STROOM. Foto: Mnr. Colin Fouché

Transcription

1 STROOM OP AFRIKAANSE HOËR SEUNSKOOL SPORT Spesiale bylaag binne Soos amper elke jaar, sedert 1989, het Koshuis en Dorp mekaar weer in hokkie, rugby, krieket en gholf die stryd aangesê. Dorp het die hart van die skool vanjaar laat klippe kou en het al die wedstryde ingepalm. Volgens die koshuisbrakke was Dorp vanjaar die gelukkiges en sal hulle die bordjies volgende jaar verhang. Op die foto is Jelandré Stolz, Wihann Engelbrecht en Christoff van Niekerk. (Deur Zander van der Merwe) AKADEMIE KULTUUR LEEFWYSE Met navorsing wat strek van borrie tot bye en met vernuftige programmering het vyf Affies vanjaar goue medaljes by die jaarlikse Wetenskapekspo by die Universiteit van Pretoria losgeslaan. Nog vyf manne het silwer verwerf en agt brons. Op die foto is Edwin Harris (graad 8) by sy uitstalling. Lees meer hieroor op bladsy 4. KULTUUR Affies, met sy skreeusnaakse toneel Sink, was een van slegs drie skole wat gekeur is om in die Oktobervakansie by die Aardklop Pronk Podium deel te neem. Ná propvol vertonings en staande ovasies in Potchefstroom het hulle ook aan die gala-aand van die ATKV-Tienertoneelkompetisie deelgeneem. Van links is Kyle Jonker, Craig Kleingeld, Jan-Daniël Naudé, Dylan Lee en Albert Retief. Lees meer hieroor op bladsy 5. Foto: Mnr. Colin Fouché Die graad 11 s se avontuurkamp was vanjaar van 15 tot 17 Augustus. Die kamp dien as spanbou, met die doel om die groep te verenig. Dié groep het nie net baie pret gehad nie, maar het ook ander Affies leer ken met wie hulle vantevore min te doen gehad het. Agter is Zandré Ferreira, Daniel Arndt, Markus Vrey en Owen Burns en voor sit Juan-Claud Tribelhorn en Fourie Roux. (Deur Craig Kleingeld) Affie-Artes het vanjaar van 17 Julie tot 23 Augustus plaasgevind en die tema was Karnaval. Sowat Affies was betrokke by die wye verskeidenheid aktiwiteite waarvoor Artes se 18 kategorieë voorsiening maak. Die gewildste was potjiekos, met 436 deelnemers. Op die foto is Duan van der Merwe, Luan Pretorius, Ruben Boshoff, Martinus de Beer en Cornel du Plessis tydens dié kompetisie. (Deur Craig Kleingeld)

2 REDAKSIONEEL EN NUUS 2 Redaksioneel N JAAR OP SY RUG Die winter van 2018 het ons gegroet en sonder waarskuwing moes ons vroeg in die lenteseisoen al klaar n hittegolf of twee verduur. En so met die verandering van seisoene het ons nou ook tot die besef gekom dat die jaar einde se kant toe staan en dat n rowwe eindeksamen ons vierkantig in die oë staar. Teen dié tyd is die standerd sesse nou amper met een voet uit die moeilikheid en met die matrieks wat amptelik nie meer skoolgaan nie, is die graad 11 s baas van die plaas. Dit mag dalk n holruggeryde frase wees, maar dis die realiteit jou tyd by Affies is te kort om enige stadium verby te wens Graad 8 kan beskryf word as n lekkerte wat jy nooit wil oorhê nie. Geniet dit terwyl jy kan, want later mis jy elke oomblik. Dis n voorreg om te draf, te groet en om sonder dat jy weet, n hengse lot te leer. Vir die graad 11 s is die tyd min. Oor minder as n jaar is dit óns beurt om die rooibaksteengebou te groet. LT de Jager Wat die eksamen betref, is dit tyd om sokkies op te trek. Dit is nie nodig dat ek beklemtoon hoe belangrik jou graad 11-punte is en hoe baie die eindeksamen tel nie ons hoor dit elke dag. Die matrieks se skoolgaandae is reeds iets van die verlede. Nou wag daar n wêreld vol opwinding, maar ook risiko s vir hulle. Vir n beter alma mater kon hulle nie vra nie. Dr. Edwards se uurglas as hoof is nou ook amper leeg. Hy tree na 40 jaar uit die onderwys met n ongelooflike baanrekord waarvoor Affies hom ewig dankbaar is. Daarom het Stroom-op dit goedgedink om in hierdie uitgawe n bylaag te publiseer wat ons skoolkoerant se lang verbintenis met Dok Edwards uitbeeld. En so kom alle dinge tot n einde. Gebruik die geleenthede wat Affies vir jou bied en sien al die voorregte raak jy sal nooit spyt wees nie. Redaksie 2018/2019 Dr. Edwards saam met die nuwe Stroom-op-redaksie. Voor sit Rynhard van Zijl (adjunkredakteur), LT de Jager (redakteur) en Craig Kleingeld (adjunkredakteur). Agter is Albert Retief, Henko Brits, Janno Bouwer, Waldo Pienaar, Dylan Lee, Zander van der Merwe, Guido Bieseman, Braham van der Walt en Johan Muller NUWE LEIERS NUWE JAAR, NUWE UITDAGINGS Affies se hoofleiers vir 2018/2019 is vroeg in September aangewys en is reeds hard aan die werk. Op die foto is hulle saam met dr. Edwards in sy kantoor. Van links is Braham van der Walt (onderhoofseun vir dissipline), Eduard Joynt (onderhoofseun sosiaal en maatskaplik), Leighton Ferreira (hoofseun) en Janiel Pretorius en Christian Kamffer, onderhoofseuns vir kultuur en sport onderskeidelik. VELLIES neem sy intrek in die Biologieklas Affies het n nuwe grillerige gedoente. Na die afsterwe van die bejaarde Iggy die iguana in Mei, het die Biologie-departement besluit om dié leemte te vul en geld bymekaargesit om n nuwe troeteldier vir mnr. Ferdi Redelinghuys se klas te koop. Vellies die luislang het hom intussen hier tuisgemaak en deel tans n hok met twee mielieslange, Zulu en Charlie. Volgens mnr. Redelinghuys eet Vellies op die oomblik elke twee weke n lewendige muis en groei hy fluks. Soos wat hy groter word, sal ons die muise met rotte vervang. Ek gaan probeer om hom elke jaar dieselfde tyd te meet om só sy vordering te monitor, vertel hy. Die biologieklas is ook tuiste vir twee tarantulla s, Chilly en Apie, wat