Gemeenteblad. Maak Stellenbosch oop, vra studente. NGK Stellenbosch. Hoe oop is ons gemeente? Jaargang 15: Nr 2: Tweede Semester 2015

Transcription

1 Kyk binne vir: 329 jaar van genade Menswaardigheid 2 NGK Stellenbosch Gemeenteblad Laat daar lig wees 4 Jaargang 15: Nr 2: Tweede Semester 2015 Maak Stellenbosch oop, vra studente Hoe oop is ons gemeente? Deernis 6-7 Open Stellenbosch en #LUISTER dis woorde waarteenoor min mense neutraal voel en wat oornag deel van die woordeskat in ons dorp, maar ook landswyd, geraak het. Gegewe n gemeente waarvan die helfte van ons lidmate (oorwegend Afrikaanssprekende) studente is, kan ons uiteraard nie sonder n mening en stem oor die woelinge in ons geledere wees nie. Twee vrae knaag aan ons, naamlik Hoe oop is ons gemeente (of is daar sigbare of onsigbare mure wat mense buitehou)? en Hoe kan ons n positiewe rol in dié onstuimige omgewing speel? Daar is twee maniere waarop ons die afgelope paar jaar poog om die uitsluiting wat Afrikaans as taalmedium kan meebring, te oorbrug. In die eerste plek is ons Internasionale Bediening die ruimte in ons gemeente waar ons weeklikse Engelstalige diens plaasvind (Sondae-oggende 10:35 by Kruiskerk). Hierdie diens (en die hele Friends of All Nations-bediening van Jurie en Magdaleen Goosen) is n ruimte waar diversiteit gevier word en waar daar op enige gegewe Sondag maklik tien tot twintig nasionaliteite verteenwoordig word. Die diens en bediening is egter nie net vir internasionale studente nie, maar vir enigeen wat graag in hierdie ruimte die Here saam met ander wil aanbid en dien. Vervolg op 2 MENSWAARDIGHEID Daar het iets in ons land verkeerd gegaan... Die mees basiese waarde van respek vir mekaar is grootliks vernietig. Dit word bevestig deur die hoë voorkoms van: Moord en verkragting, roof en ander misdade, verwaarlosing van gestremdes, armoede, diskriminasie teen vroue, eensaamheid van mense, minagting van mense, plaasaanvalle, verwaarlosing van kinders, homofobie, geweld op weerloses, vreemdelingehaat, rassisme, onregverdige uitsluiting van mense, etikettering en veralgemening.. Mense se waardigheid word aangetas deur sistemiese werklikhede soos wanneer: siekes nie toegang het tot mediese hulp nie, kinders nie toegang het tot goeie onderwys nie, gestremdes op n diskriminerende wyse uitgesluit word, mense nie toegang het tot basiese dienste nie, mense nie toegang het tot werksgeleenthede nie. Mense se menswaardigheid word ook aangetas deur ons onbewuste of bewuste optrede, soos as: vroue, net omdat hulle vroue is, as minderes beskou word, mense bloot op grond van hul seksuele oriëntasie uitgesluit word, armes aan hulle lot oorgelaat word, mense beoordeel word bloot op grond van hul velkleur, mense nie na behore vir hul werk vergoed word nie en dus uitgebuit word, ons veralgemenend dink en praat oor mense. Vervolg op 2 Verdere strome 8-10 Crux Kronieke Verryking 13 Multigeneratief:14-17 Vervolg op 2. Moederkerkjeug 18-20

2 Hoofberig Hoe oop? voortgesit Die tweede manier was om die afgelope twee jaar fluistertolkdienste by Kruiskerk beskikbaar te stel. By geleentheid het ons die tolkstelsel en -dienste ook al by Moederkerk gebruik. Die diens is by hierdie geleentheid van Afrikaans na Xhosa getolk. By Kruiskerk word die dienste na Engels getolk. Ons ervaring van die gebruik van tolkdienste was positief. In die eerste plek was dit al bloot op n simboliese vlak n uitdrukking van ons behoefte om in te sluit en wyer as Afrikaanssprekendes te kyk wanneer dit oor gesamentlike aanbidding en meedeel van die Evangelie gaan. In die tweede plek het die tolkdienste dit vir mense wat geen Afrikaans magtig is nie (by name buitelandse besoekers, internasionale studente en Suid-Afrikaners wat nie Afrikaans verstaan nie) moontlik gemaak om aan die eredienste in Kruiskerk deel te neem. Die tolkstelle was wel nie in groot aanvraag nie. Ons ervaring was dat die (heelwat) Engels-huistaalsprekers wat ons Kruiskerk (én Moederkerk) eredienste bywoon, gemaklik genoeg is in Afrikaans om dit welt te verstaan en te volg. Omdat ons dominees en personeel almal Engels goed magtig is, skroom studente en besoekers ook nie om met ons in Engels te Menswaardigheid vervolg van bladsy 1 Die Bybel praat n ander taal. Die Bybel leer: God gee aan alle mense waarde. God tree in verhouding met álle mense. God word self mens. Jesus lê sy lewe af vir mense. Hy gee aan mense n nuwe lewe in Hom. Jesus raak die verworpenes aan. Hy bevry die besetenes en maak siekes gesond. Hy herstel die waarde van vroue en kinders in die samelewing. Hy beweeg oor grense en reik uit na diegene wat nie geag word nie. Hy vergewe en bevry mense van hul verlede. Hy gee aan mense Sy genade en vrede. Mense ontdek hul waarde wanneer hulle Sy liefde en respek ontvang en weet dat hulle geag word. God tree met elke mens in verhouding ongeag sy/haar vermoë, inherente kwaliteite, prestasie, herkoms, bydrae tot die samelewing, oënskynlike waarde of gebrek daaraan. Dáár het alle mense waarde, omdat God in God se liefde besluit het om met elke mens in verhouding te tree. God stort die Heilige Gees uit sodat ons God hierin kan navolg en n nuwe lewe in die Drie-Eenheid kan hê. In die seisoen van Menswaardigheid verbind die vier susterkerke hulself om: 1 Die Godgegewe waarde van mense te verkondig; 2 Só met mense om te gaan dat dit n getuienis lewer van die waarde wat God aan mense toeken; 3 In ons eenheid met mekaar ons Aktueel bladsy 2 respek vir mekaar te beliggaam; kommunikeer nie en word vele gesprekke en e-pos korrespondensie buite-om ons eredienste in Engels gevoer. Ons is wel deur die hele bevraagtekening van die rol van tolkdienste by die Universiteit deur gebruikers daarvan gesensitiseer om bewus te wees van onbedoelde gevolge met die gebruik van tolkdienste: Nie net is dit n groot uitdaging om die diens te volg terwyl die geluid van die oorspronklike so sterk om jou weerklink en verwarring kan veroorsaak nie; dit is ook so dat die gebruik van tolkdienste met sy gehoorstelletjies n nuwe etikettering kan meebring. Iemand met n gehoorstuk word onmiddellik uitgesonder en herken as iemand wat nie hier hoort nie (al is dit nie die bedoeling nie). Ook veroorsaak die tydsvertraging tussen die oorspronklike en die vertaling dat daar tog steeds uitsluiting plaasvind. Boonop is sommige idiomatiese of humoristiese uitdrukkings moeilik vertaalbaar. Een aand het ons tolk nie opgedaag nie en ek (Johan) moes toe maar inspring en my bes doen. Hier was die uitdaging: ds Richard het gepreek; hy vertel toe die grappie van die ou wat gesê het Elke keer as ek by n KFC instap, kry ek hoendervleis! Probeer jou nou indink: Wanneer magsverhoudinge so bedryf word dat mense onderdruk en ondermyn word, word hulle menswaardigheid aangetas. Wanneer mense uitgesluit word of as minderwaardig geag word, word hulle stemme nie gehoor nie. Dit is vernederend. as jy die tolk was, hoe sou jy dit vertaal? Ons is dus steeds op soek na nuwe en beter maniere om ons eredienste toeganklikvir nie-afrikaanssprekendes te maak. Ons moedig lidmate graag aan om ons te help met hierdie gesprek en om voorstelle te bring. Wat die reaksie op die kampuswoelinge betref, is dit so dat die styl en metodes waarmee griewe aanhangig gemaak word, vir baie dwars in die krop steek. Ons as kerk is besig met pogings om informele en formele gesprekke tussen gelowiges wat tradisioneel aan verskillende kante van hierdie kwessies staan bymekaar te probeer bring en dan doodgewoon die Here te vertrou dat, waar mense eerlik en opreg na mekaar luister en mekaar as mense leer ken, hulle God in mekaar sal sien en daar besonder inspirerende gevolge kan wees. Ons pleidooi is dat ons elkeen in ons gemeente ons eie vooroordele sal ondersoek, eers sal luister voor ons praat en ons probeer indink watter ervarings hierdie studente wat protesteer moontlik kon hê (of kon gehad het), wat hulle huidige reaksie na vore bring. Ons het nogal die indruk dat dít is wat Jesus sou doen. Johan van der Merwe Ons verbind ons verder om: 4 almal in Suid-Afrika te motiveer om ander as n geskenk van God te sien en hoor en beleef; 5 veral vier waardes te bevorder: RESPEK LUISTER OMARMING SELFLOOSHEID. Hoe gaan ons dit doen? deur die Bybelse boodskap van menswaardigheid te sing; deur veilige ruimtes te skep waarin mense na mekaar kan luister; deur verhale te vertel wat begrip bevorder; deur saam te dink en te besin oor die betekenis van God se verbintenis met mense; deur nuwe geloofstaal aan te leer; deur leesstof en studiemateriaal te versprei; deur oor grense mekaar se hande te vat en by mekaar te leer; deur die waardes van die Seisoen uit te leef. Deur die seisoen van menswaardigheid wil ons: 1. die liefde van God verkondig; 2. Jesus, die Here, navolg in sy deernis vir mense; 3. dit wat ons glo en bely van God se liefde, beliggaam in ons verhouding met mekaar; Ons gaan dissipels van Jesus wees deur die erkenning van alle mense se Godgegewe menswaardigheid.

