N SPESIALE LIED VIR REFORMASIE

Transcription

1 Jaar 15 - Uitgawe 11 Kontak ons: kerkinfo@ngkvs.co.za PAAS-UITGAWE 31 Maart N SPESIALE LIED VIR REFORMASIE 500: Die 500-jarige herdenking van die begin van die Reformasie, het die hele Protestantse kerk in rep en roer! Daar is egter nie baie bestaande liedere wat dit vir gemeentes moontlik maak om oor dié groot geleentheid te sing nie. Juis daarom het VONKK (Voortgesette Ontwikkeling van Nuwe Klassieke Kerkmusiek), spesiaal n lied geskep wat die tradisionele vyf sola s van die Reformasie in een lied, VONKK 341, bymekaar bring. Op die bekende en gewilde melodie van Martin Luther se, n Vaste burg is onse God, word die Sola Scriptura, Sola Gratia, Sola Fide, Solus Christus en Soli Deo Gloria, vars in die mond van gemeentes geplaas. Die VONKK-werksgroep wil n gratis geleentheid aan alle gemeentes bied om hierdie aangrypende lied tydens die feesjaar te kan sing. Klik hier om die volgende leêrs van VONKK 341 gratis te kan aflaai: die melodielyn (ML) met akkoorde die orrelbegeleiding (OB) kantory/koorverwerkings (KV) van die lied musikale en instrumentale verrykings (MV) by die lied die Power Point (PPT); asook die pragtige Engelse vertaling (TK) van die teks Lees gerus hier meer oor VONKK se werksaamhede. 2. GEMEENTENUUS: NG NOORDHOEK: 1

2 NG KOPPIES-WELTEVREDE: n Paaskonferensie word gedurende die Paasnaweek vanaf April 2017 by dié gemeente aangebied (geleë te Van der Schyfflaan, Lourensia, Koppies). Die tema vir hierdie geleentheid is, Om God se Stem te hoor, met die volgende predikers wat gaan optree, ds Johan Botha, dr Francois Carr en Oscar Ehrensperger. Klik hier vir al die besonderhede rakende etes, verblyf, asook die volledige program en kontakbesonderhede. Gemeentes in die omgewing van Koppies kan gerus van hierdie geleentheid kennis neem en dit ook onder julle lidmate se aandag bring. NG FRANKFORT: 3. ANDER GEBEURE: N OPTREDE DEUR cantando@bloem: Hierdie is 'n Bloemfontein-gebaseerde koor onder leiding van Werner Stander. Die koor tree nie net plaaslik op nie, maar gereeld ook buite die grense van Bloemfontein. Verlede jaar is 'n baie suksesvolle toer na die Suid-Kaap onderneem en in 2015 het die koor ook 'n buitelandse toer onderneem en opgetree by die Alta Pusteria Internasionale Koorfees in Suid-Tirool, asook verdere optredes in Venesië, Hallstatt en Wene. Optredes vir 2017 sluit onder andere ook die aanbieding van die Mozart Requiem saam met die Vrystaatse Simfonie-orkes op die Vrystaatse Kunstefees in Julie 2017, in. LADY GREY PASSIESPEL: Die Passiespel van Lady Grey is al dikwels vergelyk met Oberamergau s n en is al Suid-Afrika se eie pelgrimstog genoem. Die Lady Grey Kunste-Akademie, in samewerking met die NG Kerk en breër gemeenskap van Lady Grey, is verantwoordelik vir hierdie skouspel wat jaarliks, sedert 2002, gedurende Paasnaweek in Lady Grey afspeel. Hierdie meesterlike kombinasie van verskeie kunsvorme, insluitend musiek, dans, drama en selfs visulele kuns, beeld die geboorte, lew e, dood en opstanding van Jesus Christus op n unieke manier uit. Lees gerus hier verder - besoek ook hulle webblad by vir meer inligting oor die Passiespel, of skakel die Lady Grey Kunste-Akademie op Daar word weer reëlings getref om n groep manne vanaf Bloemfontein en omgewing