e-pukaner Alumni Nuus Nomineer uitstaande alumni Oud-SR hou reünie SJGD skenk R1.6 miljoen aan gemeenskap MAART 2015

Transcription

1 Alumni Nuus MAART 2015 Nomineer uitstaande alumni Oud-SR hou reünie SJGD skenk R1.6 miljoen aan gemeenskap

2 Inhoudsopgawe Inhoudsopgawe Nomineer uitstaande alumni Met Leedwese Samewerking nodig vir pad na blink toekoms SJGD skenk R1.6 miljoen aan gemeenskap Ground-breaking international partnership to benefit SA development Gemeenskapsbetrokkenheid nou onder een sambreel Fakulteit Teologie open op hoogtepunt Oud-SR hou reünie Tuks of niks maal twee NWU-Puk se alumni gelykop teen Ikeys NWU-Pukke bloedneus gelaat Greyling verdedig titel as klubkampioen Alumni beplanning NWU Loopbaansentrum se LinkedIn Groep Kry nou jou NWU-Pukke kredietkaart! NWU-Puk- Alumni-wyngilde Kontak ons Alumni Nuus

3 Nomineer uitstaande alumni Die NWU sal weer vanjaar, vir die derde keer, erkenning gee aan alumni vir hul uitstaande prestasies en navolgenswaardige bydraes tot die samelewing. Hierdie erkenning is vantevore verleen aan die room van die oes op alle gebiede van kundigheid. Vorige ontvangers sluit in mnr FW de Klerk, dr Bismark Tyobeka, prof TT Cloete en regter Bess Nkabinde-Mmono. Alle ampsdraers van die NWU, alumni, permanente personeellede en lede van die NWU Raad en Raad van Donateurs het nou die geleentheid om uitstaande NWUalumni vir die 2015 NWU Alumni-toekennings te nomineer. Huidige lede van die NWU Raad, die UK van die Konvokasie en lede van die Institusionele Bestuur mag egter nie genomineer word vir die toekennings nie. Daar sal ses kategorieë wees, naamlik: onderwys, navorsing, gemeenskaps betrokkenheid, sakeleierskap, kuns en kultuur, en sport. n Addisionele kategorie, naamlik die Jong NWU-alumnustoekenning, is by gevoeg en sal toegeken word uit erkentlikheid vir professionele uitnemendheid getoon deur n jong (35 of jonger) alumnus in enige van die ses kategorieë van uitnemendheid. Die sluitingsdatum vir aansoeke is 15 Mei. Voltooi die elektroniese nominasievorm deur op die volgende skakel te klik:

4 Met Leedwese Dit is met leedwese dat ons verneem het dat Adv Jan Henning SC op 7 Maart 2015 oorlede is. Adv Henning het op die NWU Raad gedien, was lid en voorsitter van die Ouditkomitee van die Raad, asook die President van die Konvokasie. Op 31 Oktober 2014 het Adv Henning ook n alumnitoekenning van die NWU ontvang vir sy beduidende bydrae wat gemaak is tot die samelewing in sy vakgebied. Adv Jan Henning was beskou as een van die beste staatsaanklaers en bestuurders wat Suid-Afrika nog ooit opgelewer het. Hy het gehelp met die stryd teen binnehandel op die effektebeurs, was bekend as n kampvegter vir beter werkstoestande vir staatsaanklaers en het leierskapsrolle op verskeie gebiede en in verskeie instansies vertolk, met inbegrip van die Instituut vir Kommersiële Forensiese Praktisyns, die Vereniging van Gesertifiseerde Bedrogondersoekers en die Nasionale Vervolgingsgesag (NVG). Die voormalige president FW de Klerk het aan hom die status van hoofadvokaat gegee in 1992; in 1999 was hy aangewys as Spesiale Direkteur vir Hofbestuur in die NVG. Die NWU het groot waardering vir die waardevolle bydrae wat adv Henning tot voordeel van die NWU gelewer het en betreur sy heengaan. Adv Jan Henning SC

