uitgawe In dié Marksituasie vir grane [2] Dit is nou makliker om n Senwes bedryfspunt te vind [6] Moderne tegnologie dra by tot klantediens [4]

Transcription

1 SENWES GRAINLINK SENWES VILLAGE SENWES CREDIT Vol 4/2009 Inligtingsblad vir klante van Senwes November 2009 Skouspel kersie op die koek vir Senwes eeufees Senwes se 100-jaar vieringe is in styl afgesluit met die groot hoogtepunt Huisgenoot Skouspel, aangebied deur Senwes wat die aand van 9 Oktober by Sun City aangebied is. Dié dag is gevolg deur die Senwes/Huisgenoot Prestige Gholfdag, wat op 10 Oktober op die Gary Player-baan plaasgevind het. Net voor die aanvang van die Skouspel-vertoning, het Johan Dique (Besturende Direkteur) en Japie Grobler (Voorsitter) n gesamentlike groeteboodskap aan klante, verskaffers, personeel en vriende van Senwes gelewer. Met dié boodskap is hulde gebring aan alle belanghebbendes se bydraes tot Senwes se geskiedenis én die rol wat hulle in die toekoms gaan speel. Die Senwes-lied, My Land, wat spesiaal vir die 100-jaar vieringe gekomponeer is, het ook deel van die vertoning uitgemaak. Senwes het 50 kinders van die Abraham Kriel-kinderhuis op Potchefstroom geborg om die vertoning as gaste by te woon. Die vertoning is deur n busrit en n sonnige dag vol pret by die Valley of the Waves-waterpark, voorafgegaan. Die spesiale Skouspel-vertoning is deur sowat verskaffers, klante, perso - neel en vriende van Senwes bygewoon. Van dié gaste het 100 die volgende dag vir die Senwes/Huisgenoot Prestige Gholfdag afgeslaan. Jaco Kriel (Agrinet) en Dries Kruger (Direkteur: Senwes) het die dag as kompetisiewenners afgesluit. Volgens Johan Dique het Senwes oorweldigend positiewe terugvoer oor die Skouspel-vertoning ontvang. n Kombinasie van Senwes se 100ste en Huisgenoot Skouspel se 10de verjaarsdag het gesorg vir n ongelooflike vermenigvuldigingseffek, met n viering van kreatiwiteit, talent, sukses en professionaliteit as gemene deler, het Johan gesê. Kyk uit in die Senwester Desember-uitgawe vir meer inligting en foto s oor die Skouspel-vertoning, sowel as n terugblik op Senwes se 100-jaar vieringe. Senwes sal binnekort n DVD van die Skouspel-vertoning te koop aanbied. Helena Hettema en Théan Kotze het My Land tydens die vertoning met oorgawe gesing. In dié uitgawe Marksituasie vir grane [2] Moderne tegnologie dra by tot klantediens [4] Dit is nou makliker om n Senwes bedryfspunt te vind [6] Direkteure by Jaarvergadering herkies [7]

2 GRAINLINK Thys Grobbelaar bied Senwes Grainlink se markverslag aan, weeksdae om 13:15 op Ofm. Marksituasie vir grane Thys Grobbelaar Graananalis: Senwes Grainlink Die graan- en oliesadepryse is die afgelope twee maande redelik volatiel. Daar is wel n styging in die geval van sekere kommoditeite te bespeur, wat deur dalings onderbreek word. Hierdie dalings is gewoonlik winsneming deur die markdeelnemers. Indien na die wêreld se makro-ekonomiese indikatore (soos energiepryse, aandeleindekse en die prys van buite-kommoditeite) gekyk word, blyk dit of daar wel n herstel te bespeur is. Indiensnemingsyfers en sakevertroue-indekse is ook besig om wêreldwyd te herstel. Die fundamentele faktore is in die algemeen redelik positief in die geval van mielies en oliesade, maar nie so sterk dat dit n stewige lopie in die pryse van kommoditeite kan bewerkstellig nie. Indien na die USDA maandverslag se vraagen aanbodsyfers vir Oktober 2009 gekyk word, blyk dit dat veral die wêreld en Amerikaanse mielie-oordragvoorraad onder druk verkeer, nieteenstaande die strawwe wêreldresessie. Die berekende verbruik van mielies is hoër as die produksie daarvan, wat veroorsaak dat daar op oordragvoorrade ingeteer word. Weens mielies se gunstige produksieverhouding in vergelyking met ander kommersiële gewasse, is die gewas meer geskik vir die vervaardiging van biobrandstof, stysels, veevoere en versoe - tingstrope. Die huidige wêreldresessie het nie veel aan die fundamentele ondertoon van mielies verander nie. Die verwagting is dat n herstel in die wêreldekonomie die vraag na mielies drasties kan laat verander. Dit kan die prys baie ondersteun. Die