na hierdie geleentheid te neem. Die koste beloop R550pp vir eie vervoer en R750pp vir busvervoer, dit sluit tentverblyf en alle etes en drinkgoed vir die naweek in. Belangstellendes kan vir Careen by kontak, of n e-pos stuur aan admin@vlpbloem.co.za vir n registrasievorm. Indien jy hulp kan verleen ten opsigte van die reëlings of enige navrae het, kontak vir Charles Truter by KONFERENSIE/WERKSWINKEL/SIMPOSIUM: BIOLOGOS CHRIST & CREATION KONFERENSIE: Deelname aan hierdie geleentheid, vind per livestreaming plaas vanaf 29 tot 31 Maart Kontak vir Lyzette Hoffman by hoffmanl@ufs.ac.za indien julle meer inligting oor moontlike deelname in groepverband en via livestreaming, verlang - VBO-punte kan verdien word. Livestreaming en videos sal van die 2

3 algemene lesings van die konferensie beskikbaar wees. Dit sal aangevul word deur plaaslike groepbesprekings by die Naval Hill Planetarium. Die konferensie self vind in Houston, Texas plaas. Mense kan individueel vir deelname per livestreaming registreer, maar die groepdeelname is baie goedkoper. Vir meer inligting oor die konferensie en die Biologos-organisasie, kyk gerus by VBO WERKSWINKEL ONTWIKKEL ENTREPRENEURSKAP EN FINANSIëLE INTELLIGENSIE: Hierdie werkswinkel word op 24 en 25 April 2017 aangebied. Die agtergrond vir hierdie konferensie is die volgende: Teologiese fakulteite regoor die wêreld begin toenemend predikante in entrepreneurskap oplei. Dit het onder andere te doen met die vaardigheid om geleenthede raak te sien, gemeentelik en persoonlik; die geleenthede volhoubaar te ontwikkel; en die regte ingesteldheid ten opsigte van gemeentelike en persoonlike finansies. Die aanbieder is dr Gerhard Botha en die werkswinkel vind by die Fakulteit Teologie, kamer 120, UV in Bloemfontein plaas. Daar is geen koste aan verbonde nie, kursusgangers is self verantwoordelik vir hul eie middagete 20 VBO-punte word verdien. Registreer asseblief vooraf soos volg: SMS D65632 jou naam en e-posadres, na eggenotes en gemeenteleiers is ook baie welkom, klik hier vir al die inligting. SIMPOSIUM OOR NAVORSING IN GELOOFSONTWIKKELING EN JEUGBEDIENING UITNODIGING: Prof Malan Nel stuur die volgende inligting aan: As you may know well, the International Association for the Study of Youth Ministry meets every second year. It has also become custom that we in South Africa have a Southern African meeting concerning youth ministry in the same year as the International meeting. Such a meeting is being planned for this year again from 12 to 13 September 2017 at the University of Pretoria. Die inligting is in Engels aangesien die uitnodiging ook tot ander Afrika-lande gerig word. Klik hier vir al die besonderhede indien jy sou belangstel om dit by te woon, voltooi asseblief die inligting by punt 7 op die inligtingsdokument en stuur dit terug aan prof Nel. Paastyd - die sewe Kruiswoorde 5. CLF NUUS: Hierdie week word die vraag, Hoekom vier ons Paasfees?, aangespreek. Daar is ook inligting oor n nuwe publikasie, Die Hart van God - Verhale van vroue in Sending en die Mei-pamflet oor Reformasie 500, is nou beskikbaar. Lees gerus hier verder 6. VAKATURES: TERREINOPSIGTER TE FLORADALE HAVEN: Hierdie kampterrein, geleë buite Bloemfontein op die Bultfontein-pad en onder beheer van die Eenheid vir Vennote in