шалгах, үнэлгээ өгөх дүгнэлт бичихэд хялбар болох мөн багшид сурагчдын бүтээлийн нэгдсэн сан бүрдүүлэх боломж олгодог. Энэхүү арга нь сурагч хичээлийн цагийг үр дүнгүй өнгөрөөх, ажлаа дүгнүүлэхгүй үлдэх зэргээс сэргийлэн хичээлийн явцаа тогтмол үнэлүүлэх чухал ач холбогдолтой байдаг. Үүнийг мөн google classroom ашиглан илүү хялбар хийж болох юм. Энэхүү сайтын бусдаас ялгарах онцлог нь багаар уралдах, гарах тасалбар буюу хичээлийн төгсгөлд хичээлийн явц, мэдлэг чадвар эзэмшилтийг тодорхойлох, оношлох асуултуудад хариулт авах боломжийг олгодогоороо ялгаатай бөгөөд мөн олон хувилбарт хариулт, үнэн худал, богино хариулт зэргээр тест авах боломжтой. Хэрэгжүүлсэн үйл ажиллагаа: Үндэсний цөм хөтөлбөрийн сургалтын хүрээнд Дорнод, Сүхбаатар аймгийн сургууль, хотын сургуулиудын багш нарт зарим сайт, програмыг хэрхэн үр дүнтэй ашиглах талаар сургалт зааварчилгаа өгөхөд багш нар талархалтай байсан бөгөөд ихэнх нь хэрэглэдэггүй нь ажиглагдсан. Эдгээр сайт олон програмыг өөрийн хичээл сургалтандаа тасралтгүй хэрэглэж байгаа бөгөөд олон улсын шалгалтын чанар, хичээлийн үр дүн, сурагчдын сэтгэл ханамж талаасаа үр дүнтэй нь харагдсан.

3 Доор нэг ангийн 3 улирлын хичээл бүрийн үнэлгээжүүлэлтүүдийг хэрхэн хийснээ, мөн сайтуудад хэрхэн сан бүрдүүлж үнэлгээжүүлсэн байгаагаа харууллаа. 1-р улирал 2-р улирал 3-р улирал Quizizz site

4 Plickers site Kahoot.com site Typing.com site

5 Ratatype.com site Moodle Learning Management system Gmail сурагчдын файлуудыг хичээл бүрээр авах Нэг систем, сайт, програм дангаар хэрэглэхгүйгээр улирлаар сольж хэрэглэх нь сэдэлжүүлэх мөн олон төрлийн шалгалтын систем, интерфэйстэй ажиллаж сурах боломжийг олгодог бөгөөд багшийн хувьд онлайн эх сурвалж олонтой болох түүнийг даган шалгалтын олон түвшинт материалуудыг судлах давхар давуу талтай болдог.

