NO 1/ HERCULES

Transcription

1 Trradiissiioneellee Boeerreemussiieek kllub van Suiid--Affrriika Possbuss HERCULES 0030 NO 1/2010

2 TBK Webblad: TBK E-posadres: E-posadres vir korrespondensie: Bydraes vir die nuusbrief: Posbus 3036, Vanderbijlpark, 1900; Telefoon/faks Peet van Staden As u sou belangstel om Tradisionele Boeremusiek aan te koop, dan is Sias Erasmus die regte man Tel , , Bezuidenhoutstraat 467, Claremont, E-pos dualcon@vodamail.co.za Bankbesonderhede TBK, ABSA Ben Swartstraat, Rekening nommer Op die AJV van die TBK van SA op 3 Oktober 2009 te Pretoria, is die nuwe hoofbestuur soos volg verkies Nasionale Voorsitter: Flip Snyman Ondervoorsitter: Robbie Holm Penningmeester: Jasper Vlok Sekretaris: Stephaan van Zyl Addisionele lede: Sias Erasmus Tom Adams Rejean Viljoen Boetie van Zyl Martin Dorfling is geko-opteer om ook te help baie geluk. Met n nuwe jaar in die vooruitsig seënwense vir u almal datums van TBK funksies sien soos volg daar uit: Pretoria (Charles Ellis ): 6 Feb, 15 Mei, 14 Aug en 2 Okt (AJV van die TBK van SA). Wesrand (Flip Snyman ): 30 Jan, 27 Mrt, 29 Mei, 28 Aug en 27 Nov. Oosrand (Robbie Holm ): 24 Apr, 11 Sep en 13 Nov. Vaaldriehoek (Peet van Staden ): 27 Feb, 5 Junie, 28 Aug en 30 Okt. Goudveld (Hennie Ferreira ): 6 Mrt, 29 Mei, 28 Aug en 27 Nov. Bloemfontein (Jimmy McDonald ): 20 Feb, 10 Apr, 4 Sep en 13 Nov. (Die datums wat onderstreep is, is die AJV datum van die betrokke tak) Dit is ons wens dat die sale sal oorloop, die musieke mooi sal wees en die grondwet en doelstellinge eerbiedig sal word Kan ek asseblief vra dat as u sou wou kontak maak met my, Peet van Staden, rig asseblief u skrywe aan Posbus 3036, Vanderbijlpark, Moenie vergeet om u telefoonnommer te verskaf nie. U kan my ook kontak deur my meisiekind se e-pos - Geduld en moed oorwin die meeste probleme! Emerson - 2 -

3 adres te gebruik u kan ook met die telefoon n briefie skryf die faksnommer is dieselfde as ons telefoonnommer Enige bydrae met betrekking sal welkom wees. Dit was met skok dat ons verneem het van die afsterwe van Celeste van der Merwe in lewe n lid van die orkes van Danie Grey mondfluitjie- en kitaarspeler het ons aanvanklik opnames gemaak in oom Jan Vosloo se Feeshuis Peet, ons dink aan julle en sterkte - Op die foto regs is Celeste en haar kitaar tydens die verjaarsdag van tannie Anna Muller op Koppies. Moet ek eers om verskoning vra vir die speellys van ons Boeremusiekdag video, wat nie heeltemal korrek was nie die van u wat so n eksemplaar aangekoop het, laat vir ons asseblief weet, dan voorsien ons n nuwe titellys wat volledig/korrek is ekskuus. Oom Koos van Letsitele net nadat ek die vorige nuusbrief gefinaliseer het, kom ek op die plaat af waarvan oom gepraat het n Tier plaat TP.15(b). Maanlig op die Vaalrivier se walle Jannie Strydom saam met die orkes van Dawie Malherbe die anderkant sê: Kom boere kom. Op bladsy 114 van oom Piet se eerste boek dankie oom Piet is daar net so effense inligting oor Nico Coetzee die twee 78-spoed plate waarvan ons weet, GE222 Lekker kafferbier / My hut aan die vlakte se soom, en GE423 Pinana Boy / Marico se blom, is inderdaad besonders. Oom Sam Prinsloo (91), van Molteno se wêreld, se broer Gert was bevriend met Nico. In 1930 was oom Sam 12 jaar oud toe hulle in die Tweefontein plaasskool gesien het hoe Nico, as groot man, daar optree. Nico het gehakkel as hy praat, nie as hy gesing het nie, en was n tydgenoot van oom Chris Blignaut. In my soeke rondom Molteno kon ek gesels met ooms SA Viljoen van die plaas Dorrington, Wessel Gouws, Sam Prinsloo en Kerneels Smith. Nico se broer, Lang Frans, was getroud met n nooi van Niekerk. Ook was Lang Frans bevriend met Theunis Jacobus Smith, oom Kerneels Smit se broer. Lang Frans se seun, klein Lang Frans Coetzee, nou in 2009 ± 80 jaar oud, was n prokureur op Fort Beaufort. Tussen tannies Anna Hattingh (Viljoen) en haar suster Tienie Kruger (Viljoen), kon ek vasstel dat Nico se skoonfamilie, Dial en Haylie Coetzee was. Nico was met hulle dogter Baby getroud. Baby se suster Margaretha was getroud met Jan Greyling. Nico en Baby het n dogter gehad Hilda