wêreldproduksie en -verbruik van mielies het die afgelope 15 jaar basies verdubbel. Die internasionale situasie rakende koring - oordragvoorraad en prys is egter nie so belowend nie. Amerika sit met n berekende oordragvoorraad as persentasie van verbruik van by die 70%. Dit sluit uitvoere uit. Die Gewas Oppervlakte: aanplantvoorneme 2010/2011-bemarkingseisoen (x ha) wêreld se oordragvoorraad as persentasie van verbruik staan by 30%. Veral die voormalige Russiese Federasie state het hulle aanplantings uitgebrei. Die koringverbruik in die wêreld het baie stagnant gebly, aangesien koring se produksieverhouding ten opsigte van ander grane baie ongunstig is. Dit maak koring asook stysel en versoeterstrope, ongewild as grondstof vir eta nol - produksie. Internasionale graansituasie Volgens die nuutste USDA vraag- en aanbodverslag, verwag die Amerikaners n re - kord-opbrengs van 10,3 ton/ha vir hierdie seisoen. Die totale oes is ook die tweede grootste in die geskiedenis. Dit het die CBTprys van mielies baie laat ontspan en die prys het net bo die $3/bu gedraai teen einde Mei vanjaar. Die oes is egter baie laat en koue, nat toestande het vrese laat ontstaan dat opbrengsverliese moontlik is en dat graadprobleme nie uitgesluit is nie. Die mielieprys het intussen omgedraai en net bo $4/bu in die begin van Oktober gedraai. Dit blyk of die Amerikaanse en wêreldekonomie tans sterk tekens van herstel toon, wat kommoditeits pryse in die algemeen kan ondersteun. n Mielieprys van hoër as $4/bu word net na die stroopdrukte in die vooruitsig gestel. Die fundamentele faktore is in die algemeen redelik positief. Nieteenstaande die wêreldresessie, is die wêreld en die VSA besig om in die oordragvoorrade in te teer. n Herstel in die wêreldekonomie kan die mielieprys na heelwat hoër vlakke neem. Die situasie ten opsigte van koring is egter oor die kort termyn nie so positief nie. Die Tabel 1: Die eerste someroesskatting vir die 2010/2011-bemarkingseisoen en die derde oesskatting vir koring volgens die NOK. Oppervlakte: 2009/2010- bemarkingseisoen (x ha) internasionale koringprys toon n dalende tendens sedert die derde kwartaal van Daar is wel stadiums wat die prys tekens van herstel getoon het, hoofsaaklik as gevolg van die verswakking van die dollar. Die be - rekende wêreld en VSA oordragvoorraad is besig om te styg. As persentasie van verbruik is die oordrag - voorraad ±30% vir die wêreld en ± 70% in die geval van die VSA. Dit werk baie nadelig op die prys in. Die hoofredes hiervoor is normale opbrengste in Australië en Argentinië en drastiese uitbreidings in veral die Noor - delike Halfrond. Die ongunstige produksie - verhouding in vergelyking met mielies het tot gevolg dat koring as graangewas ongewild is om as biobrandstof, bestanddeel vir veevoer en ander industriële doeleindes gebruik te word. Die prysvooruitsigte vir koring is nie baie rooskleurig vir die volgende twee jaar nie. Wat sojabone betref, het die internasio nale prys n redelike herstel getoon sedert die tweede kwartaal van Die prys het by $12,6/bu op CBT gedraai. Die Amerikaners verwag die grootste sojaboonoes in die geskiedenis. Kompetisie met veral kanola, wat in die Noordelike Halfrond baie meer aangeplant word en die feit dat die Chinese vir n tyd uit die mark was met invoere, het druk op die prys geplaas. Die afgelope koue en oornat toestande in die VSA, asook die herstel in die wêreldekonomie en hoër ruoliepryse, ondersteun tans die sojaboonprys. Sojaboon-oordragvoorrade is besig om wêreldwyd te styg, wat die prys oor die kort termyn op die huidige vlakke kan hou. Verskil tussen seisoene (x ha) Persentasie verskil Witmielies 1 644, ,0 +155,5 +10,4% Geelmielies 927,5 938,5-11,0-1,2% Mielies totaal 2 572, ,5 +144,5 +6,0% Sonneblom 452,5 635,8-183,3-28,8% Graansorghum 70,0 85,5-15,5-18,1% Sojabone 271,0 237,75 +33,25 +14,0% Oppervlakte: (ha) Derde oesskatting (x ton) Tweede oesskatting (x ton) Verskil (ton) Koring , , Vervolg op bl. 3 2

