1/2018 HANNALIZA FECHTER BEMARKING EN SKAKELING

Transcription

1 1/2018 Liewe Ouers Die paar korrels seesand wat onverwags uit ʼn sak uitval, laat dit voel asof 2017 nog nie heeltemal uitgeskud en afgeskud is nie. Mens raak nie so maklik ontslae van so ʼn geseënde jaar nie die jaar en die vakansie leef nog so ʼn bietjie voort in die gedagtes. ʼn Wandeling strandlangs is vir baie van ons sinoniem met vakansie. Dit is mos altyd ʼn vars, kaalvoet belewenis wat spinnerakke uit die kop waai en die hart met vrede en kalmte vul terwyl jy die voetspore op die strand volg... al weet jy nie wie se spore dit is en hoe ver dit sal lei nie. Soms moet jy jou treë rek om met jou voete by daardie spore uit te kan kom, en so beweeg jy al hoppende van een voetspoor na die volgende tot waar die water die spore wegspoel en jy net jou eie spore in die sand agterlaat het sulke diep, navolgenswaardige voetspore in die Menlo-wêreld getrap, dat ʼn mens wonder of dit oortref kan word. Aan die einde van 2017 kon ons met soveel trots en dankbaarheid terugkyk na ʼn jaar waar ons Menlo-mense feitlik in elke aspek van skoollewe topprestasies gelewer het. Buiten prestasies was daar soveel wonderlike oomblikke waarby ons verstom moes gaan staan oor hoe die Menlofamilie met sorg en deernis uitgereik en deelgeneem het terwyl hulle harte aangeraak het en lewens verander het. Die jaar is afgesluit met die eindeksamen en 2018 is ingelei met die matriekuitslae wat soos die sand in die broeksak, die gedagtes terugneem na wat verlede jaar vermag is. Ons matrieks het elkeen met hul heel beste eindpoging die eksamen aangepak. Daar is geleer en probeer, hard gewerk en alles gegee. Om ʼn algehele gemiddeld van bykans 73% te behaal, beteken dat elkeen sy en haar beste gegee het om hulle skoolloopbane op so ʼn hoogtepunt te kon afsluit - gereed vir die nuwe lewensfase. Skielik is die gesigte wat die afgelope vyf jaar ingeweef was in alles wat hier by die skool aangegaan het weg en almal het een trappie opgeskuif. Hulle trap nou nuwe spore op ander plekke waar ons weet hulle ander sal inspireer om groter treë te gee, vinniger te loop en verder te stap die ekstra myl. By die see word die prag van sononder slegs oortref deur die wonder van sonsopkoms... ʼn nuwe fase kan nie begin word sonder dat iets anders afgesluit het nie. Die matrieks van 2018 neem die plek op die balkon in die saal in en verwelkom die graad 8 s. Dit voel of dit ʼn ewigheid sal duur voordat hierdie graad 8 s die matrieks van 2022 sal wees, maar in der waarheid spoel die water die spore van die vyf hoërskooljare in ʼn oogwink weg en ons weet uit ondervinding dat die pad tussen grootoog graad 8 s en blinkoog graad 12 s baie kort is. Met ʼn volgepakte kalender skop die skooljaar met mening af, die graad 8 s word ingetrek, begeester en gemotiveer om die laerskoolskoene uit te skop en diep spore hier te kom trap. Met ʼn haredos van drie boksterte spring hulle weg en duik behoorlik in, want hier is die wedloop voluit en vrolik of dit hooggety of laagwater is. Wanneer ons die jaar wat verby is in oënskou neem en uitsien na die jaar wat vol belofte en opwinding wag, weet ons dat hier ʼn toekomsvisie is wat nie verdoof word wanneer die son sak nie. Mag elkeen spore vind wat inspireer en spore agterlaat wat ander sal wil volg en mag daar reg deur die jaar tog maar ʼn bietjie sand in die broeksak agterbly om ons te herinner dat elke oomblik van die jaar die belofte inhou van perfekte sonsondergange en vrede. Mag u hierdie jaar waarlik mooi loop. HANNALIZA FECHTER BEMARKING EN SKAKELING

2 1 Kor. 2:7-9 (NLV deur Joyce Meyer onderskryf) die wysheid waarvan ons praat, is die diepsinnige wysheid van God wat voorheen geheim gehou is, wat God van ewigheid af daargestel het sodat ons die heerlikheid kan ontvang. Maar die heersers van hierdie wêreld het dit nie begryp nie. As hulle dit wel begryp het, sou hulle nooit ons Here aan wie die heerlikheid behoort, gekruisig het nie. Dit is wat die Skrif bedoel met die woorde: Wat geen oog gesien het; wat geen oor gehoor het; wat in niemand se hart opgekom het nie - dit het God voorberei vir hulle wat Hom liefhet. 25/01 Krieket: o/15-somerreeks / Hokkie: Ouervergadering (Ouditorium, 18:00) 26/01 Muurbal: NJSA-rondomtalie (tot 28/01) / Atletiek: Vriendskaplik vs Zwartkop (weg, 14:00-23:00) / Tennis: GN Hoërskole Kampioenskappe (o/19-seuns en dogters) 27/01 Krieket: o/15a en 1ste XI (Finsbury-reeks) / Hokkie: o/14-kamp / Perdry: Menlo-skou / Parkieraad: Kamp (tot 28/01) 29/01 SKOOL SE VERJAARSDAG / Tennis: GN Hoërskole Kampioenskappe (o/15-seuns, tot 2/02) / Krieket: o/14- somerreeks / Akademie: Toekenningsaand - juniors (Saal, 17:30) en seniors (Saal, 19:00) / Atletiek: School of Speed (UJ) 30/01 Krieket: Oopspanne-somerreeks / Afrikaansredenaars: Uitdunne, gr. 8 en 9 (Ouditorium, 14:30-17:00) 31/01 Tennis: GN-dogtersliga / Tennis: Ouervergadering (Ouditorium, 18:00) en Kenmekaarbraai (19:00) / Atletiek: Agri Top 10 Veld (Bethal) / Perdry: Ouerinligtingsvergadering (Personeelkamer, 18:00) 01/02 Krieket: o/15-somerreeks / Swem: Liga - A en B-spanne (Hatfield Christian School); C-span (St Mary s DSG) / Hokkie: Voorseisoenoefening begin / Afrikaansredenaars: Uitdunne, gr (Ouditorium, 14:30-17:00) / Netbal: Ouerinligtingsvergadering (Ouditorium, 18:00) 02/02 Atletiek: 31ste Jaarlikse Uitnodingingsbyeenkoms (14:00-22:00)

