1 ste Senwes OFM bakkiedag. n treffer. Ten spyte van ʼn nat en mistroostige begin, het die Senwes OFM bakkiedag in. Lekker stories.

Transcription

1 SENWES GRAINLINK SENWES VILLAGE SENWES CREDIT Vol 1/2010 Inligtingsblad vir klante van Senwes Maart ste Senwes OFM bakkiedag Ten spyte van ʼn nat en mistroostige begin, het die Senwes OFM bakkiedag in samewerking met Graan SA, Saterdag, 20 Maart baie goed verloop. Bakkie-entoesiaste het in groot getalle opgedaag om die dag saam met die talle uitstallers en bekende gaskunstenaars te geniet. Behalwe vir die sowat 26 uitstallings, wapententoonstellings en nog wat, was daar hope te doen. Van kleiduifskiet, tot bakkies deur hindernisbane ry en Supersport op groot skerms kyk vir alle behoeftes is voorsiening gemaak. Die Afrikaanse sanger, Dozi, het gesorg dat hy ook n bakkie het om te vertoon by die Senwes OFM bakkiedag. Dozi was een van die kunstenaars wat gedurende die loop van die dag opgetree het. n treffer Soos beloof was daar iets vir die hele gesin. Die kosstalletjies, ʼn biertent, ʼn speelarea vir die kinders, ʼn roomyskarretjie, proe van die Checkers se wen-wors en natuurlik die optredes deur Thabo Hlongwane, Gerhard Steyn, Dozi, Chris Chameleon en Theuns Jordaan, was maar net ʼn paar hoogtepunte. OFM het regstreeks van NAMPO Park uitgesaai en daar was ʼn lewendige atmosfeer. Bakkies was daar in alle vorms: van klas sieke bakkies en opgeboude bakkies tot selfs net gewone gunstelingbakkies. Dit was ook nie net bakkies wat uitgestal is nie daar was motorfietse en gemotoriseerde trapfietse en speelgoedtrekkers en selfs juwele. Volgens Japie Fransman (Korporatiewe Be - marking: Senwes), wat betrokke was by die organisering van die dag, was die bywoning goed. Dit gaan heel moontlik ʼn jaarlikse instelling word. Selfs die kunstenaars het dit geniet en beloof om terug te kom as hulle weer genooi sou word. Enige boer wat hard werk spandeer meer tyd saam met sy bakkie as sy vrou. Daar is n Vrouedag, so daar kan maar net sowel ʼn Bakkiedag wees, het Chris Chameleon gesê. Lekker stories anders vertel In vandag se landbou-omgewing het kommersiële produsente min tyd vir lees. Die leesstof wat wel van waarde is, is dié wat waarde toevoeg tot n produsent se werk en passie sy boerdery. Met die internet wat in gewildheid toeneem, ook in die landelike omgewing, is daar n kommunikasiekanaal geskep waar die produsent vinnig en maklike toegang tot inligting het. My rekenaar is my vriend Senwes het gevolglik besluit om die internet ook aan te wend as n kommunikasiekanaal na produsente toe en van Mei af sal die Scenario dus nie meer in gedrukte vorm verskyn nie, maar as n dinamiese en opwin - dende e-nuusbrief. Dié nuusbrief sal een keer n maand direk na jou e-pos en/of selfoon toe gestuur word, sodat jy op hoogte kan wees van die jongste nuus binne Senwes. Om te lees is n fees Navorsing wat deur The Survey Workshop vir Senwes onder Senwes klante gedoen is, het egter aangedui dat n groot persentasie lesers steeds verkies om gedrukte publikasies te ontvang. Julle wens gaan nie geïgnoreer word nie! Senwes stel binnekort n splinternuwe tydskrif aan die mark bekend. Hierdie tydskrif Vervolg op bl. 3 In dié uitgawe Marksituasie vir grane [2] Hoë oleïensuur sonneblom dalk oplossing vir vraag na gesonder olies [4] Kapasiteit by werkswinkels uitgebrei [6] Graduate programme a first for company [7]

2 GRAINLINK Marksituasie vir grane Thys Grobbelaar Thys Grobbelaar Graananalis: Senwes Grainlink Dit het net begin lyk asof die internasionale prys van grane en oliesade goed aan die herstel is, toe word daar weer ʼn drastiese daling waargeneem. Aanvanklik het verskeie internasionale prysbeïnvloedingsfaktore positief op die prys ingewerk. Dit was faktore soos sakever - troue-indekse, die CRB-indeks, ruoliepryse, aandeelprysindekse, groei in die BBP s van die belangrikste ekonomieë en die wêreldwye herstel van werkloosheidsyfers. Soos meeste ekonomiese gebeurtenisse egter in siklusse voorkom, het ons weer in ʼn dalende wêreldekonomiese siklus beland, wat onge - lukkig baie nadelig op die internasionale kommoditeitspryse inwerk. Verder het Sjina ook sy kredietverleningsvoorwaardes ver - skerp en Amerika het beperkings op banke en beleggingsfondse