Departement Universiteitsbetrekkinge. UP-handelsmerk en korporatiewe identiteit

Transcription

1 Departement Universiteitsbetrekkinge UP-handelsmerk en korporatiewe identiteit Dokumenttipe: Beleid Dokumentnommer: Rt 42/14 1 DOEL Die doel van hierdie beleid is om die ontwikkeling, gebruik en beskerming van die Universiteit van Pretoria se handelsmerk as 'n belangrike strategiese bate wat direk verband hou met die reputasie van die Universiteit te bestuur. Die doel van die beleid is om te verseker dat die personeel, studente, verskaffers, agentskappe en kontrakteurs en enige geaffilieerde entiteit van die Universiteit van Pretoria die handelsmerk en sy verskeie manifestasies oor die korporatiewe spektrum, fakulteite, sentrums, eenhede, filiale en projekte konsekwent en samehangend gebruik om die integriteit van die handelsmerk te handhaaf. Hierdie beleid definieer rolle, prosedures en reëls vir die Universiteit om te verseker dat die implementering, stroombelyning, beheer, bestuur en instandhouding van die handelsmerk as verteenwoordiger van die Universiteit se reputasie verantwoordelik gedoen word. 2 ORGANISATORIESE BESTEK ( VAN TOEPASSING OP ) Hierdie beleid is van toepassing op alle permanente en kontrakpersoneel, studente, agentskappe, verskaffers, kontrakteurs van die Universiteit van Pretoria en derde partye aan wie die reg toegestaan is om die Universiteit van Pretoria se handelsmerke te gebruik. Hierdie beleid is van toepassing op alle kommunikasie- en visuele materiaal, insluitend, maar nie beperk tot nie, alle vorme van media, gedrukte materiaal, aanlynaanbiedings, PowerPoint-aanbiedings, naamborde, klere, voertuie en kommunikasie en voorleggings geskep deur en vir alle administratiewe/steundiensdepartemente, fakulteite, akademiese departemente, sentrums, institute, studente-organisasies, sportstrukture en alumniverhoudings. Die ideaal is om deur die hele instelling 'n gevoel van eienaarskap en lojaliteit aan die Universiteit se simbole en slagspreuke te skep. Daar is net twee handelsmerke van die Universiteit van Pretoria wat op 'n logo toegelaat word Die Universiteit van Pretoria en TUKS. Die spektrum van die Universiteit van Pretoria se handelsmerkargitektuur maak voorsiening vir vier verskillende vlakke: die meesterhandelsmerk (Universiteit van Pretoria en Tuks), subhandelsmerke (sommige institute en sentrums), goedgekeurde handelsmerke (soos GIBS, hpc en ander institute en sentrums) en losstaande handelsmerke (byvoorbeeld die kampusmaatskappye) wat geen visuele assosiasie met die Universiteit het nie. Faktore soos reputasierisiko, die belyning van handelsmerke en die mate van befondsing sal bepaal waar 'n entiteit binne die spektrum van die handelsmerkargitektuur val. As fakulteite, departemente of programme pasgemaakte visuele of grafiese identifiseerders buite die handelsmerkargitektuur skep, is die resultaat verwatering en agteruitgang van die institusionele handelsmerkidentiteit. Dit lei tot openbare verwarring, minder vertroue van belanghebbendes en ondoeltreffende posisionering in die mark. Geen logo sal dus aan nuwe entiteite toegestaan word nie tensy die befondser, as die meerderheidsaandeelhouer, versoek dat 'n nuwe logo as deel van die onderhandelde

2 kontrak ontwikkel word. Uitsonderings op hierdie reël kan slegs deur die Hoofbestuur goedgekeur word. Selfs al is die Departement Universiteitsbetrekkinge (DUB) die algehele bewaarder van die handelsmerk, speel elke personeellid en student 'n belangrike rol in die koestering en ontwikkeling van die Universiteit se reputasie. As ons die handelsmerk konsekwent gebruik en alle belanghebbendes 'n konsekwente ervaring by die Universiteit het, sal dit tot voordeel van ons personeel, studente, alumni, ons vennote in die handel en nywerheid en ons finansiële vennote strek. DUB sal die algehele implementering van die