FAKULTEIT GEESTESWETENSKAPPE

Transcription

1 FAKULTEIT GEESTESWETENSKAPPE Faculty of Humanities Lefapha la Bomotho Boodskap aan personeel van die Fakulteit Geesteswetenskappe Mei 2016 Beste Kollegas Dit is reeds geruime tyd sedert my boodskap in Desember Soos altyd is dit n plesier om belangrike aktiwiteite, lofbetuigings, prestasies en erkenning van ons kollegas (en studente) asook van die Fakulteit Geesteswetenskappe self met u te deel. Die jaar 2016 blyk nog n belangrike, gebeurtenisvolle en veeleisende jaar vir ons almal te wees. Terwyl u die jaar op u eie manier hanteer, gaan asb voort met u toewyding, passie en sorgsaamheid ten opsigte van onderrig en leer, navorsing, studieleiding en gemeenskapsdiens. Ek begin in hierdie uitgawe met n reeks genaamd Profiel, waar ons op n personeellid fokus. Aanstelling van nuwe Adjunkdekaan Die Fakulteit verwelkom prof MME (Maxi) Schoeman as Adjunkdekaan: Nagraadse Studie en Etiek in die Fakulteit Geesteswetenskappe. Prof Schoeman het n MA in Politieke Wetenskap aan die Randse Afrikaanse Universiteit (RAU) (nou die Universiteit van Johannesburg) behaal en n PhD in internasionale betrekkinge aan die Universiteit van Wallis (Aberystwyth). Sy is in November 2000 aangestel as professor en Hoof van die Departement Politieke Wetenskappe Maxi Schoeman aan die Universiteit van Pretoria (UP). Sedert haar aanstelling by UP het sy ook posisies beklee as Waarnemende Hoof van die Departement Filosofie, van 2002 tot 2004, en as Voorsitter van die Kern Sosiale Wetenskappe-vakgroep in die Fakulteit tot haar onlangse aanstelling as Adjunkdekaan. Sy is sedert 2014 lid van die Universiteitsraad. Prof Schoeman was reeds studieleier van n Bladsy 01

2 indrukwekkende aantal meesters- en doktorale studente en het al baie publikasies op haar kerfstok, insluitende boeke, hoofstukke in boeke en artikels in portuurbeoordeelde joernale. Ek wens prof Schoeman graag geluk met haar aanstelling en wens haar die beste toe vir haar toekomstige loopbaan as Adjunkdekaan en lid van die Fakulteit se senior bestuurspan. Fakulteitstudenteadviseur ontvang haar meestersgraad Thembi Barnabas, ons Studenteadviseur, het haar meestersgraad in Voorligtingsielkunde op die Herfspromosieplegtigheid ontvang. Wilma Da Gama word bevorder Wilma Da Gama van ons Mensehulpbronnekantoor is onlangs tot Koördineerder van MH-dienste in die Fakulteit bevorder. Sy het haar diens by die Universiteit op 1 November 2006 as n Senior MH-beampte begin. Fakulteit oortref die 2016-teiken in die verhouding van studente Ons nader ons teiken om n 50-50%-verhouding van wit studente tot swart studente te hê! Ons het ons teiken vir 2016 (43%) oortref deur 49,33% eerstejaarstudente van kleur in te skryf. Die persentasie studente van kleur verbeter steeds, met 35,15% wat in 2012 ingeskryf is, 36,96% in 2013, 39,4% in 2014 en 41,92% in Hoewel ons oorkoepelende teiken vir studente van kleur vir 2016 oortref is, moet hulle verspreiding tussen die verskillende programme nog verbeter, veral in ons keuringsprogramme. Eerste gegradueerdes vir die MA-program, Afrika-Europese Kulturele Betrekkinge Pamela Ayum Ganyi, Chané Joyce Rama Dahya en Sikho Yolokazi Siyotula het op die Herfspromosieplegtigheid op 19 April in hierdie multidissiplinêre program gegradueer. Uitsonderlike prestasie vir doktorale student Dr Claude-Hélène Mayer het haar derde doktorsgraad op die Herfspromosieplegtigheid ontvang: n PhD in sielkunde (met prof David Maree as promotor) vir haar proefskrif getitel A psychobiography of Paulo Coelho. Sy het ook n doktorsgraad in kulturele antropologie van die Georg-August-universiteit in Göttingen, Duitsland, en n PhD in bestuur (Fakulteit Handel) van die Rhodes-universiteit in Grahamstad. Sy het haar nadoktorale graad in Habilitasie in Sielkunde met n fokus op Werk, Organisatoriese en Kulturele Sielkunde aan die Europese Universiteit in Frankfurt (Oder), Duitsland, in 2012 afgehandel. Bladsy 02