3 D A N K F E E S Op Sondag, 6 September, het die Gemeente Dankfees gehou. Ons kan ons op baie maniere aan die Here beskikbaar stel om deur Hom in die wêreld gebruik te word, ook deur ons geldelike gawes. Benewens ons gewone bankkollektes en maandelikse bydraes, kon ons op dié spesiale dag n bydrae maak tot fondse wat die Lewende Water deur ons gemeente na die wêreld kan laat vloei. Hierdie geleentheid eindig egter nie in September nie: tot en met 28 Februarie 2016 kan jy nog jou dankoffer bring! Elektroniese bydraes gaan aan : NG Kerk Stellenbosch, Nedbank (Business Winelands), Takkode , Tjekrekening o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0 o Regs: NG Kerk Kaapstad word 350 As die tweede oudste gemeente in die land en eerste dogter van die NG Kerk Kaapstad (Groote Kerk), het die Stellenbosch Moederkerk hulde aan ons eie moeder by dié kerk se 350-jarige feesvieringe gebring. Hier ontvang Johan van der Merwe n oorkonde namens ons gemeente van Riaan de Villiers van die Groote Kerk, nadat hy groete van ons gemeente af oorgedra het. Gemeenteblad Aktueel bladsy 3

4 MARIE BRITZ SE SABBATSVERLOF: n Tyd van Stilte en Nadenke Marié, jy het pas teruggekeer van n ses weke-lange besoek aan Wallis. Vertel vir ons waar jy was en wat jy daar gaan doen het? Ek het St Beuno s aan die Noordkus van Wallis besoek. St Beuno s is n Retreat- en Spiritualiteitsentrum wat in die vroeë 1800 s as opleidingsentrum vir priesters gebou is. Sedert 1973 word St Beuno s egter uitsluitlik gebruik vir Retreats en Spiritualiteitskursusse. Nagmaal is daagliks in dié kapel gevier Die St Beuno Spiritualiteitsentrum in Noord-Wallis Wat het jy daar gedoen? Ek het vir 30 dae n stilte-retreat en spiritual exercises gedoen. Die spiritual exercises is geloofsoefeninge (meditasies, die daily examen, n gebed van nadenke en ander soortgelyke oefeninge.) wat gelowiges sedert die middel 1500 s beoefen. Hierdie geloofsoefeninge het hul oorsprong by St Ignatius van Loyola. Ons was 20 persone uit redelik verskillende wêrelddele: mense uit Australië, Denemarke, Swede en Noorweë en verder meestal uit Brittanje. Die eerste twee dae was n voorbereidingstyd vir die 30 dae van stilte. Elkeen van ons het n geestelike begeleier ontvang wat ons deur die 30 dae van stilte en die geloofsoefeninge begelei het. Ek het elke dag om 10:45 my geestelike begeleier vir 45 minute ontmoet. Die res van die proses het alles in stilte geskied. n Dag het bestaan uit vier tot vyf sessies (van n uur elk) van gebed, lees van teksgedeeltes en meditasie-oefeninge. Na elke sessie van gebed het n mens oor die uur se gebedstyd gaan reflekteer en joernaal geskryf. Elke aand was daar om 17:45 n gesamentlike nagmaal en later in die aand, om 19:45, n tyd van spesiale voorbidding. Dit bedoel om jou weg te laat draai van jou eie reis en spesifiek in stilte te bid vir mense en gebeure en dinge buite jouself. Die geloofsoefeninge self het bestaan uit vier dele (Ignatius noem dit weke, maar n week in die proses is nie noodwendig sewe dae lank nie. Sommiges is langer en sommiges is korter). Die eerste week neem mens deur n proses waar jy diep bewus word van God se liefde en droom vir ons as mense en sy wêreld en waar mens ook veral bewus word van jou eie gebrokenheid en sonde. Dié week bring mens op die punt om te besef dat jy n geliefde sondaar is. Week twee begin met ons roeping om volgelinge van Jesus te wees. Deur teksgedeeltes en meditasies begin mens die pad stap van waar die engel aan Maria verskyn met die boodskap dat sy geboorte gaan skenk aan Jesus. Die tweede week eindig met Jesus se doop en sy versoekings in die woestyn. Tydens week drie stap mens die pad na die kruis, van Palmsondag af, tot by die graf. Die vierde week behandel mens die opstandingsverhale en Jesus se Hemelvaart en die uitstorting van die Heilige Gees. Na die 30 dae van stilte het ons n verdere twee dae gehad om te reflekteer oor die proses en die pad wat die Here met ons elkeen gestap het. Dit is n baie persoonlike geloofsreis. Wat het die proses vir jou beteken? Dit was 30 dae waarin ek die voorreg gehad het om myself doelbewus sonder ander afleidings en verantwoordelikhede te kon draai na die Here se teenwoordigheid in my lewe. Ek het beleef hoe die Here met sy liefde en sensitiwiteit baie delikaat en presies vir my op maniere kom aanraak het, my eie gebrokenheid kom uitwys het, wonde kom genees het en my opnuut as sy volgeling vandag in hierdie wêreld geroep het. In die stilte en in naakte eerlikheid, verby my eie woorde en gebede, verby my eie denke en verstaan-raamwerke het ek ervaar dat ek vasgehou word. Ek word in liefde gedra, en daarom is ek. Mag wat jy daar ervaar het, nog baie vir die gemeente beteken! o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o STELLENBOSCH MOEDERKERK DROSTDYSTRAAT STELLENBOSCH TEL: FAKS: kantoor@moederkerk.co.za LERAARSPAN ALLE URE: Johan van der Merwe Richard van Wyk Marié Britz Jan van Zyl Irénée Heyns Wynand Nel Fiat lux Laat daar lig wees! Het jy al ooit gewonder hoe die gloeilampe bo in die nok van ons kerk se dak vervang word? Hiernaas kan gesien word watter moeite sodanige operasie verg. Foto: Pang Basson Gemeenteblad Aktueel bladsy 4

5 Sien ook bespreking op bladsye 8 en 9, en God se Tuinbou-hoekie op bladsy 17 AUGUST BASSON VERTEL n Nuwe bedeling in Lesotho Farming Quest Die jaar het n aanvang geneem met n sogenaamde Farming Quest. Vir drie weke neem ons mense op n intensiewe opleidingskursus oor hoe om landbou as n bedieningsplatform te gebruik. Vanjaar het ons mense van Peru, Nepal, Chad, Namibië en Lesotho opgelei. Bid saam met ons dat Larry, Andrew, Ernest, Pedro, Zigesela, John, Leman en Karabello groot invloed in hulle gemeenskappe en hulle onderskeie lande sal hê. Landbou en die Evangelie loop soos karperde saam in alle gemeenskappe wat van die grond afhanklik is om n bestaan te kan maak. Eilande So n bietjie dieper in die jaar in het ek een van die eilande noord van Madagascar besoek. Dit is n Moslemland en kreatiwiteit moet aan die dag gelê word om mense aan Jesus voor te stel. Vir n gemeenskap wat teen hellings van tot 45% boer, en dus met geweldige gronderosie te kampe het, is Farming God s Way n wonderlike instrument om verhoudings te bou, die taal te leer en om mense met die Evangelie te bereik. Ek moet erken ek was verstom oor hoe maklik dit is om met die boere op die lande oor die Evangelie te praat. In die dorpe en by die regeringsamptenare was dit n groter uitdaging. Dit was wonderlik om as landboukonsultant die land binne te gaan en deur mense soos die Minister van Landbou met ope arms ontvang te word. Die lyf raak oud In April gaan hou ons as gesin vakansie teen die kus in Noord-Natal. Dis jammer as n mens se kop nog 15 is, maar die lyf staan nou al 50 se kant toe. Ek en Anné hardloop en spring teen die steil kant van n duin af, maar, o wee! Dit was n dom ding om te doen. Die uiteinde was dat ek vir ses weke op my rug moes lê n kompressie fraktuur van die L2-werwel het my platgetrek. Gelukkig het die klomp slim dokters toe n paar ander goed oor my rug ontdek, en ek probeer darem maar nou minder dinge in die 15 jaar -kategorie doen. Onder andere is my KTM 950 (motorfiets) in die mark. Laat weet tog as jy n wilde perd soek! Nuwe rol Africa Inland Mission (AIM) is die afgelope paar jaar deur n visioneringsproses. Geweldig baie energie het hierin gegaan om ons rol in Afrika te herdefinieer. In n neutedop lyk dit as volg: * Fokus ons energie op die onbereikte volke in Afrika. * Rus kerkleiers toe om Christusgesentreerde kerke te vestig. * Mobiliseer mense in Afrika om die onbereikte volke van Afrika te bereik. Ons nuwe rol in AIM skuif al hoe meer daarna om mobilisering te doen: om mense, veral Afrikane, opgewonde oor sending te maak en te dien as fasiliteerder om mense in die veld te kry, met die fokus op onbereikte volke. Die legkaart-stukkies moet nog mooi gepas word. Ons weet Growing Nations gaan n rol speel: Farming God s Way gaan die platform wees om jong mense toe te rus en uit te stuur. Hoe alles in mekaar gaan steek, is tot dusver maar nog n duister saak. Maar kom loop asseblief die paadjie saam met ons en bid vir ons. Groete August en Anita augustbasson@gmail.com Of kyk op August se Facebook-bladsy Gebedsversoeke * Bid vir almal wat die Farming Quest bygewoon het. Bid vir wysheid oor hoe om landbou as n bedieningsplatform te gebruik, veral in onbereikte areas. * Bid vir wysheid oor hoe om in my nuwe rol vorentoe te beweeg. Daar is tans meer vrae as antwoorde. * Bid vir Ntsioa en Chefa wat voel die Here roep hulle om sendelinge te word. Hulle is twee jong mense wat so pas ons jaarprogram by Growing Nations voltooi het. o0o0o0o0o0o0o0o0o00o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0 NEWS FROM SYRIA Akel se Junie-nuusbrief Time is running so quickly; six months have passed since I left South Africa last October. Now my nine months internship with All Nations is coming to an end and I have to go back to South Africa for debriefing time with the team. We have been doing DMM (a discipleship-making movement) studies with co-workers here in Tyre, trying to find different good and convenient approaches (which are from this culture and with which people can identify) to work with both the refugees and the locals. God is really showing us his favour in an amazing way.. Two weeks ago I had a nice conversation about God with a taxi driver (Hasan) while he was bringing me home, and when I said to him, "Thank you! this is the place where I stay, he just parked the car on the side of the road, turned off the engine, and we carried on our conversation. Before I got off his car, I had prayed for him and took his phone number.. Two days after that divine appointment I visited Hasan in his house. Our God is an awesome God! He has been revealing to me what He has on His heart for the Syrian children and for their future and of course showing me how He is using these circumstances for His glory. I have started designing and giving a special program for the Syrian refugees children and I am so excited about it. God has blessed me with another book (a discipleship book) to translate into Arabic. It is been great to do that, especially after translating the first book. I am so thankful to God and the ways He always provides for me! He saw my need and He answered. Thank you for being part of His body! In that regard: I want to spend some time in South Africa to do visits so I can share more about the ministry and the plans God is giving me, and also to find those who have the heart and want to support me financially. Please pray: For the visa process and all the travelling preparations. For the Syrian children and the programme God wants me to do with them. For safety and protection; I am going to be moving a lot inside the country. For the DBS, the visits and all relationships I have to have. For a fruitful and blessed time in South Africa, meeting all of you. Gemeenteblad Bedieninge bladsy 5

