REDAKSIONEEL NUUS UIT DIE SINODE

Transcription

1 Jaargang 16 - Uitgawe November 2018 REDAKSIONEEL In die voorlaaste uitgawe plaas ons die fokus op die volgende: Gemeentes, kyk asseblief na die punte onder Sinodenuus, ten opsigte van die Rampfonds, die indiening van dokumentasie by die Argief, die voorstelling van nuwe proponente, asook die Sinodale Konferensie vir Vrouelidmate Onder Gemeentenuus kan plaaslike lesers gerus lees oor die Kersfeesprojek van Torings van Hoop, julle hulp word benodig! By Aktuele/Algemene nuus, kan almal ook kennis neem dat Wêreldvigsdag op 1 Desember herdenk word (kyk na n aangrypende getuienis van n MIV-lyer) en lees ook meer oor Kerkbode se nuwe Redakteur. In Ten Slotte word die klem weer op die Adventtyd geplaas, wat op Sondag 2 Desember begin... lees gerus oor die kleure, temas en simboliek daarvan. Tot volgende week wanneer ons die jaar met die Kersuitgawe afsluit... n Gedagte vir die week: n Danklied... Here, U is my lewe, U sorg vir my. Wat ek ontvang, kom alles van U af. n Pragtige deel is vir my afgemeet, ja, wat ek ontvang het, is vir my mooi. Ek sal die Here loof... (Ps 16: 5-7) Rekeningnaam: Helpcor Trust Bank: Absa Rekeningnommer: Tipe rekening: Tjek Takkode: Verwysing (Belangrik): Naam+Rampfonds NUUS UIT DIE SINODE VISIONERING Brande in die Vrystaat - Rampfonds: Die inbetalingsbesonderhede vir die Rampfonds is: ONDERSTEUNING Indiening van dokumentasie by die Argief: Gemeente- en Ringskribas word versoek om dringend alle uitstaande dokumentasie vóór of op Woensdag 12 Desember 2018 by die Sinodale Kantoor in te dien (die sperdatum was reeds einde Oktober!) Baie dankie aan diegene wat dit reeds gedoen het, die personeel het groot waardering daarvoor. Vir enige navrae, kontak vir Helena op , of stuur n e-pos aan inlig@ngkvs.co.za of argief@ngkvs.co.za BEDIENINGSBEGELEIDING: Kuratorium & Seminarium - Legitimasiegeleentheid vanaand 29 November 2018 om 18:00: Klik op uitnodiging regs vir n groter weergawe. Die studente wat hierdie jaar gelegitimeer word, is soos volg:

2 VAN / NOEMNAAM SELNOMMER E-POS ADRES Bekker Emri emmerbekker1993@gmail.com Botha Rikus rikuscb@gmail.com Botha (Labuschagne) Thania sonneblomkaalvoetkind@gmail.com Du Toit (Strauss) Suléne sulenestrauss@gmail.com Meyer Hanneke hanneke.dtmeyer@gmail.com Nel Werner wernernel25@yahoo.com Prinsloo HJ Jesus.kom.weer@gmail.com Van Wyk Bernard bernardvanwyk4@gmail.com Vosloo Roné rone.vosloo@gmail.com Welthagen Stéfan stefanwe01@gmail.com COLLOQUIUM DOCTUM: Van Rooyen Neels cvanrooyen10@gmail.com Namens die Sinode Vrystaat en al die lesers van Vrypos, wens ons hierdie studente van harte geluk met die groot prestasie, mag die Here vorentoe op die onbekende pad, julle leidsman wees en vir julle voorsien - seën toegebid met julle toekomstige bedieninge... Vir meer inligting oor hierdie kandidate, met foto s, asook gelegitimeerdes van die Universiteite Pretoria en Stellenbosch, klik hier (verskyn in e-kerkbode van 30 November 2018). Vrouelidmate: n Sinodale Konferensie vir die vroue in die Vrystaat, word op Saterdag 16 Februarie 2019 te Nampopark in Bothaville, aangebied. Die spreker by hierdie geleentheid is die bekende Lynette Beer en haar tema is, Reis Lig! Die koste beloop R250p/p en inskrywings kan nog tot en met Vrydag 25 Januarie 2019 ingedien word. Klik op onderskeie skakels vir die inligtingsbrief, inskrywingsvorm, geloofsbrief, nominasievorm en die program (let op sperdatums). Vir enige navrae, skakel vir Anso Steyn op , of stuur n e-pos na vrouelidmate@gmail.com Belangrik! Daar is reeds heelwat korrespondensie oor hierdie geleentheid aan al die gemeentes en ander belanghebbendes in die Vrystaat gestuur. Julle moet asseblief verseker dat die inligting julle vrouelidmate en ander belangstellendes bereik. BEDIENING: BARMHARTIGHEIDSDIENSTE (Engo) Ons Kinderhuis se Sondagskool-afsluiting: Die NG Gemeente Universitas het op 18 November 2018 hul Sondagskool-afsluiting saam met Ons Kinderhuis gehou. Dit was n wonderlike Sondag van samesyn, lag en gesels. Die gemeente het die vleis, slaai en versnapperinge verskaf en almal saam het n heerlike feesmaal in die saal geniet. Samesyn is so klein woordjie, maar die betekenis agter dit alles is asemrowend groot! Samesyn word geken aan die definisie van n vriendelike verhouding wat gekenmerk word met gereelde kommunikasie en wedersydse verstandhouding. n Mens is nooit te oud vir samesyn nie. Tydens hierdie geleentheid het jonk en oud saamgekuier in die samesyn van God se kinders. Baie dankie aan elke liewe mens wat hierdie dag moontlik gemaak het, al die reëlings, borge en julle teenwoordigheid. 1 Petrus 1: 3-4: Alle eer aan die God en Vader van ons Here Jesus Christus, want sonder dat ons dit verdien, het Hy sy ontferming aan ons betoon deur die proses te begin wat op ons weergeboorte uitgeloop het. Nou het ons regtig hoop omdat Jesus Christus uit die dood opgestaan het. God het inderdaad n kosbare erfporsie vir sy kinders. Hierdie erfporsie kan nie tot niet gaan of besmet word of verwelk nie; God hou dit veilig by Hom.