handelsmerkriglyne koördineer en sal die gebruik van die handelsmerkelemente in alle fakulteite en steundiensdepartemente deurlopend moniteer. Die Kliëntedienssentrum is die opsigter oor kliëntegelykheid, die Universiteit se web- en intranetstandaarde en -riglyne en is gesamentlik verantwoordelik vir die sosiale media. Hierdie beleid het betrekking op die primêre elemente van 'n korporatiewe identiteit en sluit die volgende in, maar is nie daartoe beperk nie: korporatiewe ontwerp (insluitend die Universiteit se logo, simbole, geassosieerde lettersoort en grafika en die konsekwente manier waarop dit visueel op skryfbehoeftes, bemarkingsmateriaal, verpakking, ens gebruik word) korporatiewe kommunikasie (reklame, openbare verhoudinge, inligting, sosiale media, ens) die sigbare elemente (bv. die Universiteit se naam, soorte logo's, tekens, kantore, geboue, advertensies, voertuigadvertensie, verpakking, briefhoofde, besigheidskaartjies, ens) wat gebruik kan word om die Universiteit te identifiseer digitale ontwerp (die Universiteit se webwerf en intranet) Omdat die handelsmerk so belangrik is vir die Universiteit se identiteit en reputasie, sal die Universiteit die nodige stappe neem om te verseker dat dit konsekwent toegepas word in ooreenstemming met die riglyne vir korporatiewe identiteit om dit teen onbehoorlike of ongemagtigde gebruik te beskerm. Hierdie beleid stel die bestuur van die Universiteit se handelsmerk in staat om: a) die Universiteit van ander instellings te onderskei. ʼn Duidelike en goed gedefinieerde korporatiewe identiteit help die Universiteit om homself van ander te onderskei en om personeel en studente van ʼn hoë kaliber asook vennote in die handel en nywerheid te lok b) die Universiteit se handelsmerk konsekwent met sy operasionele visie en missie, teikenmarkte en alle nuwe ondernemings te verbind. Die handelsmerk kommunikeer die Universiteit se missie, strategiese rigting, waardes en unieke reputasie asook die aanloklikheid van die Universiteit se dienste en produkte vir belanghebbendes (waaronder voornemende en huidige studente en personeel, gegradueerdes, gemeenskappe, besighede, professies, vennote, agente, filiale en die regering) c) rigting aan te dui vir die gebruik van die Universiteit se handelsmerke, amptelike insignia, logo's en ander handelsmerkidentiteitbates Bladsy 2 van 11

3 d) voldoening aan die Universiteit se vereistes vir korporatiewe visuele identiteit deur die Universiteit se hele reeks entiteite en studenteverenigings te verseker e) alle beskikbare hulpbronne vir die bestuur van die handelsmerk te belyn om doeltreffendheid en impak te verbeter f) ʼn meganisme vir die monitering en hersiening van die handelsmerk, bemarkingstrategie en die korporatiewe kommunikasie en visuele identiteit te verskaf g) ʼn proses vir die hantering van onbehoorlike of ongemagtigde gebruik van die Universiteit van Pretoria se handelsmerk en korporatiewe identiteit te verskaf h) ʼn proses vir alle verskaffers en groepe te verskaf sodat hulle kunswerk goedgekeur kan word voor die produksie van enige handelsware 3 DEFINISIES/AFKORTINGS Bemarking: Die verskillende tegnieke wat gebruik word om verbruikers te lok en oorreed binne die konteks van die Universiteit (dit verwys na die werwing van studente, korporatiewe bemarking en na spesifieke belanghebbendes soos personeel, alumni, donateurs, die gemeenskap, media, ens). Digitale ontwerp: Verwys na webontwerp, digitale beeldvorming en 3D-modelleerwerk. Webontwerp sluit die volgende in: kodering, animasie, grafiese webontwerp, koppelvlakontwerp, multimediaprogrammatuur, waaronder gestandaardiseerde kodes en gepatenteerde sagteware, gebruikerservaringontwerp en ʼn verskeidenheid ander vaardighede. Gelukbringer: Enige persoon, dier of voorwerp wat glo geluk kan bring en sluit enigiets in wat gebruik word as verteenwoordiger van ʼn