gelukkig nooit uit hul hok kom nie. Meyer Basson in graad 9 was maar huiwerig om Vellies so naby aan sy skerpkant vas te hou. William Grobler kan bekostig om vir sy vriend te lag, want hý staan met die veiliger stertkant. Musiekonderwysers op toer in Europa Affies se musiekonderwysers staan vir niemand terug as dit by talent en ondervinding kom nie. Me. Carmi Viljoen (vioolonderwyser) sowel as mnr. Jaco van Staden en me. Kate White (wat albei deeltyds by Affies lesgee) was in Julie en Augustus deel van die Miagi-orkes wat deur Europa getoer het. Miagi staan vir music is a great investment en die orkes het bestaan uit lede van onder andere Suid-Afrika, Namibië, Italië, Kuba, België, Korea, Oostenryk en Engeland. Die konserte is aangebied as deel van Nelson Mandela se 100 jaar-viering en daarom was die woorde Be the legacy die tema van die toer. Die orkes het 14 amptelike konserte gegee, asook kleiner gemeenskapsoptredes in Duitsland, Oostenryk, Switserland, België, Italië en Nederland. Volgens me. Viljoen was die Konsertsaal Elbphilharmonie in Hamburg n groot hoogtepunt. Dis n splinternuwe konsertsaal en een van die mees gesogte in die wêreld. Mense kom van oral in Europa (selfs nie-musiekliefhebbers) om dié gebou te beskou en beleef. Dit was n baie groot voorreg om hier te kon speel. Ek het al met vorige toere in Die Konzerthaus in Berlyn en Concertgebouw in Amsterdam gespeel, maar dit slaan ook my asem weg as ek op daardie verhoë stap. Nóg hoogtepunte was die Italiaanse platteland met sy lieflike berge en mere. By Verbier in Switserland is daar jaarliks die ongelooflikste musiekfees. Die beste musici van regoor die wêreld tree op en bied meestersklasse aan.

3 NUUS EN ALGEMEEN 3 Doktor Edwards groet na 40 jaar Na 40 jaar as personeellid (26 jaar daarvan as hoof) tree dr. Pierre Edwards aan die einde van 2018 af. Op 19 Oktober het hy tydens die laaste saalbyeenkoms van die leerlinge afskeid geneem. By dié geleentheid het mnr. Jan Pretorius (hoofseun in 1959) en Viljoen van Zyl (2018-hoofseun) aan hom hulde gebring. Stroom-op plaas gedeeltes uit mnr. Pretorius se toespraak, omdat dit so presies verwoord wie dr. Edwards is en wat hy vir Affies beteken het. Ons het waardering vir sy handboek-leierskap; die omvattende onderrig; afrigting en afronding van ons seuns; perspektief uit die geskiedenis; die inspirasie vir ons seuns om n voorslag te wees, ongeag die omstandighede, uitdagings en die struikelblokke; die oordrag van waardes en standaarde; sy toekomsgerigtheid; die kweek van n liefde vir ons eie; die vergestalting van en betekenis wat hy aan die konsep Die ideale Affie gee; die gebalanseerde klimaat van uitnemendheid waarin ons seuns, kleinseuns en agterkleinkinders voorberei word; die ontwikkeling van elke faset van die skoollewe akademie, musiek, kultuur, sport, tradisies, die argief, infrastruktuur, personeel en so meer en die opheffingswerk by ander skole. Pierre Edwards se skeppingsdoel as hoof van AHS is volvoer, geseënd en bekroon. Hy is n fenomeen en vir die AHSgemeenskap n gawe Gods. Doktor Edwards en n groep Affies voor die aanvang van sy laaste saalbyeenkoms Vooraansig van die skool kry aandag 2018 sal onder andere onthou word as n jaar toe die vooraansig van ons skool verander het. Een van die hoofdoelstellings was om van die gebarste teer voor die skool ontslae te raak en dit met plaveisel te vervang, maar die projek was uiteindelik baie meer omvangryk. Die skool het Ducaline Projects Kontrakteurs aangestel en hulle het die projek in vyf maande voltooi. Mnr. Tobias Lubbe (logistieke bestuurder) is baie tevrede met die uitkoms Craig Kleingeld van die projek, maar sê daar was wel n paar onverwagte hindernisse. Omdat Affies se geboue so lank gelede opgerig is, was daar n groot soektog na die ou waterpype. Die waternetwerk vanaf die stadsraadsaansluiting moes ook herbou word en n brandkraan verskuif word. Die pyp- en dreineringstelsel is nou ten volle funksioneel en die terrein is weer vir die Affies oopgestel sê hy. Almal sal saamstem dat die lang wag die moeite werd was. BABAS BY DIE DOSYNE Affies was al weer in die nuus hierdie keer as gevolg van n baba-ontploffing onder personeel. Stroom-op wou n berig plaas oor dié interessante verskynsel en het n baie ingewikkelde fotosessie gereël om al die ma s, pa s en babas onder een dak te kry. Ná die foto op Facebook geplaas is, is die storie eers deur Maroela Media en daarna deur Beeld opgetel, wat toe breedvoerig oor die besige ooievaar by Affies berig het. Op die foto links kyk dr. Edwards na die konsternasie in die voorportaal voordat die onderste foto geneem is. VOOR NA Van links is mnre. Corstiaan Vermaak met Nienke en Gerrit Jacobs met Daniël, Fanie van Wyk met Abby, Ferdi Redelinghuys met Jua en Schalk Wessels met Carmi. Voor sit me. Andriëtte Jacobs. Boeke en rekenaars vir Delportshoop Affies het aan die einde van Augustus deur middel van die Affie 100 Fonds handboeke, uitgewerkte lesse en klasaanbiedings vir EBW, Rekeningkunde, Lewenswetenskappe en Besigheidstudies aan die Hoërskool Delportshoop in die Noord-Kaap gestuur. Dié skool het ook n skootrekenaar, twee dataprojektors en n skerm van Affies ontvang. Volgens die hoof van Delportshoop is daar groot behoefte aan alle hulpmiddels en is dié skenking besonder welkom. Drie van Delportshoop se leerlinge met die handboeke vir Lewenswetenskappe wat die Affie 100 Fonds aan hulle voorsien het.