3 Basaar in Ventersburg: Bloemskou Kersmark: Engo is by hierdie Kersmark vanaf 30 November tot 2 Desember 2018, betrokke. Gaan kuier gerus by hulle, dit is die 4de stalletjie aan die linkerkant, net na die hek by Pick & Pay - besoekers kry gratis toegang by hierdie hek. Teken n debietorder vir Engo: Indien julle finansieel by Engo of een van sy sub-programme betrokke wil raak, klik gerus op die blokkie links, vir die debietorder met inligting. Regshulpfonds vir Nawongo: Hierdie fonds se doel is om fondse in te samel en te voorsien vir die litigasie-proses teen die Staat, vir die nienakoming van vorige hofbevele insake die tekort aan subsidie aan NGO s/npo s in die Vrystaat. Belangstellendes word aangemoedig om deur middel van n maandelikse debietorder, n vrywillige bydrae van R100 per maand tot hierdie fonds te maak - klik hier vir die debietorder. Besoek gerus ook Engo se webblad by of die Facebook-blad, vir meer inligting oor al hulle werksaamhede

4 FAKULTEIT TEOLOGIE EN RELIGIE (UV) NUUS Kongres ter ere van uittredende Dekaan: Hierdie geleentheid ter ere van die Dekaan, prof Fanie Snyman, vind op Maandag 3 Desember 2018, plaas - prof Fanie emeriteer aan die einde van Bywoning is gratis, maar persone wat belangstel om dit by te woon, moet asseblief dringend by Marina Oberholzer, OberholzerM1@ufs.ac.za bevestig watter dele van die program hulle wil bywoon, aangesien sy die getalle ten opsigte van die reëlings vir die verversings en ete, benodig - klik hier vir die volledige program. GEMEENTENUUS NG Waterbron Vrydag 30 November 2018 om 17:00 Kom geniet... n R50,00 per persoon Gebak, n kindertafel, poedings, vars vleis & wors Vir skenkings vir die veiling, skakel vir Willie Pretorius op Adres: Vergezocht pad, Bainsvlei ( S E) Navrae: Santa Pretorius, (Ma-Vr 08:00-13:00) / NG Verkeerdevlei:

5 Torings van Hoop! Ds De la Harpe le Roux skryf die volgende: Oor minder as n maand is dit Kersfees! n Tyd wanneer ons die oorwinning van Lig oor duisternis vier, die realiteit van God by ons! Te midde van al die gebrokenheid, seer en chaos in die lewens van mense, is God met en vir ons. Hy is n altyd-teenwoordige daaglikse realiteit en sy beloftes is waar! Die afgelope jaar het die Here Homself op die mees wonderbaarlike wyse en in onverwagse situasies openbaar. Of dit nou in die passievolle opregte gebedjie van n meisie op straat was, of die onbaatsugtige dade van diens en respek van vrywilligers aan moeilike en uitdagende mense en of dit in die woorde en dade van aanmoediging van donateurs en ondersteuners was, ons by Torings kan waaragtig getuig dat Jesus die Here is in die strate van ons stad! Ons begin ons Kersfeesvieringe op Donderdagaand 6 Desember, met n baie spesiale Kersete by die Pastor s Restaurant (dit is die bediening van warm maaltye op Donderdagaande aan die meisies van die straat in ons kerksaal). Ons beplan om ongeveer 65 meisies te seën met n geurige maaltyd van hoender, rys en groentes, gevolg deur koeldrank en lekkergoed. Vanjaar wil ons vir elkeen n spesiaal opgemaakte geskenkie (toegedraai in Kerspapier), wat uit n plak sjokolade en en n lyfroompie bestaan, gee - enige hulp/skenkings hiervoor sal baie waardeer word. Vir Kersdag op 25 Desember, benodig ons ernstige hulp met die voorbereiding van die hoenderpastei (ons het n goeie resep, maar benodig mense om die pasteie vooraf te bak, die resep en bestandele sal voorsien word). Klik asseblief hier vir meer inligting oor wat Torings van Hoop alles benodig om van hierdie Kersprojek n sukses te kan maak. Torings van Hoop Temas vir Advent & Kersdag 1ste Sondag van Advent (2 Des - Jes 9) met die tema, God promised us! 2de Sondag van Advent (9 Des - Open 21), met die tema, God with us! 3de Sondag van Advent (16 Des - Jes 2), met die tema, God is here! 4de Sondag van Advent (23 Des - Fil 2), met die tema, God for us! Op Kersdag, 25 Des basuin ons dit uit, Jesus is Lord! (Joh 1) Kyk ook onder Algemeen - Herhalings vir inligting wat reeds hier verskyn het. AKTUEEL / ALGEMEEN 16 Dae-veldtog van aktivisme vir geen geweld teen vroue en kinders: Hierdie aktuele veldtog duur vanjaar vanaf 25 November tot 10 Desember Daar is ook n versoek dat almal op 10 Desember, ter ondersteuning hiervan, die kleur swart sal dra. Wêreldvigsdag 1 Desember He told me I was HIV positive. It was one of those sins in the Bible that nobody wants to hear about. He told me I had about two to four years to live. And I was broken. I was really broken Luister gerus hier na die kragtige getuienis van Quintin Jonck oor sy reis met die kerk en sy groeiende Hoop in Christus, ná sy MIV-diagnose in Hierdie video-clip vorm deel van die CABSA-riglyne vir kerkdienste ten

6 opsigte van Wêreldvigsdag. Daar word n vriendelike beroep op gemeentes gedoen om komende Sondag ook hiermee gestalte te gee aan dié dag - die hele erediens, of slegs die getuienis van Quintin, gekombineer met enkele liturgiese momente, kan help om gemeentes weer te herinner aan die realiteite en dringendheid van die MIV-epidemie. EKOLOGIE Gelowig en groen: In die jongste Kerkbode skryf ds Anton Doyer oor die belangrikheid daarvan om kragte saam te snoer om na die aarde en alles daarop, om te sien... Hy skryf, Twee vaar beter as een. Hulle inspanning kom tot iets, staan daar in Prediker 4:9. Ook ekologies geld hierdie stukkie waarhied. As individue dra ons pogings om groen te leef, wel by tot die aarde se welsyn en het dit boonop n eksemplariese invloed. Maar benewens persoonlike leefstylaanpassings, is daar gelukkig vele geleentheid om kragte saam te snoer op plaaslike, sowel as landswye vlak. Think globally and act locally, is die riglyn. So vind uit watter groep is waarmee in jou omgewing besig en word n aktiewe medewerker. In die onwaarskynlike geval dat daar nie iets aan die gang is nie, begin dan self n inisiatief in jou gemeente, skool, diensorganisasie, of vriendekring. Identifiseer dan saam plaaslike knelpunte of behoeftes, ten einde n gepaste strategie te ontwikkel. Nasionale instansies sal maar te graag advies, leiding, daadwerklike ondersteuning en inskakeling by n groter netwerk bied. Kom ons maak dit n nuwejaarsvoorneme vir 2019, maar een waarby ons gaan hou... om beter na God se skepping om te sien en elkeen ons deel by te dra, as individu, maar ook in die gemeenskap waar ons woon en werk... ALGEMEEN Nuwe redakteur vir Kerkbode: Le Roux Schoeman (40), is as die nuwe redakteur van Kerkbode aangestel. Hy volg vir Neels Jackson op wat einde November uittree. Lees in Kerkbode van 23 November 2018, meer hieroor. Herhalings (van berigte/inligting) soos dit in vorige uitgawes verskyn het: Klik hier Gemeentenuus: NG Rietfontein, Winburg - Hengelkompetisie op 15 Desember NG Jacobsdal - Gesinsfees op 12 Januarie NG Oranjeville - Eeufees 16 & 17 Februarie Algemene inligting: Week van Gebed 2019: Inligting by CLF beskikbaar Bybel-Media & NG Witrivier: Landswye 40-dae veldtog oor Hoop Jaarboek Bestelvorm: Gemeentes moet hul eie boeke bestel Eerstejaarskampe 2019: Kry hier inligting oor kampe in die Vrystaat, Wes-Kaap, Pretoria en Potchefstroom NUUSBRIEWE EN PUBLIKASIES CLF NUUS: Die CLF-Boekwinkel in Bloemfontein het n lys aangestuur met voorraad wat tans by hulle beskikbaar is, klik hier vir die lys. Kerkkantore moet daarop let dat daar ook kerklike benodighede soos, bywoningsregisters, ens, hier bestel kan word. Vir enige navrae, kontak gerus vir Janette Hurter wat die boekwinkel bestuur, haar besonderhede is op die lys aangebring.

