gflitse Puk-prof Power Alert se flitse soos dit op TV verskyn Mei/Junie Uitgawe 4

Transcription

1 Mei/Junie Uitgawe 4 e-kampusnuus Personeelblad vir die Potchefstroomkampus van die Noordwes-Universiteit Puk-prof sit agter kragf gflitse Nog n innoverende projek wat as enig in sy soort in Afrika bestempel word het op die Pukkampus van die Noordwes-Universiteit (NWU) gestalte gekry. Almal wat dikwels op SABC 1, 2 of 3 inskakel het waarskynlik teen die tyd al die Power Alertboodskappe opgemerk wat saans elke halfuur tussen 18:00 en 21:00 gebeeldsend word. Min mense is egter bewus daarvan dat dié vindingryke flitse wat daarop gemik is om Eskom te help om elektrisiteitsverbruik in die Wes-Kaap tydens spitstyd te verminder vanaf Potchefstroom beheer word. Power Alert is die breinkind van prof. LJ Grobler, dosent in meganiese ingenieurswese by die NWU-Puk en direkteur van die energiedienstemaatskappy, Energy Cybernetics, en n vennoot, mnr. Gustav Radloff, n ingenieur van Pretoria. Grobler het sedert Maart skaars grondgevat nadat hy n voorstel oor hoe Eskom elektrisiteit in die Wes- Kaap kan bespaar aan die elektrisiteitverskaffer gestuur het. Hy vertel hy het die projekvoorstel op 6 Maart net na middernag geskryf en aan Eskom gestuur. Later die oggend het die elektrisiteitverskaffer uit Kaapstad laat weet hulle wil hom die volgende dag sien. Hy het n dag later met die planne in sy sak in Kaapstad aangekom. Daarna het alles vinnig gebeur. Die projek is op 8 Mei goedgekeur en ons moes spook om die grafika betyds reg te kry. Die onderhandelings met SABC het ook tyd gevat, maar ons kon uiteindelik op 25 Mei met die eerste beeldsendings begin. Volgens Grobler het hy en Radloff vroeër vanjaar gesels oor die dreigende elektrisiteitstekort en was hulle dit eens dat die mees effektiewe manier om die publiek in te lig waarskynlik die televisie is. Heelwat later het hy een aand gesit en kyk hoe die Lotto-nommers op die skerm verskyn kort nadat die trekking plaasgevind het. Ek het besef dit is tegnies moontlik om elektrisiteitswaarskuwings só te beeldsend. As hulle dit kan doen kan ons dit ook só doen, som hy sy gedagtes van vroeër vanjaar op. Een van hul vernaamste uitdagings was om die televisie interaktief te gebruik en nie net te sê sit af, sit af, sit af nie. Hulle wou ook die verbruiker inlig wanneer krisistye verby is. So word geloofwaardigheid behou. Die uitsendings is nou meer as twee weke op televisie en die besluit is glo reeds gemaak om dit na die res van die land uit te brei. Volgens Grobler kry hulle uitstekende terugvoer oor Power Alert en dui voorlopige syfers aan dat n aansienlike hoeveelheid elektrisiteit bespaar word deur die reaksie van mense minute ná so n flits op televisie verskyn het. Benewens die flitse saans op televisie kan verbruikers 24 uur per dag die situasie dophou deur in te skakel op die webblad Meer as verbruikers het die webblad reeds sedert die diens begin is, besoek. Grobler meen indien verbruikers in die Wes-Kaap net sowat die helfte gebruik van die hoeveelheid elektrisiteit wat hulle normaalweg saans gebruik kan sowat 750MW bespaar word. Die huidige tekort wat in spitstyd in die streek ondervind word weens herstelwerk by Koeberg is sowat 400MW. Hy glo voorts die unieke projek het die potensiaal om die provinsie deur die winter te vat sonder enige groot kragonderbrekings. Grobler se span wat aan die Power Alert-projek werk bestaan uit sowat tien energie-ingenieurs en spesialiste, asook n meesters- en n doktorsgraadstudent van die NWU-Puk. Power Alert se flitse soos dit op TV verskyn Power Alert is flitse wat op televisie verskyn tydens spitstyd om die publiek in te lig oor die stand van die vraag na elektrisiteit en só die risiko van onderbrekings te keer. Die flitse bestaan uit vier gekleurde stafies en ander inligting wat aanbeveel word om elektrisiteit te bespaar. Dit word saans tussen 18:00 en 21:00 elke halfuur uitgesaai op SABC 1, 2 en 3. Die kleure verteenwoordig kortliks die volgende: Groen: die elektrisiteitsverbruik is onder beheer. Oranje: die elektrisiteitsverbruik styg skerp. Verbruikers word gevra om hul geisers en ander nie-belangrike toerusting soos skottelgoedwassers en swembadpompe af te skakel. Rooi: daar is naderende kragonderbreking. Verbruikers moet nou alle elektriese toerusting behalwe die televisie en die vertrek waarin hulle is se lig afskakel. Bruin: kragonderbrekings word in sekere gebiede ondervind en dit kan lei na n grootskaalse kragonderbreking. Soos by die rooi stafie word alles afgeskakel behalwe die televisie en die lig in die vertrek waar die huisbewoners is. Prof. LJ Grobler, die meesterbrein agter die Power Alert-boodskappe op televisie wat daarop gemik is om elektrisiteit te bespaar, by sy rekenaar wat oop is op die webblad van Power Alert.