6 2. Арга зүйн нэр: Команд хуудас Түлхүүр үг: хуудас, команд Оршил: Суралцагч хэрэглээний програмыг эзэмших явцад тухайн програмын командуудын үүрэг зориулалтыг тогтоох, тодорхой үйлүүдэд оновчтой хурдан хэрэглэж сурах нь чухал бөгөөд зайлшгүй байдаг. Энэхүү үйлд сургахад багш ихэвчлэн тайлбарлан хэлж өгөх, дэвтэрт бичүүлэх эсвэл харуулж дагуулан хийлгэх зэрэг арга барилаар ажилладаг ба үүнийг эсрэгээр багшийн оролцоо багатай шууд бүтээл бэлтгэх явцдаа ямар командууд хэрэглэх ёстой, ямар командууд ямар үүрэгтэй, мөн бүтээл бэлтгэх явцдаа ямар командуудыг хэрэглэж байгаагаа өөрсдөө тэмдэглэн бичих замаар хийж үзэх, бүтээх гэсэн шийдлээр ажиллуулах нь илүү дүнтэй бөгөөд сурагч бүрийн ялгаатай хурдад тохиромжтой байгаа нь хичээл заах явцад ажиглагдсан. Арга зүй: Команд хуудас -ыг сурагчийн нас, чадвараас шалгаалан хөнгөн, хүнд байхаас гадна хичээл дээр үзэх командын тооноос хамааран янз бүрээр бэлтгэж болно. Гол санаа нь багш командуудыг тайлбарлахгүйгээр сурагч өөрөө хэрэглэж үзэн тухайн командын үүрэг зориулалтыг мэдэн тогтоох, өөр өөрийн ялгаатай хурдаар хийж үзэн эцсийн дүнд командуудын ойлголттой болж өөрийн бүтээлийг бэлтгэх явдал юм. Мөн Команд хуудас -ны хүндрүүлсэн хэлбэр нь эцсийн зураглалыг харуулахгүй зааврын дагуу үйлдлүүдийг гүйцэтгэхдээ тухайн үйлдлийг хийхэд ямар команд ашигласнаа бичиж хөтлөх явдал юм. Команд хуудас -ыг яг ингэж хий гэсэн тодорхой загвар байхгүй бөгөөд дээр дурьдсан гол санааг баримтлан командуудын үүргийг өөрөө танин мэдэх, мэдсэнээ бататган ерөнхийлсөн заавар команд ашиглан гүйцэтгэх, эцсийн зургалалд тулгуурлан командуудыг сонгон гүйцэтгэх, үйлд тааруулан команд сонгож хэрэглэн хэрэглэсэн командуудаа бичиж тэмдэглэх гэсэн 4 түвшний хэлбэрээр сурагчдын бүтээлч, мэдлэг бүтээх, бие даах үйл ажиллагааг хөгжүүлэх юм. Түвшин1-д: Бэлтгэх бүтээлийн эцсийн зураглалыг, командуудын хамтаар харуулан сурагч аль болох багшийн оролцоогүй дагаж хийж командуудыг мэдэх тогтоолгоход чиглэсэн байна. Иймийн тулд давтамж өндөртэй цөөн тооны команд байх нь үр дүнтэй. Түвшин2-д: Өмнө нь төсөөлөлтэй болсон командуудыг нэг бүрчлэн зургаар болон бичгээр харуулахгүйгээр эцсийн зураглалд тулгуурлан ерөнхийлөн командуудыг дурьдах замаар бүтээлийг бэлтгүүлэх юм. Ингэснээр команд хаана байрладаг, ямар үүрэгтэй санах шаардлага үүснэ. Түвшин3-д: Командуудыг харуулахгүй, тухайн команд ямар утгатай байхыг эцсийн зураглалын хамтаар харуулан бүтээлийг гүйцэтгүүлэн командаа тогтоосон эсэхийг шалган ажиллуулах зорилготой байна. Ингэснээр сурагч Ямар командаар үүнийг хийх вэ? гэсэн шалгуурт ажлыг гүйцэтгэнэ. Түвшин4-д: Гүйцэтгэсэн байх үйлүүд буюу зааврыг бичиж өгөх ба эцсийн зураглал, ашиглах командуудыг өгөхгүйгээр бүтээлээ бэлтгэн ямар команд ашигласнаа команд хуудсанд бөглөж хөтлөх юм. Энэ нь чадварт суурилсан шалгуур болно. Мөн Команд хуудас нь заавал хэвлэсэн байх шаардлагагүй бөгөөд дунд ахлах ангийн сурагчдад pdf хэлбэрээр эсвэл вэб хуудас хэлбэрээр өгвөл илүү өнгө ялгарал нь тодорхой, зарим текстийг шууд хуулах замаар ашиглах, програм хооронд шилжин ажиллах чадвартай болох үр дүнтэй. 1 команд хуудас нь хэд хэдэн хичээл дамнасан эсвэл зөвхөн 1 хичээлд тохирсон гэх мэт хэмжээний хувьд янз бүр байж болно. Хэрэгжүүлсэн үйл ажиллагаа: 2013 онд ОУ-ын шалгалт өгүүлэхээр бэлтгэж эхэлмэгц хэрхэн сурагчдаа амжилттай бэлтгэх вэ? сурагчид юун дээр алдаж байна вэ? Яаж ажиллавал хугацаа хэмнэх вэ? ямар материал ашиглах вэ? гэсэн олон асуултуудтай нүүр тулан олон арга барилаар ажиллан хэрэглээний чадварт сургахаар оролдсоны үр дүнд сүүлийн 4 жилийн хугацаанд энэхүү аргыг хэрэглэсэн. Энэ арга нь цаг хугацаа хэмнэсэн мөн сурагчдыг аливаа материалтай ажиллаж сурахад дөхөм болсон, эх заавраа уншдаг, өөрөө бүтээлчээр эрэл хайгуул хийдэг зэрэг олон сайн талуудыг бий болгосон ба шалгалтын үр дүнд эерэгээр нөлөөлсөн тул сургалтын минь үндсэн аргуудын нэг болсон. Багш хичээлийн бэлтгэлийг хийхэд тодорхой хэмжээний цаг хугацаа зарцуулах нь зайлшгүй бөгөөд түүний үр дүнд сурагч багшид өгөөжтэй байх нь чухал тул Команд хуудас -ыг бэлтгэхэд цаг зарцуулах хэдий ч бэлэн болсон команд хуудас таны оролцоогүй бие даан ажиллаж чадвартай сурагчдын тоог нэмэгдүүлж багшийн цагийг хэмнэнэ. Хүрсэн үр дүн: Үр дүнг бэлтгэн шалгуулсан ОУ-ын шалгалтаар сүүлийн 5 жилээр шалгуулагчдаар тодорхойлбол нийт 10-р ангийн 35% нь B, 30% нь A* болон A, 27% нь С, 8% нь D үнэлгээтэй ба D-с доош үнэлгээгээр шалгуулаагүйгээр харагдаж байна. Энэхүү шалгалтын 60 хувь нь хэрэглээний програмын чадварын оноо байдаг бөгөөд манай сурагчдын хамгийн өндөр оноо цуглуулсан хэсэг нь практикал ажлын хэсэг байдаг. Эдгээр үнэлгээ нь зөвхөн командуудыг тогтоох бус түүнийг