5 Samewerking nodig vir pad na blink toekoms Die Noordwes-Universiteit het die afgelope aantal jare sy merk in die industrie gemaak en tel op verskeie terreine onder die tien beste universiteite in die land. Prof Dan Kgwadi, visekanselier van die NWU, het tydens die amptelike opening van die akademiese jaar op die Potchefstroomkampus gesê n blink toekoms wag op die NWU. Hy sê goeie vordering is op akademiese vlak gemaak met navorsingspublikasies wat per kapita met sowat 28 persent gegroei het en die NWU sewende beste plaas in die land. Met internasionale publikasies, dosente/studente-verhouding en personeel met doktorsgraadkwalifikasies, tel die NWU ook onder die tien bestes. Kgwadi sê ten spyte van die ekonomie wat n rol speel het die kampusse bykans 94 persent van hulle doelwitte met eerstejaarsinname behaal. Die NWU kan hom egter nie doodpraat oor kwaliteit en prestasies as daar nie getransformeer word nie. Dit sal soos n vals liedjie klink. Kgwadi sê die Minister het onlangs gesê die NWU, Universiteit van Pretoria en Stellenbosch se personeel is van die minste getransformeer en n ernstige debat sal hiervoor gevoer moet word. Ons moet liewer om n ronde tafel sit, eerder as om openbare prosesse te volg. Die vorige bestuursmodel het ons goed gedien, maar dit is nou tyd dat die model aangepas word. Dié proses sal egter soos enige kind tandekry-probleme hê waarmee ons sal spook. Ons sal egter met die ervaring van n goeie ouer leer dit is net tydelik en dat dit sal oorgaan. Proff Dan Kgwadi, visekanselier van die Noord wes- Uni ver si teit, en Herman van Schalkwyk, rektor van die Potchefstroomkampus, in gesprek tydens die amptelike opening van die akademiese jaar op die Potchefstroomkampus.

6 Hierdie is ons huis en ons moet trots wees daarop. Daarom moet ons saamstaan en saamwerk om daarvan n sukses te maak. Maak die NWU deel van jou professionele netwerk! Make the NWU part of your profesional network! Die kampusrektor, prof Herman van Schalkwyk, het vir Kgwadi verseker dat die personeel van die Potchefstroomkampus lief is vir die NWU, vir die kampus en dat hulle vir mekaar omgee. Ons sal jou ondersteun en saamwerk om dit selfs nog n groter en beter universiteit te maak. Van Schalkwyk sê hy het as akademikus n passie vir die akademie én navorsing, vir onderrig en die navolging van die kennis-ideaal. Ek het n droom vir die universiteit, waarin dit in die eerste plek trots sal staan in die ry van Suid-Afrikaanse universiteite, met n unieke nis en karakter en onderrig en navorsing wat opsigself sal spreek, wat die volgende geslag burgers vir Suid-Afrika sal lewer wat die land met toewyding en met trots gaan dien. Hy sê hy het n passie vir mense, en veral vir mense binne die NWU en diegene op hierdie baie spesiale kampus. Hy het veral ondersteuningspersoneel vir hulle bydraes gehuldig en bedank. My persoonlike motto is, daar is geen plaasvervanger vir uitnemendheid nie. Ons missie bly dus steeds om n navorsingsgerigte kampus te word waarby uitnemendheid in onderrig-leer en navorsing wedersyds versterkend is. Van Schalkwyk sê die tweede fase om n meer navorsingsgerigte kampus te word, het nou aangebreek en die uitstekende ritme en pols van suksesvolle uitsette sal volgehou word, met die dwarslat wat net effe hoër geskuif gaan word. Van die doelwitte wat hy vanjaar wil bereik, is die uitbreiding van afstandsonderrig, verdere fokus op die ondersteuning van die kernbesigheid, herbelyning van afdelings wat nie optimaal funksioneer nie, verfyning van die onderrig-leer-strategie, uitbreiding van betrokkenheid by basiese onderrig in Suid-Afrika, die ontwikkeling van n gestruktureerde kantoor vir gemeenskapsbetrokkenheid en die optimale benutting van infrastruktuur. Lys ons as jou Universiteit op LinkedIn. List us as your University on LinkedIn. Volg die stappe: 1 Volg die volgende skakel 2 Soek vir die grys blokkie regs bo wat sê I m a student here 3 Kliek op die pyltjies en selekteer I m an alumnus here 4 Kliek die geel knoppie wat sê Add to profile Add to profile

