26/2017 HANNALIZA FECHTER BEMARKING EN SKAKELING

Transcription

1 26/2017 Liewe Ouers Daar word gevra hoekom die hoender die pad oorgesteek het. Hierdie naweek was die antwoord eenvoudig: Om by die Menlofees uit te kom! Enige iemand wat Saterdag, soos hierdie befaamde hoender, die pad sou oorsteek om ons fees, ons gees en ons talent te kom beleef, sou oorrompel en betower gevoel het deur wat hier op Menlo-bodem opgedis, opgevoer, aangebied en uitgestal is. Die pad is oorgesteek om nooit weer terug te keer nie. Die Menlofees is een sonder gelyke grootliks vanweë die feit dat dit soos ʼn kunstefees, ʼn kuierfees en ʼn Menlo-mensweesfees aangebied word. Ons leerders se talent bly ʼn mens verstom. Soos die hoender, het baie van ons self die pad oorgesteek na die Menlofees en eerste in die saal beland, waar die dansitems een na die ander die voete onder jou uitslaan, gevolg ad libitum deur instrumentale opvoerings kompleet met al wat ʼn crescendo en ʼn adagio is. Polsende ritmes laat almal swymel en sweef na die rugbyvelde toe waar die mallemeule en pretpark jou kontak met moederaarde laat verbreek. Daar hoor jy die kinders kraai van die lag - definitief ʼn hemelse geluid. Effens lighoofdig besef jy dat die mallemeule baie hoër is as wat dit van ver af gelyk het. Na die uitsig uit die hoogte, was die verdere tog deur die fees effens wankelrig. Die rugbyklubhuis, gelukkig net ʼn hanetree verder, is deel van die feesterrein en is met feesvere verfraai om as kunsgalery te dien hier kan jy nie anders as om in jou spore gestuit te word van verwondering oor die kunstalente van ons Menlokinders nie. Kunswerke wat lyk asof dit in die Louvre hoort, is net hier in ons eie kunsklas opgetower en selfs van ons personeel se kunswerke slaan die asems weg. Dit roete verby die gebak was dalk die moeisaamste deel van die tog deur die Menlofees. Die keurige versiersuiker-versoekings het laag vir laag, helder en vrolik reggestaan om gehap, opgepik en verslind te word. ʼn Mens sou dink dat sulke gebak so skaars soos hoendertande sou wees, maar die beste sjefs sou hier by ons Menlo-bakkers kon kom vlerksleep. Die potjiekosgeure was egter die pièce de résistance wat die knieë laat swik het. Potjiekosgroepe het wortels gekap, aartappels geskil, uie gebraai en die heerlikste potte bewerkstellig. Uitgerus in spandrag en gewapen met groentemesse en houtlepels, het elke groep verseker dat die vleispotte van Menlo onvergeetlik was. Van vroegdag af is daar vure gestook en het die potte geprut en gekook. Hier wiegel-waggel jy behoorlik weg, want hoe proe jy net een groep se pot en hoe vat jy net ʼn enkele hap van die potjie? Met die son wat kant kies weste toe, begin die graadelfherwinningsrokkiesmodeparade (amptelik een van die langste woorde in Afrikaans). Jy word betower deur die kunstigheid en kreatiwiteit van die rokkies en dit is duidelik dat daar lang ure se harde werk aan die rokkies spandeer is. Die ingewikkelde ontwerpe sou selfs uit gewone materiaal ʼn uitdaging gewees het. Hierdie kreatiewe skeppings word met grasie op die loopplank vertoon en die graad 11-manne verleen die nodige flair en trefkrag (en ʼn hele ʼn paar lam knieë) aan die skouspel. Niks rond ʼn fees af soos musiek uit die boonste rakke nie. Platekontrakte sou voor die voet uitgedeel kon word sonder dat ʼn haan ooit daarna sou kraai. Met die meesleurende note van Menlo-musikante en hulle wondertalente (weereens leerders én personeel) is dié heerlike lentedag op ʼn einde. Die hoender wat oor die pad gestap het sou definitief maar moes nesskrop, want pitkos was hier in oorvloed. Dit is heel moontlik ʼn hoender-en-eier situasie: Is Menlo ʼn fees of is die fees, Menlo? HANNALIZA FECHTER BEMARKING EN SKAKELING

