SA BOERPERD TELERSGENOOTSKAP

Transcription

1 NUUSBRIEF No. 4, 2013 Boerperd Vriende So kom ons aan die einde van nog ʼn jaar wat nog vinniger gevlieg as die vorige een. In hierdie nuusbrief wil ons graag net ʼn paar punte uitlig wat dalk van belang kan wees voor almal die rus en Vrede van die Kerstyd binnegaan. Die doel van hierdie Nuusbrief is nie om al die hoogtepunte van die jaar weereens te herhaal nie dit is reeds gedek in verslae, op facebook, sowel as op ons webblad. U sal later in die skrywe ook wel sien hoe die gebruik van tegnologie wel hierdie jaar vir ons winsgewend was en n onverwagse meevaller tot gevolg gehad het. Namens die Raad wil ek graag van die geleentheid gebruik maak om al die lede van die Genootskap te bedank vir hulle steun en samewerking gedurende die afgelope jaar. Ons sien uit daarna om 2014 op n positiewe noot te begin. Ons wil dan ook aan al ons lede n vredevolle en geseënde Christusfees toewens. Mag een en elk van julle in hierdie tyd opnuut die klein geskenkies wat ons daagliks uit die Vaderhand ontvang, raaksien en nie net fokus op groot Kersgeskenke nie. Let asseblief daarop dat ons kantoor gesluit sal wees vanaf 16 Desember 2013 tot 10 Januarie Groete Piet Grové President 2013/ Nuusbrief saamgestel deur Petro Grové Stuur asseblief alle bydraes aan petrogrove@mweb.co.za NUUSBRIEF 2013, No. 4 1

2 In hierdie nuusbrief : 1. DIE RAAD & PORTEFEULJES, 2013/14 2. VEILINGS 3. WEB-BLAD 4. JEUG-AKSIE 5. SA BOERPERD KAMPIOENSKAPPE 5.1 Nasionale Kampioenskappe SA Boerperd Skou-datums: Ander datums 6. SAEA & PASPOORTE 7. FINANSIES 8. KEURINGS 9. ELEKTRONIESE GEBOORTEKENNISGEWINGS EN AL DAAI STRIKKIES... NUUSBRIEF 2013, No. 4 2

3 1. DIE RAAD & PORTEFEULJES 2013/14 Naam & Van Portefeulje Selnommer E-pos adres Piet Grové (President) Bestuur van die Raad & Stamboek Frikkie Combrink (Vise-president) Opleiding & Kursusse Jan Joubert (Dagbestuur) Finansies, borgskappe, SANESA & SAEA Heleen Pope (Dagbestuur) SAB Kampioenskappe, Merietes & Erekleure, Skoureëls: SAEA Johannes Langenhoven Regulerende stelsels, Administrasie & Skou-reëls Jan van der Wath Kwaliteitsbeheer Dirk Odendaal Keurings- & Keuringstoere Lomon Terreblanche Skakeling, Dienslewering, Nuwe lede & Veilings David de Wet Reklame & Bemarking KANTOOR: Elize Prinsloo Sekretaresse Veilings Soos u reeds hierbo in die lys van die Raad 2013/14 se portefeuljes gesien het, is daar nou iemand spesifiek op die Raad aangestel om alle veilings te koördineer. Hoewel alle korrespondensie nog steeds deur middel van die SA Boerperd kantoor sal plaasvind, sal Raadslid Lomon Terreblanche verantwoordelik wees vir die skakeling met en bevestiging van die administratiewe sy van veilings wat sal plaasvind onder die beskerming van die SA Boerperd Telersgenootskap. Raadslid: Lomon Terreblanche NUUSBRIEF 2013, No. 4 3

4 3. WEB-BLAD Soos julle seker sal onthou, het ons die einde van verlede jaar begin om ons web-blad op te gradeer en meer optimaal te benut. Ons kan nou met trots terug rapporteer dat die SA Boerperd Telersgenootskap se web-blad by SA Stamboek se jaarlikse prysuitdeling die prys gewen het vir die beste webblad van die jaar! As ʼn mens in gedagte hou dat SA Stamboek ook vanjaar op 29 Mei 2013 vereer is met die ICAR Serifikaat van Kwaliteit (ICAR: International Committee for Animal Recording) wat 57 lande in die wêreld insluit, is dit voorwaar ʼn prestasie. Afgesien van perde, verteenwoordig SA Stamboek ook beeste, skape, varke, bokke, honde, ens. Lees gerus meer hieroor by Mnr. Piet Grové (middel agter) ontvang die toekenning saam met die ander pryswenners. Voor v.l.n.r. Mnr. Danie Retief; Me. Johanna Cloete; Mnr. John Boulie; Mnr. Chris Els. Met die evaluering van SA Stamboek se web-tuistes is die volgende punte beoordeel: i. Betaling van web-blad fooie ii. Gereelde opdatering van inligting iii. Hoe lank gelede is die web-blad opgegradeer iv. Logiese organisasie van doelwitte en inligting v. Korrekte taalgebruik en versorging vi. Relevante skakels na ander web-blaaie vii. Navigasie na inligting op die web-blad viii. Kontakbesonderhede ix. Relevansie van materiaal en inligting t.o.v. die teikengroep x. Uniekheid van informasie xi. Verbruikersvriendelik (nie te veel inligting per bladsy nie) xii. Grafiese ontwerp xiii. Leesbaarheid en grootte van die teks xiv. Verbeeldingryke en stimulerende aanbieding xv. Foutlose aanbieding van inligting. Hierdie toekenning stel dan ook in die volgende jaar in staat sal stel om nóg meer verbeterings aan ons web-blad aan te bring en dit nog beter te benut aangesien ons prys juis gratis webblad dienste vir ʼn jaar is. Baie dankie aan Lisa Verwey vir haar moeite, asook almal wat haar voorsien het van relevante inligting vir die web-blad om die web-blad op so ʼn hoë standaard te kon hou. NUUSBRIEF 2013, No. 4 4