7 SJGD skenk R1.6 miljoen aan gemeenskap Die studenteliefdadigheid-organisasie van die Noordwes-Universiteit se Potchefstroomkampus, SJGD (Studente JOOL Gemeenskapsdiens) het meer as R1.6 miljoen vanjaar aan verskeie behoeftiges uitbetaal. SJGD is in 1978 as die Studente Gemeenskapdiens gestig en 37 jaar later groei hul voetspoor in die gemeenskap steeds. Meer as 45 behoeftige organisasies, skole, ouetehuise en individue het vanjaar donasies ontvang. Dit sluit in Promosa Hoërskool wat R ontvang het en R5 000 vir die Jane Lesapo-skool met sy 180 leerders. Die B.A Seobi Secondary-skool in Ikageng het R5 000 ontvang vir opknappings aan die skool en die Promosa Parkie-projek, wat daarop gefokus is om n glimlag op kinders in hierdie gebied se gesigte te sit, het R5 000 ontvang om klimrame aan te koop. Ingryp, die Potchefstroomkampus se beradingsdiens het R ontvang om beraders op te lei wat daar is om die gemeenskap by te staan. Dit is slegs enkele voorbeelde van n organisasie, gebou op die beginsels van volhoubaarheid, bewusmaking en bemagtiging, wat daarop gestel is om die gemeenskap wat die Universiteit dien se lewens te verbeter. Dit is vir ons n groot voorreg om die gemeenskap op hierdie wyse by te kan staan, het Brenden Fourie, SJGD-voorsitter, gesê. SJGD se uitbetaling groei jaarliks, wat absoluut wonderlik is. Dit beteken dat ons jaarliks meer mense kan ondersteun. Die rektor van die Potchefstroomkampus, prof Herman van Schalkwyk, het sy trots uitgespreek oor die werk wat SJGD, asook JOOL doen en onderstreep waarom dié kampus se Omgee -kultuur hom so na aan die hart lê: Omgee is n offer, n warm glimlag, n bemoedigende woord, n keuse wat ons maak. Ons kan nie omgee koop, leen of steel nie maar gelukkig kan ons dit vir die gemeenskap waarvoor ons lief is verniet gee.