2 Kampusnuus - 2 Spieël Kanoor van die viserektor Prof. Mariëtte Lowes, die Pukkampus se nuwe viserektor vir akademie, het op 1 Junie deel van die NWU-Puk se bestuurspan geword. (Lees ook Profiel op bladsy 11) Fakulteit gesondheidswetenskappe Prof. Herman Strydom van die skool vir psigososiale gedragswetenskappe se maatskaplike afdeling het die International Federation on Ageing (IFA) se 8ste wêreldkonferensie tussen 30 Mei en 3 Junie 2006 in Kopenhagen, Denemarke, bygewoon. Hy was as aanbieder en mede-aanbieder in drie referate by die kongres betrokke. Dié drie van maatskaplike werk het belowe hulle het niks vooraf afgespreek nie... Hulle was almal tegelykertyd letterlik op die krukkelys en al drie het operasies aan hulle heup of knie gehad. Van links is drs. Adrie Roux, Elma Ryke en prof. Mike Weyers. Prof. Douglas Oliver, direkteur van die skool vir farmasie, is aangestel as lid van die Suid-Afrikaanse Aptekersraad deur dr. Manto Tsabalala-Msimang, minister van gesondheid. Die lidmaatskap is vanaf Mei van krag en die termyn eindig in Oktober Oliver se aanstelling is opnuut as n besondere mylpaal vir die skool vir farmasie én die fakulteit gesondheidswetenskappe bestempel aangesien die Pukkampus van die Noordwes-Universiteit in 1994 laas iemand op die Aptekersraad benoem gehad het. Hy het op 14 Mei na Frankryk vertrek om vir n maand in Bordeaux die CNRS-navorsing te doen as deel van die samewerkingsooreenkoms tussen die twee lande om navorsingsteun te verleen. Die navorsing word moontlik gemaak deur die NRF en die Franse ekwivalent (die CNRS) en die werk word onder leiding van prof. Alain Carpy gedoen. Prof. Oliver is ook vanaf as interne ouditeur van IUPHAR (The International Union of Basic and Clinical Pharmacology) benoem. Fakulteit natuurwetenskappe Prof. Rudi van Eldik, buitengewone professor aan die Pukkampus en verbonde aan die skool vir chemie, het pas n eredoktorsgraad van die Serwiese Universiteit Kragujevac ontvang. Van Eldik is verantwoordelik vir die anorganiese en analitiese chemie aan die Universiteit Erlangen-Nürnberg in Duitsland. Die graad is aan hom toegeken op grond van sy uitsonderlike navorsingsbydrae in die veld van anorganiese chemie en uitstekende samewerking met die professore by die Kragujevac Universiteit. Dié chemieprofessor is bekend vir sy towervertoning waar hy die vakgebied met n geknal voorstel. Hier ontvang hy sy graad van die rektor, prof. dr. Milos Djuran. (Foto onder.) Fakulteit lettere en wysbegeerte Proff. Rosemary Gray, president van die English Acadamy, Marita Wenzel, vakvoorsitter van Engels by die Puk en Annette Combrink, rektor (foto onder), tydens die opening van die herfsskool van die English Academy op 22 Mei by die universiteit. Sowat sewentig mense waaronder studente van Wits en die Puk het die herfsskool bygewoon. By die geleentheid is n sertifikaat van erelidmaatskap aan Patrick Mynhardt oorhandig vir sy bydrae tot die bevordering van Engels veral deur sy opvoerings soos A sip of Jerepicho en andere. Die Gwen Knowles-Williamstoekenning ( n beurs vir nagraadse studies in Engels) is ook aan een van die Puk se nagraadse dosente, me. Suzie Zeeman, oorhandig. Die skool vir musiek sluit sy konsertreeks vir die eerste semester af met n uitvoering van klaviertrios op Sondag 25 Junie om 15:30 in die konservatoriumsaal. Truida van der Walt (klavier), Piet Koornhof (viool) en Human Coetzee (tjello) bied n program aan van Haydn se Sigeuner -trio, Mendelssohn se sprankelende eerste klaviertrio en Shostakovich se tweede klaviertrio. Shostakovich het sy tweede klaviertrio gedurende die Tweede Wêreldoorlog geskryf. Gevolglik word die mismoedigheid van die oorlogsjare in die musiek vasgevang, maar die werk eindig met n lewendige en ritmiese vierde beweging. Kaartjies vir hierdie uitvoering is slegs vanaf n halfuur voor die konsert by die loket beskikbaar. Vroeër vanjaar het musiekliefhebbers op Potchefstroom bewus geraak van die ware omstandighede rondom Mozart se raaiselagtige dood toe die opera, A Little Nightmare Music, gekomponeer deur die berugte P.D.Q. Bach, tydens die skool vir musiek se jaarlikse Potchpourrikonserte uitgevoer is. Die gebeure wat in die opera uitgebeeld word, is só opspraakwekkend, dat daar voortdurend versoeke gekom het dat die opera weer n keer uitgevoer moet word. Die skool vir musiek het dus besluit om n finale uitvoering van die opera aan te bied tydens die agtste jaarlikse musiek@pukke musiekkamp vir hoërskoolleerders wat in die laaste week van Junie by die konservatorium aangebied word. Die volledige Potchpourri-program sal dus op Maandag 26 Junie om 19:30 in die konservatoriumsaal herhaal word. Twee Potchefstroomse sangsterre, Jacques le Roux en Jaco Klopper, vertolk die hoofrolle.

3 Kampusnuus - 3 Al Lee, die bekende filmmaker van Santa Monica in Kalifornië, het tydens sy besoek aan die Pukkampus na die Pukkoor in die studentesentrum geluister. Van links is mnr. Desmond Phuthi, bestuurder van korporatiewe skakeling, me. Jenny McDonald, n vriendin van Potchefstroom, Carol Roelofse, n vriendin van Johannesburg, Lee en prof. Awie van Wyk, ervare afrigter van die Pukkoor. Pukkoor se stemme gaan opklink in Hollyw ywood-f ood-film Die Pukkoor se musikale stemme gaan in n internasionale film gehoor word nadat n bekende filmmaker van Kalifornië hulle genader om die agtergrondmusiek vir die film te sing. Al Lee, die hoofuitvoerende beampte van Humming-Bird Studios wat ook films vir Steven Spielberg se Dreamworks maak, het die Pukkampus onlangs besoek en na n paar liedere van die koor geluister. Hy het die koor die eerste keer by die Classic FM Festival in Sandton gehoor en was só beïndruk met hulle sang dat hy begin navraag doen het. Die bekende afrigter van die koor, prof. Awie van Wyk, kon sy ore nie glo toe hy hoor Lee wil sy koor vir n film gebruik nie. Volgens Lee beplan hulle n film oor n aasvoël, genaamd Victor, (wat ook die film se naam sal wees) in n poging om gehore meer oor die bewaring van die voëlspesie bewus te maak en te wys dat die aasvoël nie n slegte geveerde dier is nie. Hy beoog om dele van die film in die Vredefortkoepel te skiet. Dit sal vir verskeie filmfeeste, waaronder Cannes, ingeskryf word en ook aan meer as n duisend televisiestasies versprei word. Drikus