5 4. JUEG-AKSIE As enige iemand nog gewonder het oor ons SA Boerperde se jong ruiters, dan WEET ons nou dat hulle baie, baie spesiaal is. Ons is só trots op julle! Nie net het hulle laat aande geoefen vir ʼn Musikale Extravaganza vir ons 40 jarige herdenking van die SA Boerperd as ras tydens ons SA Nasionale Kampioenskappe 2013 nie, hulle het dit ook reggekry om ʼn hele maand se werk in net 4 dae ingeoefen te kry! Ongelukkig was daar ʼn misverstand tussen ons en die fotograaf met die gevolg dat ons nie enige professionele beeldmateriaal van die verrigtinge het nie. Ons het wel talle foto s. Om die probleem te probeer regstel en darem die geleentheid op DVD te kon vaslê, het ons by almal wat wel informele video s gemaak het beeldmateriaal gekry. Op die manier het ons dit dan tog reggekry om die vertoning te kon vaslê deur video s en foto s te kombineer. Ons sal dit in die eerste week van Desember 2013 as n skakel (link) op die webblad plaas en so kan almal dit dan verniet kyk en/of op hulle selfone of rekenaars aflaai in ʼn formaat wat hulle pas. Almal se name verskyn daarop, sowel as ons credo, ens. Hou gerus die web-blad dop vir meer besonderhede oor volgende jaar se jeug-projek. Ons het klaar ʼn plan van aksie aan die Raad voorgelê en sal meer besonderhede aan julle gee tydens elke Streekkampioenskap se Jeug-byeenkoms, asook op Facebook. Onthou ook om gereeld julle perde-nuus op Facebook met ons te deel! Dit is JULLE blad en JULLE moet dit aan die gang hou! NUUSBRIEF 2013, No. 4 5

6 5. SA BOERPERD KAMPIOENSKAPPE 5.1 Nasionale Kampioenskappe 2013 Nadat die Raad alle terugvoer oor die afgelope SA Boerperd Nasionale Kampioenskappe gekry en deurgewerk het, is dit vir ons aangenaam om te kan aankondig dat GEEN perde positief getoets is vir verbode middels nie. Baie dankie vir u verantwoordelike omgang met ons perde in die verband. Baie dankie aan elkeen van u vir u harde werk en samewerking wat bygedra het tot die sukses van ons skou. 5.2 SA Boerperd Skoudatums: 2014 Horse of the Kayalami Equestrian Park : 14 Februarie 2014 * WP SA Boerperd Streekkampioenskappe, Riversdal : Februarie 2014 Mpumalanga SAB Streekkampioenskappe, Ermelo : 2-5 April 2014 Vrystaat SAB Streekkampioenskappe, Bloemfontein : 28 April - 1 Mei 2014 Kwa-Zulu Natal SAB Streekkampioenskappe, Vryheid : 9-12 Julie 2014 Gauteng SAB Streekkampioenskappe, Misty Meadows : Augustus 2014 Nasionale SAB Kampioenskappe, Afri-Dome, Parys : 6-11 Oktober 2014 * Hou gerus die web-blad dop vir inligting oor Horse of the Year. Die program en inskrywingsvorms sal binne ʼn week of twee beskikbaar wees Ander datums Geen datums is nog formeel aangekondig vir SANESA en SAEA skoue vir 2014 nie. Indien u egter op hoogte wil bly met die nuutste verwikkelinge, kan u gerus die betrokke web-tuistes besoek. South African National Equestrian Schools Association - Soek u provinsie - Klik op Dates & Schedules Ander dissiplines se datums is verkrygbaar by: Skakels sal vanaf die SA Boerperd Telersgenootskap se web-blad na hierdie relevante web-blaaie geplaas word. NUUSBRIEF 2013, No. 4 6