geplaas ten opsigte van spekulasie in kommoditeite. Dit het ver - der bygedra tot die daling in kommoditeits - pryse. Sedert die Amerikaanse kommoditeitspryse gedurende Julie en Augustus 2008 die sogenaamde boom gemaak het, volg veral die Suid-Afrikaanse mielieprys reeds n jaar en agt maande lank die Amerikaanse mielieprys slaafs na. Die Amerikaanse Departement van Landbou het, teen die verwagting van die mark, met hul onlangse vraag-en-aan - bodverslag aangedui dat hulle ʼn rekordopbrengs en totale oes verwag. Dit geld ook ten opsigte van sojabone. In die proses het hul berekende oordragvoorraad as persentasie van verbruik bo die sielkundige vlak van 15% gestyg, met die gevolg dat die mielieprys met ongeveer 20% gedaal het. Dié prysdaling het verder na die sojaboonkompleks- en koringpryse deurgewerk. Markanaliste verwag dat heelwat koringoppervlakte na mielies en sojabone kan skuif in die VSA en Argentinië. Internasionale graansituasie Die mees onlangse vraag-en-aanbodverslag van die USDA dui aan dat voorverlede seisoen se rekord vir mielies verbeter is. Oordragvoorraad styg met elke opeenvolgende verslag. Dit staan tans reeds op 16% van die verbruik. Met die Junie 2009-verslag was die oordragvoorraad slegs 10% van die verbruik. Nie net het die groot oes tot die styging in oordragvoorraad gelei nie, maar die Amerikaanse uitvoere het drasties gedaal. Die wêreldwye ekonomiese resessie gee aanleiding tot laer verbruik van dierlike produkte, wat dus die vraag na mielies en sojaboonprodukte laat afneem. Daar is ook groot veevoervoorrade in die wêreld beskikbaar, veral in die vorm van voergraad-koring uit die Swartsee-gebied. Die Amerikaners moes ook vanjaar die mielies natter as normaal stroop weens die laat, en baie nat, seisoen. Die nat mielies wat opgeberg is, kom egter niks oor onder die huidige koue toestande nie. Sou dit begin warmer word gedurende die lente, sal die mielies óf gedroog óf vinnig uitgelaai moet word, anders muf dit. Dit kan ook druk op die prys veroorsaak omdat ʼn klomp mielies só mark toe kom. Verder het die Amerikaanse dollar redelik versterk, tot 1,34 teenoor die euro, wat ook druk op die prys plaas. Die ruolieprys, wat ook ʼn groot rol in die prysvormingsproses speel, het teruggesak. Veral die Ameri - kaanse ruoliesurplusse het begin styg weens die laer verbruik as gevolg van die resessie. Fundamenteel lyk dit egter nie so sleg vir mielies nie. Die verbruik styg steeds teen n gesonde tempo en dit blyk of die Amerikaanse oordragvoorraad na volgende jaar kan verklein. Die Amerikaanse ekono - mie het die laaste kwartaal van 2009 die grootste groei die afgelope ses jaar getoon, wat miskien weer die begin van ʼn volgende opwaartse siklus in kommoditeitspryse kan wees. Die internasionale sojaboonprys het amper n soortgelyke paadjie as mielies geloop. Presies dieselfde prysbeïnvloedingsfaktore wat op mielies inwerk, het ook op sojabone ingewerk. Ook hier het die Amerikaners die afgelope seisoen ʼn rekord-opbrengs en totale oes gerealiseer. Wat wel ʼn verskil gemaak het, was Sjina se onversadigde vraag na sojabone en sojaoliekoekmeel. Dit het die sojaboonprys on - der die bleek internasionale ekonomiese toestande ondersteun. Sjina sal waarskynlik, wat sojabone aanbetref, vanjaar meer as 48 miljoen ton invoer. Brasilië en Argentinië het die afgelope vyf jaar Amerika verbyge - steek wat sojaboonproduksie en uitvoere aanbetref. Jaarliks, gedurende Februarie tot Mei, beweeg die Sjinese na goedkoper Suid- Amerikaanse sojabone, wat weer druk op die Amerikaanse prys plaas. Die afname in die vraag na vleis en dierlike produkte het die verbruik van sojabone laat daal. Die wêreld-oordragvoorraad van sojabone het veral gestyg en staan tans op 25% van die verbruik. Die relatief laer ruolieprys het ook ʼn demper op die prys geplaas. n Herstel in die ekonomiese situasie kan ook die betrokke kommoditeitsprys ondersteun en mag in die afsienbare toekoms, hoër pryse realiseer. Die stand van koring is internasionaal steeds aan die bleek kant. Die wêreld en Ameri - kaanse oordragvoorraad het die afgelope twee seisoene drasties gestyg en in die geval van die VSA staan dit by 70% van die verbruik, uitvoere uitgesluit. Dit is die hoogste oordragvoorraad in 22 jaar. Die