8 Ground-breaking international partnership to benefit SA development South Africa s developmental requirements are not being adequately addressed resulting in an ever piling backlog of unfulfilled needs. It is a conundrum facing many developing countries. It is imperative that we learn as much from developed countries as we possibly can as we need research that can make a real difference at grass root level, says Professor Gerrit Pienaar of the Faculty of Law at the North-West University s Potchefstroom Campus. The role that law plays in the context of development cannot be overstated. It is through this field of study that we can identify local needs and contribute to alleviating them through knowledge-based decision making. How is this knowledge gained? Enter the EDOLAD project. The EDOLAD project, a first for law faculties in the country, is based on an agreement between die law faculties of Tilburg, Edinburgh, Oslo, Deusto (Spain), Tartu (Estonia) and the Potchefstroom Campus of the North-West University to present a joint PhD Law and Development programme. The overall aim of the EDOLAD programme is to improve the range and quality of higher education in the field of law and development, and contribute to the need for locally defined, knowledge-driven expertise about law and development. Elmien du Plessis, will present modules during April and May in Tilburg. The project is funded by the European Union s Erasmus Mundus fund. This can be restated as thre e main objectives: (i) These advances can be transferred to law and development programmes at the master s level. By sharing the best practice of the consortium partners in relation to selection, assessment and supervision standards and procedures, the aim is to improve the quality of doctoral programmes within Europe and developing countries. (ii) EDOLAD aims to produce highly educated and mobile graduates that possess the necessary transferable skills and tools trained in a multidisciplinary approach to law and development, with a broad understanding of the field and with the necessary fieldwork research experience to pursue their careers across the development sector. (iii) EDOLAD aims to create a doctoral degree that produces high-quality doctoral dissertations on the role of law in the development context that are based upon locally-identified needs and that contribute to knowledgebased decision-making. Each degree will be a joint degree between two partner faculties who will be involved in the supervision of the student by providing a promoter and co-promoter respectively, within the background of the EDOLAD programme, which will be acknowledged on the degree certificate. EDOLAD includes a unique and innovative programme and core curriculum that moves post-graduate education in the field of law and development forward. By combining a core curriculum with skills training, a compulsory fieldwork element, stakeholder communication training and induction into a network of programme stakeholders, EDOLAD creates a unique innovation in education in this field. We, both as a university and as a faculty, have an obligation to the community we serve. Part of that entails learning new approaches to implement in our greater community. It is a privilege we don t take lightly, says Pienaar. One of the faculty s most promising PhD students, Hennie Coetzee, is already in Tilburg whilst two of the faculty s top lecturers, Dr Anel Terblanche and Prof The project has been funded by the Erasmus Mundus Fund of the European Union. The final consortium agreement between the six Universities was signed by prof Frikkie van Niekerk during September 2014 and the programme was launched with a conference in Edinburgh from 21 to 23 January The conference were attended by proff Nicola Smit (dean) and Gerrit Pienaar, project leader for the Potchefstroom Law Faculty. Each member faculty nominates one PhD student annually to to take part in the programme. The nominee of the Potchefstroom Law Faculty for 2015 is mr Hennie Coetzee, a doctoral student and administrative assistant at the Law Faculty. He is taking part in the core curriculum in Tilburgh from February until May Two law lecturers, dr Anel Gildenhuys and prof Elmien du Plessis, each presents a one week module in the core curriculum during April and May 2015 respectively.

9 Gemeenskapsbetrokkenheid nou onder een sambreel Kantoor vir Gemeenskapsbetrokkenheid is pas op die Potchefstroomkampus n van die Noordwes-Universiteit gevestig om ondersteuning, koördinering, samewerking en kommunikasie aan gemeenskapsprojekte op die kampus te lewer. Prof Mariëtte Lowes, voormalige viserektor: onderrig-leer, is as waarnemende direkteur: gemeenskapbetrokkenheid vir die volgende ses maande aangestel. Die kantoor is n uitvloeisel van verskeie werksgroepe, uitkomste van colloquiums, asook n ondersoek en verslag van ds Kiepie Jaftha van die Universiteit van die Vrystaat. Jaftha het die ondersoek verlede jaar afgehandel en die bestuurskomitee en die uitvoerende komitee van die kampus het besluit om hierdie voorgestelde plan vir gemeenskapsbetrokkenheid vanjaar te implementeer. Dié plan is opgestel met die samewerking en insette van die Direktoraat vir Gemeenskapbetrokkenheid in die Institusionele Kantoor, me Bibi Bouwman, en die adjunk-visekansellier vir Navorsing en Innovasie, prof Frikkie van Niekerk. Volgens Lowes sal die kantoor poog om te verseker dat gemeenskapbetrokkenheid nie as n losstaande aktiwiteit gesien word nie, maar geïntegreerd in die akademiese omgewing sal plaasvind. Hiermee poog die kampus om as n gelyke vennoot in en in samewerking met die gemeenskap te funksioneer. Sy sê tydens die periode sal skakeling met fakulteite, ondersteuningsdepartemente en studentestrukture aandag geniet. Verdere ondersteuning sal aan fakulteite verleen word vir die vestiging van strukture om koördinering, samewerking en kommunikasie te bevorder. n Sentrale gemeenskapbetrokkenheidkomitee sal ook gevestig word met verteenwoordiging vanuit fakulteite, die vise-rektore, die adviesraad van SJGD, bemarking en kommunikasie, die direkteur vir gemeenskapbetrokkenheid in die Institusionele Kantoor en ander belang hebbendes. Waar moontlik sal vennote vanuit die gemeenskap geïdentifiseer word om ook op dié komitee te dien. Lowes sê sake soos die daarstelling van n databasis vir projekte en die hersiening van die beleid sal in samewerking met die direktoraat vir gemeenskapsbetrokkenheid han teer word. Die kantoor sal veral fokus op die skep van n databasis vir alle ge meenskapsprojekte aan die NWU wat die bestuur, rekordhouding en gehaltebestuur aansienlik sal vergemaklik. Die kommunikasie, skakeling, vennootskappe en die beskikbaarheid van inligting sal ook verbeter word. Dié kantoor op die kampus sal ondersteuning bied aan alle Prof Mariëtte Lowes projekte waar die gemeenskap by betrokke is. Dit sluit werksgeïntegreerde leer, diensleer, navorsingsprojekte, vrywillige gemeenskapsdiens deur personeel en studente in, asook werwingsaksies van fondse waarby die gemeenskap baat sal vind. Met die daarstelling van hierdie struktuur word n geïntegreerde benadering tot gemeenskapsbetrokkenheid beklemtoon. Dit sal verseker dat alle belanghebbendes sal weet met watter gemeenskappe die NWU interaksie het en dat gemeenskapbetrokkenheid nie as n losstaande aktiwiteit gesien word nie, maar geïntegreerd binne die akademiese omgewing plaasvind. Vir enige navrae kontak gerus die kantoor by