7 Bybel-Media 20/2018: In die laaste nuusbrief vir hierdie jaar, is die fokus op Kerkbode van 30 November 2018, waarin die nuwe proponente van die NG Kerk voorgestel word, asook n nuwe Bybelkor-publikasie, Hartsplek deur Nelus Niemandt. Bybel-Media bedank almal vir hulle ondersteuning en samewerking die afgelope jaar... hulle Kersboodskap is, Geniet jou welverdiende ruskans en mag die Kind van Kersfees vir jou en jou geliefdes oorvloedige vrede en vreugde skenk. Vind die nuusbrief hier. Missie Japan Nuusflits: Lees gerus hier die jongste nuus vanaf Stéphan van der Watt en sy gesin uit Japan. Lees meer oor n besoek van bekendes (familie) uit Suid-Afrika, asook oor die nuwe sendelingpaar, Elmar en Nadine du Rand, wat einde Maart 2019 as die nuwe sendelingpaar na Kobé in Japan verhuis. Foto: Stéphan, Carina en die kinders Nuwe Publikasie beskikbaar in die Mediateek van Bedieningsbegeleiding, NG Kerk Vrystaat: Die opkoms en ondergang van die NG Kerk - Jean Oosthuizen: Bertus Celliers moedig leraars aan om die boek te lees, hy skryf: Jean Oosthuizen huldig in Die opkoms en ondergang van die NG Kerk (baie eerlik), standpunte oor geloof en Skrif waarvan ons deeglik moet kennis neem in ons dag en tyd. Hy het mý hierdeur gehelp om groter helderheid en vrede te kry oor die rede waarom ek daaraan wil vashou dat die Bybel Woord van God is, met sy menslike kant en al. Die boek is in sy geheel gesien, natuurlik sy weergawe van n paar verhale... Klik ook hier vir n resensie deur Penguin Random House SA Uitgewers. PREDIKANTENUUS BEROEPE: Die NG Gemeente Smithfield het vir proponent WA (Willem) Smit (ex UP 2018), as leraar in n Vastetermyn, tweejaar-kontrakpos, beroep. Hy het die beroep aangeneem en word DV op Saterdag 12 Januarie 2019 met handoplegging bevestig en lewer sy intreepreek die Sondagoggend om 09:00. Vanuit die Vrystaat Sinode, sê ons baie welkom aan Willem en sy vrou Christi-Mari, mag julle n wonderlike bediening in die Suid-Vrystaat ervaar, ons bid die Here se seën oor julle... EMERITERING: Ds BSR (Robbie) du Toit van die NG Gemeente Estoire in Bloemfontein, het op 31 Oktober 2018 emeriteer en is met ingang 1 November 2018 in n Vastetermyn, kontrakpos vir drie jaar, aangestel. Ds JH (Henk) Taute van die NG Gemeente Bloemvallei in Bloemfontein, emeriteer met ingang 30 November Hy word vanaf 1 Desember 2018 in n Vastetermyn, kontrakpos vir drie jaar aangestel. AFLOSLERAARS: Klik hier vir n lys van leraars/proponente wat beskikbaar is om in gemeentes af te los, of vir preekbeurte. VAKATURES Vrystaat Sinode: Verskeie poste - NG Berg en Dal, Bloemfontein: Daar bestaan tans vakatures vir n Terreinbestuurder, Sekretaresse/Ontvangsdame en n Koster by die gemeente, klik hier vir volledige inligting. Die sluitingsdatum vir aansoeke is komende Woensdag 12 Desember 2018 om 12:00. Deeltydse Leraar (Vastetermyn, kontrak) - NG Bloemheuwel, Bloemfontein: Hierdie vakature moet vanaf 1 Maart 2019 gevul word en emeritusleraars is welkom om aansoek te doen, klik hier vir meer besonderhede. Die sluitingsdatum vir aansoeke is Vrydag 11 Januarie 2019 om 12:00.