6 Ons Groei in 2015! Ons bestaande voedingspunte is steeds goed op dreef en ons monitor dit met gereelde besoeke om te verseker dat alles vlot volgens vasgestelde standaarde verloop. Ons voorsien in slegs die absoluut basiese behoeftes, wat baie keer ook deur die voedingspunt koördineerders met self-gedrewe inisiatiewe aangevul word, soos groentetuine en klein fondsinsamelings. Ons het n nuwe program van die Dept. Opvoedkunde van die Universiteit van Stellenbosch bygekry. Ons reik gereeld met kospakkies uit na leerlinge van minderbevoorregte skole wat deelneem aan n leerprogram. Die voeding help om hul konsentrasievermoë te verbeter. Ons het n nuwe sportuitreikprogram Persone per Week vir wie ons bedien met maaltye (3 000 ondersteunend) van die Stellenbosch Rugby Academy aanvaar, wat uitreik na minderbevoorregte rugbyspelers in Cloetesville, om nuwe talent te kan ontwikkel en te bemoedig. Ons voorsien n O/16 en n O/19 span na skool voor hul sportoefening van n kospakkie en sal hulle help met n ligte middagete in die wintermaande. Ons raak ook by n nuwe opvoedkundige program van die Ithemba Community Development betrokke deur tweemaal per week kospakkies aan die 60 deelnemers (15 leerlinge per skool uit alvier die Kayamandi skole) te voorsien. Hulle poog om die leerlinge paraat te maak teen die gevare van misdaad, dwelmmisbruik, wangedrag en negatiewe groepsdruk. SVA het Stellenbosch Rampbestuur vanjaar ondersteun en n aktiewe rol gespeel deur n warm maaltyd en addisionele voeding aan die slagoffers van die groot brand in Kreefgat, Jamestown op 15 Jan te verskaf. Daar was 140 slagoffers (32 huisgesinne) wat geaffekteer was. Ons neem ook vanjaar n nuwe crèche Voedingspunte in 12 Gemeenskappe: 35 + Kospakkies aan 6 klinieke en behoeftige kinders en families in nood (op versoek van organisasies soos Kindersorg ) Opvoedkundige inrigtings wat ons ondersteun met voeding. Gemeenskapsorganisasies wat ons gereeld bystaan met voedselvoorraad soos Rampbestuur, Jeuguitreik en meer. ±5 000 persone waarvan ongeveer behoeftige kinders is. Die res is siekes, hawelose persone en bejaardes. 12 crèches, 12 Skole (9 skole ondersteunend), 4 Nasorgsentrums; 14 voedingspunte vir kinders na skool 3 sportuitreik programme vir kinders 4 Kulturele uitreikprogramme vir leerlinge 25 onder ons vlerk, naamlik Laningsliefies op Neethlingshof, wat uitreik na die behoeftige kinders van die omliggende plase. Ons help ook hul nasorgsentrum vir leerlinge met voeding. Ons het ook so pas twee nuwe voedingspunte in Gorridonstraat, Idasvallei, geopen wat uitreik na die behoeftige kinders van Kreefgat, Davies-, Adendorff- en Gorridonstrate. Dit beteken dat daar van Maandae tot Vrydae vir die kinders voeding beskikbaar is. Die nood in die area word dus baie meer effektief aangespreek. n Groot behoefte word geïdentifiseer by Laerskool em Hoërskool Franschhoek wat binne die grense van die Stellenbosch Munisipale gebied val. Dit is n voormalige Model C -skool en kwalifiseer dus nie vir staatshulp nie. Ons help om 85 behoeftige kinders wat honger skool toe kom tydens hul skooldag te voed. Die nuwe program is in Mei geloods met n kort opleidingsessie en die oorhandiging van beide twee warmhou Wonder-bags (om energie met voedselvoorbereiding te bespaar ) en voorrade aan die personeel. Nogmaals dankie aan al ons donateurs en vrywilligers. Sonder u is die taak om die voedselnood in ons plaaslike gemeenskap te verlig nie moontlik nie. Saam kan ons n verskil maak! Vriendelike groete, Liesel Koen (Projekbestuurder) 0oo0o0o0o0o0o0o0o0o Hier is baie dinge aan die gebeur, hier by Straatlig. Ons is tans nog besig om te herstel na n besondere koue en brutale winter, waar ons van ons meer gereelde kliënte aan die elemente verloor het. Meneer Christiaan Thys was een van die mense wat nou al lankal deel was van die Straatlig familie, hy was iemand wat nie altyd die regte keuses gemaak het nie, maar hy het altyd teruggekom na die kerk toe, want ons glo dat dit die plek was waar hy werklik tuis gevoel het. Hy is een van die vir wie ons waarlik gaan mis hier by ons. Die winter was darem nie net sleg nie; ons het gedurende die wintermaande n kombersinsamelingsprojek gehad, in samewerking met Eikestadnuus, waar ons ongeveer 260 komberse ontvang het om juis mense teen die koue te beskerm. Dit was ongelooflik vir ons om te sien hoe die gemeenskap van Stellenbosch hande kan vat en hulle harte oopmaak vir die geringstes in ons dorp. Ons wil in dié verband Deernis bladsy 6 wel en wee ook Dankie! sê vir almal wat deel was van die projek. Daar het nog iets gebeur wat ongelooflik was, n geval waar ons gesien het hoe die verskillende dele van Moederkerk kon handevat en saamwerk om waarlik iemand se lewe om te draai. So n ruk gelede het daar n persoon by ons opgedaag nadat hy aangeval is op pad na een van sy UNISA-eksamens toe. Met n gesprek kom ons toe agter dat hy n student is wat Ekonomie studeer, en dat hy werklik sukkel om te oorleef. Ons het toe die Beursfonds genader en deur saam te werk kon Straatlig en die Beursfonds ook hierdie studente help deur gedeeltelik vir sy studies te betaal en ook vir hom n internskap by n finansmaatskappy te beding. Ek wil hiermee weereens vir almal in die gemeente wat n bydrae gelewer het om die student weer hoop te gee, dankie sê. By Becoming kids gaan dit ook baie goed; Ons het genoeg mentors vir ons net minder as 40 kinders wat nou aan ons programme deelneem. Ons het ook n huiswerk-klub begin, waar leerlinge van Paul Roos en Bloemhof een keer n week kom en die kinders help met huiswerk en ook net n bietjie tyd met hulle deurbring. Ons is ook baie opgewonde oor die ouerondersteuningsgroep wat ons begin het, waar ons tans met ses ouers en voogde werk. Ons kom eenmaal al om die twee weke bymekaar en praat oor die uitdagings van ouerwees in die hedendaagse samelewing. Ons soek ook tans borge om n nuwe Straatlig bussie te kan koop. Ons kombi begin probleme gee en is te klein vir wat ons benodig. Ons kinderprogramme is afhanklik van die kombi. Ons moes al n paar keer n middag se program afstel weens probleme met die kombi. Laastens is ons ongelooflik opgewonde oor die netwerk wat ons bou tussen die ander kerke in Stellenbosch. Die meeste van die ander gemeentes het ook ingekoop in ons Koepon Boekie-projek. Deur almal hiermee saam te werk, kan ons die haweloses op n meer volhoubare manier help. Groete, Straatligspan As jy n hart vir diesulkes het, skakel ons oor ons verskillende projekte. Ons soek JOU besonderse talente! / ruben@straatlig.org

7 BEURSFONDS-BOEKHOUDING Só is die fondse bestee Geld wat blom! Ons het dit goedgedink om vir n verandering n kort opsomming van n paar beursstudente te gee wat klem lê op die fondse aan elkeen bestee, fondse waarvoor die Beursfonds uitsluitlik afhanklik is van gemeentelede se gesindheid van gee en ondersteuning. Nolukanyo 2010 matriek, Kayamandi Hoërskool CPUT Diploma in Bemarking; klasgeld gedek met n NSFAS (Staats)-lening 2014 CPUT B Tech in Bemarking 2015 internskap by Ou Mutual Pinelands Bedrag bestee R43 134, wat onder andere insluit registrasie, koshuis, kostoelaag, boeke. Aphiwe 2008 matriek, Kayamandi Hoërskool CPUT Diploma in Verpleging; klasgeld en koshuis gedek met regeringsbeurs 2014 Tygerberghospitaal Stafverpleegster 2015 Tygerberghospitaal permanente aanstelling as verpleegsuster Bedrag bestee R meestal vir kostoelaag en uniform. Zuko 2007 matriek, Kayamandi Hoërskool Diploma in Siviele Ingenieurswese (klasgeld gedek deur NSFAS lening) Universiteit Johannesburg B Tech nog nie voltooi nie 2014 internskap by Ingenieursfirmas in Johannesburg 2015 begin met eie konsultantbesigheid in Umtata Bedrag bestee R25 462, meestal vir kostoelaag in koshuis Zuko se shack in Kayamandi is in 2014 afgebrand, hy is ook in Bellville aangerand en sy skootrekenaar is ook gesteel, maar hy het nooit moed verloor nie Sindiswa 2007matriek, Kayamandi Hoërskool CPUT Diploma in Rekeningkunde, gedek deur NSFAS lening internskappe 2014 Medikliniek hoofkantoor: permanent aangestel. Bedrag bestee R Sindiswa is deur haar ouma grootgemaak in n shack in Kayamandi. Haar ouma woon nou in haar eie huis in Sterkspruit, gekoop vir haar deur Sindiswa. Die mentors het nog baie sulke stories met voorspoedige eindes, wat baie vreugde vir studente en mentors verskaf. Siphokazi het n diploma in Drama en Bemarking by Northlink kollege verwerf en later vir n jaar in Disneyland (VSA) gewerk. Totale bedrag R Nandi ( n skuilnaam) het n diploma in Gasvryheidstudies by Northlink Kollege klaargemaak ondanks molestering deur n oom en baie ander negatiewe faktore. Sy het nooit n vaste blyplek gehad nie, maar sedertdien was sy vir n jaar n sjef in n vyfster-hotel in Colorado Springs (VSA) en het pas weer vertrek vir n jaar in Miami. Totale bedrag R Zuko Aphiwe Dan is daar ongelukkig ook diegene wat sak of uitval of net opskop : Nasindi ( n skuilnaam) het Verpleging by UWK begin. Deur die loop van drie jaar is sy vir ernstige-graad-tuberkulose behandel. Na drie pogings (die beursfonds gee altyd n tweede kans en soms n derde), kon sy net nie haar hoofvak in haar tweede jaar deurkom nie en moes sy haar studie staak. Totale bedrag R Msimang ( n skuilnaam) het alles geslaag vir B Maatskaplik by UWK, behalwe n vak in sy derde jaar en het toe, na vele pogings, uitgesak. Totale bedrag R Daar is ongelukkig meer sulke stories. Tog is hulle in die minderheid en is hulle lewens tog geraak. Elk het tog iets geleer. Universiteit-studie verbreed n mens se lewensuitkyk. Die beursfonds maak tersiêre studie vir minder bevoorregte studente moontlik deur finansiële ondersteuning en voortgesette mentorskap. God het n blymoedige gewer lief! n Dankbare Beursfonds-mentor EINDELOSE ONDERNEMINGSGEES Bevorder en vas aangestel! Clementine Nobela het haar geld as huisbediende gespaar en daarmee van Hammanskraal af Kaap toe gekom, op soek na werk en studiegeleenthede. Sy het van die Moederkerk Beursfonds te hore gekom en ons kom spreek. Sy is n weeskind met geen familie-steun. Sy het egter self werk as veiligheidsopsigter by n botteleringsfabriek gevind en het deur UNISA begin studeer. Die Beursfonds het met registrasiegeld en n klein onderhoudstoelagie gehelp. Haar aanvanklike keuse, Maatskaplike Werk, was nie geslaagd nie, maar sy het toe vir n kort sakebestuurkursus by die Kaapse Tegniese Universiteit ingeskryf, dit geslaag en terselfdertyd suksesvol op eie koste gevorderde rekenaaropleiding voltooi. Sy woon ook deurlopend haar werkgewer se Saterdagskool by, om haar Engels en Wiskunde te verbeter, dit alles terwyl sy ook nog voltyds werk. Moederkerk het n klein bedraggie bygesit toe sy vir haarself n shack in Khayalitsha wou oprig en dit het sy ook self gemeubileer. Volgende jaar wil sy verder gaan, met n Diploma in Logistiek. Sy is so pas bevorder tot toesighouer. Sy slaag n onderhoud met vlieënde vaandels en na n maand se proefaanstelling word sy vas aangestel, bo die kop van die persoon wat reeds by die firma vir hierdie betrekking in opleiding was. Met haar deursettingsvermoë en Moederkerk se volgehoue emosionele en finansiële steun kon Clementine begin om bo haar baie swak omstandighede uit te styg. Dankie, liewe Gemeente, vir hulp aan Clementine en vele ander! Sindiswa Nandi Gemeenteblad Deernis bladsy 7