3 Baie welkom by die eerste van ongeveer 35 weeklikse nuusbriewe wat elektronies deur Die Hoërskool Menlopark uitgestuur word. Elke week word daar gepoog om al die Menlonuus en gebeurlikhede van die betrokke week weer te gee met besonderhede oor wie, wat en waar deelgeneem en presteer het. Ons versamel die inligting deur die loop van die week en die eerste proef van die Insig word op Dinsdae net na die spertyd van 12:00 aan die uitlegkunstenaar deurgegee. U is welkom om interessante brokkies aan ons te stuur rakende u kind se individuele prestasies. Dit is egter baie belangrik dat die inligting volledig is met detail oor die aktiwiteit, vlak van deelname, die titel van die kampioenskap asook die plek en die prestasie wat behaal is. Stuur asseblief ook ʼn foto saam met die inligting. Wees asseblief bewus daarvan dat alle artikels geplaas sal word na gelang van spasie in die Insig en dat ons nie noodwendig kan verseker dat u berig geplaas sal word nie. Alle foto s en inligting kan deurgestuur word aan me. Wilma van Rooyen by wilma.van rooyen@menlopark.co.za, of aan me. Hannaliza Fechter by bemarking@ menlopark.co.za, om ons asseblief elke week voor die sperdatum (Dinsdag, 12:00) te bereik. U is nog steeds welkom om enige navrae of inligting aan info@menlopark.co.za te stuur. Artikels word verwerk en dan deurgegee vir uitleg aan mnr. Hans Moolman, waarna dit finaal geproeflees en taalversorg word. Hierna word ons nuusbrief uitgestuur na elkeen van die e-posadresse op die sisteem deur mnr. Gerrit Swanepoel. Mnr. Pieter Lowne-Hughes sorg dat die relevante inligting ook op die webblad aangebring word. Saam maak hierdie span seker dat dit wat by ons mooi skool aangepak en vermag word, aan almal deurgegee word. Geniet die jaar en die nuusbriewe saam met ons. MENLO-MATRIEKS VAN 2017 LOOP VOOR! BAIE GELUK AAN ELKE MATRIKULANT WAT SO HARD GEWERK HET OM ONS 2017-UITSLAE UITSONDERLIK TE MAAK!. Die Hoërskool Menlopark wens graag elke onderwyser en ouer, wat van graad 1 tot graad 12 die pad saam met hierdie leerders gestap het, van harte geluk met ʼn absolut suksesvolle einde van die akademiese wedloop. Volgens die kenners verg dit ʼn hele gemeenskap om ʼn kind groot te maak. Dankie aan elkeen wat deel was van ons matrieks se wêreld om hierdie uitslae te bewerkstellig. Die volgende 2017-matriekuitslae is deur 266 pragtige, toegewyde Menloleerders behaal: 731 A-simbole (Alpha wiskunde ingesluit), 508 B-simbole, ʼn 100% slaagsyfer, 88,7% graadvrystelling en ʼn asembenemende gemiddeld van 72%. TOPPRESTEERDERS Michàel van Schalkwyk skitter met ʼn gemiddeld van 94,7% en 7 onderskeidings. Hy behaal 97% vir Frans, Geskiedenis en LO en 96% vir Rekeningkunde. Hans-Peter Fechter slaag matriek met ʼn gemiddeld van 93,4% en behaal 10 onderskeidings, waaronder 96% vir FW en Geskiedenis. Christiaan Wagner sluit sy skoolloopbaan af met ʼn gemiddeld van 92,9% en behaal 8 onderskeidings met 97% vir IT en 95% vir Wiskunde. Zaskia Bisschhoff groet Menlo met ʼn gemiddeld van 92,6% en behaal A s in al 7 haar vakke met 96% vir Lewenswetenskappe. GEMIDDELDE BO 90% Die volgende leerders blink ook uit en spog met gemiddelde bo 90%! Jani Struwig: 91,6 %; Lianie Orsmond: 91,5%; Tarinda Diemont: 91%; Chris- Jasper Jooste 91% en Chanel Day 90,1%.

