Deelnemers KAAPSTAD. Erkenning !!!!!!! ! 1! Artikel: Fotos: Organiseerder: HEMEL-EN-AARDE VALLEI (Bykomstig tot

Transcription

1 Deelnemers KAAPSTAD Jurie Erasmus (Leier) Angus Dyason Annette Erlank Chris Herbst* Chris Swanepoel* Douglas Thomas* Edwin Dyason Elize Herbst* Gerda Swanepoel* Lynette du Toit Thea Dyason HEMEL-EN-AARDE VALLEI (Bykomstig tot bogenoemde lede) Elna Bosman Hanli Townshend Marlene O Connell Mienie Ellis Mike Wray Rina Wray Theresa Oldewage Welmé de Beer Erkenning Artikel: Fotos: Edwin Dyason Jurie Erasmus Theresa Oldewage Organiseerder: Jurie Erasmus * Slegs Kaaptoer gedoen. SATERDAG 22 APRIL Ons vertrek vrolik na die Kaap om die middag by Edwin se broer, Brian s (Guesthouse?) in Parow te arriveer waar ons vir die volgende 5 nagte sou tuisgaan (of is dit dalk plak?) want almal het nie die luukse van n bed gehad nie en moes sien kom klaar met n matras op die vloer SONDAG 23 APRIL Dis met opgewonde afwagting dat die 12 Berg-en-Dallers en 8 gaste by die kabelkar-stasie om 8.00 ontmoet om die INDIA VENSTER- ROETE te stap. Die roete kry sy naam van die ravine tussen 2 groot rotse in die vorm van die Indiese kontinent. Volgens Jurie se inligting is daar afgronde, staalpenne wat in die rotse ingekap is asook kettings. Laasgenoemde is om die roete veiliger te maak (en ons minder seker van onsself) Die roete begin regs van die kabelkar-stasie met klip trappe wat ons al onder die kabel berg op laat klim. Na die eerste steil klim, draai ons links af om die Venster te gaan besigtig. Na nog n steil klim, is die kettings en penne aan die beurt. 1 Ten spyte van warm sonnige weer, het almal goed gevaar maar by die groot rotse se op en oor, het die manne menige helpende hand moes verleen. (Ons het agterna gevoel dat dit nie vir ons so angswekkend was as wat aanvanklik die gevoel was nie.). Tog ervaar mens onsekerheid want hoe hoër ons klim, kyk ons op na loodregte kranse van by die 100m wat die lug inskiet met die kabelkar-stasie wat met alle mag op die punt vasklou: hoe gaan ons bo-op die berg kom? Die kabelkarre beweeg met gereelde tussenposes bokant ons koppe verby terwyl ons al hoe hoër opklim. Tog stop ons om ywerig vir die kabelkar-ryers te waai.

2 SONDAG 23 APRIL (Vervolg) Aan die onderpunt van die 100m hoë kranse swaai die voetpad na regs om ons aan die westekant van die berg oor n breë lys en dan in n vallei tot bo-op die berg te laat klim. Dit bied ongelooflike uitsigte af na Kampsbaai en die Atlantiese Oseaan asook op na die loodregte kranse waar ons n paar rotsklimmers hoog bokant ons koppe teen die roste kon waarneem- dis waar Jurie ookal geklim het Bo-op Tafelberg word water by die Restaurant aangevul. Dan stap ons aan na McClear s Beacon waar ons vêr en wyd afkyk op Kaapstad en omgewing. Die roete vandaar lei ons na Skeleton Gorge (ook bekend as Smuts Track) Dit is n pragtige kloof met die mooiste groot bome wat ons baie steil laat afstap tot by die Botaniese Tuin. Met behulp van n taxidiens word almal weer by hul motors besorg en kan ons huistoe ry. Ons het berg-op 750m geklim en in totaal 14km gestap. Wat n hoogtepuns is die India Vensterroete nie Chris en Gerda moes ongelukkig die oggend omdraai as gevolg van die hitte maar het nogtans vir ons gewag en ook by Gerda se broer vir ons die heerlikste vars gebakte vis en skyfies vir aandete gaan haal. Nogmaals baie dankie daarvoor want Gerda se broer wou nie eers betaling daarvoor gehad het nie. Hier is van die stappers se kommentaar: Jurie: Lekkerrr-dit 39 jaar gelede geklim. Edwin: Roete minder scary maar moeilik. Thea: Ek het te vinnig gestap en die Venster gemis. Douglas:Uit die boonste rakke Angus: Fun, maar lank. Lynette: Moeilik, moeilik, moeilik en warm, warm warm. Chris Herbst: Most extreme hike I have ever experienced and most pleasant company to hike with. Elize: Most extreme hike ever Annette: Dit is n belewenis, was skrikkerig (angstige afwagting maar avontuur was ongelooflik- breë visie van die stad, berge en vergesigte vanaf McClears Beacon. Gerda: Was too hot to handle 2