8 GROOT VERANDERINGE OP VERSKEIE FRONTE Moedergemeente, n stroom van lewende water: hier, maar ook verder... Saamgestel deur Jan van Zyl Die kerkraad het die volgende kriteria of riglyne goedgekeur wat ons help met ons getuienisbetrokkenheid: Eerstens maak ons seker dat daar n passie onder n beduidende groep lidmate vir betrokkenheid by dié spesifieke getuienisprojek leef. Tweedens neem ons ligging in ag, sodat daar n balans is tussen ons betrokkenheid naby en ver (volgens die Jerusalem, Judea, Samaria en die uithoeke van die aarde -riglyn van Matt 28). Derdens maak ons seker dat die betrokke getuienisprojek n heel-mens benadering volg, dit wil sê aan die geestelike, emosionele én liggaamlike nood van mense na wie toe uitgereik word, aandag gee. Vierdens maak ons seker daar is volhoubaarheid, kontinuïteit en inkulturasie by die projek betrokke. Ons gee dus voorkeur aan projekte wat op n langtermynbasis funksioneer en waar die betrokkenes deel word van die gemeenskap en die taal en kultuur aanleer. Vyfdens kyk ons na teologiese belyning, sodat ons voorkeur gee aan projekte wat in breë trekke ooreenstem met ons teologiese basis in die gemeente, hoe ons die Bybel verstaan en hanteer en hoe ons God en sy Koninkryk begryp. Sesdens hou ons skaal in gedagte en sal ons eerder n groter betrokkenheid by enkele projekte voorstaan, sodat ons bydrae n groot impak kan hê as om by n klomp kleiner projekte betrokke te raak. Sewende ondersteun ons projekte waarmee ons kan assosieer, wat volhoubaar is en n goeie strategiese raamwerk het, en wat integriteit voorstaan. Agste sal ons in ag neem of soortgelyke bedieninge reeds in die gemeenskap bestaan en dan daarby probeer betrokke raak en dit ondersteun. Negende kyk ons na verskillende vlakke van betrokkenheid: * Vennote - ons ondersteun enkele bedieninge op n sterker basis, finansieel en met n ondersteuningsgroep uit die gemeente, wat aan die gemeente en kerkraad oor ons betrokkenheid rapporteer. Foto: God se Tuin, A Basson Gemeentevisie Ons... Stellenbosch Moedergemeente wil in afhanklikheid van God n Rivier van lewende water wees. Ons bely dat... Jesus Christus die lewende water, die Vader die oorsprong en die Heilige Gees die vernuwende krag is. Ons bid dat... hierdie lewende water soos n bruisende stroom deur ons gemeente sal vloei en wyd sal vertak om die gemeenskap en die wêreld te reinig, lewe te gee, en hoop te bring. * Vriende - ons ondersteun sekere bedieninge deur die betrokkenheid van enkele lidmate by hierdie bedieninge. Ons mag ad hoc finansiële of ander bydraes oorweeg. Na aanleiding van ons gemeentevisie en ons riglyne vir getuienisbetrokkenheid, konsentreer ons in hierdie uitgawe van ons Gemeenteblad met dankbaarheid op die drie bedieninge buite ons gemeentegrense waar die Lewende Water vertak en ons betrokke is in Lesotho, Mosambiek en Maleisië. Al drie hierdie bedieninge het oor die afgelope klomp jare gegroei. Ons kyk met dankbaarheid terug en is opgewonde oor n nuwe seisoen wat ook n evaluering van ons betrokkenheid vra. LESOTHO, n land sonder grense en verder Ons dank die Here vir August en Anita Basson met hulle gesin wat die afgelope 23 jaar in Lesotho werksaam is: * Tebellong het ontwikkel en gegroei oor 15 jaar van n gemeentebediening tot n volhoubare gemeenskaps-transformasie projek. Landbou en die Evangelie het kar-perde geword. * Die Lesotho Evangelical Church (LEC) het die potensiaal raakgesien om dit te laat posvat in die res van Lesotho. * Maphutseng is as basis voorgestel en die afgelope 9 jaar tot n opleidingsfasiliteit ontwikkel, vanwaar Growing Nations sy werk doen. * Die Africa Inland Mission het vir August genader om wat die afgelope 23 jaar in Lesotho ontwikkel het te laat vloei na ander lande en veral onbereikte volke in Afrika. Ons staan dus in groot opgewondenheid saam met August en Anita op die drumpel van n nuwe Gemeenteblad Bedieninge bladsy 8 seisoen. AIM se nuwe visie saam met August lyk soos volg: Mobilisering: * August moet sy entoesiasme gebruik om veral jong Afrikane oor sending opgewonde te maak. Die LEC is reeds daaroor opgewonde. In die woorde van die moderator van die kerk: In our minds this is the missing link for us. We know we need to do mission work, but we do not know how. * Gee jong mense blootstelling aan sending en gemeenskapsontwikkeling. Dit kan gebeur deur uitreike na Lesotho en ander dele van Afrika. * Bou netwerke tussen organisasies en individue. * Vestig n organisasie wat jong mense kan uitstuur na onbereikte volke in Afrika. Die fokus sal op landbou en kerkplanting wees transformasie deur volhoubare landbou. Africa Inland Mission, NGK en ander ondersteuners * August bly steeds lid van Africa Inland Mission. AIM het August versoek om n mobiliseringsrol te speel en hulle ondersteun die moontlikheid om n dinamiese organisasie om nuwe sendelinge uit te stuur op die been te bring. Die bestaande sendingstrukture is baie lomp en duur. Dit is baie moeilik vir n jong persoon uit Lesotho om aansoek te doen en deur AIM uitgestuur te word. Die model bestaan doodeenvoudig nie. * Niks verander dus aan August se ondersteuning, ankergemeente of organisasie nie. Afrika: * Daar is ongeveer 700+ onbereikte bevolkingsgroepe in Afrika. Dit beteken 2% of minder van die bevolking is gelowiges. * Ongeveer 70% van dié groepe is bestaansboere in afgeleë plekke in Afrika. Die visie is om n holistiese benadering (landbou en gemeenskapsontwikkeling) te gebruik om mense met die evangelie te bereik.

9 Opleiding: * August lei reeds ander sendelinge in volhoubare landbou op. Dit sal n groter deel van sy bediening word: om nuwe mense toe te rus vir hulle diens in kruiskulturele situasies. Die landbou sal n sleutelelement in die toerustingsproses bly. Hierdie klink na n mondvol. Die vraag wat natuurlik in mense se koppe opkom is: wat word van Maphutseng en Lesotho? * Maphutseng sal een van die plekke wees waar nuwe sendelinge toegerus word. * In samewerking met verskeie denominasies in Lesotho word die visie van sending na onbereikte volke gedeel. Lesotho word een van die fishing ponds waar mense gemobiliseer word. * Lesotho verdwyn nie van die kaarte nie, maar word n sleutel-rolspeler in die groter visie. August Basson se nuwe opdrag Bid saam vir August en Anita se doelwitte vir 2016: Hervestiging na Steytlerville n Studente-uitreik met jong mans, van 3 10 Januarie 2016 na die skaapwagters in die berge van Lesotho. Gebruik dit as toerustingsgeleentheid om mans wat belangstel in sending blootstelling te gee. Deelname in Februarie 2016 aan AIM se leierskapsontwikkeling in Nairobi. Februarie en Maart 2016: n 3 weke-lange landbou- en kerkplantingsopleiding in Maphutseng. Dit loop reeds vir die afgelope twee jaar. Kry die nuwe organisasie op die been. Werk daaraan om netwerke te vestig. Lees en studeer in die nuwe veld van mobilisering. Lei jaarlikse studente-uitreik na Lesotho in Junie Julie. Septemberuitreik na Lesotho deur Stellenbosch-tieners. Besoek alle ondersteuners en gemeentes. Fusi beoefen reeds sewe jaar lank suksesvolle bewaringsboerdery Waar gaan August en Anita bly en waarvandaan gaan hulle hierdie nuwe visie uitdra? * Die beplanning is dat August en Anita hulle hervestig in Steytlerville waar hulle familie n plaas het. Dit is n wildsplaas waar daar nie meer aktief geboer word nie. August en Anita beplan om eendag hier af te tree en kan reeds nou vir hulleself n huis bou. * August sal baie moet reis in hierdie nuwe rol en Port Elisabeth lughawe is net twee uur ver. * Internet-toegang sal ook van kardinale belang wees om sy werk te kan doen. SILWER JUBILEUM 25 Jaar reeds betrokke by Mosambiek! Moederkerk vier vanjaar haar 25ste jaar van verbintenis met Mosambiek. Dit het begin toe ons ons verbind het aan ds Andries Swartz, wat op 23 Januarie 1990 bevestig en uitgestuur is na Quelimyne in die noorde van Mosambiek. Na vyf jaar se werk hier, roep die Here hom om onder die Yao volk, n onbereikte groep, in Chiconono te gaan werk. Hy werk hier tot einde Ds Petri Coetzee word in sy plek bevestig en dien in Chiconono vanaf begin 2004 tot einde In die tyd wat volg het Aubi Banda, die evangelis, die geestelike leiding in die gemeente geneem. Aan die einde van 2013 bevestig die Tumbini Sinde van die IRM (Gereformeerde Kerk van Mosambiek) ds Cesar as leraar. Vanjaar is dus ons twintigste jaar van verbintenis met Chiconono. Die Radiostasie met Radio Chiuanjota wat vir lank onder leiding van die Saidons daagliks geestelike programme uitgesaai het, het met hulle vertrek tot stilstand gekom. Die bosboustasie het nog vir n ruk gehelp met brandstof sodat uitsendings kon plaasvind. Met hulle onttrekking daar, is die infrastruktuur van so n aard dat uitsendings moeilik is. Moederkerk het in die verlede n bydrae tot hierdie bediening gelewer deur vir Aubi, wat die hoofaanbieder was, maandeliks n honorarium te gee vir die diens wat hy gelewer het. Intussen het Aubi na Muembe geskuif, waar hy as evangelis diens doen. Moederkerk het tans n tweejaarverbintenis met die Sinode vir n maandelikse bydrae tot ds Cesar se salaris, wat die einde van die jaar verstryk. Ons sal die situasie aan die einde van die jaar saam met die Tumbine Sinode herevalueer. Die fondse uit ons gemeente word verder aangewend vir deurlopende konsultasie wat ds Danie Murray namens ons gemeente aan die Chiconono-gemeente lewer sowel as sy betrokkenheid by die Sinode. Ons is dankbaar vir twee persone uit ons gemeente wat in Julie Chiconono namens ons gemeente besoek het. Weybrandt Aucamp, n afgestudeerde teologiese kandidaat, en Theo Nel, n 4de jaar Teologie-student, het in Julie saam met twee predikante van die Tumbini Sinode, sowel as twee jeugwerkers, Chiconono en omgewing saam met ds Kobus Eksteen van Mulanje gaan besoek. Uit hierdie besoek het verskeie sake van belang na vore gekom: Die Radiomas is erg verrot en dit kan nie vir veel langer gelos word nie. Van die toerusting binne die radiostasie self gee ook probleme en het aandag nodig. Die gemeente is baie passievol oor die radiostasie en hulle het self met Movitel ( n selfoon-maatskappy) gereël om een van die selfoontorings te gebruik om die sein te versterk. Hulle benodig egter kundiges om hulle hiermee te help. Die waterpomp wat die gemeenskap van water uit die rivier voorsien, het ernstige herstelwerk nodig. Dit vra ook insette van iemand met die nodige kennis. Die een ding wat van die besoek uitstaan, is die belangrikheid van verhoudings. Die feit dat n afvaardiging van die Sinode Chiconono saam met jeugwerkers en kerkleiers hulle besoek het en ook toerusting kom gee het, het baie vir die Christengemeenskap daar beteken. Chiconono sien en beleef hierdeur dat die Sinode van Tumbini hulle belange op die hart dra en saam eienaarskap neem vir die bediening onder die Yao-volk. Die besoek van die twee afgevaardigdes van Stellenbosch was n bron van inspirasie vir die Christene daar, wat onder moeilike omstandighede leef en baie afgesonder is ook van hulle eie gemeenskap. Die feit dat die gemeente daar, met die ondersteuning van die Tumbini Sinode, groei in selfstandigheid en onafhanklikheid, is baie positief. Hulle bevestig egter dat hulle verhouding met Stellenbosch vir hulle n bron van hoop is. Sien bl.10 vir Maleisië-nuus Gemeenteblad Bedieninge 9