Getuienis, NG Kerk Vrystaat, is op soek na n geskikte kandidaat om hierdie pos te vul klik hier vir die nodige inligting. Die sluitingsdatum vir aansoeke is Vrydag 31 Maart LERAAR VOLTYDS NG KOPPIES-WELTEVREDE: Hierdie vakante pos word nou bekend gestel, klik hier vir al die besonderhede. Die sluitingsdatum vir aansoeke is Dinsdag 18 April 2017, met diensaanvaarding teen Aug-Sept LERAAR VASTETERMYN, (KONTRAK 3JR) NG EXCELSIOR: Klik hier vir meer besonderhede sluitingsdatum vir aansoeke is Saterdag 30 April LERAAR VOLTYDS NG SASOLBURG-TUINEDAL: Belangstellendes kan reeds vir hierdie pos aansoek doen, vind al die besonderhede hier die sluitingsdatum vir aansoeke is Maandag 15 Mei 2017, met diensaanvaarding vanaf 1 Augustus

4 LERAAR, VASTETERMYN (KONTRAK 2JR) NG EDENBURG: Hierdie plattelandse gemeente in die Suid-Vrystaat maak die vakante pos bekend en wag op aansoeke van geskikte kandidate, klik hier vir meer besonderhede. Die sluitingsdatum vir aansoeke is Vrydag 2 Junie KINDERVERSORGER VIR SNR DOGTERS PRES KRUGER KINDERHUIS, REDDERSBURG: President Kruger Kinderhuis in Reddersburg is n kinderhuis wat residensiële versorging en behandeling aan kinders verskaf deur te voorsien in fisiese, maatskaplike, emosionele en psigologiese behoeftes en funksioneer onder toesig van die Gereformeerde Kerke van SA. Meelewende lidmate van Gereformeerde, Hervormde en NG Kerke word genooi om aansoek te doen. Die sluitingsdatum vir aansoeke is Saterdag 8 April 2017, met diensaanvaarding so spoedig moontlik klik hier vir volledige besonderhede. HOOFARGIVARIS NG KERK IN SA: Die NG Kerk in Suid-Afrika (Wes-Kaapland), beskik tans oor n vakature vir ʼn Hoofargivaris by die NG Kerk se Argief in Stellenbosch. Die sluitingsdatum vir aansoeke is Woensdag 10 Mei 2017 en diensaanvaarding is vanaf 1 Julie klik hier vir volledige inligting. N GEREGISTREERDE, ASOOK N INGESKREWE VERPLEEGKUNDIGE BENODIG: ENGO - Huis Emily Hobhouse in Koppies, gaan vanaf 1 Julie 2017 oor hierdie vakatures beskik. Dit is n vereiste dat aansoekers wel by die SA Verpleegstersraad geregistreer is, diensvoordele en die salarisskaal is onderhandelbaar. Die sluitingsdatum vir aansoeke is Woensdag 31 Mei 2017 stuur n verkorte CV per faks aan , of stuur per e-pos na emily@compuking.co.za. Vir navrae, skakel mev A Zitzke op Indien geen terugvoer binne 30 dae ná die sluitingsdatum ten opsigte van enige aansoeke ontvang is nie, kan aanvaar word dat die aansoek onsuksesvol was. VAKATURES - e-kerkbode: n Lys van vakatures vir predikante, ander kerklike amptenare en verwante kerklike instansies, is gerieflik beskikbaar in die NG Kerk se amptelike kerkkoerant, Kerkbode. Klik hier vir die jongste vakatures in die NG Kerk-familie. 7. BEROEPENUUS: Die NG Gemeente Bethulie het vir emeritus-leraar, ds JC (Kobus) Dippenaar as Vastetermynleraar (kontrak), beroep. 