29/2017. Fig 2: Die huidige wapen In 1968 deur die Buro vir Heraldiek geregistreer. Die duif onderaan is weggelaat en met n lourierkrans vervang.

Transcription

1 29/2017 Liewe Ouers Met die besoek van ons matrikulante, het ons die geleentheid gehad om dít wat ons elke dag sommer as vanselfsprekend aanvaar van nuut af te beskou, te oordink en te waardeer. Wanneer ʼn mens van tyd tot tyd die verlede in oënskou neem, verbreed dit jou visie en insig vir die toekoms. Waar jy vandaan kom gee rigting aan jou reis, bepaal jou eindbestemming asook hoe jy daar gaan uitkom. Ons skool se wapen en die simboliek daarvan, het nog altyd die pas aangegee by Die Hoërskool Menlopark. Ek deel graag die volgende kosbare inligting van Louise le Roux (matrikulant van 1967), wat vir ons dít wat ons nog altyd beleef het, in perspektief stel. Deel gerus die beginpunt van ons ryke geskiedenis met ons: IN JANUARIE 1963 het die Menloparkse Hoërskool (soos dit toe bekendgestaan het), vir die eerste keer sy deure geopen toe n groep van 372 standerd ses-, sewe- en agt leerders hul intrek in 12 klaskamers in die nuwe skoolgebou geneem het. Die skool se 1967-matrikulante vier vanjaar (2017) hul 50ste reünie en bied graag, as trotse oud- Parkies, hierdie geskiedenis en agtergrond van die skool se wapen aan, as deel van die skool se erfenis. Die treffende wapen is op die Hugenote-kruis gebaseer. Soos die Hugenote-kruis, was daar met die eerste ontwerp n duif, wat die Heilige Gees simboliseer, onderaan die kruis. Toe die wapen egter in 1968 volgens wet deur die Buro vir Heraldiek geregistreer moes word, is die duif weggelaat omdat die wapen mét die duif te veel ooreengestem het met die Hugenote-kruis. Dit is nie heraldies aanvaarbaar om n bestaande embleem net so te gebruik nie. Die wapen is aangepas deur die duifie met n lourierkrans onder die kruis te vervang en dit is ook so geregistreer. Oorspronklik was die naam van die skool, Menloparkse Hoërskool - dit het ook verander na Die Hoërskool Menlopark wat vandag nog die skool onderskei. Simboliek Elke onderafdeling van die wapen het n bepaalde simboliese betekenis. Die sirkel waarbinne die wapen geplaas is, simboliseer, as die volmaakte vorm, die strewe na volmaaktheid, terwyl die kruis in die middel die Christelike geloof simboliseer. Die twee kleure, naamlik wit en blou, simboliseer respektiewelik reinheid van gedagtes en suiwerheid van ideale en die vier kruispunte wat elk in twee verdeel met agt kleiner sfere op die punte, simboliseer die agt saligsprekinge sowel as die agt ankers van die Hugenote se strewes. Die hartvormige kwadrante binne die kruis versinnebeeld die liefde soos verwoord in 1 Kor. 13:7. Met die keuse van n leuse vir die skool, het die destydse ouerbeheerraad gevra vir voorstelle van ouers. Ons inspirerende Latynse leuse, Excelsa Petamus, wat vrylik vertaal beteken streef die hoogste waardes na, was die voorstel van mnr. Dries Pretorius, die pa van Casper Pretorius, wat ook n oudleerling van die matriekgroep is. Dit bly ʼn voorreg om deel te wees van hierdie Menlo-kultuur wat vasgelê is toe die eerste leerders ons skoolterrein binnegestap het. Elke jaar wanneer ons graad 8 s hier verwelkom, loop hulle hierdie absolute trots, strewe en ingesteldheid raak en beweeg hulle vyf jaar later aan, om hulle plek in die samelewing te gaan vol staan. Parkies maak ʼn verskil deur wie hulle is, wat hulle doen en hoe hulle dinge aanpak. Met hulle wortels stewig geanker in die Menlo-manier, groei elkeen sonder perke. Excelsa Petamus. HANNALIZA FECHTER BEMARKING EN SKAKELING Fig 1: Die oorspronklike wapen Dit is vir die doeleindes van die 1967-matrikulante se 50ste reünie deur n grafiese kunstenaar herskep en die datums is bygevoeg. Fig 2: Die huidige wapen In 1968 deur die Buro vir Heraldiek geregistreer. Die duif onderaan is weggelaat en met n lourierkrans vervang.