3 MAANDAG 24 APRIL Na gister se stap, word besluit om die Olifantshoekroete by Kaappunt te stap. Dit is n 7km sirkelroete wat kuslangs oor wit duine verby oorblyfsels van skeepswrakke neem. Dis son, sand en see en WIND. Dan ry ons na die vuurtoring by die PUNT en gaan verken al die uitkykpunte. Dis ongelooflik mooi om so hoog te kan afkyk op n pragtige geronde spierwitte strandjie asook die ruwe regaf kranse na onder om daar deur n blouselblou see omsoom te word. KOMMENTAAR: Jurie: So lekker soos n cracker. Elize: Interessante belewenis so om op die spierwit sand te loop met seewater wat turkoois vertoon. Angus: Bord aanduidings op die Punt moet reggestel word: dit moet lees KYK UIT VIR DIE BOBBEJANE. Chris H:Die hans bobbejane wat so in die pad lê; mens moet om hulle loop. Edwin: Kla oor die twee swakkelinge in die groep wat met die FUNICULAR afgery het en n derde kreupeling wat op EN afgery het. Chris: Dit was n slim en en dapper stapper Thea: Uitkykpunte was pragtig en ek het lekker saam met Edwin afgedraf na onder Doug: Lekker as usual Was my eerste keer by Kaappunt. Bietjie anders as wat ek dit verwag het. Gerda: Stap nie so mooi maar Kaappunt is baie besonders. Chris H:Ongeag die wind, was dit n baie aangename stap. DINSDAG 25 APRIL Duiwelspiek is ons stap vir die dag. Dis nie so moeilik soos India Venster nie maar tog hoogs belonend. Vanaf Duiwelspiek het ons vir Angus gevolg na n volgende maar laer piek met die naam Oppelskop. Daarna is ons verby steil kranse af na onder en met n sirkelroete terug na die motors. KOMMENTAAR Chris H: Was amazing dag en moeilik, maar beslis dit werd. Vroeë oggend uitkyk oor Kaapstad noem ons Feetjieland.Die saamstap en bly was vir ons besonders. Edwin: Was een van my ideale en ek is gelukkig. Verseker makliker as wat ek verwag het. Kan nie wag vir n volgende keer nie. 3

4 Thea: Dit was lekker om op die piek te kan staan met baie mooi uitsigte. Lynette: Was n wonderlike belewenis en mooi. Ek is bly ek kon dit doen. Angus: Lekker gestap in die koelte. Baie mooi panoramiese uitsigte vanaf die piek. Elize: Asemrowende uitsigte. Dit voel asof jy uit n vliegtuig uitkyk. Jurie: Cool stap met 360 grade uitsig. WOENSDAG 26 APRIL Die keuse val op Koeberg want almal is moeg vir Kaapstad se verkeer. Die weer lyk belowend en ons gaan stap al reën dit. Ons parkeer by Koeberg en stap oor na die Inligting Sentrum. Die vriendelike dame by Ontvangs bied aan om vir ons n kort film van 25 minute te wys- baie insiggewend om so binne-in Koeberg se maag te kan kyk. Dan gaan stap ons n kort roete wat ons oor sandduine sal neem. Die manne begin egter onrustig raak oor die weer wat al meer dreigend raak en dis kort-kort blitse en selfs donderslae wat ons sien en hoor. Dan word summier omgedraai en vinnig teruggestap na die Sentrum; kyk van die Berg-en Dallers kan vinnig stap, maar nou was selfs dit nie vinnig genoeg nie. Daar is gehol vir onderdak beskerming want dis sulke groot druppels wat ons gou nat het. Die vriendelike dame by Ontvangs was steeds vriendelik en nadat elkeen n stuk wit papier gekry het om af te droog, word selfs koffie aangebied. Dan ontvang elk ook n plastiese poncho- alles gratis Ons het sommer heerlik daar gekuier en ons broodjies saam met die koffie geniet. KOMMENTAAR Jurie: n Stap, n blits en toe stortreën dit in Koeberg- so tussen die atome Elize: Dit was opwindend om tussen die weerligstrale terug te hardloop so in die reën. Edwin: Elektromagneties Chris H: Dit was n stap met n verandering danksy Eskom se Gasvryheid- Wet, wild and wonderful. Angus: Was interessant maar te gou omgedraai; ou mense was bang vir die blitse en water Rose: I felt electrified Koeberg en n donderstorm- en dit in dieselfde gebied HEMEL-EN-AARDE VALLEI: APRIL DONDERDAG 27 APRIL Dis oppak en aanry na die Hemel en Aarde Vallei by Hermanus. Ons bestemming is Overstrand Training Institute. Daar aangekom, wag Edwin se oom, wat almal net Schalk noem, ons in. Edwin en Thea en Angus slaap by sy ma en Jurie, Annette, Lynette en ek trek in die een kamer in.kort voor lank sluit Mike, Rina, Hanli, Elna, Mienie en Welme by ons aan. Chris, Gerda en Doug is terug huistoe en Chris en Elize het ook aan beweeg om by vriende te gaan kuier. Theresa en Marlene slaap weer by n vriendin. Daar is egter afgespreek om die middag n kort roete te stap. Schalk is betrokke by die uitlê van die paadjies wat hoofsaaklik deur fietsryers en op Saterdae vir die Parkrun gebruik word. Ons is die eerste groep wat van die paadjies kom stap en Schalk wou ook graag ons terugvoer hê." " 4

