GEREFORMEERDE KERK LYTTELTON

Transcription

1 1 2 September 2018 Jaargang 36 Nommer 33 GEREFORMEERDE KERK LYTTELTON ONS EREDIENSTE VANDAG Die Oggenddiens Ds. Swanepoel bedien die woord aan die hand van Psalm 1. Teks: P salm 1:6 Tema: God belowe sukses aan diegene wat na Sy waarskuwings en raad luister. Hoofpunte: 1. God se waarskuwing. 2. God se raad. 3. God se belofte Sing: P salm 1: 1 en 4; Skrifb 12-3: 1 en 2; Psalm 119: 6 en 7; Psalm 66:7 en 8; Psalm 73: 11 en 12 Psalm 1:6 W aarlik, die Here lei die regverdiges op hulle pad, maar die pad van die goddeloses lei tot ondergang. Die Aanddiens Ons het vanaand ʼn ruildiens met GK Waterkloofrand. Dr Douw Breed preek hier by ons en Ds Christo preek by Waterkloofrand. Die Skriflesing is Lukas 11:1-13. Die teksvers is Lukas 11: 8. Die Tema: Skaamteloos in gebed na God en seker dat Hy ag gee. Sing: P salm 146:1, 4 en 6; P salm 4: 2 en 3; Skrifberyming Skaamteloos. I n Jesus se gelykenis volgens Lukas 11 is daar drie hooffigure: die reisiger-vriend wat laat in die nag gearriveer het; die gasheer by wie die reisiger-vriend aangekom

2 2 2 Sepember 2018 het en die slaper-vriend wat moes opstaan om brode te voorsien. Die gasheer weet dat hy vir sy reisiger-vriend wat so laat in die nag onverwags arriveer het, iets moet gee om te eet. Hy het egter geen kos om te gee nie. Eerder as om sy vriend honger bed toe te stuur, gaan vra hy vir n ander vriend brood om vir die reisiger-vriend te gee. Jesus beklemtoon in die gelykenis wat die gasheer sy slapervriend aandoen deur hom in die middel van die nag wakker te maak. Die vriend bly duidelik in n een-vertrek huisie en almal in die huis, in besonder die kinders, sal wakker wees teen die tyd dat die deur met sy grendels oopgemaak is. Tog, vertel Jesus, sal die slaper-vriend nie die gasheer wegstuur nie. Die rede hoekom hy hom nie wegstuur nie, is die skerppunt van die gelykenis. Jesus sê dat die slaper-vriend die gasheer help, nie soseer omdat hy sy vriend is nie, maar vanweë die gasheer se skaamteloosheid. Wat tot die slaper-vriend spreek, is die feit dat die gasheer hulle verhouding so sterk ag, dat hy hom onbeskaamd in die middel van die nag wakker maak. Met hierdie gelykenis is Jesus besig om vir sy volgelinge van gebed te leer (vgl. 11:1). Jesus leer met die gelykenis dat gelowiges in n sekere sin skaamteloos in die gebed na God moet gaan. Ek het as sondaar geen reg om met my sake na God te gaan nie. Tog kom ek, sonder enige verdienste aan my kant, skaamteloos voor God. Ek kom vrymoedig op grond van die toegang wat my Verlosser, Jesus Christus, vir my bewerk het. Gelowige, kom jy so, diep onder die besef dat jy eintlik om middernag aanklop, met vrymoedigheid voor God? MEELEWING Sr Annatjie Engelbrecht is toe nie geskik bevind vir haar rugoperasie nie. Volgens die ortopeed by 1 Militêre Hospitaal is die rug en die pelvis wel besig om te herstel. Daar word nou na 'n ander probleem gekyk en sy moet eerskomende Donderdag 'n Angiogram ondergaan. Henry en Annatjie wil op hierdie stadium baie dankie sê vir almal se gebede en ondersteuning en meelewing wat hulle beleef het. Dit was vir hulle werklik 'n riem

3 3 2 September 2018 onder die hart en besef hulle hoe geseënd hulle is om deel van 'n liefdevolle geloofsgemeenskap te wees. Hulle waardeer dit opreg. Sr Marie Adelaar verjaar Vrydag 7 Septembr dan is sy 93 jaar oud. Baie geluk Tant Marie, ons wens jou n geseënde nuwe lewensjaar toe gevul met liefde, blydskap en vreugde MANNA EN KWARTELS VIR DIE GEES Ds Callie Opperman, Emeritus Leraar, Swakopnund DIE REDAKTEUR IS MAANDAG 27 AUGUSTUS BY DIE DORSLANDTREK GEDENKFEES, OP DIE WAL VAN DIE KUNENERIVIER. In die plek van 'n oordenking in die Deo Gloria Kuberbrief, skeduleer ek die uitsending van hierdie Skrifgedeelte oor God as Skepper. Ons bely: Ek glo in God, die Vader, die Skepper van hemel en aarde. Die Skrif leer: In die begin was die Woord daar, en die Woord was by God, en die Woord was self God. Hy was reeds in die begin by God. Alles het deur Hom tot stand gekom: ja, nie n enkele ding wat bestaan, het sonder Hom tot stand gekom nie. (Johannes 1:1 3)