3 NNS-projek oor rotskuns Dr Ndukuyakhe Ndlovu (Departement Antropologie en Argeologie) het n driejaartoekenning van die NNS se Afrikaherkomsteplatform vir navorsing oor Suider-Afrikaanse rotskuns ontvang. Die projek, getitel Spatial distribution of rock art sites in South Africa: a review of the animal subjects, herondersoek huidige sjamanistiese modelle, wat Suider- Afrikaanse rotskuns al byna n eeu lank oorheers. Die totale waarde van die toekenning is R , en die projek duur van 2016 tot Nuwe toekennings vir prof Dada Prof Shakila Dada van die Sentrum vir Aanvullende en Alternatiewe Kommunikasie (SAAK) het suksesvol aansoek gedoen vir samewerking aan n navorsingsprojek met dr Santoshi Halder (Universiteit van Kalkutta, Indië). n Gekombineerde toekenning van Suid-Afrika se Nasionale Instituut vir die Geesteswetenskappe en Sosiale Wetenskappe (NIGSW) en die Indiese Raad vir Navorsing in Sosiale Wetenskappe het hierdie projek moontlik gemaak; dit fokus op verkenning van die perspektiewe van kinders met intellektuele gestremdhede in n postliberale Suid-Afrika. Die toekenning Shakila Dada (R ) maak voorsiening vir navorsingskoste, reiskoste vir die ontvangs van die internasionale hoofondersoeker, en ook beurse vir nagraadse studente vir n tydperk van twee jaar. Nog n toekenning is gemaak aan die hoofondersoekers, prof Dada en prof Karina Huus, vir drie jaar se befondsing ooreenkomstig die Sweeds-Suid-Afrikaanse Wetenskap- en Tegnologienavorsingsamewerking. Dr Alecia Samuels (SAAK) voltooi tans haar nadoktorale beurstydperk aan die Jӧnkoping-universiteit in Swede en sal ook deel van die projek wees. Die toekenning (R ) is bedoel om navorsingsamewerking tussen die navorsers, doktorale studente en nadoktorale genote aan die twee instellings te ontwikkel. Haar Thuthuka-NNS-graderingsaansoek was ook suksesvol vir die tydperk , met prof Dada as die hoofondersoeker. Die navorsing fokus op die doeltreffendheid van aangevulde insette met gebruik van mobiele tegnologieë met Aanvullende en Alternatiewe Kommunikasie-sagteware in taalleer. Die projek word vir die eerste jaar met R befonds. Carnegieraad vir Etiek in Internasionale Sake besoek UP Op 4 Desember 2015 het ons professor Michael Ignatieff en mnr Devin Stewart van die Carnegieraad op n seminaar verwelkom om die begin van hul besoek aan Suid-Afrika aan te dui. As gaste van die Departement Politieke Wetenskappe was hulle in die land om navorsing te doen vir n internasionale studie oor hoe samelewings wat n traumatiese verlede het, verskille en diversiteit hanteer en nuwe narratiewe skep. Die Departement het vergaderings met akademici, regsgeleerdes in menseregte, regters, polisieverteenwoordigers, vakbondverteenwoordigers, dinkskrums, ekonome, gemeenskapsaktiviste, studenteleiers, politici, joernaliste en geloofsleiers gereël ten einde n idee te kry van hoe Suid-Afrikaners hul verlede, hul huidige situasie en hul gedeelde toekoms sien. Die uitset van hul navorsing sal die vorm van n boek aanneem by geleentheid van die eeufees van die Carnegieraad. Bladsy 03

4 Die Carnegiefamilie van stigtings speel n belangrike rol om belangrike internasionale kwessies, waaronder onderwys, te bevorder. Die Carnegie-afvaardiging het ook van die studenteleiers ontmoet wat by die #FeesMustFall-veldtog betrokke was. Die jeug en studentekwessies is belangrike items in feitlik al die samelewings wat deel van hulle internasionale studie uitmaak. Hulle was beïndruk deur die volwassenheid en insig van die studenteleiers aan UP. Professor Ignatieff is tans die Edward R Murrow-professor in Praktyk aan die Harvard Kennedy School, en hy het voorheen in die Kanadese parlement gedien. Hy was een van die skrywers van die International Commission on Intervention and State Sovereignty (ICISS)-verslag van 2001, waaruit die kernbeginsels van die Verantwoordelikheid om te Beskerm voortgevloei het. Hy het Suid-Afrika in 1997 besoek om die verhore van die Waarheid-en-Versoeningskommissie in Port Elizabeth by te woon. Professor Sandy Africa (tans waarnemende Hoof) en dr Gerhard Wolmarans van die Departement Politieke Wetenskappe is albei Etiekgenote van die Carnegieraad en het die reëlings vir die besoek gefasiliteer. Mnr Devin Stewart, Senior Programdirekteur van die Carnegieraad; Prof Sandy Africa, Waarnemende Departementshoof: Politieke Wetenskappe; Prof Maxi Schoeman, Adjunkdekaan: Geesteswetenskappe; Prof Michael Ignatieff; Dr Gerhard Wolmarans (Politieke Wetenskappe); Prof Vasu Reddy, Dekaan: Fakulteit Geesteswetenskappe; Prof Hennie Stander, Adjunkdekaan: Geesteswetenskappe Bladsy 04