Volschenk, n Oud-Puk wat ook lid van die Pukkoor was, sal die hoofrol in die film vertolk. Lee sê hy het n begroting van sowat $60 miljoen vir die film en beplan om binne twee maande met die voorafproduksie daarvan te begin. Die Hollywoodsimfonie-orkes, wat hy as die beste orkes van sy soort in Amerika beskou, sal verantwoordelik wees vir die klankbaan se musiek. Van Wyk sal die musiek vir die film komponeer asook die regie daarvan behartig. Hy sê hy is vreeslik opgewonde oor dié vooruitsig, maar ook lekker senuweeagtig oor dit wat op hulle wag. Lee is die filmmaker van Blood Diamond wat die laaste paar maande met Leonardo de Caprio in Mosambiek verfilm is. Hy beplan om nog n film, Innocent, But Guilty te vervaardig, maar wag dat n paar baie bekende name instem om die hoofrolle te vertolk. Ek wag dat n sekere dame haar baba kry, het hy op Angelina Jolie gesinspeel kort voor haar en Brad Pitt se kind se geboorte. PhD-studente van Puk woon prestige internasionale kursus in genetika by Dr. Estie Kotzé en mnr. Marco Alessandrini, beide PhD-studente aan die NWU-Puk se sentrum vir genoomnavorsing, is gekies om die 47ste Kursus vir Mediese en Eksperimentele Soogdiergenetika by te woon. Die prestige-kursus is n gesamentlike poging van die John Hopkins Universiteit en The Jackson Laboratory van die VSA. Hierdie 14-dag-kursus wat in Bar Harbor in die VSA aangebied word, behels daaglikse lesings, simposiums, werkwinkels, n plakkaatsessie en demonstrasies. Die kursus bied verskeie seminare oor baanbrekerswerk deur internasionale leiers op die gebied van molekulêre genetika. Aanbiedings sal n wye spektrum van aktuele en kontroversiële onderwerpe op die gebied van mediese biologie dek van bioinformatika tot stamselbiologie, van stelselbiologie tot genoomdiversiteit. Die 2006-kursus sal bygewoon word deur 145 afgevaardigdes, insluitende 21 uitgesoekte afgevaardigdes van oor die wêreld. Volgens prof. Antonel Olckers, direkteur van die sentrum vir genoomnavorsing, bied die interaktiewe formaat van die kursus n unieke netwerkgeleentheid met vooraanstaande wetenskaplikes en klinici in die verskillende studierigtings, sowel as met ander PhD-studente wat deel sal vorm van hul toekomstige professionele netwerk. Kotzé en Alessandrini sal aanbiedings lewer oor hul huidige PhD-navorsingsprojekte by een van die simposiums in Bar Harbor en daarmee seker maak dat die Noordwes-Universiteit verteenwoordiging geniet by hierdie internasionale forum. Mnr. Marco Alessandrini en dr. Estie Kotzé, PhDstudente aan die NWU-Puk se sentrum vir genoomnavorsing.

4 Kampusnuus - 4 Welstand Welstand sien om na personeelbehoeftes Warm winterhoop Die tande klap en die bene bewe van die koue. Vanjaar se winter is tot dusver een van die ergste in jare en veral hawelose en behoeftige mense lewe swaar. Werknemerwelstand het besluit om die landwye Projek Winterhoop 2006 te ondersteun. Projek Winterhoop gee moed aan baie van die wat honger is en koud kry. Winterhoop is n projek wat in samewerking met verskeie kerke en welsynorganisasies benodigdhede vir minderbevoorregtes insamel en versprei. Neem asseblief deel aan Projek Winterhoop! U kan kos (blikkies, rys, spaghetti ens.), warm klere en veral ook komberse by die Welstandkantore in gebou E11 (huis oorkant J Chris Coetzee-gebou) aflewer. Werknemerwelstand sal dit aan die SAVF oorhandig wat dit in ons omgewing sal versprei. PUK-Welstand help personeel met ID s en paspoorte Op 8 Mei 2006 is sestig aansoeke vir ID s en 104 aansoeke vir paspoorte op die kampus deur PUK- Welstand en departement van binnelandse sake hanteer. Bloedskenk Die SA nasionale bloeddiens benodig eenhede bloed per jaar om aan die behoeftes van die land se pasiënte te voorsien. Dit beteken dat hulle eenhede elke dag moet insamel. Elke 48 sekondes ontvang iemand in Suid-Afrika bloed of bloedprodukte. Die Klerksdorp-tak wat Potchefstroom insluit, het gevalle per maand. Dit wissel van vyftig tot sestig gevalle per dag. Moet nooit dink dat jy of jou familie dit nie nodig sal kry nie. Daar is n dertig persent kans dat iemand in jou familie bloed of bloedprodukte mag nodig kry. Personeel kan elke drie maande bloed op die Potchefstroomkampus skenk. Dankie aan die dertig personeellede wat op 16 Mei bloed geskenk het! Kampus Weigh-Less ondersteuningsgroep Wil jy graag jou doelwitgewig bereik? Sluit aan by Weigh-Less! Die TM Weigh-Less-kampusgroep ontmoet Dinsdae van 13:00 tot 14:00 in gebou E11 se seminaarlokaal (huis oorkant J Chris Coetzeegebou). Om aan te sluit by dié groep, stuur n e-pos aan EmployeeWellness@puk.ac.za sodat ons die Weigh- Less-kontakpersoon se besonderhede vir u kan stuur. Werknemerwelstand het by verskeie geleenthede sekretaresses vir ontbyt genooi om hulle oor die vordering met projekte en bedrywighede by die NWU in te lig en hulle vir hul harde werk en ondersteuning aan hoofde te bedank. Daar is oor toekomstige projekte vir 2006 gesels, asook om mekaar beter te leer ken en gesigte by name te kon plaas. Van links is Cecilia Monteith (studentedekaan se kantoor), Annemarie Hefer (bemarking en kommunikasie), Sonnette Coetzer (biblioteek) en Nardine Bothma (skool vir kerkwetenskappe). Van die rektor se tafel Waar die winter ons nogal vinnig bekruip het is dit goed om terug te kyk na die afgelope semester en voorraad op te neem en te besin oor wat die volgende semester gaan inhou. Op die makrovlak was die semester belangrik omdat ons begin om die samesmelting meer volledig te laat werk (dis soos Oracle dit werk grootliks, maar daar is klein sakies om uit te sorteer!). Die bestuur van die Noordwes-Universiteit werk reeds baie goed saam en daar word nou werk gemaak van die herstrukturering van die raad om te kan voldoen aan die vereistes van die statuut (die bepalinge van die statuut moet teen 8 Augustus volledig in plek wees). Dit beteken dat vier raadslede uit die geledere van die nuwe senaat gekies moet word (die reëlings hieroor sal binnekort bekend wees). Daar moet ook vier raadslede uit die geledere van die raad van donateurs gekies word. Hierdie komponent word tans in plek geplaas en meer inligting sal mettertyd verskaf word. Die ander baie belangrike komponent is die konvokasielede op die raad. Hier moet ook vier lede verkies word uit die nuwe konvokasierol