Social media and the law

Transcription

1 FAKULTEIT GEESTESWETENSKAPPE Faculty of Humanities Lefapha la Bomotho Social media and the law Boodskap aan personeel van die Fakulteit Geesteswetenskappe 06 November 2015 Beste Kollegas, In die afgelope weke het baie gebeur om die bedryf van Hoër Onderrig in ons land vir altyd te verander. Hoewel die veldtog moontlik op talle maniere vertolk kan word, wil dit blyk dat die sentrale fokus daarvan die breër demokratiseringsprojek in Hoër Onderrig is. Ek is seker dat u moontlik vrae het oor hoe ons dit in ons Fakulteit gaan hanteer. Bo en behalwe die gesprekke wat reeds plaasvind, sal ons altyd die geleentheid hê om maniere te vind om deurgaans as Fakulteit hieroor na te dink. Soos vantevore is dit weereens ʼn besondere plesier om die belangrike aktiwiteite, prestasies en erkennings van ʼn klompie van ons kollegas met u te deel. n Koorreis saam met UP Camerata Saterdag 24 Oktober 2015 was ʼn aand om te onthou, die aand waarop UP Camerata ʼn gehoor van meer as seshonderd op ʼn epiese musikale reis geneem het. Pretoria Boys High School het as gasheer opgetree weens die sluiting van die Universiteit te midde van nasionale studenteprotes reg oor die land. Reg van die begin af is lojale ondersteuners op ʼn reis geneem toe die uitvoering ingelei is met 74 koorlede wat die tradisionele lied Nader my God aan U gesing het terwyl hulle die gehoor in ʼn sirkel omsluit het. Met die lied wat gelyktydig in die Universiteit se drie amptelike tale Afrikaans, Engels en Sepedi gesing is, is ʼn pragtige geestelike stemming geskep. Na hierdie inleiding het die koor die gehoor op ʼn historiese reis van koormusiek geneem en werke uit die Renaissance-, Barok-, Klassieke en Romantiese tydperk uitgevoer. ʼn Spesiale toevoeging tot die program was die werk Absalom, my son wat deur die koor se dirigent, Michael Bladsy 01

2 Barrett, gekomponeer is. Absalom, die seun van Koning Dawid, is brutaal om die lewe gebring en dié komposisie beeld die emosionele verwarring van ʼn vader in rou uit. Die werk is gevul met skoonheid, donkerheid en drama en sluit af met ʼn monumentale klimaks. Aan die einde van die werk het die momenteel sprakelose gehoor van seshonderd mense uit hul sitplekke opgestaan en die koor toegejuig. Alumni van Camerata het later by die huidige koorlede aangesluit om die konsert soos gebruiklik met die tradisionele Irish Blessing af te sluit. Tuks Camerata gaan van krag tot krag en dit is geensins verbasend nie dat hulle verlede jaar as Wêreldkampioene gekroon is tydens die 8ste Wêreldkoorspele in Riga, Letland. Wat egter die duidelikste na vore gekom het en die indrukwekkendste was, was dat so ʼn uiteenlopende groep sangers so ʼn gevarieerde program uitgevoer het, asook die ekstase en genot wat uit hul gesigte gestraal het. Vroue en werkskepping Die Sentrum vir Seksualiteite, VIGS & Gender (SSV&G) het nuwe gendernavorsing en ʼn meegaande publikasie tydens ʼn seminaar op 6 November 2015 bekend gestel. Die seminaar getitel, The Expanded Public Works Programme in the social sector: Valuing or de-valuing women s work?, het die kollig laat val op ʼn gebied wat nog nie naastenby genoeg bestudeer is nie, te wete die posisie van vroue in die regering se korttermyn-werkskeppingsplan genaamd die Uitgebreide Program in Openbare Werke (UPOW). Tot dusver is daar is min en moontlik geen navorsing gedoen oor of vroue baat by en gendergelykheid bevorder word deur die werkgeleenthede wat geskep word nie. Die navorsing is in opdrag van die Heinrich Boell-stigting (HBS) gedoen en gelei deur Penny Parenzee en Debbie Budlender, genderspesialiste wat in Kaapstad gebaseer is. Die HBS en die SSV&G was medebefondsers van die seminaar wat deur prof Christi van der Westhuizen van die SSV&G gereël is. Die geleentheid is deur die Adjunk-Minister van Openbare Werke, mnr Jeremy Cronin, bygewoon. Lisa Vetten van die Wits Instituut vir Maatskaplike en Ekonomiese Navorsing het die post-verkragtingsdienste van die UPOW ontleed, me Parenzee het vroeë kinderontwikkeling in die UPOW bespreek en prof Van der Westhuizen het die beleidskonteks van die Rekonstruksie- en Ontwikkelingsprogram af tot by die Nasionale Ontwikkelingsplan bespreek. Prof Andries Bezuidenhout van Sosiologie het as gespreksgenoot opgetree. Die primêre bevindings is dat die UPOW, soos dit tans gekonseptualiseer is en in werking gestel word, onbestendige werk legitimiseer as die werk van behoeftige swart vroue, en die werk van behoeftige swart vroue as werk wat nie na behore van waarde geag word nie. Gendergelykheid word ondermyn deurdat die UPOW die idee dat oppasserswerk ʼn vrou se werk is, terwyl lae waarde spesifiek aan die werk van behoeftig swart vroue geheg word. Die SSV&G en die HBS is besig om die publikasie deur middel van hul uitgebreide netwerke te versprei en opvolgingsnavorsing oor hierdie onderwerp wat so lank agterweë gebly het, is reeds in die pyplyn. Uitstekende NNS-graderings vir ons kollegas Ons gelukwense gaan aan die volgende personeellede wat onlangs deur die NNS gegradeer is: prof Antoinette Lombard (Maatskaplike Werk en Kriminologie) het ʼn C1-gradering ontvang (vorige gradering C2); prof De Wet Swanepoel het ʼn B2-gradering ontvang (vorige gradering P); dr Ronald van der Berg (Antieke Tale en Kulture) het ʼn Y1-gradering ontvang. Bladsy 02