4 4 2 Sepember 2018 BEROEPENUUS BEROEPE ONTVANG Ds EJ van Jaarsveld [Janré] van Tsumeb na Durban-Noord. DIE EERSTE AFRIKAANSE BYBEL Op 27 Augustus 1933, 85 jaar gelede, is die eerste Afrikaanse Bybel in gebruik geneem. Die wortels van die Afrikaanse Bybel gaan so ver terug as 7 September 1872, toe Arnoldus Pannevis van die Genootskap van Regte Afrikaners (GRA) n artikel gepubliseer het oor die dringende behoefte aan De Bijbel in het Afrikaans. Eers 44 jaar later, in 1916 (102 jaar gelede!), het die NG Sinode van die Vrystaat besluit dat daar daadwerklik iets aan die saak gedoen moet word. Inisiatief is geneem om die hele Bybel in Afrikaans te vertaal. Daar sou nog 17 jaar verloop voordat die eerste Afrikaanse vertaling die lig gesien het. Prof JD du Toit (Totius), saam met prof. BB Keet van Stellenbosch, sou die grootste werk aan die vertaling doen. Die vrug van die harde werk om die Bybel in Afrikaans te vertaal is groot. Daarvan is die hersiene 1953-Bybelvertaling wat daagliks nog in talle huise en kerke gebruik word, n klinkklare bewys. Hier is n interessante artikel om te lees: maroelamedia.co.za/goeiegoed/goeie-nuus/85-jaar-van-die-bybelin-afrikaans/ In die artikel is daar n lys van pragtige Afrikaanse idiome wat uit die eerste Afrikaanse Bybelvertaling oorgeneem is en volksbesit geword het. Bv. hy het sy Moses teëgekom (Eks. 14:28), die skrif is aan die muur (Dan. 5:5), n vlieg in die salf (Pred. 10:1), berge versit (Matt. 17:20), hy is my regterhand (Jes. 41:1), kom ek om, so kom ek om (Est. 4:16). NEGE JAAR VAN GESEëNDE GROEI Verlede week het ons gewag gemaak van die bedrywighede in ons gemeente die afgelope 9 jaar. Ons kan egter nie nalaat om te kyk na hoe die lidmate van ons

5 5 2 September 2018 gemeente ook hul deel gedoen het in die groei van ons gemeente nie. Soos genoem het ons van minder as 300 lidmate gegroei het tot 430 lidmate nie. Wat egter besonders is, is dat die gemiddeld ouderdom van ons lidmate heelwat jonger geword het en dat ons nou die vrolike laggies van ʼn aansienlike aantal kleuters kan hoor. Ons lidmate het al hoe meer betrokke geraak by die gemeente aktiwiteite en ons kan nie anders as om ook ons lidmate se rol in die groei van die gemeenskap van die gelowiges uit te sonder nie. Kyk maar net hoe lekker kuier ons lidmate na die erediens met ʼn koppie tee in die hand. Ons wil graag ons lidmate bedank vir hul bydrae in ons gemeente groei, nie net vir hul getroue maandelikse bydraes nie maar ook die ondersteuning van die aksies wat hier by ons gemeente geloods word. Doen so voort. Maar ons kan nie op ons eie vermoëns roem vir hierdie opbloei nie. Ons erken dat ons nie sou kon wees waar ons nou is as ons nie die seënende hand van God oor ons gehad het nie en ons dank God vir sy bewaring en koesterende liefde. DIE FRANKFORT RIVIERTOER Hierdie toer word jaarkliks aangebied deur die Gereformeerde Kerk Frankfort vir ons eie gemeentejeug, maar daarby ingesluit jongmense van regoor die land (Gereformeerdes en niegereformeerdes). Daar was die afgelope paar jaar kinders uit meer as 50 verskillende gemeentes en denominasies. Die positiewe invloed vanuit ons GKSA-kerkverband strek dus baie wyd. Ons span bestaan elke jaar uit 9 predikante (wat verantwoordelikheid neem vir 20kinders in sy kleingroep). Ons totale inskrywingsgetal is 180 kinders. Die gemeentelede van GK Frankfort word ingedeel in werkspanne wat verantwoordelikheid neem vir die logistiek, vervoer van die kinders, die aktiwiteite op - en uit die rivier, asook natuurlik die lekkerste kampkos denkbaar Daar word elke dag (vir 3 dae) tyd gemaak vir Bybelstudie (in die kleingroepe) en dan n Tema-aanbieding vir die groot groep gesamentlik (een vd predikante neem elke dag hiervoor

