19/2018 HANNALIZA FECHTER BEMARKING EN SKAKELING

Transcription

1 19/2018 Liewe Ouers Die gewoonte om so nou en dan rem te trap, spoed te verminder en die enjin af te skakel, het eeue gelede ontstaan. Pelgrims moes vir lang tye wegbly van die werk af om hulle pelgrimstogte te kon voltooi - baie van hulle het die uitdagende berge en dale nie oorleef nie en vir hulle was dié vakansie beslis nie ʼn ruskans nie. Genadiglik is skoolvakansies deel van ons kalender en teen die einde van die termyn besef almal dat ʼn kortstondige breek presies is wat nodig is. Ons pas afgelope winterbreek was vir seker een van opwinding. Menige sportentoesiaste het n kort rusbankreis onderneem vir n fees van sportvermaak wat hulle stewig vasgenael gehou het. Baie take wat juis vir die vakansie geskeduleer is, moes maar gedweë plek maak vir die sokker, tennis, fietsry, rugby, atletiek en motorwedrenne. Die gehop van een kanaal na die ander het meer as genoeg oefening verskaf en die harttempo is opgejaag soos wat die uitsending gevorder het. Met die afstandbeheer net binne bereik, knus toegewikkel voor die televisie, kon wêrelde van absolute vreugde in oorwinning, en verslaenheid in nederlae, in hoë definisie beleef word. Die onmenslike spanning tydens baie van die kragmetings het die menslikheid blootgelê en soms was die oomblik net te oorweldigend. Ten spyte van ranglyste en banksaldo s, is doele misgeskop, dubbelfoute begaan en op skouspelagtige maniere met moederaarde kennis gemaak. Dit was duidelik dat selfs die sportsterre soms moet terugdeins vir die berge op hulle paaie. Vir baie van die Menlo-mense was daar ook nie sprake van afskakel en rus nie. Oor die lengte en breedte van die aarde is daar gereis, deelgeneem, opgetree en meegeding. Die hoogste bergpieke is aangepak in al wat ʼn afdeling of aktiwiteit is. Bykans 100 Menlo-sportlui het Menlo-sportdrag verruil vir provinsiale kleure en Menlopark was uitsonderlik verteenwoordig in al wat ʼn Bloubul-, Gauteng Noord- en Gauteng-span was. Die wonderlike voorreg om groen en goud oor die kop te trek het van ons leerders te beurt geval en ook in daardie spanne het hulle ʼn Menlo-verskil gemaak. Wêreldwyd word mense se harte aangeraak deur Menloparkers se manier van doen. Die krieketmanne het koninklik die septer en die kolf geswaai op van die wêreld se mooiste en oudste krieketvelde en het wyd en syd beïndruk met goeie optrede - so getuig ʼn plasing op facebook van ʼn onbekende Suid-Afrikaner wat ons leerders op n trein dopgehou het. Die English Literature Tour-leerders het selfs die koninklikes uitgeboul en ʼn handdruk van die prins en prinses het hierdie toer onvergeetlik afgerond. Vir ons koor was vakansie nog ʼn kansie om voor te berei vir die World Choir Games. Hulle het elke noot afgerond en seker gemaak dat elke maat van elke lied perfek uitgevoer word om die beoordelaars en die gehore mateloos te beïndruk. Buiten die internasionale goueen silwermedaljes as beloning vir die harde werk, het die staande toejuiging elke koorlid se hartsnare geroer. Geen van die prestasies was moontlik sonder ongelooflike deursettingsvermoë en harde werk nie, etlike berge is reeds geklim en uitdagings oorkom, om te kom waar ons nou is... min of meer halfpad op die 2018-pelgrimstog. Die res van die jaar beloof om definitief nog ʼn paar styl bergpieke in te hou en volgepak te wees met uitdagings. Die enigste manier om die top van hierdie bergreeks te bereik, is om elke dag aan te pak met entoesiasme en treetjie vir treetjie te klim. Ons wens vir elkeen vreugde in die klim toe, genoegdoening in die reis en ʼn sekere wete waar jou hulp vandaan kom. Excelsa Petamus. HANNALIZA FECHTER BEMARKING EN SKAKELING