3 ʼn B-gradering dui op navorsers wat aansienlike internasionale aansien onder hul eweknieë geniet weens die hoë kwaliteit en impak van hul onlangse navorsingsuitsette. ʼn C-gradering dui op gevestigde navorsers met ʼn volgehoue onlangse rekord van produktiwiteit in die betrokke veld wat deur hulle eweknieë erken word as dat hulle ʼn oeuvre van hoë kwaliteit gelewer het waarvan die kern samehangend is en getuig van volgehoue betrokkenheid by die veld en/of wat bewys het dat hulle probleme kan konseptualiseer en navorsingsmetodes kan toepas om dit te ondersoek. ʼn Y-gradering dui op ʼn jong navorser (40 jaar of jonger) wat binne vyf jaar na voltooiing van sy/haar doktorsgraad deur alle beoordelaars gereken word om die potensiaal te hê (soos bewys deur navorsingsprodukte) om hom-/haarself as ʼn navorser te vestig; sommige van die jong navorsers toon ook reeds dat hulle oor die potensiaal beskik om toekomstige leiers in hulle Internasionale erkenning vir n student in politieke wetenskappe Me Ruth Murambadoro, ʼn PhD-student in die Departement Politieke Wetenskappe, het erkenning van die Sentrum vir Afrikastudies in Leiden ontvang vir die werk wat sy vir haar meesterstesis gedoen het. Dié tesis het ook die kortlys vir die Afrika-tesistoekenning 2015 gehaal. Die toekenning gee erkenning aan uitstaande werk deur jong vakkundiges in ʼn meestersdissertasie gegrond op onafhanklike empiriese navorsing wat verband hou met Afrika suid van die Sahara en handel oor onder meer godsdiens, politiek, geskiedenis en ekonomie. Die aankondiging verskyn by die volgende skakel: Me Murambadoro het ook die Vereniging van Afrikastudies ( African Studies Association, ASA) se Presidensiële Genootskap vir 2015 ontvang. Die genootskap bring jong vakkundiges en praktisyns uit Afrika na die VSA om die ASA se Jaarvergadering by te woon, instansies van hoër onderwys te besoek, met akademici wat navorsing doen oor sake wat betrekking het op Afrika in gesprek te tree, kursusse te neem en samewerkingsgeleenthede te ondersoek. Me Murambadoro sal in November die gas wees van die Universiteit van Louisville, Kentucky en die 58ste Jaarvergadering van die ASA in San Diego, Kalifornië bywoon. Vir meer besonderhede oor die genootskap, klik op die volgende skakel: Aanvangsgenoot van die TJNLP Dr Francois Steyn, ʼn senior lektor in die Departement Maatskaplike Werk en Kriminologie, is gekies as ʼn aanvangsgenoot van die Tuks Jong-navorserleierprogram (TJNLP). Die program is ʼn nuwe inisiatief van UP in vennootskap met die Afrika Wetenskapleierskapprogram ( Africa Science Leadership Programme, ASLP), KnowInnovation en die Robert Bosch-stigting. Bladsy 03