8. ONS GROET VIR... Mev Sonja Jansen, wat die administratiewe beampte van die Kuratorium, NG Kerk Vrystaat, vir die afgelope vier jaar was, verlaat die Sinodale Kantoor op Vrydag 31 Maart Sonja, ons gaan jou baie mis, jy was n staatmaker en n goeie kollega en vriendin. Mag die pad wat jy nou gaan stap, vir jou baie vervullend en geseënd wees..., ons beste wense vergesel jou. 9. VERJAARSDAE: Seënwense vir almal wat die komende week, asook gedurende die vakansie verjaar, mag dit n besondere jaar vir elkeen wees: 8 April: Ds Org van der Watt - BETHLEHEM-MôRELIG , jgvdwatt@gmail.com 9 April: Ds Jors Reynders - BLOEMHEUWEL , jomarey@mweb.co.za 19 April: Dr Manie Kleynhans - SASOLBURG-VIER ANKERS , izelsu@mweb.co.za Mnr Tertius Botha - SINODALE KERKKANTOOR , tbotha@ngkvs.co.za Mev Celicia McLean - SINODALE KERKKANTOOR , cmclean@ngkvs.co.za 10. TEN SLOTTE: Die wonderlike boodskap van die Kruis, mag dit hierdie Paasfees vir elkeen van julle waar wees... Groetnis tot n volgende keer... THEA BOSMAN 4

5 Samesteller/Redaksioneel: Kommunikasie - NG Kerk Vrystaat Tel: (k) Faks: INDIEN JY OP VRYPOS WIL INTEKEN, KLIK hier (meld asseblief ook jou gemeente/dorp) AS JY VRYPOS WIL KANSELLEER, KLIK hier Stuur enige nuusgebeure, inligting na kerkinfo@ngkvs.co.za (spertyd vir indiening, 14:00) NG KERK VRYSTAAT WEBBLAD: NG KERK VRYSTAAT FACEBOOK: VRYWARING / DISCLAIMER Klik hier VONKK: Vir die VONKK-werksgroep is dit belangrik dat daar voortdurend steeds gewerk word aan nuwe kerkliedere, ook in meer tradisionele styl. Ons glo in n God wat nooit finaal en volledig onder woorde (of note) gebring kan word nie. Juis daarom moet daar konstant gewerk word aan liedere in verskillende style wat lidmate hulle geloof opnuut op hulle lippe sal laat neem. Dit is die doelstelling van VONKK. Gemeentes wat nog nie met n VONKK-lisensie ingeteken is nie, kan bloot Christian Copyright Licensing International (CCLI) se kantore by kontak en aansoek doen vir n VONKK-lisensie. Die koste per gemeente beloop slegs R350 per jaar. Daardie registrasie gee gemeentes dan op VONKK se webwerf by toegang tot byna 400 liedere se bladmusiek en tekste, asook Power Points, musikale verrykings met instrumentale verwerkings van liedere en ook kantoryverwerkings vir kore en sanggroepe. VONKK-lisensiehouers kan egter ook, indien hulle dit sou verkies, n datastokkie met al die VONKK-musie en Power Points daarop by Bybel-Media Handel teen R270 bestel. Klik hier om die bestelvorm af te laai en stuur dit aan ilse@bmedia.co.za Vir meer inligting en bestellings, kontak gerus vir Bybel-Media Handel by of bestel@bmedia.co.za besoek ook die webblad by bybelmedia.org.za Ds Jacques Louw Voorsitter van VONKK jacques.louw@absamail.co.za PAASKONFERENSIE NG KOPPIES-WELTEVREDE: Die gemeente nooi almal uit om saam met hulle hierdie geleentheid te ervaar. Die volgende inligting is belangrik, sien ook program vir die naweek: Etes vir die naweek word slegs op bespreking gereël bespreek asseblief vóór Vrydag 7 April 2017: Vir ontbyt sal daar koffie en iets te ete (gratis) aangebied word, en n Snoepie, boekwinkel en koffiekroeg sal tussen die dienste oop wees vir besigheid. Daaglikse offergawes sal opgeneem word om kostes te dek. CD R15 en DVD R25 van die onderskeie dienste kan by Elsabé Boshoff bestel word, kontak haar by , of by Vir huisvesting kan die volgende instansies gekontak word: Friesland Hotel Pierre Boucher by Indunduma Lodge Ida Jansen van Vuuren by PROGRAM: VRYDAG 14 APRIL 2017 Vanaf 08:00 Registrasie 09:30 Diens: Ds Johan Botha 11:00 Diens: Oscar Ehrensperger 15:30 Diens: Ds Johan Botha 5