4 Nadat Nico en Baby geskei is, het Baby weer getrou en het sy n dogter gehad wat moontlik in Durban woon? Oom Boet Viljoen van Fochville, se pa was Herculaas Viljoen tannies Anna Hattingh en Tienie Kruger is oom Boet se pa se susters. Oom Boet het my op die spoor gesit. Tannie Anna sê sy onthou nog hoe Nico per geleentheid gesing het: Die kanale was lank en die kanale was breed, die kanale was vol van die boere se sweet! Oom Pieter Nice, in 2004, 77 jaar jonk, sê in 1935, toe oom Pieter 12 jaar oud was het Nico Coetzee se ma tannie Trien op die plaas Kalkdam onderkant die dam in die Klein-Marico rivier gebly sy pa was oom Piet Coetzee. Oom Piet was ook betrokke toe Coetzeerust verander was na Zeerust. Nico se nooi en die moontlike Marico se blom kon dalk Meraai Ollewagen gewees het, wat trekklavier gespeel het. (Enige aanvullende of regstellende inligting sal baie waardeer word dankie Red.) Anderdag lui Gert Maas van Parys my op luister bietjie na die wysies van Blou Makwassie Berge, Mooi Rooibekkie Polka van Silwer die Lange en die Wissel Polka van die Lydenburg Vastrappers, almal langs mekaar en luister na die oorvleueling luister dan na die Engelse liedjie It is delightful to be married dit sal interessant wees om te kan weet wat die verbintenis is terloops, die Skoollied van Wolmaranstad sê n dame vir my tydens n radioprogram op Overvaal loop ook langs die wysie van Blou Makwassie Berge (Al wat oom Tradisie kan sê is Blaas my siel!) Die oorspronklike wysie was al in 1906 gebou en ook gesing deur Anna Held wat die woorde geskryf het. Die musiek was deur W Scotto. (Kan iemand asseblief help met n opname van It is delightful to be married? Dankie by voorbaat Red.) Dankie aan oom Wilken van Gonubie vir sy humoristiese bydrae Vir alle ma s wat klein kindertjies het en dit nie weet nie, ons het n moederskamer net langs die konsistorie! Ons het vanaand n byeenkoms in beide die oostelike vleuel en westelike vleuel van die kerkgebou babas sal aan beide kante gedoop word! Op n stadium het ons afgekom op n een snaar viool as gevolg van n program van Peet se dinge op Overvaal tydens n speelbeurt in Pretoria het ons met die eensnaar musiek gemaak vir die meeste mense was die instrument onbekend ook vir Danie Leibbrandt n vioolspeler van formaat. Foto regs: Henning de Lange Om gelukkig te wees is om jouself te gee. Anoniem

