Waterkruik. JAARGANG 53 NO Augustus 2016

Transcription

1 Waterkruik JAARGANG 53 NO Augustus 2016 EREDIENS VOLGENDE SONDAG Volgende Sondagoggend se erediens is n voorbereidingsdiens met die oog op die viering van die Heilige Nagmaal Sondag 28 Augustus Die Nabetragtingsdiens volg direk na die oggenddiens. WYKSBEURTE Vandag: Wyke 20 & 22 Ouderlinge: Marthinus Erasmus en Theo le Roux Diaken: André Els Volgende Sondag Wyke 23 & 24 Ouderlinge: Herman Hamersma en Tjibbe Spoelstra Diaken: Willem Wepener KOLLEKTE BY DIE DEURE Vir die res van die jaar: Kerkkas TEESKINKBEURTE Baie dankie aan die susters van Wyk 14 wat vanoggend o.l.v. Hildegard Delport tee bedien. Volgende week is dit die beurt van Wyk 15 o.l.v. Marieta Steenekamp. Aan God, die Vader van ons Here Jesus Christus, kom al die lof toe! Efesiërs. 1:3a DIAKENSVERGADERING Die diakens vergader Woensdag 24 Augustus 2016 om 18:00 in die kerk. 1

2 OUDERLINGEVERGADERING Die ouderlinge vergader op Woensdag 24 Augustus 2016 om 19:00 in die saal. Maandag Katkisasie vir hoërskoolleerders soos gereël Donderdag Bybelstudiegroepe 08:30 Groep 1: In die Konsistorie 10:00 Groep 2: In die Konsistorie 18:30 Bybelstudiegroep by die Pastorie 19:30 Kerkjeugaksie vir jongmense tot ongeveer 30 jaar: in die Pastorie VERJAARSDAE Ons wens die volgende broeders, susters en kinders van harte geluk met hulle verjaarsdae. Ons bede is dat die nuwe lewensjaar vir julle en julle geliefdes vreugde en ryke seën sal inhou. En my God sal in elke behoefte van julle ryklik voorsien volgens sy wonderbaarlike rykdom in Christus Jesus. Filippense 4:18 Vandag Sr. Petra Schutte Sr. Susan Tredoux (jnr) Maandag 15 Augustus Br. Johan Minnaar Br. André van Tonder Woensdag 16 Augustus Roné Josling (9) Sr. Elmarie Engelbrecht Donderdag 18 Augustus Br. Piet Malan Br. Dries Krüger Saterdag 20 Augustus Sr. Joan du Blois

3 ROEPING VAN OUDERLINGE EN DIAKEN Die volgende broeders is geroep om as ouderlinge en diaken te dien. As ouderlinge: brs. Pieter Smit en Piet Malan. As diaken: br. Braam Smith Ons vra u voorbidding vir die broeders met die oorweging van die roeping. MEELEWING Vanoggend word die verbondskindjie van Richart & Chené Keyser, Kaylin, gedoop. Hartlik geluk. Mag die God van wordende geslagte aan julle die krag, wysheid en genade gee om haar in sy verbond te mag opvoed Ook geluk aan die grootouers, Ferdie en Tersia Pelser en die ander familie met die doop van hulle kleinkind. Sr. Mercia van der Wateren het Woensdag n knievervangingsoperasie en terseldertyd n karpaletonnel-operasie ondergaan. Ons bid jou spoedige en volkome beterskap toe Met hartseer maak ons bekend dat sr. Rina Vorster Vrydagoggend in die ouderdom van 91 jaar na n kort siekbed oorlede. Ons bid haar seun Willem en haar ander kinders die vertroosting van die Heilige Gees toe in hierdie tyd. Die troosdiens vind plaas op Donderdag om 12:00 in ons kerkgebou. Die Here kyk uit die hemel en sien al die mense. Van die plek waar Hy as koning sit, sien Hy almal wat onder op die aarde woon. Psalm 33:13-14 VANAF DIE BREË KERKRAAD SE TAFEL. Die Breë Kerkraad (BKR) het op sy vergadering van 3 Augustus o.a oor die volgende sake gehandel : 1. Die ouderlinge se voorbereiding in Augustus vir die Fokustyd wat gedurende September gaan plaasvind in ons gemeente. 2. Die BKR moet, tydens die volgende vergadering wat op 2 November sal plaasvind, die begroting vir 2017 behandel en goedkeur. Daarvoor is ons lidmate se beloftes vir 2017 voor die tyd nodig en die ouderlinge sal dus die nodige tydens die Augustus huisbesoeke doen. 3