5 Nuwe Hoof van die Departement Musiek Professor Alexander Johnson is met ingang 1 Januarie 2016 as Hoof van die Departement Musiek aangestel. Hy volg prof Wim Viljoen op, wat aan die einde van 2015 afgetree het. Sedert sy aanstelling aan UP in 2001 was prof Johnson verantwoordelik vir kurrikulumontwikkeling, Alexander Johnson dosering in talle voorgraadse kursusse in die Departement en studieleiding vir n aansienlike aantal nagraadse studente met Musikologie en Komposisie as hoofvakke. As komponis het hy ook reeds aansienlike internasionale erkenning verwerf. Oor die afgelope 25 jaar is sy komposisies dikwels uitgevoer en uitgesaai in Suid-Afrika en ook in ander lande soos die Verenigde Koninkryk, die VSA, Frankryk, Serwië, Kroasië, Rusland, Kanada, Duitsland, Nederland, Italië, Switserland, China, Pole, Trinidad en Tobago en Portugal. Hy het tot dusver meer as 50 komposisies gepubliseer, insluitende voorgeskrewe komposisies vir verskeie nasionale en internasionale kompetisies asook eksamineringsliggame soos Unisa en die Trinity College of Music in die Verenigde Koninkryk. Een van sy werke is ook in die International Journal of Contemporary Compositions gepubliseer. Verskeie van sy komposisies word vir voor- en nagraadse ontleding gebruik, asook as artikels in joernale. n Doktorale proefskrif oor sy Niš Concerto for Piano and Orchestra is aan die Universiteit van Noord-Texas geskryf. Oor die afgelope 20 jaar is verskeie honneurs- en meestersverhandelinge oor sy komposisies geskryf, en n tweede doktorale proefskrif oor n seleksie van sy kamerwerke is in 2014 geskryf. Hy is n stigtersdireksielid van die Collegium of National Composers en die stigter en direkteur van die Stefans Grové Nasionale Komposisiekompetisie, wat hoofsaaklik gemik is op die bevordering en opheffing van die klassieke musiekkunste in Suid-Afrika. Nuwe Hoof van die Departement Visuele Kunste Prof Raimi Gbadamosi is aan die begin van Februarie as Hoof van die Departement Visuele Kunste aangestel. Hy is n kunstenaar, skrywer en kurator. Hy het sy doktoraat in Skone Kunste in 2001 aan die Slade School of Fine Art in Londen ontvang. Hy is n lid van die Interdissiplinêre Navorsingsgroep Afro-Europeërs van die Universiteit van Leon, Spanje, en van die Black Body - groep aan Goldsmithskollege, Universiteit van Londen. Prof Gbadamosi dien in die redaksionele Raimi Gbadamosi direksie van die Journal of African Studies, die Open Arts Journal en SAVVY, en in die direksies van Elastic Residence, Londen, en Relational, Bristol. Onlangse nasionale en internasionale opvoerings en geleenthede sluit in: Cemetery, Johannesburgse Kunsgalery, Suid- Afrika, 2014/2015; Banquet, South Hill Park Bracknell, Verenigde Koninkryk, 2011; Exchange mechanism, Belfast Exposed, Noord-Ierland, 2010; Somewhere over the rainbow, Galleri Garaget Swede, 2009; Solo, CAF, Alexandrië, Egipte, 2009; ARCO Madrid 2009; Tentativa de agotar un lugar Africano, CASM, Barcelona 2008; Human Cargo, Plymouth Museum & Bladsy 05