10 MALEISIË Hans-hulle kom huis toe! Soos julle weet, is ons in Januarie 1999 as lede van Wycliffe SA van ons basis in Suid-Afrika uitgestuur Maleisië toe, na n jaar van taalwetenskaplike studies in 1997 in Australië. In Maleisië aangekom, het ons die nasionale taal aangeleer en begin om n Bybelvertalingprojek vir die Kenyah-mense van Borneo te fasiliteer. Die projek het oor die afgelope 15 jaar geleidelik in diepte en omvang gegroei tot n punt waar ons n aantal Ou Testamentiese boeke gepubliseer het, meer as die helfte van die Bybel vertaal het en twee pastore opgelei het om voltyds aan die projek te werk. Hulle word begelei deur n Kenyah vertalingskomitee en n hele span vrywilligers wat by die verskillende stappe in die vertalingsproses betrokke is. Ons is baie dankbaar dat ons Koreaanse kollegas besluit het om by die projek betrokke te raak. Hulle beplan om in Januarie Middagete by die predikant van Lg. Sawan in die binneland van Sarawak na Miri te verhuis om digby die taalgebied te wees en ons vertrou hulle gaan n bron van bemoediging en ondersteuning vir die vertalers en die voortgesette werk van Bybelvertaling en Skrifgebruik onder die Kenyahs wees. Na byna 20 jaar in die buiteland, het ons besluit om in 2016 na Suid-Afrika terug te keer. Hans se globale rol maak dit nou vir hom moontlik om feitlik van enige plek af te werk, maar die feit dat Biblica n kantoor in Welgemoed het, maak dit besonder aantreklik. Ons jongste drie kinders is in Maleisië gebore en het basies hier grootgeword, dus wil ons hulle graag die geleentheid gun om hulle taal- en kultuurskatte beter te leer ken en waardeer! Ons is baie dankbaar dat ons n huis van skoonfamilie in Stellenbosch kan huur. Hans sal Danielle en Bernard bystaan as hulle in Januarie met die nuwe skooljaar begin. Patricia se kontrak by Dalat loop tot Junie, dus sal sy in Penang met Anna- Sophia en Charlotte, wat op 3 Junie 2016 haar matriek by Dalat afsluit, bly. Hans gaan voort in sy rol by Biblica as Senior Director, Global Translation in die vorm van sekondering deur Wycliffe SA aan Biblica, gegewe die bestaande vennootskap tussen SIL Islands Asia en Biblica. Hy hou steeds toesig oor Biblica se vertaalprojekte in die Ons gesinnetjie op die walle van die Baramrivier. Ooste en bly by die Kenyah vertaalprojek as konsultant betrokke. Ons gesin staar groot veranderinge in die gesig met ons oudste dogter Lucia wat pas haar post-sekondêre studies in Kalifornië met n fantastiese beurs begin het, terwyl ons as gesin vanuit Maleisië skuif en n nuwe seisoen in Afrika begin. Ons het julle gebede baie nodig in hierdie tyd van verandering en nuwe uitdagings! Ons waardeer julle volgehoue vriendskap, gebede en ondersteuning. Soos altyd, bly ons verbind tot die bediening van Bybelvertaling en Missio Dei met die gebed om die vervulling van Habakuk 2:14, terwyl ons deel is van n beweging om God se Woord te vertaal en dit beskikbaar te maak vir die nasies! Soos die waters die seebodem bedek, so sal die magtige teenwoordigheid van die Here oral op die aarde geken word. Met dank en waardering, Hans, Patricia, Lucia, Charlotte, Danielle, Bernard en Anna-Sophia Combrink o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o00o0o0o0o0o0o0o0o0 Gestuurdes: Die Aksies geniet ontbyt saam STUDENTE-AKSIES Tydens die afgelope Junie/Julie vakansie was daar hoofsaaklik drie Aksies wat op uitreike gegaan het: 1) Atlete vir Christus het met n span van 24 getoer, van Langebaan af tot in Hermanus, oor n afstand van 2028 km. 2) Transkei Werkers-Aksie (TWA) was met n span van 22 mense op die Canzibe-Sendingstasie. 3) Lesotho Uitreik: n span van 26 mense was vanjaar na Maphutseng in Lesotho. Gemeenteblad Crux Kronieke bladsy 10

11 n Rusplekkie op die langpad die horizon lê ver! Veilig by ons eindpunt, Hermanus! Atlete vir Christus Die Aksies in Aksie! Die TWA-span Transkei-Werkers Werkers-Aksie Insig deur Uitreik: Konings van Verskonings Met harte wat brul, en roepings wat verskil, met monde wat wil skree, en hande wat moet gee, is ons konings van verskonings, in ons veilige wonings; is ons slawe van gemak, onder hierdie veilige dak. By Canzibe Almal gee saam terugvoer in die Khaya Ons is gemaak vir dit, op soek na geluk, wanneer Hy ons uit ons gemak uitruk. Ons trots moet ons sluk, en lewe vir dit, wanneer Hy ons uit ons gemak uitruk. Ons moet afklim van ons troon, die gemak waarin ons woon, opstaan vir wat reg is, en veg teen dit wat sleg is. Maar ons is konings van verskonings, in ons veilige wonings, en slawe van gemak, onder hierdie veilige dak. Gemeenteblad Crux Kronieke bladsy 11 Hierdie aangrypende gedig is geskryf deur een van die studente, James Matthee, na aanleiding van sy ervarings in Lesotho

12 CHRISTEN-MAN-WEES Walvis-Retreat 1-6 Junie 2015 Saamgestel deur Jan van Zyl In ons vorige uitgawe het ons vertel van ons beplande Wildernis-Retreat vir mans. In die eerste week van Junie het 12 mans toe in gure weer, sonder selfone, tablette of rekenaars, met hulle rugsakke oor die skouers die Walvisroete aangepak. Hierdie vyf-dagstap in die De Hoop Reservaat was n onvergeetlike ervaring waar ons in die woorde van Julia Cameron... connect with our souls through our soles... In die stilte kon ons die taal hoor wat tussen suikerbekkies en speldekussings gepraat word, het branders wat oor rotse slaan hulle eie stories hoor vertel, en het ons joernale ons gehelp om na ons eie harte te luister. Ek deel graag die ervaring van een van ons mede-reisigers met julle. Jou pêlle reageer sinies/skepties wanneer hulle hoor jy gaan op n staptog langs die see terwyl die weerkantoor waarskuwings rig van baie reën en n stormsee met hoë deinings. Tóg doen jy dit. Jy los vir n paar dae die intieme ruimte van jou huis wat jy deel met jou lewensmaat, die een wat jou onvoorwaardelik aanvaar naggeluide inkluis! En jy begeef jou in n onbekende opset met manne wat vir die volgende dae, behalwe vir die stap in die buitelug, weer soos skoolseuns in n koshuiskamer of troepe in n bungalow digby mekaar leef en beweeg. Jy is uit jou gemaksone. Die ken mekaar van die eerste aand om die tafel en die uitstippel van die doel van die week bring n rustigheid in my gemoed terwyl dit buite storm en reën. Vir n introvert is dit nodig, maar ek is ook onder die indruk dat ek deel is van hierdie groep en dat ek myself voor God en hulle moet ontmasker, sou ek verryk aan die einde van die week terug huis toe wil gaan. Die grootsheid van die skepping begelei jou soekende, roepende en vraende gedagtes tree vir tree. Die leesstof van elke dag, met gepaardgaande opdragte, word padwysers; die oornaghut aan die einde van elke dag se stap n hawe! Die samesyn word met die verloop van die dae n vriendelike en betroubare ruimte en die gedeelde stories raak dieper en voller en broser. Sonder dat ons daarvan bewus is, word ons aan mekaar verbind soos garedrade in n weefstuk. Ek dink aan n sê-ding van James Kavanaugh. Hy onderskei die saamwees tussen vroue en mans. Vroue sê hy, kom bymekaar en babbel oor alles en nog wat, sonder voorbehoud baring souls and unburdening hearts, then leave relaxed and laughing, promising to lunch again soon freed from the pain of no one knowing. Men gather free to boast of money they ve made or will make soon or the women Displaying how strong and controlled they are and unafraid of competition, sharing triumphs and hiding themselves. Then leave with a handshake and see you around. bleeding silently within themselves, bearing the pain of no one knowing. My ervaring van die week is die teendeel. Sonder dat dit die bedoeling is om derms uit te ryg, het die dinamika van die groep, gesteun deur gedeelde ervarings in die natuur, die gesprekke padlangs en die saam eet by kerslig om n tafel, skanse laat sak. Ons het dit gewaag om iets van ons binnekant vir mekaar oop te sluit. Dit was heilige momente Die diverse fasette van al die verhale, die respekvolle erkenning daarvan aan mekaar, het my ryk laat huis toe kom. Dankie vir die week en die inisiatief met so-iets. Dit is meer as goud werd!! Die inkleding daarvan, inhoudsgewys, is perfek. Die balans tussen alleen-wees en saam-wees is goed en die vryheid binne die struktuur noodsaaklik! Niemand is gemanipuleer of onder druk geplaas nie. Met groot waardering vir julle en n persoonlike aanmoediging om daarmee vol te hou! o0o0o0o0o0o0o0o0o0o0o0o0o0o0o0o0o0o o0o0o0o0o0o0o0o0o0o0o0o0o0o0o0o0o0o0o00o0o0o0o0o0o0o0o0o0o0o0o0o0o0o0o Die Kansvatter-Kok se Vinnige Mikrogolf-Bobotie Die meeste resepte wérk, al voer n mens hulle nie presies uit nie. Sekere koskook-beginsels het altyd naasteby dieselfde uitkoms as die oorspronklike, presiese resep. Só het my ouma gekook. So kook ek óók. Dié bobotie-resep neem bietjie langer as n halfuur om saam te slaan en gaar te kry. Dit voed vier honger (of ses ou) mense: Kerf eerstens n groot ui fyn en kook vir so drie minute in die mikrogolfoond, op n hoë stelling. Roer dit dan in n plat bak by 500g maalveis (ek verkies volstruis- of wildsvleis dit het minder vet) en so drie dun snye rogbrood (of twee dikkes) wat in n bietjie koue water geweek is. Voeg daarby n groot lepel of twee appelkooskonfyt, n skeut asyn, half tot driekwart teelepel sout na smaak, en dan enigiets uit jou speserye-rakkie, ook na smaak. Begin met twee opgehoopte teelepels kerriepoeier en n teelepel borrie, dan n verskeidenheid uit: fyn koljander, jeera (komyn), paprika, peper, neutmuskaat. Bedek die skottel met iets wat stoom sal laat ontsnap en bak in die mikrogolf-oond, teen medium hitte, vir sowat minute. Klits twee eiers met n bietjie melk en sout en kap daarby enige vars kruie wat jy in die tuin het (ek het oreganum en suurlemoenmalvablare gebruik). Giet die mengsel oor die vleis en bak vir nog 8 minute of so, tot die eier-mengsel styf is. Bedien met rys, pynappelstukkies en piesangringe. Rys kan ook vooraf in die oondjie gaargemaak word. Liewe Heksie o0o0o0o0o0o0o0o0o0o0o0o0o0o0o0o0o0o o0o0o0o0o0o0o0o0o0o0o0o0o0o0o0o0o0o0o00o0o0o0o0o0o0o0o0o0o0o0o0o0o0o0o Ou vriendskappe roes nooit! Die op-en-wakker inwoners van Huis NOAH het onlangs al hulle voormalige mede-inwoners wat nou in Huis Ebenhaeser of elders in Cloetesville bly, verras met vrugtepakkies en n mooi laslap-deken elk. Daarna het almal heerlik veelstemmig saamgesing, van Dit is weer lente tot geestelike liedere in Xhosa, Afrikaans en Engels. Gemeenteblad Multigeneratief bladsy 12