2 Kom bid saam elke Donderdagoggend van ± 07:30 af in die sitkamer van die koshuis. Kontak gerus, Ma's wat Spreuke 4:20-27 (Die Boodskap): Jong vriend, luister baie mooi na wat ek vir jou sê. Spits jou ore vir my lewenswysheid. Vergeet dit nie n enkele oomblik nie. Hou jou oë altyd op die spreuke se lewensreëls. Dink heeltyd daaroor na. Wie dit sy eie maak, sal vreugde ervaar, soveel dat dit selfs sy liggaam beter sal laat voel. Wees versigtig wat jy dink. Jou denke kan jou lewe ingrypend beïnvloed. Vermy dom praatjies en glibberige woorde. Dink mooi na oor alles wat jy sien. Kyk na die goeie dinge van die lewe. Let mooi op hoe jy jou lewe inrig en kyk waarheen jy stap. Jou manier van leef bepaal jou geluk! 29/09 Skool sluit om 11:00 30/09 MATRIEKAFSKEID 02/10 Gholf: MGA-toer (tot 07/10) Gholf: Stryd vir Menlo-trofee finaal (tot 05/10) 09/10 Skool heropen/rokshow (Saal, 19:00 vir 19:30 - kaartjies by R90 pp) Muurbal: MMA-kampioenskappe begin 06/10 Fietsry: SPUR-skolereeks Nasionale kampioenskappe (tot 08/10 by Hoërskool Bekker in Magaliesburg) 12/10 Swem: Aflosgala/Krieket: BIG BASH, 17:30 13/10 Atletiek: Top 10 (Mookgopong) Muurbal: Tuks Hoërskole-toernooi (tot 15/10) 10/11 Gholf: Menlo-gholfdag by Silver Lakes ROKSHOW Onthou om jou kaartjie vir die ROKSHOW te koop! Dit is mos die spoggeleentheid waar ons aan die matrieks nog ʼn kans gun om op die loopplank te pronk in hulle matriekafskeidsvere! Dié glansryke geleentheid vind hierdie jaar op Maandagaand, 9 Oktober in die skoolsaal plaas om 19:00 vir 19:30. Moenie die kans misloop om die absolut asemrowende rokke, skoene en aandpakke van ons 2017-matrieks gade te slaan nie! Bespreek jou kaartjie by die R90 per persoon wat ligte verversings insluit. Koeldrank en water sal te koop aangebied word.

3 Superskool Dit was ʼn heerlike avontuur om die Menlodubbeldoorspan naamlik, Chris-Jasper Jooste, Jan- Harm van Helsdingen en Nine-Mari van Veijeren dop te hou in die Superskool-kompetisie op die kassie. Hulle moes met elke rondte, onder groot spanning, hulle beste lewer om die ander spanne in interessante uitdagings aan te vat en te probeer uitoorlê. Baie geluk aan hierdie superspan wat gesorg het dat Die Hoërskool Menlopark gekroon is as die Superskoolwenners - ons is supertrots op elkeen van julle. Menlopark het in die finaal teen Hoër Meisieskool Bloemhof geseëvier. Baie dankie ook aan me. Yolanda Swanepoel wat hierdie span begelei en vergesel het. Benewens die supertitel, het die slimkoppe ʼn aansienlik kontantprys vir die skool losgeslaan, vier eksemplare van die nuwe Afrikaanse Woordelys en Spelreëls, n Pharos-woordeboekstel en Via Afrikahandboeke ter waarde van R30 000! Noodhulp Dit was weer ʼn bésige kwartaal aan die noodhulpfront! Vier-en-twintig leerders het die afgelope week hulle noodhulpopleiding voltooi, wat aangebied is deur Sportmed (geaffilieer by LIFEmed). Die Menlo-kursusgangers het geleer hoe om arms te spalk, bloeding te stop, mond-tot-mond asemhaling te gee en kardiopulmonêre resussitasie (CPR) toe te pas. Daar was ook geleentheid vir lig'hart'ige oomblikke voordat daar skouer aan die wiel gesit is met die opleiding - humor is inderdaad n voorskrif wat daagliks in groot dosisse benodig word! ʼn Leerder vertel pittig van die Engelse dame wat ʼn algemene praktisyn besoek het om raad in te win oor haar dogter se vreemde eetgewoontes: "Doctor, all day long my daughter just lies in bed and eats yeast and car wax. What will happen to her? Eventually" said the doctor, "she will rise and shine". Baie geluk aan die volgende leerders en personeellede, wat hulle noodhulpopleiding suksesvol voltooi het: Rolene Streutker, Marinique Smit, Nadine Marais, Erica Naude, Stephanie Botha, Lara Crous, Retha Cloete, Duné Streutker, Bianca le Grange, Aluscka Lorist, Kayla van Loggerenberg, Marli Herselman, Abigail Erasmus, Hanrie Louw, Stephanie Foord, Julianna Venter, Nadine Rivas, Lara du Plessis, Carissa Keymer, Sarina Roux, Vianca Hattingh, Alex van Rooyen, Keean Verster en Mikyla Nel. Ons het verlede week berig oor Leri Botha (graad 8) wat gekies is om die Tshwane o/16a-span te verteenwoordig by die SA Junior Skaakkampioenskappe wat plaasvind vanaf 3 tot 8 Januarie Dieselfde eer het nog twee graad 10 Menlo-skaakspelers te beurt geval. Baie geluk aan Donald Oosthuizen (o/18b) en Barend van Dyk (o/18c) wat hulle onderskeie spanne gaan versterk - mag julle sonder huiwering die regte skuiwe in julle onderskeie skaakoorloë bewerkstellig!