4 AKADEMIE EN LEEFWYSE 4 Janno Bouwer The Science of today is the technology of tomorrow. Hierdie woorde van Edward Teller is dalk n voorspelling vir die agtien jong Affiewetenskaplikes wat in Augustus aan die jaarlikse Wetenskapekspo by Tukkies deelgeneem het. Vyf Affies het goue medaljes verwerf, vyf silwer en agt brons. Evert en Henk Daling (graad 9) het goud verwerf vir hul navorsing oor borrie as fytogene toevoegmiddel in die groei van kuikens. Edwin Harris (graad 8) het op sy beurt die bewaring van bye onder die loep geneem en ook met n goue medalje weggestap. Gerdo Breytenbach en Reinhardt Güldenpfennig (matriek) het n R300-kontantprys vir hulle programmeerwerk losgeslaan, toe hul as wenners van die programmeringsuitdaging aangewys is. As deel van die ekspo was daar ook vanjaar n omgewingstudie-uitdaging, omgewingskuns, n grottobot en robothon. Evert en Henk Daling (graad 9) is ná die ekspo uitgenooi om in Desember deel te neem aan die SAYESS National Science Fair, wat ook by Tukkies plaasvind. Graad negewetenskaplikes wys hul slag Sebastian Dreyer, Jan Wiese en Jonty Bleeker by me. Mariana Haasbroek. LIG N JAAR VAN GROEI LIG het 2018 as n jaar van geluk, geloof en groei beleef. Die groep het vanjaar in die besonder gefokus op karakters in die Bybel. Elke karakter se besonderse eienskappe is bestudeer en daar is veral gekyk hoe ons dit op ons alledaagse Rynhard van Zijl lewens van toepassing kan maak. Daar is ook twee sosiale geleenthede in die vorm van Worship-aande aangebied. Kamer 29 het as vergaderplek te klein geword en LIG het daarom vanjaar na die saal geskuif. Rynhard van Zijl, Jewyk Pretorius, Waldo Pienaar, Muller Pretorius en Werner van Zyl (bestuurslede van LIG) was onlangs op n uitreik by Steve Biko-hospitaal Kunsklas verbreed horison Affies was in Oktober naaswenners in die finaal van die Onderwysdepartement se Natuurwetenskappe-vasvra vir graad neges wat by Jeppe Boys High aangebied is. Jan Wiese, Jonty Bleeker en Sebastiaan Dreyer was na die eerste ronde een van die top ses spanne en Jan Wiese moes toe as individu die tweede ronde aanpak. Hy moes vyf vrae in een minuut antwoord en was een van die top drie wat na die finaal deurgedring het. In die derde en finale ronde het die spanne n houer met apparaat gekry waaruit hulle n stroombaan moes bou, teken en verduidelik. Die drie Affies het kopgehou en het na Jeppe Boys High in die tweede plek geëindig. Affies se brugbouers Drie spanne het vanjaar op 4 Augustus aan die SAICE-brugboukompetisie by Hoërskool Sutherland deelgeneem. Die doel was om n brug te bou met inagneming van sterkte, stewigheid en stabiliteit. Die graad 12-span, bestaande uit Johan Potgieter, Ian Schilz en Craig Kleingeld Janco Venter, se brug kon 18,9 kg dra voordat dit gebreek het. Die graad 11 s, Gareth Lubbe, Joshua Badenhorst en JF van Dyk, se brug kon 9,8 kg haal en NJ Pretorius, Gustav de Jager en Marius Swart in graad 10 se brug kon n massa van 11,5 kg hanteer. Die kunstenaar Carl Jeppe saam met mnr. Van Emmenis en die graad 11-kunsklas. Die kunsdepartement was in die derde kwartaal besonder bedrywig. Die kunstenaars Leanne Olivier en Carl Jeppe het die seuns onderskeidelik in skilder- en tekenkuns kom touwys maak en die kunsleerlinge was ook in September op n uitstappie na die Pretoria Kunsmuseum. Volgens mnr. Philip van Emmenis het hierdie besoeke vir die seuns groot waarde omdat hulle tegnies baie leer en dit hulle begeester en hulle kreatiwiteit aanwakker. Gareth Lubbe, Joshua Badenhorst en JF van Dyk Wiskunde wen virtuele 3D-skandering vir skool Meer as 90% Affies het onlangs aan n virtuele Wiskunde-skattejag deelgeneem en het só n 3D-skandering van die hoofgebou, saal en Kunstekampus gewen wat die skool op sy webblad kan gebruik. Vir die uitdaging van Letsmoove Eiendomsagentskap moes die seuns Melrosehuis in Pretoria virtueel verken en Wiskundeleidrade wat in die huis versteek is, soek. As hulle dit kry, moes hulle die wiskunde-vrae suksesvol oplos en die kompetisie-aansoekvorm aanlyn voltooi. Dit kon op enige slimfoon, tablet of rekenaar gedoen word. Volgens me. Marietjie Smit het elke Wiskundepersoneellid n periode per klas afgestaan om die uitdaging te voltooi. Die wiskundeprobleme was nie moeilik nie, maar van Melrosehuis het die seuns baie geleer. Vir sommige Affies was die feit dat hulle die Wiskundeperiode vry gehad het en die één keer wettig op hul selfone kon speel, beslis die hoogtepunt van die jaar, lag sy. Die drie skole met die hoogste persentasie deelname het elk n gratis 3D virtuele model van 3DVirtualAfrica gewen. John Dawson (graad 11) en Wilan Bronkhorst (graad 8) is ook elkeen n individuele prys ryker.