13 HUWELIKS-VERRYKINGSKURSUS Reeds 200 jong paartjies oor 14 Jaar begelei! Lynette en Tertius de Wet Navrae: Aandagtige luisteraars Klink na n goeie voorstel, hoe dink jy? Mmm. Stem ons saam? Vanjaar was dit die veertiende jaar dat die huweliksvoorbereidingkursus aangebied is en sover het daar altesaam 200 paartjies die kursus deurloop. Die onderwerpe wat gedek is, is deur verskillende aanbieders behartig: Johan van der Merwe het begin met Love Languages en Languages of Apology. Dis soveel beter om te weet op watter wyse my liefdesverklaring en erkentenisse die duidelikste spreek. André Killian het tydens die Leaving and Cleaving -sessie n terugskouing gebied van die oorsprong van gevestigde voorkeure en die invloed wat dit op die keuse van elkeen se nuwe rol in die huwelik het. Deur Wickus Guelpa se aanbieding is insig verkry in beide ons eie en ons maats se gedragsvoorkeure. Dit stel ons in staat om ons uniekheid en verskille te geniet en tot beide se voordeel te benut. Tydens George Roux se sessies oor Kommunikasie en Konflik, kon ons leer om te luister en te sê hoe ons voel en kry ons geleentheid om te oefen hoe om dit te doen. Deelnemende besprekings Kursusgangers vertel: Die kursus voeg baie waarde by ons verhouding en help ongelooflik baie om mekaar beter te verstaan. Dit leer ons om ons verskille te sien as iets positiefs en dat ons ook baie by mekaar kan leer Waarde wat nie in geld gekwantifiseer kan word nie Sal dit vir enige paartjie aanbeveel. Dis eintlik n moet doen Ek dink dit wat ons hier geleer het, sal nog vir baie jare waarde toevoeg aan ons lewens en aan ons huwelik. Baie dankie! n Gesellige aanbieding Ons sluit af met nagmaal Dit is n voorreg om sulke kundige aanbieders te hê wat oor sewe aande hul kennis, ervaring en insig op deelnemende wyse met die groep deel. Uit die gesprekke tydens en na afloop van die kursus, besef ons keer op keer hoe nodig en waardevol so-iets juis vóór die huwelik is. Die hele begrip rondom verskille van voorkeure, persoonlikhede, herkoms en manier van dink en doen word telkens tydens die sewe aande van verskillende kante bekyk en ontgin. Dit is n ontdekkingsreis wat begin met die raaksien en ontdekking van mekaar se verskille en uitloop op n diepere verstaan en waardering van hierdie verskille binne elke unieke verhouding. Gemeenteblad Multigeneratief 13 Ek dink dit maak nogal sin!

14 Personeel het Persoonlikhede Die Van Wyks is al tien jaar hier! Ons weet dat dit n baie goeie geestelike dissipline is om tyd te maak om na te dink oor jou dag, en waar jy vir God raakgesien het. Soms gebeur dit dat n lewensfase jou amper onwillekeurig laat dink oor n langer tydperk in jou lewe. Dit het onlangs met my gebeur toe ek besef het ek is al 10 jaar lank predikant in Stellenbosch. Natuurlik was daar bitter moeilike tye en oomblikke wat mens gevoel het jy hardloop sommer weg. Maar twee groot emosies staan uit: 1) dankbaarheid vir hope genade, vriendskappe, ondersteuning en aanmoediging en 2) verwondering oor hoe God vandag nog in ons en deur ons (en ook ten spyte van ons) werk, en van ons wêreld n beter plek maak. Tien jaar terug was my tema vir my intreepreek: Stop going to church. Be the church. Mag dit vandag nog van ons waar wees! Richard van Wyk Marisa Elke Lieze Richard Teen 2016 sal Zorada Temmingh al 30 jaar lank Sondae voor die Moederkerk se orrel ingeskuif het. Baie dankie, Zorada, vir jou uitmuntende, besielende orrelspel! Die Kotzes se wegbreek-plekkie naby Garies Welkom by ons, Leana en gesin!! Die McLeans: Andrew, Leana en Christopher Gemeenteblad Multigeneratief bladsy 14 Afskeid Hand aan hand gaan Maritha en Kobus deur die hele land! Seënwense vir die pad vorentoe en dankie vir alles! Van jul broers en susters by die Moederkerk. Plaasvervanger Intussen ook baie dankie aan Marianca Botha, wat die fort gehou het voordat Leana gekom het. Red. Met elke gaan is daar n nuwe kom. En nou kom Leana McLean om haar by die kerkkantoorgesin aan te sluit. Sy vertel ons n bietjie van haarself: My naam is Leana, my man is Andrew en ons klein seuntjie is Christopher. Ons het ook twee wollerige Yorkie kinders, Coco en Chloe. Ek is n Karoo-meisie en my man het in die Boland grootgeword. Ons bly tans in die Paarl, maar verhuis binnekort na Stellenbosch. My agtergrond is meestal in bestuur, bemarking en finansiële administrasie. Ek is ook lief daarvoor om byeenkomste te organiseer. Ons is baie opgewonde om deel van die Moederkerk te word en sien uit na ons toekoms saam. Baie welkom, Leana, en ook Andrew, Christopher en die woefies die gemeente sal seker nog baie van julle almal sien! Red. Maritha groet Die oggend van 17 Oktober 2003 het ek en Pang terselfdertyd by Moederkerk begin werk. Dit was nog die tyd voordat Moederkerk en Studentekerk een geword het. Dus was dus dit net Hannes, Johan, Trudie en ek op kantoor. Daar is toe al begin praat oor die behoefte aan n studentepredikant, en nadat daar redelik water in die see geloop het, het Richard een wintersoggend sy opwagting gemaak. Die volgende groot gebeurtenis was die eenwording van die twee gemeentes, en skielik was ons een groot familie van personeel by Moederkerk. En was dit nie een groot vreugde en voorreg om by hierdie groep mense betrokke te wees nie! Dit het egter tyd vir my geword om aan te beweeg, maar om hierdie besluit te moes neem, en om tot die daad oor te gaan was baie, baie moeilik en het gebeur na baie nagte se wakker lê en wroeg. Kobus, my man, is n sakeman en hy het lankal die begeerte uitgespreek dat ek hom moet kom help met waarmee hy besig is. Ek het net een oggend skielik besef dat die tyd daarvoor nou reg is. Gedurende 2011 het ons n stukkie grond by Kotzesrus, so 50km wes van Garies gekoop. Dis eintlik net n klipkoppie met n huis op. Ons het in die verlede letterlik geleentheid gesoek om soontoe te gaan, maar nou is alles net makliker, en ons sal meer tyd daar kan deurbring. Aan almal by Moederkerk: net n groot DANKIE dat ek vir 12 jaar lank in julle midde kon wees; dit was n groot voorreg! Maritha Kotze Kotzesrus, gesien van boop die klipkoppie af

15 STOEPSTORIES Die Ongeluk by die Geluk Dis tog goed Renata het n sin vir humor, want vandag lag sy oor die voorval. Maar Renata Marais dáárdie dag, jare gelede, ná die vlug van Pretoria na Kaapstad, was sy nie so geamuseerd nie. Dit gebeur toe só: Sy het vir n vriendin kom kuier. Skaars geland, toe pak die honger haar en hulle besluit om eers iewers iets te gaan eet. Hulle bestel en na n ruk se gesels kom die kos en kan hulle wegval. So met die etery, val haar oog skielik op haar linkerpols. Waar haar horlosie moes wees, die een wat sy nogal kort tevore met haar eerste salasristjekkie aangeskaf het, is daar nou niks. Vir n beginner-onderwyseressie is dit n groot verlies nie net in geldwaarde nie, maar veral om die sentimentele waarde. Haar eerste tjekkie! Haar eerste horlosie! So n mooi een daarby! Sy bel dadelik die lughawe van n tiekieboks. Word deurgeskakel na Verlore Goedere. Renata beduie dringend. Sy ken haar sitpleknommer. Hulle moet gaan kyk of dit daar lê. Die vrou beloof om terug te bel. Na n ruk lui die foon: Juffrou, gelukkig was die vliegtuig nog daar. Ongelukkig was die horlosie nie op u sitplek nie. Gelukkig kry n skoonmaker dit op die vloer onder die sitplek. Gelukkig het dit nog geloop. Maar ongelukkig laat hy dit toe buite val. Gelukkig val dit op die teerpad waar die busse ry - maar ongelukkig ry n bus toe daaroor. U kan die stukkies by ons kantoor kom haal. Eudore Allers, Utopia o0o0o0o0o0o0o0o0o0o0o0o0o0o0oo0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0 NADENKE OOR SEËNINGE Manne-Stilword-Retreat in Bainskloof n Inspirerende video van De Witt Jones, fotograaf van National Geographic, Celebrate what is right with this world tipeer die uitgangspunt van n Manne-Stilword-Retreat van 18 tot 19 September. Ses manne in verskillende lewensfases het in Bainskloof gaan oornag, met n teksgedeelte, n skryfding, n joernaal en vrae: Wat sien ek wat reg is in die wêreld? Waarvoor is ek dankbaar? Waar is God op die oomblik in my lewe? Elk is n ander koers die natuur in, om te luister. Elk het met nuwe inspirasie en ander perspektiewe teruggekom: I have been thinking about our retreat since our return. One thing EMOSIONELE INTELLIGENSIE Leef gelukkig! sticks out: I don t think the word RETREAT should be used. Sometimes you just wander off the path a little and then you come home again/ find yourself /get connected. I think it s more a pause and regroup, a gathering of one s thoughts to find and listen to what God s whispering to you. Yes, Friday when we set off I could only hear God in the whispers of the wind but as the weekend progressed and the wind picked up, so God s voice became clearer. The time to reflect and to share with other men was an invaluable experience. Yes, my life s not perfect, but now I have a tool to start working on my marriage, family and myself. Ek het examen n paar keer deurgelees en dit maak vir my sin. Ek het wel agtergekom ek jaag deur n dag, en eers vanaand wanneer ons Bybel lees, dink ek weer aan my Skepper. Ons het almal dit so nodig om weer perspektief in ons lewe te kry. Jan van Zyl o0o0o0o0o0o0o0o0o0o0o0o0o0o0oo0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0 Dr. Pieter van Jaarsveld, wat oor die wêreld heen reis en Emosionele Intelligensie kursusse aanbied, het vanjaar vir drie aande vir ons die kursus kom aanbied. Ek deel sommer n paar opmerkings wat hy gemaak het. Koop gerus vir jou sy boek(e) en werk hulle deur. Hart van n wenner of sy jongste boek Dink jouself gelukkig. Immanuel Kant het gesê: Dit is nie God se wil dat ons gelukkig sal wees nie, maar dat ons onsself gelukkig sal maak. Dit is egter nie so eenvoudig nie. Om ons te help om vervulde lewens te leef, moet ons emosioneel intelligent leef. Dit is ironies hoe die sielkunde dinge wetenskaplik bewys wat die Bybel lank reeds gesê het: Romeine 12:2:... laat God julle verander deur julle denke te vernuwe. Filippense 4:8: Verder, alles wat waar is, alles wat edel is, alles wat reg is, alles wat rein is, alles wat mooi is, alles wat prysenswaardig is watter deug of lofwaardige saak daar ook mag wees daarop moet julle julle gedagtes rig. Galasiërs 6:4: Laat elkeen sy eie doen en late ondersoek: as dit goed is, kan hy daarop trots wees sonder om dit met dié van 'n ander te vergelyk. In die opsomming van die wet (Matteus 22:37-39) sê die Bybel ook dat ons met ons verstand, hart, siel en krag ook onsself mag (moet!) liefhê. Ek noem kortliks die aktiwiteite wat ons kan help om ons gedagtes te verander: Positiewe stellings dit is stellings wat ons daagliks n paar keer herhaal om ons te help om ons gedagtes daarop te laat fokus. Visualisering dit is die kuns om hierdie stellings te sien waar word. Geskrewe stellings wanneer ons die stellings op strategiese plekke opplak, word ons gereeld daaraan herinner. ABCDE tegniek ( action, belief, consequence, debate, effective behaviour ) dit is loshande die beste tegniek wat ek nog raakgelees het oor hoe om emosies te sorteer en te verander. Ongelukkig sal mens hiervoor Pieter se boek moet hê, want dit is nie moontlik om dit in hierdie paar paragrawe te verduidelik nie. Hy gee ook n klomp aktiwiteite wat ons gelukskaal kan verhoog (by elke aktiwiteit gee hy praktiese oefeninge): Dankbaarheid. Optimisme. Vermyding en afleer van oormatige oorpeinsing en sosiale vergelykings. Dade van goedhartigheid. Goeie sosiale verhoudings Strategieë vir die hantering van uitdagings en krisisse Leer om te vergeef Verdieptheid Geniet van die lewe se vreugdes Toegewydheid aan doelwitte Godsdiens-beoefening Omsien na jou liggaam (meditasie en fisiese aktiwiteite) Ek hoop dat dié paar woorde mense sal aanspoor om meer oor emosionele intelligensie te lees en dat hulle sodoende met meer blydskap sal kan leef. Die Bybel word nie verniet die Blye Evangelie genoem nie. Richard van Wyk Gemeenteblad Multigeneratief 15