3 GRAINLINK Marksituasie vir grane Vervolg van bl. 2 Plaaslike situasie vir Suid-Afrikaanse grane en oliesade Mielies Die Safex-mielieprys het sedert die middel van 2008 n sterk dalende tendens getoon. Die Safex-prys het die Amerikaanse mielieprys vir meer as n jaar slaafs gevolg. Die verster - kende rand en hoë berekende oordragvoorraad is die hoofrede vir die daling. Uitvoere na sub-sahara die afgelope paar maande het die oordragvoorraad van veral witmielies redelik laat krimp. Die Nasionale Oesskattingskomitee (NOK) het met die aanplantvoornemeverslag aangedui dat hulle verwag dat hektaar meer witmielies die komende seisoen aangeplant gaan word. Sou n gemiddelde opbrengs (vyfjaar gemiddeld) realiseer met dieselfde verbruik as hierdie bemarkingsjaar, kan Suid-Afrika die jaar met n baie knap witmielie-oordragvoorraad afsluit. Dit is gebaseer op n verwagte 1,2 miljoen ton se uitvoere na sub-sahara, wat die prys baie sterk kan ondersteun. Aangesien die gevolg van n El Niño-klimaatsverskynsel baie uiteenlopend kan wees, met drastiese lae opbrengste en selfs hoër as gemiddelde opbrengste wat kan realiseer, is die mark baie onseker. Dit maak die prysbeweging volatiel. Produsente moet in hul bemarkingstrategie die potensiële styging kan benut. n Baie groot oes die komende seisoen kan egter pryse sterk onder druk plaas. Koring Die koringprys volg die internasionale prys sedert middel 2008 afwaarts. Die sterk rand is n verdere negatiewe faktor. Suid-Afrika moet ± 1 miljoen ton koring invoer en die nasio nale koringprys vorm op n berekende invoerpariteitsvlak. Goedkoop Oekraïniese en Duitse koring plaas ook druk op die Suid-Afrikaanse koringprys. Koring se prys kan slegs begin styg indien die internasionale prys styg of die rand baie verswak. Die inwerkingstelling van n invoertarief is seker al maatreël wat die koringbedryf teen n algehele ineenstorting kan beskerm. Produsente sal n deeglike beplanning moet doen alvorens koring in hul gewasplan ingesluit word. Sojabone en sonneblom Die sonneblomprys het sedert middel 2008 n dalende tendens getoon. Een van hoofredes is dat daar op n stadium n $700/ton-premie op sonneblomolie in die wêreld was. Die premie het intussen verdwyn en soja- en sonneblomolie verhandel op dieselfde vlak. Die sterker rand en groot berekende oordragvoorraad is n verdere negatiewe faktor. Met die aanplantvoorneme wat deur NOK uitgebring is, dui die NOK aan dat hulle verwag dat hektaar minder aangeplant gaan word. Teen n vyfjaar gemiddelde opbrengs met die berekende oppervlakte, sal Suid-Afrika moontlik sonneblom moet invoer. Die aanplantvoorneme-oppervlakte is baie tentatief en mag baie verander. Dit het n tydelike styging in die prys veroorsaak. Die wisselkoers, internasionale oliesadekomplekspryse en ruoliepryse is prysbeïnvloedingsfaktore wat eers sal moet verander voordat daar n drastiese styging in die prys gaan wees. Neem finansiering op en wen met Senwes! n Opwindende nuwe formaat is in die vooruitsig vir Senwes se gewilde R1 miljoentrekking, wat volgende jaar voortgesit word. Jy kwalifiseer egter outomaties vir die kompetisie deur somerproduksiefinansiering vir die 2009/2010-jaar by Senwes op te neem. Met die nuwe formaat staan produsente wat kwalifiseer steeds n kans om fantastiese voordele te wen! Skakel jou Sleutel reke - ningbestuurder, Kredietbe stuur der, In set - bemarker of Village-winkelbestuurder vir meer inligting. High Commissioner of Kenya visits Company The High Commissioner of the Republic of Kenya, Mr Tom Amolo, visited Senwes Grainlink during September. During the visit, Mr Amolo learned more about Senwes as a whole, as well as the company s role within the grain industry. Senwes Grainlink is currently looking into the possibility of forming a company in Kenya and have already appointed an agent in the country. Mr Amolo has given his approval to Senwes s involvement in Kenya. Graansorghum Die situasie het hier nie veel verander sedert die verskyning van die vorige publikasie nie. Met die huidige oordragvoorraad vorm die prys op n vlak van 90% van die Safex Rand - fontein witmielieprys. Daar was vir kort periodes wel premies in die mark maar dié het intussen verdwyn. Tans wil produsente nie teen dié vlakke verkoop nie en