7 тооцоолох, анализ хийх, бүтээх, дүгнэлт гаргах зэргээр дээд түвшний даалгаварт хэрэглэж чадаж буйгаар нь үнэлдэг. Команд хуудас түвшин-1: Команд хуудас -ны командуудыг ашиглан мөр мөрөөр даалгаврыг гүйцэтгэнэ. Үүний дараа ямар команд ямар үүрэгтэй байсан талаар асууж ярилцана. Команд хуудас түвшин-2: Команд хуудас -ны ерөнийлөн бичсэн командуудыг ажиглан мөр мөрөөр командуудаа гүйцэтгэнэ. Доорх жишээ нь түвшин1-ийн дараагийн түвшин бөгөөд команд бүрийн зургийг нэг бүрчлэн оруулаагүй байгаагаараа ялгаатай байна.

8 Команд хуудас түвшин-3: Командуудыг дурьдахгүйгээр эцсийн зураглал, командын утгуудад тулгуурлан ажлаа гүйцэтгэнэ. Команд хуудас түвшин-4: Энэ хуудсанд эцсийн үр дүнгийн зураглал байхгүй, командуудыг сурагч өөрөө сонгох хэрэглэн ямар команд ашигласнаа бичиж хөтлөх замаар ажиллах ба хүнд түвшний Команд хуудас байна. Сурагчдад загвар болгон зарим нэг командуудыг бөглөж харуулсан байна.