groep met ʼn algemene openbare identiteit soos ʼn skool, professionele sportspan, vereniging, militêre eenheid of handelsmerk. Handelsmerk: ʼn Soort intellektuele eiendom en tipies ʼn naam, woord, frase, logo, simbool, ontwerp, beeld of ʼn kombinasie van hierdie elemente. Terme soos identifiseerder, handelsmerk en logo word soms uitruilbaar met handelsmerk gebruik. Handelsmerk sluit egter ook enige toestel in wat in staat is om goedere en dienste van een onderneming van dié van ander te onderskei. By die Universiteit van Pretoria verwys ʼn handelsmerk na ʼn naam of handelsmerk wat met die Universiteit of sy produkte en aanbiedings verbind word. Dit sluit die gewenste emosionele en psigologiese verhouding van die Universiteit met sy interne en eksterne belanghebbendes in. Handelsmerkargitektuur: Die dissipline wat fokus op die struktuur van handelsname in ʼn organisasie en hulle verhouding met mekaar, die korporatiewe handelsmerk en die mense wat daagliks in aanraking met die handelsmerk kom. Bladsy 3 van 11

4 Handelsmerkbeeld: Die Universiteit van Pretoria se karakter en beeld, waaronder die Universiteit se naam en logo wat sy kultuur weerspieël en wat vir verskeie openbare groepe aangebied word. Hierdie beeld is ontwerp volgens die korporatiewe identiteit en boodskappe om ooreen te stem met die Universiteit se doelwitte en die bereiking daarvan te fasiliteer. Dit word gewoonlik sigbaar gemanifesteer deur middel van handelsmerkidentiteit en die gebruik van handelsmerke. Handelsmerkidentiteit: Die manier waarop ʼn handelsmerk hom aan ʼn verbruiker voordoen; die eienskappe, kenmerke of persoonlikheid wat ʼn handelsmerk streef om te kommunikeer. Handelsmerkidentiteit: Verwys na die seleksie, vermenging en gebruik van tasbare (en nietasbare) eienskappe om die produk(te), diens(te) of Universiteit op ʼn aantreklike, betekenisvolle, konsekwente en oortuigende wyse te onderskei. Handelsmerkposisionering: Die onderskeidende posisie wat ʼn handelsmerk in sy mededingende omgewing aanneem om te verseker dat individue die handelsmerk van ander kan onderskei. Handelsmerkriglyne: ʼn Dokument wat riglyne vir die gebruik van relevante logo's (primêr en sekondêr, in alle formate), template, stylgidse, begrippe en visuele taal bevat. Handelsmerkstrategie: ʼn Langtermynplan vir die sistematiese ontwikkeling van ʼn handelsmerk sodat dit die Universiteit se doelwitte (insluitend ʼn bepaling van sleutelgehore en ʼn begrip vir wat daardie gehore van die handelsmerk behoort te weet en te ondervind) kan bereik. Kliëntekwiteit: Die waarde van potensiële toekomstige inkomste wat deur 'n maatskappy se kliënte in 'n leeftyd voortgebring word. ʼn Maatskappy met hoë kliëntekwiteit sal teen 'n hoër prys gewaardeer word as 'n maatskappy met 'n lae kliëntekwiteit. Korporatiewe identiteit: Verwys na ʼn versameling visuele elemente (soos die logo, korporatiewe kleure, ens) wat gebruik word om die instelling te identifiseer, aan sy belanghebbendes voor te stel en van ander organisasies te onderskei. Naamborde: Enige soort visuele grafika wat geskep is om inligting oor die naam van ʼn gebou, aanwysings, kantoornommers, plinte, ens aan ʼn spesifieke gehoor binne of buite geboue te vertoon. Ontwerpelemente en -beginsels: Beskryf fundamentele idees oor die gebruik van goeie visuele ontwerp wat veronderstel is om die basis van alle doelbewuste visuele ontwerpstrategieë te wees. Reklame: Om deur middel van betaalde aankondigings openbare aandag op ʼn produk, diens of die Universiteit te vestig om sodoende persepsie te beïnvloed of by verbruikers 'n begeerte op te wek om iets te koop of om iets spesifiek te doen. Reputasie: Algehele gehalte of karakter soos mense dit in die algemeen sien of beoordeel. Ruilooreenkoms: ʼn Kontrak waarin partye goedere of handelsartikels vir ander goedere ruil, in teenstelling met die verkoop of uitruil van goedere vir geld. Dit is met Bladsy 4 van 11