kopers wil ook nie koop nie. So is daar dus nie veel van n prysbeweging nie. Die laer aanplantvoornemeoppervlakte kan ten minste verseker dat sorghum die betrokke prysvlak in die komende seisoen kan handhaaf. Koringtariewe vir 2009/2010 Christo Booyens (Assistant General Manager: Senwes Grainlink), Martin Carberry (Director: Moloko hotels and resorts), Francois Strydom (Director: Operations, Senwes), Tom Amolo, Andrew Martalas (Assistant General Manager: Grainlink International, Senwes) and Pieter Esterhuysen (General Manager: Senwes Grainlink). Die volgende tariewe geld vir die lewering van koring vir die 2009/2010-seisoen: Hanteringstarief Opbergingstarief Plafonbedrag R38 per ton 60c per ton per dag R98 per ton per jaar Let wel: Bogenoemde tariewe sluit nie BTW in nie. Vir verdere navrae oor tariewe en winteroesreëlings, skakel jou Silobestuurder of Grainlink Graanverkryger. 3

4 GRAINLINK Moderne tegnologie dra by tot klantediens Hoëgehalte klantediens is vir Senwes uiters belangrik en dra nie net by tot die bereiking van Senwes se visie nie, maar help ook om klante se skakeling met die Maatskappy n gemaklike en aangename ervaring te maak. Senwes Grainlink se voortdurende strewe na kwaliteit, beteken dat opleiding van personeel, moderne tegnologie en gevorderde toerusting n belangrike steunpilaar vir dié afdeling is. Senwes Grainlink se graanbunker op Tadcaster in die Vaalharts-gebied is reeds n innoverende idee wat voortgesit word in die gebruik van die nuutste tegnologie by hierdie bedryfspunte. Hierdie alternatiewe opbergingstruktuur is ook as Voedsel Besig - heid Operateur (VBO) by die Depar tement van Landbou, Bosbou en Visserye geregistreer. Die fasiliteit word gevolglik aan roetine HACCP-oudits onderwerp. Nuwe prosedures ten opsigte van die standaarde en gepaardgaande prosesse by bunkers en alternatiewe opberging is geformuleer vir insluiting in die HACCP-handleiding. n Mobiele hopper is een van die tegnologiese verbeterings wat by die graanbunker geïnstalleer is. Hierdie toerusting is verskuifbaar van perseel tot perseel en boonop VILLAGE koste-effektief. Dit kan n groot vrag graan teen n vinnige tempo kafdraf. Daar is ook n mobiele skoonmaakmasjien, wat spesifiek vir die skoonmaak van graan by die bunker gebruik word, maar ook by die silo s kan diens doen. Dié stukkie tegnologie werk ook teen n hoë tempo om graan vinnig te sif en n koste-effektiewe oplossing te bied. Senwes se deurvoerpunte skep n fasiliteit vir produsente om graan af te laai, wat dan deur Senwes self na die silo s vervoer word. Hierdie deurvoerpunte is van die eerste in hul soort in die landboubedryf en bied ook die normale dienste wat produsente by silo s verwag soos gradering, inweeg en kwali - teitbepaling van graan. Die twee deurvoerpunte is te vinde op Grootpan tussen Hoopstad en Bultfontein, sowel as by Hoopstad-depot tussen Hoop - stad en Hertzogville. Vir meer inligting oor Senwes Grainlink se graanbunker of deurvoerpunte, skakel Alex Kock by (018) Dieselkarre teen n spesiale prys NIC Trailers het nou dieselkarre teen n spesiale prys beskikbaar. Dié dieselkarre is SABS-gesertifiseerd en in liter en liter beskikbaar. Die karre beskik oor n poli-etileen houer, wat nie verskilfer of deur die son stukkend gebrand kan word nie. Dit het ook n 12-volt pomp met n dieselmeter, is padvaardig en kom standaard met n brandblusser. Klop by dié manne aan vir Village-hulp Gerhard Odendaal is nuut aangestel as die Bestuurder van Vaalharts Village, terwyl Len Mulder die bestuur van die Viljoenskroon Village behartig. Beide dié bestuurders het reeds hul poste opgeneem. Skakel Gerhard by (053) en Len by (056) Marius van Wyk, voorheen by Vaalharts Village werksaam, is nou die Bestuurder by Bothaville Village. Skakel hom by (056) Change will not come if we wait for some other person or some other time. We are the ones that we ve been waiting for. We are the change that we seek. Barack Obama Kunsmis en saad in voorraad Maak hierdie plantseisoen n draai by jou naaste Village handelswinkel vir kuns - mis- en saadaankope. Skakel jou naaste Village Bestuurder