5 Dit was Arlene van Nieuwenhuysen se pa s n volgens inligting was daar net drie in die land. Omdat die instrument net een snaar gehad het, het die sleutels/drukke soms ver uitmekaar gelê. Toe loop ek anderdag n stukkie nuus raak in n baie ou boek oor n Tromba Marina (sien op buiteblad) wat n direkte afstammeling was van die die monocord of eensnaar viool. Die oorsprong is onbekend The violin has been evolved from the ancient monocord, an instrument with one string, and the Arabians still use a one-stringed fiddle. The Tromba Marina is a direct descendant of the monochord. Its country of origin is unknown, but it was formerly a popular instrument in the service of the Church so dit moes nog voor die Amati/Stradevarius families gewees het baie interessant! Foto links: Arlene van Nieuwenhuisen Gebore en grootgeword as spoorwegkind in Salvokop nou Vryheidspark en ook in Môregloed en Hercules 4de gebore van tien kinders en oudste broer van vier. Laerskool opleiding, Salvokop later Jopie Fourie, en Hoërskool by Langenhoven Hoërskool waar hy gedwing was om klaar te maak in 1974 was glo te slim gewees. Daarna in Januarie 1975 begin werk as stoker en later gekwalifiseer as treindrywer. Tydens n goue bruilof partytjieviering ontmoet hy sy vrou en is hulle in 1981 getroud. Twee kinders is gebore uit die huwelik. In Germiston gewerk as treindrywer en in 1995 weer in Pretoria by Metrotreindienste gewerk. Op 30 Junie 2000 medies ongeskik gevind nadat hy tot n val gekom het met Mimosa Tuine se foefieslide tydens 1999 se karavaannaweek ons praat van Sias en Susan Erasmus van kleintyd af belanggestel in Boeremusiek weens sy pa se belangstelling in die musieke van die Vier Transvalers, Hans la Grange en Japie Laubscher. In 1989 besluit Sias om by die TBK aan te sluit slegs een byeenkoms gemis as gevolg van die foefieslide-episode Susan is gebore in 1962 in Pretoria en was die tweede van vier dogters, Laerskool Saamstaan en die Hoërskool Hercules het gesorg vir die skoolopleiding. Na voltooiing in 1978 by die bank gaan werk toe landbou toe toe kinders grootgemaak en is tans werksaam by die Landbounavorsingsraad die afgelope twaalf jaar. Vandag is Susan, Sias se steunpilaar tydens TBK funksies Sias reken sy geloof sê vir hom dat Tradisionele Boeremusiek nog Suid Afrika gaan oorheers - 5 -

6 Sias doen die verspreiding van die TBK musieke en dien ook op die bestuur van die Pretoria tak, asook op die Hoofbestuur van die TBK van S.A. Dankie Sias en sterkte vir jou en Susan my skoonpa se dogter het self eendag met die foefieslide gesweef sy het effentjies duskant die oorkant bietjie te vroeg laat los nie die wal gehaal nie, dominie Piet moes haar gaan help ek het die bewyse Red.) Flip Snyman, Robbie Holm en Sias Erasmus is betrokke by opnames van Tradisionele Boeremusiek n nuwe dubbele laserskyf is vrygestel Tradisionele Boeremusiek, Versamelgoed 1 en kan by Sias Erasmus gekry word Dit sal ook hulle wees wat die laserskywe beoordeel vir verspreiding deur die TBK. DAAR was dae toe die ware boeremusiek-vasbyters hierdie musiekvorm lewend en aan die gang gehou het terwyl die wêreldtoneel vinnig óm hulle verander het en daar gevaar was dat sulke musiek heeltemal verdring sou word. Selfs die koms van die moderne tegnologie en alles wat dit vir die musiek ingehou het, het hulle nie afgeskrik nie. Hulle het eenvoudig voortgegaan en boeremusiek gemaak soos wat dit behóórt gemaak te word. En dis hulle wat vandag alle boeremusiekliefhebbers se dank verdien, maar wat nie altyd na waarde erken word nie. Ook uit die geledere van die vrouegeslag was daar sulkes. Die Tradisionele Boeremusiekklub het gevra dat hierdie mense se verdienste aan die groter klok gehang word, en dis ook reg so. Hier is n verhaal uit toenterjare wat gehelp het om boeremusiek lewend te hou. Jacoba de Villiers (7 Mei ) was een van hulle. Sy was ʼn nooi Van Zyl en is later met ʼn wewenaar, Pieter Francois Andries de Villiers getroud. Die huwelik het vier kinders opgelewer. Maar die bruidegom se agt kinders uit sy eerste huwelik, sy hoë ouderdom en swak gesondheid, het gou teen hom begin tel en dit was duidelik dat hy nie vir almal sal kan sorg nie. Iemand sou moes uitspring en help. Hulle het op die plaas Kapél langs die Olifantsrivier aan die soom van Namakwaland geboer. Vir die boerderybedryf was dit hardebeenkou-dae, want die letsels van die Anglo-Boereoorlog was nog sigbaar en tasbaar. Dan was daar nog die depressiejare teen Maar Jacoba, of Koba soos sy algemeen bekend was, was ʼn vindingryke vrou wat, ondanks al hierdie probleme, ook nog sterk gestaan het in die gemeenskap en gehelp het waar sy kon, veral waar daar siekte was. Deur die swaarkry het sy daarin geslaag om haar trots te behou en boontoe te beur. Sy het ook op kerklike vlak baie gedoen, soos om jong kinders deur hul katkisasie-dae te help, of dan om die boerematriek te behaal, soos dit destyds genoem is. - Kies n vrou met jou oor, eerder as met jou oë Engelse spreekwoord

