Waterkruik. JAARGANG 53 NO 44 6 November 2016

Transcription

1 Waterkruik JAARGANG 53 NO 44 6 November 2016 EREDIENS VOLGENDE SONDAG Vanoggend se erediens is n voorbereidingsdiens met die oog op die viering van die Heilige Nagmaal volgende Sondag 13 November Die Nabetragtingsdiens volg direk na die oggenddiens as deel daarvan. EREDIENS VANAAND Vanaand vind ons jaarlikse program met die oog op Kersfees plaas. Die erediens begin om 18:00. Sien meer besonderhede op bls 4. WYKSBEURTE Vandag: Wyke 19 & 20 Ouderlinge: Tinus Erasmus en Marthinus Erasmus Diakens: Braam Smith Volgende Sondag Wyke 21 & 22 Ouderlinge: Pieter Smit en Theo le Roux Diaken: Braam Smith KOLLEKTE BY DIE DEURE Vir die res van die jaar: Kerkkas TEESKINKBEURTE Baie dankie aan die susters van wyk 24 wat vanoggend o.l.v. Theunie van Tonder tee en koffie bedien. Volgende Sondag sal daar a.g.v. die viering van die Heilige Nagmaal geen tee en koffie bedien word nie. DIAKENSVERGADERING Die Diakens vergader Woensdagaand 9 November om 18:00 in die kerkgebou. 1

2 OUDERLINGEVERGADERING Die ouderlinge vergader Woensdagaand 9 November om 19:00 in die konsistorie. Ons vra u voorbidding vir die Here se seën op hierdie twee vergaderings. KATKISASIE Die Katkisasie sluit vandag af vir die jaar. Woensdag 18:00 Diakensvergadering 19:00 Kerkraadsvergadering (Ouderlinge) Donderdag Bybelstudiegroepe 08:45 Groep 1: In die Konsistorie 10:00 Groep 2: In die Konsistorie 18:30 Bybelstudiegroep by die Pastorie 19:30 Kerkjeugaksie vir jongmense tot ongeveer 30 jaar: in die Pastorie VERJAARSDAE Ons wens die volgende broeders,susters en kinders van harte geluk met hulle verjaarsdae. Ons bede is dat die nuwe lewensjaar vir julle en julle geliefdes vreugde en ryke seën sal inhou. Ek wil aan U gehoorsaam wees met my hele hart, laat my nie afwyk van u gebooie nie. Aan u beloftes hou ek vas, dit weerhou my van sonde teen U. Psalm 119:10-11 Dinsdag 8 November Br. Dinand Kleynhans Vrydag 11 November Sr. Drieks Snyman Saterdag 12 November Br. Frans Malan Karlise Scheepers (14) Hartlik geluk aan sr. Drieks Snyman wat Vrydag haar 87ste verjaardag vier. Mag die Here u ryklik seën in die nuwe lewensjaar. Ons bid u goeie gesondheid toe en baie minder pyn. 2

3 MEELEWING Br Tjaart van der Walt het gister n rugoperasie ondergaan en sterk tans aan in die Faerie Glen Hospitaal Br. Hannes de Beer is in Die Wilgershospitaal nadat hy geval het en n kopbesering opgedoen het. Daar is 2 gaatjies in die skedel gemaak om die drukking op die brein te verminder Sr. Tryntje Muller sterk aan in die Zuid Afrikaans Hospitaal na n knie-operasie Sr. Emmie van der Schyff sterk aan in die Hazeldean Kliniek Sr. Susan Tredoux word Donderdag aan haar elmboog geopereer Sr. Drieks Snyman ondergaan Dinsdag n katarakoperasie Br. Douw Breed (jnr) het nog n operasie aan sy hand ondergaan en sterk tuis aan Ons vra u voorbidding vir die Here se seën op die operasies en behandelings wat al die bogenoemde lidmate ontvang. Mag u elke dag God se liefde en nabyheid ervaar. By U is daar oorvloedige blydskap. Uit U hand kom net wat mooi is. Ps. 16:11 ROEPING DIAKEN Br. Douglas Swart is geroep om as diaken te dien: Ons vra u voorbidding vir die broeder met die oorweging van die roeping. 3