vir meer inligting. En onthou, voorrade is beperk, so maak seker jy is eerste daar! Kaskarre sorg vir prettige ekspo-ervaring Spesiale pryse liter R liter R Pryse sluit BTW in. Die items is dadelik beskikbaar en kan binne 48 uur afgelewer word. Skakel met jou naaste heelwerktuigbemarker of Village winkelbestuurder, terwyl voorraad hou! Vir verdere navrae, skakel Willie Dietrechsen by (018) n Voorbeeld van een van die dieselkarre, wat nou teen n spesiale prys beskikbaar is. Klerksdorp Village het onlangs sy jaarlikse ekspo aangebied. Die naweek van 9 en 10 Oktober was gevul met pret vir klante en hul kinders. Tydens die ekspo was daar verskeie uitstallers wat besoek kon word, sowel as n springkasteel vir die jonges. Die hoogtepunt van die ekspo was n kaskarresies, waarvoor laerskole in die KOSH-area kon inskryf. Op die foto is die wenners van die mees oorspronklike kaskar Laerskool President met hul Kudu-Xpress. Dié kaskar het vir Laerskool President R1 000 in die sak besorg. Die wenners van die kaskarresies was Klerksdorp Primary School, wat R1 500 gewen het. 4 ABSA Cipla Agricare Jonsson Workwear Partrite Sanlam Groep SAP Africa Ernst & Young Inc SA

5 LANDBOUDIENSTE Nuwe produsente blink uit Van Senwes se nuwe graanprodusente het in vanjaar se Graan SA 250 Ton Klub-vieringe uitgeblink. Dié vieringe vorm deel van Graan SA se Ontwikkelende Produsenteprogram. Die doel van die 250 Ton Klub is om erkenning te gee aan nuwe produsente wat die 250 ton, 500 ton of ton graan-produksievlakke bereik het. Erkenning is tydens n funksie, gehou op NAMPO Park in September vanjaar, gegee. Van links is: R.M. Ramoholi, Philip Xaba, I. Abdool, S. Jonas Mokoka, Johan du Toit (Bestuurder: Senwes Landboudienste) en P. Nolundi Msengana (voor). Senwes borg opkomende produsente Senwes borg reeds sedert die Maatskappy betrokke geraak het by die AMT-vooruitskouingskongres elke jaar n groep opkomende produsente om die kongres by te woon. Vanjaar is sewe opkomende produsente se bywoning geborg. Die registrasiefooi en twee aande se verblyfskoste is deur Senwes voorsien. Die doel van die borgskap is om dié produsente, wat ook Senwes klante is, met intydse bestuursinligting te bemagtig. Op die foto is vyf van die produsente by die kongres, saam met Sipho Lowane (Senwes Land - boudienste, regs) en Japie Fransman (Senwes Kor - po ratiewe Bemarking, vierde van regs). Vind die ideale geskenk Die Feestyd is om die draai en om jou Kersinkopies makliker te maak, bied Senwes se Villages n Kerspromosie, wat van 27 November tot 24 Desember aangebied word. Die produkreekse wat by die promosie ingesluit word, is buitelewe, gereedskap en kraggereedskap, klerereekse, elektriese toebehore, verf, tuin- en besproeiingsgereedskap, skoene, speelgoed en hondekos. Maak gerus n draai by jou naaste Village handels - winkel en vind die ideale Kersgeskenk teen n winskoop! Ervaar Skouspel in jou sitkamer Die Huisgenoot Skouspel, aangebied deur Senwes, DVD sal binnekort beskikbaar wees vir klante wat die geleentheid misgeloop het of graag n tasbare herinnering van die ervaring wil hê. Skakel Johan Grobler by (018) vir meer inligting. Hou ook Senwes se publikasies en webwerf ( co.za) dop vir meer besonderhede. Die regte inligting help met winsgewendheid Met die landbou-uitdagings wat tans plaaslik waargeneem word, is dit n kuns om suksesvol en winsgewend te kan boer. Daarom gee Senwes soveel as moontlik inligting aan produsente deur, wat hulle kan help om beter en meer effektief te boer. Senwes Landboudienste het vroeër vanjaar n reeks werkswinkels vir produsente van die Vrystaat en die Noordwes aangebied. Tydens die werkswinkels het Senwes personeel met produsente gesels oor optimale ekonomiese produksie, die landskap van Suid-Afrikaanse landbou, hoe om jou gronde maksimaal te benut en die graanmarkte. Volgens Ramondé Odendaal (Senior Land - bou-ekonoom: Senwes Landbou dien ste) is daar drie steunpilare vir winsgewendheid, naamlik bemarking, produksie en bestuur. Produsente moet weet wat hul koste is en leiding neem in die bestuur daarvan, het sy gesê. Presisieboerdery kan n