7 Naas dit alles het sy nog kans gesien om klere te maak en te verkoop om die pot aan die kook te hou. Maar die lewe was vir haar nie nét erns en swaarkry nie, want by gesellighede soos huispartytjies en troues en danspartye, soos die Magistraatsdans op Clanwilliam, was sy ook altyd met haar konsertina by om die nodige musiek te verskaf. Sy kon sónder begeleiding op haar eentjie met die konsertina ʼn partytjie lewendig hou. Sy kon byvoorbeeld met die konsertina op die knie voortspeel én saamdans. Volgens Aletta, haar dogter, het sy eenkeer tussen Kersfees en Nuwejaar by so ʼn geselligheid haar skoene déúrgedans met die konsertina op die knie. As Aletta en Koos, haar kinders, beskikbaar was, het hulle die kitaarbegeleiding verskaf as sy speel. Dit was ook die dae toe die bekende Chris Blignaut die liedjie Ou tante Koba gewild gemaak het. Die moontlikheid is sterk dat die liedjieskrywer Koba se naam vir hierdie liedjie gebruik het, en volgens Aletta was haar ma glad nie ingenome daarmee nie. Trouens, Aletta sê sy was baie die dônner in vir die woorde wat Blignaut gesing het, sulke woorde soos ou tante Koba sit op die trap, speel die konsertina dat haar neusgate klap, en: ou tante Koba is ʼn snaakse ou wyf, vra jy vir haar koffie, dan gee sy jou snuif, en: ou tante Koba, maak oop die deur, jou man se lip sit vas in die skeur. Haar gevoel was dat die liedjie eintlik veronderstel om die talente van ʼn vrou te besing, maar dis nie wat die mense gehóór het nie. Wat hulle gehoor het, het sy gemeen, is kunsloos, onverfynd en platvloers. Verskeie van die wysies wat Jacoba wel self gespeel het, is later deur haar konsertinaspelende kleinseun, prof. Langpiet de Villiers, op ʼn CD vir die nageslag vasgelê. - BOEREMUSIEK DEUR DIE SKONERGESLAG VAN WELEER Prof. Langpiet de Villiers 12 Januarie 2009 Dankie aan Oom Dominie Kobus en die agbare Raadslid Prof. Oom Langpiet de Villiers met die volgende nuusbrief nog so n verhaaltjie)