7 6. SAEA & PERDE PASPOORTE Soos julle weet het alle perde n paspoort nodig om in enige ander dissipline buite die SA Boerperd Telersgenootskap te kan skou. Hierdie blou paspoorte was vroeër verkrygbaar by die voormalige provinsiale horse societies, bv. GHS. Elkeen van hulle het n unieke nommer en die betrokke perd se inentingsrekord, sowel as registrasiebesonderhede moes daarin opgeteken gewees het om geldig te kon wees. Baie perde wat by SA Stamboek geregistreer is, het egter ook n SA Stamboek paspoort. Hierdie paspoorte is ook uitgereik met ander n unieke nommer binne-in die boek. Vanaf 2014 mag hierdie paspoorte gebruik word by enige Suid-Afrikaanse perde-skou en vir enige dissipline. Die paspoort word nou dus deur die SAEA (en SAEF) erken, mits dit noukeuring op datum is en deur n veearts geteken word na inentings. Die maroon paspoorte kan teen R by die kantoor bestel word. Die paspoort het dan klaar reeds die gedrukte registrasiedokumente, sowel as ander volledige inligting van die perd in. Bestellings: elize@studbook.co.za 7. FINANSIES Soos bespreek tydens die AJV 2013, is dit nie moontlik om alle transaksies op ʼn streng kontant basis te kan doen nie. Indien moontlik, sal dit egter waardeer word indien ons daarna kan streef om ons rekeninge so gou moontlik kan betaal. Alle rekeninge wat 60 dae en ouer is, se dienste sal gevries word nadat u d.m.v. ʼn sms daarvan verwittig is. Agterstallige rekeninge sal eers volledig op datum gebring moet word alvorens dienste weer aangevra kan word. Moet dus nie versuim om op hoogte van die stand van u rekening te bly nie. Let ook daarop dat ʼn 10% verhoging op alle dienste tydens die AJV 2013 goedgekeur is. Die nuwe pryslys is reeds op die web-blad beskikbaar. Raadslid: Jan Joubert 8. KEURINGS Dit is weer tyd om aansoek te doen vir hings en merrie/reun keurings. Alle vorms is reeds aan u gepos, asook beskikbaar op die web-blad. Die sluitingsdatum vir keuringsaansoeke om die kantoor te bereik is: 19 Januarie Maak asseblief seker dat die DNS e van alle perde waarvoor om keuring aansoek gedoen word gedoen is, asook dat ouerskap geverifieer is. Details van die plekke en datums van keurings sal betyds aan u deurgegee word, soos bespreek tydens die AJV Raadslid: Dirk Odendaal NUUSBRIEF 2013, No. 4 7

8 9. ELEKTRONIESE GEBOORTEKENNISGEWINGS Volgens ʼn skrywe van Mnr. Herman Labuschagne (Bestuurder: Data-dienste, SA Stamboek), is die elektroniese aantekening van perde geboortes nou op Logix oopgestel vir telers. Alvorens u dit kan doen, moes u egter reeds ʼn unieke gebruikersnaam (user name) en wagwoord (pass word) vir u stoet gekry het. Indien u dit nog nie gekry het nie, kan u elektronies daarvoor aansoek doen by Daar is ʼn blokkie wat lees: Elektroniese aansoekvorm. Klik daarop en vul u besonderhede in. ʼn E-pos sal dan aan u gestuur word met u persoonlike gebruikersnaam en wagwoord. Indien u probleme daarmee ondervind, kan u gerus vir Rosa van der Merwe by SA Stamboek skakel ( ). HOE OM VUL GEBOORTES ELEKTRONIES AAN TE TEKEN: Teken aan op Logix met u unieke wagwoord en gebruikersnaam Gaan na data opname geboorte-kennisgewing geboorte-kennisgewing (perde) Vul dan die dokument elektronies in en stuur. Stawende dokumente soos bv. dekkingsertifikate, asook DNS uitslae kan hierby aangeheg word. Die SA Boerperd Telersgenootskap, sowel as die Teler sal dan ʼn outomaties gegenereerde e-pos ontvang dat die geboorte wel aangeteken is. Let wel: Hare moet nog steeds getrek word vir DNS en aan Unistel of die SA Boerperd Telersgenootskap se kantoor gestuur word tesame met die nodige inligting wat nou uitgedruk kan word. Die gebruik van hierdie stelsel is opsioneel. Die vulboekstelsel is ook nog steeds in werking EN AL DAAI STRIKKIES... Almal het verseker al die gekleurde strikkies in perde se sterte en aan hulle tooms by sekere skoue gesien, maar het u geweet dat elke kleur ʼn spesifieke boodskap uitstuur? Die kleur word gewoonlik met ʼn strikkie in die stert en ʼn merker aan die toom gemerk. (ʼn Gewone knoop in die toepaslike kleur werk goed aan die regterkant van die toom se voorkopband). Maak gerus van die gekleurde en nie-verbale kommunikasie stelsel tydens enige skou gebruik! GEEL My perd is ʼn hings: wees versigtig met merries en ander hingste. Dui ook op die toom aan. ROOI My perd skop. Wees versigtig agter hom. GROEN My perd is nog baie jonk. Wees geduldig met hom. BLOU OF WIT My perd is te koop. NUUSBRIEF 2013, No. 4 8