5 ander woorde die uitruil van goedere of dienste sonder die gebruik van geld as betaalmiddel. Spesiale element: Die Universiteit se logo, handelsmerk en wapen is onskendbaar en geen variasies van die naam of logo word toegelaat nie, veral nie wanneer nuwe logo's of klubname geskep word nie. Daarom mag die Universiteit se naam nie op die voorgrond wees of in die openbaar aandag trek as ʼn spesiale element in enige logo of klubnaam nie. Sosiale media: Publikasietegnieke en -gereedskap wat gebruik word vir integrale en gewilde kommunikasie met studente en belanghebbendes waardeur hulle inligting en idees skep, deel en uitruil. Subhandelsmerk: Deel van ʼn maatskappy se familie van handelsname en val onder die oorkoepelende sambreel van die hoofhandelsmerk of die maatskappy se naam. Slagspreuk: Ook motto, slagsin of reklameleuse genoem. Dit is ʼn variant van die handelsmerkidentiteit se leuse wat tipies gebruik word in bemarkingsmateriaal en advertensies. Tipografie: Die manier waarop amptelike tikwerk gedoen word en verwys na die font, belyning en spasiëring soos vasgestel in die Handelsmerkriglyne. Visuele taal: Verwys na die styl van beelde, illustrasies, fotografie, tipografie en uitleg in materiaal vir bemarkingskommunikasie en ander handelsmerkraakpunte. Wese van die handelsmerk: Die handelsmerk se belofte, uitgedruk in die eenvoudigste, mees doelgerigte terme (soos vertaal in die Universiteit van Pretoria se slagspreuk). 4 BELEIDSVERKLARING 4.1 GEBRUIK VAN DIE HANDELSMERK Die konsekwente en professionele gebruik van die handelsmerk vir alle aktiwiteite en dienste in ooreenstemming met die Handelsmerkriglyne sal die Universiteit se reputasie as ʼn uitnemende leier op akademiese en navorsingsgebied bevorder en laat groei. As gevolg van die komplekse Universiteitsomgewing kan konvensionele modelle vir korporatiewe identiteitsbestuur nie toegepas word nie en 'n raamwerk is ontwikkel om die bestaande diversiteit te akkommodeer terwyl die Universiteit se kernidentiteit steeds beskerm word Alle materiaal waarop die Universiteit se logo (in enige van sy vorms) verskyn, moet voldoen aan die relevante riglyne soos uiteengesit in die Handelsmerkriglyne wat onderhewig is aan hersiening soos die handelsmerk ontwikkel Goedkeuring moet verkry word van enige ander instelling of organisasie wie se logo en of handelsmerk saam met die Universiteit se logo en handelsmerk gebruik word. Gesamentlike Bladsy 5 van 11

6 handelsmerkidentiteit word bestuur deur die riglyne vir gesamentlike handelsmerkidentiteit wat by DUB beskikbaar is Die TUKS-handelsmerk mag nie sonder vooraf goedkeuring deur die Hoofbestuur gebruik word nie Die Universiteit se handelsmerk mag slegs gebruik word deur persone of entiteite buite die Universiteit ingevolge ʼn ooreenkoms, lisensie, memorandum van verstandhouding of borgskap wat die bepalings en voorwaardes van sodanige gebruik uiteensit Handelsmerkaansoeke ingevolge ooreenkomste: As die Universiteit se handelsmerk gebruik word vir die uitvoering van verpligtinge volgens ʼn ooreenkoms met ʼn derdepartydiensverskaffer en sodanige kontraktuele optrede betrek van die Universiteit se entiteite (direk of indirek) op enige wyse, moet die aansoek om die handelsmerk te gebruik en die impak van die kontraktuele verpligtinge met die betrokke geassosieerde entiteit wat geraak word geraadpleeg word; sodanige entiteite mag dan deel word van die genoemde ooreenkoms Met spesifieke verwysing na die gebruik van die Universiteit se handelsmerk as deel van ʼn ruilooreenkoms: Alle entiteite wat betrokke is by die uitvoering van die bepalings van die ooreenkoms en die uitruil van produkte of dienste tydens die duur van die ruilooreenkoms, wat daardeur geraak word of wat moet help met die uitvoering daarvan, moet ook deel wees van die ruilooreenkoms sodat daar regmatig onderhandel kan word oor die produk- en diensinhoud van die ruilooreenkoms. 