6 Art Gallery, Plymouth 2007; Port city, Arnolfini, Bristol Hy werk in verskeie mediums, insluitende veelvoude, musiek, webwerwe, skryfwerk en gehoordeelname. Sy werk skep gesprekvoering pleks van vooropgestelde idees wat deur spesifieke maatskaplike, kulturele en politieke groeptaal gedefinieer word. Onlangse essays sluit in: What is this Afroeuropean? ( n hoofstuk in n boek), Scuffles in the cathedral: of principalities and powers (Tate Encounters), Dancing in a space provided, or running amok (Tate Liverpool), Imagination hits reality: visualising the self in Imoinda (Goldsmiths College, London), The not-so new Europeans (Wasafiri, UK); en The delight of giant-slayers: or can artists commit their lives to paper? (ArtMonitor, Swede). Twee nuwe Mellon-toekennings vir die Fakulteit Geesteswetenskappe Diversifisering van die professoraat Die Fakulteit kondig met genoeë aan dat hy ingesluit is in die Mellon-befondste supra-institusionele projek oor Diversifisering van die professoraat (R15 miljoen). Die Fakulteit is een van sewe in Suid-Afrika wat n beduidende toekenning ontvang om die universiteite te help om die doelwit te bereik om die rassedemografie van hul personeelkorps te verander. Hierdie projek sal spesifiek daarop fokus om swart Suid-Afrikaanse personeellede op die vlak van senior lektor en medeprofessor voor te berei vir bevordering binne n geprojekteerde siklus van 54 maande. Beoogde ingrypings sluit in uitkoop, om geselekteerde personeellede tyd te gun om publikasies te voltooi en as promotors vir nagraadse studente op te tree; navorsing- en reisgeleenthede; mentorskap, en afsondering vir skryfwerk. Die toekenning maak ook voorsiening vir n aantal nagraadse beurse en nadoktorale genootskappe vir die deelnemende personeellede. Dit is n opwindende geleentheid vir die Fakulteit om sy professoraat te diversifiseer en te vergroot, en die projek sal binnekort begin. As Adjunkdekaan vir Nagraadse Studie en Etiek sal prof Maxi Schoeman verantwoordelikheid aanvaar vir die implementering van die projek, en sy sal met departementshoofde skakel om meer inligting te verskaf. Sy sal ook met potensiële deelnemers samesprekings voer om hulle individuele behoeftes te bepaal, en sy sal werkpakkette vir elke deelnemer ontwikkel. Bewaring van Tasbare Erfenis Die Andrew W Mellon-stigting het n klein beplanningstoekenning ter waarde van R2,1 miljoen vir 2016 beskikbaar gestel vir die ontwikkeling van n meestersgraadprogram in die Bewaring van Tasbare Erfenis (BTE). BTE is die inklusiewe term vir kulturele voorwerpe van betekenis, insluitende hulpbronne soos argeologiese artefakte, kulturele handwerk, godsdiensvoorwerpe, waterverfskilderye, kralewerk, mandjies, beeldhouwerk, ens. BTE-hulpbronne kan verdeel word in roerende (gewoonlik voorwerpe in museums en kunsgalerye) en onroerende kulturele erfenis laasgenoemde verwys na strukture soos monumente of argitektonies ontwerpte geboue, argeologiese terreine en volksboukuns. Die beoogde akademiese program sal die navorsingskapasiteit van n nuwe geslag bewaarders uitbou en sal die demografie van die huidige bewaringsprofessie help diversifiseer. Hoewel dit nou nog onduidelik is watter formaat die voorgestelde meestersprogram sal aanneem, of hoe algemeen of spesifiek dit moet wees, is dit duidelik dat dit n ewewig sal moet tref tussen teoretiese en praktiese komponente en aangebied sal moet word met gemengde leerstrategieë; kort intensiewe residensiële kontaksessies en lesings; aanlyn lewering en selfstudie; n navorsingskomponent, en internskap. Bladsy 06

7 Adelia Carstens spreker op prestigekonferensie oor materiaalontwerp in die VK Professor Adelia Carstens (Eenheid vir Akademiese Geletterdheid) het n persoonlike e-pos van Brian Tomlinson (Universiteit van Leeds), n toonaangewende geleerde op die gebied van materiaalontwerp en skrywer van die algemeen gebruikte boek Materials development in language teaching, ontvang om n referaat te lewer oor Scaffolding L2 mastery in subjectspecific adademic literacy interventions for linguistically diverse student groups op die MATSDA-konferensie oor Egtheid in Materiaalontwerp vir L2-taalonderrig, wat op 18 en 19 Junie 2016 aan die Universiteit van Liverpool gehou word. Mnr Tomlinson skryf: Baie dankie vir u interessante opsomming. Dit is vir my n plesier om u mee te deel dat ons dit aanvaar vir n parallelle aanbieding van 40 minute. Die referaat