4 BEROEPENUUS BEROEPE ONTVANG Ds GJ Erasmus (Gert) van Komatipoort na Meyerton. KERSPROGRAM Almal is nog steeds hartlik welkom om die Kersprogram vanaand by te woon, al het u nie n strokie ingevul of laat weet nie. Die Erediens begin vanaand om 18:00 en die Kersprogram vind direk daarna plaas. Die program sien soos volg daaruit: Die Vaughan Louw Orkes lewer n paar items en begelei ons ook in die sang. Na die program in die kerk, gaan ons na die saal vir n heerlike Kaas-en-Wyn. Kom asseblief en geniet die aand saam met die gemeente ONS NUWE ORRELIS Dis met dankbaarheid dat ons kan meld dat ons advertensie vir n orrelis, na Hannetjie Bezuidenhout se bedanking, n ervare orrelis opgelewer het. Sy is Mev. Ansie Wichmann, n lidmaat van die N G Kerk. Ansie het al die kwalifikasies wat in ons posbeskrywing vereis word en het ook meer as die vereiste aantal jare ondervinding van gemeente begeleiding. Sy het in Pretoria groot geword en gestudeer en het sedert 1985 gemeentes begelei in Vereeniging en sedert 2003 in Pretoria. Behalwe dat sy haar eie leerlinge in klavier en orrel het, was sy betrokke by die begeleiding van verskeie kerkkore en konserte. Sy is getroud met Hein en het getroude kinders. Ansie het diens aanvaar op 1 November en haar eerste optrede is vanoggend. Ansie, baie welkom in ons gemeente en ons vertrou dat jou verbintenis met ons deur die Here geseën sal word. LITURGIEKOMMISSIE Die Breë Kerkraad wil graag die volgende reëling onder u aandag bring. Op die vergadering van Augustus is besluit om n Liturgiekommissie te skep wat o.a. sake rakende orrelspel en begeleiding en gemeentesang sal hanteer. U word dus versoek om enige sake in dié verband aan dié Kommissie te rig. Die sameroeper is br Werdie van Staden. 4

5 SAKE BESPREEK OP DIE BREË KERKRAADSVERGADERING VAN 2 NOVEMBER Die Redaksie gee graag vir u inligting deur van sake wat bespreek is. 1. Diaken Loutjie Coetzee is verkies as nuwe Voorsitter vir Diakonie. 2. Onderstand binne ons gemeente het beduidend toegeneem. Na verwagting sal die Diakonie sowat R (afgerond) uitbetaal gedurende Diakonale hulp aan ander gemeentes beloop sowat R (afgerond) vir Die Diakens se musiekaand het n netto wins van R opgelewer. U word van harte bedank vir u ondersteuning. 4. Die Eiendomskommissie beplan verskeie projekte wat deur die Kerkraad bespreek is : a) opgradering van die Kerkgebou se binneligte b) opgradering by Pastorie, insluitende verbeterde sekuriteit c) voorsiening van beskutte stoep tussen kerksaal en kerkgebou d) speelarea vir kinders 5. Die Kerkraad het die begroting vir 2017 voorlopig goedgekeur. Aangesien net 60% van die gemeente se beloftevorms beskikbaar was, sal die inkomstevooruitskatting vir 2017 hersien word nadat die werklike 2016 inkomstesyfers bekend is. Die Kerkraad sal in Januarie 2017 die begroting aan die gemeente voorhou. 6. Dr Douw sal DV volgende jaar 65 jaar oud word. In ons kerkverband word dit aan elke plaaslike Kerkraad oorgelaat om, in oorleg met die leraar, ooreen te kom op voortgesette diens. Die Kerkraad is van mening dat, indien Dr Douw steeds geseën word met goeie gesondheid en liggaamskragte, emeritering op die korttermyn nie tans oorweeg word nie. Die Kerkraad is hiertoe gelei deur die besondere toewyding, ywer en vrug waarmee Dr Douw werk. Ter opsomming kan onder andere verwys word na sy volgehoue hoë standaard van prediking, sy toewyding aan kategese, siekebesoek, huisbesoek, leiding van Bybelstudie, verwelkoming van besoekers en nuwe lidmate, bediening van die jongmense en kinders, gemeenskapsbelewenis in die gemeente en aan inisiatiewe ter ondersteuning van Woordverkondiging en evangelisasie soos die dienste oor die internet en leiding in Docenda (internetgebaseerde afstand-onderrig in teologie vanaf die Noordwes-Universiteit se Fakulteit Teologie). In die kerkverband gee hy rigtinggewende leiding in meerdere vergaderings vanaf klassis tot sinode, as Kurator van die GKSA en as lid van die Deputate vir Ekumeniese Sake. 5