8 Die Boeremusiekdag van die Vaaldriehoek tak van die TBK het daarvoor gesorg dat musikante van oral oor gekom het om saam musiek te maak die Sandvelders uit Namakwaland se wêreld, Stephaan van Zyl / Hugo Radley en hulle manne uit Pretoria, Danie Grey uit Potgietersrus uit die Wesrand die Fouries en uit Durban Koos Meiring Christo Nel uit Witbank, Robbie Holm uit die Oosrand plaaslike orkeste was die Mooiplaas en die Musiekmakers die Volksdansers van Fred en Alida van Zyl van Pretoria het ons ook vereer met hulle teenwoordigheid. Flip en Daleen Snyman, ons nuwe Nasionale Voorsitterspaar was ook hier, en ek kan u verseker, die musieke was mooi, die vriendelikheid baie, en die gedrag van die mense prysenswaardig baie dankie aan almal wat bygedra het Tom Adams vra asseblief dat u hom sal kontak aangaande adresveranderings asook navrae met betrekking tot aftrekorder en /of ledegelde. Telefoonnommer , faks , en e-pos tomtbksa@mweb.co.za, posadres Bruarfossweg 80, Valhalla, So verneem ons ook van die afsterwe van oom Hendrik van Rensburg in lewe het die oom Konsertina gespeel saam met die Musiekmakers die laaste tyd het oom Hendrik op Hendrina gebly, waar hy Vrydag die 30ste Oktober 2009 oorlede is sterkte en meegevoel aan tannie Maxie, die kinders, kleinkinders, familie en vriende per geleentheid het die Musiekmakers lewendig musiek gemaak oor die lug, vanuit die ateljee van Overvaal Stereo op n Saterdagoggend ek verneem van oom Hendrik wat sy volgende bydrae gaan wees: Die Kraanvoël- Wals, sê oom Hendrik na n wyle vra oom Hendrik: Hoe gaan die wysie nou weer? oom Hendrik moes maar n ander wysie speel die Kraanvoël het weggevloog en ons kon hom eers weer die volgende Vrydag met die oefening raakloop oom Hendrik was eintlik n trekklavierspeler Uit Durban ontvang ons met skok die nuus dat Koos Meiring n ernstige terugslag gehad het 3 are hartomleiding moes kry rondom 20 November tans sterk hy in die waakeenheid aan sterkte vir Koos en Jakkie Meiring ons dink aan julle en beterskap! Die anderdag lui die foon Maak ons musiek met oujaar? rondom 5 Desember dit is Koos self wat verneem mooi man! Nog sterkte Koos en familie ook aan al ons ander vriende wat ons van weet in Pretoria, in Parys, in Vaalpark, en ook diesulkes wat ons nie van weet nie - 8 -

9 Dankie aan almal wat seisoen wense gestuur het so met die sms fasiliteit ek het fluks geantwoord, maar elke keer! so n teken gekry not allowed daarmee saam hierdie teken kom ook mos voor as n nuwesuidafrika padteken Potholes!.. nou ook al in die telefoon teenwoordig! Maar pa het n besigheidskontrakfoon wat nie sms e kan stuur nie? dankie Meisiekind, en skuus aan almal wat ek moes antwoord! Red. BOEREMUSIEKDAG FOTO S: Musiekmakers Van links na regs: Peet van Staden, Anna van Niekerk, Hannelie du Preez, Henning de Lange, Christo Nel, Pieter du Preez, Oom Frik Oberholzer, Martin Dorfling en Danie Rautenbach agter, besig met die klankvermenging Die Fouries Van links na regs: Peet Fourie, Anton Fourie, Pat Meyer, Piet de Jager, Robert Fourie - 9 -

10 Die Volksdansers Ons was bevoorreg om Fred en Alida van Zyl se Volksdans-groep hier te kon hê baie dankie vir hulle bereidwilligheid Spesiaal Sam Keyter saam met die Senior Burger Musikante Oom Jan Mans (75), Tannie Werda Groenewald (80) en oom Jan Botes (76). Oom Jan Vosloo (78) (inlas) het ook die byeenkoms bygewoon as erelid van die TBK asook as lid van die Vaaldriehoek se bestuur en voormalige lid van die Musiekmakers. - Jou lewe is wat jou gedagtes daarvan maak. Dink vrolik!.. Aurelius