Amerikaners Vervolg op bl. 3 Tabel 1: Die eerste somer-oppervlakteskatting vir die 2010/2011-bemarkingseisoen en die sesde oesskatting vir koring volgens die NOK. Gewas Oppervlakte: aanplantvoorneme 2010/2011-bemarkingseisoen (x ha) Oppervlakte: 2009/2010- bemarkingseisoen (x ha) Verskil tussen seisoene (x ha) Persentasie verskil Witmielies 1 651, ,0 +162,7 +10,93% Geelmielies 975,5 938, ,9% Mielies totaal 2 727, ,5 +199,7 +8,23% Sonneblom 426,7 635,8-208,3-32,89% Graansorghum 69,0 85,5-16,5-19,3% Sojabone 274,85 237,75 +33,25 +15,6% Oppervlakte: (ha) Sesde oesskatting (x ton) Vyfde oesskatting (x ton) Verskil (ton) Koring , , Senwes Scenario [Maart 2010] BREEK NUWE GROND SENWES

3 GRAINLINK Marksituasie vir grane Vervolg van bl. 2 het die aanplanting van koring reeds drasties afgeskaal. Die lande in die Noordelike Halfrond, veral die ou Russiese Federasie-lande, het hulle aanplantings drasties uitgebrei. Hulle het basies nie ander alternatiewe gewasse nie en gooi die wêreld toe onder goedkoop koring. Koringteelt het ook in die wêreld agterweë gebly. Wêreldwyd is geen nuwe geneties gemanipuleerde koringkultivars in die koringbedryf vrygestel nie, wat koring tans as ʼn industriële gewas ongewild maak. Die produksieverhouding is ongunstig teenoor gewasse soos mielies. Koring word dus hoofsaaklik vir menslike voedsel aangewend. Die internasionale prys van koring behoort ten minste vir die volgende jaar onder druk te wees. Plaaslike situasie vir grane en oliesade Mielies Die Safex mielieprys het sedert 18 Desember 2009 met meer as R500/ton gedaal. Die redes is eerstens dat dit goed en in sekere gevalle te veel gereën het oor die hele mielieproduserende gebied. Die voorspelde El Niño-episode was reeds in die mielieprys verdiskonteer en toe dit nie realiseer nie, het die prys teruggeval. Verder is die oppervlakte mielies wat die afgelope seisoen aangeplant is, heelwat hoër as die berekende markruimte. Die oesskatting dui die grootste oes in 29 jaar in Suid-Afrika aan. Witmielie-aanplantings is veral uitgebrei en die geelmielieprys het weer hoër as die witmielieprys gestyg. Suid-Afrika sal alles in die stryd moet werp om uitvoere te stimuleer. Die berekende oordragvoorraad van wit- en geelmielies begin ongemaklike vlakke bereik, wat negatief op die prys inwerk. Daar is by Senwes transaksies beskikbaar om ten minste die produsent se kontantvloei te diens. Kontantvloei sal een van die mielieprodusent se tergendste probleme die volgende paar maande wees. Baie min nuwe seisoensmielies is verkoop en produsente moet daarteen waak om nie in n situasie te beland waar hy sy mielies tydens strooptyd moet verkoop om sy kontantvloeiverpligtinge te diens nie. Gesels gerus met ʼn Senwes graanverkryger. Koring Die koringprys beweeg sedert Oktober 2009 redelik sywaarts, ná ʼn effense daling. Die koringprys vorm op ʼn vlak van ingevoerde Duitse Milling B-koring, gelewer in Durban. Suid- Afrika voer reeds ʼn geruime tyd koring in en dit vorm ons prys op ʼn berekende invoerpariteitsvlak van die beste goedkoop koring wat in die wêreldmark beskikbaar is. Die koringprys herstel gewoonlik jaarliks effens vanaf Maart. Die koringmark wag ook op die bekendmaking van die koring-invoertarief. Daar word egter geen vuurwerke in verband met die prys verwag nie. Sojabone en sonneblom Die Suid-Afrikaanse sonneblom- en sojaboonprys vorm op ʼn berekende invoerpariteitsvlak, gelewer by olieperse in KwaZulu-Natal. Tans is die premie op sonneblomolie in die wêreldmark heelwat minder as n jaar en n half gelede, alhoewel dit effens herstel het. Die laer sonneblom-aanplantings en verwagte oes het die prys ondersteun. Sonneblom word meestal deur produsente gebruik om die boerdery se kontantvloeiverpligtinge na te kom. Die tydelike insinking in die wêreldekonomie het tans ʼn neerdrukkende effek op die meeste kommoditeitspryse. Graansorghum Daar was ʼn redelike afskaling in die graansorghum-aanplantings in Suid-Afrika. Die berekende oordragvoorraad is besig om te krimp. Die graansorghumprys het in die verlede die witmielieprys gevolg. Met die huidige lae witmielieprys, is die graansorghumprodusente nie in die mark nie, omdat hulle nie bereid is om teen huidige witmielieprysvlakke hul graansorghum te verkoop nie. ʼn