14/2016 Schalk Reynders HOOF

Transcription

1 14/2016 Liewe Ouers Aan die einde van die Tuks Skolereeks kan ons net n oomblik asem skep voordat ons normale ligas begin. Baie geluk aan ons leerlinge en afrigters wat uitsonderlik presteer het in dié reeks. Ons is as die algehele wenners aangewys. Wat opvallend was van die reeks, is die semifinale en finale wat deur baie mense bygewoon is. Vir my was ons deelname aan die reeks n groot sukses. Ek glo ons leerlinge het vir die eerste keer besef hoe bevoorreg ons almal is met ons skool se uitstekende fasiliteite. Die uitdagings in die onderskeie sportsoorte is duidelik uitgewys en die betrokke s p o r t s o o r t e k a n n o u o n s onverdeelde aandag geniet. Ons sal n volledige ondersoek doen om met die oog op volgende jaar die probleme rondom die akademiese tyd wat in beslag geneem word deur deelname, uit te sorteer. Hierdie jaar was vir ons almal n leerskool. Die hoogs suksesvolle opedag het verbygegaan met baie komplimente van buite af. Baie geluk aan Annieka Moolman en haar span wat weereens op hulle allerbeste was. Hoe daar plek gaan wees vir almal wat wil kom, sal net die tyd leer. Daar was selfs personeel van buurskole wat kom inloer het en ek wens hulle sterkte toe met hulle pogings vir opedae wat volg. Gelukkig is daar net een Annieka Moolman en ek weet dit help nie om haar te probeer naaap nie. Verder het die dag self, die a a n d a g a f g e l e i v a n d i e aanlyninskrywings. Voornemende ouers moet onthou om die proses van die aanlynweg te volg. Volledige antwoorde van hoe dit moet geskied bly nog n raaisel. Gelukkig het ons b e k w a m e p e r s o n e e l w a t voornemende ouers bystaan. Op Dinsdag 3 Mei om 11:05 het ons kragopwekker outomaties ingeskop tydens n kragonderbreking. Daar is dus geskiedenis gemaak met die eerste oorskakeling na die kragopwekker wat probleemvry geskied het. Die skool is nou gerat vir alle moontlike kragonderbrekings en beurtkrag. Ons kan uitsien na die koue winter wat voorlê sonder onderbreking in ons akademiese aktiwiteite. Twee van ons onderwysers, me. Renette van Dyk (Australië) en me. Bia Haasbroek (Groot FM) het ons verlaat. Ons beste wense vergesel hulle. Een van ons oudleerlinge, me. Gerda Regenas Richards, het by ons aangesluit vir Wiskunde en mnr. Rigardt Dey gaan die Afrikaans-klasse hanteer. Die finansiële komitee, onder leiding van mnr. Claude Jarrard, het reuse werk gedoen om die proses van fakturering vir alle skoolaktiwiteite deur die skool te laat geskied. Ons is al negentig persent daar waar ons wil wees. Waar daar n probleem opduik, vra ons ons ouers om geduldig te wees en saam met ons die proses te verdra totdat alle probleme uitgesorteer is. Ek kan ons ouers verseker dat daar met groot omsigtigheid met die finansies van ons ouers gewerk word. Die beheerliggaam is deeglik bewus van die finansiële druk waaronder alle mense gebuk gaan. Groetnis tot ons weer ontmoet as Menlo-ondersteuners langs die velde! Schalk Reynders HOOF