5 KULTUUR 5 Ná hul prestasie vroeër vanjaar, het die toneelgroep die Oktobervakansie by Aardklop in Potchefstroom en by die ATKV-finaal in Roodepoort opgetree. Meer as 300 produksies het landswyd aan die ATKV-Tienertoneelkompetisie deelgeneem. Negentien produksies is vir die finaal gekies. Uit hierdie groep wat van 1 tot 4 Oktober om die finale kroon meegeding het, het vyf toneelgroepe, waarvan Affies een was, deurgedring na die gala-aand in die Roodepoort-teater. Die groep is genomineer vir beste ensemblewerk, mees belowende akteur in n ondersteunende rol (Albert Retief en Dewald Coetzee), beste akteur in n ondersteunende rol (Craig Kleingeld, Kyle Jonker, Dewald Coetzee en Jan-Daniël Naudé) en beste regie. By Aardklop Pronk Podium het dit ook uitstekend gegaan. Affies is uit 52 skole vir die finaal gekies en het vol sale getrek. Gehore was gaande oor die seuns se fyn komiese tydsberekening. Sink het algeheel tweede geëindig en Dewald Coetzee het weggestap met die louere as beste akteur. Craig Kleingeld Van die karakters is gevra om hul gunsteling spreekbeurt uit die stuk te identifiseer: Apple (Dylan Lee): [ANC] is so dood soos n mossie. Einstein (Craig Kleingeld): Jy sal nog sien, n betrokke Boxie is n gelukkige Boxie. Dischem (Reinhardt Prinsloo): GV is nie n dokter nie, hy s n pedofiel. Konstabel Kotze (Dewald Coetzee): Take your gun out of your sack. Softly, with two fingers. GV (Kyle Jonker): As ek sê jou naam is Dischem, is dit Dischem en as ek sê dis Clicks is dit Clicks! Het jy my, Checkers? Die tegniese span het ook items uitgewys wat hulle met tye in hul moue laat lag het: - Dischem se pikante pienk tentjie(s) - Die hekkie wat konstant gebreek het. - Die arend (ANC) en Zach Labuschagne se perfekte tydsberekening om hom te laat val. - Die drie maande oue tamatiesous wat as bloed gebruik is. Voor sit Dylan Lee, Albert Retief en Willem Pretorius. Agter hulle staan me. Hybre Schoeman, Craig Kleingeld, Kyle Jonker, Wian Pienaar, Thys van der Heever, Zach Labuschagne, Lewellyn Jancke en me. Ronel de Beer. Heel agter is Dean Stearn, Sebastian Bergman, Jan-Daniël Naudé, Dewald Coetzee en Reinhardt Prinsloo. Op die foto bo is Craig Kleingeld, Albert Retief en Kyle Jonker met ANC, die groot arend wat soveel drama veroorsaak het. Ensembles presteer by nasionale kompetisie Die Affie-strykkwartet het vroeg in September aan die ensemble-kompetisie van die Suid- Afrikaanse Vereniging van Musiekonderwysers deelgeneem en die o/19-afdeling gewen. Affies se saksofoonensemble (The Bowties) onder leiding van mnr. Jaco van Staden was op hulle beurt derde in die o/16-afdeling vir blaasinstrumente. Volgens me. Mietze Dill (organiseerder van die strykkwartet) het die groep in die finaal teen Pretoria Boys High Clarinet Ensemble en die Cornwall Hill College Marimba Band kragte gemeet. Die Affie-manne het uiteindelik weggestap met prysgeld van R5 000, geskenkbewyse en n gratis inskrywing vir n kamermusiek-eksamen by Trinity College of Music. Die saksofoonkwartet speel nog net agt maande saam, maar was n groot gunsteling by die kompetisie. Die groep het Scott Joplin se bekende werk, The Entertainer, met soveel natuurlike swing uitgevoer, dat hulle die gehoor op hul voete gehad het, vertel mnr. Van Staden. Die lede van die kwartet is Myer du Preez (sopraansaksofoon), Niël Smith (altsaksofoon), Ian Visser (tenoorsaksofoon) en Jacques le Roux (baritonsaksofoon). Die kompetisie is vanjaar vir die tweede keer by Eduplex Laerskool in Queenswood aangebied en is een van net twee ensemblekompetisies in die land. Die groepe moet drie werke uit verskillende styltydperke oor twee of oor drie rondes voordra. Affiedebat hou momentum Janno Bouwer Die Afrikaanse Hoër Seunskool het vanjaar met die titel as die nasionale junior wenners én naaswenners in die ATKV se debatskompetisie weggestap. Die kompetisie is op 18 Augustus op Buffelspoort gehou. Dit beteken dat Affies vanjaar die tiende opeenvolgende jaar met minstens twee nasionale debattitels in hierdie kompetisie kan spog, wat andermaal bevestig dat Affie-debat die leidende lig in hierdie baie strawwe kompetisie bly. Altesaam vyf Affie-debatspanne het aan die finaal deelgeneem. Die junior kampioenspan was Wilhelm Warmenhoven, Jan Wiese en Rudolph-Johan Cilliers. Rudolph is ook aangewys as die beste taalgebruiker en Jan as die beste debatteerder. Die naaswenners, wat net-net die knie voor hul skoolmaats moes buig, was Christiaan Snyman, John Hartslief en Kyle van Niekerk. In die senior kompetisie het Affies vanjaar met n vyfde plek (Henri van der Westhuizen en Reuben Coetzer) en n sewende plek (LT de Jager en Christian Swanepoel) weggestap. Daar neem jaarliks landswyd sowat 600 spanne aan dié kompetisie deel. Die lede van die Bowties in aksie tydens die kompetisie is Myer du Preez, Niël Smith, Ian Visser en Jacques le Roux. Die Affie-strykkwartet bestaan uit Johan Potgieter (tjello), Damian Shaw (altviool), me. Mietze Dill, Reinhardt Güldenpfennig (eerste viool) en Adrian Lotriet (tweede viool). Orkeste speel vir liefdadigheid. Albert Retief Affies se konsertorkes, swing-ensemble en strykorkes is vroeër vanjaar uitgenooi om ten bate van die Louis Botha Kinderhuis by die Villa Jana Gastehuis in Equestria op te tree. Hulle het die verhoog gedeel met bekende kunstenaars soos Lieze Stassen en Chris Coetzer. Tian Lategan, mnr. Floris Smith, Krayno Lategan en Juandré David Van links is Gerhard van Wyk en Niklaus Steenekamp (albei beamptes), John Hartslief, Christiaan Snyman, Kyle van Niekerk, Rudolph-Johan Cilliers, Jan Wiese, Wilhelm Warmenhoven, Adriaan van Wyk, Ian Mc Donald, Henri van der Westhuizen, Reuben Coetzer en Christiaan Swanepoel. LT de Jager was by die redenaarskompetisie ook betrokke en was afwesig toe dié foto geneem is.