Redelike styging bo die prys van witmielies word hierdie seisoen verwag. Volgens die onlangse oes - skat ting kan Suid-Afrika van jaar die grootste mielieoes in 29 jaar van die lande afhaal. Laat jou stem tel Senwes se klante is vir die maatskappy belangrik en daarom word daar gereeld gekyk na hoe klantetevredenheid verbeter kan word. Een van die maniere waarop Senwes jou teuredenheid verseker, is deur middel van navorsing onder klante. Vanjaar gaan daar dus weer n telefoniese opname deur The Survey Workshop gedoen word om klantetevredenheid te toets. Maak dus seker jy sê jou sê wanneer n verteenwoordiger jou bel. Lekker stories word anders vertel Vervolg van bl. 1 sal steeds ou gunstelinge soos Jagstories en Landbouwenke, wat voorheen in die Sen - wester verskyn het, dra maar daar wag n hele paar nuwe artikels en rubrieke wat daarop gemik is om produsente in te lig, te vermaak en waarde tot hul boerdery toe te voeg. Hierdeur poog Senwes om n geïntegreerde kommunikasiekanaal te skep, waar die internet, die gedrukte media en Senwes Mobi mekaar komplimenteer. Só kan jy as produsent seker wees dat die jongste inligting op jou vingerpunte beskikbaar is, terwyl jy ook waardetoevoegende boerderyinligting kan lees waar jy jouself ook al bevind. Ontmoet die span Hou dus jou posbus dop vir die nuwe tydskrif en gaan maak n draai by die NAMPO Oesdag, waar dié tydskrif en die e-nuusbrief amptelik bekend gestel sal word. Produsente wat graag Senwes se e-nuusbrief per e-pos wil ontvang, kan Senwes se webwerf by - wes.co.za besoek en klik op die blokkie wat lees: Senwes e-nuusbrief registrasie. Andersins kan jy die meegaande vorm invul en deurfaks na (018) VORM Naam en van: Besigheid se naam: Selfoonnommer: E-pos adres: BREEK NUWE GROND SENWES [Maart 2010] Senwes Scenario 3

4 GRAINLINK Hoë oleïensuur sonneblom dalk oplossing vir vraag na gesonder olies Mariana Purnell Bestuurder: Spesialiteitsprodukte, Senwes Grainlink Hoë oleïensuur sonneblom (HOSO) bied n gesonder keuse aan die voedselbedryf en die vraag daarna het onder olie-pro - sesseerders en kommersiële verbruikers van olie, toegeneem. Gevolglik is Senwes besig om ondersoek in te stel na HOSO. In samewerking met Syngenta, Agricol en Pannar, gaan Senwes HOSO-kultivars in demonstrasieblokke op geselekteerde plase in die Noord-, Oos- en Suid-Vrystaat evalueer. Die HOSO-kultivars demonstrasierye sal afgewissel word met die tradisionele sonneblom-kultivars van die produsent se voorkeur, sodat dit met mekaar vergelyk kan word. HOSO kan as slaaisous of vir diepgebraai gebruik word. HOSO-olie het verskeie voordelige eienskappe, soos n langer raklewe en groter stabiliteit tydens die braaiproses. Die identiteitpreservering van so n kommoditeit sal tot n produk van hoë gehalte lei. HOSO-tegnologie is egter nuut en die kultivars is slegs die afgelope jaar of twee beskikbaar. Tans is daar slegs n paar saadmaatskappye by die ontwikke - ling en produksie van HOSO-kultivars betrokke en gevolglik is die beskikbaarheid van saad beperk. blomkultivars. Verskeie produsente toon belangstelling in HOSO, maar is traag om betrokke te raak by grootskaalse aanplantings. Konvensionele sonneblom-aanplantings in Suid-Afrika het geweldig uitgebrei, maar die verbruikers van plantaardige olies het aan prosesseerders van die rou produk aangedui dat die voedselsektor olie benodig wat aan verbruikers n gesonder keuse bied. Diversifikasie binne die sonneblombedryf is dus nodig en HOSO kan die oplossing wees waarna sonneblomprodusente soek. Om meer produsente bewus te maak van HOSO en hulle in te lig oor die moontlikhede van vroeë toegang tot hierdie nuwe mark, het Senwes en sy vennote demonstrasieblokke op die plase van drie prominente sonneblomprodusente naby Heilbron, Kroonstad en De Brug aangeplant. Senwes het gedurende 2008 bewus geword van die behoefte vir HOSO, maar kon geen geskikte produksie aan die aanbodkant kry nie. Sonneblomprodusente is skepties oor die nuwe kultivars en betwyfel hul produksiestabiliteit. Die algemene persepsie is dat HOSO-kultivars n laer opbrengs het as konvensionele sonne - Inligtingsdae sal by hierdie aanplantings gehou word, waartydens produsente die onderskeie HOSO-kultivars kan besigtig en verdere inligting inwin. Senwes