11 Vrydagaand in die Musiekkamer voor die Boeremusiekdag Van links na regs: Daantjie Kotze, Leon Hollenbach, Pieter du Preez, Jaco Victor, Christo Nel, oom Frik Oberholzer en Hannelie du Preez. Nog n boeremusiekwysie wat van oorkant die water hier kom plesierigheid maak het, het sy ontstaan in die Amerikaanse Burgeroorlog gehad of eintlik nog voordat broer teen broer en pa teen seun begin veg het meer as drie miljoen Amerikaners het in die oorlog geveg en meer as 600,000 het omgekom. John Brown was n militante Amerikaner wat hom beywer het vir die vrystelling van slawe dit was die vonk wat die Burgeroorlog begin het John Brown is in 1859 tereggestel weens hoogverraad. In 1861 het Julia Ward Howe, ook n teenstander van die slawehandel, die Battle Hymn of the Republic geskryf John Brown s body is lying in his coffin het sy geskryf die liedjie het in Boeremusiek John Brown se donkie geword. Ook is Die Rooispan van Bredasdorp op dieselfde wysie asook Amazing Grace en ook die Oorwinningslied toon n groot mate van oorvleueling met Julia Ward Howe se komposisie. (Wyle oom Hendrik van Rensburg kon hierdie wysie met n vrolike aanslag speel Red.) Vir almal van u wat nie lekker voel nie miskien is u in n hospitaal dalk wag u vir uitslae van toetse of miskien sterk u by die huis aan beterskap en spoedige - n Mandjie vol hoop is beter as n skuur vol graan Russiese Spreekwoord

12 herstel word u toegewens en waar daar n geliefde se plek leeg is ons dra u op aan die Groot Vertrooster en mag die herinneringe mooi wees Vir almal wat dit moeilik vind om die konsertina baas te raak hier is die oplossing alreeds beskikbaar gewees in 1872 (ek dink nie dit was n Wheatstone patent nie Red.) Die eensnaar viool (monocord) was die voorloper van die Tromba Marina wat die voorloper kon wees van die viool-familie soos ons lees, wat hulle ontstaan gehad het in Cremona in die noorde van Italië, eerstens deur Nicolo Amati ( ). Antonio Stradivari ( ) het 93 jaar oud geword en was n leerling van Nicolo Amati Andrea Guarneri ( ) het ook die ambag by Amati geleer en dit verder gevoer Guiseppe Guarneri ( ) het by sy pa en broer geleer Antonio Stradivari was die mees erkende vioolbouer. Kyk ons na die samestelling van n viool, sien ons onder andere die volgende benamings:

13 Kop (Head/Scroll) Stelpenne (Tuning Pins) Nek (Neck) Vingerbord (Finger board) Klankkas (Body) Klankopeninge (Sound Holes) Bruggie (Bridge) Snare (Strings) Stertstuk (Tailpiece) Randversiering (Purfling) Stertstuk ankerpen (Tailpin/Rest) n Viool bestaan uit nagenoeg 70 onderdele. Hoofsaaklik word drie soorte hout gebruik, naamlik Esdoring (Maple) of Berg Esdoring (Sycamore) vir die agterkant, die nek gedeelte, brug en kante Ebbehout (Ebony) vir die vingerbord, stelskroewe, stertstuk en die ankerpen Dennehout (Pine) vir die die bokant, klankpen en die versterkings die randversiering word gemaak van deels Ebbehout en deels Esdoring. (Sycamore kan ook Berg Esdoring/Baster Plataan of Asiatiese Wildevyeboom wees). Andere het ook viole gebou Interessant is die samestelling van die strykstok wat normaalweg gemaak word van Braziliaanse lance wood of Snake wood. So word ook gebruik gemaak van Ivoor, Perlemoer en Silwer vir afwerking. Tussen

14 perdesterthare word gebruik wat met harpuis bestryk word, en as die strykstok met die perdesterthare oor die snare getrek word, veroorsaak dit vibrasies wat die klankkas laat brom Die perdesterthare het klein skubbe wat opstaan as die harpuis daaronder ingaan en vorm dan klein raspertjies wat die snare en klankkas aktiveer om klanke voort te bring Te midde van al die omwentelinge, woelinge en ontwrigting in die wêreld rondom ons vandag, het ek al gewonder of ek my vriende, my gemeente, my lesers, waarlik vanjaar in opregtheid en eerlikheid die aloue gelukkige nuwe jaar kan en mag toewens, sonder dat dit alleenlik blote vorm en gewoonte sal wees. Ek het ernstig daaroor nagedink. n Nuwe jaar waarin hulle, waarin u, ten spyte van al die omwentelinge, woelinge en ontwrigting, waarlik geluk sal hê, waarlik gelukkig sal wees? Ek het lank oorweeg. Ek het tot n besluit geraak. NEE! Ek kan, en mag, nie! Dit is n ding van onmag, van skyn. Ek mag niemand geluk toewens nie tensy ek hom definitief kan help om daardie geluk te bekom! Hoe? Deur my vriende, my gemeente, my lesers te wys op Iemand wat gesê het Bring dit hier vir My! En daardie woorde van Mattheus 14 vers 18 is my Nuwejaarswens vir u. U droefheid en neerslagtigheid, waar niemand van weet en niemand verstaan nie bring dit na Hom. U kommer en hartseer bring dit na Hom. U gevoel van verbitterdheid en haat, wat u medemens van u afstoot bring dit na Hom. U eiegeregtigheid en waansin - bring dit na Hom. U poginge tot iets beters bring dit na Hom. Hy sal weet wat om daarmee te doen. Hy sal weet wat om vir u in die plek daarvan te gee. Maar as u dit van Hom weghou, hoe kan Hy u dan help? Leser, ons hande is te vol. Ons kan nie alles dra nie.. Ons moet Hom maar toelaat om te neem. Oorhandig maar al die rusverstorende dinge aan Hom, die Groot Gelukbringer, en ontvang dan van Hom ware geluk wat u N GELUKKIGE NUWE JAAR sal besorg. As u dit doen dan begroet ons u met die aloue groet met nuwe betekenis belaai N GELUKKIGE NUWE JAAR! - Met dankbare erkenning aan Ds John Murray de Toit honderd en twintig eenvoudige oordenkinge Terwyl die ketel kook, uit die Pastorie, Charl Cilliers, Julie 1946 VERSLAG VAN DIE BESTUURSVERGADERING GEHOU OP 16 JANUARIE 2010 AAN HUIS VAN FLIP SNYMAN Nadat Flip uit Prediker 5 gelees het en met gebed geopen het, het die Hoofbestuursvergadering plaasgevind vanaf 10vm op 16 Januarie 2010 by die Flip se huis. Tydens die vergadering, wat bygewoon was deur Flip, Stephaan, Boetie, Hennie, - Die slegte ambagsman beveel sy werk aan; goeie werk beveel sy ambagsman aan Langenhoven

15 Jimmy, Sias, Martin, Robbie, Peet asook Boetie se seun en Christo Nel van Bethlehem is daar besluit om weer n klompie laserskywe beskikbaar te maak van die musiek van die Vier Transvalers van oom Faan Harris, asook n cd van die Welkom Orkes en n cd van oom Hannes Viljoen. Neem dan asseblief kennis dat daar volgens die Grondwet m.b.t tot Ledegelde bepaal is dat slegs n grasietydperk van 6 maande op agterstallige ledegelde gaan wees daarna word die lidmaatskap beëindig en kan die lid weer oor aansluit met n nuwe nommer. Die volgende laserskywe word teen n verlaagde prys van R35 elk plus posgeld beskikbaar gestel Gerrie Bezuidenhout se Volume 1, 2 & 3; Die Twee Ooms (Hendrik Lotter / Gertjie Claassen) Volume 1 & 2; Tannie Bettie Ferns; Marico Musiek van oom Jan Mans. Op hierdie stadium is daar twee webwerwe in werking wat verwarring veroorsaak beplanning word gedoen rondom die daarstelling van een webwerf. Goeie advertensie word deur middel van streeksradiostasies gedoen Jasper Vlok vanuit Radio Rosestad in Bloemfontein reeds 777 programme In die Vrystaatste Goudveld Radio Panorama gedurende Kontreinuus en vanuit Viljoenskroon Peet van Staden met 15½ jaar agter die rug, een keer per maand, die tweede Saterdag van die maand, vanaf 06:00 tot 09:00vm Overvaal Stereo 96.1 Weens die finansiële toestande is daar gekyk na die debiet-/aftrekorder stelsel wat met onmiddellike effek soos volg gaan funksioneer: - R16: Een cd en ledegeld vir n jaar - R22: Twee cds en ledegeld vir n jaar - R30: Drie cds en ledegeld vir n jaar - R35: Vier cds en ledegeld vir n jaar Betrokkenes moet asseblief seker maak watter stelsel vir hulle werk en die nodige aanpassings maak. Die Hoofbestuur vra vriendelik dat alle musikante tydens optredes gemaklik en netjies aangetrek sal wees. Tydens ons Algemene Jaarvergadering gehou op die 3de Oktober 2009 in die FH Odendal hoërskool te Pretoria, het daar noodgedwonge veranderinge plaasgevind as gevolg van seker bestuurslede wat na jarelange diens aan ons klub die tuig neergelê het. Jasper Vlok, lid no. 14 van die TBK vanaf 1981, en as voorsitter, het na baie jare die amp neergelê. Dankie Jasper vir jou en Ralie se jarelange bydrae. Julle het julle lewe gewy aan Tradisionele Boeremusiek. Vanaf saamtrekke tot radio uitsendings wat jy nog steeds behartig en nog vele ander take wat julle verrig het. Oom Danie Labuschagne, lid no. 16 was op 3 April 1982 as lid van die bestuur versoek om ou 78-spoed plate van die ou kunstenaars op te spoor en dit op nuwe langspeelplate en daarna op cd vas te lê. Dit was n baie groot taak wat n persoon