4 3. Die BKR het kennisgeneem van die musiekaand (Jannie du Toit en Laerskool Anton van Wouw) wat die Diakonie vir 14 Oktober reël. Die BKR het ook kennisgeneem van die groeiende finansiële nood in ons gemeente en dat die Diakonie te kampe het met n maandelikse tekort van R n Gemeentevergadering word gereël vir n Sondagoggend in Augustus na die erediens waartydens n oorsig oor die gemeente se finansies deur die Finansies Kommissie gegee sal word. UITNODIGING VAN DIAKONIE Ons Diakonie bied, as deel van hulle fondsinsameling, n heerlike musiekaand aan op Vrydagaand 14 Oktober. Dit gaan plaasvind in die saal van die Laerskool Anton van Wouw. Die bekende en beminde sanger, Jannie du Toit, gaan optree saam met die senior koor van die skool wat al baie bekendheid verwerf het. Teken solank die datum in u dagboek aan vir n genotvolle aand van musiek! Volledige besonderhede sal nader aan die tyd bekend gemaak word. DIE HEKWAG SE FUNKSIE Ons kerkterrein se hekke word tydens eredienste gesluit om veiligheidsredes. Die hekwag met die afstandbeheer staan binne die perseel en is daar om die hek oop en toe te maak indien iemand dringend die erediens moet verlaat. Die sekuriteitspersoon is nie 'n karwag nie en staan nie buite om voertuie op te pas nie. Die reëling is dat voertuie toegesluit word binne die kerkterrein asook in die parkeerarea by Anton van Wouw Laerskool. Persone wat buite in die straat parkeer, doen so op eie risiko. 4

5 WAT Sê DIE BELYDENISSKRIFTE OOR DIE HEILIGE GEES? Ons bely in ons kerke in ons belydenisskrifte dieselfde as wat die Skrif oor die Heilige Gees openbaar. As daar gevra word wat ons van die Heilge Gees glo, antwoord Sondag 20 van die Heidelbergse Kategismus só : Ten eerste is Hy saam met die Vader en die Seun ware en ewige God. Net so treffend vat artikel 11 van die Nederlandse Geloofsbelydenis dit saam : Ons glo en bely ook dat die Heilige Gees van ewigheid van die Vader en die Seun uitgaan: dat Hy nie gemaak of geskep of gebore is nie maar van albei slegs uitgaan: dat Hy in orde die derde persoon van die Drie-eenheid is; dat Hy van een en dieselfde was, majesteit en heerlikhied as die Vader en die Seun is; dat Hy inderwaarheid ewige God is, soos die Heilge Skrif ons leer. VAKATURE VIR ORRELIS Die pos van orrelis by ons gemeente is reeds vakant aangesien sr Hannetjie Bezuidenhout ons op 1 Augustus verlaat het. Persone wat beantwoord aan die posvereistes word uitgenooi om aansoek te doen. Die primêre taak van die orrelis in ons gemeente is die begeleiding van die gemeentesang op die orrel tydens eredienste en ander funksies. Minimum vereistes is BMus met orrel as eerste of tweede instrument of n lisensiaat in orrel of kerkmusiek of n erkende kerkorrelis diploma of die vyfde eksamen van die Raad vir Kerkmusiek. n Minimum van 5 jaar toepaslike ondervinding en lidmaatskap van die Gereformeerde Kerk sal sterk aanbevelings wees. n Aansoekvorm en n posbeskrywing kan verkry word deur br Gerrit Broos by te skakel of aan hom n e-pos te rig by gerrit@yebo.co.za of deur sr Nienke van der Walt te skakel by of n e- pos aan haar te rig by nwgkw@telkomsa.net. BYBELVASVRA 2 Voltooi asb die volgende vrae: 1. In dié boek verskyn al die reëls en regulasies wat die Israeliete in hulle godsdiens en algemene lewens moes toepas: Numeri Levitikus Rigters Genesis 2. Die boek vertel ons hoe die Christendom, deur die prediking van die apostels, in die gebied naby die Middellandse See versprei het: 5

6 Romeine Fillipense Handelinge Johannes 3. Die brief van Paulus is gerig aan die persoon wat sake in die kerk op Kreta moes Organiseer: Filemon Titus Jakobus Timoteus 4. Die boek handel oor 'n gelowige man wat in die Babiloniese koning se paleis diens gedoen het, en onder andere sy drome vir hom uitgelê het: Amos Johannes Daniël Jesaja 5. In hierdie boek word die oordeel oor die stad Nineve verkondig: Jona Nehemia Nahum Miga 6. In watter Bybelboek vind ons die volgende teksvers: "Moet oor niks besorg wees nie, maar maak in alles julle begeertes deur gebed en smeking en met danksegging aan God bekend."?: Filip 4 vers 6 Gal 1 vers 10 Efe 5 vers 21 Rom 1 vers 8 7. In hierdie Bybelboek val die hoofklem op die herbou van die tempel deur die ballinge wat saam met Serrubbabel na Jerusalem terugkeer het: Ester Esegiël Esra Nehemia 8. Die boek bevat 'n versameling liedere en gedigte: Spreuke Konings Psalms Openbaring 9. Die Evangelie wat deur 'n dokter geskryf is: Johannes Matteus Lukas Markus 10. Hierdie boek handel oor die verowering van Kanaän deur die Israeliete: Deuteronomium Kronieke Josua Samuel EK IS SY Die Bybelgenootskap van Suid-Afrika het via die internet dié boekie (17 bladsye) spesiaal vir vroue saamgestel. U kan die boekie gratis aflaai vanaf hulle webwerf In die Inleiding gee die boekie die volgende agtergrond : Het jy al ooit deur n tydskrif geblaai dat jy een van die interessante, mooi en talentvolle vroue in die artikels is? Jy lees wat hulle dink, hoe hulle oor sake voel, na 6