wat tans saamgestel word. Dit is van die uiterste belang dat diegene wat nog nie aangesluit het nie dit wel moet doen mens kan nog tot 30 Junie aansluit (skakel Vivian Claassen by vir meer inligting). Sodra die nuwe raad saamgestel is sal n voorsitter verkies word. Die verdere ontplooiing van die samesmelting sentreer nou veral in die werk wat te doen het met programbelyning wat nou ernstig begin spoed optel. Almal is bewus daarvan dat die saak van die krediete grootliks afgehandel is (met die kompromisvoorstel dat ons werk met n beginpunt van agt krediete en dan daarvandaan met inkremente van vier dus 8, 12, 16, 20, 24 en 32). Vir ons beteken dit dat meeste modules net so kan voortgaan, maar dat daar ook ander moontlikhede is om byvoorbeeld die klein moduletjies in die eerste semester van die eerste jaar groter te kan maak. Ons werk ook - soos julle weet - aan nuwe konfigurasies en idees vir die sogenaamde verpligte modules (oftewel die critical crossfield outcomes ). Al hierdie dinge is van die grootste belang in die konteks van die institusionele oudit wat in 2008 van die NWU gedoen gaan word. Kwaliteitsake kry nou ook besondere aandag prof. Es Steyn van die fakulteit opvoedingswetenskappe is pas aangestel om die oudit te orkestreer en op die kampus is me. Franciska Bothma aangestel om die koördinering tussen die kampus en die institusionele kantoor te doen sodat ouditsake vlot verloop. In hierdie verband is me. Bothma ook verantwoordelik vir die logistieke reëlings van interne en eksterne evaluerings. Wat die kampus betref kan mens op die praktiese vlak na heelwat sake verwys. Op bestuursvlak het die nuwe kampusregistrateur, Dorothy August, op 1 Mei diens aanvaar. Op dieselfde datum het die nuwe dekane by lettere (prof. Jan Swanepoel) en natuurwetenskappe (prof. Kobus Pienaar) ook diens aanvaar. Op 1 Junie het die nuwe viserektor: skademie (prof. Mariëtte Lowes) diens aanvaar. Soos tydens die fakulteitsbesoeke verduidelik, is daar nou n verdeling van pligte tussen proff. Daan van Wyk en Mariëtte Lowes prof. Daan doen kwaliteit en beplanning en prof. Mariëtte is verantwoordelik vir die dekane. Ons navorsingsuitsette vir 2005 is vasgestel op 280,53 eenhede (vir die hele universiteit is dit 320,72). Dit is n groei van elf persent vergeleke met die vorige jaar. Dit lyk of hierdie jaar vrugbaar gaan wees aangesien baie kollegas aangedui het daar is artikels wat nie die afsnydatum kon haal nie. Ons mikpunt vir die jaar is om darem deur die 300 te breek vir die kampus! Daar was n foutiewe berig in die Beeld wat ons heeltemal uitgelaat het in nuus oor navorsing aan SA universiteite, maar dit is later reggestel in n brief deur prof. Amanda Lourens. Die groei in navorsingsuitsette is baie belangrik in die konteks van ons strewe om binne die volgende vyf jaar n meer gebalanseerde onderrig/navorsingsuniversiteit te wees (en in die boonste vyf universiteite in terme van n hele reeks aanduiders of dan benchmarks ). Daar word ook tans hard gewerk aan n nuwe formule vir die aanpassing van die Verkatoekenning vir navorsingsuitsette. Ingeval daar kollegas is wat nog nie gehoor het nie die Verka vir onderrig is onlangs aangepas van die ou R12 000, R6 000 en R3 000 na R18 000, R en R Dit behoort werklik n groot aansporing te wees vir kollegas om vir evaluering aan te meld. Die skuif na n ander model vir toetse word in meer detail beplan, inligting sal deurlopend beskikbaar gestel word. Die studiegidsproses loop baie mooi meeste studiegidse vir die tweede semester is reeds beskikbaar en die studente begin dit afhaal. Dit beloof dus heelwat goed vir die tweede semester. En dan is die nuwe FNB/NWU-PUK High Performance Institute vir sport op die Fanie in die afhandelingsfase en word in Augustus in gebruik geneem. So ook is die HTTF-laboratorium waar navorsing oor veilige en effektiewe kernkrag gedoen word, byna voltooi. En die verdere goeie nuus oor fasiliteite is dat geld bekom is om n dak oor die amfiteater te bou. Daar is n baie ambisieuse plan vir die herstrukturering van die hele omgewing by die amfi, maar dit word ook beplan om in fases gedoen te word aangesien die befondsing van buite bekom moet word. As die eksamen verby is en die punte is ingelees, hoop ek almal hou lekker vakansie neem tyd af en laat die batterye herlaai!

5 Kampusnuus - 5 Carstens se handleiding bekroon met ATKV TKV-toek -toekenning enning Die handleiding, Norme vir Afrikaans (4de uitgawe, 2004), van die NWU-Puk se Afrikaanse taalkenner, prof. Wannie Carstens, gaan eersdaags bekroon word met die ATKV- Woordwystoekenning. Dié handleiding is onder verskeie Afrikaanse handleidings en woordeboeke wat in Augustus die ATKV-Woordwystoekenning ontvang. Die toekenning bestaan uit n goue penning en n sertifikaat. Volgens me. Marietjie du Plessis, taalpraktisyn van die ATKV, het die vereniging besluit om as deel van sy 75-bestaansjaarvieringe n toekenning te maak aan naslaanbronne wat die taalgebruiker kan help met die praktiese gebruik van Afrikaans Die ATKV het n lys saamgestel van naslaanbronne wat sedert 1994 tot Desember 2005 verskyn het om terselfdertyd te sien wat met Afrikaans gebeur het op leksikografiese gebied sedert demokratisering. Sowat 40 bronne het aandag geniet wat nie akademiese werke insluit nie. Kriteria het onder meer behels dat taalgidse vanselfsprekend leiding moet verskaf oor die gebruik van Afrikaans terwyl die woordeboeke vanuit enige brontaal na Afrikaans as doeltaal kan vertaal. Carstens, direkteur van die skool vir tale, se handleiding sal saam met onder meer bronne soos die Afrikaanse Woordelys en Spelreëls (2002) en Die Woordeboek van die Afrikaanse Taal (WAT), wat in sy geheel tot by letter p en q vereer word, bekroon word. Die WAT vier vanjaar sy tagtigste herdenking. Die ATKV huldig die standpunt dat die bronne wat bekroon word, elkeen op sy eie n bydrae tot Afrikaans lewer en per implikasie bydra tot veeltaligheid in Suid-Afrika. Met die Woordwystoekenning wil die ATKV nie net erkenning verleen aan die woordeboekmakers wat maar altyd op die agtergrond is nie, maar ook die gewone taalgebruiker bewus maak van woordeboeke en dat geen taal daarsonder kan bestaan nie, sê Du Plessis. Norme vir Afrikaans het die eerste keer in 1989 verskyn en is daarna drie