16 GOD SE TUINBOU-HOEKIE Bewaringsboerdery in jou tuin Epos August gerus met vrae of as julle lekker ontdekkings gemaak het.: Ons moet baie mooi kyk na ons grond. In een handvol grond is daar meer lewende organisms as die totale wêreldbevolking! Foto: August Basson Ons gaan hopelik in die volgende Gemeenteblad-uitgawes elke keer n paragraaf oor tuinbou hê. Ons wil jou uitdaag om bietjie te eksperimenteer met dieselfde metodes wat ons die boere in Lesotho en elders leer. Dalk kan julle van die beginsels van toepassing maak op julle tuine in Stellenbosch. Bewaringsboerdery (ons Lesothoboere noem dit Farming God s Way) is n wêreldwye beweging in die landbousektor. Kan ek dit in my blomtuin of groentetuin gebruik? Daar is drie beginsels wat sommige mense getipeer het as die elfde gebod. Ons sal darem nie sover gaan nie, maar dis baie naby daaraan: Versteur jou grond so min as moontlik! Bedek jou grond soveel as moontlik! Plant verskillende plante naas mekaar (intercropping) of varieer die gewasse (crop rotation)! Spit jy jou tuin om? Maak jy die grond los onder die plante en in die beddings? Hou daarmee op! Dit is nie nodig nie. BOEKRESENSIE Die geheim is om die natuur jou vennoot te maak en nie jou vyand nie. Die uitdaging vir julle is om bietjie met ander oë na God se boerdery te gaan kyk. Loop bietjie in die natuur en gaan kyk net. Kruip so n bietjie op jou knieë rond onder die bosse en kyk wat jy sien. Maak so bietjie die natuur jou leermeester en pas die beginsels op jou tuin toe. August Basson Ambassadeur vir Bewaringsboerdery o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o HULDEBLYK AAN MAGDA PRETORIUS Magda Pretorius was n baie besondere en talentvolle vrou wat met haar eggenoot, Willem, in Mostertsdrift gewoon het. In haar lewe was sy diensbaar op vele terreine. Sy was n stigterslid van die Fynproewers-gilde, waar sy kosbare bydraes gelewer het. Onder andere as mede-uitgewer van die boek, So eet ons op Stellenbosch. Sy was ook n stigterslid van die Brandwacht Leeskring. In haar jonger dae het sy in kore gesing, waaronder die Paaskoor onder leiding van Pieter van der Westhuizen. As immer student, het sy die Bybelkursus oor die Ou Nabye Ooste onder leiding van Ferdinand Deist deurloop en tot en met haar heengaan was sy vir plus minus twintig jaar gasvrou vir n Bybelstudiegroep by haar aan huis. Sy was n baaskok! In haar huis het sy daardie liefde met gul gasvryheid uitgeleef! Haar tuin was haar hawe en n lushof! Veel meer as bostaande, was Magda die vrou wat agter die skerms haar bydrae gemaak het deur haar stille ondersteuning en medemenslikheid uit te leef. Die laaste paar jaar was teleurstelling en siekte haar nie gespaar nie. Na n beroerte-aanval en blindheid, was haar lewe ernstig gekortwiek. In daardie situasie het sy haar getuienis as kind van die Here uitgeleef. Afhanklik van Hom vir krag, hulp en ondersteuning, elke dag en elke oomblik, was sy vir ons almal n voorbeeld van rustige oorgawe. Daar is n enorme leemte gelaat deur haar heengaan, Maar ons eer haar lewe! Reinette Terreblanche Gemeenteblad Multigeneratief Bladsy 16 Kingsbury, Karen 2007: Between Sundays. Grand Rapids, Michigan, Zondervan Publishers REDAKSIE Jo-Marie Claassen jmc@adept.co,za Ria Dreyer dreyerms@gmail.com Vir n bietjie meer inligting gaan Google gerus die volgende: Bill Mollison - Permaculture Farming God s Way Back to Eden gardening. Sien ook bladsye 5 en 9 in hierdie Gemeenteblad In boeke gemik op lesers van ligte Christelike vermaak, het Kingsbury duidelik haar nis gevind. Between Sundays is een van n reeks van Christelike romans met n gesonde, morele strekking. Aaron Hill is n bofbalspeler wat n redelik losbandige lewe lei tot hy bevriend raak met n gelowige ouer speler, Derrick Anderson, wat één laaste oorwinning in die groot liga wil meemaak, soos hy beloof het aan sy seuntjie, wat onlangs verongeluk het. Aaron het ook n seun, maar hy weet dit nie. Klein Cory is die buiteegtelike kindjie wat hy verwek het in sy verhouding met sy skoolkys, Amy Briggs. Sy is van hom vervreem deur die manipulasie van sy gewetenlose agent, Bill. Amy sterf en Cory word deur haar Christen-vriendin, Megan, aangeneem. Megan help gereeld by die plaaslike jeugklub, en as Aaron n slag daar opdaag as deel van n beeldpoets-oefening, ontmoet die twee en hul vriendskap blom. Megan is diep gelowig. Die verhaal gaan uiteindelik meer oor Aaron se groeiende geestelike ontwaking as slegs oor hulle romanse. Kingsbury volg in n groot mate n worsmasjien -benadering tot literatuur-skepping, met agtereenvolgens plekvullers: Dedication ; Acknowledgements ; Forever in Fiction TM ; Note to the Reader ; Foreword by Alex Smith, San Francisco 49ers Quarterback en Prologue. Die laaste vier bladsye van die boek gee die eerste woorde van Kingsbury se volgende boek weer, gevolg deur advertensies vir van haar ander werke. Sy kén klaarblyklik alle bemarkings-truuks! Veral die sogenaamde Forever in Fiction is n interessante truuk. Vir n bepaalde bydrae tot n goedgekeurde liefdadigheid word n werklike persoon se naam in die boek verewig (hier is dit n gelowige dogtertjie wat vir die span bid.) Dié eer word deur die skrywer geskenk en word by die een of ander goeie saak se geldinsamelingsveldtog opgeveil. Die verhaal is meesleurend. Dié lekerlees-roman sal goed in jou strandsak pas dit sal ook n goeie Kersgeskenk vir jou vriendin or dogter uitmaak. JMC Christine Kuhn Christine.kuhn@mediclinic.co.za Johan van der Merwe johan@moederkerk.co.za