se verkrygers en akkerbouers in die drie ge - biede sal die datums vir die inligtingsdae binnekort aan produsente deurgee. Grainlink personeel tot jou diens Eran Wilson Nic Schulenburg CREDIT Is jy reg vir R1 miljoentrekking? Senwes se gewilde R1 miljoen-trekking vir vanjaar is om die draai! Onthou, slegs klante wat teen 30 April 2010 n somerproduksie finansiering-rekening by Senwes het, staan n kans om te deel in die fantastiese voordele wat dié trekking jou bied. Skakel jou Sleu tel reke ningbe - stuurder, Kredietbe stuurder, Insetbe - mar ker of Village-winkelbe stuur der vir meer inligting. Senwes Malawi se Besturende Direkteur, Eran Wilson, is van 1 Maart vanjaar by Senwes Grainlink se Malawikantoor gestasioneer. Eran se loopbaangeskiedenis sluit ondervinding by National Milling, Masstock Africa en Starke Ayres in. Onder sy kwalifikasies tel n Nasionale Diploma in Aankoopbestuur, n Bemarkingsdiploma (Unisa), n MBA (Universiteit van Witwatersrand) en verskeie ander kursusse. Eran se passie is om nuwe besigheidseenhede op die been te bring en hy sien uit daarna om die kantoor in Malawi as n funksionele eenheid van Senwes te vestig. Nic Schulenburg is sedert 5 Januarie vanjaar as Assistent Hoofbestuurder: Graanbedryf, aangestel. Nic het voorheen by Standard Bank as Landbou-ekonoom gewerk, sowel as by Louis Dreyfus en Noble Resources. Hy het sy BCom-graad, met landbou-ekonomie as hoofvak, aan die Universiteit van Stellenbosch voltooi en sy Honneursgraad by die Universiteit van Pretoria verwerf. Kry n Senwes termynlening Finansier nou jou grond-aankope en ander langtermyn finansiële behoeftes met n Senwes termynlening. Skakel Senwes Credit of gesels met jou Inset - bemarker, Sleutel rekeningbe stuur der of Kredietbe stuurder by (018) vir meer inligting. 4 Senwes Scenario [Maart 2010] BREEK NUWE GROND SENWES

5 VILLAGE Bloemfontein Village se strategie vir groei steel die kollig Die Bloemfontein Village het in Desember 2009 opslae gemaak toe dit die grootste omset in die geskiedenis van Senwes Village gelewer het. Dié omset was 12,2% hoër as dié van dieselfde maand in 2008, wat n uitsonderlike landboujaar was. In Januarie vanjaar het Bloemfontein Village egter weer die kollig gesteel deur, in vergelyking met verlede jaar dieselfde maand, n 14,3% verbetering aan te teken. Wen met Village se promosie Senwes Village bied van 19 Maart tot 6 April n Paaspromosie aan. Dit is hoofsaaklik ʼn buitelewe- en tuinpromosie, maar verskeie selfdoenprodukte is ook beskikbaar. ʼn Kom - pe tisie word saam met die promosie aangebied: jy kan een van vyf Cadac braaiketels (57 cm) wen deur jou naam op die kompetisiestrokie agter op die pamflet in te vul en in die verskafte houer by die winkel te plaas. Maak dus n draai by jou naaste Village en jy wen dalk n Cadac braaiketel! Riaan Wilken (Bestuurder: Bloemfontein Village), het die sukses van die winkel toegeskryf aan die kombinasie van ʼn paar veranderings wat oor tyd aangebring is. Eerstens is die winkel in Maart verlede jaar van n donker, stowwerige, beknopte winkel opgegradeer en omtower in n helder, netjiese winkel met meer spasie en genoeg inkopiewaentjies. Verder is die grootste hoeveelheid promosies ooit aangebied en baie moeite is gedoen om nie net klante te lok nie, maar ook ʼn beter inkopie-ervaring te bied. Die belang rikste is seker dat ons begin het om n kultuur van vriendelikheid en hulpvaardigheid te kweek, het Riaan gesê. Ons wil graag ʼn goeie diens lewer. Riaan Wilken (Bestuurder: Bloemfontein Village) het in verlede jaar twee PMR-toekennings in ontvangs geneem vir Prestasie en Leierskap in die Vrystaat. Praat met Senwes oor koring Produsente kan begin aansoek doen vir koringproduksiekrediet hoe gouer, hoe beter! Gesels gerus met jou naaste Insetbemarker of Sleutelrekening bestuur - der oor wat Sen wes jou kan bied voordat jy begin planne maak om koring te plant. Jy kan ook by jou naaste Senwes Village vir koringsaad aanklop. GRAINLINK Grainlink plaas fokus op spesiale projekte Die graanmark is n dinamiese omgewing waar klante se behoeftes voortdurend verander. Aan die afnemerkant fokus klante toenemend daarop om graan met die regte kwaliteitseienskappe teen mededingende pryse aan die verbruiker beskikbaar te