sal handel oor die begrip scaffolding en hoe dit gebruik kan word om universiteitstudente te help om Engels as n wetenskaplike taal te bemeester, met inagneming van hul uiteenlopende taalidentiteite en hul persoonlike taalrepertoriums. n Vierkwadrantmodel voortspruitend uit die kruising van twee kontinuums (eentalige teenoor twee- of meertalige pedagogie en eentalige teenoor tweetalige dosent) word as n oorsig van die begrip L2-scaffolding aangebied. Chris Broodryk voltooi doktoraat Dr Chris Broodryk (Departement Drama) het in Desember 2015 met n PhD in filmstudies aan die Universiteit van Kaapstad gegradueer. Die studie berus op filmstudies, kritiese teorie en kulturele studies. Sy proefskrif met die titel Absences, exclusivities and utopias: Afrikaans film as a cinema of political impotence, , verken hoe Afrikaanse rolprente geplaas is in die spanning van die demokratiese Suid-Afrikaanse samelewing na die oorgang en gekoppel is aan die identiteitspolitiek van identifisering as Afrikaner of Afrikaanssprekend. Met verwysing na Thomas Elsaesser se studies van (nuwe) Duitse rolprente en Hollywood identifiseer dr Broodryk belangrike begrippe soos dubbel-okkupasie om sy studie se woordeskat te belig, asook Fredric Jameson se sienings van politieke rolprente en die politieke mislukkings van postmodernisme. Vanuit hierdie konseptuele en teoretiese raamwerk problematiseer hy dan die neoliberale strukture waardeur baie Afrikaanse rolprente gerig word, en bied hy n historiese oorsig van sleutelmomente en figure in Suid-Afrikaanse (hoofsaaklik Afrikaanse) rolprentmakery ten einde te toon dat daar n presedent vir politieke krag in Afrikaanse rolprente is. Die studie gee n kritieke bespreking van twee uitbeeldings van politieke onmag: die vulgêre rolprente van Willie Esterhuizen en die Volkstaat-rolprent. Die studie bevind dat die eietydse Afrikaanse rolprent se pogings om n multikulturele Suid- Afrika voor te stel, net die kulturele eksklusiwiteit in die meeste van hierdie rolprente beklemtoon, en dat hierdie rolprente dikwels eietydse voorbeelde is van die konserwatiewe Afrikaanse rolprente wat in die 1940 s deur Hans Rompel ontwikkel is. Eietydse Afrikaanse rolprente, soos omkring in die woordeskat wat deur hierdie studie ontwikkel is, is rolprente van vergeet, wat sosiokulturele tweedelings volhou en markuitset bo estetiese waarde plaas. Ontwikkeling van internasionale kwalifikasiestandaarde vir sportafrigting Sportafrigting as n professie het die afgelope dekade wêreldwyd geweldig gegroei. Die gevolg is dat hoëronderwysinstellings dwarsoor die wêreld baccalaureusgraadprogramme in sportafrigting begin aanbied. Die International Council for Coaching Excellence (ICCE), deur sy International Degree Standards Group (ICDSG), het n stel konsepstandaarde vir hoëronderwys- Bladsy 07

8 baccalaureusgraadprogramme in sportafrigting opgestel (die International Coaching Degree Standards). Om die ICDSG se werk aan te vul, is die ICCE besig om n deskundige beoordelingsgroep saam te stel wat bestaan uit meer as n honderd wêreldbekende deskundiges in sportafrigting, universiteitskurrikulum-ontwikkeling en afrigtersopvoeding. Prof Anneliese Goslin van die Departement Sport en Vryetydstudies het n uitnodiging ontvang om as deskundige beoordelaar vir hierdie internasionale projek op te tree. Nuwe geskiedenis van die ANC se gewapende stryd Umkhonto we Sizwe: the ANC s armed struggle (Penguin, 2016), geskryf deur dr Thula Simpson (Departement Historiese en Erfenisstudies), handel oor die gewapende militêre komponent van die Suid-Afrikaanse bevrydingstryd, waartoe die ANC en sy militêre vleuel, Umkhonto we Sizwe (MK), die grootste bydrae gelewer het. Die manuskrip begin in die 1950 s met die groeiende ontnugtering onder baie mense in die ANC met die beweging se niegewelddadige beleid en skets die opeenvolging van gebeure wat gelei het tot die politieke skikking van die 1990 s, wat op die geboorte van die nuwe Suid-Afrika uitgeloop het. Die