4 Die Menlo-koor het hierdie naweek aan die finaal van KykNet se Sing in Harmonie - koorkompetisie vir hoërskole gaan deelneem. Dit was ʼn ongelooflike belewenis om in die reuse Dome-fasiliteit by die Silverstar Casino teen ander topkore mee te ding onder die wakende oog van televisiekameras en kolligte. Ons koor het hulle uitmuntend van hulle taak gekwyt en as nasionale kampioene van die verhoog afgestap! Die gehoor en die beoordelaars is nie net betower deur die gehalte van ons koorsang nie, maar die manier waarop die verhoog lewe kry wanneer ons glimlaggende, blinkoog passievolle koorlede saamsing, was tasbaar en uit ʼn ander wêreld! Sing in Harmonie word in Desember op KykNet (kanaal 146) gebeeldsend en ons hou u op hoogte van die uitsendingskedule sodat u die musikale reis saam met ons kan beleef. Baie geluk aan me. Jeanmari van Papendorp en die Menloengele wat saam met me. Marelize Koch, telkens ʼn hemelse wenkombinasie bewerkstellig. Die Blouteater het verlede week gesorg vir dramatiese verrassings op die planke en gehore is bekoor met uitsonderlike optredes deur ons Menlo-dramagroepe. Die Menlo-show het die verhoog van die Atterburyteater elke aand laat vibreer met drama in duplikaat. Charlie and the Chocolate factory het elke aand die gordyn laat lig op dramatiese wyse - toneelspel uit die boonste rakke is deur ons absolut akteurs en aktrises gelewer en Willie Wonka het almal betower met sy unieke kwinkslae en prettige uitbeelding van die aweregse, eksentrieke sjokolademagnaat. Baie geluk aan elke leerder wat skooldrag vir kostuums verruil het en ure in repetisies spandeer het om waarlik ʼn vermaaklike produksie op die planke te bring. Na pouse is die gehoor bederf met absolut vermaak uit die kleurvolle wonderwêreld van die Menlo-sirkus! Die polsende energie en uitbundige passie van ons revue-maats was aansteeklik en die gehoor het behoorlik gesnak na hulle asems met elke sirkusitem. Hierdie revuegroep het tydens die langnaweek vir die eerste keer in Menlo-geskiedenis aan twee revuekompetisies deelgeneem: die SA-revuekompetisie in Randburg, waar hulle in die finaal onder die top 4 skole geëindig het en die KykNet-revuekompetisie waar hulle deurgedring het na die semifinaal. Agter elke sukses op die verhoog, staan daar ʼn dramaqueen of twee agter die gordyn. Baie geluk aan me. Roché van Blerk, me. Elana Heyns, mnr. Eddie de Jager, die ouers en al die revueleerders met uitsonderlike vasbyt, harde werk en deelname sonder gelyke!