8 Voltydse leraar - NG Reitz (Moedergemeente): Hierdie vakature ontstaan met ingang 1 Januarie 2019 en persone 55 jaar of jonger, met vyf jaar ondervinding as gemeenteleraar, is welkom om aansoek te doen - klik hier vir meer besonderhede. Die sluitingsdatum vir aansoeke is Dinsdag 15 Januarie 2019, met diensaanvaarding so spoedig moontlik aan die begin van die 2de kwartaal. Medeleraar (Opdrag Jeug) - NG Vaalpark, Sasolburg: Alle gelegitimeerde leraars (maksimum vyf jaar bedieningservaring) en proponente word uitgenooi om vir dié pos aansoek te doen, klik hier vir al die inligting. Die sluitingsdatum vir aansoeke is Donderdag 31 Januarie 2019, met diensaanvaarding vanaf 1 April Ander Sinodes: Jeugpredikant - NG Stellenberg, Durbanville (Wes-Kaap Sinode): Meer inligting oor hierdie vakature is hier beskikbaar. Die sluitingsdatum vir aansoeke is Vrydag 4 Januarie 2019, met diensaanvaarding vanaf 1 April Jeugwerker - NG Drie Riviere-Oos, (Goudland Sinode): Klik hier vir meer inligting oor dié vakature - die sluitingsdatum vir aansoeke is Woensdag 9 Januarie 2019, met indiensneming vanaf 1 Februarie VAKATURES - e-kerkbode: n Lys van vakatures vir predikante, ander kerklike amptenare en verwante kerklike instansies, is gerieflik beskikbaar in die NG Kerk se amptelike kerkkoerant, Kerkbode. Klik hier vir die jongste vakatures in die NG Kerk-familie. VERJAARSDAE... mag dit n geseënde dag en lewensjaar wees: 1 Desember: Ds Hendrik Conradie - VIRGINIA-WES , hendrik.j.conradie@gmail.com 2 Desember: Ds Theo Oosthuyzen - LUCKHOFF , theo.xplode@gmail.com Ds Attie Steyn - PELLISSIER , atsteyn@mweb.co.za 3 Desember: Ds Werner Klindt - LADYBRAND-NOORD , wernerklindt@gmail.com TEN SLOTTE Advent: Jesus, die Lig vir die wêreld! (2 Desember tot 24 Desember) Dit gaan gepaard met kerse en liggies - liggies wat ons daaraan herinner dat Jesus gekom het om die Lig vir die wêreld te wees. Advent is n tyd van verwagting en voorbereiding op Christus se koms. Die woord Advent is afgelei van die Latynse woord adventus wat koms beteken. Dit is n tyd van herinnering aan die beloftes van God oor die Messias wat sou kom, maar ook n tyd van verwagting van Jesus se wederkoms. Gedurende hierdie tyd vier ons God se ingryping in die geskiedenis deur die geboorte van Christus. Ons vertrou dat God dit wat begin is met Christus se eerste koms, sal voltooi met Christus se wederkoms. Ons sien daarna uit dat God die bose finaal sal verslaan en die gebrokenheid van hierdie wêreld sal heelmaak. Advent fokus op die feit dat ons tussen die tye van Christus se eerste koms en Sy wederkoms leef en dit behoort ons leefwyse te bepaal. Dit is n tyd van afwagting en verwagting, maar ook n tyd om aktief God se liefde in die wêreld uit te leef. Advent begin op die vierde Sondag voor Kersfees en duur tot en met Oukersaand. Advent is deel van die Kers-