2 20/07 Landloop: Aflos (Montana) Netbal: SASN Hoërskole (tot 22/07) 21/07 Rugby: Monument (weg) 23/07 Koor: Afsluitingskonsert (Saal, 19:00) 24/07 Hokkie: Seuns A-spanne (AHS) Akademie: Studiekursus, gratis (B107 vanaf 14:15 tot 17:00) - bespreek asb. by B107! 25/07 Landloop: Liga (Prestige College) 26/07 Hokkie: Seuns (Noordvaal tot 28/07) 27/07 Super 6 Akademiese uitdaging / Akademie: Rapporte aan leerders (oorspronklik in Werkplan geskeduleer vir 20/07) 31/07 Akademie: Oueraand vanaf 17:30 tot 19:00 (oorspronklik in Werkplan geskeduleer vir 24/07) 11/08 Fietsry: SPUR-skolereeks # 2 (Curro Hazeldean, Pretoria) 25/08 Fietsry: SPUR-skolereeks # 3 (St Stithians College, Johannesburg) / Menlo-wynveiling (Skoolsaal, 18:00 - kaartjies beskikbaar by sport akademiehoofde) 1/09 MENLOFEES Kom bid saam elke Donderdagoggend van ±07:30 af in die sitkamer van die koshuis. Kontak gerus, Ma's wat Psalm 139:1-6 (Die Boodskap) Here, U kyk of ek eerlik is en vertrou kan word. U weet wat gaan hier binne-in my aan. Ek kan niks wat ek doen, vir U wegsteek nie. Nog voordat ek iets doen, weet U wat dit gaan wees. Of ek by die huis bly en of ek rondloop, daar is niks wat ek vir U kan wegsteek nie. U weet alles wat ek doen. Al het ek nog nie eens begin praat nie, U weet wat ek gaan sê. U ken my deur en deur. U beskerm my hele lewe. Ek kan dit glad nie verstaan nie, al probeer ek. Dit is te oorweldigend. Hiermee vestig ons graag u aandag op die volgende akademiese sake: Rapporte Rapporte vir die tweede kwartaal word aan leerders uitgedeel op Vrydag, 27 Julie en nie soos oorspronklik in die Werkplan geskeduleer vir Vrydag, 20 Julie nie. Oueraand Die kwartaallikse oueraand word aangebied op Dinsdag, 31 Julie vanaf 17:30 tot 19:00, en nie soos oorspronklik in die Werkplan geskeduleer vir Dinsdag, 24 Julie nie. Ons sien daarna uit om enige navrae rondom u kind se akademiese vordering te bespreek. Sieketoetse en doktersertifikate Neem asseblief kennis dat alle aangeleenthede rakende afwesighede met formele assesserings in oorleg met die betrokke vak se departementshoof bespreek moet word en streng volgens die skoolbeleid sal geskied. Sieketoetse word nie meer aangebied nie en waar van toepassing, moet ʼn doktersertifikaat sonder versuim ingehandig word. Sodanige doktersertifikaat moet die datum van die gebeurtenis vertoon en mag nie teruggedateer wees nie.

3 Rekordeksamenrooster Die voorlopige rekordeksamenrooster is reeds aan ons matrieks uitgedeel en die finale rooster sal binnekort op die webtuiste geplaas word. Baie sterkte aan ons matrieks en graag herinner ons die naasbestaandes van ons graad 12 s dat die seisoen vir tee en koffie op aanvraag en allerlei lekkernye terwyl daar baie tyd agter die boeke deurgebring word, sopas aangebreek het! Toetsrooster vir die derde kwartaal Ons vestig graag u aandag op die toetsdatums vir die nuwe kwartaal soos hieronder en in die Werkplan uiteengesit: Graad 8 Di. 31 Jul.: Wiskunde Do. 2 Aug.: LO Di. 7 Aug.: Afrikaans Di. 14 Aug.: EBW Do. 16 Aug.: NW (FW) Di. 21 Aug.: SW (Gesk.) Do. 23 Aug.: SW (Geo.) Di. 28 Aug.: English HL Do. 30 Aug.: SK (Drama) Di. 4 Sep.: SK (Kuns) Do. 6 Sep.: Tegnologie Di. 11 Sep.: Wiskunde Do. 13 Sep.: Keusevak Di. 18 Sep.: NW (LW) Do. 20 Sep.: EBW Wo. 26 Sep.: Afrikaans Vr. 28 Sep.: English HL Graad 9 Di. 31 Jul.: NW (LW) Do. 2 Aug.: Wiskunde Di. 7 Aug.: EBW (Rekeningkunde) Di. 14 Aug.: SK (Kuns) Do. 16 Aug.: SK (Drama) Di. 21 Aug.: EBW (Bek) Do. 23 Aug.: Afrikaans Di. 28 Aug.: Wiskunde Do. 30 Aug.: SW (Gesk.) Di. 4 Sep.: SW (Geo.) Do. 6 Sep.: NW (FW) Di. 11 Sep.: Keusevak Do. 13 Sep.: LO Di. 18 Sep.: English HL Do. 20 Sep.: Tegnologie Wo. 26 Sep.: English HL Vr. 28 Sep.: Afrikaans Graad 10 Di. 31 Jul.: English HL/English FAL Do. 2 Aug.: Geskiedenis Ma. 6 Aug.: Visuele kunste Di. 7 Aug.: Wiskunde/Wiskundige Geletterdheid Ma. 13 Aug.: Frans Di. 14 Aug.: FW Do. 16 Aug.: RTT Ma. 20 Aug.: Duits Di. 21 Aug.: LW Do. 23 Aug.: IGO Ma. 27 Aug.: Toerisme/Musiek Di. 28 Aug.: Geografie Do. 30 Aug.: Besigheidstudies Di. 4 Sep.: IT/Gasvryheidstudie Do. 6 Sep.: Afrikaans Di. 11 Sep.: Rekeningkunde Do. 13 Sep.: Ekonomie Di. 18 Sep.: Wiskunde/Wiskundige Geletterdheid Do. 20 Sep.: Dramatiese kunste Wo. 26 Sep.: Afrikaans Vr. 28 Sep.: English HL/English FAL Graad 11 Di. 31 Jul.: RTT/Frans Do. 2 Aug.: Wiskunde/Wiskundige Geletterdheid Di. 7 Aug.: Geskiedenis/Toerisme Di. 14 Aug.: LW Do. 16 Aug.: Besigheidstudies/Duits Di. 21 Aug.: FW Do. 23 Aug.: Afrikaans Di. 28 Aug.: Visuele kunste/ Ekonomie/Musiek Do. 30 Aug.: Rekeningkunde/ Dramatiese kunste Di. 4 Sep.: English HL/English FAL Do. 6 Sep.: IT Di. 11 Sep.: Wiskunde/Wiskundige Geletterdheid Do. 13 Sep.: IGO Di. 18 Sep.: Gasvryheidstudie Do. 20 Sep.: Geografie Wo. 26 Sep.: English HL/English FAL Vr. 28 Sep.: Afrikaans Graad 12 Ma. 30 Jul.: Geografie Di. 31 Jul.: Besigheidstudies/Duits Do. 2 Aug.: FW Ma. 6 Aug.: RTT/Dramatiese kunste Di. 7 Aug.: Wiskunde/Wiskundige Geletterdheid Ma. 13 Aug.: IGO/Frans Di. 14 Aug.: Afrikaans Do. 16 Aug.: Rekeningkunde/ Gasvryheidstudie Ma. 20 Aug.: IT/Toerisme Di. 21 Aug.: English HL/English FAL Do. 23 Aug.: LW Menlo-wetenskaplike maak wêreldwyd oplae Este-Lize Graham (graad 10) het sáám met die voorbereiding vir die eksamen, Suid-Afrika verteenwoordig in Turkye en n silwermedalje losgeslaan in die Biologie-afdeling met haar wetenskapekspo getiteld: "Can LASER light enhance cell division?" Haar projek val in die baie rare navorsingsveld van Biophotonics - die unieke kombinasie van die gebruik van lasers in die biomediese veld. Die International Science Fair - Eskom Expo for Young Scientists, het haar gekies en geborg om Suid-Afrika te verteenwoordig. Volgens Este-Lize was dit ʼn ongelooflike ondervinding om deel te kon wees van die ekspo in Turkye wat bekendstaan as OKSE2F (Oğuzhan Özkaya Education Karademir Science Energy Engineering Fair).

4 Menlo plus Wiskunde maak sin Akademiese ekstra myl Ekstra klasse word soos volg in Wiskunde, Wiskundige Geletterdheid en Fisiese Wetenskap in die derde kwartaal aangebied. Enige leerder is welkom om te kom skaaf aan vaardighede in hierdie vakke: FISIESE WETENSKAP Graad 10 (Woensdae vanaf 14:10 tot 15:00) 25 Jul.: Me. A. Kemp - Ione in waterige oplossing (H8) 1 Aug.: Me. E. Slabbert - Neerslagreaksies (H10) 8 Aug.: Geen klas 15 Aug.: Me. E. Slabbert - Ander reaksies in waterige oplossings (H10) 22 Aug.: Me. A. Kemp - Mol begrip (H8) 29 Aug.: Me. E. Slabbert - Stoïgiometrie (H10) 5 Sep.: Me. A. Kemp - Stoïgiometrie/Vektore en skalare (H8) 12 Sep.: Me. A. Kemp - Verplasing en afstand (H8) 19 Sep.: Me. E. Slabbert - Gemiddelde spoed en snelheid, versnelling, oombliklike spoed en snelheid (H10) 26 Sep.: Me. A. Kemp - Beskrywing van beweging in woorde, diagramme, grafieke en vergelykings (H8) Graad 11 (Woensdae vanaf 14:10 tot 15:00) 25 Jul.: Me. T. Matthysen (D2) 1 Aug.: Mnr. M. Joubert (A106) 8 Aug.: Me. T. Matthysen (D2) 15 Aug.: Mnr. M. Joubert (A106) 22 Aug.: Me. T. Matthysen (D2) 29 Aug.: Mnr. M. Joubert (A106) 5 Sep.: Me. T. Matthysen (D2) 12 Sep.: Mnr. M. Joubert (A106) 19 Sep.: Me. T. Matthysen (D2) 26 Sep.: Mnr. M. Joubert (A106) Graad 12 (Woensdae, begin 25 Jul., en Donderdae, begin 26 Jul., vanaf 14:00 tot 15:00) Woensdae vanaf 14:00 tot 15:00 in me. E. Vermaak se klas (A104) Donderdae vanaf 14:00 tot 15:00 in me. Y. Alkema (voorheen Swanepoel) se klas (D102) WISKUNDE Graad 8: Dinsdae - Me. A. Retief (G6) Woensdae - Mnr. M. Gilbert (I202) Donderdae - Me. E. Truter (I201) Graad 9: Dinsdae - Me. G. Richards (I203) Graad 10: Maandae - Mnr. H. Smit (G203) Woensdae - Me. L. Crouse (G4) Dinsdae - Me. E. Truter (I201) Graad 11: Dinsdae - Me. C. Smit (G103) Woensdae - Me. S. van Schalkwyk (G104) Donderdae - Me. C. Smit (G103) Graad 12: Maandae - Me. E. Cloete (G204) (G103) en mnr. H. Smit (G203). Die wonderwêreld van Wiskunde Klara Eybers (graad 11) staan nie terug vir wiskundige uitdagings nie - nie tuis nie en ook nie internasionaal nie! Sy was deel van die Suid-Afrikaanse wiskundespan wat aan die Pan-Afrika Wiskunde-Olimpiade in Nairobi, Kenia gaan deelneem het. Hulle het teen 8 ander spanne te staan gekom en het as wenners uit dié wiskundestryd getree. Baie geluk aan Klara met die wonder wat jy in hierdie wiskundige wêreld verrig het! Wanneer wiskunde deel van jou DNA is, is somme sommer maklik. Ons het vroeër vanjaar berig oor al ons Menlo-wiskundiges wat aan die eerste rondte van die SAMF-olimpiade deelgeneem het. Die tweede rondte is intussen afgehandel en ons is trots om aan te kondig dat Klara Eybers (graad 11) en Dricus Oerlemans (graad 12) deel is van die 100 beste seniorleerders en deurdring na die finale rondte van hierdie uitdagende olimpiade op Donderdag, 26 Julie. Baie geluk met n wonderlike prestasie en sterkte vir akkurate bewerkings in die finale rondte! Dinsdae - Me. E. Cloete (G204), me. M. Hofmeyr (G3), me. C. Smit WISKUNDIGE GELETTERDHEID (Woensdae vanaf 14:15 tot 15:15) Graad 10: Mnr. V. Oosthuizen (op afspraak); Graad 11: Mnr. C. Newman (I201); Graad 12: Me. E. Truter (I201)

5 Menlo-koor is nootvas en toonaangewend! Die pas afgelope World Choir Games het gesorg vir groot opgewondenheid in koorgeledere en kore van regoor die wêreld het in Pretoria saamgetrek om hulle harte uit te sing! Ons Menlo-koor het waarlik nootgehou en na afloop van maande se harde werk en voorbereiding, die asems weggeslaan met die passievolle vertolking van hulle werke. Hierdie kompetisie vind plaas in twee hoofafdelings: die Open category (waarin enige koor kan deelneem, met of sonder kompetisie ervaring) en die Champions category (kore moet kwalifiseer en dan in een van die 27 kategorieë meeding). Ons koor het in die Champions category deelgeneem en was een van die enkele skoolkore wat kans gesien het om in twee afdelings in te skryf nl. Gospel en Mixed Youth. In die afdeling Mixed Youth Choirs word hulle beloon met 85,5% en ʼn goue medalje en in die afdeling Gospel, verower die koor ʼn silwer medalje. Hulle het in die tweede week van die spele aan die beurt gekom en hulleself onderskei as ʼn koor wat nie terugdeins vir musikale uitdagings nie - die staande toejuigings van die gehoor het die aanhoorders se waardering vir die passievolle uitvoering van sulke uitdagende werke weerspieël. Me. Jeanmari van Papendorp is baie trots op die 110 koorlede wat so hard gewerk het en dankbaar vir die volgehoue ondersteuning van die koorouers. Sy sonder ook graag die ongelooflike toewyding van die koorpersoneel uit, wat hulle vakansie opgeoffer het om alle aspekte van die koor seepglad te laat verloop. Juffrou van Papendorp voel dat die goue medalje wat ons koor losgesing het een van die hoogtepunte van haar loopbaan as koorleier was en haar hart loop oor van vreugde! Die World Choir Games was waarlik ʼn uitsonderlike musikale geleentheid hier in die Jakarandastad en ons koorlede het die geleentheid ten volle benut om saam met kore van regoor die wêreld te sing. ʼn Koor van Indonesië het in ons skoolkoshuis tuisgegaan en die kuier en saamsing was vir ons koor een van die hoogtepunte van die koorspele. Met musiek kan die grense van taal, kultuur en wêrelde met gemak oorgesteek word. Menlo-leerders en oudleerders skitter by World Choir Games Saam met die Menlo-koor het drie Menlo-leerders in ander kore ook uitgeblink by die koorspele. Cristelle Oerlemans (graad 9), Divan Braak (graad 12) en Minné Braak (graad 10) het as deel van die Magaliesberg Kinderkoor geskitter met puik prestasies en goue medaljes in verskeie kategorieë. Talle van ons oudleerders was ook te sien in jeug en universiteitskore wat uitsonderlik presteer het tydens die koorspele.