4.2 HANDELSWARE Alle handelsware waarop die Universiteit se handelsmerke en logo's verskyn moet vervaardig word deur amptelik gelisensieerde handelaars. Geen kleinhandelaar of verkoper word vrygestel nie; dit sluit projekte in wat deur enige van die Universiteit van Pretoria se erkende studentegroepe en universiteitsdepartemente geborg word. Geen promosieartikels, korporatiewe of departementele goedere waarop die Universiteit se logo's of handelsmerke verskyn, word vrygestel nie. Dit sluit items vir sportkampe, klubs, verenigings, ens in Die gebruik van die Universiteit van Pretoria se logo's of handelsmerke op goedere sal nie goedgekeur word as dit gebruik word saam met of verwys na die volgende nie: Dwelms of dwelmbybehore Alkohol, alkoholverbruik en/of -misbruik (buiten wyn wat die handelsmerk dra as korporatiewe geskenke) Tabakprodukte en -gebruik Seksueel eksplisiete beelde of bybetekenisse Vloektaal of onvanpaste onsensitiewe taal Dobbelary Vuurwapens en wapens Bladsy 6 van 11

7 Politieke en godsdienstige onderskrywing Enige ander goedere waarop die gebruik van die Universiteit van Pretoria se logo's of handelsmerke volgens die Universiteit se oordeel onvanpas, onaanvaarbaar of strydig met die standaardlisensiëringspraktyk is 4.3 STUDENTEORGANISASIES EN KOSHUISE Geregistreerde studenteorganisasies en koshuise mag hul eie gelukbringers ontwikkel om hul organisasies/koshuise te identifiseer Die gebruik van die Universiteit van Pretoria se embleem/logo/woordmerk is opsioneel vir geregistreerde studentegroepe ʼn Geregistreerde studenteorganisasie mag die Universiteit se tekens en name slegs in 'n ondergeskikte posisie saam met sy groepnaam op logo's en promosiemateriaal gebruik om die organisasie se aard as studenteorganisasie en die verhouding daarvan met die Universiteit duidelik te maak Die Universiteit se naam mag nie die hoofelement van enige logo of klubnaam wees nie en geen herkenbare ikonografie, embleem of enige element van die Universiteit se embleem mag gebruik word om ʼn studenteorganisasie se logo/identiteit te skep nie Wanneer die Universiteit se logo/embleem/woordmerk ook al deur studenteorganisasies gebruik word, moet skriftelike goedkeuring vooraf van DUB verkry word. 4.4 GESAMENTLIKE HANDELSMERKIDENTITEIT Die Handelsmerkriglyne identifiseer riglyne vir drie verskillende modelle van gesamentlike handelsmerkidentiteit: Die Universiteit van Pretoria se handelsmerk kan moontlik die toonaangewende handelsmerk wees / die gasheer van die geleentheid wees / die inisiatief wees; in daardie geval sal die gesamentlike handelsmerk ʼn omskrewe plek vir ʼn omskrewe tydperk kry. Naamgewingsregte word onderhandel onderhewig aan die inisiatief Die Universiteit van Pretoria kan ook ʼn handelsmerkvennoot vir ʼn spesifieke geleentheid/inisiatief wees. As die voordele vir albei handelsmerke betekenisvol en onderhewig aan die inisiatief is, word daar onderhandel oor die naamgewingsregte In ʼn interne handelsmerkvennootskap word TUKS onafhanklik, m.a.w. sonder die logo van die Universiteit van Pretoria, gebruik vir interne kommunikasie, maar vir eksterne kommunikasie moet TUKS altyd onderskryf word met die handelsmerk van die Universiteit van Pretoria Alle ooreenkomste vir gesamentlike handelsmerkidentiteit moet op skrif gestel en deur die betrokke partye onderteken word. Bladsy 7 van 11