5 Op Vrydag, 22 September het die Menloatletiekspan deelgeneem aan die TUT Top 12 byeenkoms by die Pilditch-stadion in Pretoria. Die volgende punte is toegeken vir die onderskeie plekke behaal: 1ste plek: 28, 2de plek: 27, 3de plek: 26, 4de plek: 25, 5de plek: 24, 6de plek: 23, 7de plek: 22, 8ste plek: 21, 9de plek: 20, 10de plek: 19, 11de plek: 18 en 12de plek: 17. Ons atlete het op die bekende turf van Pilditch oudergewoonte puik prestasies gelewer en die algehele puntestand (eerste 12) aan die einde van die byeenkoms het soos volg daar uitgesien: Prestige College (2508) Die Hoërskool Menlopark (2299) Helpmekaar Kollege (2193) Hoërskool Noordheuwel (2035) Hoërskool Garsfontein (2007) Hoërskool Waterkloof (1724) Hoërskool Kempton Park (1593) Hoërskool Montana (1541) Hoërskool Klerksdorp (1477) Hoërskool Randburg (1438) Potchefstroom Gimnasium (1348) Afrikaans Hoër Meisieskool (1336) King Price Games Op Dinsdagmiddag het ons atletiekspan die voorreg gehad om in ʼn splinternuwe unieke formaat van atletiek mee te ding by die sportgronde van TUKS. Die LC de Villiers-stadion was die arena waar Menlo, Garsfontein, Kempton Park, Potch Gimmies, Helpmekaar, EG Jansen, Oos- Moot en Transvalia kragte gemeet het. Deel van die interessante reëls was dat die vyf velditems onder andere gesorg het vir ʼn gesamentlike spanpunt per ouderdom terwyl die baanitems in ʼn aflosformaat (gemengde ouderdomsgroepe, slegs meisies/seuns of albei) plaasgevind het. Dit het vir groot opwinding en prestasies gesorg! Menlo-atlete stap as die algehele wenners van die byeenkoms van die baan af met Helpmekaar in die 2de plek, Potch Gimmies in die 3de plek en Kempton Park in die 4de plek. Die toekenning as beste skool in die velditems en naaswenners met die baanitems, laat ons besonder trots en nederig van dankbaarheid. Absolut atletiek! Welgedaan aan die Menlo-gholfers wat soos volg in die semifinale van die onderskeie ligas presteer: B-liga: Menlo 3: 98; Menlo 4: 96 D-liga: Geen uitspele - Menlo eindig in die eersteplek C-liga: Midstream 2: 3; Menlo 6: 1 PBHS 6: 2½; Menlo 7: 1½

6 Sewes Die Noordvaal-sewes is verlede naweek op Menlo-bodem aangebied. Dit was ʼn uiters geslaagde toernooi wat deur elke toeskouer, afrigter en speler terdeë geniet is. Twee van ons spanne het deelgeneem. Die o/15 s het 3de geëindig en die o/17 s, vyfde. Baie dankie aan mnr. Manie Geldenhuys en sy span wat gesorg het dat hierdie geleentheid so uitsonderlik glad verloop het. Blou Bulle Sewespan by nasionale toernooi Baie geluk aan Bernard van der Linde en Nsuku Baloyi wat ingesluit is in die Blou Bulle se span wat aan die nasionale sewestoernooi in Kimberley vanaf September deelneem. Kranige krieketmanne kolf en keer dat die paaltjies kantel, met groot sukses op die kolfblad verlede week: Menlo o/14c vs Waterkloof o/14c Waterkloof 44 almal uit (Wian de Klerk 5/3, Zak Lemue 2/14) Menlo 45/1 Menlo wen met 9 paaltjies! Menlo o/14a vs Garsfontein o/14a Garsfontein 235/8 (Justin Fourie 3/44, Craig Hasenjager 3/31) Menlo 236/3 (Christiaan Daniels 105*, Kenneth Byrd 82) Menlo wen met 7 paaltjies! Menlo 1ste XI vs Garsfontein 1ste XI Menlo 294/7 (Dirk Thuynsma 87, Stephan Kruger 44, Jaco Britz 43) Garsfontein 206 almal uit (Nelis Daniels 2/13) Menlo wen met 88 lopies! Menlo 2de XI vs Affies 2de XI Menlo 274/7 (Luke Fleischhauer 100, Tiaan Lötter 35) Affies 209 almal uit (MW Theunissen 4/28) Meno wen met 65 lopies! Menlo 2de XI vs Garsfontein 2de XI Menlo 179 almal uit (Tiaan Lötter 38, MW Theunissen 26) Garsfontein 122 almal uit Menlo wen met 57 lopies! Menlo 3de XI vs Montana 2de XI Montana 244 almal uit (Kian Heuer 4/32) Menlo 222 almal uit (Dylan Pretorius 94) Montana wen met 22 lopies. BIG BASH! Dit is weer tyd vir die hoogtepunt op die krieketkalender - die BIG BASH T20 skouspel tussen Menlo en ons buurskool, die Klowe! Maak seker jy teken dit aan in jou dagboek en kom beleef hoe ons gees kan gons wanneer ons die walle rondom die krieketveld volpak. Hierdie is ʼn aand wat deur topkrieket, gesonde taai mededinging en sportmanskap uit die boonste rakke onder die Menlo-spreiligte, gekenmerk word. Sien jou daar!

7

8