6 18:30 Diens: Ds Johan Botha SATERDAG 15 APRIL 2017: 09:30 Diens: Dr Francois Carr 11:00 Diens: Dr Francois Carr 15:30 Lofprysingsdiens: Oscar Ehrensperger 18:30 Diens: Ds Johan Botha SONDAG 16 APRIL 2017: 09:30 Nagmaal: Ds Johan Botha Vir enige verdere navrae en besprekings, skakel vir Daleen Erasmus by die kerkkantoor by (Ma-Vr 08:00-12:00) LADY GREY PASSIESPEL: Besoekers se Paas-ervaring begin Goeie Vrydag met die skeppingsverhaal en uittreksels uit die Ou Testament, gevolg deur die wonderwerke en die roeping van die eerste dissipels. Na Saterdagoggend se stoepontbyt saam met die karakters, word die Passiespel voortgesit met die bergpredikasie by die Perdedam, waarna die karakters en die gehoor vir Jesus op sy donkie deur die strate van Lady Grey volg tot by die Kunste-Akademie se binnehof, waar die reiniging van die tempel plaasvind. Die oggend word afgesluit met die verloëning van Jesus. Saterdagaand se program, deur baie beskou as die hoogtepunt, begin met Judas se verraad en die inhegtenisname en verhoor van Jesus, gevolg deur die kruisiging. Sondagoggend se Paasdiens word gevolg deur tonele by die oop graf, Jesus se verskyning aan die dissipels en die Hemelvaart. Die produksie word afgesluit met n massa-koor uitvoering van die Halleluja-koor uit die Messias van Handel. CLF NUUS: HOEKOM VIER ONS PAASFEES? Paasfees is om die draai en vir baie beteken dit langnaweek en paaseiers eet! Kom ons gee net ʼn paar treë terug na die eerste Paasfees amper 4000 jaar gelede in Egipte, toe God sy volk se noodkreet in Egipte gehoor het en hulle uit slawerny bevry het. Om sy kinders te herinner aan hoe Hy hulle uit Egipte, die plek waar hulle slawe was, gered het moes hulle elke jaar Paasfees vier. Wat het dit dan met ons as moderne Christene te doen? Die aand voor Jesus se kruisiging het Hy die oorspronklike betekenis van Paasfees verander: om nie net ʼn fees te wees om God te dank vir die verlossing van sy kinders uit Egipte nie, maar ʼn fees om Hom te dank dat hy ons uit die mag van sonde en dood gered het deur die kruisdood van sy Seun Jesus Christus. En dis hoekom ons Paasfees vier: om terug te dink aan die dag toe Jesus vir ons sonde aan die kruis gesterf het en dat Hy die dood oorwin het sodat ons die ewige lewe kan hê. Laat ons dan Paasnaweek met dankbaarheid en vreugde vier, sodat ander ook die verlossingskrag van sy liefde in ons kan sien. Christelike Lektuurfonds het hulpmiddels om gemeentes leiding te gee oor die ware betekenis van Paasfees en te motiveer om die boodskap van Verlossing uit te leef. Pamfletonderwerpe: Die fees van Paasfees, Vergifnis, Reik uit na ander, Hoe vertel ek iemand van Jesus? en Nagmaal die fees waar God self die Gasheer is Boeke: Seven words from the Cross beskikbaar in Engels en R40 per kopie en fokus op die laaste woorde van Jesus aan die kruis op Goeie Vrydag. Vir bestellings of navrae skakel , of stuur n e-pos na info@clf.co.za, of besoek Nuwe Christelike Lektuurfonds Publikasie: 6