8 4.5 ONTOELAATBAAR Geen logo/embleem van die Universiteit mag op enige manier gewysig word nie en geen veranderinge mag aan die voorgeskrewe gebruik van die identifikasie-elemente in die Handelsmerkriglyne aangebring word nie Die gebruik van die Universiteit se handelsmerke op kommersiële handelsware is verbode tensy dit vervaardig word deur behoorlik gelisensieerde verskaffers Geen individu of entiteit word toegelaat om die Universiteit se logo's, handelsmerke of woordmerke te gebruik om onderskrywing van hul goedere of dienste te impliseer kragtens die kontrak met Die Universiteit van Pretoria nie, tensy hulle spesifieke skriftelike magtiging het om dit te doen Geen kampus, fakulteit, instituut of sentrum mag hul eie nuwe identiteit, teken, amptelike insignia of logo ontwerp nie Nóg die Universiteit se naam, nóg die Universiteit se handelsmerk of kleure mag gebruik word op enige manier wat ʼn vals indruk skep, misleidend is of verwarring kan veroorsaak oor die Universiteit se verhouding met enige persoon of entiteit. Stellings wat die indruk gee of impliseer dat ʼn kommersiële produk of diens gesteun word, is verbode. 4.6 MISBRUIK/NIENAKOMING Handelsware waarop die Universiteit se handelsmerke verskyn en wat sonder behoorlike geskrewe magtiging van die Universiteit vervaardig is, kan as vervalsings of inbreuk op gevestigde regte beskou word en is onderhewig aan beskikbare regsmiddele Die Universiteit behou die reg omgepaste optrede te neem as hy gekonfronteer word met die ongemagtigde gebruik van sy handelsmerke. Sulke optrede kan die volgende insluit: ʼn tydelike of permanente geregtelike verbod op die vervalste handelsmerk, onregverdige mededinging, vervalste aanduiding van oorsprong of misleidende advertensie; beslaglegging op goedere; vernietiging van vervalste artikels; geldelike vergoeding vir die werklike en/of verhoogde skade en ander regsmiddele Nienakoming van hierdie beleid sal aangespreek word deur die Universiteit se dissiplinêre prosedures en kan ook onderhewig wees aan strafmaatreëls op grond van die relevante wetgewing Alle ongemagtigde gebruik, wangebruik of misbruik van die Universiteit van Pretoria se logo of die TUKS-logo of enige ander handeling wat ʼn negatiewe impak op die Universiteit van Pretoria se reputasie kan hê, Bladsy 8 van 11

9 moet by DUB aangemeld word sodat hulle dit kan opvolg in samewerking met die regsdepartement. 5 VERWANTE DOKUMENTE Hierdie beleid moet saam met die volgende gelees word: Die Korporatiewe Identiteitsriglyne Die Universiteit van Pretoria se Kommunikasiebeleid en -riglyne Die Universiteit van Pretoria se Webstandaarde en -prosedures (die Universiteit se openbare webblad en intranet) Sosialemediabeleid en -riglyne 6 BYLAES Geen 7 VERANTWOORDELIKHEID VIR IMPLEMENTERING 7.1 ALGEHELE VERANTWOORDELIKHEID Die Hoofbestuur is verantwoordelik vir die bestaan en hersiening van ʼn handelsmerkidentiteitsbeleid Die Hoofbestuur mag enigiemand wat as geskik beskou word, magtig en magtigings waarna in hierdie dokument verwys word mag aan iemand anders toegewys word Die Direkteur: Universiteitsbetrekkinge is algeheel verantwoordelik om te verseker dat die Universiteit van Pretoria se handelsmerk geïmplementeer en doeltreffend en verantwoordelik binne die Universiteit bestuur word. 7.2 DIE DEPARTEMENT UNIVERSITEITSBETREKKINGE Die Direkteur: Universiteitsbetrekkinge is die bewaarder van die Universiteit van Pretoria se korporatiewe identiteitsbeleid DUB sal 'n lys goedgekeurde ontwerpers, reproduksiehuise en drukkers verskaf wat steundienste en fakulteite kan gebruik. As 'n fakulteit of steundiensdepartement ʼn verskaffer by hierdie lys wil voeg, moet ʼn formele aansoek by DUB se handelsmerk- en advertensiespesialis ingedien word. Alle interne en eksterne verskaffers moet die riglyne vir korporatiewe identiteit volg en moet hul werk aan DUB voorlê vir goedkeuring. Slegs amptelike kunswerke mag gebruik word vir die reproduksie van elemente. Ontwerp, reproduksie en drukwerk van hoë gehalte is 'n voorvereiste vir alle publikasies/kunswerk wat op enige manier aan die Universiteit gekoppel is. Enige operasionele eenheid wat hulp met die produksie van kunswerk en die gebruik van die korporatiewe identiteit benodig, moet DUB se handelsmerken advertensiespesialis kontak. Bladsy 9 van 11