stel. Hiermee saam is die fokus aan produsentekant toenemend daarop gerig om die duur belegging in kapitaaltoerusting (veral stropers) te optimaliseer, terwyl daar gepoog word om die geriefselement uit die belegging te maksimeer. Senwes Grainlink is bewus van die verandering in die behoeftes van sy klante en het vir dié doel in Januarie vanjaar n Spesiale Projekteafdeling op die been gebring. Hierdie afdeling sal daarop fokus om in sy klante se spesifieke en eiesoortige behoeftes te voldoen. Die afdeling voeg spesialiteitsprodukte, alternatiewe opberging en die graanlaboratorium onder een sambreel saam, ten einde n soomlose verskaffingskanaal aan graanafnemers verder te ontwikkel en uitnemende diensvlakke te handhaaf. Die identifisering van spesialiteitsprodukte, bewaring van die spesiale eienskappe daarvan en die ontwikkeling van n konstante voorsie - ningskanaal wat dié spesifieke kwaliteite aan graanafnemers bied, sal die fokus van die afdeling wees. Daardeur wil Spesiale Projekte n konstante vraag na spesifieke gehalte en ander eienskappe ontwikkel. Aktiwiteite sluit goeie maalkwaliteit-graan in, ten einde vir meulenaars n beter maalopbrengs te lewer; sonneblom met n hoë olie-inhoud, waaruit persers n groter volume olie kan pers; GMO-vrye mielies vir spesifieke behoeftes; vermoutingsgars vir brouerye; hoë oleïensuur sonneblomme vir die gesondheid- en kosmetiese mark en verskeie ander produkte wat spesiale aandag verg en noukeurig hanteer en bestuur moet word. Die gevorderde laboratorium van Senwes Grainlink sal in die bepaling en verfyning van spesifieke karaktereienskappe aangewend word, met die nodige metodes en toerusting om dit te identifiseer en te meet. Die laboratorium sal deurlopend kwaliteitstoetse op spesialiteitsprodukte uitvoer om te verseker dat graanafnemers produkte van hoogstaande gehalte kry. Optimale benutting van bestaande graanhanteringstrukture en handhawing van die hoogste gesondheidstandaarde verseker dat die vraag na spesialiteitsprodukte deurlopend en betroubaar voorsien kan word. Alternatiewe strukture sal, waar nodig, benut word om die vraag na spesialiteitsprodukte verder te ontwikkel en te ondersteun. André Erasmus is aangewys as die Bestuurder van Senwes Grainlink se nuutgevestigde Spesiale Projekte-afdeling. Skakel hom by (018) vir meer inligting rondom die afdeling. BREEK NUWE GROND SENWES [Maart 2010] Senwes Scenario 5

6 VILLAGE Kapasiteit by werkswinkels uitgebrei As deel van Senwes Meganisasie se verbintenis tot uitnemende klantediens, is daar gekyk na die uitdagings wat as gevolg van n tekort aan tegnici by sekere werkswinkels voorgekom het. Deel van die strategie om hierdie uitdagings aan te pak is die aan stel van gekwalifiseerde tegnici om die kapasiteit by die werks winkels te verhoog. Daar is ook reeds twaalf vakleerlinge wat praktiese ervaring by die werkswinkels opdoen en Senwes beplan om binne kort n verdere twaalf vakleerlinge aan te stel, wat die totaal van vakleerlinge tot by 24 bring. Klante kan dus uitsien daarna om uitnemende diens by die Senwes Meganisasie werkswinkels te ervaar. Daar is in die afgelope tyd ook prosesse in plek gestel om klantediens te verbeter en te monitor. Klantetevredenheid is deel van Senwes Village se fokuspunte, het Sarel Greyling (Bestuurder: Senwes Mega nisasie) gesê. Vier van die gekwalifiseerde tegnici wat eersdaags diens sal lewer by Senwes Meganisasie se werkswinkels, is (van links): Schalk Taljaard (Hartbeesfontein), Wikus Joubert (Bothaville), Eben du Toit (Parys) en Daniel Jacobs (Bultfontein). Gou spring of dié aanbod is verby! Senwes Meganisasie bied tans aan klante spesiale aanbiedinge op uitgesoekte heelwerktuie. Die aanbod is geldig tot 24 April 2010 of terwyl voorraad hou. Die aanbod sluit n verskeidenheid van heelwerktuie in, soos kalk- en kunsmisstrooiers, hooimaaktoerusting, grondwerktuigtoerusting en verskeie ander. Skakel met jou naaste Senwes Heelwerktuigbemarker of kyk na die Februarie-uitgawe van Senwester vir meer inligting oor die promosie. Fokus op klantediens word meer prominent Senwes Village plaas vanjaar n sterk fokus op die vestiging van die waardeproposisie onder Village personeel. Die doel van die waardeproposisie is om n kultuur van dienslewering te