keer deur Carstens bygewerk. Die hersienings is onderskeidelik in 1991, 1994 en 2004 gedoen. Prof. Wannie Carstens met sy boek, Norme vir Afrikaans. Kongreshandleiding al op baie se lessenaars Die publikasie van die fakulteit lettere en wysbegeerte se onderrigkomitee wat uiters nuttige inligting bevat vir mense wat vir n kongres voorberei het al op talle voornemende kongresaanbieders se lessenaars plek ingeneem. Die boek Ek wil kongres toe gaan. Wat nou? het reeds voor sy amptelike bekendstelling groot byval gevind - veral onder nuweling kongresaanbieders. n Tweede oplaag word dus nie uitgesluit nie. Prof. Annette Combrink, rektor van die Pukkampus, het tydens die handige boek se amptelike bekendstelling gesê die boekie is deur n verbasende behoefte oral op kampus voorafgegaan. Hiermee is prof. Wannie Carstens, direkteur van die skool vir tale en redakteur van Ek wil kongres toe gaan. Wat nou?, dit eens. Ek is verstom deur die aantal jong mense wat dit reeds gebruik. Volgens hom het die gedagte aan die publikasie ontstaan uit n hoeveelheid referate en daaropvolgende seminare wat die onderrigkomitee begin het om deur middel van ervare kongresaanbieders wenke vir kongresgangers beskikbaar te stel. Hy meen voorts die boekie sou nie moontlik gewees het sonder die visie van Combrink nie. Sy het destyds die geld daarvoor bewillig. Die rektor het tydens die bekendstellingsgeleentheid ook die groen lig gegee sodat Carstens en sy medeskrywers dadelik kan afskop om die vindingryke publikasie in Engels beskikbaar te stel. Prof. Jan Swanepoel, dekaan van die fakulteit, het gesê die boek is in lyn met die universiteit se doelwit om n gebalanseerde onderrigleer en navorsingsinstelling te wees. Proff. Wannie Carstens, Jan Swanepoel, Annette Combrink en me. Marlize van Rooyen (grafiese dienste) tydens die bekendstelling van die publikasie, Ek wil kongres toe gaan. Wat nou? Volgens hom is kongresse baie keer die aanloop tot navorsing. Die skool vir tale beplan onder meer om die handleiding aan ander universiteite beskikbaar te stel. Geld wat met die verkope daarvan ingesamel word sal eenkant gehou word vir toekomstige projekte.

6 Kampusnuus - 6 Gemeenskappe help om verw erwoestyning te bekamp Verskeie gemeenskappe in die Vryburg-omgewing wat reeds vir geruime tyd n vername rol speel in die bekamping van landdegradsie en verwoestyning is onlangs vir hul uitstaande pogings bedank. Prof. Klaus Kellner, van die skool vir omgewingswetenskappe en ontwikkeling by die Pukkampus, wat ook die nasionale koördineerder van die Desert Margins Program (DMP) in Suid Afrika is, het tydens die bedankingsgeleentheid by die Austrey-gemeenskap in Noordwes se Bophirima-streek gesê die bekamping van verwoestyning of agteruitgang van die veld kan nie sonder die hulp van die gemeenskap gedoen word nie. Die DMP is n navorsings- en ontwikkelingsprogram in nege lande van Afrika - insluitend Suid-Afrika - wat in samewerking met die NWU, die provinsiale departement van landbou en omgewingsake en die plaaslike gemeenskappe die agteruitgang van ariede weivelde en die moontlike herstel en rehabilitasie daarvan, bestudeer. In die Vryburg-omgewing is tans drie gemeenskappe wat saamwerk om die breë doelwitte te bereik. Dit sluit in die bekamping van landdegradasie deur demonstrasie en kapasiteitsbou-aktiwiteite, die aanbeveling van langtermyn volhoubare bestuursmetodes om die bioversiteit te bewaar en verdere oorbeweiding te voorkom asook die lewenskwaliteit van die arm, plaaslike gemeenskappe te verbeter. Al die navorsing moet egter op n goeie wetenskaplike grondslag gebaseer wees. Die kommunale gebiede waar die DMP-projek uitgevoer word, sluit Austrey, Tseoge en Eska/ Neuham in. Navorsing word ook op kommersiële plase en in die Molopo-natuurreservaat in Noordwes gedoen. Die NWU doen al sewe jaar navorsing in hierdie gebiede. Die groter DMP-projek van Suid- Afrika strek egter baie verder as Noordwes en sluit ook drie gebiede in die Noord-Kaap in. Kellner het ten tyde van die byeenkoms van rolspelers in die drie gemeenskappe n aanprysingsertifikaat aan die stamhoof oorhandig. n Spesiale naambord is by die gemeenskapsentrum opgerig terwyl die departement van landbou en omgewingsake in Noordwes ook uitgesonder is vir hulle samewerking. Sonder al die rolspelers is dit nie moontlik om die regte leiding aan die boere te gee nie en sonder almal se samewerking kan ons onmoontlik bereik wat ons al hier gedoen het. Die NWU en ander internasionale organisasies wat die DMP steun is baie trots op die boere en al die lede van hierdie plattelandse dorpies, het hy gesê. Gaste tydens die onthulling van die naambord in Austrey. Van links is prof. Franci Jordaan van die departement landbou en omgewingsake in Noordwes, mnre. Ernest Mokua, n navorser by die departement, M. Randeree, direkteur van tegniese hulpdienste van die departement, me. Mpho Montoedi, landbou-voorligtingsbeampte in Austrey, prof. Huib van Hamburg, direkteur van die skool vir omgewingswetenskappe en ontwikkeling, me. M. Rosho, kommunikasiebeampte van die departement, prof. Klaus Kellner, mnr. AS Letlhogile, die stamhoof van Austrey, en mnr. Riaan Dames van landbouvoorligtingsdiens in die Bophirima-streek. Taalwenk Is die kyk of sien? Ek is al by geleentheid gevra wat die Afrikaanse ekwivalent is vir die gebruik van die Engelse woord see (page 20) wanneer dit as kruisverwysingstegniek in wetenskaplike geskrifte ingespan word. Is dit kyk of is dit sien? Bronne wat hieroor geraadpleeg is, dui daarop dat beide aanvaarbaar is, maar dat indien kyk gebruik word, dit saam met die voorsetsel op gebruik behoort te word, dus: kyk op bl. 20. Hierteenoor is sien bl. 20 ook korrek. Die ou reël in die taalpraktyk geld maar weer hier: kies een vorm en hou konsekwent daarby. WAMC Mnr. Ernest Mokua, n navorser by Noordwes se departement van landbou en omgewingsake, praat met lede van die Austrey-gemeenskap oor hoe hulle kan help om die weiveld te verbeter. Die verskil binne die omheinde gebied kan duidelik gesien word waar die weiveld vir n jaar nie bewei is nie. Heel links is prof. Klaus Kellner, van die skool vir omgewingswetenskappe en ontwikkeling by die Pukkampus wat ook die nasionale koördineerder van die Desert Margins Program (DMP) in Suid Afrika is.