2 Kom bid saam elke Donderdagoggend van ±07:30 af in die sitkamer van die koshuis. Kontak gerus, Ma's wat Romeine 8:26-28 (NLV) Die Gees van God help ons ook nog boonop in ons onbeholpenheid. Ons weet immers nie mooi wat en hoe ons moet bid nie. Maar die Gees self neem ons gebedsbehoeftes voor God op met versugtinge wat nie in menslike taal verwoord kan word nie. Die God wat die dieptes van elke hart deurgrond, weet wat die Gees in die oog het dat Hy in harmonie met God se wil vir die gelowiges intree. En ons weet dat God alles ten goede laat saamwerk vir hulle wat Hom liefhet, hulle wat geroep is volgens sy doel vir hulle lewe. 08/09 Matriekraad: Kamp (tot 10/09) Graad 9: Kamp (tot 10/09) 09/09 GRAAD 10-BAL 16/09 LENTETEE Fietsry: Spur-skolereeks, Tour de Bling by St Stithians in Sandton 23/09 Fietsry: Nissan Trailseeker #4 by Hazeldean in Pretoria 30/09 MATRIEKAFSKEID Wiskunde olimpiade Die Tshwane Suid distrik het onlangs op distriksvlak die wiskunde olimpiade aangebied. Hierdie wiskundige uitdaging het in Engels geskied by Willowridge High School op 15 Augustus en ons is baie trots op die volgende junior Menlo-dames wat somme maak so eenvoudig laat lyk - absolut akkurate antwoorde! Graad 8: Mené van Dyk (eersteplek) en Hilda Nel (tweedeplek) Graad 9: Cara Jordaan (1ste) en Nerissa Naidoo (2de) Cara en Nerissa het ook aan die finale rondte gaan deelneem waar hulle ʼn ongelooflike tweede plek behaal het. Baie geluk! Verrykingsakademie Op Dinsdagaand, 29 Augustus het die Verrykingsakademie ʼn ongelooflike geleentheid aan Menloparkers gebied om hulle kennis op die gebied van Chemie te verbreed. Mnr. Schalk van Rooyen, chemiese baasbrein en tans aan die voorpunt van navorsing op plantgebaseerde medikasie, het sy M-grade in onderskeidelik Plantchemie (UP) en Bio-Chemie (VSA) behaal, en het ʼn fassinerende onderwerp bespreek: Navorsing oor plantgebaseerde medikasie wat voorspel om die toekoms van medisyne te verander. Die mees interessante navorsing op hierdie gebied vind tussen Suid-Afrika en Tanzanië plaas met ʼn plant wat in nanohoeveelhede, MIV beperk. Hierdie navorsing word ook op plante van Suid-Afrika gedoen, veral op die gebied van respiratoriese en asmatiese kondisies. Die moontlikheid van ʼn kuur vir diabetes en kankers in die toekoms, uit die plantwêreld maak hierdie navorsing van kardinale belang vir die mensdom. Mnr. van Rooyen het sy praatjie afgesluit deur n verskeidenheid van beroepe wat jong wetenskaplikes kan beoefen, te bespreek en aan die jong Parkie-wetenskaplikes bekend te stel. Frans met flair Die dae van woordeskat leer deur van flitskaarte en prentjies gebruik te maak is iets van die verlede. In die Frans-klas word daar n modeparade gehou en elke leerder ontvang die geleentheid om met n interessante uitrusting op die loopplank te stap, terwyl n ander leerder die uitrusting moet beskryf. In die beskrywing van die uitrusting moet daar na die kleur, die materiaal en selfs die handelsnaam verwys word, terwyl die res van die klas die toeskouers is. So lag-lag en speel-speel kry almal die nuwe woordeskat sommer vinnig onder die knie.