boek bied die eerste omvattende beskrywing van die vier dekades van oorlogvoering wat hierdie twee historiese landmerke verbind. Die werk berus op n dekade van navorsing oor die geskiedenis van MK wat in Zimbabwe, Zambië, Swaziland, die Verenigde Koninkryk en dwarsoor Suid-Afrika gedoen is. Umkhonto we Sizwe: the ANC s armed struggle is die eerste boek waarvan dr Simpson die alleenskrywer is. Die bekendstelling van die boek in Pretoria het op 18 April in die Ouditorium van die Merensky 2-biblioteek plaasgevind. ~ PROFIEL : PROF MAGESHAN NAIDOO ~ Prof Naidoo is n medeprofessor aan UP en Direkteur vir Jazzstudies in die Departement Musiek. Hy kom uit die township Chatsworth in KwaZulu-Natal. Hy het reeds in die VSA, VK, Skotland, Duitsland, Swede, Kanada, Mexiko (Puebla en Veracruz), Denemarke en dwarsoor Suid-Afrika opgetree. Hy het opgetree saam met Joanne Brackeen, Mike Rossi (VSA), Yuri Honing (Nederland), Mageshan Naidoo Ronald Snijders (Suriname), Marco Pignataro (Italë), Oscar Stagnaro (Venezuela), Karin Bengjmark (Swede), Feya Faku, Ladysmith Black Mambazo (Suid-Afrika) en die Afrika-popster Angelique Kidjo. Hoogtepunte van sy talle optredes sluit in die privaat verjaarsdagpartytjie van president Nelson Mandela en die konferensies van staatshoofde van Statebondslande en staatshoofde van Afrikalande. Prof Naidoo het sy eerste opname gemaak op die Kanadese pianis/komponis Carol Ann Weaver s Dancing Rivers (1999) en het ook op Weaver se album Every Three Children (2008) opgeneem. Hy het sy oorspronklike komposisies en verwerkings in 2000 met die Suid-Afrikaanse groep Tonk opgeneem, en op sy album Warwick Triangle (2009). Bladsy 08

9 As n Fulbright-student het prof Naidoo n doktoraat in Musikale Kunste (Uitvoering) aan die Universiteit van Suid-Kalifornië (USK) in Los Angeles behaal. Hy het ook n MM-graad (Ateljee/Jazzkitaaruitvoering) van die USK, n MMus-graad (Uitvoering en Jazzkomposisie) cum laude en n BMus-graad (Jazzstudies) van die Universiteit van Natal. Aan die USK het hy kitaar bestudeer onder die legendariese Joe Diorio en het hy meestersklasse gehad met Pat Metheny, John Scofield, Mike Stern, Paul Jackson Jr en Kurt Rosenwinkel. Prof Naidoo het talle toekennings vir musiek ontvang, insluitende die Old Mutual Jazzkompetisie in die kategorieë vir sowel Komponis as Uitvoering, en die USK se Fakulteitstoekenning vir Voortreflike Vakkundigheid en Leierskap. Prof Naidoo was van 2005 tot 2011 die Direkteur van die Sentrum vir Jazz en Populêre Musiek en senior lektor en waarnemende Hoof van die Skool vir Musiek aan die Universiteit van KwaZulu-Natal. Hy was ook die Adjunkdirekteur in die Direktoraat Musiek aan die Universiteit van Suid-Afrika en was van 2011 tot 2015 redakteur van die akademiese joernaal Musicus. Hy is president van die Suid-Afrikaanse Vereniging vir Jazzopvoeding (SAVJ) en dien steeds in baie opvoedkundige en professionele musiekorganisasies, waaronder SAMRO. SAVJ is die enigste nasionale professionele liggaam vir jazzopvoeding in Suid-Afrika. Individuele en institusionele lidmaatskap sluit in akademici, alle universiteite waar jazzstudies aangebied word, professionele musici, musiekonderwysers, musiekstudente, sekondêre skole en gemeenskapsmusiekorganisasies. Prof Naidoo is genooi om van 26 tot 29 Mei 2016 by die internasionale JazzNL-geleentheid Gateway to Global Jazz in Amersfoort, Nederland, op te tree. Dwarsdeur die fees sal hy Suid-Afrikaanse jazzstandaarde asook oorspronklike Suid- Afrikaanse jazzkomposisies saam met ander Suid-Afrikaanse musikante uitvoer. Hy sal ook op 27 Mei optree in n konsert getitel A Dutch South African jazz night, waarin verskeie Suid-Afrikaanse kunstenaars sal optree. Die feesorganiseerders het n internasionale konferensie op 28 Mei gereël om Suid-Afrikaanse jazznetwerke met die Nederlandse jazznetwerk te verbind. Die Suid-Afrikaanse groep sluit in Mageshen Naidoo (kitaar); die legendariese Suid-Afrikaanse tenoorsaksofoonspeler McCoy Mrubata; Lindiwe