10 7.2.3 DUB verskaf riglyne en moniteer die implementering van die korporatiewe identiteit Hersiening van die Handelsmerkriglyne sal deur DUB aan die Universiteitsgemeenskap gekommunikeer word deur interne kommunikasiekanale soos die studente-webblad en studenteondersteuningstrukture, Kampusnuus, UP-personeelportaal of kampuswye e-pos asook deur die bemarkings- en kommunikasiepraktisyns wat die inligting na die betrokke interne voorstanders en belanghebbendes moet aanstuur DUB sal maklik toeganklike template ontwikkel en verskaf vir ʼn reeks dokumente, logo's en ander gereedskap wat gebruik kan word om fakulteite, steundiensdepartemente en studenteleiers te help DUB se handelsmerk- en advertensiespesialis moet alle konsepte en die style van visuele bemarking, advertensies en/of kommunikasiemateriaal waarop fakulteite, steundiensdepartemente, koshuise en studenteorganisasies die Universiteit se tekens, amptelike insignia, logo's en ander handelsmerkidentiteitbates gebruik, goedkeur DUB sal riglyne verskaf vir verskaffers, kontrakteurs van die Universiteit van Pretoria en derdepartye aan wie die reg toegestaan is om die Universiteit van Pretoria se handelsmerk te gebruik. Hierdie riglyne sal aanlyn op die handelsmerkwebblaaie beskikbaar wees. 7.3 ALLE PERSONEEL EN STUDENTE Dit is alle personeel en studente se verantwoordelikheid om seker te maak dat hulle die Universiteit van Pretoria se handelsmerk (soos deur die Handelsmerkriglyne, visuele taal, ens omskryf is) implementeer en dit in ooreenstemming met hierdie dokument bestuur Kampusveldtogte moet ter wille van eenheid in lyn met die institusionele ouerhandelsmerk wees, maar dit kan gebalanseer word met verskeie kreatiewe toepassings waarvoor in die riglyne voorsiening gemaak word As riglyne vir spesifieke bemarkings-, advertensie- en ander kommunikasiebehoeftes nie in die Handelsmerkriglyne aangespreek word nie, moet voorstelle of versoeke na DUB se handelsmerk- en advertensiespesialis verwys word Versoeke vir veranderinge of afwykings van die Handelsmerkriglyne moet skriftelik aan DUB se handelsmerk- en advertensiespesialis gerig word Alle handelsware (promosiemateriaal) waarop die Universiteit se handelsmerke en logo's verskyn, moet deur DUB goedgekeur word en dit moet deur amptelik gelisensieerde verskaffers vervaardig word Handelaars wat die Universiteit se handelsmerke en logo's wil gebruik, moet deur die Universiteit van Pretoria of Enterprises at the University of Pretoria Trust as die huidige hooflisensiehouer gelisensieer word. Bladsy 10 van 11

11 7.4 Die Kliëntedienssentrum (KDS) is as webopsigter verantwoordelik vir die ontwikkeling van die Universiteit se dokument oor webstandaarde, riglyne en prosedures (insluitend sosiale media) en dienste. Hulle is ook verantwoordelik vir kliëntegelykheid wat skakel met handelsmerkgelykheid. 7.5 TuksSport se bestuur is verantwoordelik om seker te maak dat die Tukshandelsmerk in sport korrek geïmplementeer en doeltreffend bestuur word en dat daar gehou word by die Universiteit van Pretoria se handelsmerkriglyne. 7.6 Eksterne verskaffers Individue of entiteite wat met die Universiteit van Pretoria kontrakte aangaan vir goedere of dienste en wat toestemming vra om die Universiteit se logo's, handelsmerke en woordmerke te gebruik om ʼn verhouding of vennootskap met die Universiteit van Pretoria te impliseer of eksplisiet te noem, moet hul versoeke aan die Departement Universiteitsbetrekkinge stuur. 8 BELEID SE LEWENSIKLUS Die beleid moet jaarliks hersien word. 9 DOKUMENTMETADATA Document number: Rt42/14 Document version: Document approval authority: Hoofbestuur Document approval date: 27 Mei 2014 Document owner: Direkteur: Universiteitsbetrekkinge Document author(s): Adjunk Direkteur: Kommunikasie en Bemarking (Waarnemend) Date: Mei 2014 Bladsy 11 van 11