10 Fakulteit Teologie open op hoogtepunt Die opening van die akademiese jaar by die Fakulteit Teologie van die Noordwes-Universiteit het op n hoogtepunt begin. Dié opening is gevier met die jaarlikse Tjaart van der Walt Voorposdenkeseminaar. Prof Tjaart is n bekende oud-rektor van die destydse PU vir CHO en oud-dekaan van Teologie. Die reeks is verlede jaar begin en is gegrond op die leuse van prof Tjaart, Die einde is naby, rol op jou moue!. Sy gesondheid was sodanig dat hy en sy vrou, Babie, die opening kon bywoon. Die tema van vanjaar se seminaar was Tydsgeespeiling vir toekomsvisierinstelling en verskeie sprekers het dié onderwerp toegelig. Hulle was prof Dan Kgwadi, visekanselier van die NWU, prof André Duvenhage (NWU) wat bespreking ingelei het met n voordrag oor tydsgeespeiling in Suid-Afrika, die geleenthede, uitdagings en toekomsperspektiewe. Prof Maake Masango van die Universiteit van Pretoria het die besprekings voortgesit met sy voordrag oor Hoe herinnering aan die verlede ons leiding gee vir die toekoms. Van die sprekers tydens die amptelike opening-seminaar was proff Riaan Rheeder, Henk Stoker, Douw Breed, André Duvenhage, Maake Masango, dr Isak Burger en ds Norma Rossouw. Die dag is afgesluit met samevattende perspektiewe van dr Douw Breed van die Gereformeerde Kerke van Suid-Afrika, dr Isak Burger van die Apostoliese Geloofsending en ds Norma Rossouw van die NG-Kerk. Volgens prof Fritz de Wet, waarnemende dekaan van die Fakulteit Teologie, het verskeie buitelandse belangstellendes die opening saam met teoloë, teologiese studente en ander belangstellendes bygewoon. Opnuut is besef dat die Here van die kerk, Jesus Christus, kerkleiers en gelowiges roep om in hulle gemeentes en daar waar hulle elke dag werksaam is, n verskil te maak. Om met lus en vreugde voorlopers die toekoms in te wees, moue opgerol om aan die talle geleenthede roepings-vervullend te werk.