handige hulpmiddel in koste-besparing wees, aldus Gerrit Oosthuizen (Senior Akkerboukundige: Senwes Landboudienste). Een van die voordele van presisieboerdery is dat jy dit kan gebruik om onder- of oorbemesting te verhoed, wat jou weer in staat stel om te spaar op jou insetkoste, het hy aan produsente by die werkswinkels verduidelik. Hy het ook gesels oor die skoonhou van oorlêlande. Hierdie onderwerpe is in artikels wat in die Senwester se Oktober-uitgawe verskyn het, behandel. Vir verdere inligting, skakel vir Ramondé Odendaal (Senior Landbou-eko - noom: Senwes Landboudienste) by (018) Nico van der Merwe (Graan-aankoper: Senwes Grainlink, Bothaville), Ramondé Odendaal en Gerrit Oosthuizen het tydens die werkswinkel op Wolmaransstad aanbie - dings gegee. Die produsente van die Wolmaransstad-distrik, wat Landboudienste se werkswinkel in dié gebied bygewoon het, is agter van links: Jaap van Rensburg (Insetbemarker: Senwes), Pikkie Labuschagne, Gerard Knoetze, JP van der Merwe en Johnny Bezuidenhout (Bestuurder: Senwes Village, Wolmaransstad). Voor sit Marius Smit, Willie Bester, Henk Coertze en Pieter van der Merwe. Brandbar Cape Gate CSE Equipment Degesch SA (Pty) Ltd Design, Layout & Print Glyn Marais Attorneys JD Botha & Sons Signs Macsteel Trading Nutri Feeds Pannar Seed (Pty) Ltd Robert Bosch (Pty) Ltd Ronin Grain Management Solutions Rovic & Leers Sasco Africa 5

6 TEGNOLOGIE Dit is nou makliker om n Senwes bedryfspunt te vind Die kontakbesonderhede-funksie van Senwes bedryfspunte op verskeie bladsye op die Internet en SENWES.mobi is aangepas. Bedryfspunte se GPS-koördinate en skakels na Google Maps, wat die gebrui ker van n presiese ligging op n kaart verskaf, word voorsien. Dit is dus nou maklik vir enige persoon om vinnig en maklik uit te vind waar n bedryfspunt geleë is. SENWES.mobi maak dit ook moontlik om enige tyd, enige plek toegang tot hierdie hulpbron via jou selfoon te verkry. Vind silo-koördinate en hul Google Maps-liggings op hierdie webblad: Senwes Villages se koördinate en Google Maps-liggings is hier te vinde: Die skakels na die bogenoemde bladsye kan ook op die Kontak Senwes -webblad gevind word. Wanneer jy dus volgende keer na n Senwes bedryfspunt soek, onthou: die inligting waarna jy soek is slegs die druk van n knoppie ver. ALGEMEEN Besigheidskamer gee erkenning aan Maatskappy Die Wesvaal Besigheidskamer het onlangs twee toekennings gedu - rende hul jaarlikse prysuitdelingseremonie aan Senwes oorhandig. Senwes is deur die Besigheidskamer aangewys as die Korporatiewe Besigheid van die Jaar en Johan Dique (Besturende Direkteur: Senwes) het die toekenning ontvang vir die Besigheidspersoon van die Jaar. n Voorstelling op rekenaarskerm van die ligging van Allanridge silo op Google Maps. Vat n breek en lees n boek! Hennie Groenewald (Bestuurder: Potchefstroom Village) ontspan met n boek die Senwes eeufeesboek, om presies te wees! Hierdie geskiedkundige juweel is tans in alle Village winkels te koop, saam met die ander 100-jaar memorabilia, wat die gedenkwyn, -DVD en -munte insluit. Volgens die Besigheidskamer het Senwes vanjaar duidelik uitgestaan met hul opspraakwekkende resultate, wat aan die kombinasie van Senwes en Johan Dique toegeskryf kan word. Die kompetisie en gevolglike prysuitdeling is gehou met die doel dat plaaslike besighede mekaar vir verskeie kategorieë sal nomineer, om sodoende erkenning aan verdienstelike ondernemings te gee. Jabu Baloyi (Strategie-koördineer - der: Korporatiewe Dienste, Senwes) het die toekennings namens Senwes en Johan Dique (Besturende Direk - teur) by die Wesvaal Besigheids kamer in ontvangs geneem. Professor Alwyn Louw (President: Suid-Afrikaanse Besigheidskamer, links) het die toe - kennings oorhandig. 6 Discount Used Tractor Parts DLA Cliffe Dekker Hofmeyr Electronic Silo Certificates Faction Media First National Battery Franklin Electric Goldfields Rail cc Graan SA Infoworks Intertek Intervet/Scheringh-Plough AH Molatek