5 VRYDAG 28 APRIL Ek het n vriendin, Helene van Niekerk wat seker by die 20 jaar gelede hier gewoon het en saam met ons gestap het. Sy woon nou in Onrusrivier en het goedgunstiglik ingestem om ons weer na Vogelgat Natuurreservaat te neem. Dit is n private reservaat en daar kan slegs saam met n lid van die reservaat gestap word. Tien van ons ontmoet Helene om 8.00 en stap in heerlike weer die berg op. Die veld is pragtig asook die omgewing. Dis lieflike klowe berg in en na die anderkant kyk ons af op n meer en die see met Hermanus in die verte. Helene neem ons tot by een van die hutte waar lede kan oorslaap en terwyl daar iets genuttig word, gaan sy en nog 2 brawes in die yskoue bergwater swem. Dan stap ons aan en so 4 ure later, aan die teenoorgestelde kant van die vallei, voltooi ons die sirkel en stap uit waar ons voertuie geparkeer staan. Dit was n heerlike oggend se stap saam met Helene. Daar is egter nog genoeg tyd oor om na Fernkloof te ry en daar n sirkelroete van 5km te stap. Jurie het met die res van die groep eers Hoys Koppie uitgestap en toe so 11km vanaf die Ou Hawe tot by Voëlklip gestap en is beloon met pragtige uitsigte oor die see waartydens hulle het selfs walvisse en skole dolfyne gesien het. SATERDAG 29 APRIL Ons is 15 stappers wat die Rooi Roete aanpak oor 16km. Dis warm, soos in 34 grade Dit is n pragtige roete wat ons in n kloof opneem verby n waterval en dan aan tussen die wingerde deur. Ons stop vir versterkings by n oulike restaurant. Dan stap ons n opdraande op in die warm son tot bo by die baken vanwaar ons oor Hermanus, die see, hawe, berge Voëlklip en Fernkloof afkyk. Ons het die roete baie geniet ten spyte van die vele fietsryers wat ons teëgekom het. SONDAG 30 APRIL Vanoggend pak almal op maar ons gaan eers vir oulaas langs die see tot by Onrusrivier stap. Weer stop ons by n restaurant vir koffie en n heerlike laaste kuier. Dan seelangs terug na 9 dae saam is daar hartlik gegroet en in voertuie ingebondel vir die terugrit huistoe. Baie dankie vir al die beplanning Jurie en met Edwin se hulp is Hemel en Aarde Vallei ook verken. Edwin, Chris Swanepoel, Chris H, Mike, Welme, Lynette en Theresa het almal gedurende die 9 dae hul voertuie beskikbaar gestel om ons ander rond te ry- dus ook aan elk n groot dankie. Ten spyte van die droogte in die Kaap was dit n heerlike, suksesvolle tyd saam met baie stappe, baie ervarings en groot kuiers. ARTIKEL DEUR ROSE KUYPER 5