7 DIE HART VAN GOD - Verhale van vroue in Sending Redakteurs: Lisel Joubert en Isabel Murray Op 9 Maart 2017 is hierdie kosbare bundel met ʼn glansryke geleentheid by die Teologiese Fakulteit in Stellenbosch bekend gestel, met Christelike Lektuurfonds as die trotse uitgewer daarvan. Gedurende die Victoriaanse tyd, die agtergrond vir die meerderheid van die stories wat in hierdie bundel vertel word, was die vrou hoofsaaklik gesien as tuis by die huis en indien sy enigsins in die publiek sou optree, dan slegs as ʼn tipe hulp vir die man. Gevalle, soos deur die karakters in hierdie boek geïllustreer, waar vroue aktiewe en dikwels onafhanklike agente in die sendingkonteks was, is uiteraard nie net noemenswaardig nie, maar selfs ongehoord binne konserwatiewe Protestantse kulture van die tydperk waaruit hulle kom. Gegewe die langdurige impak van ʼn heersende kultuur wat vroue gering geskat het, is dit verstaanbaar dat die stories wat wel die dominante diskoers van hulle tyd uitgedaag het, al te maklik verswyg is. Wat in hierdie boek gebeur vorm dus deel van ʼn uiters noodsaaklike korreksie ten opsigte van geskiedskrywing oor die algemeen en die kerk- en sendinggeskiedenis in die besonder. Soveel te meer is dit van belang vir die Afrikaanssprekende Christelike gemeenskap in Suid-Afrika. Geen wonder dus dat vir die meerderheid lesers die stories wat hier vertel word, geheel en al onbekend sal wees. Selfs mense wat hulself as sendingbelangstellendes beskou en dus reeds vertroud is met familiename soos Murray en Pauw, sal dalk verras wees deur die betrokkenheid van ook vrouesendelinge binne die kring van sulke bekende families. Hierdie boek is ʼn skatkis van verhale oor vroue in die sending. Die lesers wat hulself daarin gaan verdiep kan voorbereid wees op ʼn wonderlike ontdekkingsreis na die verlede. Die boek is R220 by Christelike Lektuurfonds - vir navrae of bestellings skakel , of stuur n e-pos na info@clf.co.za Reformasie 500: Mei-pamflet - Vrygemaak om in geloof anders te kan kyk: Bykans almal het vandag ʼn selfoon met ʼn kamera en alles word afgeneem. Min mense besef dat hierdie kamera op ons selfoon die wyse waarop mense na mekaar en na die wêreld en selfs die werklikheid kyk, radikaal verander het. Sonder daardie selfoonkamera in hulle sak, sou baie mense nooit eers na daardie klip of blom of glimlag of traan gekyk het nie, maar nou kyk hulle voortdurend rond op soek daarna totdat hulle dit sien. Die Reformasie in samehang met die ontdekking van die boekdrukkuns, het ʼn vergelykbare invloed op mense gehad. In die tradisie van die Reformasie kan ons nie sê dat ons al iets gesien het, as ons nog nie deur die kamera van die Skrif daarna gekyk het nie. Deur die lens van die Skrif kyk ons as gelowiges om ons, maar ook terug en vorentoe en word ʼn deel van die wolk van geloofsgetuies wat deur die eeue heen strek. Een van die waarhede wat ons van die Reformasie geërf het, is dat ons vrygemaak is om in geloof anders te kyk. Dit is egter geloof in Jesus Christus wat ons ook die skoonheid laat sien van ʼn geknakte riet, van ʼn gedoofde lamppit, van ʼn kruis. Dit is nie maklik om só na die wêreld te kyk en te sien nie. Ons word gebombardeer en geïndoktrineer met die wêreld se standaarde vir mooi. Niemand neem dieselfde foto s van dieselfde voorwerp nie, niemand kyk ook op dieselfde wyse deur die lens van die Skrif na die wêreld nie. Saam ontdek ons en help ons mekaar om in geloof dieper te kyk. Bestel gerus hierdie pamflet vir julle gemeente en loop saam met Christelike Lektuurfonds die Reformasie-pad van vrymaking gedurende Januarie tot April se pamflette, Vrygemaak deur ʼn God wat Hoop gee, Vrygemaak om met vreugde te dien, Vrygemaak vir hierdie lewe en Vrygemaak om te kan bely, is ook nog in beperkte hoeveelhede beskikbaar indien julle dit misgeloop het. Vir bestellings en navrae skakel , of stuur ʼn e-pos na order@clf.co.za. Die pamflette is ook aflaaibaar op of deur CLF se gratis slimfoon-toep. VAKATURE TERREINOPSIGTER: 7