vestig, sodat klante n positiewe ervaring, gekenmerk deur uitnemende diens, geniet wanneer hulle Senwes se Villages besoek. Jan Coetzee Om dié fokus te bestuur, is Jan Coetzee (voorheen Bestuurder: Kleinhandel) as Bedryfsbestuurder: Kleinhandel aangestel. Hy sal veral fokus op die opleiding van Village personeel in dienslewering, hantering van klagtes en produklewering, sowel as dissipline by winkels in die uitvoering van hul taak. Die fokus op klante is vir Senwes Village só belangrik dat die klanteforums opnuut afgestof gaan word, om ook hierdie voertuig te gebruik om behoorlike skakeling met klante te bewerkstellig. Welkom-klant wen in geluktrekking Senwes Welkom het verlede jaar n promosie gehad waar n gelukkige klant n splinternuwe televisiestel kon wen, met enige aankope wat tot einde September gedoen is. Mnr Anderson van Welkom (regs) was die wenner van die Sony Bravia televisiestel, ter waarde van R Hier wens Jaco van Graan (Bestuurder: Senwes Village Welkom) hom geluk met die meevaller. 6 Senwes Scenario [Maart 2010] BREEK NUWE GROND SENWES

7 ALGEMEEN Vra Senwes se veekenner oor jou vee Izak du Plessis is in Januarie vanjaar as Diereproduksiespesialis (Veekundige) by Senwes se Landboudienste-afdeling aan - gestel. Sy kwalifikasies sluit n MSc-graad in Veekunde, wat hy aan die Universiteit van Stellenbosch verwerf het, sowel as n honneursgraad van die Universiteit van Pretoria, in. Izak was voorheen as Vee - kundige Landbounavorser by die Mara Navorsingstasie in Louis Trichardt werksaam. As Diereproduksie spesialis sal Izak die hele Senwes gebied bedien, hoewel hy by die Senwes Village op Kroonstad gestasioneer is. Stuur n e-pos na izak.duplessis@senwes.co.za vir verdere navrae. Izak du Plessis Winter-produksiebegrotings nou beskikbaar! Produksiebegrotings vir die 2010-wintersei - soen is nou by Landbou dienste beskikbaar. Vir enige navrae of versoeke, kontak Ramondé Odendaal (Landboudienste, HK) by of stuur n e-pos na ramonde.odendaal@senwes.co.za. Graduate programme well under way The first ever Senwes Graduate programme officially started on 15 February 2010, giving graduates with no work experience a chance to be professionally trained in different disciplines (including Information Technology, Human Resources, Corporate Finance, Grainlink Marketing, Credit and Village Retail) at Senwes. The graduate programme is part of a Senwes programme to identify talented graduates and develop them into future leaders. The exciting new programme includes an introduction to Senwes and the opportunity to engage in real work projects, as well as leadership and business training to improve personal skills. Before starting the programme though, the twelve candidates had to go through a formal application and extensive selection process, where they were hand-picked to be the future graduate trainees in their respective fields of interest. The structured graduate programme will run over a twelve month period, during which broader functional disciplines will be covered to make sure the graduates fully understand the Senwes value chain. The first few months will be a rotation period where graduates can get a feel for all the different areas in their respective divisions. For the remainder of the programme they will specialise in a certain field. All graduates will have allocated mentors to help with their training. The twelve graduates that form part of the Senwes Graduate Programme. In front (from left): Simphiwe Ndlovu, Bophelo Hobe, Brenda Steenkamp, Tshegofatso Rasemane, Yaseen Ismail and Freelance Khambako. At the back (from left): Yvonne Monnamme, Mohamed Bata, Edwin Mosalaesi, Adriaan Engelbrecht, Stephan le Roux and Leon van Tonder. Enjoy a DVD on a rainy day Who doesn t enjoy watching a movie or two on a rainy day? In this last printed edition of Scenario, you stand the chance to win a Logik DVD player, worth R350, to keep you, or the children, busy when you can t send them outside to play. Answer the simple question below and send your answer to: Infoworks (For attention: Elizma Myburgh), Postnet Suite 32, Private Bag x10, Flamwood, 2572 to stand a chance of winning this prize. You can also send a fax: (018) or to admin@infoworks.biz. Question: What is the name of the new Senwes magazine, that will be launched in May this year? Congratulations to Paul Roux from Viljoenskroon, who won a digital photo frame in our previous competition. Entry form Name and surname: _ Senwes member number: _ Address: _ Tel: _ Answer: _ Rules Only Senwes clients may enter the competition Senwes personnel may not enter The closing date for the competition is Friday, 30 April 2010 The prize may not be exchanged for cash Prizes will be sent to the nearest retail shop where the winner can collect it # BREEK NUWE GROND SENWES [Maart 2010] Senwes Scenario 7