4 ABSOLUT TROTS OP AL DIE A s - UITEENSETTING VAN ONDERSKEI- DINGS: 10 A s = 1 Menlo-leerder: Hans-Peter Fechter 9 A s = 3 Menlo-leerders: Chris-Jasper Jooste, Suné Stander en Harm van Jaarsveld. 8 A s = 10 Menlo-leerders: Ewan Cornelius, Isabella du Plessis, Izelle Grobler, Graeme McCreath, Anriné Oerlemans, Leanie Orsmond, Jani Struwig, Marizanne van Dyk, Christine van Heerden en Christiaan Wagner. 7 A s = 20 Menlo-leerders: Michàel van Schalkwyk, Tarinda Diemont, Chanel Day, Bianca Viljoen, Maryke Avenant, Carmen Pieterse, Shanri van Niekerk, Anneis Metz, Erna Cloete, Adele Nel, Meraki Matthee, Elré Engelbrecht, Altamari Beukes, Veronique Sheppard, Riandi Gerber, Romain Groenewald, Rohan Meyer, Jeané Swanepoel en Gerrit van Greunen. 6 A s = 16 Menlo-leerders: Lize-Marié Laubscher, Lisa van der Walt, Eule van Zyl, Kristel Botha, Thomas Marshall, Barry van der Vyver, Chanté Lombaard, Megan Rivas, Zian Hoek, Anita Strydom, Eric van der Walt, Jan-Harm van Helsdingen, Hannes Bezuidenhout, Kyra Koen, Melissa Ball en Jeanri Jooste. 5 A s = 12 Menlo-leerders 4 A s = 30 Menlo-leerders 3 A s = 31 Menlo-leerders BAIE GELUK AAN ELKE ONDERWYSER MET ASEMBENEMENDE UITSLAE IN DIE VERSKILLENDE VAKKE! Afrikaans: 74,6% gemiddeld; 98 A- en 91 B-simbole English Home Language: 74,4% average; 20 A and 32 B symbols English First Additional Language: 76,8% average; 87 A and 64 B symbols Wiskunde: 64,6% gemiddeld; 46 A s en 44 B s Wiskundige Geletterdheid: 68,7% gemiddeld; 6 A s en 17 B s Lewensoriëntering: 81,8% gemiddeld; 188 A s en 47 B s Besigheidstudies: 57,9% gemiddeld; 3 A s en 14 B s Dramatiese kunste: 75,2% gemiddeld; 11 A s en 5 B s Duits: 69,3% gemiddeld; 6 A s en 2 B s Ekonomie: 63% gemiddeld; 6 A s en 9 B s Fisiese Wetenskap: 71,7 % gemiddeld; 57 A s en 42 B s Frans: 80% gemiddeld; 12 A s en 8 B s Gasvryheidstudie: 66,8% gemiddeld; 2 A s en 5 B s Geografie: 67% gemiddeld; 15 A s en 19 B s Geskiedenis: 80,3% gemiddeld; 18 A s en 8 B s Inligtingstegnologie: 65,5% gemiddeld; 7 A s en 8 B s Lewenswetenskap: 74,1% gemiddeld; 46 A s en 30 B s Musiek: 79,1% gemiddeld; 5 A s en 2 B s Rekenaartoepassingstegnologie: 72,2% gemiddeld; 39 A s en 17 B s Toerisme: 77,3% gemiddeld; 13 A s en 11 B s Visuele kuns: 76% gemiddeld; 8 A s en 3 B s Alpha Wiskunde: 71,5 % gemiddeld; 12 A s en 4 B s Ontwerp: 91% gemiddeld; 1 A BESTE PRESTASIE IN ELKE VAK: Afrikaans: Anriné Oerlemans en Michàel van Schalkwyk, 94% English Home Language: Hans-Peter Fechter 91% English First Additional Language: Chanel Day en Jacques Hanekom, 92% Wiskunde: Lianie Orsmond en Christiaan Wagner, 95% Wiskundige Geletterdheid: Karma Jacobs 86% Lewensoriëntering: Michàel van Schalkwyk 97% Besigheidstudies: Bianca Viljoen 87% Drama: Lisa Schnetler en Myanke Ferreira, 88% Duits: Hans-Peter Fechter 94% Ekonomie: Lorraine Oosthuizen, Suné Stroebel en MC du Toit, 84% Fisiese Wetenskap: Chris-Jasper Jooste 97% Frans: Michàel van Schalkwyk 97% Gasvryheidstudie: Karma Jacobs 82% Geografie: Jani Struwig 92% Geskiedenis: Michàel van Schalkwyk 97% Inligtingstegnologie: Christiaan Wagner 97% Ingenieursgrafieka en Ontwerp: Hans-Peter Fechter 94% Lewenswetenskap: Zaskia Bisschoff 96% Musiek: Isabella du Plessis 87% Rekenaartoepassingstegnologie: Marizanne van Dyk 93% Rekeningkunde: Marizanne van Dyk, Jani Struwig, Christine van Heerden en Michàel van Schalkwyk, 96% Toerisme: Maryke Avenant 93% Kuns: Shanri van Niekerk 98% Ontwerp: Anriné Oerlemans 91% Alpha Wiskunde: Christiaan Wagner 96%