8 VAKATURE LERAAR VOLTYDS, NG KOPPIES-WELTEVREDE: 1. GEMEENTEPROFIEL: Koppies-Weltevrede is een van twee gemeentes wat die boerderygemeenskap van Koppies bedien. Daar is 204 belydende lidmate, 53 dooplidmate en bestaan uit ses plaaswyke en drie dorpswyke. Dit is 65 km noord van Kroonstad geleë. Die gemeente is daarop ingestel om die wil van God te soek en lê baie klem op gebed. Die gemeente het ook n aktiewe aksie om die Woord buite hul gemeente uit te dra deur middel van CD- en DVD-verkope, asook n jaarlikse Paaskonferensie. Daar is ook n sterk sendingbediening wat plaaslik en na buite opereer. Die kinders en jongmense van die gemeente is vir hulle baie belangrik en moet geestelik versorg word. 2. LERAARSPROFIEL: Gelegitimeerdes van die NG Kerk wat bereid is om die Koninkryk van God bo alles te stel, kan aansoek doen. Indien u baie tyd met God deurbring, wag op die leiding van die Heilige Gees, n passie het vir herlewing en die bekering van ongelowiges, aktief betrokke is by die versorging van die gemeente, dit geniet om soms net te kuier en n pad met die jongmense en kinders sal stap, is u die persoon waarna hulle soek. 3. AARD VAN DIE POS: n Voltydse leraarspos met pligte soos in Art 9 van die Kerkorde. 4. SLUITINGSDATUM VIR AANSOEKE: Dinsdag 18 April 2017, met diensaanvaarding Augustus/September Slegs aansoeke wat vóór of op 18 April 2017 ontvang is, sal oorweeg word. Die kerkraad behou die reg voor om nie n aanstelling uit die aansoekers te maak nie. AANSOEKE: Rig u aansoek en CV per e-pos aan, ngweltevrede@megasurfwifi.co.za. Vir enige verdere navrae, kontak vir Daleen Erasmus (skriba) by (k), of vir ds Braam van Zyl (konsulent), by , of Frans Jooste by LERAAR, VASTETERMYN, KONTRAK (3JR) NG GEMEENTE EXCELSIOR: Die gemeente het 147 aktiewe- en 28 onaktiewe lidmate, met 20 dooplidmate en 31 plaasbesoeken 54 dorpsbesoekpunte. LERAARSPROFIEL: Die volgende vereistes is van besondere belang met die oog op n beroep: Leersuiwerheid in alle fasette van gemeentewerk en persoonlike opbou van die gemeente. Kontak deur middel van huisbesoek (ten minste een keer per jaar), plus pastorale besoek. Daar word van die persoon verwag om Sondae, plus drie dae per week te werk, asook Goeie Vrydag en Kersdag, Week van Gebed en Pinkster word ingesluit. Begrafnisse hanteer soos van tyd tot tyd benodig word. Die persoon moet betrokke wees by gemeente-organisering. 8

9 POSBESKRYWING: As gevolg van die finansiële posisie van die gemeente, is hierdie n vastetermynpos (kontrak) vir drie jaar. Indien dit tot voordeel van die gemeente en leraar strek, kan die termyn deur die kerkraad as verteenwoordigers van die gemeente, in oorleg met die leraar verleng word, ooreenkomstig die besluite van die NG Kerk oor Vastetermynposte. VERGOEDINGSPAKKET: Die totale vergoedingspakket is R per maand wat gestruktureer sal word volgens situasie en behoefte - gratis behuising is beskikbaar. AANSOEKE: Stuur asseblief u aansoek en CV, met twee referente aan: Die Skriba NG Kerk Excelsior Posbus 82, Excelsior 9760 