3 ABSOLUT DANKIE Hiermee ons opregte dank en waardering aan elkeen wat bygedra het tot die ongekende sukses van die 2017-Menlofees! Die Hoërskool Menlopark is geseënd met ʼn ouerkorps sonder gelyke. U besondere welwillendheid, volgehoue ondersteuning en positiewe ingesteldheid jeens die skool en al sy aktiwiteite is waarlik uitsonderlik en oortref telkens ons wildste verwagtinge. ʼn Spesiale woord van dank aan elke ouer en onderwyser vir u bydrae - hetsy as lede van beplanningskomitees waar vergaderings en moeite, ure van u persoonlike tyd in beslag geneem het, hulp met die reël of inoefen van Menlovaria-items of finansiële bydraes waarmee u ons feeshande gesterk het! Die kombinasie van Menlovaria en die Menlofees het weereens bewys met watse besondere kinders ons hier op Menlo-bodem te doen het. Die verskillende verhoë het die absolut talent van die Parkies uitbasuin en dit was ʼn voorreg om die verstommende talente van ons kinders te kon gadeslaan. Sonder die ruimhartige bydrae van ons bereidwillige borge is die organisasie van ʼn suksesvolle fees byna onmoontlik - absolut dankie! Ons is bevoorreg en dankbaar sonder maat of perk vir ouers, Parkies, geleenthede, borge, talente en Menlo-mense wat onbeperk van hulleself gee om ons kinders te laat vlieg! Met hope waardering, Die 2017-Menlofeeskomitee

4 Wetenskaplike wenner Danie Schutte (graad 8) het na afloop van twee uitdagende uitdunrondtes deurgedring na die finale rondte van die Gauteng NW-Olimpiade vir graad 8 s. Die finaal het plaasgevind in Johannesburg by Sci-bono. Leerders van regoor Gauteng het breinkrag gemeet in ʼn ouditorium, waar hulle elektronies die vrae (alles rakende Natuurwetenskap) met ʼn afstandbeheertoestel moes beantwoord. Danie het as waardige wenner van die hele Gautengstreek uit die stryd getree. Op die foto hiernaas spog hy met sy trofee saam met mev. Antoinette Nicolaai en mnr. Padayachee, die provinsiale koördineerder van NW by die Gauteng Departement van Onderwys. Die industrie van lig wat skyn in die toekoms in Die rekordeksamen vermag dit soms om die lig in die oë van die matrieks so ʼn bietjie te laat verdoof. Maar dan is dit ook gelukkig die tyd wanneer die uitsien na die matriekafskeid aangeskakel word. Die graad 11-leerders het verlede Dinsdag die matrieks verras met hulle matriekafskeiduitnodigings volgens ʼn kreatiewe industriële tema en onherkenbaar getooi in goud en silwer! Elke matriek het ʼn gloeilamp ontvang waarin die uitnodiging versteek is. Die matrieks het ten spyte van die eksamen, met blink oë uit die saal gestap - gereed om die lig in die toekoms in te laat skyn. Baie geluk en dankie aan die graad 11-reëlingskomitee met pragtige uitnodigings. Ons superskool Moenie vergeet om op Donderdag 7 September om 17:00 op DStv-kanaal 147 (VIA) in te skakel vir die Superskool-program nie! Die Menlo-span ontvang in hierdie episode hulle eerste kans om op die lug aan almal te wys waarom ons skool so super is! Spanne van drie deelnemers elk, uit verskillende skole, ding teen mekaar mee in n wêreldkennis en algemene vasvrakompetisie. Dié program word elke weeksdag om 17:00 uitgesaai, met n heruitsending-omnibus op Saterdae vanaf 14:30 tot 17:00. Absolut Menlo! Ons hou almal duimvas vir ons superspan van ons superskool! Klik hier om na die advertensie te kyk.