9 3. Арга зүйн нэр: Сурагчдын хөгжлийг дэмжих Хөтөлбөр баяжуулах арга зүй Түлхүүр үг: хөтөлбөр, нэмэлт агуулга, хөгжүүлэх, дэмжих агуулга Оршил: Багш стандарт хөтөлбөрөө барин жилийн, улирлын, хичээлийн төлөвлөлтөө хийж судлагдахууны эзэмшвэл зохих агуулгыг олгох нь зайлшгүй хэдий ч багш тухайн агуулга, мэдлэг, чадварыг хэрхэн олгох, хэдэн цагт багтаан олгох нь багшийн ур чадвар, арга барилтай холбоотой байдаг. Мөн агуулгын интергаци хийж хамтатган судлах, бие даалган хийлгэж явцыг хянах гэх мэтээр агуулгаа бага цагаар агуулга орхигдуулахгүй судлах боломжийг гаргаж болох юм. Ялангуяа хөгжүүлэх агуулга бүхий хичээлүүдийн хувьд. Тиймээс хичээлийн бус цагаар цөөн тооны сурагчдыг хөгжүүлэх сургалтанд хамруулах бус аль 1 улирлыг эсвэл цөөн хэдэн цагийг суллан сурагчдад ачаалал өгөхгүй харин ч сэдэлжүүлэх, урамшуулах, авьяас, чадварыг нь нээн хөгжүүлэх, тухайн хичээлийн сонирхолыг төрүүлэх, цаг үе нийгмийн хэрэгцээнд тулгуурласан агуулгыг хөтөлбөртөө оруулах нь хичээлийн үр дүнг нэмэгдүүлэх эерэг нөлөөтэй байгаа нь хэрэгжүүлэлтэд ажиглагдсан. Арга зүй: Үндсэн санаа нь сурагчийн сэтгэлгээг задлах, сонирхолтой хөгжилтэй хэлбэрээр стандарт агуулгад шууд тусгагдаагүй ч агуулгыг сургалтаа дэмжих, сурагчдаа хөгжүүлэх зорилгоор хөтөлбөрт оруулан заах юм. Ихэнх тохиолдолд сурагчдыг стандарт агуулгаар сургах, түүнд тулгуурласан сурах бичгийг хэрэглэх байдлаар хязгаарладаг мөн сонгон дугуйлангаар хөгжүүлэх ажил явагдаж цөөн тооны сурагчид хамрагддаг. Тэгвэл арга зүйн шинэлэг тал нь сурагч тухайн хичээлд сонирхолтой байх, багш сурагчийн харилцаа эерэг байх, аль аль нь хөгжих гэсэн санаан дээр үндэслэн сургалт, сургалтыг дэмжих үйл ажиллагааг хамтатган хийх боломжийг эрэлхийлснээрээ онцлог юм. Аргачлал: Цөөн цагтай хичээлийн хувьд 1 улирал, харьцангуй олон цагаар судалдаг хичээлийн хувьд тухайн улирлын цөөн хэдэн цагийг хамрахаар агуулгаа сонгох ба тухайн агуулгыг бүрэн, бүх бүрдэл хэсгээр нь заах албагүй бөгөөд зөвхөн нэг хэсгийн чадварыг олгоход болно. Энэ нь хичээл бүрт хэрэгжүүлэх боломжтой бөгөөд харин улирлын хувьд багш сургууль, сурагч, хөтөлбөртөө тохируулан сонгон хэрэгжүүлэх юм. Мэдээлэл зүйн хичээлийн хувьд сурагчдын ачааллыг бууруулах, улсын болон төгсөх шалгалттай хичээлүүдээ дэмжих үүднээс 4-р улирал, хичээлдээ сурагчдаа татах, танхимын бус хэлбэрээр зохион байгуулах боломжтой гэвэл 1-р улиралд заахаар сонгоход илүү тохиромжтой байдаг. Улирлаа сонгосны дараа сурагчидтай ярилцан хөгжүүлэх агуулгыг сонгуулах эсвэл багш өөрөө шууд санал болгох хэлбэрээр сэдвээ тогтоно. Энэхүү агуулгын хүрээнд сурагчдын явцын үнэлгээг албан бус асуулгын, харилцан нэгнээ үнэлэх, өөрийгөө үнэлэх, ярилцлагын зэрэг аргуудаар үнэлж сурагчдад шаардлагатай явцын зөвлөмжийг өгөх байдлаар тухайн сурагчийн хандлага төлөвшил, сэтгэлгээ бүтээлч чадвар, сургалтын явц зэрэг олон үйлийг олж харсан нээсэн, сурагчдыг чөлөөтэй сэтгэж бодуулсан, бүтээсэн зурсан, дүгнэлт гаргасан, хамтран ажиллуулсан хэлбэрээр хичээллэж эцсийн үр бүтээл, олж авсан чадварыг баг хамт олон нь, сурагч өөрөө үнэлэн эцсийн үнэлгээг гаргах явдал чухал юм. Багшаас бүтээлч, санаачлагатай, уян хатан, арга зүйтэй, эрэл хайгуулч чадварыг шаардах ба энэ нь одоо цагийн сургалтын хэлбэр гэдгийг анхаарах хэрэгтэй. Багш агуулга сонголт, санал болгох тал дээр судалгаа шинжилгээ хийж түүнийгээ хичээлийн жилийн хөтөлбөртөө тохируулан тусгаснаар хөтөлбөр хэрэгжих суурь болно. Хэрэгжүүлсэн үйл ажиллагаа: Хич/жил Хөгжүүлэх агуулгын нэр Анги Улирал, цаг Зорилго, агуулга Сонирхолтой богино анимэшн Animation бэлтгэх бэлтгэж сурах VII IV, 7цаг (Stickman) Timeline, Motion Stick man animation Компьютергүй орчинд мэдээлэл зүйн шинжлэх ухааныг үндсэн Computer Science without a computer Компьютергүй компьютерийн ШУ-г судлах нь VIII I, 5 цаг ойлголтуудыг сонирхолтой /бичихгүй, онол үзэхгүй/ хэлбэрээр судлах Binary / 2тын тоолол Binary Art / Зургийн кодлол Encoding data / Мэдээллийг кодлох Encryption /public and private key/