11 Oud-SR hou reünie Dit was die jaar toe Ingrid Jonker in Drieankerbaai ingeloop het, dit was die jaar toe Sonny en Cher se I got you babe die topposisie op al wat treffersparade beklee het. Dit was 1965, en vyf dekades later het die Studenteraad (SR) van dáárdie jaar op die Potchefstroomkampus van die Noordwes-Universiteit bymekaargekom om hul lief, leed en herinneringe te deel. Dié reünie was op versoek van Dr Rienie Mornet gehou en tien uit die 12 oorlewende SR-lede kon op 6 Maart bymekaarkom vir n onvergeetlike dag. Die program het afgeskop met laatmiddag ontvangs by die Alumni-klubhuis waar die huidige studentedekaan, Prof Rikus Fick, die groep verwelkom en toegespreek het. n Groepfoto is ook hier geneem in presies dieselfde volgorde as die SR-foto van destyds. Daarna is die groep op n kort kampustoer geneem waarna die aand se verrigtinge by die Botaniese Tuine plaasgevind het. Dit is dan ook hier waar die huidige SR-lid Finansies, Paul Marits, die groep toespreek het oor hoe die studentelewe asook die SR vandag lyk, waarna elke oud-sr opgestaan en sy herinneringe gedeel het. Almal was dit eens dat die grondslag wat hulle by die NWU-Puk ontvang het, hulle toegerus het vir die pad wat hulle gestap het. Vir die Universiteit was dit voorwaar n voorreg om hierdie invloedryke groep op die kampus te kon terug verwelkom. En, vir die SR-lede was gevoel duidelik: Eenmaal n NWU-Puk, altyd n NWU-Puk.

12 Tuks of niks maal twee As jy n Tukkie is, was Maandag 3 Maart nie jou dag nie. Nóg minder as jy n voormalige Tukkie is wat toevallig op die Potchefstroom-buiteklub se baan was om die NWU-Pukke se Alumni-span in die FNB Varsity Cup Gholfdag aan te durf. Die oud-tukkies moes vir die vierde agtereenvolgende jaar die spit teen NWU-Pukke delf. Die manne mag dalk gehoop het vir soete wraak n uur-en- n-half later, maar die Fanie du Toit was net so min n bondgenoot. Die pa-en-seun-span van Magiel en Willie de Kock het met die louere weggestap deur die beterbal-kompetisie met 49-punte te wen. n Totaal van 114 spelers het aan die kompetisie deelgeneem, met nie een vyand wat onder hierdie groot groep vriende getel kon word nie. Die dag was n groot sukses en ten spyte van die vol veld het daar niks verkeerd geloop nie, vertel Frik Prinsloo, een van die gholfdag se organiseerders. Ek wil vir elke speler dankie sê vir hul entoesiasme en hul deelname. Elkeen se ondersteuning word opreg waardeer, het Prinsloo gesê. Prof Herman van Schalkwyk, rektor van die Potchefstroomkampus, het tydens sy toespraak na afloop van die gholf geskerts daar gesegde by die Universiteit is wat lui: Eenmaal n Kovsie, altyd n NWU-Puk. Daarom het hy die Tukkie-spelers gemaan om nie te lank in Potch te vertoef nie, want dieselfde gesegde gaan vir hulle geld. Na afloop van Maandagaand se Varsitybeker-kragmeting het sommige van hulle dalk gehoop dit is waar... Willie de Kock en Michiel de Kock, wenners van die FNB Varsity Cup Gholfdag. Wynand Claassen (Tukkies spankaptein), Wessel van der Merwe (NWU-Puk-spankaptein - wenners), prof Herman van Schalkwyk en Guillaume Strydom (naaste aan pen).

13 NWU-Puk se alumni gelykop teen Ikeys Op n snikhete Maandag waar self die kwik moeg geword het van al die styg het, was daar niks om NWU-Pukke en Ikeys in die FNB Varsity Cup Alumni Gholfdag by die Potchefstroom-buiteklub te onderskei nie en was n gelykopuitslag aan die orde van die dag. Die span van Charles Eckley en Eric Louw was eerste met 49 punte met Basil King en Hennie Kruger tweede met 46 punte. Daarna het die span van Tiisetso Tsukundu en Thando Mjebeza (ook 46 punte) gevolg met Paul Kruger en Leon Boshoff vierde met, wag vir dit...46 punte. NWU-Pukke het verlede Maandag vir Tukkies se alumni-span geklop waarna dié universiteit se rugbyspan die Pretorianers op skouspelagtige wyse gewen het. Selfs n gelykopuitslag sou goed gewees het, het Frik Prinsloo, organiseerder, geskerts met verwysing na die NWU-Puk se nederlaag teen Ikeys later die aand. Die hoeveelheid spelers wat deelgeneem het, was weereens opmerklik. Daar was 92 spelers en dit op n werksdag. Dit spreek van die spelers se toegewydheid en warm hart teenoor hul alma mater. Ek wil ook die rektor, professor Herman van Schalkwyk, bedank vir die tyd wat hy opgeoffer het om elke dag by te woon. Dan, baie dankie aan elke alumni wat van die drie gholfdae so groot sukses gemaak het. Daar het n wonderlike gees tydens elke dag geheers, en ons sien uit daarna op dit volgende jaar weer te doen, het Prinsloo gesê. Guillaume Strydom (naaste aan pen), Eric Louw, prof Herman van Schalkwyk en Charles Eckley.