7 Só verhandel die aandele Die volgende volumes Senwes en Senwesbel aandele het gedurende Augustus en September 2009 verhandel: Sien Potch Village in groen gewaad ALGEMEEN Augustus 2009 Getal Senwes aandele Pryswisseling R6,85 tot R7,50 Getal Senwesbel aandele Pryswisseling R4,00 tot R4,20 Senwes Village se opknappingspan is besig om Potchefstroom groen te verf! Op 13 No vem ber vanjaar is die spoggerige Potc hef stroom Village heropen. Besoek die verbeterde handelswinkel, sodat jy ook klante-diens op sy beste kan ervaar. September 2009 Getal Senwes aandele Pryswisseling R6,85 tot R7,20 Getal Senwesbel aandele Pryswisseling R4,00 tot R4,11 Belangstellende kopers of verkopers kan vir Ansa van Vuuren by Senwes se verhande - lingskamer by (018) skakel. Besonderhede van aanbiedinge is ook daagliks beskikbaar op Senwes se webtuiste by Uitkoms van die Senwesbel regte-uitgifte Direkteure by Jaarvergadering herkies Die algemene jaarvergaderings van Senwes en Senwesbel is op 27 Augustus vanjaar in Klerksdorp suksesvol afgehandel. n Week van roadshows het die jaarvergaderings voorafgegaan, waartydens lede van Senwes se Direksie en Bestuur die finansiële resultate aan aandeelhouers voorgelê het. Aan deel - houers het ook die geleentheid gehad om vrae aan hulle te stel. Tydens die Jaarvergaderings is die finansiële state aan lede voorgelê. Aandeelhouers het ook die geleentheid gehad om vir verskeie gewone en spesiale besluite te stem en die aanbevole dividende te bekragtig. Die volgende direkteure is deur Senwes se aandeelhouers herkies: Jannie Els, Dries Kruger, Jacob Mashike en Danie Minnaar. Kolbé Kolver is nie verkies nie. Vir meer inligting oor die verkose direkteure, besoek die Senwes webwerf by Veranderinge aan die Direksie sedert die Jaarvergadering Rudolf Pretorius is sedert 12 Oktober 2009 nie meer deel van die Direksie nie. Op 15 Oktober 2009 is James Botha ook as onafhanklike nie-uitvoerende direkteur op die Direksie aangewys. Sy aanstelling sal by die eerste Algemene Jaarvergadering vir bekrag - ti ging deur aandeelhouers voorgelê word. Dit blyk nie om waar te wees dat werk noodwendig onaangenaam hoef te wees nie. Dit mag dalk altyd harde werk wees, of ten minste harder werk as om niks te doen nie, maar daar is voldoende bewyse dat werk genotvol en weliswaar die lekkerste deel van die lewe kan wees. Mihaly Csikszentmihalyi Die Senwesbel regte-uitgifte het ten doel gehad om kapitaal te trek, ten einde Senwesbel se strategiese doelwit naamlik om die Maatskappy se beheer oor Senwes te versterk te kan verwesenlik. Die Senwesbel Direksie het op 25 Junie 2009 die regte-uitgifte-aanbod gemaak en n aanbodbrief aan elke aandeelhouer gepos. Senwesbel aandeelhouers is die ge - leentheid gebied om in te skryf vir ʼn totaal van 25 miljoen nuwe Senwesbel aandele, teen ʼn uitgifteprys van R4,00 (vier rand) per nuwe Senwesbel aandeel, in die verhouding van een nuwe Senwesbel aandeel vir elke twee Senwesbel aandele wat gehou word. Slegs kwalifiserende aandeelhouers, dit wil sê aandeelhouers wat boerdery as hoofsake-aktiwiteit beoefen, kon die aanbod benut. Die regte-uitgifte is positief ontvang en 223 kwalifiserende aandeelhouers het vir aandele ingeskryf vir n totale kapitale bedrag van R67,8 mil - joen. Die impak van die regte-uitgifte op Senwesbel se finansiële posisie na uitreiking van die nuwe aandele sal gerapporteer word in die tussentydse finansiële resultate van Senwesbel, vir die ses maande periode geëindig 31 Oktober Hierdie resultate sal vroeg in Desember 2009 beskikbaar wees. Die Direksie bedank alle aandeelhouers vir hul deelname aan die aanbod, asook die vertroue wat aandeelhouers in Senwesbel se strategie stel. Skakel Elmarie Joynt (Maatskappysekretaris: Senwes) by (018) vir meer inligting. Monsanto Mutual & Federal North West Cricket Association Oranje Toyota Klerksdorp Paint & Ladders (Pty) Ltd Pfizer Laboratories Sensako (Pty) Ltd The Consumer Psychology Lab The Survey Workshop Tosaco Commercial Services Transvaal Mining & Implement Spares Voermol Feeds (Pty) Ltd Wesbank Corporate Transunion CSS Security 7