5 By Die Hoërskool Menlopark geniet akademie prioriteit en om die dagboek van elke Parkie en sy/haar ouers op geoliede wiele te hou, verskaf ons graag die toetsrooster vir die eerste kwartaal. Absolut akademie! GRAAD 8 Dinsdag, 6 Feb.: Wiskunde Donderdag, 8 Feb.: Tegnologie Dinsdag, 13 Feb.: Keusevak Donderdag, 15 Feb.: Afrikaans Dinsdag, 20 Feb.: NW (LW) Donderdag, 22 Feb.: EBW Dinsdag, 27 Feb.: Skeppende kuns Donderdag, 1 Mrt.: SW Dinsdag, 6 Mrt.: Engels Donderdag, 8 Mrt.: Wiskunde Dinsdag, 13 Mrt.: Afrikaans Donderdag, 15 Mrt.: LO Dinsdag, 20 Mrt.: Natuurwetenskp (FW) Donderdag, 22 Mrt.: Engels Maandag, 26 Mrt.: Afrikaans GRAAD 9 Dinsdag, 6 Feb.: Engels Donderdag, 8 Feb.: Wiskunde Dinsdag, 13 Feb.: Afrikaans Donderdag, 15 Feb.: SW Dinsdag, 20 Feb.: Keusevak Donderdag, 22 Feb.: NW (FW) Dinsdag, 27 Feb.: EBW Donderdag, 1 Mrt.: Tegnologie Dinsdag, 6 Mrt.: SK Donderdag, 8 Mrt.: LO Dinsdag, 13 Mrt.: Wiskunde Donderdag, 15 Mrt.: Engels Dinsdag, 20 Mrt.: Natuurwetenskp (LW) Donderdag, 22 Mrt.: SW Maandag, 26 Mrt.: Engels GRAAD 10 Maandag, 5 Feb.: Geografie Dinsdag, 6 Feb.: Afrikaans Donderdag, 8 Feb.: Engels Maandag, 12 Feb.: Toerisme Dinsdag, 13 Feb.: Wiskunde Donderdag, 15 Feb.: IT Maandag, 19 Feb.: Dramatiese kuns Dinsdag, 20 Feb.: Geskiedenis Donderdag, 22 Feb.: Geografie Maandag, 26 Feb.: Duits Dinsdag, 27 Feb.: Besigheidstudie Donderdag, 1 Mrt.: LW Maandag, 5 Mrt.: Frans Dinsdag, 6 Mrt.: Rekeningkunde Donderdag, 8 Mrt.: RTT Maandag, 12 Mrt.: Gasvryheid Dinsdag, 13 Mrt.: FW Donderdag, 15 Mrt.: IGO Maandag, 19 Mrt.: Visuele kuns Dinsdag, 20 Mrt.: Wiskunde Donderdag, 22 Mrt.: Ekonomie Maandag, 26 Mrt.: Afrikaans GRAAD 11 Dinsdag, 6 Feb.: Wiskunde Donderdag, 8 Feb.: Engels Dinsdag, 13 Feb.: Afrikaans Donderdag, 15 Feb.: Geografie/ Musiek Dinsdag, 20 Feb.: Besigheidstudie/ Duits Donderdag, 22 Feb.: IGO Dinsdag, 27 Feb.: Ekonomie/Visuele kuns Donderdag, 1 Mrt.: FW Dinsdag, 6 Mrt.: Wiskunde Donderdag, 8 Mrt.: IT/ Gasvryheidstudie Dinsdag, 13 Mrt.: Rekeningkunde/ Dramatiese kuns Donderdag, 15 Mrt.: Geskiedenis/ Toerisme Maandag, 19 Mrt.: Geografie Dinsdag, 20 Mrt.: LW Donderdag, 22 Mrt.: RTT/Frans Maandag, 26 Mrt.: Engels GRAAD 12 Maandag, 5 Feb.: Musiek Dinsdag, 6 Feb.: Wiskunde Donderdag, 8 Feb.: Afrikaans Maandag, 12 Feb.: Geskiedenis/ Gasvryheidstudie Dinsdag, 13 Feb.: Engels Donderdag, 15 Feb.: Geografie Dinsdag, 20 Feb.: Rekeningkunde/ Musiek Donderdag, 22 Feb.: IGO/Frans Dinsdag, 27 Feb.: Visuele kuns Donderdag, 1 Mrt.: FW Dinsdag, 6 Mrt.: Wiskunde Donderdag, 8 Mrt.: Ekonomie/Duits Maandag, 12 Mrt.: Geografie Dinsdag, 13 Mrt.: LW Donderdag, 15 Mrt.: RTT/ Dramatiese kuns Dinsdag, 20 Mrt.: Besigheidstudie Donderdag, 22 Mrt.: Toerisme/IT Maandag, 26 Mrt.: Afrikaans Ons topmatriek van 2017, Michàel van Schalkwyk, moes hierdie jaar nog een maal sy skooluniform aantrek om die skool te gaan verteenwoordig. Hy is uitgenooi deur die burgemeester van Tshwane, mnr. Solly Msimanga, om die Stad van Tshwane se akademiese prysuitdelingsfunksie by te woon. Tydens hierdie spoggeleentheid is Michàel aangewys as een van die top 5 Tshwane-leerders en het R5 000 ontvang om by te dra tot sy studies - hy is ingeskryf vir B.Com Rek by TUKS. Ons beste wense vergesel hom. Die Premier Hockey League (PHL)- toernooi is die grootste hokkietoernooi in die land en het vanaf 25 November 2017 tot 12 Desember 2017 plaasgevind op Randburg se astro, The home of hockey, in Johannesbug. Die Hoërskool Menlopark het gespog met drie afrigters by dié toernooi waar die land se topspelers en -afrigters kragte meet. Die PHL is ook op Supersport gebeeldsend. Warren Sangster, die Menloakademiehoof van hokkie het die Wineland Wings-span aangevoer, mnr. Inky Zondi, wat die afrigting van Menlo-doelwagters behartig, was in beheer van die St Lucia Lakers-span en mnr. Nelson Komane Nel, afrigter van die Menlo o/16ameisiehokkiepan, het bewys wat in hom steek toe sy span, die Orange Rafters, as wenspan uit die stryd getree het.

6 Ons verwelkom graag ʼn paar nuwe personeellede by die Menlo-familie in Hulle het sonder aarseling ingeval by die Menlo-ritme en nog nie kans gehad om terug te kyk nie! Me. Lelanie van Wyk skakel in by Entrepreneuriese Wetenskappe en LO vir graad 8 s, me. Marize van Zyl gaan IGO aanbied, me. Nataly Rabe bied netbal as keusevak aan en mnr. Dirk Odendaal staan gereed om die sportmanne te help met kondisionering. Die Afrikaans-departement is absolut slaggereed vir aksie: Mnr. Corné van Wyk is reeds poëties oor die Afrikaans hier by Menlo en is saam met mnr. Leon Verster verantwoordelik vir die uitbrei van die graad 8- en 9-leerders se leesvaardighede, terwyl me. Elmarie Wentzel sorg dat sake verder klopdisselboom gaan verloop in hierdie departement. As daar nou een GEES sinoniem met Menlo is, dan is dit die besondere spangees wat hier heers. Tydens die pas afgelope interhuisbyeenkoms het Menloparkers elke Pretorianer binne ʼn 10km-radius vanaf die skool, hard en duidelik ingelig hoe die jêmblikke en visblikke in 2018 daaruit sien. Die dirigente van die onderskeie spanne het seker gemaak hulle bring alles tot ʼn stilstand en oorrompel elkeen op die pawiljoen én op die veld met entoesiasme, toewyding en GEES. Baie geluk aan die vier spanne wat die hele dag lank mekaar die stryd aangesê het om die atlete aan te moedig om selfs nog harder te werk om hulle allerbeste te gee. Die ystermanne en -vroue, asook ʼn koshuisspan, wat aan ten minste 10 items deelgeneem het, het gesorg dat die gees op die veld en die pawiljoen enduit vol pret, vreugde en baie vasbyt gebly het! Atletiek uit die boonste rakke is deur almal geniet en die GEES het tot laataand ʼn knop in elke keel laat opskiet. Menlo het die GEES ʼn ja man ja! Baie geluk aan die volgende GEESkampioene: Dirigente-span van die jaar: Milete, Beste opkoms: Spartane, GEESbeker-wenners: Atheners, Beste seunsdirigent: Dewald Pienaar, Beste meisiesdirigent: Lucy Strydom. Klik hier om die absolut GEES-hoogtepunt en Menlo-tradisie, die kreet, Tiho (foto regs), saam met ons te geniet!