2 11/05 Tennis: Amanda Coetzer-toernooi (Bloemfontein tot 15/05) 13/05 Netbal: Liga vs Eldoraigne (weg)/seunshokkie: Liga vs Waterkloof (tuis) 14/05 Dogtershokkie: Liga vs Waterkloof (tuis)/seunshokkie: vriendskaplik vs Westville (tuis)/rugby: vriendskaplik vs Diamantveld (tuis) 20/05 Redenaars: ATKV-semifinaal (tuis) 21/05 Menlo-Koorfees 27 28/05 Debat: ATKV-semifinaal (AHS) 3/09 MENLOFEES Kom bid saam elke Donderdagoggend van ± 07:30 af in die sitkamer van die koshuis. Ma's wat Psalm 17: 8, 15 (Ou vertaling) Bewaar my soos n oogappel; verberg my in die skaduwee van U vleuels ek sal U aangesig in geregtigheid aanskou; ek sal versadig word met U beeld as ek wakker word. Die Here is die deel van my erfenis en van my beker; U onderhou my lot. Psalm 17:5 (Boodskap) God ek bid nou tot U, want U kan my help. Hou my styf vas. n Absolut lekker storie! n Mamma vertel... My seun was die hele dag betrokke by die koor- en orkesstalletjie tydens die opedag. Die koorkinders moes hulle tasse iewers op die eerste vloer bêre en omdat hy die grote kontrabas speel, was dit eintlik net te veel moeite om met die kontrabas sy tas op die boonste vlak te gaan bêre. Seuns is lui... Dus sit hy toe sy tas in meneer Chissels klas. Na die opedag, het hul gewone orkesoefening vanaf 18:00-20:00 gehad. Nodeloos om te sê, dat hy toe net voor orkesoefening agterkom dat sy tas en kosblik toegesluit is in meneer Chissels se klas. Die deur was wel oop, maar die hek was gesluit. Maar 'n boer maak 'n plan, en 'n seuntjie wat vir sy ma gesê het hy weet waar sy tas is iewers deur die middag toe sy hom gevra het, maak nog beter kreatiewe planne Hy kry 'n kort stokkie en haak sy kosblik tot by die deur, en wikkel daarna sy kosblik deur die traliehek. Nou die tas... Hy besluit dat hy versigtiger en banger is vir sy ma as vir die skool se tuinier... en pluk 'n langer, sterker tak van 'n boom af. Hiermee trek of skuif hy toe sy tas tot teen die veiligheidshek... en haal elke liewe boek uit sy 8kg tas deur die tralies. En toe die tas leeg is, druk hy die tas plat, en wikkel hom deur die traliehek. Jippie!!!! Verligte seun... en mamma weet van niks. Ek is darem vanoggend die storie vertel! Dankie Menlopark, julle kweek kinders wat vir hulself kan dink.

3 Kom ons gaan stem! Hoërskool Menlopark, you have been nominated as one of the Best Schools in Pretoria East! Congratulations and if you want to see where you are currently, you can see that list here. Your profile has currently got 49 votes on this list and we really want to see you reach number one. The list has 1,546 people already visiting the page mainly from Google and Facebook, so make sure you get voting to get yourself to the top. Absolut dankie vir Absolut Opedag Baie dankie aan elke ouer en Menlo-mens wat met absolut passie en toewyding deelgeneem het aan ons Opedag: van die vier perde, waarvan een nie wou huis toe gaan nie, tot mnr. Manie, Josiah en Johannes wat die sambreeldak in plek gekry het! Dis n voorreg om met ouers, personeel en absolut asembenemende kinders so n dag aan te bied! Wat die hart van vol is, loop die mond van oor die hande het vasgevat en die arms was wawyd oop om te wys en onvoorwaardelik te deel hoe absolut Menlo-ritme saam klop! Dankie ook aan almal wat n draai kom stap het as huidige ouers en Menlo-vriende! Ons mense is ons skool se hartklop! Baie geluk aan ons formidabele Menlo-koor, o.l.v die besonder ervare en nasionaal gerekende juffrou Jeanmari van Papendorp. Ons koor het tydens die PRETORIA EISTEDDFOD twee ongelooflike A++ verower! Michael Barrett het repliek gelewer en die koor se lof besing as beyond international standards. Geen punte word in die uitdunrondtes bekend gemaak nie, maar, op grond van die lofredes van die beoordelaars, is die Menlo-koor gewis in n klas van sy eie! Ons koorlede is reeds opgewonde besig om hulle tasse pak vir die toer na Rusland, waar hulle gaan deelneem aan die Wêreld Koorspele! Hier is ons twee hande vol redenaars wat deurgedring het na die semifinaal van die ATKV-redenaarskompetisie van 2016: voor van links na regs is Ruben van der Merwe, Matt Lombaard, Bianca Koster, Chanté Lombard, Carli Viljoen en Mieke Kühn; agter staan Dricus Oerlemans, Etienne Cronje, Karmen Wiid en Embeth du Toit! Sulke bekkies moet mos absolut jêm kry! Baie sterkte aan hierdie woordvegters vir die res van die kompetisie, ons hou styf duimvas.