8 # Eeufees eindig skouspelagtig Waar kan hy n DVD van nou die dag se Huisgenoot Skouspel-vertoning wat Senwes aangebied het, in die hande kry, wil vrind Grobbies weet terwyl hy vertroulik baie vertroulik vorentoe leun. Die manier waarop sy oë op skrefies trek, laat n mens wonder of hy iets weet wat destyds nooit tydens die Inligtingskandaal aan die lig gekom het nie... Kopie: Johan Smit Skets: Weyni Deysel Keep your memories close Keep your memories of the festive season close to you in the New Year, with this 17,8 cm digital photo frame, that displays a digital image slide show of your photos. The digital photo frame from Logik comes equipped with a jpeg image playback, a SD/MMC card slot, nine miniaturised image displays, a clock and calendar. Included is a user-friendly manual. The prize is valued at R500. Just answer the simple question below and send your answer to: Infoworks (For Attention: Elizma Myburgh), Postnet Suite 32, Private Bag X10, Flamwood, 2572 to stand a chance of winning this awesome prize. You can also send a fax: (018) or to admin@infoworks.biz. Make sure your answer reaches us on or before Monday, 14 December Question: What is the name of the Senwes song, that was performed at Huisgenoot Skouspel, presented by Senwes? Congratulations to Ollie Botes from Hoopstad, who won a Shimano Baitrunner 10000RA reel, in our previous competition. Entry form Name and surname: _ Senwes member number: _ Address: _ Tel: _ Answer: Rules Only Senwes clients may enter the competition Senwes personnel may not enter The closing date for the competition is Monday, 14 December 2009 The prize may not be exchanged for cash Prizes will be sent to the nearest retail shop where the winner can collect it Jy was self daar, waarvandaan dié brand in die keel om n DVD in die hande te kry? probeer ek die geheimsinnigheid ontrafel. Maar Grobbies se wysvinger op die mond, beëindig die gesprek vinnig toe die vrouens uit die kombuis aangestap kom. Met n kleinkind se doop op hande, moes ons die Skouspel-vertoning noodgedwonge misloop. Van die plaasbure wat dit bygewoon het en selfs van die personeel van Senwes wat ook daar was kan nie uitgepraat raak oor die spesiale manier waarop ons maatskappytjie sy eeufeesvierings afgesluit het nie. Senwes én Huisgenoot is albei ou bekendes in ons huis, so dit voel behoorlik soos n familietroue wat ons misgeloop het. Klink my julle het toe nie die predikantjie en sy vrou saamgenooi Sun City toe nie? vra ek moedswillig. Nee, kyk uhm ai, foeitog uhm my skoonmammie woon mos nou by ons en toe dink ons om vir haar ook Sun City te gaan wys, beduie Grobbies. Ek was op die punt om te vra of sy dan ook so graag soos hulle dobbel, maar vroulief se ferm kyk na my kant, stuit my in die spore. Klink my Senwes kyk daarna om n DVD van die Skouspel-vertoning en hulle 100-jaar hoogtepunte saam te stel, gooi ek die aas uit. Sowaar! Ek gaan sommer twéé bestel een vir die pastorie en een vir die huis, sê my ou vrind innemend. En so ontketen dit n stywelip, maar vurige debat tussen die egpaar Grobler oor hoekom hulle n tweede DVD vir die huis nodig het, want hulle was mos immers sélf daar, aldus mevrou Grobler. Toe ek en Grobbies later alleen uitstap werf toe, benut ek die kans om hom te pols oor sy geheimsinnige navraag vroeër. En toe kom Grobbies uit met die sak patats: sy dringendheid oor dié DVD is nie soseer om dit vir die predikantspaar te skenk nie, maar vir sy inwonende skoonma. Ou WM, dit was salig by daai Skouspel sy was vir n volle vier ure lank sprakeloos, sug Grobbies. REDAKSIE: Johan Grobler Johan Smit Elmarie Cronje (018) johan.grobler@senwes.co.za (018) johan@infoworks.biz (018) elmarie@infoworks.biz Senwes Scenario is n bedryfsinligtingsblad wat vyf keer per jaar in opdrag van Senwes Korporatiewe Bemarking deur Infoworks saamgestel en uitgegee word. SUBSKRIPSIE: Marie Erasmus (018) marie.erasmus@senwes.co.za BLADUITLEG EN DRUK: Infoworks (018) Alle regte van die inhoud van Senwes Scenario word voorbehou ingevolge Artikel 12(7) van die Wet op Outeursreg. Die eienaar en uitgewer aanvaar nie aanspreeklikheid vir enige uitla tings deur skrywers of medewerkers nie. Senwes wil graag sy dank betoon teenoor die maatskappye wat die 100-jaar vieringe ondersteun het. 8