5 ROKSHOW Net na die kort Oktober-vakansie op die eerste dag van die laaste kwartaal, is dit weer tyd vir die gewilde ROKSHOW! Dit is die spoggeleentheid waar ons aan die matrieks nog ʼn kans gun om op die loopplank te pronk in hulle matriekafskeidsvere! Dié glansryke geleentheid vind hierdie jaar op Maandagaand, 9 Oktober in die skoolsaal plaas om 19:00 vir 19:30. Moenie die kans misloop om die absolut asemrowende rokke, skoene en aandpakke van ons matrieks gade te slaan nie! Bespreek sommer dadelik jou kaartjie vir hierdie aand by die R90 per persoon wat ligte verversings insluit. Koeldrank en water sal te koop aangebied word. Onthou, daar is slegs ʼn beperkte aantal kaartjies beskikbaar is vir dié Menlo-skouspel! Boomplantdag Lente is in die lug en die transformasie van wintersdrag na somersdrag is vrolik gevier met Boomplantdag! Om n boom te plant is om in die toekoms te belê en n nalatingskap te verseker. Die tuin langs die tennisbane is besig om in n pragtige park te ontwikkel en die geboue- en terreinkomitee van die Parkieraad het saamgewerk om te sorg dat die Menlo-leerders van die toekoms, tennis sal kan geniet in die skadu van n pragtige Vanwykshoutboom (Bolusanthus speciousus). Die Vanwykshout pas die Menlo-bodem soos n handskoen. Dit word beskryf as n elegante, inheemse boom wat feestelik en vrolik voorkom wanneer dit blom. Die boom is op die beskermde bome lys en mag nie verwyder word nie. Baie dankie aan me. Sonja Punt en die geboue- en terreinkomitee wat hierdie belegging in die toekoms so tasbaar gemaak het. Die groen en pers langs die tennisbaan gaan definitief ons tennisspelers se drome van Wimbledon nog meer realisties maak. Kooroudisies Voornemende graadaggies word daaraan herinner dat die kooroudisies vir 2018 in volle swang is! Stuur so gou as moontlik n e-pos aan Juffrou Jeanmari (jeanmari.vanpapendorp@menlopark.co.za) om ʼn afspraak te maak vir n oudisie. Die huidige graad 8- tot 10-koorlede kan hulle name op me. Van Papendorp se kantoordeur gaan skryf om n tyd vir n heroudisie te bespreek. Hierdie oudisies vind plaas vanaf 4 tot 20 September. Die nuwe koor begin eers in die vierde kwartaal oefen. Menlo-ensembles voer botoon by kunswedstryd Die Afrikaanse Kunswedstryd het verlede Saterdagaand by AHS behoorlik gevibreer toe Menlo-musici begin saamspeel! Die beoordelaar en die gehoor is bekoor deur die besondere manier waarop ons musikale Parkies die snare geroer het. Spesiale vermelding is gemaak aan die dirigente en onderwysers wat die ensembles begelei asook die ure wat spandeer word om individuele instrumente in harmonie te laat saamspeel. Baie geluk en absolut dankie aan juffrou Colleen Maré (Menlo-ensemble), Morkel Combrink en Vihann Oosthuizen (Menlo-orkes) en Johan van Niekerk (Menlofluitekoor) vir die besondere manier waarop julle ons jong Menlo-musici begelei. Die Menlo-ensemble ontvang die afdelingsprys met n A++ (98%) in hulle kategorie, om as die beste ensemble gekroon te word. Die Menlo-orkes behaal n A++ met n puik 97%. Bach se Toccata sal nooit weer dieselfde wees nie en julle uitvoering van Pirates of the Caribean maak ons baie trots! Die Menlo-fluitekoor behaal ook n A++ met ʼn musikale 91%. Fenomenale fluite!