14 NWU-Pukke bloedneus gelaat Sien daardie draadjie? Nee, darem nie die dun een nie, die ander een. Dít is waaraan die NWU- Puk se Varsitybeker-drome hang ná hulle Maandagaand op die Fanie du Toit-sportterrein teen die verdedigende kampioen, Ikeys, verloor het. NWU-Pukke se Wian Fourie wys sy oorlogswonde. Foto: Catherine Kotze/SASPA NWU-Pukke was daarop uit om hul nederlaag in verlede jaar se eindstryd teen dieselfde span op dieselfde veld te wreek, maar die uiteinde was n herhaling van dáárdie sielsfrustrerende dag. Dit beteken dat NWU-Pukke vyfde op die Varsitybeker-punteleer lê met slegs twee wedstryde wat nog gespeel moet word. Die eerste daarvan is teen die bodemskrapers van die kompetisie, CUT, waarna een van die reeks se toonaangewers, Shimlas, aangedurf word. Ai, en net n week van te vore het ondersteuners se gemoedere hemelhoog geloop in die nadraai van hul spogsege oor Tukkies. Gelukkig is daar nog verskeie permutasies wat vir die Noordwesters n plek in die halfeindstryd kan besorg. n Oorwinning oor hul volgende teenstander, CUT, is so goed soos n gegewe en hul rekord die afgelope dekade teen Shimlas is doodeenvoudig skitterend. Die laaste week van die kompetisie gaan wel bitter interessant wees. Van Jan Alleman tot David Moriah De Villiers Lategan was Maandag gewis n Rocky Horror Picture Show, met die NWU-Puk se Young Guns wat teen Kovsies verloor het. Nes bogenoemde film was daar wel rede om n danspassie uit te voer danksy Patria wat NMMU se Stallions 81-0 in die Steinhoff Koshuisrugby-kampioenskap geklop het. Patria het altesaam 12 drieë gedruk wat n driekuns vir flank Emil Meyer en twee vir slot Stefan Bergh ingesluit het. Henry Stewart se span het halftyd reeds 42-0 voorgeloop. Marno Redelinghuys van die NWU-Puk probeer Warren Seals se skop af te storm. Foto: Wessels Oosthuizen

15 Greyling verdedig titel as klubkampioen Jan Greyling het vanjaar weer sy titel as klubkampioen van die NWU- Puk Alumni-gholfklub suksesvol verdedig. Greyling het die trofee in die A-afdeling tydens n vol veld spelers by die Potchefstroom Buiteklub verower. Francois van der Westhuizen was tweede, met Francois Retief in die derde plek. Elzané van der Wath is as die vrouekampioen aangewys met Rina van Zyl in die tweede plek. Ander wenners is Jaco Fourie, wenner van die B-afdeling, Michiel de Kock in die tweede plek en Corrie Pieters in die derde plek. Kobus Nagel het die trofee in die C-afdeling gewen, met Johan van der Walt (tweede) en Theuns de Klerk (derde). Tydens die jaarvergadering is die huidige bestuur herkies. Hennie Kruger (klubkaptein), Hannes Botha (onderkaptein) en Frik Prinsloo (ex officio). Die trofeewenners van die NWU-Puk gholfkampioenskap is Jaco Fourie (B-afdeling), Hennie Kruger (klubkaptein), Jan Greyling (klubkampioen), Elzané van der Wath (vrouekampioen) en Kobus Nagel (C-afdeling).