7 Op Vrydag, 19 Januarie 2018 het Die Hoërskool Menlopark met rekordspoed uit sy wegspringblokke getrek tydens die jaarlikse interhuisbyeenkoms! Puik weersomstandighede, groot hoeveelhede toeskouers uit ouergeledere sowel as oud-parkies het bygedra tot ʼn onvergeetlike byeenkoms. Die 2018 graadagtgroep het ons verras met ʼn verstommende gees en pragtige uitslae op die baan en veld. Ons is baie opgewonde oor die volgende vyf jaar saam met julle op Menlo-bodem. n Allemintige 18 rekords het gespat, waarvan die oudste rekord, die dogters o/19-spiesgooirekord is, wat in 1982 opgestel was geluk aan Chanté Ferreira. TIHO so laat in die aand, onder die leiding van die hees stem van Dewald Pienaar (ook n rekordbreker in die gewigstoot), was weereens n onbeskryflike belewenis en ʼn perfekte manier om ʼn aand propvol gees mee af te sluit. Baie geluk aan die TROJANE wat as die interhuiswenners aangewys is - julle verdien inderdaad die DR ROBEY JOYCE-interhuistrofee. Die volgende baanrekords spat, met die ou rekord in hakies: S16 4 x 100m aflos, Spartane: 46.1sek (46,8sek) S17 110m hekkies, Nsuku Baloyi: 14.4sek (14.6sek) D m, Kirsti Bell: 10:58.0 min (12:44.2min) D m, Jéanni Labuschagne: 10:59.9min (11:45.7min) S19 400m, Paul Roos: 50.6sek (50.7sek) S m, Stian van Greunen: 10:32.3min (11:04.1min) Nuwe rekords in velditems, met vorige rekord in hakies: D14 gewigstoot, Wilmari Calitz: 12.27m (11.5m) S14 gewigstoot, Deacon du Preez: 16.34m (16.25m) D19 spiesgooi, Chante Ferreira: 46.09m (41.76m) D16 diskusgooi, Belinda Jv Rensburg: 39m (37.7m) D14 diskusgooi, Lesedi Khunou: 35.9m (33.6m) S17 spiesgooi, Stephan Kruger: 63.61m (63.48m) D17 driesprong, Renate Labuschagne: 10.43m (10.16m) S17 verspring, Ju-an Mellet: 6.56m (6.53m) S19 gewigstoot, Dewald Pienaar: 14.01m (13.93m) S17 gewigstoot, Lohan Potgieter: 18.45m (14.79m) S17 diskusgooi, Lohan Potgieter: 53.14m (44.69m) S16 spiesgooi, Wybri Thuynsma: 55.39m (54m) S15 hoogspring, Zander Wolmarans: 1.78m (1.76m) Die finale puntestand: Trojane (3709), Spartane (3176), Atheners (2795) en Milete (2486). Trofeëwenners: Lynette Beyers trofee vir dogtersnaellope: Mila Compaan Sarel Lizamore trofee vir seunsnaellope: Quinton Pennels Karen Kruger trofee vir hekkiesatleet (dogters): Mila Compaan Sasol trofee vir hekkiesatleet (seuns): Reinardt Strauss Anna Vosloo trofee vir beste dogters middelafstandatleet: Carla van Wyk Eugene Louw trofee vir beste seuns middelafstandatleet: Paul Roos Altius trofee vir hoogspring (seun/dogter): Zander Wolmarans Sasol trofee vir versping/hoogspring/driesprong: Mila Compaan Christo Stander trofee vir diskusgooi (seun/dogter): Deacon du Preez Elsophi Snyman trofee vir gewigstoot (seun/dogter): Lohan Potgieter Petite wisseltrofee vir spiesgooi (seun/dogter): Stephan Kruger Olympus trofee vir beste veldatleet (seun/dogter): Deacon du Preez Van Heerden trofee vir beste prestasie vir seunsatleet: Deacon du Preez Victrix en Victor Ludorum toekennings (ABSA-punte van drie items bymekaar getel): Junior Victrix Ludorum (AW Otter trofee): Mila Compaan ABSA-punte Junior Victor Ludorum (Regter WG Boshoff trofee): Deacon du Preez ABSA-punte Senior Victrix Ludorum (SP Basson trofee): Belinda Janse van Rensburg ABSA-punte Senior Victor Ludorum (Dr. PJ Klopper trofee): Lohan Potgieter ABSA-punte