4 Die TJNLP se doelstelling is om akademici by UP te ondersteun in hul groei in terme van denkleierskap, spanontwikkeling, betrokkenheid en samewerking. Die program bring eendersdenkende navorsers bymekaar wat kwaliteite het wat sal bydra tot UP se visie om ʼn toonaangewende navorsingsintensiewe universiteit te word, soos verwoord in UP Marth Munro ontvang Lessac-leierskaptoekenning vir 2016 Prof Marth Munro, ʼn buitengewone professor in die Departement Drama en voorsitter van die Lessac-instituut se Navorsingskomitee, het verneem dat sy 2016 se ontvanger van die Lessac-leierskaptoekennning is op grond van jare se diens as bydrae tot die groei van en leiding in die Lessac-instituut. Die amptelike oorhandiging van die toekenning sal in Januarie by die Internasionale Lessac-konferensie in Denver, VSA plaasvind. Prof Munro is in Julie vanjaar deur die Raad vir Meersteropleiers van die Lessac-instituut vir Navorsing en Opleiding as ʼn nuwe Meesteropleier in Lessac Kinesensiese Opleiding erken. ʼn Mens kan slegs op uitnodiging van die Instituut opleiding ondergaan om ʼn Meersteropleier te word. Die opleiding het bestaan uit twee jaar se intensiewe opleiding en interaksie met bestaande Meesteropleiers. Tydens haar opleiding het sy by drie intensiewe werkwinkels les gegee twee in Suid-Afrika en een in die Verenigde State, en ook twee korter werkwinkels vir akteurs en dosente in Suid-Afrika aangebied. Sy het as mentor opgetree vir ses studente wat Lessac-praktisyns geword het, en drie van hulle werk nou met die doel om sertifikasie te bekom. Sy is die sesde Meesteropleier wat deur die Instituut erken is en die eerste buite die VSA. Dramalektore op kortlys vir ImpACT-prestasietoekennings Bailey Snyman (lektor in die Departement Drama en 2012-wenner van die Standard Bank se Jong Kunstenaartoekenning) en Nicola Haskins (Drama alumna, deeltydse dosent in die Departement Drama en wenner van die Standard Bank Ovationtoekenning) het onlangs die kortlys vir die ImpACT-prestasietoekennings gehaal vir hul voortgesette onderrig in dans- en fisiese teater. Hul maatskappy, Matchbox Theatre Collective, se danswerk, If these bodies could speak, wat deur UP geakkrediteer is, is onlangs aanvaar vir die Fringe -fees wat in Mei 2016 in Praag plaasvind. Die Arts & Culture Trust (ACT) bied jaarliks die ImpACT-prestasietoekennings aan ter erkenning en viering van uitnemendheid in die kunste, kultuur en kreatiwiteit in Suid-Afrika. Internasionale eerbetuiging vir dr Frederick Brownell Frederick Brownell het sy doktorsgraad in die Departement Geskiedenis en Erfenisstudies tydens die lentepromosie-plegtigheid in September 2015 ontvang. Op grond van sy tesis getitel Convergence and unification: The national flag of South Africa (1994) in historical perspective, is ʼn Vexillon aan hom toegeken vir sy belangrike bydrae tot veksilologie (vlagkunde) tydens die Internasionale Federasie van Veksilologiese Verenigings se 26ste Internasionale Kongres wat in September 2015 in Sydney gehou is. Dit is die eerste keer dat dié Bladsy 04