6 Bloemfontein Skrywersvereniging skryfkompetisie So tussen al die sportprestasies van die afgelope termyn, het ons leerders nie versuim om ook op akademiese gebied uitsonderlik te presteer nie. 16 Menloparkers het ingeskryf vir die Bloemfontein Skrywersvereniging se skryfkompetisie. Uit ʼn totaal van 66 inskrywings, het Menlo graad 11-leerders se werke heelbo aan die lys gepronk: Karmen Wiid word aangewys as algehele wenner en word beloon met R1 500, Dyllan Niehaus behaal ʼn 2de plek en slaan R800 in sakgeld los en Zané Steyn spog met n eervolle vermelding. Hierdie jong skrywers se werke sal gepubliseer word in die skrywersvereniging se Inkvars-bundel en hulle word ook bederf met ʼn gratis slypskool wat deur Dana Snyman by KOVSIES aangebied gaan word. Volgens een van die organiseerders het Menlo waarlik geseëvier in die poësie-afdeling vir skole met poësie van formaat. Poort-skryfkompetisie Vier Menlo-skrywers het geskitter onder die wenners van die Poort se jaarlikse landswye skryfkompetisie - Reinet le Roux, Dyllan Niehaus, Zané Steyn en Karmen Wiid. Baie geluk Karmen, wat as een van die top 5 kandidate genooi is om ʼn skrywersslypskool, wat deur prof. Heilna du Plooy van die PUKKE by KOVSIES aangebied is in samewerking met dr. Anthea van Jaarsveld en prof. Hennie van Coller, by te woon. Daar is baie geleer en gewoeker met woorde - voorwaar ʼn voorreg om saam met ander jong skrywers van regoor die land te slyp aan die wonder van woorde! Tydens ʼn splinternuwe finale skryfuitdaging, het Karmen Wiid ʼn fenomenale eersteplek verower met haar skrywerstalent in die poësie-afdeling en ʼn algehele 2de plek in die skrywerskompetisie. Baie geluk Karmen, skryf so voort! Hals und Beinbruch! Die Hoërskool Menlopark neem elke jaar deel aan die FSA (Friends of South Africa) se uitruilprogram. Parkies skitter sonder uitsondering in groot getalle op hulle lyste van gekeurde kandidate - ʼn klinkklare bewys van die hoë prioriteit wat tale op Menlo-bodem geniet. Die getal leerders wat Duits en Frans as vak neem verklaar ook dat ons in verskeie tale ons man kan staan! Met die FSA-program, ontvang ons leerders die geleentheid om in te skakel by ʼn gesin en ʼn skool in Duitsland en keer telkens propvol nuwe ervarings en lewenswyshede terug. Baie welkom aan die Duitse leerders wat hierdie termyn by ons aansluit - dankie ook aan die gasvrye gesinne wat hulle huisves! Die volgende 3 maande-uitruilprogram na Duitsland vind plaas vanaf einde Oktober 2018 tot Januarie Baie geluk en sterkte aan die volgende graad 10-leerders wat deelgeneem en gekwalifiseer het vir hierdie lewensverrykende ervaring: Melt Hamman: nasionaal 11de en provinsiaal 6de - 81,28%, Maria Smith: nasionaal 13de en provinsiaal 8ste - 79,28%, Jan Hendrik Möller: nasionaal 18de en provinsiaal 13de - 75% en Shania Burger: nasionaal 20ste en provinsiaal 15de - 74,67%.

7 Gauteng-kampioenskappe Om tydens die eksamen die leerwerk n bietjie opsy te skuif en vir n hele naweek lank, kragte te meet met die beste netbalspanne in Gauteng, is n groot voorreg, maar terselfdertyd ook n reuse uitdaging. Na afloop van n lang seisoen en harde werk, het ons o/14-, o/16-, o/17- en o/19anetbalspanne, by die Gauteng-kampioenskappe die koue en die ander spanne stormgeloop (die o/15-uitspele het reeds die vorige naweek plaasgevind). Tydens hierdie toernooi maak Menlopark se netbalspanne groot golwe in die netbalwêreld en al die A-spanne dring deur na die SAskolekampioenskappe. Elke span moes ongeveer sewe wedstryde gedurende die naweek speel, en die seer lywe en stukkende voete is beloon met die volgende uitstekende resultate asook die toekenning as beste netbalskool vir 2018 in Gauteng: ʼn vierde plek vir die o/14 s, n 2de plek vir die o/16 s, n 5de plek vir die o/17 s en ʼn gouemedalje vir die eerstespan! Hierdie spanne ding almal eerskomende naweek mee in die SASN-hoërskoletoernooi - ons hou styf duim vas! Puik resultate soos hierbo is natuurlik nie moontlik sonder die harde werk van die organiseerder, die afrigters, die ouers en al die ondersteuners nie. Baie geluk aan elke netbalspeler wat hierdie seisoen so hard geoefen het en aan almal wat seker gemaak het dat elkeen haar beste op die baan kon gee. Menlo is waarlik trots op elkeen van julle. Absolut netbal in provinsiale spanne Ons is baie trots op ʼn volle 10 netbalspelers wat buite die Menlo-grense hulle passie vir netbal uitleef. Na afloop van ʼn vakansie gevul met netbal, netbal en nogmaals netbal, waar talle van ons netbalspelers Gauteng Noord verteenwoordig het by die nasionale kampioenskappe, is Sharlé Labuschagne ingesluit in die o/17 SA-span en Lucy Strydom, Rolene Streutker en Chanel Vrey is deel van die top 35 o/18-spelers in Suid-Afrika. Baie geluk aan ons netbalmeisies met hierdie uitsonderlike prestasies! Coke-toernooi in Potchefstroom Die Coke-netbaltoernooi het die afgelope vakansie in Potchefstroom plaasgevind en spelers moes nie net teen mekaar meeding nie maar ook teen die reën. Poelwedstryde is op die Vrydag afgehandel met kragmetings tussen sterk skole, maar ongelukkig kon die uitspele wat op die Saterdag sou plaasvind, nie voltooi word nie. Tegnies gesproke is die toernooi dus onbeslis maar die bestuur het besluit om die poelwenners van die verskillende ouderdomme in ag te neem vir die top 3 posisies op grond van doelgemiddelde. Baie geluk aan die o/14 s en eerstespan met hulle blink silwermedaljes asook Sharlé Labuschagne wat aangewys is as doel van die toernooi!