6 Parkieraadleisels word oorgegee Een van die talle mooi tradisies van ons skool, is die verkiesing en instelling van die Parkieraad en in die besonder, die Parkieraadvoorsitter en -ondervoorsitter. Hierdie leiers wat voorstap, vorm n steunpilaar vir baie van die skool se aktiwiteite en projekte. In elkeen van die byna 50 registerklasse van graad 8 tot 11 in die skool, word ʼn seun en meisie verkies om op die Parkieraad te dien. Daar word baie nou saamgewerk met die Matriekraad om die skool op vele terreine te verteenwoordig en te dien. Die Parkieraadvoorsitter en -ondervoorsitter word deur die Parkieraad verkies en dit was vir Bianca Viljoen en Dirk Thuynsma, die graad 12 s wat hierdie portefeuljes in 2017 beklee het, ʼn voorreg om die ampstaf te oorhandig aan Marno du Plessis (voorsitter) en Elita van Staden (ondervoorsitter), wat sommer dadelik moet inspring met die groot taak wat vir hulle voorlê. Menlo-atletiek hardloop die seisoen vooruit Die tweede blitsbyeenkoms het op Dinsdagmiddag hier op Menlo-bodem plaasgevind. Hoërskool Noordheuwel het hier kom deelneem en lente en energie was in die lug. Die volgende uitsonderlike uitslae is ontvang vanaf die Menlo-seunsatlete: Charl Ehlers behaal 1183 ABSA-punte met ʼn gooi van 48,14m in die seuns o/14- diskusgooi. Stefan Maritz behaal 1062 ABSA-punte met ʼn gooi van 52,07m in die seuns o/16- diskusgooi. Dwayne Smith behaal 1018 ABSA-punte met ʼn tyd van 23,33s in die seuns o/14-200m. Lohan Potgieter behaal 1010 ABSA-punte met ʼn gooi van 50,69m in die seuns o/16-diskusgooi. Die Menlo-meisies spog soos volg: Belinda Janse van Rensburg behaal 1106 ABSA-punte met ʼn gooi van 38,87m in die meisies o/15-diskusgooi. Mila Compaan behaal 969 ABSA-punte met ʼn sprong van 5,19m in die meisies o/14-verspring. Nicole van der Westhuyen behaal 943 ABSA-punte met ʼn tyd van 26,06s in die meisies o/14-200m. Jeanni Labuschagne behaal 916 ABSA-punte met ʼn tyd van 2:25,15 min in die meisies o/14-800m. Baie dankie aan al die Menlo-atlete wat in groot getalle opgedaag het vir hierdie byeenkoms, asook aan elke korfeelid, onderwyser en afrigter wat blitsig op hulle pos was vir die blitsbyeenkoms. Ons het die volgende ligauitslae ontvang vanaf setperke in en om Pretoria: A-LIGA Menlo 1 vs TUKS 1: Menlo verloor naelskraap met Menlo 2 vs TUKS 2: Menlo wen oortuigend met B-LIGA Menlo 3 vs Tygervallei 1: Menlo seëvier met C-LIGA Menlo 5 vs Montana 2: Menlo wen 3-1 Menlo 6 vs Wilgers 2: Menlo wen

7 Die Hoërskool Menlopark het hierdie jaar vir die eerste keer ʼn o/13 T20-span in die o/13-bash ingeskryf, wat by Supersport park plaasgevind. Dit was vir ons ʼn voorreg om die krieketspelers van die toekoms so in aksie te beleef. Die Menlospan was onoorwonne en is huis toe met die o/13 bash trofee. Die afgelope week se Menlo-krieketuitslae was soos volg: Menlo 5de XI vs Wagpos 2de XI Wagpos 191/8 Menlo 192/2 (Izak van Niekerk 50, Cameron Fisher 62) Menlo wen met 8 paaltjies! Menlo 3de XI vs Eldoraigne 2de XI Eldoraigne 153/10 (Jandre Verster 3/32, Christiaan Daniels 2/14) Menlo 155/2 (Luan Burger 41*, Stegmann Kruger 29) Menlo wen met 8 paaltjies! Menlo 1ste XI vs PBHS 1ste XI Menlo 175 almal uit (Tristan Jansen van Rensburg 92) PBHS 175/1 PBHS wen met 9 paaltjies. Menlo 2de XI vs PBHS 2de XI Menlo 251/8 (Ryan Greyvenstein 71, MW Theunissen 59) PBH 253/8 (Ryan Greyvenstein 3/51) PBHS wen met 2 paaltjies. Menlo o/15a vs PBHS o/15a Menlo 291 almal uit (Johnny van der Schyff 51, Jahno Bester 44) PBHS 271/7 (Markus Kotzee 4/46 Menlo wen met 20 lopies! Menlo o/14b vs Affies o/14b Menlo 122/6 (Duandré Schuster 36, Juan van der Westhuizen 24) Affies 123/3 Affies wen met 7 paaltjies. Menlo o/15b vs HTS Tuine o/15a Menlo 218/3 (Marco van Wyk 84, Alex Mook 50) HTS Tuine 81 amal uit (Brandon Ritchie 2/4, André Jordaan 2/5) Menlo wen met 137 lopies! Menlo o/15c vs Cornerstone College o/15a Cornerstone 107 almal uit (Richard Pienaar 3/15) Menlo 108/3 (Francois Botha 44) Menlo wen met 7 paaltjies! Menlo o/14b vs Affies o/14c Affies 121 almal uit Menlo 122/4 Menlo wen met 6 paaltjies! Vinnig, vinniger, Fast 5 Die eerste Fast 5-liga is sommer vinnig iets van die verlede! Wedstryde het op die Hoërskool Garsfontein se bane plaasgevind en Menlo-netbal het hoofsaaklik deelgeneem aan hierdie liga, om die nodige blootstelling aan ons o/15- span te gee voor hulle deelname aan die SA-kampioenskappe in Oktober. Daar is ook n o/18-span ingeskryf uit n groep beskikbare spelers van die o/16- en o/17-ouderdomsgroepe. Menlonetbalspelers speel oudergewoonte, selfs aan die einde van die seisoen, hulle harte uit: o/15: Menlopark (1ste), Garsfontein 1 (2de), Garsfontein 2 (3de) en Rosina Sedibane Sport school (4de). o/18: Garsfontein 1 (1ste), Menlo (2de), Garsfontein 2 (3de) en Wagpos (4de). Menlo-netbal is TOPS! Die School of Netball Top 20 het die nuutste ranglys na die afloop van die jaar se netbalseisoen bekend gemaak. Die stryd om die eerste plek op die netbalranglys bly hewig, en dit is vir ons ʼn groot voorreg om hierdie jaar die eerste posisie te beklee. Klik hier om die ranglys te besigtig. Sharlé lig en rol in Lesotho Sharlé Labuschagne het SA verteenwoordig tydens ʼn o/16-toernooi in Lesotho waar Afrika se beste spanne kragte gemeet het. Met Sharlé as doel, het hulle ʼn segetog gevoer en al die anders spanne laat netbal les opsê.