6 6 2 Sepember 2018 verantwoordelikheid). 2 Desember 2018 tot Donderdag : 6 Desember Kampkoste: R800 per kind. Inskrywingsvorms is reeds beskikbaar (sien skakel) s/14pvj6u5v8u0yjl/2018%20-%20inskrywingsvorm.pdf? dl=0 Kontak gerus vir Sanette ( ) 21. Omgewingspitkos Met ons land wat soveel onbesoedelde bestemmings aan veral stedelinge bied om aan die seer van geknakte omgewings te ontsnap, dwing die wegbreke jou tot besinning van nuwe idees om die sleg in jou bestaan om te keer. God het in sy skepping soveel moontlikhede vir die mens opgesluit om kreatief mee te werk te gaan. Leer uit die hoe van diere en plante se oorlewingsinstinkte deur byvoorbeeld water en weiding op te spoor en te bespaar, tydens droogtes te oorleef, energie op te berg en sindelik en ordelik te lewe. Dinge in die natuur is darem te doelgerig besig om op n goddelike manier iets groots hier in stand te hou, om nie op n ontdekkingsreis deur ons raakgesien te word nie. KERKKAMP SEPTEMBER 2018 Ons is nou in die pylvak op pad na ons gemeentekamp. Daar is nog drie kamers met tweebeddens elk beskikbaar. Sou jy nog wil saamgaan moet jy asb gou spring. Ons program is gefinaliseer en ek kan jou verseker dat daar aan jou stoutste verwagtinge voldoen sal word. Ons het reeds ʼn volledige inligtingstuk aan die ons kampers voorsien. In die inligtingstuk het ons versoek dat die name van die kinders wat Saterdagoggend na die Bayette Avontuurkamp wil gaan asb aan Ferdie van Wyk verskaf moet word. Doen dit so gou as moontlik. Ons versoek daardie kampgangers wat nog nie hul kampgelde oorbetaal het nie om dit nou dringend te doen. Betaal dit in hierdie rekening in maar maak asb seker dat jy kerkkamp gekoppel met jou naam as verwysing gebruik. Absa Bank Lyttelton, Takkode , Rek No:

7 7 2 September 2018 HIERDIE WEEK HOU ONS, ONS BESIG MET: Vandag: Die kollekte tydens die erediens is vir die Diens van Barmhartigheid en by die deure vir die Studentekas. Die ouderlinge en diakens van wyke 9 en 10 is aan diens. Die susters van Wyk 5 nooi jou na die diens vir ʼn koppie tee by Dopperdraai. Katkisasie: Les 22 Bybelstudie: Daar is Bybelstudie Dinsdag en Donderdag. Die Silwerkrone bestuur vergader Dinsdag na Bybelstudie VERJAARSDAE 3 Sep: Heinrich Bloemhof(w yk 5) 4 Sep: Katrien Erasmus(w yk11) Br Flippie Venter(W yk 4) 5 Sep: Sr Susan Schoeman(w yk9) en Jaco Viljoen(w yk5) 6 Sep: Anelda Venter(W yk9) en Lorita van den Berg (W yk12) 7 Sep: Tew is Labuschagne(W yk3) 9 Sep: W ilfred Houston Mcmillan(W yk 19), Carl P ohl(w yk5) en Cristel Venter(Wyk15) KLEINADVERTENSIES R Riempies gebreek/stukkend? Stoele en 2 sitplek banke. Kontak Jan Plomp of JOU NUTSMAN: Skakel vir Hendrik van der Linden by Skoonmaak van Matte, Meubels, Leer en Materiaal, Matrasse, Vensters, Geboue, Kantore, Store en Huise. Baie dankie, ALTA by NEUTE. Gesels met George Lee oor vrugte en neute. Bel hom by Daar is ʼn nuwe pryslys beskikbaar. VLEIS. Chris du P lessis is w eer op spoor met die verskaffing van die vleis. Skakel Chris by

8 8 2 Sepember 2018 ALGEMENE INLIGTING Predikant: Ds Christo Sw anepoel, Burgerlaan 113, Lyttelton Manor Selfoon E-pos swanepoel.gerefkerk@telkomsa.net Bedieningskommissie: Ouderling Kobus Erasmus. Tel Bestuuurskommissie: Ouderling Tiddo Voogt: Voorsitter van die Diakonie: Diaken Johan How ell Tel: Susters Voorsitter: Sr Griet Sw anepoel Die Silwerkrone Voorsitter: Br Jan P lomp Orrelis: Jaco Viljoen Tel: Koster: Mike Muller Kerkkantoor: Dirk Schoeman Bankrekening van die Kerk: Absa Bank Lyttelton, Takkode , Rek No: Die Kassier: Ouderling Kobus Robbertse Bankrekening van die Diakonie: Bank: ABSA Rek: Tak: Bankrekening van die Susters: Gereformeerde Susters Komitee, ABSA Bank Lyttelton Takkode , Rek No: Die Koerier: Ferdie van W yk - ferdievw@telkomsa.net Gereformeerde Kerk Lyttelton Skribas: H/v Stasie en Monument Strate Oudl Carl Pohl Navrae: Dirk Schoeman Selfoon: Tel Oudl Pieter Bos E-pos: gkl@telkomsa.net Selfoon: Attes Skriba: Henry Engelbrecht, Tel: Selno: E-pos: henmet@telkomsa.net Emosionele Ondersteuningsnetwerk: Indien u emosionele bystand weens eensaamheid, siekte, trauma ens. beleef of net wil deel word van die emosionele ondersteuningsnetwerk in ons gemeente, kan u gerus vir Trudie Grobbelaar (koördineerder) skakel by tel: , of sel: