10/2017 HANNALIZA FECHTER BEMARKING EN SKAKELING

Transcription

1 10/2017 Liewe Ouers In die deurmekaarste, gejaagde dag kom n mens soms op n blom af wat jou onverwags met skoonheid en geur oorrompel sodat jy vir n oomblik of twee moet talm om die wonder daarvan in te neem en die prag daarvan te waardeer, voordat jy weer verder hardloop met die take, dinge en stof van die alledaagse. Ons almal kry gereeld op whatsappboodskappe en facebook-plakkaatjies die raad om die dag aan te gryp en tyd te neem om die rose se geur te waardeer. Die vraag ontstaan: Hoe sal mens weet wanneer jy die spreekwoordelike rose van die lewe teëkom? Ek ontvang in die harwar van die besige eerste kwartaal n oproep wat my so effens in my spore stuit en die spreekwoordelike roos laat geniet - n graadagt-mamma wat graag met my wil gesels. Hierdie oproep het gesorg vir die heerlikste geur en kleur denkbaar! Die mamma se ouers kuier in Pretoria uit die Kaap, hulle albei was hier in Menlo op skool en het mekaar hier ontmoet. Hulle kleindogter is tans in graad 8 en die trotse grootouers wil graag n paar foto s, saam met haar (indien moontlik), hier op die Menlo-kampus kom neem. n Grootoog graadaggie loer kort voor lank om die hoek: Het my ouma-hulle Juffrou toe in die hande gekry? n Pragtige Menlo-kind met oë vol deernis. Oupa en ouma het inderdaad toe opgedaag - Grietha Dirkse van Schalkwyk en Frik van Niekerk het mekaar hier op Menlobodem ontmoet, 53 jaar gelede toe albei in standerd 7 (graad 9) was. Hulle was die eerste groep standerd sesse (graad 8 s) wat by Menlo begin skoolgaan het en matriek voltooi het - die skooldrag was nog nie eers gefinaliseer nie! Tannie Grietha onthou nog die dag in graad 9 toe sy by die huis ingestap en aangekondig het: Daar het vandag n nuwe seun by die skool ingeskryf... ek dink ek gaan met hom trou. Vandag is hulle 45 jaar getroud en die sprankel is steeds opsigtelik. Dit is vir hulle so lekker om te kan sê dat hulle kleindogter die trotse Menlo-tradisie kom voortsit! Wanneer n mens so deur die skool stap, is daar baie dinge wat verander het, maar die gevoel en die gees is nog dieselfde. Dit is n gees eie aan Menlo. Hierdie skool is net anders en doen nog steeds ongelooflik goed. Dit is nou maar net hoe dit was van die begin af. Van ons jare af al was hierdie net n besondere skool. Oom Frik wys trots die foto van hulle rugbyspan die eerste eersterugbyspan van Die Hoërskool Menlopark! Mnr. Reynders kom skud blad en gesels met ons twee besoekers en hulle kleindogter. Hulle is dankbaar dat die Skoolhoof n mens darem nie meer so bang maak soos in 1967 nie dalk het die aanstap in jare ook iets daarmee te make! Hierdie is nie n unieke storie nie, baie van daardie matriekgroep is nog steeds betrokke by die skool. Menlo was nog altyd n plek waar sielsgenote mekaar gevind het en lewenslange vriendskappe gevorm is. Wat n heerlike meevallertjie om hierdie pragtige Menlo-paartjie te ontmoet wat met soveel trots en liefde vir ons skool oorborrel. Ek weet hierdie roos loop jy nie elke dag raak nie - daar is moeite gedoen om die heerlike geur en kleur van Menlo met ons te kom deel. Ek stap terug kantoor toe en is dankbaar vir die oomblik wat ek kon stop om hierdie roos te waardeer. HANNALIZA FECHTER BEMARKING EN SKAKELING

2 24/03 Tennis: Senior Seuns GN-liga 25/03 Tuksreeks: Rugby, Hokkie, Netbal Kwartfinaal (LC de Villiers) 27/03 Koor: Soirée (Saal, 18:30) 28/03 Tennis: Junior Dogters GN-liga Hokkiedogters: Liga vs AHM (tuis) 29/03 Netbal: Vriendskaplik vs Helpmekaar (tuis) Rugby: o/16a-toernooi (Paarl Gim) 30/03 Tennis: Junior Seuns GN-liga Hokkiedogters: o/14a-toernooi (Cornwall Hill) Rugby: o/15a-toernooi (Paarl Boys High) 31/03 Hokkieseuns: o/14-toernooi (Westville) Hokkieseuns: o/16b Menlo-toernooi (tuis) Hokkieseuns en dogters: o/14b, o/15b en o/18b (Tuks-kliniek) Rugby: o/14a Kwagga Rugbyweek (Outeniqua) Rugby: Laerskoletoernooi (tuis) Skool sluit 11:00 19/04 Koor: Tres Scholarum (Saal, 19:00) 20/04 Koor: Tres Scholarum (Saal, 19:00) 03/05 MENLO-OPEDAG LET WEL: Ons versoek ouers vriendelik om leerders nie op 31/03 vroeër uit die skool te neem nie. n Volledige akademiese program (in die besonder vir graad 12 in Afrikaans, Engels en Wiskunde) word gevolg tot om 11:00. Kom bid saam elke Donderdagoggend van ± 07:30 af in die sitkamer van die koshuis. Ma's wat Psalm 31:20, 21, 24, 25 (Ou vertaling) Hoe groot is u goedheid wat U weggelê het vir die wat U vrees, wat U uitgewerk het vir die wat by U skuil, in teenwoordigheid van die mensekinders! U verberg hulle in die skuilplek van u aangesig vir die samesweringe van mense; U steek hulle weg in n hut vir die twis van tonge. Julle moet die Here liefhê, al sy gunsgenote! Wees sterk en laat julle hart sterk wees, almal wat op die HERE wag. HERMERKE: MATRIEKS 2016 Ons is baie trots om te kan berig dat die hermerkuitslae n addisionele 21 A-simbole vir ons Matrieks van 2016 opgelewer het! In totaal was daar 34 simboolveranderings en die volgende vakke het verdere A s ryker geword: Afrikaans: 3, English HL: 3, English FAL: 9, Geografie: 2, Rekeningkunde: 2, Ekonomie: 1 en Besigheidstudies: 1 Absolut asemrowende akademiese resultate vir ons 2016-graad 12 s wat 767 A s in totaal verower het! Maak gerus n draai by die Menlo-ontvangs tydens skoolure vir die uitslae van die hermerke. ABSOLUT AFRIKAANS Die ATKV Centurion vier hierdie jaar sy kwarteeuverjaarsdag en as deel van die vieringe vereer hulle toppresteerders in Afrikaans by Tshwaneskole deur n PPS - Prestige Prestasie Skouerband as mnr./mej. Afrikaans. Vlasta Kaffka (graad 10), Mariané Oberholster (graad 11), Nelis Daniels (graad 11) en Michàel van Schalkwyk (graad 12) is onlangs tydens n funksie by Audi Menlyn aangewys as die trotse draers van die titels na afloop van puik prestasies in Afrikaans! Die kort en die lank van die kompetisie word deur onse Michàel (matriek toppresteerder) en Ntuthuzela Kopo (graad 4-toppresteerder in Lyttelton Primary) letterlik geïllustreer op die foto hiernaas saam met Sakkie Kotze, voorsitter van ATKV Centurion Leiersforum.

3 Die Tuksreeks sorg vir opwindende aksie op die sportveld en die afgelope naweek het ons kragte gemeet teen Hoërskool Kempton Park. Dit was vir Die Hoërskool Menlopark n voorreg om as gasheer op te tree vir n dag vol wonderlike wintersport. HOKKIE Die hokkie het reeds Vrydagmiddag afgeslaan en die naweek is afgerond op Saterdagmiddag. Menlo-hokkie het die besoekers uitoorlê op ons astro toe daar tydens 11 hokkiewedstryde (o/14 tot o/18 seuns en meisies) 87 doele aangeteken is en slegs een doel afgestaan! Die tellings was soos volg (met Menlo se telling elke keer eerste genoem): Meisies: o/14a: 4-0; o/14b: 8-0; o/15a: 3-0; o/15b: 7-0; o/16a: 12-0; o/16b: 7-0; 2de span: 8-0; 1ste span: 8-0 Seuns: o/14a: 10-1; o/16a: 9-0;1 1ste span: 11-0 NETBAL Harde netbalwedstryde is gespeel en al die spanne het voluit gewerk. Die volgende spoggerige tellings is aangeteken (met Menlo se telling elke keer eerste genoem): o/14a: 22-7; o/14b: 4-20; o/15a: 29-29; o/15b: 18-10; o/16a: 32-17; o/16b: 29-18; o/17a: 25-8; o/17b: 27-6; o/18a: en o/18b: RUGBY Ons rugbyspanne verskaf die kersie op die koek vir n baie suksesvolle naweek en benewens die warm weersomstandighede het elke seun sy beste gegee om die volgende tellings aan te teken: o/14a: 68-0 (Menlo druk 10 drieë); o/14b (Menlo druk 3 drieë en Kempton druk 2); o/15a: 50-5 (Menlo druk 8 drieë en Kempton druk 1 drie); o/15b: 68-0 (Menlo druk 10 drieë); o/16a: 48-5 (Menlo druk 8 drieë en Kempton druk 1 drie); o/16b: 12-5 (Menlo druk 2 drieë en Kempton druk 1 drie); 2de span: (Menlo druk 3 drieë, Kempton druk 2) 1ste span: (Menlo druk 3 drieë, Kempton druk 1) TENNIS Menlo-tennis slaan af in hierdie reeks met wedstryde teen Eldoraigne. So n kragmeting in die Tuksreeks bestaan uit 8 enkels, 4 dubbels en 4 gemengde wedstryde. As die verdedigende kampioene, wen beide ons senior- en juniorspanne oortuigend in hulle 16 wedstryde. Baie geluk met spoggerige vertonings! Die res van die reeks word beslis vanaf April in Pretoria.

4 LEWENSREDDING Dehanke van Rensburg (graad 10) is n kranige swemmer wat nie skroom om by die diepkant in te duik nie. Sy het onlangs aan Noordwes Lewensredding se provinsiale kampioenskappe by Buffelspoortdam deelgeneem en n ongelooflike vyf eersteplekke behaal in die o/15-ouderdomsgroep! DRIEKAMP Ons ken reeds vir Kyra Hempel in graad 12 as n matrikulant met n missie - of sy nou staatmaak op haar fietswiele of draftekkies (of albei), sy draf en trap dié driekamp-prestasie met mening los! Op 25 Februarie het sy aan die SA Xterra kampioenskappe in Grabouw in die Wes-Kaap deelgeneem (driekamp met n bergfiets en veldwedloop) en eindig 3de in haar ouderdomsgroep (18-19 jaar) en in die algehele 11de plek vir vroue. Selfs die SA Driekamp-kampioenskappe wat by Aldam in die Vrystaat gehou is, kon haar nie keer nie en sy eindig 8ste in Suid- Afrika en 9de in Afrika in haar ouderdomsgroep (18-19 jaar). Absolut atleet van formaat! Twee graad 11-leerders, Matthew Penning en Cobus van der Schyff, wat nie net die hoogste in hokkie nastreef nie, maar ook die diepste, blink uit in onderwaterhokkie en is pas gekies vir die SA o/19-span wat in Australië gaan deelneem aan die UWH Worlds 2017 (wêreldkampioenskappe vir onderwaterhokkie wat elke 2 jaar plaasvind). Hierdie twee leerders se paadjie na groen en goud het verlede jaar begin by die Junior Nasionale kampioenskappe waar hulle albei vir die o/19 Gauteng Noord span ingeduik het. Hierna het hulle deelgeneem aan verskillende oefenkampe en proewe om hulle fiksheids en vaardigheidsvlakke te toets. Die finale proewe het vanaf 9-11 Maart in Durban tydens die Junior Nasionale kampioenskappe plaasgevind waar Cobus as kaptein en Matthew as onderkaptein die Gauteng Noord span verteenwoordig het. Baie geluk en sterkte aan hierdie Menlo-manne wat as deel van die o/19 Protea-span die water gaan toets in Australië! Die perdesportdeelnemers het verlede naweek tydens n spanbounaweek, mekaar beter leer ken - te oordeel aan die foto s lyk dit of hierdie naweek sommer hope pret vir almal was en n reuse sukses! Amor le Roux en Mieke de Beer het ook aan die Onderstepoort-uithourit deelgeneem. Amor het die 80km baie kompeterend aangepak en behaal n 3de plek in die juniorklas. Mieke het die 60km-trapleer gery ( n nie-kompeterende afdeling), wat sy suksesvol afgelê het. Uithouritte word beskou as n moeilike toets vir deursettingsvermoë waar die vasbyt van beide die ruiter en die perd onder uitdagende omstandighede getoets word. Baie geluk aan hierdie uithouers!

5 Die Gauteng Noord kampioenskappe het die afgelope naweek gedien as finale proewe vir die span wat aan Atletiek Suid- Afrika se Juniorkampioenskappe gaan deelneem vanaf 7 tot 9 April in die Groenpuntstadion in Kaapstad. Baie geluk aan die volgende Menlo-atlete wat met topprestasies hulle plekke in dié span verdien: Stephan Kruger, Nicola van der Merwe, Marlie Viljoen, Tunet Trumpie, Ivana Venn, Chanté Ferreira, Hannes Janse van Rensburg, Wian Nel, Paul Roos en Eric van der Walt. Die Gautengspan wat aan die SA Skole kampioenskappe in Durban gaan deelneem is ook aangekondig en ons spog trots met die volgende spanlede: Janie Blignaut, Belinda Janse van Rensburg, Nicola van der Merwe, Marlie Viljoen, Tunet Trumpie, Reynhard Strauss, Ethan van den Berg, Markus Kotzee, Stefan Maritz, Stephan Kruger, Eric van der Walt, Jansen Viljoen en Wian Nel. Op Vrydagmiddag 17 Maart het die Parkieraad se Geboue- en terreinkomitee (en vriende) die strepe in die vierkant oorgeverf. Dit was groot pret en selfs oom Hannes was beïndruk met hoe netjies en presies die jongklomp dié projek voltooi het. Heelwat toeskouers het met die verloop van die middag kom inloer en een van die aggies het van hom laat hoor met: Hoe kom n mens van sulke goed by die skool te hore... dit lyk so lekker! Welgedaan aan elkeen wat n kosbare Vrydagmiddag opgeoffer het om elke graad se aantreespasie tydens vierkantsopening te verseker. Izelle Verster, matrikulant van 2012, is sedert haar skooldae n hokkiespeler van formaat. Sy streef steeds haar passie na en het pas Suid-Afrika verteenwoordig in die seniorvrouespan wat twee weke gelede teen Engeland meegeding het. Baie geluk Izelle - ons is steeds trots op jou!

6 Buying or Selling a property Rawson Faerie Glen BERTIE LOMBARD Bertie.lombard@rawson.co.za Looking to Rent / To Let your Property Contact Rawson Faerie Glen