16 Alumni beplanning Aandag OUD-NWU-PUKKE Deur jou kontakbesonderhede opgedateer te hou, sal jy meer inligting rakende die betrokke geleenthede ontvang. Skakel vir opdatering: Loer gerus na 2015 se huidige datums op die Alumni kalender en maak seker ons sien jou daar!! Alumni Gholf-liefhebbers kan solank die datums oophou. Navrae Frik Prinsloo by Alumni kalender Reünie Datum Rustenburg 15 April Pretoria 12 Mei Nelspruit 28 Julie Klawerhof 60 jr reünie 31 Jul 2 Aug Heide 45 jr reünie 31 Jul 2 Aug Durban Afkampus 15 September Regte 50 jaar 25/26 September Nuwe Alumni 22 Oktober 1965 Eerstejaarsreünie 6 November Alumni Gholf-liefhebbers Reünie Datum Gholf Alumni dag 18 April Gholf Tukkies 9 Mei Gholf Rhodes 15 Augustus Gholf Alumni Dag 19 September Gholf Matie/UJ 17 Oktober Gholf Davis Cup 1 November Gholf - Kovsies 5 November Alumni Nuus

17 Kry nou jou NWU-Pukke kredietkaart! Geniet die voordeel van n NWU-Pukke Goue of Silwer kredietkaart van Absa. n Persentasie van jou kaartbesteding sal aan die NWU- Pukke-kaartfonds betaal word met die komplimente van Absa teen geen ekstra koste vir die kaarthouer nie. Dié fondse sal aangewend word vir verskeie kampusprojekte soos die Ons-gee-om-fonds en die Meal-a-day-fund. In 2013 het 1225 studente op die Potchefstroomkampus finansiële ondersteuning ontvang. Doen aansoek by jou naaste Absa-tak of SMS jou naam, van, ID-nommer, en Pukke na en n agent sal jou kontak.

18 NWU-Puk- Alumni-wyngilde Die NWU-Puk-Alumni-wyngilde se eerste proe van die jaar het vanjaar afgeskop met n bierproe in Februarie en Altydgedacht se wyne was op 11 Maart aan die beurt. Ontmoet gerus ook die nuwe bestuur van die NWU-Puk-Alumni wyngilde. Opregte dank vir hul harde werk en moeite om hierdie geleenthede suksesvol aan te bied. Daar is nog heelwat geleenthede die jaar om wyne te proe wat plaasvind te Christa Galli. Vir meer inligting rakende die wyngilde, kontak gerus vir Yolandi Haasbroek by / yolandi.haasbroek@nwu.ac.za Om seker te maak dat jy op die verspreidingslys is, dateer gerus jou besonderhede op by Hiermee 2015 se datums. Reünie Wynproe Hermanuspietersfontein Zonnebloem Oranjerivierkelder Marianne Wyn landgoed Gabriëlskloof Jakkalsvlei Datum 9 April 13 Mei 10 Junie 12 Augustus 9-September 14 Oktober 11-November NWU-Puk Alumni Wyngilde bestuur vir 2015 Chris Esterhuizen (Onder-voorsitter); Marissa Esterhuizen (Finansiële koördineerder); Prof. Bennie Linde (Voorsitter); Dr. Marissa de Klerk (Kommunikasie); Willie Cloete (Proe Koördineerder).

19 Kontak ons Vir enige voorstelle en kommentaar oor die nuusbrief, skryf asseblief aan Yolandi Haasbroek deur op die Kommentaar-skakel te kliek. Kommentaar Indien u verkies om nie die nuusbrief te ontvang nie, kliek op kanselleer-skakel, vul u voorletters, van en geboortedatum in en stuur die e-pos vir ons aan. Het die alumnikantoor jou nuutste kontakinligting of weet jy van ander oud-nwu-pukke wat graag die nuusbrief wil ontvang? Vir adresveranderings besoek Kliek hier en gaan LIKE ons Facebook-blad Kanselleer