WES-GAUTENG-NUUS -- WEST GAUTENG NEWS JULIE 2014 NUUSBRIEF/NEWSLETTER

Transcription

1 GENEALOGIESE GENOOTSKAP VAN SUID-AFRIKA WES-GAUTENGTAK GENEALOGICAL SOCIETY OF SOUTH AFRICA WEST GAUTENG BRANCH WES-GAUTENG-NUUS -- WEST GAUTENG NEWS JULIE 2014 NUUSBRIEF/NEWSLETTER NEXT MONTHLY MEETING: SATURDAY 16 AUGUST 2014 WEBSITE Members are reminded of the branch s new blog site [website] at BESOEK AAN BLOIS. GEBOORTEPLEK VAN MY STAMVADER GABRIEL LE ROUX Die Le Roux s In 1988 het ek en my vrou die voorreg gehad om n besoek af te lê aan Blois, die geboorteplek van my stamvader Gabriel le Roux. Die familienaam le Roux of Roux verwys na mense met rooi hare. Dit was 300 jaar nadat hy en sy broer Jean met die driemaster Voorschooten in Saldanabaai aangekom het. Hulle het reeds op 31 Desember 1687 uit Delftshaven (Rotterdam) vertrek. Gabriel en Jean was deel van 22 Franse immigrante wat met die Jupiter na Tafelbaai toe geneem is. 1

2 Jean is in 1667 en Gabriel in 1669 gebore. Hulle oupa, Jean ( ) was n linnehandelaar en ouderling van die gereformeerde gemeente te Blois. Hulle vader, Pierre, was n soort geregsdienaar. Van die le Roux s in SA stam sowat 72% af van Gabriel, 16% van Jean en 12 % van Jean van Normandie wat ook in 1688 in die Kaap aangekom het. Gabriel trou in 1701 met die 15-jarige Marie-Catherine le Febre ( ). Hulle het 5 kinders gehad. Sy was driekeer getroud, het nog 7 kinders gehad en is op 96-jarige ouderdom oorlede. Volgens familie-oorlewering het albei broers in 1711 op dieselfde dag verdrink toe hulle n vol rivier wou oorsteek. Ek en my broer en neefs en niggies is die tiende geslag in SA. Gabriel kry in morg grond in die Paarl, wes van die Bergrivier. Hy noem sy plaas La Concode. Later kry hy in n ruiltransaksie die plaas Salmonsvlei. Gabriel se een seun, Abraham, was n veeboer, eers in Tulbagh, maar later in die Bossiesveld op die plaas Goedemoed naby Robertson. Van die Kaap af het sy nasate Vrystaat toe getrek om te kom boer. Die stamname van Abraham Hercules, Stephanus Jacobus en Hendrik Jacobus is talryk onder die talle en talle nasate van die le Roux s van Theunissen, Winburg, Bultfontein, Hoopstad en Welkom. Gabriel was blykbaar n man wat vinnig en sekuur besluite kon neem. Dit was besonders dat hy op 19 al grond aan die Kaap gekry het. Van die le Roux s word gewoonlik gesê dat hulle baie hardkoppig en dwarstrekkerig kan wees; en opvlieënd! Op n familiesaamtrek wat ek as jongman bygewoon het, het dit baie duidelik na vore gekom. Dit het daaroor gegaan of die mense wat in die familiebegraafplaas op Abrahamshof lê herbegrawe moes word of nie. Aan die anderkant is daar van ons wat bra besluiteloos en miskien te sag is; vredemakers en diplomate. Nog n interessante feit is dat daar deur ons stammoeder Marie-Catherine le Febre geneties hartprobleme in die le Roux-familie gekom het. Sy was van Mer, nie ver van Blois af nie. 2

3 Besoek aan Blois Protestantse Kerkie in Mer (Foto deur Isabel Groesbeek) Blois is n stad langs die Loire-rivier, ongeveer 135 km suidwes van Parys. Die stad het al in die Romeinse tyd bestaan en die kasteel was n gunsteling verblyfplek van die Franse konings. Louis XII is in 1462 in die kasteel gebore. Marie de Medici het twee jaar lank daar gewoon ( ). In 1814 was die kasteel n kort rukkie lank die setel van Marie Louise, vroue van Napoleon I. Blois is op 18 Junie 1940 deur die Nazi s ingeneem en dit is teen die einde van Augustus 1944 deur Amerikaanse magte ontset. Albei kere het die stad daelank onder grofgeskut deurgeloop. In 1800 was daar 14,900 inwoners en in ,013. 3

4 Die kasteel in Blois Dit was ons voorreg om n modeparade van outydse kleredrag in die kasteel by te woon en ook n middernagtelike vertoning op die binneplein. Bokant die poort na die kasteel (Foto deur Isabel Groesbeek) Argief in Blois (Foto deur Isabel Groesbeek) 4

5 Ons het in n klein hotelletjie tuisgegaan en n paar dae lank die stad bewandel en die omgewing verken. Smiddae het ons by dieselfde kafeetjie omelette geëet. Dit was al wat ons op die spyskaart kon herken! Die hoogtepunt was die wandeltog deur die ou gedeelte van die stad. Daarvoor moes ons oor die brug oor die rivier loop. Dit is in die 18de eeu gebou. Blois is op n paar steil heuwels gebou. Daarom is daar steil paadjies en stelle trappe. Ek was in verwondering oor die smal, steil paadjies, die geboue en die oorvloed van water, plante en bome. Dit was n belewenis wat my nederig en dankbaar gemaak het om te kon loop waar my stamvader geloop het. 5

6 Daar groei die mooiste hoë bome in die omgewing. Hier het my voorsate, die Protestantse Hugenote later in die geheim in die woude vergader. Ek, synde n predikant, kon die Here net dank vir die vryheid van geloof wat ons ken. Die besoek aan die geboorteplek van my stamvader het my tot die besef gebring dat ons ons verankering aan die verlede nie durf vergeet soos talle mense in ons individualistiese samelewing doen nie. My herkoms, my hede en my toekoms is in die hande van die lewende God. Hugenotekruis 6

7 Artikel deur Hennie le Roux Familiewapen van die le Roux s Ds. Hennie Le Roux Baie dankie aan Hennie Le Roux wat sy storie vir my gestuur het. Ons waardeer dit en lekker lees! Met die Augustus Nuusbrief beplan ek om Hennie se ELF GESLAGTE LE ROUX s & n toespraak wat John Deare van Pietermaritzburg Tak gelewer het, te publiseer. Send me your stories. Stuur my jou stories. 7

8 Neels Coertse EDITOR: NEWSLETTER 31 JULY OUR LIBRARY You are encouraged to use our library to do your research. The contents are very valuable. We are in the process of obtaining insurance for it. We thank all of you who not only use it, but make contributions towards the contents. Please keep it up and come and use it WEST GAUTENG BRANCH COMMITTEE, 2014 Designation Name Telephone Chairman Bob Saunders Vice-Chairman Richard Wolfaardt Secretary Robyn Templeton Treasurer Gina Shepherd Secretary: Members Richard Wolfaardt Librarian Lucas Rinken Assistant Librarian Graham Southey None Editor Newsletter Neels Coertse Cemetery Coordinator Giel Nel Product Sales Kriek Fourie