4 Absolut kampioene! Die Hoërskool Menlopark tree in die eerste jaar van deelname as algehele kampioene uit die reeks met Hoërskool Monument tweede en Hoërskool Garsfontein derde. As ons in ag neem dat ons selfs met gholf, wat in sy babaskoene staan, losgetrek het en van ons kleiner sportsoorte soos skaak en landloop, wat dapper spore gaan trap het tussen skole wat al jare aan die reeks deelneem, kan ons beslis ons kinders absolut op die hande dra! Absolut uitnemend! Hier volg die finale uitslae van die sportsoorte wat tot in die doodsnikke van die finale nog moes kophou: Ons seunshokkie eindig as naaswenners: o/14a Menlo wen Rustenburg 3-1 o/14b Menlo wen Nelspruit 6-1 o/16a Menlo eindig gelyk teen Garsfontein 2-2 o/16b Menlo wen HTS Middelburg 3-0 o/18a Menlo verloor teen Garsfontein 0-2 o/18b Menlo wen Nelspruit 5-3 Dogtershokkie eindig as kampioene: o/14a Menlo wen Monument 3-1 o/14b Menlo eindig gelyk teen Eldoraigne 1-1 o/15a Menlo wen Garsfontein 2-1 o/15b Menlo wen Klerksdorp 7-0 o/16a Menlo wen Pietersburg 2-1 o/16b Menlo wen Monument 7-0 Eerstes Menlo verloor teen Transvalia 2-3 Tweedes Menlo verloor teen Pietersburg 0-1 Die rugbymanne eindig as naaswenners: o/14a Menlo verloor teen Garsfontein 0-15 o/15a Menlo wen Monument o/15b wen Monument o/16a Menlo verloor teen Monument Eerstes Menlo wen Klerksdorp Menlo-netbal eindig as kampioene, soos trots berig in Insig 13! Lees elders van nog Tuksreeks-momente!

5 Ons is absolut trots op ons eerstespan-nooientjies wat puik presteer het by die bekende Wildeklawertoernooi vir netbaleerstespanne! Menlo eindig algeheel vyfde uit twaalf spanne en kraai koning (onder andere teen die ander Pretoriaskole wat almal uit die ooste op Kimberley neergedaal het) in ses van hulle agt wedstryde: Menlo wen Wildeklawer-span 26-9 Menlo wen Affies Menlo wen Rustenburg Menlo verloor teen Stellenberg Menlo verloor teen Paarl Girls High Menlo wen Waterkloof Nog netbaluitslae: Menlo meet kragte met Hoërskool Zwartkop op Vrydag, 6 Mei in ligawedstryde en seëvier in 14 van die 17 wedstryde: 1stes Menlo wen 41-27, tweedes Menlo wen 24-10, derdes Menlo wen 27-3 o/17a Menlo wen 22-10, o/17b Menlo wen 20-8 o/16a Menlo wen 26-20, o/16b Menlo verloor 15-17, o/16c Menlo wen 27-1, o/16d Menlo wen 19-9 o/15a Menlo wen 34-8, o/15b Menlo wen 17-7, o/15c Menlo wen 27-3, o/15d Menlo wen 31-0 o/14a Menlo verloor 14-24, o/14b Menlo verloor 15-18, o/14c Menlo wen 17-10, o/14d Menlo wen 22-1 Absolut netbal! Maksimaal betrokke is die Menlo-manier! Twee sussies uit een gesin in die eerste netbalspan by Wildeklawer: Letchen en Isabella du Plessis Twee boeties uit een gesin in die eerste rugbyspan by Wildeklawer: Dylan en Byron Nysschen n Boetie en sussie uit een gesin in die eerste netbal- en rugbyspan by Wildeklawer: Anique en Enrique Grobler Dit is n voorreg om uitgenooi te word na die Wildeklawertoernooi en ons rugbymanne meet nie net kragte teen die bestes in die land nie, maar doen waardevolle ondervinding op. Al die A-spanne het deelgeneem aan die toernooi. Baie geluk manne, ons is trots op julle! Eerstespan: Menlo verloor teen Paarl Gim Eerstespan: Menlo verloor teen Paul Roos 5-32 o/16a: Menlo wen Noord-Kaap 27-7 o/16a: Menlo wen Glenwood o/15a: Menlo wen Noord-Kaap 34-5 o/15a: Menlo wen Glenwood o/14a: Menlo wen Noord-Kaap 70-0 o/14a: Menlo verloor teen Glenwood 10-29