6 OUD-AFFIES EN KULTUUR 6 Oud-Affie nou n voorslag op n jag Wildsfees n reuse Affiespanpoging Waldo Pienaar Schalk Loots (matriek 2017) is n man met n plan. Hy het reeds op skool besluit dat hy graag ingenieurswese in Amerika wil studeer en om geld vir dié droom bymekaar te maak, verdien hy euro s deur op n jag op die Middellandse see te werk. Ek het aanvanklik maar die bekende dock walk in Antibes in Frankryk gedoen en besigheidskaartjies uitgedeel om my dienste as dagwerker op die bote te bemark. As die kaptein jou raaksien en aanstel, moet jy die kans aangryp en jou staal wys. Jy moet bereid wees om heel onder te begin en handearbeid te doen, soos skrop en verf. Ek het gou gesien dat daar n ooraanbod van arbeid in Antibes is en toe na Sanremo in Italië gereis om dáár na Schalk by sy werksplek op die Middellandse see. werk te soek. Ek het soggens bitter vroeg my rondtes of dock walk gedoen en gesorg dat ek my deel doen as ek n werkie kry. Een van die kapteins ( n Suid-Afrikaner) het my raakgesien en op die oomblik het ek n meer permanente werk as deck hand op n 50 m privaat motorjag. Om dié werk te doen, moet jy redelik aanpasbaar wees en goed met mense van verskillende nasionaliteite kan klaarkom. Jy moet beslis ook nie bang wees vir fisiese harde werk nie. Die geld wat ek verdien en die pragtige omgewing met die dorpies en plase teen die hange van die heuwels langs die Middellandse See, maak alles egter die moeite werd, sê Schalk. Affies se 25ste wildsfees was n groot sukses. Selfs die koue Augustusweer kon die toegewyde feesgangers nie keer om te kuier, ondersteun, eet, dans en om uit volle bors Pille vir Kersfees te sing nie. Met verskeie stalletjies, Koppekapfinaliste, grootskerm-rugby en natuurlik Die Heuwels Fantasties was daar geen rede om verveeld te wees nie. Nuwighede by die wildsfees was n pretpark vir die jongspan en ook die digitale kaartjieverkoopsisteem. Dit het die administrasie vooraf vergemaklik en werkslading verminder, sê me. Cecilia Joubert, voorsitter van die Affie-wildsfeeskomitee. Volgens me. Joubert was die rede vir die suksesvolle kaartjieverkope veral die aantrekkingskrag van Die Heuwels Fantasties. Die ondersteuning van die ouergemeenskap in die regte Affie-gees staan egter uit. Dit was beslis n fees wat vir vuurmaakhout vir die oudag gesorg het. Dit was n groot voorreg om saam met dr. Edwards sy laaste wildsfees as hoof te kon geniet. Interessante feite: Beplanning vir die Affie-wildsfees begin in die Oktobermaand van die vorige jaar. 35 lede dien vrywillig op die oorhoofse komitee. Ongeveer 30 tot 40 ouers is by elke graad se lapa betrokke dit sluit mense wat geregte voorberei of donasies gegee het, uit. Redenaars laat waai by ATKV-finaal LT de Jager Affies in puik produksie LT de Jager Dit is alombekend dat n Affie nie huiwer om sy sê te sê nie. Hierdie stelling is in Augustus vanjaar by Buffelspoort bevestig, waar vier van ons redenaars aan die ATKV-finaal deelgeneem het. Hanno Prinsloo (graad 12) het die senior voorbereide afdeling gewen en is ook as beste taalgebruiker in hierdie afdeling aangewys. LT de Jager (graad 11) was naaswenner in dieselfde kategorie, terwyl Waldo Pienaar (graad 10) in die agtste plek geëindig het. Katleho Molakeng (graad 8) het in die kategorie vir junior voorbereide eerste addisionele taal deelgeneem en het die prys vir beste taalgebruiker verower. Met hierdie prestasie skuif Affies tussen ons land se voorste redenaarskole in. Die eindronde van Affie-Artes se Koppekap is tydens die Wildsfees beslis. Hier is Chrisjan Naudé, Franco Coetzee, Herman Hendricks en Ruan Hoogendoorn op die verhoog. An die musik! Carmen van der Walt as Sneeuwitjie en Mondrey Smit as die prins. Hanno Prinsloo, LT de Jager, Waldo Pienaar en Katleho Molakeng het Affies se naam by die ATKV-redenaarsfinaal hoog gehou. Diegene wat vanjaar AHMP se produksie van die pantomime Sneeuwitjie in die Staatsteater misgeloop het, kan met reg spyt wees. Die produksie het voorwaar gesorg vir vuurmaakhout vir die oudag. Was dit nie vir die feit dat jy die Affies op die verhoog herken het nie, sou jy nooit kon dink dat hulle amateurs is nie. Mondrey Smit (graad 11) was die prins en die ander hoofrolle is vertolk deur Rynhard van Zijl, Waldo Pienaar, Gareth Lubbe en Jewyk Pretorius. Aaron Tollig, Stephan Botma, Jeremiah Peake en Paul Sweers (almal in graad 9) het ook hul slag op die verhoog gewys en Jared en Niel Smith het hul plek in die orkes volgestaan. Die Vierskolekonsert is einde September by Girls High aangebied en was weer n aand om te onthou. Met die uiteenlopende musiekitems was daar iets wat in elkeen se smaak geval het en die massa-items het die gehoor weer in vervoering gehad.