9 siklus en ook die begin van die Kerkjaar. Die Kerssiklus begin met hoop en afwagting tydens Advent en loop uit op vreugde met Kersfees en sluit af met Epifanie. Daar is verskeie simbole wat met Advent verbind word, maar die gewildstes is seker die Adventkrans en die Adventkalender. Die Adventkrans word gevleg of gevorm uit groen blare en takke. In die sirkel word vier kerse geplaas met 'n vyfde een in die middel. Die middelste kers is wit (die Christuskers) en die drie ander is blou of pers, die laaste een is ligroos. Met die aansteek van n kers word daardie spesifieke Sondag se tema gevier, naamlik hoop, vrede, vreugde en liefde. Die rooskleurige kers, wat juis n uitsondering op die ander kerse is, word gewoonlik op die derde Sondag aangesteek omdat dit geassosieer word met vreugde. Gesinne kan n Adventkrans maak om elke aand aan te steek om die wonderlike hoop en afwagting van hierdie seisoen uit te beeld. Kleiner kinders geniet ook die Adventkalender. Dit neem die vorm aan van n groot plakkaat met deurtjies vir al die dae tot Kersfees. Elke aand word n volgende deurtjie oopgemaak om n prentjie bloot te stel wat n verdere deel van die Adventverhaal vertel. Adventskleure en simboliek: Die tradisionele kleure wat in Advent gebruik word is pers of koningsblou, ligroos, wit en groen. Die sirkelvorm van die krans dui op die ewigheid van God en Sy ewigdurende liefde. Die groen in die krans simboliseer nuwe lewe en groei. Die lig van die kerse simboliseer die lig van God wat na die wêreld gekom het. Die vier buitenste kerse simboliseer die vier weke van afwagting voor Kersfees, maar ook die vier eeue van afwagting tussen Maleagi en Christus se koms. Die pers of koningsblou is koninklike kleure en verwys na die majesteit van die Seun van God. Die ligroos simboliseer vreugde. Die eerste kers simboliseer hoop of verwagting, die tweede verkondiging of aankondiging, die derde vreugde en die vierde reinheid/vrede/liefde. Adventstemas: Die eerste week se tema is verwagting/hoop (kleur: purper). n Tyd van hoop waar ons herinner word dat die pyn, seer en swaarkry wat ons nou beleef aan die verbygaan is. Christus het gekom en sal weer kom. Die tweede week se tema is vrede (kleur: purper). Die engele het Jesus se koms aangekondig met die lied Vrede op Aarde. Ons beleef Jesus se vrede en deel dit met elkeen wat op ons pad verskyn. Die derde week se tema is vreugde (kleur: ligroos). Ons dink in die eerste plek aan die vreugde wat ons kan beleef omdat Jesus gebore is en tweedens dink ons ook na oor watter dinge vir God vol vreugde maak. Vreugde is nie omstandigheidsgebonde nie en laat n lig in die donkerste nag skyn. Die vierde week se tema is liefde (kleur: purper). God se koninkryk van liefde het gekom, maar is nog nie n voltooide realiteit nie. Ons moet ander vertel wat Kersfees vir ons beteken. In die tweede plek moet ons vir die wat swaarkry, gee. Die liefde van Jesus dring ons om vir ander te gee in n hedendaagse Kerstyd waarin mense net wil ontvang. Die voorbereiding en wagtyd is verby. Kersdag vorm die hoogtepunt en afsluiting van Advent. Jesus, die Lig vir die wêreld is nou vir altyd by ons en die wete dring ons om self ook ons lig in die wêreld te laat skyn. THEA BOSMAN Samesteller/Redaksioneel: kerkinfo@ngkvs.co.za Kommunikasie - NG Kerk Vrystaat Tel: (k) Faks: KONTAK ONS (Bron: NG Lourensrivier, 2015)

10 INDIEN JY OP VRYPOS WIL INTEKEN, KLIK hier (meld asseblief ook jou gemeente/dorp) AS JY VRYPOS WIL KANSELLEER, KLIK hier NG KERK VRYSTAAT WEBBLAD: NG KERK VRYSTAAT FACEBOOK: Stuur enige nuusgebeure, inligting na (spertyd vir indiening, 12:00, behalwe tydens skoolvakansies) VRYWARING / DISCLAIMER - Klik hier Lig in die duisternis, hier vir God, mekaar en die wêreld