17 TERUGBLIK EN VOORUITSKOUING Positiewe Ouerskap en hoe ons die pad kan volhou... Hou gerus die Bulletin dop vir verdere kennisgewings oor die Positiewe Ouerskap-kursusse. Ons beplan reeds n volgende kursus vir 2016, weer in die tweede kwartaal. Vir enige navrae oor ouerskap, kontak vir Jan van Zyl by : jan@moederkerk.co.za Een van die ouerpare wat die Positiewe Ouerskap-Kursus in die tweede kwartaal bygewoon het, vertel vir ons wat dit vir hulle beteken het: As ouers van drie jong kindertjies vra ons onsself maar gereeld die vraag, is ons op die regte pad met die opvoeding van ons kinders? Wat is n gesonde balans tussen dissipline en die behoud van daardie wonderlike energie en lewenslus wat kleintjies uitstraal? Indien daar gestraf moet word, hoe moet ons dit aanpak en hoe ervaar ander ouers van jong kinders die opvoedingstaak (ook ouers met tieners)? Sekerlik vrae waaroor baie ouers wonder. Baie van hierdie vrae is beantwoord nadat ons besluit het om die Positiewe Opvolgkursus: Aan die begin van September het ons n opvolggesprek met ouers wat al die kursus deurloop het, gehou (waarvan die meeste vanjaar se kursus in die tweede kwartaal bygewoon het). Nadat ons ons persoonlike uitdagings oor ouerskap uitgeruil het, het ons mekaar weer opgeskerp met die beginsels. Ons het die aand afgesluit met die vraag: Hoe kan ons op 'n volhoubare wyse Positiewe Ouers wees? Die groep het met die volgende idees vorendag gekom wat ek graag met julle deel: Verander jou denkwyse onthou die pad van verandering en om met ou patrone vol te hou, is maar dieselfde. Die verskil kom daarin om met n bewustheid te begin leef en die patrone raak te sien en dan jou eie gedrag te verander (awareness). Ondersteuning is belangrik praat met mekaar, deel julle pogings en bemoedig mekaar. Regisseur: Jonathan Demme Akteurs: Meryl Streep, Kevin Kline Ouerskap-Kursus aangebied deur Jan en Amelia van Zyl, by te woon. Jan en Amelia het ons (en ander ouers) oor n periode van ses weke op n reis geneem wat nie net ons vrae beantwoord nie, maar ook rigting en duidelikheid gee oor wat positiewe ouerskap behels. Dit is gedoen deur n gestruktureerde (tog informele) proses wat insluit die deurwerk van n ouerskap-handleiding, voorleggings en ook praktiese voorbeelde, en besprekingsessies onder ouerpare. Faktore soos die gesin se verskillende persoonlikheidsprofiele en hoe om dit te verstaan, empatie, kommunikasie op n vlak wat kinders en tieners kan verstaan, die belangrikheid van n vinnige pause Belydenisklas van 2015 eindig op n hoë noot Ek is geïnspireer deur die geloofstories van ons jongmense en dankbaar vir ouers wat die geestelike pad saam met hulle kinders loop. Daarom het ons besluit om die Belydenisjaar se reis af te sluit deur die ouers na die laaste byeenkoms te nooi. Op Woensdagaand 30 September het ons ons laaste byeenkoms van die jaar gehad. Wat n wonderlike gesig om die Foyer van die Hofmeyrsaal vol te sien met tieners en hulle ouers. Saam kon ons die geloofsreis van 17 jaar, van die doopfont af tot die op vooraand van Belydenisaflegging, vier met n oorhandiging van n doopkers aan elkeen van die tieners. Die ouers is uitgedaag om die laaste treë, voordat hulle kinders volgende jaar die geleentheid kry om hulle geloof voor die gemeente te bely (en dan verder self verantwoordelikheid vir hulle geloofspad te neem), sorgvuldig en nadenkend te doen. Ons het gesels oor die belangrikheid van ruimte-skep vir geloofsgesprekke sáám en hoe kinders en ouers in hulle geloofslewe mekaar kan help en inspireer. Jan van Zyl FLIEKRESENSIE Ricky and the Flash wanneer dinge rof raak, hoe om die probléém eerder as die kínd aan te spreek, gesinsverhouding tussen kinders en ouers en die rol van Pa en Ma is maar enkele van die aspekte wat aangespreek is. Dit is so dat die opvoeding van kinders nie n wetenskap is en dit nooit sal wees nie en ook dat ons as ouers die opvoeding in die meeste gevalle hanteer na die beste van ons verwysingsraamwerk. Wat die Positiewe ouerskap-kursus egter vir ons beteken het, is dat dit ons die rigtingwyser en raamwerk gegee het om op n weldeurdagte, praktiese wyse die opvoeding van ons kinders te hanteer. Hennie & Ingrid Fourie Om te reflekteer is belangrik (Re-awareness, re-capitulation) dit is nodig om van tyd tot tyd bymekaar te kom om net weer die verskillende inhoude van julle ouerskapsgereedskap te hersien en mekaar se stories te hoor. Moenie te hard op jouself wees nie (Rule nr 6 van Ben Zander Don t take yourself too seriously) wees genadig met jouself as ouer. Gee mekaar n A sien eerder die positiewe raak in jou kinders as om heeltyd op die negatiewe te fokus. Ons verstek (default) moet wees om te pause eerder as om onmiddellik te reageer. Wees n voorbeeld vir jou kinders. Wees goed vir jouself. Saamgestel deur Jan van Zyl Ouers en tieners luister aandagtig. Nog foto s bl.18 o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o Met gemengde gevoelens het ek sleepvoet Ricky and the Flash gaan kyk, maar kan eerlik sê ek was aangenaam verras. Ricky (Meryl Streep) het destyds haar gesin prysgegee vir haar grootste droom. Een album later en niks meer as n band wat saans in n semi-verlate kroeg optree nie, word sy onverwags deur haar eks-man (Kevin Kline) genader. Hy vra of sy asseblief kan kom kuier, want hul dogter gaan deur n baie moeilike tyd: haar man skei van haar. Ek wil nie alles verraai nie, maar soos n mens kan verstaan, is dit nie maklik om n ouer wat jou gelos het vir n droom, te vergewe nie. Wat die fliek ook interessant maak, is die verhouding tussen Ricky en haar eks-man se nuwe vrou. Hoe aanvaar Ricky dit om te sien dat haar kinders nog n ma het? Die fliek lig twee dinge uit. Eerstens, Vergifnis: Elke mens beweeg binne n konteks, daar is redes vir ons besluite, reg of verkeerd, en ons almal maak foute. Om iemand te vergewe, bring op die ou einde vir jou die grootste verligting. Tweedens: Jou ma bly Skrywer: Diablo Cody maar jou ma. Geniet ook die wonderlike 80 s musiek, waarop jou voete té lekker begin saamdans. Gemeenteblad Multigeneratief bladsy 17 Christine Kuhn

18 Unplugged Kook! 2 September: Girls night in Ons het ons heel eerste 'Girls night in' by UP gehou. By die deure het die tienermeisies, popcorn ontvang, met daarby n blom en n stukkie sjokolade. In die kombuis was die ouens al besig om pannekoek te maak, nogal met Nutella op. Die foyer van die Hofmeyrsaal is met n spesiale fotohoekie opgestel en versierings wat baie meisievriendelik was (blomme, fairy lights). Van die damesselgroepe van Kruiskerk was ook daar, gereed om die tienermeisies se hare en naels te doen. Die aand is ongelooflik goed ontvang. Die getuienis, woordbediening en worship is aldrie deur dames gedoen. Hierdie spesiale aand is gereël in die lig van die reeks oor Menswaardigheid wat ons by Moederkerk gevolg het. én Bak! = Pannekoekbak! Blomme so mooi soos jy! Naelversorging verg n ferm hand! Uit Amos se preekboek 30 Augustus: Die naam van die preek was, Energie, die teks Kolossense 3. Die slagspreuk in die preek was: Kuns is daar om sosiale kommentaar te lewer oor die lewe, goed en/of sleg. Jesus is die meester-kunstenaar, maar ook die pragtigste van alle kunswerke. Kuns vra om gevóél te word, maar meer as dit: dit vra ons om aksie te neem. Laat die prag van Jesus ons net move of stir of move dit vir ons in aksie in? ( Post-modernism s understanding of art is to experience it but never must we feel we need to do anything more uit Charles Taylor se boek, A Secular Age.) 6 September: Die naam van die preek: Suits, weer uit Kolossense 3. Hoeveel kos die baadjie wat jy dra? Cost of Discipleship en verder: Party mense is al so lank in hulle kettings dat hulle hul kettings begin liefhê. Regs: Dis n ernstige saak as die manne ook naderstaan vir n manicure, veral as daar so met die een hand pannekoek gebak word! Musiek net vir julle, dames! o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o Oktobervakansie: Lesotho Uitreik Tien van ons tieners was in die Oktober-skoolvakansie op n uitreik na Lesotho. Uit ons tienergroep is daar besluit dat ons self twee tieners van Cloetesville VGK sou borg, en hulle is saam as deel van n vergrote Kerkefamilie-Jeuguitreik. Amos Petersen o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o0o Belydenisklasafsluiting Moederkerkjeug 18 Links en Bo (Voortgesit van bl 17): Belydenisklas-tieners en hulle ouers beraadslaag saam, onder leiding van Ds Jan van Zyl, oor hoe hulle voortaan sy aan sy sal staan as Christen-gelykes.

19 Sowat 22 graad 11 s het op ons belydeniskamp saamgekom. Ons het 14 km gestap, van Greyton na MacGregor. Met baie seer voete en gemoedstoestande het ons by ons bestemming aangekom. Die teks vir die naweek was Romeine 12. By ons blyplek aangekom, het die tieners die teks gaan lees. Daarna het ons gebraai. 5-6 September: Belydeniskamp Saterdagaand het ons gevra dat elkeen n klip gaan soek terwyl hulle dink aan die mense vir wie hulle dankbaar is. Dit was n amazing aand. Sondagoggend na die tieners op verskillende plekke met die teks gaan sit het, het ons n sessie oor kultuur op Stellenbosch gehou. Amos Petersen Kinder-kaskenades Die avonture van Chippie Hello maats Weet julle, nou die dag het ek n nuwe avontuur gehad. Ek woon mos bo in die groot ou eikeboom langs die kerk. Met my vier pootjies skarrel ek maklik teen die boomstam op. Ek het n maatjie wat net twee bene het. Nee, hy is nie n seuntjie nie hy s n voëltjie. Hy het twee vlerke ook. Ek wens altyd so ek kan net so lekker soos Sproete Spreeu in die lug rondsweef, maar nie as dit reën nie, net as die son lekker skyn. Nou die dag was dit toe so lekker sonnig, maar Sproete was skoonveld weg. Ek hardloop toe reg rondom die kerk en ek sien hoe hy by n gat in een van die vensters invlieg. Hy het lank weggebly, en toe hy uitkom, gryp ek hom. Haai, waar was jy? vra ek. Sommer daarbinne rondgevlieg, sê hy ewe ongeërg. Wat is daarbinne? Wat het jy gesien? wil ek weet. Aag, niks nie! antwoord hy weer ongeërg, maar ek hou aan met neul. Toe, Sproete, man, sê tog wat daarbinne is. Asseblief, jong! Maar gaan kyk dan maar self! piep Sproete, en vlieg fluit-fluit weg. Net die volgende dag sien ek die gat is nog oop, maar dis te hoog vir my om na op te klim. Maar toe kom n tannie met twee bene en sy maak die houtdeure onder op die grond oop. Mense het begin aankom in hulle groot, raserige motors en ek was sommer bang. Ek glip toe by die deur naaste aan my boom in die kerk in. Ek is mos maar laag op die grond, soos julle weet. Ek sien net die onderkante van banke. Ek hardloop tot in die middel van die kerk, al op die mooi, sagte, rooi tapyt. In die middel staan ek stil en kyk op en op en óp! lees verder op die agterblad Moederkerkjeug 19

20 Die dak is hoër as my boom! Ek kyk na die kante, na die mure van die kerk en toe sien ek die mooiste kleure wat ek nog ooit gesien het. Dis die kerk se vensters. Ek het al baie na daardie vensters gekyk, van buite, natuurlik, en hulle het vir my donker en grof gelyk. Maar van binne! Van binne gloei daardie vensters met helder blou en geel en groen en rooi en pienk lig, té mooi! En dit wys die mooiste prentjies. Dit lyk soos Bybelstories. Ek sit daar op die tapyt, oop-mond en kyk, en kyk, en KYK. Die heel mooiste vir my is die groot venster bokant die een galery. Heel bo sien ek die gat. Dis oop, nie toe, soos op die prent hiernaas nie. En daar kom ou Sproete Spreeu ingevlieg! Ek skarrel by die trappies op, na die galery toe, en roep vir Sproete. Hy vlieg nader en gaan sit op die galery-muurtjie. Sproete was al baie hierbinne en hy weet álles. Wat vertel die vyf prente, Sproete? vra ek. Hy wys so met sy vlerk, van links na regs: Eers kry jy die palmboom. Dit vertel van Moedergemeente, net soos n boom wat in die woestyn groei en soet vrugte gee. Chippie se mooiste venster O ja, sê ek. Dan is daar n prent van die kerk self, en in die middel is iemand met n lig in sy hand. Dis Jesus vertel Sproete. Hy is die Lig vir die wêreld. En wat sê die skippie met die anker? Die kerk se mense het lank gelede, net soos ons twee se voorouers, van Europa gekom. Maar nou sit ons almal hier by die kruis in Afrika. En die hoender bo links? vra ek toe. Die hoenderhaan het vir Petrus herinner dat hy vir Jesus liefhet. Petrus het dit nooit weer vergeet nie Ek sal ook altyd hiervan onthou! sê ek. Groete, Chippie Woordsoek: Soek die volgende woorde in die blok hiernaas: Jesus lamp kruis kerk anker boom vyf ster skilpad skip klokke hoender As jy volgende Sondag in die kerk sit, kyk of jy die venster op die prent hierbo kan sien! Kyk dan of jy al die stories op die venster kan kry. Kinderblad Bladsy 20 a b s k i p d l v s U z x l k l J a s k h a b o o m e m r i z n q k r f s p e l b k r k p y u t t p a e c e k v s y s a k r u i s t n e p d w q h o e n d e r y