7 Kampusnuus - 7 NWU-filmspan maak dokumentêr oor verw erwoestyning n Filmspan van die skool vir kommunikasiestudies het onlangs die skietwerk van n dokumentêr oor verwoestyning in Suid-Afrika voltooi. Die film is deel van Liesl-Dana van Schalkwyk se meestersgraad in kommunikasiepraktyk. Dit word in opdrag van die Desert Margins Program (DMP) gedoen waarvan prof. Klaus Kellner van die skool vir omgewingswetenskappe en ontwikkeling die nasionale koördineerder is. Die beeld projekte in vier probleemgebiede in Suid- Afrika uit. Dit is die Molopogebied in Noordwes, die Kalahari en Namakwaland in die Nood-Kaap en die Bokkeveld suid van Nieuwoudtville. Liesl-Dana is tans besig om die meer as 45 uur se videomateriaal in n dokumentêre film van ongeveer 26 minute te redigeer. Die film sal einde Augustus in Kaapstad op n kongres van die Global Environmental Facility (GEF) vertoon word. GEF is in 1991 gestig om omgewingsprojekte soos die DMP in ontwikkelende lande te finansier. Benewens Liesl-Dana as regisseur, het haar studieleier, prof. Attie Gerber, en n honneursstudent in video, Marno Engelbrecht, met die verfilming van sowat n maand gehelp. Die filmprojek het n groot hupstoot gekry nadat Daly Landrover n voertuig geborg het. Die NWU-Puk-filmspan wat die afgelope paar maande wyd gereis het om n dokumentêre program oor verwoestyning in Suid-Afrika te maak. Hier is (van regs) prof. Attie Gerber, Liesl-Dana van Schalkwyk, Andrew Daly en William Scott van Daly Landrover wat n voertuig geborg het, en Marno Engelbrecht. BWI span video-kuberkommunikasie in Ouers, studente en personeel kan voortaan eerstehands n kykie kry wat agter die skerms by die sentrum vir bedryfswiskunde en informatika (BWI) gebeur deur bloot n internetkonneksie te gebruik. BWI Nuus, n kort driemaandelikse webvideonuusbulletin, gaan voortaan op die sentrum se webruimte by (Afrikaanse bulletins) en (Engelse bulletins) beskikbaar wees. Dit sal die eerste keer wees dat video via die internet op so n manier deur n akademiese departement, skool of navorsingsafdeling by die Noordwes- Universiteit ingespan word. Me. Adèle du Plessis, administratiewe bestuurder van die sentrum, gaan maandeliks talle kuberkykers op die internet inlig oor die nuutste bedrywighede van BWI (die sentrum en navorsingseenheid) en sy studente. Besoekers by die BWI-webruimte kan hierdie kort stukkies video aflaai en enige tyd deur middel van Windows Media Player op hul kantoor-, tuis- of koshuisrekenaars oopmaak. Nuusitems, beurtelings in Afrikaans en Engels, sluit onderhoude met industrievennote, personeel, oudstudente, studente en hul ouers asook n dagboek van gebeure by die sentrum in. Volgens prof. Riaan de Jongh, direkteur van die sentrum vir BWI, is die doel van die programme om as n kommunikasiemedium te dien met ouers, studente, voornemende studente en industrievennote van die sentrum. Omdat die programme op die internet vrygestel word, beteken dit dat die nuusberigte wêreldwyd beskikbaar is sodat BWI-alumni wat tans in ander lande werk ook die nuusprogramme kan aflaai. Die sentrum vir BWI het 'n ooreenkoms met videodienste by die Potchefstroomkampus om die video s te vervaardig. Al die opnames word in video- Prof. Riaan de Jongh, Adele du Plessis en Corné Scheepers in die video-ateljee. dienste se ateljee gedoen waarna dit digitaal gemanipuleer en webgereed gekry word. Oscarbekroonde blouskermtegnologie word ingespan om Du Plessis letterlik in die nuus te plaas. Al die videomateriaal word teen n spesiale blou skerm verfilm, waarna dit digitaal in n virtuele BWI Nuus-ateljee ingevoeg word. Kyk na die jongste BWI-nuus by (Afrikaans) of (Engels). BWI nuuswaardighede kan gestuur word aan bwinuus@puk.ac.za of skakel Adèle by Enige kommentaar is welkom aangesien die programme tans in n evaluerings- en toetsfase is.

8 Kampusnuus - 8 Kleurvolle Edge ontvang doktorsg sgraad op 62 Een van die kleurvolste karakters wat op 26 Mei saam met 35 ander nagraadse studente hul doktorsgrade by die herfsgradeplegtigheid van die Noordwes- Universiteit ontvang het, is dr. Dave Edge, wat dié prestasie op 62-jarige ouderdom behaal het. Edge is in Lacashire in Engeland gebore en het sy meestersgraad in ingenieurswese in 1965 aan Cambridge Universiteit verwerf. Hy was later besturende direkteur van n ingenieursfirma wat by ontwikkeling in Knysna betrokke was. Tydens sy verblyf het hy betrokke geraak by die bewaring van die Brenton Bloutjie-skoenlapper en het 'n vername rol gespeel om dié gebied as bewaringsgebied te verklaar. Ná hy by dr. Reinier Terblanche van die Pukkampus van die NWU kers opgestreek het, het die onderwerp hom só geboei dat hy besluit het om sy BSc in plantkunde te doen. Hy het die graad in 2001 aan Unisa met lof geslaag. Met die inhandiging van sy meestersgraad is sy proefskrif na PhD-status verhoog. Die titel van sy proefskrif is ook Ecological factors influencing the survival of the Brenton Blue butterfly. Edge is duidelik nie een wat kan stilsit nie. Hy het veertien Comrades- en Twee Oseane-wedlope op sy kerfstok en het vir sy sestigste verjaarsdag Kilimandjaro uitgeklim. Van die 36 doktorandi wat hul grade ontvang het is tien van die fakulteit gesondheidswetenskappe, agt van die fakulteit ingenieurswese, vyf van die fakul- Dr. Dave Edge (regs) en sy medestudieleier, mnr. Reinier Terblanche, dosent in dierkunde by die Puk, tydens sy gradeplegtigheid. teit lettere en wysbegeerte, vier van die fakulteit natuurwetenskappe, drie elk van die fakulteite opvoedingswetenskappe en ekonomiese en bestuurswetenskappe, twee van die fakulteit teologie en een van die fakulteit regte. Voorts is tien van die graduandi personeellede van die Puk-kampus. Vinnige Fanie laat die kampus dreun Vinnige Fanie de Villiers was vanjaar die spreker tydens die NWU-Puk se jaarlikse waardewandeling waar honderde paar voete die kampus laat dreun het om Potchefstroom bewus te maak van hoop, reinheid, liefde, integriteit en optimisme. Prof. Annette Combrink, rektor, het saamgestap. Dr. Arnel Huisamen van Mosselbaai het haar doktorsgraad met die titel, Die effek van die besluitnemings- en lewensdoelkomponente van die SAPD se Selfbestuur Personeelkapasiteitsbouprogram, onder prof. Mike Weyers voltooi. Sy is 'n bedryfsmaatskaplike werker in die polisie.