8 Ons gee graag erkenning aan die volgende atlete wat aan die einde van verlede jaar spogtoekennings ontvang het: Lyndi Roelofse word aangewys as die Most promising Junior athlete of the year vir Sentraal Gauteng Atletiek 2017 Dylan Coetzee kraai koning in die 300m hekkies met ʼn wentyd van 38,87 sekondes asook die 100m hekkies in ʼn rekordtyd van 13,13 sekondes, tydens die Interprovinsiale kampioenskappe op Pilditch. Mila Compaan eindig in ʼn pragtige 5de plek met haar verspringitem en ʼn welverdiende 7de plek in die 90m hekkies, ook tydens die Interprovinsiale kampioenskappe. Wian van Nierkerk se 8ste plek in die 1500m is noemenswaardig by bovermelde kampioenskappe. Welgedaan aan hierdie atlete wat op die hoogste vlak presteer! Absolut 2018 graad 8! Die matriekraad van 2018 het al van verlede jaar af hard gewerk om seker te maak dat elke grootoog graadaggie hartlik en op ʼn absolut hoë noot verwelkom word by die skool. Op Dinsdagoggend, 16 Januarie, douvoordag, was alles slaggereed om die pad vir die nuwelinge aan te dui deur voor te stap én saam te speel. Die graad 8-dag het bestaan uit ʼn amazing race waar die skool verken en leer ken is. Daarna is die kleurvolle groep uitgedaag om ʼn hegte eenheid te vorm deur span- en klasuitdagings. Die dag het geëindig met roomys by die swembad waarna Menlo-liedjies aangeleer is, om seker te maak elkeen gaan huis toe met ʼn lied in die hart. Op Woensdag, 17 Januarie is die graad 8-atletiekbyeenkoms aangebied en die matriekraad en die graad 8 s het al so ʼn klein bietjie moeër gelyk, maar daar is tog met oorgawe deelgeneem en elke graad 8-leerder kon kyk hoe ver, vinnig en hoog elkeen homself kon uitdaag. Die matriekraad het as beamptes en afsitters opgetree en terselfdertyd elke aggie aangemoedig en gemotiveer. Nog was dit nie die einde van die week se graad 8-avontuur nie! Na afloop van die interhuis, waar die graad 8 s vir die eerste keer kon kennis maak met die impak van die Menlo-gees, was elkeen op sy/haar pos vir die graad 8-swemgala op Saterdagoggend, 20 Januarie. Daar is behoorlik geswem dat dit spat en die matriekraad was gereed om enige enkeling of drenkeling dadelik van raad, daad en opblaasbote te voorsien. Alhoewel 50 meter vir sommiges effens verder was as wat hulle verwag het, het elkeen sy bes probeer en met groot gees deelgeneem. Ons wens elke graad 8-leerder geluk met die wonderlike manier waarop hulle ingeskakel het. Baie dankie aan die matriekraad wat met soveel deernis, tyd en moeite die graad 8 s laat welkom voel het. Graad 8 s, mag julle hierdie herinneringe koester tot wanneer julle in matriek die 2022 graad 8 s kan verwelkom.

9 Menlo-swem laat spat met ʼn vrolikheid en entoesiasme wat ʼn mens nie sommer elders teëkom nie. Tydens die sweminterhuis wat op Dinsdag, 23 Januarie plaasgevind het, is daar 142 keer aangetree om in die Menlo-blou water in te duik. Die dirigente en die graad 8-ondersteuners het elke swemmer aangemoedig sodat selfs die deelnemers vir wie die 50 meter skielik baie lank geword het, ekstra krag gekry het! Baie dankie aan elke swemmer, ondersteuner, afrigter en onderwyser wat seker gemaak het Menlo-swem is waarlik uitspattig! Die volgende rekords spat - die vorige rekordhouer in hakies: S16 100m-borsslag, Wian Smit: 1:11,7min (2012, Bryan Gray) S17 50m-vlinderslag, Bernard Becker: 26,29sek (2011, Jonathan v d Merwe) S17 50m-vryslag, Bernard Becker: 24,83sek (2011, Jonathan v d Merwe) S17 50m-rugslag, Bernard Becker: 28,62sek (2015, Martin du Toit) S17 100m-borsslag, Andrew Ross: 1:10,86min (2013, Bryan Gray) S17 50m-borsslag, Andrew Ross: 31,88sek (2013, Bryan Gray) S17 100m-vryslag, Andrew Ross: 54,29sek (2015, Tiaan Fourie) S17 100m-rugslag, Andrew Ross: 1:03,37min (2013, Bryan Gray) S19 200m-indiv. wisselslag, Andrew Ross: 2:13,36min (2015, Rudo Loock) Finale puntestand vir die spankompetisie: Atheners (2015), Milete (1693), Spartane (1661) en Trojane (1503). Victrix en Victor Ludorum-toekennings: Junior Victrix Ludorum: Tayla Jonker (o/14); Junior Victor Ludorum: Maritz Grobler (o/15); Senior Victrix Ludorum: Michée van Rooyen (o/19) en Senior Victor Ludorum: Andrew Ross (o/17). Om by Menlo-swem betrokke te raak, kontak gerus die volgende ouers: Ida Smit ( /idasmit@mweb.co.za), Janet Becker ( / j.becker@saspine.co.za) of Karin Lategan ( /karin@kmllaw.co.za. Ons is baie trots op die volgende Menlo-skaakmeesters wat uitgeblink het met hulle breinkrag! Leri Botha (graad 9), Donald Oosthuizen (graad 11) en Barend van Dyk (graad 11) het aan die einde van 2017 provinsiale kleure in skaak verwerf en aan die begin van 2018 deelgeneem aan die Suid- Afrikaanse Junior Span Skaakkampioenskappe in Johannesburg. Na afloop van sewe strawwe rondtes, het hierdie Parkies bewys dat hulle breinkrag steeds baie sterk is na afloop van die Desember son-en-see vakansie! Leri Botha: Sy vorm deel van Tshwane se o/16a-span (bord 6) wat goud wen in die gekombineerde o/16 en o/20-meisiesafdeling. Leri wen ook die individuele bordprys by bord 6. Donald Oosthuizen: Donald neem deel in die Tshwane o/18b-span wat silwer wen by hierdie toernooi! Barend van Dyk: Barend het ook meegeding in die Tswane o/18b-span wat die silwermedalje wegraap en stap weg met die individuele bordprys by bord 10. Leri het vanaf 9-12 Januarie ook meegeding in die o/16 Wildcard -toernooi waar sy in die sesde plek eindig en deurdring na die Suid-Afrikaanse Geslote Skaakkampioenskappe wat in April 2018 plaasvind. Na afloop van hierdie kompetisie, word die nasionale skaakspanne gekies wat Suid-Afrika gedurende die res van die jaar by internasionale skaakgebeure sal verteenwoordig.