Maxolo (sang); Concord Nkabinde (elektriese bas); Mandla Mhlangeni (trompet); Karendra Devroop (altsaksofoon); Marc Duby (regop bas); Roland Moses (klavier) en Kevin Gibson (tromme). UP Camerata genooi na Wêreldsimposium oor Koormusiek in Spanje Die Universiteit van Pretoria Camerata gaan in Julie 2017 nie net ons instelling nie maar ook ons land (en heel moontlik ons vasteland) verteenwoordig op die wêreld se grootste konferensie vir kore op die 11de Wêreldsimposium oor Koormusiek in Barcelona, Spanje. Die Internasionale Federasie vir Koormusiek bied hierdie prestigeryke geleentheid van tien dae elke drie jaar aan. Net 24 kore UP Camerata van dwarsoor die wêreld word gekies om vir letterlik duisende dirigente, sangers, komponiste en koorgeesdriftiges op te tree, en die UP Camerata is gekies om tussen hierdie reuse van koormusiek op te tree. Die koor sal n program uitvoer wat die diversiteit van ons Suid-Afrikaanse kultuur en ons mense uitbeeld en wat goed sal inpas onder die vaandel van Vrede, die tema van die simposium. Bladsy 09

10 Die koor sal ook werksessies hou om musiek van ons land te bevorder, en Michael Barrett sal n lesing gee oor Suid- Afrikaanse musiek sowel tradisioneel as Westers. Die koor sal verskeie konserte hou tydens die simposium, en twee programme wat Vrede uitbeeld, sal aangebied word. Die UP Camerata sal n Westerse program van hoofsaaklik Suid- Afrikaanse komponiste uitvoer, asook n program van tradisionele musiek van uitsluitlik Suid-Afrikaanse materiaal. Ons is geweldig trots op die koor vir die verstommende eer om na hierdie prestigeryke internasionale geleentheid genooi te word. Dit is in ooreenstemming met die Universiteit se visie om internasionale blootstelling te kry en ons diversiteit te bevorder. JazzUP Tshwane Die Fakulteit Geesteswetenskappe het op 21 April n skenkersgeleentheid JazzUP genoem gehou om UP se insluiting van jazzstudies in sy musiekkurrikulum te vier en terselfdertyd om die JazzUP Tshwane-fees bekend te stel, wat in Oktober 2017 gehou sal word. Die Visekanselier, prof Cheryl de la Rey, het gesê dit is n opwindende mylpaal in die lewe van UP en n belangrike komponent van ons deurlopende inisiatiewe in kurrikulumtransformasie. Sy het uitgewei oor die geskiedenis van jazz en gesê dit is vervleg met die stryd vir vryheid. Tydens die geleentheid was daar optredes deur die Tshwane School of Music, CAFCA Music Ensemble, Moss Mogale Unit, en Vusi The Voice Mahlasela, wie se werk vir baie n inspirasie was in die anti-apartheidbeweging. n Dokumentêre insetsel getitel Tshwane jazz: an African story, wat die geskiedenis van jazz in Tshwane en die Afrika-wortels van jazzmusiek verken, is vertoon. Voorts kon die werke van die Suid-Afrikaanse digter, skilder en pianis Charles Sekano besigtig word. Dit was n tydige geleentheid wat Tshwane, die hoofstad van ons land en n diplomatieke en politieke sentrum, op die musiekkaart geplaas het. Ons is almal opgewonde oor die fees wat vir Oktober 2017 beplan word, en ons hoop om voort te bou op die momentum en ondersteuning wat tydens JazzUP ondervind is. In n tyd van mededingende prioriteite moet die sagte krag van musiek en kultuur nie vergeet word nie musiek soos jazz beïnvloed ons soms op kragtige maniere wat ons nie besef nie. Vusi Mahlasela Die jeug vertoon hulle talent Bladsy 10

11 Tempo 2016 Tempo, onder leiding van Natalie Fossey (Departement Visuele Kunste) is gekoppel aan JazzUP 2016 en toon werke in verskeie media deur personeel, onafhanklike kunstenaars en vierdejaarstudente. Die werke bied uitbeeldings van maatskaplike, politieke, teoretiese en fenomenologiese sienings van die vinnig bewegende ervarings van tyd en lewe. Tempo verwys nie net na pas en tydsberekening in musikale komposisie nie maar inspireer ook idees oor ritme, balans, gewaarwordinge en ervarings in en van tyd. Kyk Dinee vir uitnemende akademiese presteerders en NNS-gegradeerde navorsers Hierdie geleentheid, wat deur die Visekanselier aangebied