8 Om te vernuwe ons enigste hoop Die vlag hang halfmas want my ou vrind, Grobbies, het onverwags vertrek. En op n vreemde manier het ek gedink ons stoepparlement is buite die aanslag van tyd verwyder van die angel van die dood en afgeskerm van iets soos n hartaanval in die bakkie langs die mielieland. Kopie: Johan Smit Skets: Weyni Deysel Só verhandel die aandele Die volgende volumes Senwes- en Senwesbel aandele het gedurende Oktober 2009 tot Januarie 2010 verhandel: Oktober 2009 November 2009 Desember 2009 Januarie 2010 Getal Senwes aandele R7,00 tot R7,10 Getal Senwesbel aandele R4,00 tot R4,10 Getal Senwes aandele R6,75 tot R7,10 Getal Senwesbel aandele R3,95 tot R4,10 Getal Senwes aandele R6,75 tot R7,55 Getal Senwesbel aandele R4,00 tot R4,50 Getal Senwes aandele R7,50 tot R7,60 Getal Senwesbel aandele R4,50 tot R4,60 Belangstellende kopers of verkopers kan vir Ansa van Vuuren by Senwes se verhande - lingskamer by (018) skakel. Besonderhede van aanbiedinge is ook daagliks op Senwes se webtuiste, by beskikbaar. Hulle sê dit ook van opregte predikante, maar boerdery is regtig n roeping. Soos n sendeling in n vreemde land wat deur n passie aangedryf word, durf n boer die stryd aan: meestal teen die onbekende. Ons staan kniediep in veranderlikes en die ironie is dat verandering een van die enigste konstante faktore is. Ken mense regtig n boer se binnestryd? was my ou vrind se laaste opmerking hier op die stoep. Klimaat, vraag en aanbod, insetkoste, eiendomsreg, plaasveiligheid, diefstal, groot volumes graan, versus jou ongetemde liefde vir die oop ruimte, die onuitspreeklike asemrowendheid van die natuur, die durf om elke seisoen n opelugfabriek te bedryf. The quicker you let go of old cheese, the sooner you find new cheese, het ene Spencer Johnson gesê. Aanpas - sing en verandering bly die norm vir oorlewing en groei in die landbou. As jou gemoed oop is vir vernuwing en jy kans sien om in pas te bly met die spoed op die landbousnelweg, ís landbou steeds n standhoudende sektor om aan deel te neem. Gepraat van vernuwing, ek hoor ons maatskappytjie se tydskrifte, Senwester en die Scenario inligtingsblad, word vervang met n nuwe formaat klantetydskrif wat ses keer n jaar verskyn, asook n elektroniese nuusbrief wat tien keer n jaar beskikbaar gaan wees deur e-pos of op jou selfoon. Die webwerf word ook opgekikker en kry n rits nuwe kenmerke by wat goeie ekstra waarde sal toevoeg. Hierdie boerseun is alles behalwe n internet-kenner, maar na die kinders my geleer het om e-posse te gebruik, het ek op n internet-kletskamer afgekom nou nie dat dit ooit die waarde van my en Grobbies se stoepparlement sal kan vervang nie, maar, soos n sendeling, sal ek ons saak nou verder uitdra. Ek salueer my ou vrind vir ons gedugte dinkskrum, wat die gewete van die boerdery-omgewing en n tellinghouer van dinamika was. In plaas van die stoeplig, skakel ek saans die rekenaar af en dit is vir my n nuwe kaas, maar ek gaan aan, want om te vernuwe is ons enigste hoop. REDAKSIE: Johan Grobler Johan Smit Elmarie Cronje (018) johan.grobler@senwes.co.za (018) johan@infoworks.biz (018) elmarie@infoworks.biz Senwes Scenario is n bedryfsinligtingsblad wat vyf keer per jaar in opdrag van Senwes Korporatiewe Bemarking deur Infoworks saamgestel en uitgegee word. SUBSKRIPSIE: Marie Erasmus (018) marie.erasmus@senwes.co.za BLADUITLEG EN DRUK: Infoworks (018) Alle regte van die inhoud van Senwes Scenario word voorbehou ingevolge Artikel 12(7) van die Wet op Outeursreg. Die eienaar en uitgewer aanvaar nie aanspreeklikheid vir enige uitla tings deur skrywers of medewerkers nie. 8 Senwes Scenario [Maart 2010] BREEK NUWE GROND SENWES