10 KOOR SING IN HARMONIE Wat ʼn ongelooflike voorreg was dit nie om Sondagmiddag op kyknet ons koor se harmonieuse oorwinning op televisie gade te slaan nie! Weereens baie geluk aan die Menlo-engele wat so nootvas die nuwe koorjaar afgeskop het! KOORDATUMS VIR KWARTAAL 1 ʼn Baie opwindende koorjaar wink vir ons met die World Choir Games wat hierdie jaar in SA plaasvind - klik hier vir die koor se oefendatums vir die eerste kwartaal. KOORKAMP 2018 Eric Whitacre, een van die jong generasie klassieke komponiste, dirigent en Grammy-wenner is die grondlegger van n virtuele koor wat sangers oor 110 verskillende lande verenig in koorsang. Sy rede: I don t know if it is a spiritual, physiological or psychological phenomenon, but I believe now more than ever that singing is a universal, built-in mechanism designed to cultivate empathy and compassion. ʼn Ieder en elk wat al met ons Menlo-koor kennis gemaak het, sal saamstem met bovermelde aanhaling. Om egter deurgaans die hoë standaard waaraan ons koor ons gewoond gemaak het te handhaaf, verg baie harde werk en die 2018-koor het hulle jaar afgeskop met die jaarlikse koorkamp by die Wag-ʼn-Bietjie kampterrein. Koorlede het hierdie jaar die musiek reeds by die huis ingestudeer en volgens juffrou Jeanmari het dit baie tyd gespaar en kon hulle van die begin af konsentreer op fyn afronding en tegniek. Nuwe lede is met allerlei spanbouaktiwiteite en tradisies verwelkom en almal was dit eens dat die lekker kos, die klipharde oefensessies en die konsert alles bygedra het tot ʼn onvergeetlike kamp. Baie sterkte aan die koor, ons kan nie wag om te hoor met watter note julle ons hierdie jaar gaan bekoor nie! PRESTIGE KULTUURAAND: 20 FEBRUARIE 2018 IN DIE ATTERBURYTEATER Leerders moet onthou dat die toekenning van kleure en erekleure tydens bovermelde geleentheid plaasvind. Let wel dat die sluitingsdatum vir inhandiging van die vorms (waarop prestasies ingevul word om kleure/erekleure te bepaal) asook die relevante sertifikate, reeds op 12 Februarie is. Vorms is beskikbaar op die webtuiste (klik hier) onder DOKUMENTE en by me. Van Papendorp. Volledig voltooide vorms vir musiek en dans word by me. Van Papendorp (musieksentrum) ingehandig en die vorms vir drama by me. Van Blerk (Blouteater). Die 2018-muurbaljaar het reeds op Saterdag 20 Januarie 2018 afgeskop toe n aantal oud-parkies, MMA se huidige eerstespanne uitgedaag het vir n paar kragmetings op die skool se muurbalbane. Alhoewel hierdie oud-parkies waarskynlik vir ʼn rukkie langer as die jongeres nog gaan styf voel van al die rondhardloop, was daar geen fout te vind met hulle tegniek nie. n Paar van hierdie gesoute spelers was lede van die span wat die Nasionale Top Skole kompetisie n paar jaar gelede gewen het! Alle belangstellendes word uitgenooi om n draai by die muurbalbane te kom maak.

11 STOEIERS VAN FORMAAT Absolut geluk aan die volgende graad 10-leerders wat deur die jaar spoggerige stoeiprestasies agter hulle name geskryf het: Niel du Toit: Gouemedaljes by die NG Vrystyl Jeugkampioenskappe, die NG Grieks-Romeinse Jeugkampioenskappe en die NG Vrystyl Presidente Kampioenskappe. Hy spog met silwermedaljes by die NG Presidente Grieks-Romeinse Kampioenskappe, die SA Vrystyl Kadetkampioenskappe en ʼn 2de plek tydens die SA Grieks- Romeinse Kadetproewe. Niel verwerf ook twee bronsmedaljes tydens die SA Vrystyl Presidente en SA Grieks- Romeinse Presidente kampioenskappe. Hierdie jong man ontvang ook NGS kleure (Wit skild en Ligblou skild) en neem deel aan die NGS-toer na die VSA. Leon Myburgh: Leon spog met die volgende gouemedaljes om sy nek - NG Vrystyl Jeugkampioenskappe, NG Vrystyl Presidente kampioenskappe, SA Vrystyl Jeugkampioenskappe, SA Vrystyl Kadetkampioenskappe en SA Grieks-Romeinse Kadetkampioenskappe. Hy behaal silwermedaljes by die NG Grieks-Romeinse Jeugkampioenskappe en ʼn 2de plek by die SA Vrystyl Kadetproewe. Tydens die Noordvaal-liga is sy span, die Bulls-span, die wenners en by die SA Vrystyl Presidente kampioenskappe verwerf hy ʼn bronsmedalje. Hierdie kranige stoeier ontvang ook sy NGS kleure (Ligblou skild). Baie geluk met jou uitnodiging om aan die Cadet Continental Wrestling Championships in Nigerië deel te neem in Februarie - ons hou duimvas! Tade Sinovich: Tade neem deel aan die NG Vrystyl Jeugkampioenskappe, verwerf ʼn silwermedalje tydens die NG Vrystyl Presidente kampioenskappe en hang ook ʼn bronsmedalje om sy nek tydens die SA Vrystyl Kadetkampioenskappe. Hy verwerf ook sy NGS-kleure (Ligblou skild). PIETER BEKOOR INTERNASIONAAL Pieter Louw het in Desember 2017 aan die internasionale talentkompetisie, Shine, in Amerika deelgeneem. Hierdie graad 10 Menlo-akteur en saksofoonspeler het tussen 500 deelnemers een van drie beurse vir graadstudies naskool by die New York Film Academy, gewen. Absolut applous en baie geluk! MENLO-AFRIKAANS IS TOPS Die uitslae van die Junior Afrikaans Olimpiade aan die einde van verlede jaar bevestig die feit dat Afrikaans ons leerders na aan die hart lê: Agt Parkies eindig onder die top 10 in Gauteng; 14 van ons leerders eindig nasionaal in die top 100; Heleen Wagner (graad 10) beklee die derde posisie in Gauteng en eindig in die gesamentlike vierde plek nasionaal; Lize Bekker (graad 10), Danielle Greyling (graad 10) en Miecke Pretorius (graad 10) hou Menlo se naam hoog met hulle gesamentlike sewende posisie in Gauteng en agste posisie nasionaal. Absolut Afrikaans! Menlo, vlugvoetig en vaardig voor seisoen Menlo-netbal is reeds fluks aan die oefen en ons bevestig graag die tye vir die voorseisoen vaardigheidsessies vir nie-atlete. Enige voornemende netbalmeisie wat nie aan atletiek deelneem nie, is welkom om by hierdie sessies in te skakel op Maandae en Woensdae vanaf 14:30 tot 16:00 (juniors) en 16:00 tot 17:30 (seniors). Menlo lig en rol in Dubai Dubai in Desember, het vir drie van die Menlo 2017-eerstespan netbalmeisies bewaarheid geword toe Claudia Jarrard, Rolene Streutker en Chanel Vrey aan die Dubai Netbal sewestoernooi deelgeneem het as deel van die Tigers-span. Onder die bekwame leiding van me. Nataly Rabe (sy het onlangs deel van die Menlo-netbalfamilie geword as afrigter), maak hierdie dames nie net hulle internasionale buiging nie, maar keer huiswaarts met gouemedaljes! Baie geluk - ons is trots op elkeen van julle! LET WEL: Netbalouers word vriendelik uitgenooi na die ouerinligtingsvergadering op Donderdag, 1 Februarie om 18:00 in die Ouditorium.