8 Menlo-rugbymanne is ʼn bewys van die feit dat Menloparkers veelsydig is, en sport en akademie suksesvol kan balanseer! Tydens die eksamen het ons rugbyspanne nie net met die akademie klaargespeel nie maar ook ʼn opponent of twee in die liga kafgedraf. Ten spyte van die byt in die lug is daar goeie rugby gespeel en ons manne tree oudergewoonte as ware ambassadeurs van die skool op - op en van die veld af. Baie dankie aan elke ouer, speler en afrigter wat hulle deel bydra om te verseker dat Menlo-rugby voluit vorentoe beweeg! Menlo vs HTS Middelburg op Saterdag, 9 Junie: o/14a: Menlo 34; HTS 10 o/14b: Menlo 20; HTS 27 o/15a: Menlo 27; HTS 26 o/15b: Menlo 19; HTS 0 o/16a: Menlo 39; HTS 36 o/16b: Menlo 15; HTS 20 o/16c: Menlo 22; HTS 0 3des: Menlo 5; HTS 17 2des: Menlo 12; HTS 44 1stes: Menlo 49; HTS 19 Menlo vs Hoërskool Helpmekaar op Saterdag, 16 Junie: o/14a: Menlo 15; Helpies 10 o/14b: Menlo 24; Helpies 10 o/15a: Menlo 50; Helpies 17 o/15b: Menlo 24; Helpies 10 o/16a: Menlo 12; Helpies 38 o/16b: Menlo 17; Helpies 10 2des: Menlo 21; Helpies 41 1stes: Menlo 30; Helpies 32 Foto s met vergunning van Divan Snyman. Absolut kaptein! Met 28 van Menlo se rugbyspelers in die verskillende Blou Bulspanne was die vakansie een van laagvat en skrum, eerder as rus. Baie geluk aan Divan Venter wat as kaptein van die Blou Bul A-span aangewys is. Swem Sannie swem! Vanaf 7 tot 13 Julie het Tayla Jonker as lid van die Gauteng-span, Suid-Afrika verteenwoordig by die Tricolour Games in Italië. Baie geluk met die onderstaande internasionale prestasies as Menlograadaggie, ons is baie trots op jou: 2de plek (silwermedalje) in 50m-, 100m- en 200m-rugslag 4de plek in 50m en 100m-vryslag 7de plek (deel) in 200 m IM Menlo-landloop het op ʼn drafstap op 16 Junie hulle merk in Zeerust gaan maak en tydens die AGN Interprovinslae Kampioenskappe die volgende prestasie aangeteken: Meisies o/14: Shalan Krüger (7de); Carla van Wyk (15de) o/15: Jeanni Labuschagne (19de) o/16: Kirsti Bell (3de) o/17: Lyndi Roelofse (4de) Seuns o/14: Hannes Louw (3de); Willie Louw (12de) o/15: Niel van der Merwe (24ste) o/16: Wian v Niekerk (1ste); Jacques v Niekerk (46ste) o/17: Rikus v Niekerk (12de); Rouxan le Roux (25ste) o/19: Melt von Molendorff (17de); Henco Botha (45ste)

9 Menlo-hokkie het die seisoen op ʼn hoogtepunt afgesluit met die aankondiging dat ons meisiespanne die algehele wenners van die Pretoria-liga is. Absolut geluk met hierdie pragprestasie! Menlo vs AHMS Die laaste wedstryde in die liga is teen Afrikaanse Hoër Meisieskool gespeel en die uitslae was soos volg: o/14a: Menlo 2; AHMS 1 o/14b: Menlo 0; AHMS 1 o/14c: Menlo 0; AHMS 0 o/15a: Menlo 4; AHMS 1 o/15b: Menlo 0; AHMS 2 o/15c: Menlo 0; AHMS 1 o/16a: Menlo 4; AHMS 0 o/16b: Menlo 4; AHMS 0 o/16c: Menlo 6; AHMS 0 Eerstespan: Menlo 3; AHMS 0 Tweedespan: Menlo 1; AHMS 4 Derdespan: Menlo 0; AHMS 1 Menlo-hokkie streef hoog Baie geluk aan al die Menlo-hokkiespelers wat in verskeie ouderdomsgroepe in provinsiale spanne geskitter het en hulle wintervakansie op die hokkievelde van Suid-Afrika spandeer het: Tunet Trumpie is gekies as kaptein van die Gauteng Noord o/18a-span. Elita van Staden is ingesluit in die SA o/18a-span wat in ʼn toernooi teen Australië 3-0 geseëvier het en Chanté Ferreira is gekies vir die SA o/18b-span. Baie geluk aan hierdie Menlo-spelers in groen en goud! Elke jaar daag die Menlo-oudhokkiespelers op om die eerstespan uit te daag. Die ouderdomme van hierdie ou spelers wissel - party van hulle was net verlede jaar nog hier op skool en ander, wel, ʼn bietjie langer terug. Harde hokkie is gespeel en so saam met die baarde en langer hare, kom daar tog ook ervaring en wysheid wat vir ons jonger spelers ʼn inspirasie is. Al die Menlo-hokkiespelers is dit eens dat dit sonder uitsondering ʼn groot voorreg is om kragte op die astro teen die oumanne te meet. Dit bly ʼn motivering om te sien wat van spelers word waarna ʼn mens opkyk tydens jou skooljare. Baie geluk met uitstekende hokkie, goeie gees en absolut betrokkenheid by die skool en die sportsoort.