6 VIR DIE KERSTYD Meer as tweeduisend jaar is dit nou sedert die wyse manne uit die Ooste hulle goud en wierook en mirre in hulde langs die krip gaan neerlê het. Tweeduisend jaar het die mens die boodskap van liefde in hom gedra, van een geslag na die ander. En so het die boodskap van liefde wat in die stal van Bethlehem sy saad gesaai het, gegroei en uitgeblom. Daarom is hierdie tyd van die jaar so wonderlik omdat ons oë weer op Hom gerig is en omdat ons aan Hom en sy Oorsprong weer ons beskeie goud en mirre en wierook bring. Ons weet dat die goud en mirre en wierook van die eerste dae sal moet plek maak vir die doringkroon, die bitter spons en die kruis. Maar ons weet ook dat die wonder van die liefde deur alles geloop en die graf oopgemaak het vir die opstanding. Daarom kan ons vandag nog ten minste een maal per jaar teruggaan na die wonderbegin van Bethlehem waar die onverganklike saad gesaai is wat ons so onbegryplik bind, nie net aan mekaar nie, maar ook aan n plan en n krag en n glorie ver buite en bo ons wat ons ook bevoorreg is om te deel en te dien. (Uit: Ook die Klein Dingetjies deur John van den Berg - verkort) OPROEP TOT N DAG VAN VEROOTMOEDIGING OP SONDAG 13 NOVEMBER 2016 Ons gemeente het die volgende oproep van die Korresponderende Kerkraad van Klassis Potchefstroom ontvang : Hiermee roep Klassis Potchefstroom kragtens Artikel 66 Kerkorde die Kerke wat in die Algemene Sinode Potchefstroom vergader op tot n dag van verootmoediging en gebed in die lig van die voortgaande dade van opstand, moord, aanranding, korrupsie, bedrog en diefstal wat die openbare orde in gevaar stel. Dat elkeen hom of haar in berou oor sonde en ongeregtigheid verneder (verootmoedig) voor die HERE en smeek om uitkoms van die knellende droogte in soveel gebiede is ons land. 6

7 Hiermee word elke lidmaat opgeroep om hom of haarself voor God te verootmoedig en om vas te stel of daar nie in die eie lewe ongehoorsaamheid is waardeur wandade verswyg, aangemoedig of gepleeg word nie en indien wel om deur die Gees van God te smeek om n lewensommekeer. Dat die Owerheid verseker word van elke gelowige se voorbidding om deur die mag aan hulle verleen met krag op te tree teen enige wandaad wat mag verhoed dat die inwoners van ons Vaderland n rustige en n stil lewe mag lei. Dat elke lidmaat versoek word om in alle aspekte van die lewe hulle te beywer vir die voortgang en uitbreiding van God se Koninkryk deur voorbeeld, woord en daad volgens die Woord van God. Dat elke lidmaat hom of haarself sal verdiep in persoonlike gemeenskap met God deur Skrifstudie en gebed. Dat, as dit die HERE behaag om aan ons uitkoms vanweё die droogte en ons landsomstandighede te verleen, ons lewens van dankbaarheid en lof aan Hom mag getuig vir sy sorg en vertroue vir die toekoms. ALLERLEI PSALMFEES Kom sing saam by die Psalmfees. Kom ervaar die rykdom van die Psalms tot lof en eer van God! VANDAG, 6 November 2016 Tyd: 15:00 Gereformeerde Kerk Wonderboompoort Generaal Beyersstraat 256, Pretoria-Noord Psalmsang is gebede in die kerk. Dit gee aan hierdie deel van die liturgie n buitengewoon dinamiese betekenis dis n besondere aktivering van die Woord in die gemeente. In die eerste uitgawe van die Institusie (1536) skryf Calvyn dat God die tong vir die gebed op twee maniere gebruik, naamlik deur sang en deur spraak. Presies dieselfde gedagte vind ons in die voorwoord van die Psalmboek van Genève in Dáár onderskei Calvyn tussen twee vorms van gebed, naamlik dié met woord alleen en die ander met sang. Die digter Clément Marot het met sy toewyding daarin geslaag om die Franse Protestantse Kerk die karakter te gee van Psalmsingende belyers, Psalmsingende martelare, Psalmsingende gemeentes en Psalmsingende stryders. Die Hugenote het die Psalms so deel van hulle geloofslewe gemaak, dat hulle dit vanuit die hart en hoof kon sing: in die kerk en ook in hulle daaglikse lewe, meestal sonder n Psalmboek! Vir hulle is daar geen boek waarin meer bevrydinge, meer 7