12 Menlo-krieketmanne het die nuwe jaar ingekolf met die volgende puik uitslae: Menlopark 1ste XI vs Centurion 1ste XI Menlo 172 almal uit (Stephan Kruger 82, Jaco Lange 41) Centurion 133 almal uit (Sebastian van Rooyen 4/27, Markus Kotzee 3/18) Menlo wen met 39 lopies! Menlopark o/15a vs Centurion o/15a Menlo 315/6 (Christiaan Daniels 131) Centurion 188 almal uit (Justin Fourie 3/34, Kenneth Byrd 5/44) Menlo wen met 127 lopies! Menlopark o/15a vs St Stithians o/15a Menlo 177/2 (Christiaan Daniels 104*) St Stithians 116/5 (Justin Fourie 2/13) Menlo wen met 61 lopies! Menlopark 1ste XI vs St Stithians 1ste XI Menlo 145/7 (Tristan Jansen van Rensburg 42, Stephan Kruger 21) St Stithians 125/7 (JT Richards 2/21, Sebastian van Rooyen 2/19) Menlo wen met 20 lopies! Menlopark 2de XI vs Garsfontein 2de XI Menlo 254/4 (Wybri Thuynsma 106, Luan Burger 69) Garsfontein 223/6 (Milahn Martin 2/33) Menlo wen met 31 lopies! Menlopark o/15b vs St Stithians o/15b St Stithians 87/7 (Déan Trytsman 2/11, Gerard Schreuder 2/17) Menlo 88/1 (Heinrich van Loggerenberg 58*) Menlo wen met 9 paaltjies! Menlopark o/14b vs St Stithians o/14b Menlo 108/7 (Edwin van Vuuren 32) St Stithians 110/2 (Zanmar Pretorius 1/17, Jaden Smith 1/22) St. Stithians wen met 8 paaltjies. Menlopark o/14b vs Midstream o/14b Midstream 73 almal uit (Stephan van Dyk 3/8) Menlo 74/3 (Edwin van Vuuren 22*) Menlo wen met 7 paaltjies! Menlopark o/14a vs Prestige College o/14a Menlo 225/4 (Dennis McDonald 51, Duan St Arnaud 51) Prestige 8/2 Wedstryd afgelas weens reën. Menlopark o/14a vs St Stithians o/14a St Stithians 209/9 (Willie Louw 2/16, Duan St Arnaud 2/22) Menlo 200/6 (Hendré du Toit 72, Waldo Meintjies 37*) St Stithians wen met 9 lopies. Klik hier vir die krieketseisoen se bepalings.

13 INPAK MET IMPAK Die jaarlikse IMPAKKIE-projek van die Omgeekomitee van die Parkieraad het weereens n groot IMPAK op n klomp kinders se lewens gemaak. Verlede jaar se projek, onder leiding van Anet-Marie Cloete (voorsitter van die Omgeekomitee), het afgeskop aan die begin van die vierde kwartaal met pakkies wat opgemaak is vir sewe kinders van die Ubuntu-huis in Rietfontein asook vir ses-en-dertig kinders van Westerlig kleuterskool in Danville. Op Vrydag, 17 November 2017 is die projek afgesluit met twintig Parkies (en Kersvader) wat vir Westerlig Kleuterskool gaan kuier het. Daar het Kersvader (alias Marno) die pakkies aan opgewonde kinders uitgedeel en het die Parkies gespeel, gesiggies geverf, gesels en hierdie kinders se lewens verryk, soos net n Parkie kan. Die Omgeekomitee bedank graag elkeen wat n bydrae gemaak het om hierdie projek n sukses te maak. In die besonder ook n warm dankie aan me. Annelize Rademeyer vir haar moeite en mnr. Louis en me. Ester Cloete wat gehelp het om die Parkies te vervoer na Westerlig Kleuterskool. EENSLAAPKAMERWOONSTEL TE HUUR R 4800 per maand (water ingesluit). Loopafstand van Die Hoërskool Menlopark. Enkelpersoon, nie-roker. Geen troeteldiere. KONTAK: Elise du Plessis: Sms of skakel asb na 17:00. HUISVESTING VIR ATLETE BENODIG Donderdagaand, 1 Februarie 2018 Kom ons deel die Menlo-omgee! Kontak: Chantal Griessel-du Plooy chantal.griessel@menlopark.co.za

14