9 Kampusnuus - 9 BEK maak harte oop vir weeskinder eeskinders s in Khutsong Korporatiewe skakeling van die departement Bemarking en Kommunikasie het die afgelope tyd die spreekwoordelike ekstra myl geloop om hulp te verleen aan n skool in Khutsong waar sowat n derde van die leerders weeskinders is. Die ekstra myl het gekom nadat gr.12-leerders van die Tswasongu Sekondêre Skool verlede maand op die Potchefstroomkampus getrakteer is as deel van die Neem n meisieleerder werk toeveldtog. Sowat veertig van die skool se matriekmeisies het die kampus van nader leer ken toe mnr. Desmond Phuti, bestuurder, korporatiewe skakeling, hulle op versoek van die meisies op n uitgebreide kampustoer geneem het. Die kennismaking met die Pukkampus het tot verdere samewerking gelei toe die skool se welsynsafdeling wat deur die leerders self behartig word, gevra het vir enige skenkings wat die lewe van die meer as 30% kinders wat wees gelaat is, kan vergemaklik. Phuti en sy regterhand, me. Motheo Monaisa, het nie op hulle laat wag nie en n paar dae later die pad na Carletonville aangepak met n klomp artikels wat hulle ingesamel het waaronder komberse, klere, skoene en kos. Met Phuti-hulle se aankoms voor verlede Saterdag by die skool het hulle afgekom op dieselfde groep matriekmeisies wat aan die werskaf was om kos te maak vir die kinders sonder ouers. Daar het hulle gehoor die meisies kook dikwels op hul eie kos vir hul skoolmaats wat glo daagliks by die skool opdaag met n leë maag. Die weldoeners sê deur hul eweknieë van kos te voorsien bewys hulle dat hulle hul waardeer en inderdaad vir hulle omgee. Hulle glo ook dit sal help dat die weeskinders nie so maklik siek word of uit die skool dros nie. Volgens Phuti het die meisies hul waardering vir die Puk se hulp uitgespreek en voorts gesê dit is bewys daarvan dat die universiteit graag sal wil sien dat hulle n sukses van hul lewe vorentoe maak. Die groep is uitsonderlike presteerders wat studies aan die NWU oorweeg. Kultuurorganisasies reik warm hand uit Me. Mpho Modupe van die kultuurkantoor op die Pukkampus het onlangs in samewerking met die studentekultuurverenigings Dumelang en Thalia n warm hand in n koue winter uitgereik. Hulle het winterklere en kos onder hulle lede ingesamel en dit met die hulp van gemeenskapsleiers onder die arm gemeenskap in Ikageng versprei.van links staan Lida Krüger, voorsitter van Thalia, Mpho Modupe, Diana Madiehe van die Potchefstroomse munisipaliteit se departement kultuur en Tshegofatso Makiti, voorsitter van Dumelang. Links: Mpho Modupe, Tshegofatso Makiti van Dumelang en Cheney Hills van Thalia verdeel die kos en klere.

10 Kampusnuus - 10 Springbokke is swaar aarder der, langer as n eeu gelede In unieke navorsing wat deur prof. Hans de Ridder en me. Edri Meyer van die skool vir biokinetika, rekreasie en sportwetenskap van die NWU- Pukkampus gedoen is, is bevind dat Springbokrugbyspelers se liggaamsbou heelwat oor die afgelope 100 jaar verander het. Dié navorsing is n duidelike bewys van die evolusie of geleidelike verandering wat tans by rugbyspelers ten opsigte van liggaamsgrootte en bou plaasvind. Data van bykans Springbokke is bekyk en rekords tot sover terug as 1896 is gebruik. In die navorsing is onder meer bevind dat vandag se rugbyspelers gemiddeld 23 kg swaarder en sowat 10cm langer is as 100 jaar gelede. Die voorspelers is gemiddeld 30kg swaarder as hulle eertydse eweknieë. Groot hulp is deur prof. Heinrich Schultze van Prof. Hans de Ridder. Unisa met die navorsing verleen deurdat sy privaat rugby-argiefmateriaal gebruik kon word. Statistiek van die huidige All Blacks, Wallabies, Engelse en die Franse is ook gebruik om vergelykende profiele te kan trek. Die Bokke se biokinetikus, prof. Derik Coetzee van Kovsies, sal saam met De Ridder werk om die Springbokke se navorsingsdata jaarliks by te werk om op datum te bly met die liggaamsevolusie wat by dié spelers plaasvind. Sou die tendens voortduur (dat die Bokke al groter word) sal dit n groot impak hê - nie net op beserings nie - maar ook op afrigting en fisieke kondisionering van die spelers. Dié navorsing stem ooreen met navorsing wat gedoen is op die Australiese rugbyspelers. Volgens De Ridder stel die Springbok-afrigter, Jake White, baie belang in die navorsingsresultate wat hy vir sy afrigtingsprogramme sal kan gebruik. Die lengte van Springbokke het toegeneem cm/decade Tot Group Forwards Backs Die verskil in liggaamsgewig kg In die aanbieding van prof. Hans de Ridder het hy die verskille in die Springbokke se liggaamsbou met die foto's van dr. Danie Craven (bo) en Os du Randt (regs) uitgewys Tot Group Forwards Backs

11 Viserektor: akademie - Prof. Mariëtte Lowes PROFIEL Kampusnuus - 11 Akademie is haar hartklop Sy is eintlik n opgeleide apteker, n oud-puk wat ná haar doktorsgraad in Farmasie ook n MBA behaal het. Dit was egter na die voltooiing van nóg n meestersgraad in Nederland dat sy besef het die akademie is eintlik my hartklop. Prof. Mariëtte Lowes, die NWU-Puk se nuwe viserektor vir akademie, se lyste van kwalifikasies, akademiese prestasies, leierskap- en bestuursposte en kongresaanbiedings, gepubliseerde artikels, verteenwoordiging op professionele rade en tientalle oorsese besoeke is bladsye en bladsye lank. Maar tog bly sy met haar voete stewig op die aarde en het in haar besige loopbaan tot dusver selfs tyd ingeruim vir n kwalifikasie in mode-ontwerp. Sy vertel sy hou van mooi goed (soos haar Audi TT!) en kuier graag saam met