10 Sort algorithm / Эрэмбэлэх Photoshop Дижилтал зурган бүтээл урлах мөн анимэшн бэлтгэх VI, Layer and tools VII, IV, 8 цаг Change the color, brightness, VIII contrast, Animation Scratch VI IV, 8 цаг Өөрийн сонирхолын дагуу тоглоом бүтээх Make game Программчлалын хялбараар Turtle Logo VII III, 8 цаг энгийнээр судлах Turtle logo програмын Дунд шатны програмчлал App inventor IX I, 9 цаг Ухаалаг утасны хялбар программ бичих замаар апплекшэн бэлтгэх ойлголттой болох Make simple application Дээр дурьдсан агуулгаас өөр сурагчдын сонирхсон мөн хичээл сургалтанд хэрэгтэй агуулгыг багш сурагчид хамтдаа эрэлхийлэх нь чухал бөгөөд ирэх хичээлийн жилд 8-р ангидаа Turtle Art хичээлийн Python хэл ашиглан орохоор төлөвлөж байна. Хүрсэн үр дүн: оны 7-р ангийн Animation бэлтгэх (Stickman) хөтөлбөр баяжуулах агуулга Цөөн цагаар хэдий ч сурагчид анхан шатны мэдлэгтэй болж цаашид энэ чиглэлээр өөрийг сорьж бүтээл бэлтгэх оролдох сэдэл тэмүүлэлтэй болж байгаа нь ажиглагдсан. Сурагчдад үнэхээр сонирхолтой байсан ба програмыг бүхэлд нь заах бус зөвхөн хөгжүүлэх, сэдэлжүүлэх, дурлуулах чиглэлийн сонирхолтой Stickman хөдөлгөөнт зураглал хичээлүүдийг cонгон орсон. Бүтээлүүдийг сурагчдын бүтээлийн санд оруулснаа, мөн сурагчид бүтээлээ багшдаа имэйлээр илгээснийг зургаар харууллаа.

11 оны 8-р ангийн Computer Science without a computer хөтөлбөр баяжуулах агуулга Танхимын бус хэлбэрээр явагдсан ба бүх хотын дайран хамгийн дөт замыг хэрхэн олох вэ? хэрхэн тоон өгөгдлийг эрэмбэлэх вэ? гар хийцийн жин ашиглаж олох, цифрыг хэрхэн кодлодог вэ? тоглоомын хэлбэрээр, кодлосон текстийг хэн хамгийн түрүүнд тайлж унших вэ?, private and public key гэж юу вэ? Хэрхэн нууцлал хийдэг вэ? зэрэг агуулгыг тоглоом бүтээлч даалгаврын аргаар судалсан нь сурагчдад ойлгоход хялбар сонирхолтой байлаа.

12 оны 6,7,8-р ангийн Photoshop хөтөлбөр баяжуулах агуулга Энэхүү агуулгын хүрээнд мөн программыг бүтэн заахгүй бөгөөд сэдэлжүүлэх, дурлуулах, анхан шатны мэдлэгтэй болгох чадварыг олгох тул 8-р ангид зөвхөн хуучин зураг сэргээн засварлах, сонирхолтой зургийг эвлүүлэх хийх, 7-р анги мөн зургийн эвлүүлэг өнгөний өөрчлөлт, хөдөлгөөнт зураг бэлтгэх, 6-р анги давхаргатай ажиллах буюу 2-3 зураг эвлүүлэх, танграм дүрс бүтээх хичээлүүдийг сонгон орсон нь сурагчдад үр өгөөжтэй, урам зориг өгсөн зорилгоо хангасан хичээл болсон. Бүтээлүүдийг сурагчдын санд мөн сургуулийн МЗ хичээлийн сайтад оруулснаа зургаар харууллаа.

13 оны 7-р ангийн Scratch хөтөлбөр баяжуулах агуулга 6-р ангийн сурагчдыг алгоритм програмчлалд сургах, сонирхолтой аргаар тоглоом бэлтгэх хичээлийг орсон. Энэ агуулгаар сурагчид бусдын бүтээлд дүн шинжилгээ өгөх, өөрийн бүтээлийн өрсөлдөх чадварыг тодорхойлох давхар ажлуудыг хийснээр илүү үр дүнтэй болсон. Доор хөтөлбөрийн агуулга, бүтээлүүдийг өөрийн вэб сайтад байрлуулсанаа мөн зарим бүтээлүүдийн хамтаар үзүүллээ.

14 оны 7-р ангийн Turtle Logo хөтөлбөр баяжуулах агуулга Программ алгоритмын талаарх ойголтыг өгөх, бичсэн кодны үр дүнг шууд харах, алдаагаа илрүүлэх боломжийг олгодаг, сонирхолтой гэдэг утгаар нь MS Turtle logo программыг судлуулсан ба энэ нь тэдэнд хялбар ажиллахад сонирхолтой байсан. Англи монгол хэл дээр дасгал ажилд суурилсан гарын авлагыг бэлтгэн ашигласан.