5 toekenning gemaak is. Hy is ook deur die Vereniging as Laureaat benoem. Fred het die nuwe Suid-Afrikaanse vlag ontwerp en het die Orde vir Verdienstelikheid, Silwer, van ons voormalige president, mnr Nelson Mandela, ontvang. Prof Vollie Spies benoem as TuksSport-administrateur van die Jaar HPCSA-aanstelling vir deeltydse lektor by SAAK Prof Vollie Spies (Departement Maatskaplike Werk en Kriminologie) is as TuksSport-administrateur van die Jaar benoem. Sy is die afgelope 19 jaar betrokke by die TuksAtletiekklub en dien sedert 2008 as voorsitter van die TuksPadwedloopkomitee. Sy was instrumenteel in die skep van die jaarlikse Bestmed-Tukswedloop wat deur alle betrokkenes as een van die bes georganiseerde padwedlope op die jaarlikse kalender beskou word en aansienlik meer as deelnemers lok. As voorsitter van die Tuks- Padwedloopkomitee het sy ʼn kardinale rol in die klublidmaatskap se groei gespeel en terselfdertyd baie van haar vrye tyd gebruik om die TuksAtletiekklub by te staan. As deelnemer aan wedlope het sy reeds talle titels in haar ouderdomsgroep in van die belangrikste padwedlope in Suid-Afrika gewen. Dr Sadna Balton, huidige hoof van die Departement Spraakterapie by Chris Hani Baragwanath Akademiese Hospitaal, het haar meestersgraad in Vroeë Kinderintervensie (VKI) en PhB in Kommunikasiepatologie by die Sentrum vir Aanvullende en Alternatiewe Kommunikasie (SAAK) voltooi. Sy is ook ʼn deeltydse lektor by SAAK. Sy is aangestel as voorsitter van die Professionele Raad vir Spraak, Taal en Gehoor van die Raad vir Gesondheidsberoepe van Suid-Afrika (HPCSA). In ʼn artikel wat op die SAAK-webtuiste verskyn het, sê sy dat sy baie daarvan hou om haar passie vir VKI te deel en dat haar deeltydse aanstelling by SAAK aan haar ʼn uitstekende platform bied om ander in dié te inspireer. Lees die artikel by up.ac.za/en/centre-for-augmentative-alternative-communication/news/post_ dr.sadna-balton-appointedchairperson-of-the-professional-board-of-speech-language-and-hearing-of-the-hpcsa Groen Kampustoer deur honneursstudente in Erfenis- en Kultuurtoerisme Op 2 Oktober het UP-kampustoere se 2015-span ʼn Groen Toer op UP se Hatfieldkampus gelei. Die toer het die volgende ingesluit: ʼn vroegoggend begeleide wandeling al langs die reënwater-versamelstelsel, ʼn besoek aan die Manie van der Schijff Botaniese Tuine en die besigtiging van ʼn paar uitgesoekte, unieke bome op die kampus. Daarna is gaste op ʼn gesonde papiersakontbyt getrakteer en ter afsluiting het elkeen ʼn geskenkie ontvang: saad van inheemse plante. Bladsy 05

6 Die toer was ʼn reuse sukses en die span organiseerders en toerleiers het hulle uitstekend van hul taak gekwyt en was goed ingelig. Dit was opvoedkundig maar ook pret en is deur een van die gaste beskryf as een van die beste toere was ek in ʼn lang tyd meegemaak het, insluitend ʼn paar oorsee. Georganiseerd, vriendelik, doeltreffend, bekwaam en deeglik gefokus op die spesifieke tema en stel vraagstukke. Een van die hoogtepunte was die bydrae van die gasspreker Jason Sampson, Kurator van die Manie van der Schijff Botaniese Tuine, wat die Universiteit se stelsel vir die versamel van reënwater verduidelik het indrukwekkende tegnologiese vooruitgang in waterbestuur wat op die Hatfieldkampus geïnisieer is. Dr Assie Gildenhuys herkies tot die Raad van die Internasionale Vereniging vir Groeppsigoterapie en Groepprosesse (IAGP) Veels geluk aan dr Assie Gildenhuys (ʼn senior lektor in die Departement Sielkunde) wat herkies is tot die Raad van die Internasionale Vereniging vir Groeppsigoterapie en Groepprosesse (IAGP) tydens die Vereniging se 19de Internasionale Kongres in Rovinj, Kroasië. Hy het ook deelgeneem aan twee paneelbesprekings: From despair to hope: group dynamics in different cultural settings (Van wanhoop tot hoop: groepsdinamika in verskillende kulturele opsette) en How does the psychic heritage of exploitation colonialism enter into groups and how do we understand that analytically? (Hoe dring die psigiese nalatenskap van uitbuitingskolonialisme groepe binne en hoe verstaan ons dit analities? ) Hy beskryf sy deelname aan die kongres as ʼn uiters betekenisvolle ervaring en sê hy is verheug oor sy bydrae tot die kongres en die raad. Ter afsluiting, alles van die beste aan ons kollegas wat hul voorgraadse onderrig afhandel, toetse nasien en ons studente vir die komende eksamens voorberei. Hartlike dank aan die kollegas wat as gevolg van die onlangse studenteprotes so groothartig was om van hul eie tyd af te staan om studente op verskeie maniere te help en te ondersteun. Ek het ʼn vergadering met alle personeel aangevra vir 13 November 2015 om aan u terugvoer te gee oor die studenteprotes met betrekking tot die #FeesMustFall-veldtog. Ek sien daarna uit om u by die vergadering te sien. ʼn Spesiale woord van dank aan Kyle Rath en Fatima Cassim van die Departement Visuele Kunste vir hul kreatiewe inset in die ontwerp van die Boodskap se nuwe voorkoms. Vriendelike groete, Vasu Reddy Bladsy 06