vriende. Lowes was tot verlede maand die dekaan van die fakulteit gesondheidswetenskappe by die Tshwane Universiteit vir Tegnologie (TUT). Benewens dat sy verantwoordelik was vir die samestelling van dié (destyds, nuwe) fakulteit was sy ook die vrou wat in 1997 (as hoof) die (nuwe) skool vir farmasie by TUT herorganiseer het. Jy was vir die grootste gedeelte van jou loopbaan betrokke by TUT (en die voormalige Technikon Pretoria en in die tyd toe dit nog bekend was as die Kollege vir Hoër en Tegniese Onderwys). Wat het jou laat besluit om by die NWU-Puk aan te sluit? Ek kan dit beskryf as n natuurlike progressie. Dit was tyd om aan te beweeg. As oud-puk het ek al die jare goeie kontak behou met die farmasieskool hier. Dis n terugkeer na die bekende dalk die voltooiing van n sirkel. Wat dink jy (as oud-puk) van Potchefstroom? Potchefstroom is (steeds) n aantreklike opset. Ek het hierheen gekom eerstens om te werk en gaan my dus weer hier vestig. Wat van die NWU-Puk het jou aangetrek en oorgehaal om Pretoria vir die platteland te verruil? Die mense op die kampus is gefokus. Hier is n hoë gehalte in akademie en navorsing met ooglopende gevestigheid. Daarmee saam n definitiewe missie en visie (bykans almal van buite beleef dit so). Wat is jou indrukke van die NWU-Puk en sy mense na die eerste 14 dae in jou nuwe kantoor en werksomgewing? Die mense hier is ongelooflik vriendelik, warm en behulpsaam. Alles is net só positief. n Mens kan nie vra vir n meer ontvanklike gemeenskap nie. Jy is nou (saam met prof. Daan van Wyk) aan stuur van akademiese sake by die NWU-Puk. Waar staan die akademie in teenstelling met die toenemende fokus ook op navorsing en innovasie? Die uitkomste van die universiteit is uiters belangrik en dus die uitkomste van dit wat in die lesingsaal gebeur. Akademie speel n vername rol om die doelwit te bereik om die universiteit een van wêreldstandaard te maak. Die hart van n universiteit is tog sy akademie. Uit die aard van my werk sal ek natuurlik op die akademie fokus maar ook my volle ondersteuning gee aan navorsing en innovasie. Watter fasette van die akademie prikkel jou? My hart lê baie na aan innoverende onderwys. Ek was juis betrokke by die eerste innoverende probleemgebasseerde onderriggraad in farmasie in Suid-Afrika n vars benadering tot farmasie-onderrig. Jy is as apteker bekwaam? Het jy ooit dié beroep beoefen? Ja, maar vir n baie kort tyd onder meer gedurende my internskap. Ek was ook analitiese apteker en navorsingsapteker voordat ek in 1978 lektor geword het by die destydse Pretoriase Farmasiekollege van die technikon en Tukkies. Reis jy graag? Ja! Ek het al 65 lande besoek. Watter land is vir jou die bekoorlikste? Beslis Spanje. Dit is die eerste oorsese land wat ek besoek het. Ek het as honneursstudent deeltyds by n apteek gewerk om geld vir die reis bymekaar te kry. Watter land sal jy die graagste nog wil besoek? Gewis Peru, en nog n paar ander. Ek het nog min gesien as mens in ag neem daar is 119 lande wêreldwyd. Wat is die mooiste herinnerings aan jou kinderjare? Om op n plaas groot te word. En om in die geborgenheid van hegte familiebande groot te word. Is jy materialisties? Ek dink ek is doodgemiddeld. Ek hou van mooi goed dinge wat esteties bevredigend is. Wat is jou kosbaarste besitting? My dogter, Elle-Sarah. Sy is n prokureur by SARS en het pas haar tweede meestersgraad aan die NWU- Puk verwerf. En moeder kon die band om haar hang! Wat is die eerste ding wat jy doen wanneer jy soggens opstaan? Ek bid. Ek is baie gelowig en aktief betrokke by my kerk, die Metodiste, se uitvoerende komitee. Raak jy ooit kwaad? Baie min. En, wat doen jy dan om af te koel? Ek dink ek maak (al is dit dan vir die oomblik) n afstand tussen die bron en dit wat my vies maak. Wat was die grootste uitdaging tot dusver in jou lewe? Ek wonder of dit nie die huwelik is nie! En om n mens nie te laat onderkry nie. Ek dink aan veral vroue wat die afgelope dekades onder ongelooflike dispariteit gebuk gegaan het. Om dus gefokus te bly en gedetermineerd te wees om vorentoe te gaan was n uitdaging. Om al die balletjies in die lug te hou. Van ma-wees, vrou-wees, gasvrou wees, te werk en nog kompeterend te bly. Beskryf jou ideale Saterdagaand? Om saam met vriende te kuier. Wat kan jy nié doen nie? Ek kan nie fietsry nie en ook nie kook nie! Gebore: Belfast (in die ou Oos-Transvaal). Matrikuleer: Waterval-Boven. Universiteit: BSc Farmasie, BScHons, MSc, DSc (alles aan die voormalige PU vir CHO), Sertifikaat in modeontwerp (Tegniese Kollege, Pretoria), MBA (Wits) en n M-graad in onderwys vir gesondheidsberoepe (Universiteit van Maastricht, Nederland). Loopbaan: Na twee jaar as internskap apteker word sy in 1973 navorsingsassistent by die instituut vir farmaseutiese navorsing by die PU vir CHO en n jaar later analitiese apteker by die voormalige TPA se analitiese laboratorium in Johannesburg. In 1976 sluit sy weer in Potchefstroom aan as navorsingsapteker by die insituut vir farmaseutiese navorsing. Vanaf 1978 tot 1993 was sy onderskeidelik senior lektor en hoof van die departement farmaseutika by die Pretoriase farmasiekollege. In 1994 aanvaar sy die pos as bestuurder vir opleiding by die SA Aptekersraad en in 1997 word sy die hoof van die skool vir farmasie by (die voormalige) Technikon Pretoria. Sy was sedert 1999 dekaan by die fakulteit gesondheidswetenskappe by TUT. Redakteur: Lieze du Preez e-pos: bkkldup@puk.ac.za Tel: (018) Sel: Kampusnuus is op die web beskikbaar by