7 LEEFWYSE EN OUD-AFFIES 7 Duits én waterpolo neem Janco op ver paaie Janco Rademeyer het die laaste paar maande n besige tyd beleef. Hy was vir vier weke uitruilstudent in Duitsland en was net twee weke lank tuis voordat hy weer Hongarye toe vertrek het om Suid-Afrika as waterpolospeler by die Wêreldjeugkampioenskap vir mans te verteenwoordig. Ek het in Duitsland by die gesin Stückenmeyer in die dorpie Bielefeld tuisgegaan. Die familie het drie seuns, waarvan twee nog in die huis bly. Die taal was aanvanklik n groot uitdaging. Ek het met my aankoms op die lughawe n broodjie en koffie probeer bestel en het my doodgesukkel. Ek het probeer om soveel moontlik Duits te praat en was na die eerste week klaar n bietjie meer tuis in dié taal. Met my terugkeer het ek myself getoets en kon toe darem my broodjie sonder moeite in vlot Duits bestel. Die skool wat ek saam met die Stückenmeyers bygewoon het, het net soos Affies sowat leerlinge maar bied geen buitemuurse aktiwiteite of sport aan nie. Die Duitsers plaas baie klem op vakke soos Kuns en Musiek asook Geskiedenis. Die akademiese standaard in al die klasse wat ek bygewoon het, is hoog maar ek het dadelik agtergekom dat ons by Affies nie terugstaan nie, want ek kon die Wiskunde redelik maklik doen. My gasheerfamilie het baie moeite gedoen om my in die Noorde van Duitsland rond te neem en ons was selfs Nederland toe om die Noordsee te sien. Die feit dat hul geskiedenis oor soveel eeue strek, het n groot indruk op Drie geslagte! Janco saam met sy Duitse broer Malte Stückenmeyer tydens n besoek aan Berlyn. Op die foto bo staan Janco in die middel tussen sy waterpolo-spanmaats. my gemaak, maar wat ek die meeste geniet het, was die geselskap en Duitse humorsin en om deel te wees van die kultuur. Die Duitsers is besonder sosiaal en kuier graag saam miskien ook omdat bier hier goedkoper as water is! Omdat ek mal is oor motors, was die ervaring in Duitsland ook spesiaal. Die Duitsers gee nie om om vir gerief of gemak te betaal nie en dit wemel daar van die luukse rygoed. Janco het ook vanjaar sy Protea-kleure in waterpolo ontvang en is in Augustus as deel van die SA O/18-span na die stad Szombathely in Hongarye. Dít was weer n totaal ander ervaring. Spanne uit Griekeland (die wenners van die kampioenskap), Spanje, Hongarye, Australië, Brasilië, Montenegro, Nieu-Seeland en Kanada het deelgeneem en in hierdie lande is waterpolo net so belangrik as rugby in Suid- Afrika. Ek was geseënd om dit te kon sien en beleef, vertel Janco. Die standaard is ongelooflik en ek het die hardste wedstryde van my lewe gespeel. Die ouens is rof en ek dink die Australiërs is die ergste. Ons het na dié wedstryd vol blou kolle uit die swembad geklim. Die gevoel wat jy kry as die volkslied voor die wedstryd gespeel word, is onvergeetlik en n mens kry elke keer hoendervleis. Ek het soveel geleer in hierdie week en het begeesterd teruggekeer huis toe. Wat op aarde! Affie-spele lui atletiekseisoen in Die Affie-spele vroeg in die derde kwartaal gaan oor massa-deelname en die meeste Affies was meer as gewillig en entoesiasties om hul spanne te verteenwoordig. Vir hoogspring het almal egter nie ewe veel talent nie Foto: Me. Marietjie Smith Mnr. Ned Roesch (voormalige Affie-hoof) saam met sy twee seuns, Phillip en Niel, en kleinseun Herco, afgeneem by die 1948-reünie. As jy vir jou ouers wag en die son is te skerp vir jou selfoonskerm Wie sal die fight wen? Fanie Kenneth Randburg Ranger (Mnr. Jacobs) Cullinan Kragaap (Mnr. Van Staden) Me. Booysen Me. Van der Westhuizen Mr. Smith Mrs. Smith Me. Elise Ferreira Me. Annelie Jordaan (Laboratoriumassistent) Me. Bredell Me. Strybny

8 LEEFWYSE 8 n Afskeid om te onthou Braham van der Walt Vanjaar se matrieksafskeid op 5 Oktober was weer n pragtige geleentheid vir die graad 12 s. Die eregaste van die aand het met interessante motors van alle kleure en modelle by die partytjie aangekom en spoggerige uitrustings van veral die damesmetgeselle het die verbeelding aangegryp en Aspoestertjie se bal na n piekniek laat lyk! Affies, ons groet jou! n Glansaand vir Affie-presteerders Affies se presteerders is soos gebruiklik in Oktober by die prysuitdeling beloon. Alle sport- en kultuurtoekennings is oorhandig, sowel as AHS se jaarlikse prestige-toekennings. Die graad 12 s het ook by dié geleentheid hul akademiese toekennings ontvang. IDEALE AFFIE Janco Rademeyer en Ruan Botha VOLLE SKOOLEREKLEURE AKADEMIESE DUX-LEERLING Rynhard Güldenpfennig KULTUUR VICTOR LUDORUM Johan Potgieter SPORTMAN VAN DIE JAAR Janco Rademeyer LEIERSKAPS- TROFEE Viljoen van Zyl Die Ambassadeurstoekenning word vanjaar gedeel deur Ruben Els, Janco Rademeyer, Dewald Donald en Christiaan Worst. Francois de Vos verwerf die Alsydigheidstrofee en die toekenning vir Lojale Veelsydige Affie word toegeken aan Ruan Botha, Liam Coetzee, Francois de Vos, Johan Fourie, Stephan Geyser, Friedrich Joubert, Johan Potgieter, Kobie van Wyk en Viljoen van Zyl. Mnr. Pieter Cronjé, mee. Estelle Matthee, Marietjie Smith, Leneldi van Jaarsveld, Joyce van Rooyen en mnr. Corstiaan Vermaak het medaljes vir 10 jaar diens ontvang. Me. Hybré Schoeman het erkenning gekry vir 15 jaar diens en mnr. Dirk Taljard vir 20 jaar, waarvan die laaste 15 jaar ononderbroke is. Mnr. Karel Stander is reeds 20 jaar by Affies werksaam. Me. Judith Coetzee en dr. Pierre Edwards het elk 40 jaar diens. Hanco Coetzee Martin du Plessis Ruben Els Reinhardt Güldenpfennig Johan Koen Estiaan Matthee Janco Rademeyer Herco Roesch Regardt Roets Hannes van der Merwe Christiaan Worst