10 Die afgelope vakansie het ons fietsryers beslis nie teruggestaan vir die snerpende koue nie en hulle het hard geoefen om die Menlo-wiele aan die rol te hou vir die res van die SPUR-skolereekswedrenne wat voor die deur lê! Die SA Marathon kampioenskappe het ook gedurende die vakansie plaasgevind in Grabouw in die Kaap te midde van baie koud en modderige toestande. Baie geluk aan Monique du Toit wat n derdeplek behaal het in die Juniordogter-kategorie. Monique het ook vanaf 10 tot 12 Mei die uitdagende Sani2C-fietswedren, saam met haar pa, Wilhelm du Toit, voltooi. Absolut fietsryfamilie! Die wedren het in KwaZulu, Natal plaasgevind en deelnemers lê vir 3 dae agtereenvolgens tussen 82 en 96 km af. Volgens die Sani2C se organiseerders, was Monique die eerste 16- jarige meisie wat hierdie fietswedren voltooi het. Welgedaan Monique! Baie sterkte aan ons fietsryers met die laaste voorbereidings vir die volgende twee SPUR-skolereekswedrenne: 11 Augustus (Curro Hazeldean, Pretoria) en 25 Augustus (St Stithians College, Johannesburg). Skakel gerus in op kyknet op Vrydagaand, 20 Julie vir die program Toks en Tjops om ʼn onderhoud met ons eie fietsryer, Marco Moolman, te sien. NJSA Country Festival Vroeër vanjaar het vyf MMA-spelers as deel van die NJSA Country Festival span aan die Country Festival toernooi in Bloemfontein deelgeneem. Dirk Pierre Bouwer, Christopher Roets en Pieter Theron was lede van die o/19-seunspan wat al hulle wedstryde gewen het maar in die finaal die knie moes buig teen baie sterk mededinging. Jana Craig het vir die o/16-meisiespan gespeel wat tweede geëindig het in die gekombineerde o/16/o/19-meisiesgroep en Nicolai Kuschke was lid van die o/16- seunspan. NJSA Geslote toernooi 14 MMA-spelers het vanaf 18 tot 20 Mei aan die NJSA Geslote toernooi deelgeneem. Hierdie toernooi is verpligtend om vir IPT-proewe te kwalifiseer (saam met die afgelope jaar se resultate). MMA-spelers staan hulle plekke soos volg vol onder die 140 spelers wat deelgeneem het: o/14a-meisies: Jeanne Craig (4de) o/16a-meisies: Jana Craig (5de) o/16b-meisies: Bea Loubser (5de); Montené Ferreira (6de) o/19a-meisies: Carla Naude (3de); Lara du Plessis (5de) o/14b-seuns: Emil Greyling (1ste) o/16a-seuns: Dian Muller (6de) o/16c-seuns: Wilhelm van Rooy (1ste) o/19b-seuns: Dirk Pierre Bouwer (5de); Emil van Biljon (6de) en Christopher Roets (7de) o/19c-seuns: Pieter Theron (1ste); Barry-John Rossouw (2de) Carla Naude, Wilhelm van Rooy, Emil Greyling, Pieter Theron en Barry-John Rossouw het almal kontantpryse losgeslaan. Gauteng Noord span Na afloop van hierdie toernooi het die NJSA-komitee vergader en die volgende spelers is gekies om Gauteng Noord tydens die wintervakansie by die interprovinsiale toernooie te verteenwoordig: Jeanne Craig (o/14-meisies), Jana Craig (o/16-meisies), Carla Naude (o/19-meisies), Emil Greyling (o/14-seuns) en Dian Muller (o/16-seuns). Baie geluk aan al die MMA-spelers met julle prestasies en volgehoue toewyding.