8 Ongeag die ysige toestande wat ons fietsryers die afgelope naweek in Dullstroom tydens die Ashburton #6 marathonwedren moes trotseer, lewer hulle vuurwarm prestasies met die volgende podiumplekke: Sub-juniorseuns (20km): Ben du Plessis (1ste) en Rudolph Labuschagne (3de) Jeugdogters: Monique du Toit (3de) Juniorseuns, o/17: Chris du Plessis (2de) ALLE Parkies word uitgenooi om gratis op Woensdagmiddae vanaf 14:45 tot 16:00 te kom fietsry op die skoolterrein saam met juffrou Gerda en deel te word van ons absolut fietsryspan. Onthou jou fiets, waterbottel en valhelm! Vir meer inligting, kontak gerus vir mnr. Chris van Blerk juffrou Gerda Richards of stuur n e-pos aan: bemarking@menlofietsry.co.za. Vir fietsryers wat by ons afrigter, Richard Sutton, op die plot in Olympus wil oefen, kontak hom gerus by: coach@menlofietsry.co.za. Kostes vir Menlo-fietsrylede beloop slegs R500,00 per kwartaal. Kayla Botes, graadaggie en toekomstige fotograaf, het die Pretoria eisteddfod gebruik om haar fotografietalent ten toon te stel. Sy word aangewys as kategoriewenner in die graad 8 Beeldende Kunsafdeling van fotografie. Sy het 5 foto s ingeskryf waarvan drie A+ e ontvang en een n A++! Die wenfoto is van haar kat, Caramel. Ons eie Janél du Tiot het met haar nagtegaalstem aan die Garsfontein kunstefees gaan deelneem en die volgende ongelooflike toekennings ingehark: Vocal Solo Gospel A++, Vocal Solo Pop A+, Vocal Solo Jazz A++, Vocal Solo Broadway A++, Vocal Duet Gospel A, Vocal Duet Pop A+, graad 8-10 trofee kategoriewenner vir Gospel asook die Most Attitude -wenner van die kunstefees. Yvonne Bruinette (Lombard) is n oud-parkie wat haar merk maak by Die Universiteit van Pretoria. Tydens die 2017-Herfs Promosieplegtigheid ontvang sy die volgende pryse van die Departement Boukunde: Die PIA-prys vir die beste student in Ontwerp - MArch (Prof ), hoogste gemiddeld in alle argitektuurmodules - MArch ( Prof ), SACAP-medalje vir beste finale jaar argitektuurstudent, die DAVID HADDON prys vir die beste punte in ʼn professionele graad - MArch (Prof) en die COROBRICK prys vir die beste finalejaar projek in ontwerp en tegniese dokumentasie - MArch(Prof). Absolut alumni - asemrowende argitektuurstudent!

9

10

11