E-pos: tillyduplessis@gmail.com NAVRAE: Jan Bornman, Hoofouderling, sel SLUITINGSDATUM: Saterdag 30 April 2017 Die Kerkraad behou die reg om nie n aanstelling uit enige van die aansoeke te maak nie. VAKATURE VOLTYDSE LERAAR, NG SASOLBURG-TUINEDAL: Gemeenteprofiel: Sasolburg is n semi-plattelandse dorp en die gemeente het 16 dorpswyke, asook n buitewyk en is geleë aan die mees noordelike punt van die Vrystaat teen die Vaalrivier. Dit vorm deel van die Vaaldriehoek, is agt km vanaf die Vaalrivier en 83 km vanaf Johannesburg. Daar is geen plaasbesoekpunte nie, aangesien die gemeentelede meestal werksaam is in die chemiese nywerheidsbedryf by die Sasolfabriek en baie werk ook skofte. Die gemeente bestaan uit ongeveer 716 belydende- en ongeveer 142 dooplidmate. Die gemiddelde ouderdom van die lidmate is soos volg: tot 20 jr = tot 30 jr = tot 40 jr = tot 50 jr = tot 60 jr = tot 70 jr = tot 80 jr = jr = 9 Dus van die jongste in Sasolburg Leraarsprofiel: Gereformeerde en evangeliese prediker wat die gesag van die skrif aanvaar. n Herder wat in spanverband kan saamwerk en met n visie vir geestelike vernuwing nie net suiwer verandering nie. n Kreatiewe dinamiese person wat nie net oor tegnologiese vaardighede beskik nie, maar wat ook bestuursvernuftig is. n Energieke persoon met n passie vir mense. Iemand wat met entoesiasme leiding, motivering en samewerking kan bewerkstellig en die Lewende Woord in alle omstandighede suiwer bedien. Ampspligte: Ingevolge Art 9 van die Kerkorde. Vergoeding: Onderhandelbaar volgens die Vrystaat se nuwe Sinodale riglyne - inwoning in die Pastorie. Sluitingsdatum: Aansoeke sluit Maandag 15 Mei 2017 Diensaanvaarding: 1 Augustus 2017 Aansoeke: Rig aan die Kerkraadsvoorsitter per e-pos by ngtuinedal@telkomsa.net Of per pos aan Posbus 675, Sasolburg 1947 Of per faks na / Die Kerkraad behou hulself die reg voor om nie n aanstelling te maak uit die aansoeke wat ontvang word nie. 9

10 VAKATURE - LERAAR VASTE TERMYNPOS (KONTRAK 2JR), NG EDENBURG: GEMEENTEPROFIEL: Hierdie gemeente is geleë binne n boerderygemeenskap in die Suid-Vrystaat en 80km van Bloemfontein op die hoofweg na Kaapstad. Die gemeente bestaan uit nege dorps- en vier plaaswyke en het 285 belydendeen 96 dooplidmate. Hulle beskik ook oor n ryk kerkgeskiedenis en val binne die Ring van Smithfield. LERAARSPROFIEL: Leraar wat sal aanpas in plattelandse gemeenskap. Innoverende leier wat in spanverband kan werk. Goeie menseverhoudings handhaaf. n Skrifgetroue, dinamiese en aktuele prediker. n Passie vir mense oud en jonk. WERKSPROFIEL: Ooreenkomstig Artikel 9 van die Kerkorde. Totale vergoedingspakket - onderhandelbaar binne Sinodale riglyne. Die gemeente bied n gerieflike, ruim en netjiese pastorie vir inwoning. Duur van kontrak: Twee jaar. AANSOEKE: Gee n duidelike uiteensetting van hoe u, u rol as leraar sien, n CV, met drie referente, moet u aansoek vergesel. Per pos: Die Saakgelastigde, Posbus 36, Edenburg 9908 Per e-pos: skribangkedenburg@gmail.com Per faks: NAVRAE: Mnr JJC Kock (leierouderling) by , of (w) Coenie Coetzee (saakgelastigde) by , of SLUITINGSDATUM: VRYDAG 2 JUNIE 2017 Die kerkraad behou hom die reg voor om niemand uit die belangstellendes te beroep nie. Hy het opgestaan Lig in die duisternis, hier vir God, mekaar en die wêreld 10