16 opgelê kon word. Oom Daan het die uitdaging aanvaar, want boeremusiek is sy hart en siel. En ek dink hy het dit met groot sukses gedoen. Oom Daan, ons salueer jou, jy was en is nog steeds n groot mentor van Tradisionele Boeremusiek, jou werk is vir die nageslag vasgelê en bewaar. Duisend dankies daarvoor. Wat n jammerte dat hy ook sy amp as bestuurslid neergelê het, om soos hy sê plek te maak vir die jonger geslag. Fred Nelson het ook as penningmeester sy amp neergelê na soveel jare. Hy het ook gevoel dat jonger bloed moet voortgaan. Oom Fred en tannie Ester, ons wil net vir julle sê dat dit wat julle vir TBM gedoen het, altyd by ons sal bly. Julle tuiste was n gastehuis vir die musikante na Bloemfontein. Oorvloed van liefde en kos vir die honger musikante, kuiers na n byeenkoms tot byna sonopkoms, dit sal ons nooit vergeet nie. Baie dankie vir wat julle vir die TBK gedoen het. Ons wens julle n voorspoedige rustyd vorentoe, ons sal julle mis maar nie vergeet nie. Aan Oom Wilhelm Schultz, wyle oom Piet Bester en vele ander, ek kan nie almal se name noem nie, wat navorsing gedoen en inligting versamel en dit op skrif vasgelê het, julle het vir ons n groot skat agtergelaat. Ons dank julle vir julle harde werk. Dankie aan alle musikante en ondersteuners wat die TBK se doelstellings nastreef en uitvoer Meesters, ons salueer julle!!! Met die feestyd agter die rug en die grootste gedeelte van die jaar wat nog voorlê, wil ek graag aan alle TBM liefhebbers n baie voorspoedige jaar toewens. Baie geluk aan die nuwe bestuur vir 2010 en dankie vir die vertroue in die gekose lede. Ek glo en vertrou ons kan in n goeie span ontwikkel. Ek wil n beroep doen op alle TBK lede om ons bestuur te ondersteun in die taak wat op hulle wag. Baie dankie aan alle musikante en organiseerders met ons pas vrygestelde cd Versamelgoed 1. Dankie veral aan ons lede en ondersteuners. Sonder julle kan die TBK nie bestaan nie. Ons sien uit na die volgende opnames. Boeremusiek groete Flip Snyman Nasionale Voorsitter Januarie Ons het met skok verneem van die heengaan van Peet Ferreira in n motorongeluk op 20 Januarie Peet was ondervoorsitter van die Bloemfontein tak van die TBK en ook kitaarspeler van die Bloemfonteinse Trad. Orkes. Sterkte aan sy naasbestaandes en mag hulle die nodige krag en vertroosting van Bo ontvang in hierdie moeilike tyd. Die kortste pad tussen twee mense is n glimlag Anoniem