word, vier top akademiese prestasies deur UP-akademici. Twee kategorieë van erkenning is vir ons Fakulteit van belang: die Visekanselier se Boektoekenning en die erkenning van nuwe NNS-gegradeerde navorsers. Visekanselier se Boektoekenning Prof Corinne Sandwith is vanjaar se ontvanger van die Visekanselier se Boektoekenning vir haar boek A world of letters: reading communities and cultural debates in early apartheid South Africa. In haar baanbrekersnavorsing herwin sy ʼn ryke historiese tradisie van openbare debatvoering oor letterkunde en kultuur in Suid-Afrika wat besonder relevant is in ons tye vol beroeringe. Prof Sandwith is ʼn medeprofessor in die Departement Engels en het in Junie 2014 by UP aangesluit. Haar navorsingsbelangstellings sluit in die geskiedenis van lees, kritiek en openbare debat in die vroeë apartheidsjare in Suid- Corinne Sandwith Afrika met ʼn spesifieke fokus op randdrukkulture en die andersdenkende pers, met ʼn spesifieke belangstelling in vrae rakende geweld, misdaad en die liggaam. Nuwe NNS-gegradeerde navorsers Naam Departement Gradering Frekwensie van gradering Prof Alexander Johnson Musiek C2 1 ste Prof Antoinette Lombard Maatskaplike Werk en Kriminologie C1 2 de Prof Vasu Reddy Dekaan se Kantoor B3 1 ste Prof DeWet Swanepoel Spraak-Taalpatologie en Oudiologie B2 2 de Prof Elsabe Taljaard Afrikatale C1 2 de Dr Kerstin Tönsing Sentrum vir Aanvullende en Alternatiewe Y2 1 ste Kommunikasie Dr Ronald van den Bergh Antieke Tale en Kulture Y1 1 ste Bladsy 11

12 Lidmaatskap van Internasionale Adviesraad van SERFAC Prof Zitha Mokomane van die Departement Sosiologie is vir n termyn van vyf jaar aangestel as n lid van die Internasionale Adviesraad van die Service and Research Institute on Family and Children (beter bekend onder sy akroniem SERFAC), wat in Indië gebaseer is. SERVAC het in November 1986 tot stand gekom en het in 1998 spesiale konsultatiewe status by die Verenigde Nasies se Ekonomiese en Maatskaplike Raad gekry. Dit funksioneer tans as n wêreldwye navorsingsentrum oor gesins- en kinderbeleid en is een van net n paar organisasies wêreldwyd Zitha Mokomane wat fokus op die onderlinge verband tussen menslike ontwikkeling, sosio-ekonomiese kwessies, politieke en tegnologiese instellings, demokratiese stelsels en effektiewe regering. Intreeredes vir nuwe departementshoofde Prof Molly Brown (Departement Engels) lewer haar intreerede op 30 Mei. Die titel van haar rede is Children s literature matters (?) Prof Debby Bonnin (Departement Sosiologie) lewer haar intreerede in die tweede semester. Prof Alexander Johnson (Departement Musiek) en prof Raimi Gbadamosi (Departement Visuele Kunste) kom in 2017 aan die beurt. Komende internasionale geleenthede wat aangebied gaan word Ons kan uitsien na die volgende belangrike geleenthede in die volgende paar maande: It s all about me: digital humanities and representations of self, 17 tot 18 Junie, aangebied deur die Departement Visuele Kunste. Besin oor Apartheid se Goue Era : Suid-Afrika, c , 20 Junie, aangebied deur die Departement Geskiedenis. Internasionale Simposium oor Voedselstudies: Transnasionale Gesprekke, 22 tot 23 Julie, aangebied deur die Dekaan se Kantoor, Fakulteit Geesteswetenskappe, in samewerking met die Universiteit van Wes-Kaapland en die DST-NRF Centre of Excellence in Food Security. Afrika- en Afrikadiaspora-letterkunde: verbeeldings, moderniteite en visies, 5 tot 6 Oktober 2016, aangebied deur die Departement Afrikaans. Laastens, dankie aan al die kollegas wat onvermoeid werk om te verseker dat ons aan die talle mededingende aansprake op ons professionele en persoonlike lewens kan voldoen. Ek is ook dankbaar vir al die harde werk deur baie van u, sigbaar sowel as agter die skerms, om te verseker dat die transformasie-agendas van sowel die Fakulteit as die Universiteit verwesenlik word. Ek dank u vir u deurlopende ondersteuning, advies en betrokkenheid. Alles van die beste vir u onderrigen ander take. Vasu Reddy Bladsy 12