8 getuienisse en ervarings van God se Voorsienigheid en Vaderlike sorg oor ons, vertel word nie. IN DIE SKRIFLIG Die Redaksie het pas die kennisgewing ontvang dat In die Skriflig/In Luce Verbi op die Noorweegse lys geïndekseer is wat beteken dat die tydskrif nou op een van die drie internasionale indekse is en dat dit nou as volwaardig internasionale joernaal gereken word. Dit beteken baie groter blootstelling, groter verskeidenheid outeurs en dat outeurs van die NWU 'n groter ITUN toekenning ontvang. 'n Verdere aansoek om op Thomson Reuters Web of Science geïndekseer te word, is nog in oorweging. WOLMERPROJEK Die Tshwane North Outreach, wat hulle veral op blanke plakkerskampe toespits, hou op 2 Desember 2016 hulle jaarlikse Kersfunksie vir die 110 kinders betrokke by die projek. Hulle wil graag vir elke kind 'n Kersgeskenk van R150 in waarde skenk en het u ondersteuning nodig om van hierdie poging 'n sukses te maak. Hulle kort tans nog 90 van die 110 geskenke. Indien u die projek wil ondersteun kan u u bydrae in n koevert gemerk Kersprojek in die kollektesakkie plaas. Dankie vir u ondersteuning. N.S. U is nog steeds welkom om enige huishoudelike produkte, klere, kos, meubels ens. te bring vir bg projek. VAN GOGGAS GEPRAAT: DIS NOU MUSKIETTYD Van alle stout goggas is muskiete die stoutste. Hulle is nie net stout nie, hulle is geslepe. Muskiete is die dodelikste wesens op aarde. Klein botteltjies met groot gif. Hulle kan malaria, geelkoors, knokkelkoors, harsingontsteking veroorsaak en die Zika virus in jou spuit. Dis natuurlik net die wyfies wat so giftig is. Mannetjies bodder nie; hulle is heeltemal goed geaard en onbetrokke. Die angel van die wyfie is eintlik n koker vol gifpyle. Hierdie angel bestaan uit 6 naalde wat uitsprei. Die twee aan die buitekant is klein sagies waarmee sy jou vel oop kloof. Die twee naaste aan hulle hou die vel oop. Die twee middelste naalde: Een word gebruik om jou bloed op te suig en die ander een om ensieme 8

9 in jou in te spuit om te keer dat jou bloed stol. Gaan kyk gerus op YouTube as jy dit nie kan glo nie.. Tannie Muskiet suig jou bloed op totdat sy so dik soos ʼn rooi bus is. En tussendeur maak sy plek vir nóg bloed deur ʼn vloeistof uit haar agterlyf uit te skei... bo-op jou. Wie weet wat is als in daai vloeistof! Sies. En die teen-stollingsensieme wat sy inspuit, is in haar speeksel. En dit laat jou jeuk en maak knoppies. En die virus waarmee sy jou moontlik kan los, is ook in haar speeksel. Sy gee en neem. Neem die goeie en gee die slegte. Hoekom suig sy bloed? Net om haar eiers in te lê. Sy het die proteïne in jóú bloed daarvoor nodig. Sy en haar doodgoeie mannetjie leef van nektar, vrugtesap en vuil water. Sy is onderduims en agterbaks. Behalwe vir die irriterende aanvallende geloei wat sy het, kan sy agteruit, vorentoe, sywaarts, vinniger en stadiger vlieg om ʼn klap te ontduik. Is daar ʼn ooreenkoms tussen mense en muskiete? Miskien normaalweg nie. Maar daar ís muskietmense; nie noodwendig wyfies nie. Luister maar net na die nuus. WOONHUIS TE HUUR 4 slaapkamerhuis te huur naby Laerskool Monumentpark. Vir meer besonderhede skakel of DRINGENDE VERSOEK Ek is dringend op soek na n smal enkelbed met matras vir n lidmaat in ons gemeente. Skakel asb. die kerkkantoor indien jy kan help enige tyd. HERWINNINGSPROJEK n Vriendelike versoek aan lidmate om van nou af SLEGS papierverwanteprodukte soos koerante, tydskrifte, boeke, karton ens. te bring vir herwinning. 9

10 FUNKSIONARISSE VAN DIE GEMEENTE PREDIKANT SKRIBA Dr. Douw Breed Eddie Trollip Duikerlaan MONUMENTPARK ATTESSKRIBA OUDL SKRIBA Tinus Erasmus Corrie Skinner VOORSITTER DIAK. ORRELIS Loutjie Coetzee POS VAKANT e-pos webwerf: Op die webwerf kan u etlike jare se preeksketse van dr. Douw lees en daar is ook skakels wat u neem na oudio- en videouitsendings van eredienste van die afgelope tyd. SONDAGKOSTER: André Els: WEEKKOSTER: Nienke vd Walt: KANTOOR: Nienke vd Walt en KANTOORURE: Donderdag en Vrydag: 9 12 U kan egter enige tyd die kantoor skakel en jou oproep sal beantwoord word omdat die telefoon deurgeskakel is na die selfoon. BANKBESONDERHEDE Kerk: ABSA : Gereformeerde Kerk Waterkloofrand Rek no Diakens: ABSA: Diakonie Spaar Rek. No PREEKVERDUIDELIKINGS Tydens oggenderedienste word die preek van die oggend vir die kindertjies vanaf 4 jaar tot Graad 4 deur n suster in die saal verduidelik. Dit vind net plaas as dr Douw preek, en nie gedurende vakansies en langnaweke nie. Dit word slegs tydens die preek en onder toesig van die beurtouderling gedoen. PARKERING Veilige parkering is ook beskikbaar tydens oggenderedienste op die terrein van die Laerskool Anton van Wouw, h/v Lange- en Deystraat. 10