9 STROOM OP SPORT 9 Driekuns vir Witkolwe in liga Tweede, derde, o/15a- en o/14a-spanne wen ook Henko Brits Dit gaan goed met Affie-krieket. Die eerste span het die Pretoria-liga vanjaar vir die derde keer agtereenvolgens gewen. Die tweede en derde span, o/14a-, o/14c- en o/15a-spanne het nie op hulle laat wag nie en het ook hul onderskeie ligas ingepalm. Gedurende die Oktobervakansie het ons A-spanne aan verskeie toernooie deelgeneem. Die Witkolwe was by die Michaelmas-krieketfees by Maritzburg College en het net een T20-wedstryd teen Clifton College verloor. Die o/15a-span het hul staal gewys by die Shaun Pollock-toernooi wat by Grey High School aangebied is. Hierdie span het gewys hoekom hulle as ligawenners gekroon is en het onoorwonne teruggekeer huis toe. Die o/14a-span het op hulle beurt skoonskip gemaak by die Charl van Rooyen Feestoernooi wat by Paarl Boys High aangebied is. Die Noord-Gauteng-proewe het ook gedurende die vakansie plaasgevind en Ximus du Plooy, Dian Forrester, Dihan Bekker, Janco Smit, Schalk Engelbrecht, Dewald Brevis en Jaco Beneke het provinsiale kleure verwerf. Zander Potgieter in aksie met die kolf. Die Witkolwe ná hul liga-oorwinning. Voor sit Schalk Engelbrecht, Zander Potgieter, Jacques Pienaar, Janco Smit, Dihan Bekker, Wikus Moolman en Dewald Brevis. Agter is mnre. Leon Jonker en Jaco Maass, Ximus du Plooy, Dian Forrester, Heinrich Bisschoff, Dian Liebenberg, Coenraad Pretorius en mnr. Schalk Müller Atlete wikkel in die af-seisoen Die atlete het in Naboomspruit aan die Top Tien Byeenkoms deelgeneem. Van links op die foto is Luke Brand, Francois Roets, Kruger van Reenen, Marx Nel, Björn van Wyk, Natando Mahlangu Die Affie-atlete het die afgelope twee maande behoorlik met hul talente gewoeker. In September het hulle die A- en B- afdeling van die Engelse Interhoër gewen en was daarna tweede by die Top 12 in Pretoria. Op 13 en 14 Oktober het hulle die langpad Bloemfontein toe aangepak vir die Grey Clover Byeenkoms en was daarna in Naboomspruit vir die Top 10 Byeenkoms waar 46 skole en 50 spanne deelgeneem het. Die seuns het uitstekend presteer en n derde plek behaal met n gemiddelde punt van per atleet. Oktobermaand se byeenkomste is afgesluit met die Top Dertig in Potchefstroom, waar Affies die byeenkoms gewen het. Volgens mnr. Jan Grabie sien hulle uit na n goeie somerseisoen. Die atlete het tot dusver hard gewerk in die af-seisoen en hulle gaan beslis volgende jaar die vrugte daarvan pluk. Blitzkrieg by Montana Die o/15- en o/17-sewesrugbyspanne het op 31 Augustus en 1 September hul staal gewys in die Sewes-toernooi by Hoërskool Montana. Die skool neem elke jaar aan dié toernooi deel omdat dit onder andere as Blou Bul Sewesproewe dien. Die o/15-span het vanjaar vir die eerste keer meegeding en het skoonskip gemaak in die groepwedstryde. In die kwarteindstryd het hulle Waterkloof afgeransel en in die semi-finaal vir Zwartkop van die veld af gespeel om in die finaal teen die hoogaangeskrewe Menloparkspan te Henko Brits staan te kom, wat hulle met 33-5 geklop het. Wat n soete oorwinning vir die span in hul eerste jaar! Die o/17 s het n moeiliker groepfase beleef, maar tog deurgedring deur al hul wedstryde te wen. In die kwarteindstryd het hulle die tuisspan, Montana, gemaklik met gewen, maar moes in die semi-finaal die knie buig teen n sterk Garsiespan, wat uiteindelik ook die toernooi gewen het. In die stryd om die derde en vierde plek het die o/17 s met die louere weggestap deur Waterkloof met die loef af te steek. is die kompetisie baie straf omdat daar jaarliks slegs 80 KORTLIKS Albert Retief leerders vir Musiek aanvaar word. Divan Lombaard, Cobus Loots en Jurgens van Brakel Die musiekdepartement het op 7 en 8 September het die Voortrekkers se hoogste toekenning, gereed gestaan om n klomp voornemende Affies Presidentsverkenner, ontvang. te ontvang om te bepaal wie in 2019 musiek as vak Mathiam Diedericks en Julian Engelbrecht het in Oktober sal kan neem. Deur die loop van die twee dae het aan die Atterbury Nasionale Klavierkompetisie daar ongeveer 150 graad 7-leerders oudisies afgelê. deelgeneem. Die kandidate het ook geleentheid gehad om op Langasem Herman van der Westhuizen het die Magalies die verskillende instrumente te speel, om te bepaal Challenge oor 12 km gewen. waarvoor hulle aanleg het. Volgens mnr. Floris Michael Bothma het aan die SA Junior Nasionale Rolbal Smith (praktiese hoof van die departement) was die Kampioenskap in Bloemfontein deelgeneem. klomp jongelinge heel vrolik en opgewek, en het Philip Blignaut, Jacques Blignaut en Hein van Rooy het hul lekker vir mekaar gelag as hulle sukkel om op Noord-Gautengkleure in skaak verwerf en het aan die die vreemde instrumente te speel. In werklikheid SA Junior Kampioenskap deelgeneem. Mnr. Janus Kruger, Willie Potgieter, MJ Janse van Rensburg, FC Potgieter, Björn van Wyk, Armin Jordaan en Dieter Crafford