11 SANESA sorg vir pronkerige prestasies Die laaste SANESA-skoleskou het vanaf 9 tot 10 Junie by The Willows-rysentrum plaasgevind. Baie geluk aan elke deelnemer, hiermee die resultate tot en met die eerste 5 plekke: Dresseer vlak 1: Yamila van Wyk (2de en 3de plekke); Talitha van Rooyen (5de plek) Dresseer vlak 2: Amor le Roux (twee 1ste plekke) Dresseer vlak 3: Maia Nel (1ste plek en vier 2de plekke); Mila de Muelenaere (twee 1ste plekke) Performance Riding vlak 1: Lara Coetzer (1ste plek) Working Riding vlak 5: Claurette Oosthuizen (3de plek) Equitation vlak 2: Nina Stone (4de plek); Zané Coetzee (5de plek) Show Jumping vlak 1: Leandri Malherbe (5de plek) Show Jumping vlak 2: Lara Coetzer (5de plek) Show Jumping vlak 4: Yamila van Wyk (5de plek) Show Jumping vlak 5: Carla Petersen (1ste en 2de plekke); Amor le Roux (3de plek) Prix Caprilli vlak 1: Yamila van Wyk (1ste plek); Talitha van Rooyen (1ste en 2de plekke) Prix Caprilli vlak 3: Claurette Oosthuizen (3de en 5de plekke) Prix Caprilli vlak 5: Nina Stone (1ste en 2de plekke) Prix Caprilli vlak 6: Mila de Muelenaere (1ste en 2de plekke) Handy Hunter vlak 1: Zané Coetzee (2de plek) Morgan mik hoog Daar was hierdie vakansie behoorlik perde! Op Saterdag 23 Junie, het Morgan Brits aan die Qualifier 5 se Western Mounted Games by SANESA asook in die Ope afdeling, vlak 3 deelgeneem. Sy verower in totaal 4 eersteplekke, 3 tweedeplekke en 2 derdeplekke! Boonop spog sy as die Vlak 5 Algehele Hoërskoolkampioen én die Vlak 3 Algehele kampioen. Welgedaan Morgan! Gauteng Provinsiale span Die Gauteng provinsiale perdryspan is onlangs aangekondig en dit is met trots dat ons aankondig dat ʼn fenomenale 19 ruiters in die span sowel as op die reserwelys pryk. Carla Petersen, Amor le Roux, Nina Stone, Anthea le Roux en Lara Coetzer het in 5 items en meer gekwalifiseer en Maia Nel (graad 8) het in ʼn verstommende 10 items kwalifiseer. Absolut Menlo-perdry! Stoeiers ryg medaljes in Twee graad 10-leerders, Niel du Toit en Leon Myburgh en een van die skool se studente-onderwysers, mnr. Herman Engelbrecht, het die afgelope vakansie aan die SA Kadette, Junior- en senior stoeikampioenskappe in Natal gaan deelneem. Na afloop van die kompetisie pronk hulle met ʼn hele aantal blink medaljes tussen die drie! Niel du Toit ontvang ʼn gouemedalje asook sy SA-kleure in die afdeling Kadette, o/17 jaar (o/51kg) in die Grieks-Romeinse afdeling. Hy spog ook met n bronsmedalje in Kadette o/51kg in die Vrystyl afdeling. Leon Myburgh stoei n silwermedalje in die afdeling Kadette o/60kg in die Vrystyl afdeling los. Welgedaan manne!

12 Oppi ys Innibos Jaydean Brits (graad 11) is reeds bekend vir haar besondere talent op die ys. Tydens die Innibos-kunstefees wat in die skoolvakansie in Nelspruit plaasgevind het, skitter Jaydean in die rolverdeling van die eerste ysskaatsproduksie op dié fees, getiteld Winter Wonderland. Sy bekoor oud en jonk in vertonings wat reeds voor die fees uitverkoop was, as verskeie Disney-karakters. Pretorianers het ook die geleentheid om hierdie produksie gade te slaan - Winter Wonderland word op 29 Julie by The Grove aangebied! Lourens is bobaas met boog Lourens Myburgh is ʼn skut uit die boonste rakke en pryk tans derde in Suid-Afrika op die ranglys. Tydens die afgelope vakansie sit hy sy akkurate mikwerk voort en verwerf sy Protea-kleure vir Field Archery. Welgedaan, ons is trots op jou! Lourens fokus vanjaar op die IFAA Field, omdat die Field Archery wêreldspele hierdie jaar in Suid-Afrika in Potchefstroom plaasvind vanaf 5 tot 13 Oktober. Onlangse prestasies van Lourens sluit ʼn tweedeplek tydens ʼn kompetisie in Tzaneen in en ʼn derdeplek tydens ʼn kragmeting in Thabazimbi. Rikanette Steenkamp is ʼn oud-parkie (matrikuleer in 2010) wat steeds sorg vir uitsonderlike atletiekprestasies. Haar jongste prestasie slaan die asems behoorlik weg: Rikanette spog as die Wêreldbekerkampioen in die 100m-hekkies! Menlo is supertrots op hierdie superprestasie! Haar nederigheid terwyl sy topprestasies behaal, is bewonderenswaardig en haar reaksie nadat sy as kampioen van die baan stap, verstom: This was a very very special day for me. With everything in me I wanted to make the most of this opportunity. I ran to win. And by grace... by hard work... by a lot of patience... and endurance... the best coach, physio, management team and only a little bit of faith (the size of a mustard seed) I won this race.

13