6 Op Donderdag, 5 Mei speel ons dogtershokkiespanne tuis teen Pretoria Girls High en teken oortuigende oorwinnings aan: Eerstes wen 2-1, Tweedes wen 4-0, Derdes wen 7 o/16a wen 5-0, o/16b wen 6-0, o/16c wen 9-0 o/15a wen 8-1, o/15b wen 3-0, o/15c wen 9-1 o/14a wen 2-1, o/14b wen 5-0, o/14c wen 1-0 Hokkiemanne in vriendskaplike wedstryde teen Potchefstroom Gimnasium in Potchefstroom: Eerstespan: gelykop teen Potch Gim 2-2 en tweedespan: gelykop teen Potch Gim 1-1 o/16a: Menlo gelykop teen Potch Gim 0-0 en o/16b: Menlo wen Potch Gim 6-0 o/14a: Menlo wen 3-1 teen Potch Gim en o/14b: Menlo verloor teen Mooirivier o/13a 0-4 C-spanne speel liga teen Curro Roodeplaat op Woensdag, 4 Mei: Menlo o/16c wen teen Curro tweedspan: 4-1 Menlo o/18c verloor teen Curro eerstespan: 0-1 B-spanne speel liga teen Southdowns College op Vrydag, 6 Mei: Menlo o/14b wen SDC o/14a: 3-0, Menlo o/16b wen SDC o/16a: 1-0 en Menlo o/18b speel gelykop teen SDC o/18a: 1-1 Die SA-Junior Derby 2016 het vanaf 5-8 Mei by Kyalami plaasgevind. Kaylin du Toit (graad 10) op Saharan Beach het as waardige wenners in die afdeling, Intermediate Equitation, uit die stryd getree. Tydens die Nasionale Kampioenskappe in Bloemfontein wat verlede naweek plaasgevind het, behaal Luise Groenewald (graad 10) uitstekende uitslae op haar perd, Dante: 1ste Plek: Klas: Driegang Perd Reun bo 5 jaar Kinders jaar 2de Plek: Klas: Driegang Ruiter Reun bo 5 jaar Kinders jaar 2de Plek: Klas: Kampioenskapklas Perd Reun bo 5 jaar Kinders jaar 2de Plek: Klas: Kampioenskap handklas Reun bo 5 jaar

7 Daar word reeds hard geoefen en Menlo-fietsry kan nie wag om hulle titel as nasionale kampioene (2014 en 2015) in die Spur-skolereeks te verdedig nie! Die doel van dié skolereeks is om fietsry onder kinders te bevorder en daarom is die baan en tipe wedrenne van so n aard dat ENIGIEMAND kan kom deelneem, ongeag van jou fiksheidsvlak of die hoeveelheid spinnerakke op jou fiets! Menlo-fietsry nooi ALLE Parkies om te kom deelneem aan hierdie wedrenne om ons sodoende te help om ons titel as nasionale kampioene te behou. Die skolereeks werk op n punte sisteem, dus hoe meer ryers, hoe meer punte. Vervoer word voorsien na en vanaf alle skolereeks-wedrenne en dit is n dag van pret en plesier wat nie misgeloop mag word nie. Inskrywings is reeds oop op die App MTBZA en 10% afslag word aangebied vir leerlinge wat vir al vier wedrenne gelyktydig inskryf. Vir enige verdere navrae, stuur gerus n e-pos aan bemarking@menlofietsry.co.za, skakel of kontak mnr. Chris van Blerk. Die TuksReeks-muurbalwedstryde het met 'n naelbyt wedstryd afgeskop en ook met een geëindig. Ondersteuners en toeskouers was deurgaans beïndruk met die nuwe span (Die Hoërskool Menlopark) se hoë standaard van muurbal. Met Nothando Ntimane wat op die nommer 3 posisie gespeel het was dit van die begin af duidelik dat Hoërskool Menlopark die span sou wees om te wen. Heinrich Groenewald, wat op die nommer 1 posisie gespeel het, sou onder normale omstandighede 'n swaar las gedra het omdat hy die beslissende wedstryd speel. Sy spanmaats, Chris Minnaar, Rohan Meyer, Wessel Oosthuizen en Jeandré Meyer het egter meeste van die harde werk vooraf gedoen. Pierre de Villiers, as reserwe, het waardevolle ondervinding opgedoen tydens die reeks met sy blootstelling aan die topspelers van ander skole. In die eerste rondte het Die Hoërskool Menlopark teen die tweede gekeurde span van Hoërskool Garsfontein te staan gekom en 3/2 geseëvier. Daarna het maklike oorwinnings gevolg oor Eldoraigne, Marais Viljoen en Kempton Park. Die finale wedstryde was teen Hoërskool Nelspruit, die eerste gekeurde span. Alhoewel Nothando aanvanklik 10/7 voor was in die 4de stel, het haar opponent teruggeveg om uiteindelik die stel en die wedstryd te wen. Net toe dit lyk of dit neusie verby was vir ons skool, het Jeandré Meyer die reeks vir Die Hoërskool Menlopark beklink deur sy opponent met 3/1 te wen. Al het Heinrich Groenewald daarna teen die Hoërskool Nelspruit se nommer 1 speler, wat op die SA-ranglys is, verloor, was die Tukstitel reeds in die sakkie! Die Hoërskool Menlopark het as die nuwe span by die TuksReeks aangekom en met die beker weggestap absolut Menlo!