10 STROOM OP SPORT 10 Affies se fietsryspan gaan van krag tot krag. Na n lang jaar van intense wedrenne het die span n eerste plek in die Spurreeks in Gauteng verower. Tydens die Oktobervakansie het die fietsryers by Bekker Landbouskool aan die landswye finaal deelgeneem, waar die manne n derde plek verower het, nadat hulle die knie moes buig teen Paul Roos en Grey Kollege. Daan van der Walt Affies se ryers wat vanjaar die beste presteer het, was Riku le Roux (o/18 tiende plek), Estian Schoeman (o/16 sewende plek), Pieter-Jan Pretorius (o/16 negende plek) en Carl Wilcocks (o/15 elfde plek). Daar neem tans 70 Affie-seuns aan fietsry deel en die groep groei jaarliks. Spel, stel en wedstryd Van links is Gerhard van Wyk, Henno Harding, Wernu Snyman, Carl Wilcocks, Riku le Roux (kaptein), Estian Schoeman, André Gouws, Frederick Smit, Meyer Basson, Pieter-Jan Pretorius en Vermaak Myburgh by die Spur Nasionale Kampioenskap. Landlopers beleef n uitstekende seisoen Guido Bieseman en Waldo Pienaar Ná n Engelse voorseisoen en n oefenkamp in die klowe van Klein-Kariba, was die landlopers vanjaar slaggereed vir die seisoen. Hulle het uitstekend gevaar, met nie minder nie as ses Affies wat aan die nasionale kampioenskap deelgeneem het. Volgens me. Riana Raath (landloop-afrigter) moes dié vyf en dertig manne omtrent weekliks op busse klim om aan n magdom landloopbyeenskomste deel te neem sewe Engelse en sewe Afrikaanse liga-byeenkomste, die Atletiek Gauteng-Noord Kampioenskap en die Noordvaal Kampioenskap. Met die AGN-kampioenskap eindig die senior span derde en Affies eindig algeheel vyfde. Verder eindig Affies ook algeheel vyfde by die Noordvaal-Kampioenskap. Luan Munnik, Johan Koen, Friedrich Joubert, Waldo Pieterse, Carlu Prinsloo en Schalk Ludick het AGN (Noord-Gautengkleure) vir landloop ontvang en het aan die Nasionale Kampioenskap in Port Elizabeth deelgeneem. Ons seniorspan was derde, wat ons baie trots maak, want dit is die eerste keer dat ons by n toekenningsaand met medaljes wegstap, sê me. Raath. Christiaan Worst in matriek het onlangs as wenner uit die stryd getree by Tennis Suid-Afrika (TSA) se Junior Meesterstoernooi. Hierdie toernooi word beskou as die vlagskip van junior tennis en slegs die beste agt spelers in die land word genooi om deel te neem. Christaan is verder ook deur TSA genomineer as Spelers se speler van die jaar. Slegs ses spelers uit ongeveer 800 van alle ouderdomme word vir dié toekenning oorweeg. Hy was hier tweede na sy groot vriend van Grey Kollege, Philip Henning. Christiaan het ook die Fair Play Award ontvang wat deur TSA toegeken word aan die speler wat deurgaans sportmanskap getoon het. Christiaan vaar akademies ook uitstekend en het n beurs losgeslaan by die Van der Bilt Universiteit in Nashville, A, waar hy volgende jaar sy tennisloopbaan sal voortsit. n Bloeitydperk vir gholfjohan Muller Affies se gholfspanne het vanjaar getoon dat daar min skoolspanne is wat met hulle kan meeding, met die eerste span wat in die Oktobervakansie as wenners van die Noordvaal-kompetisie uit die stryd getree het. In hierdie toernooi, wat vroeër as die Administrateursbeker bekend gestaan het, sê die beste spanne in die ou Transvaal mekaar die stryd aan. In die Noord-Gauteng A-liga het Affies se eerste, tweede en vierde spanne vroeër hul onderskeie semifinale gewen en só het Affies drie spanne in die finaal gehad. Die eerste span wen met n telling van drie oor baansyfer. Die vierde span eindig tweede op nege oor baansyfer en die tweede span eindig op n telling van 12 oor baansyfer. Die sewende span het hul ook uitstekend van hul taak gekwyt en het die C-afdeling van die Gauteng-Noord-liga ingepalm, terwyl die sesde span die finaal van die B-liga gehaal het. Ook op individuele vlak het die spelers uitstekend gevaar. Vyf van die agt spelers in die Gauteng-Noord skolespan was Affies en Luhan Bester, Francois van der Walt, Chrisjan Maas, Dean Sanders en Zandré Labuschagne het die skool se naam hoog gehou. Tydens die interprovinsiale toernooi word n SA Skolespan gekies en hier verteenwoordig Luhan Bester, Chrisjan Maas en Zandré Labuschagne die skool in die span van agt. Die IPT Toernooi word gewen deur Luhan Bester met n telling van 14 onder baansyfer. Van links is Schalk Ludick, Waldo Toerien, Carlu Prinsloo, Johan Koen, Friedrich Joubert, Luan Munnik en me. Riana Raath. Op die foto links is Luhan Bester, Chrisjan Maas, Dean Sanders en Francois van der Walt tydens die SA Skole Finaal op Devonvale Gholfbaan. Op die foto bo is Francois van der Walt in aksie.