7 watter musiek hulle luister. Watter sukses hulle behaal het. Jy sien wat hulle aantrek, jy verlustig jou in hulle lewensstyl. Hierdie boekie wil jou nooi om deur die Bybel te blaai en die verhaal van spesiale vroue daar te ontdek. Regdeur die Bybel speel vroue n belangrike rol. God het n pad met hulle gestap. In die bladsye van God se wonderlike Woord sal jy ontdek : Dit is ék daardie. Ek is sy! En God stap ook n pad met my! Bybelstudie met die oog op volgende Sondagoggend se preek Lees Matteus 6: 25 tot 34 Beantwoord die volgende vrae: Wat mag gelowiges volgens vers 25 nie doen nie? Hoekom moet gelowiges dit nie doen nie? Waarna moet gelowiges kyk en hoekom sal dit help wanneer hulle hul bekommer? Hoekom is bekommernis volgens vers 27 belaglik? Wat leer ons i.v.m. bekommernis as ons na die veldlelies kyk en hoe sal dit my vermaan wanneer ek my bekommer? Soos wie tree n mens op as jy jou bekommer? Waaraan moet in die plek van bekommernis aandag gee en hoe doen n mens dit? (v. 33) Toets jou lewe met betrekking tot dit wat jy uit hierdie gedeelte geleer het en bid daaroor. ALLERLEI Residentia Sunnyside (Troyestraat 40, Sunnyside) Residentia Sunnyside is n Oord waar daar nie net omgesien word na bejaardes en verswakte persone nie, maar daar word ook vir hulle omgegee! Werkende of afgetrede persone van 50 jaar en ouer kan ook hier woon. Daar is tans verskeie tipes verblyf beskikbaar: R , 1 R en 1½ slaapkamer R per maand. Volle sorg word verskaf by Karmel Versorgingseenheid: Pryse vanaf R tot R per maand. 7

8 Vir meer besonderhede kontak Anneke Cilliers (Woonstelle) of Tersia Cornelisson (Karmel) by (012) gedurende kantoor ure. KOOP EN KUIERFEES Die Gereformeerdekerk Rietvallei het Saterdag 20 Augustus n Koop en Kuierfees op hulle kerkterrein asook n Pretstap wat 08:00 begin. Dit klink soos n regte egte kerkbasaar met pannekoek, poeding-tafel ens en ook kindervermaak. FUNKSIONARISSE VAN ONS GEMEENTE PREDIKANT SKRIBA Dr. Douw Breed Eddie Trollip Duikerlaan MONUMENTPARK ATTESSKRIBA OUDL SKRIBA Tinus Erasmus Corrie Skinner VOORSITTER DIAK. ORRELIS Arno Jeffrey Hannetjie Bezuidenhout e-pos kerk:nwgkw@telkomsa.net webwerf: Op die webwerf kan u etlike jare se preeksketse van dr. Douw lees en daar is ook skakels wat u neem na oudio- en videouitsendings van eredienste van die afgelope tyd. SONDAGKOSTER: André Els: WEEKKOSTER: Nienke vd Walt: KANTOOR: Nienke vd Walt en KANTOORURE: Donderdag en Vrydag: 9 12 U kan egter enige tyd die kantoor skakel en jou oproep sal beantwoord word omdat die telefoon deurgeskakel is na die selfoon. BANKBESONDERHEDE Kerk: ABSA : Gereformeerde Kerk Waterkloofrand Rek no Diakens: ABSA: Diakonie Spaar Rek. No PARKERING Veilige parkering is ook beskikbaar tydens oggenderedienste op die terrein van die Laerskool Anton van Wouw, h/v Langeen Deystraat. PREEKVERDUIDELIKINGS Tydens oggenderedienste word die preek van die oggend vir die kindertjies vanaf 4 jaar tot Graad 4 deur n suster in die saal verduidelik. Dit vind net plaas as dr Douw preek, en nie gedurende vakansies en langnaweke nie. Dit word slegs tydens die preek en onder toesig van die beurtsouderling gedoen. 8

9 9