8 Lekker om die Menlo-broek en sportklere te sien, hier waar Jonathan trots op die podium staan ver van die skool af! Roei Jonathan Jooste (graad 10) het deelgeneem aan die Suid-Afrikaanse Nasionale Skole Roeikampioenskappe by Shongweni Dam in Natal. Daar was 65 kwalifiserende o/16-inskrywings en die kompetisie was baie sterk. Die weer was wisselvallig en golwe en wind het sake bemoeilik, maar Jonathan het absolut uitgeblink! Hy eindig in die eerste plek met die 1000m K1 en die 500m K1 en verwerf die tweede plek in beide die 200m K1 en die 5000m K1. Die Suid-Afrikaanse Victor Ludorum-toekenning wat hy tydens hierdie kampioenskappe ontvang, bevestig dat daar n blink toekoms vir hierdie Menlosportman voorlê! Jonathan het op 7 Mei ook aan die Gauteng Roei Marathon kampioenskappe deelgeneem en gewen. Hy het 22.5 km geroei in n tyd van 1 uur 51 sekondes en is tans die Gauteng Marathon-kampioen! Dis nie sommer net vir inklim en roei nie: na elke rondte spring hulle uit die water uit, hardloop met die boot vir 100m, spring terug in die water en roei voort. Daar is ses sulke portages. Op die foto hiernaas ontvang hy die goue medalje vir die 500m van Bridgette Hartley, Olimpiese bronsmedalje wenner in Stoei Baie geluk aan die volgende graad 8-Menloparkers wat absolut seëvier op die stoeimat. Tydens die pas afgelope SA Presidente Grieks Romeins en Vrystyl stoeikampioenskappe het Leon Myburgh (Vrystylkategorie kg), goud verower asook sy SAkleure! Niel du Toit (Grieks Romeinse kategorie kg), spog met n silwermedalje, Noord Gautengkleure asook n vierde plek in die Vrystyl-kategorie (36-39 kg). Juniors waarmee daar beslis rekening gehou moet word - absolut stoei! Skopboks Wees gewaarsku om in die goeie boekies van Keanen Cavanagh (graad 10 - foto regs) te bly! Keanen presteer uitmuntend in skopboks en word gekies vir die Gauteng Noord A span en het Gauteng Noord reeds verteenwoordig by die SA-skopbokskampioenskappe in Pretoria. Hy verwerf die gouemedalje en word aangewys as die SA-kampioen vir seuns o/74kg in die ring.

9 SPIESE TE KOOP Polanik competition javelin 600g 50m Challenger IAAF approved R2500 Nordic training javelin 600g R1000 Albei spiese is in uitstekende toestand en slegs in twee kompetisies gebruik! Kontak: Johanita