e-pukaner Alumni Nuus Varsity Krieket: Nuwejaar in Februarie MOOIRIVIER NWU se Potchefstroom kampus skep room van matrikulante JANUARIE 2015

Transcription

1 Alumni Nuus JANUARIE 2015 MOOIRIVIER Varsity Krieket: Nuwejaar in Februarie NWU se Potchefstroom kampus skep room van matrikulante

2 Inhoudsopgawe NWU se Potchefstroom kampus skep room van matrikulante MOOIRIVIER Alumnus from Korea visits alma mater Varsity Krieket: Nuwejaar in Februarie Gaan 2015 die jaar wees? Alumni beplanning Kontak ons Alumni Nuus

3 NWU se Potchefstroomkampus skep room van matrikulante Die Potchefstroomkampus van die Noordwes- Universiteit het vanjaar meer as n handvol van die land se beste matrikulante as eerstejaarstudente op dié kampus geskep. Meer as eerstejaarstudente en hul ouers is Saterdag (10 Januarie) op die kampus verwelkom. Van die topkandidate is Anri Hattingh van Hoërskool Vryburg, die topmatrikulant in Noordwes en die derde beste in die land, wat Farmasie gaan studeer, en Ruvé van Rooyen van Welkom Gimnasium, die topleerder van die Vrystaat wat vanjaar BCom Geoktrooieerde Rekenmeesterskap studeer. Van die ander top tien-kandidate in ander provinsies is, Danielle van Zyl van Hoërskool Nelspruit wat BSc Aktuariële Wetenskap gaan studeer, Adriaan Potgieter van Windhoek Gimnasium wat Meganiese Ingenieurswese gaan studeer, Cecile Mans van Hoërskool Sasolburg wat BCom Forensiese Rekenmeesterskap gaan studeer, Alri van den Berg van Hoërskool Kalahari (Kuruman) wat Aptekerswese gaan studeer en Carina le Roux van St Paul s College in Windhoek wat vanjaar Bedryfswiskunde gaan studeer. Die visekanselier van die Noordwes-Universiteit, prof Dan Kgwadi, het tydens die ontvangsgeleentheid gesê die studente is baie bevoorreg om by n tersiêre instelling te studeer en dat dit die kroon op hulle harde werk op skool span. Hy het gespog met die prestasies van die NWU en gesê dit is die tweede grootste instelling in die land met n 84% slaagsyfer in die vakmodules wat aangebied word, wat die tweede meeste gegradueerdes, naamlik , in die land aflewer, met sowat 50% van sy dosente wat met n doktorsgraad spog en wie se navorsingsuitsette in 2013 met meer as 20% gegroei het. Hy het studente en hul ouers verseker dat die NWU n zero-verdraagsaamheids beleid jeens ontgroeningspraktyke handhaaf en dat die eerstejaars ook geen sulke praktyke moet verdra nie. Die rektor van die Potchefstroomkampus, prof Herman van Schalkwyk, het gesê die eerstejaars sal nie spyt wees oor hulle keuse om aan dié kampus te studeer nie. Twee-derdes van ons studente ry by een of meer universiteite verby om hier te studeer. Die redes daarvoor is die hoë akademiese standaarde en doeltreffende beroeps gerigte opleiding, waardegedrewenheid, n tweede tuiste, klasse in Afrikaans, opvoedkundige tolking aan diegene wat nie Afrikaans magtig is nie, n op-enwakker, lekker en polsende studentelewe, internasionaal erkende grade en n veilige en stabiele kampus waar daar nog n omgee -kultuur is. Prof Van Schalkwyk het afgesluit en gesê, Ek wil vandag vir julle dié versekering gee, u laat julle kind in veilige en goeie hande. Deur wedersydse vertroue, samewerking, entoesiasme en geloof gaan ons van 2015 n reuse sukses maak.

4 MOOIRIVIER n Kaapland Films Produksie Deur die vervaardigers van Klein Karoo Vervaardig deur Cobus van den Berg, Tim Theron en Jorrie van der Walt Skrywer en regisseur: René van Rooyen Maak die gordels styf vas vir die mees opwindende en grootste Afrikaanse film nog! Mooirivier word in Februarie 2015 vrygestel en beloof om n stormloop na teaters in Suid-Afrika te ontketen. Hierdie verhaal van liefde word aan jou gebring deur Cobus van den Berg, Tim Theron en Jorrie van der Walt, vervaardigers van Klein Karoo. Die film spog met n sterbelaaide rolverdeling: Tim Theron, Anél Alexander, Hykie Berg, Milan Murray, Nadia Beukes, Heinz Winkler, Bouwer Bosch, Leandie du Randt, Danie Putter, Bennie Fourie, Francois Viviers, Elmie Brits en andere. Die kykerspubliek kan ook uitsien na oorspronklike musiek wat spesifiek vir die film geskryf is en deur hul gunsteling kunstenaars gesing word. Mooirivier is n alles-in-een romantiese ensemble-film met vyf individuele, vervlegde storielyne wat tydens die oploop na Paasfees in Suid-Afrika ontvou. Die groter storielyn gaan oor 6 paartjies van 12 tot 40 jaar oud wat elkeen op hul eie, unieke ontdekkingsreis na ware liefde is. Moet egter nie die tipiese feëverhaalweergawe verwag nie, want hierdie film vat jou op reis na die (soms komiese en soms hartseer) realiteit van dít wat regtig nodig is om liefde te laat oorwin. Deur die loop van die film word elke karakter se verhaal vertel vanuit die hoek van hul eie, unieke ontdekkingsreis na liefde wanneer jy dit die minste verwag. Hulle leer ook in die proses dat liefde meestal baie anders lyk as jou eie vooropgestelde idees en verwagtings daaroor. Op spesifieke tye in die jaar, soos spesifiek tydens Paasfees, word ons opnuut herinner dat liefde (mits jy bereid is om daarvoor te veg deur al die uitdagings en struikelblokke heen) uiteindelik wen! Mooirivier speel af, en is ook verfilm, in Potchefstroom. Die vervaardigers is dit eens dat dit n fees was om die film daar te skiet en was uiters beïndruk deur die inwoners, burgemeester, stadsraad en plaaslike sakekamer se ondersteuning en hulp. Die inwoners van Potchefstroom is egter nie alleen betrek by die film nie die vervaardigers het ook hul harte oopgemaak vir die gemeenskap. Alle stelklere en beddegoed wat vir die akteurs en span aangekoop is, is aan die Doulos Poverty Relief program geskenk, wat dit in die gemeenskap versprei het. Die regisseur en skrywer is die belowende René van Rooyen wat by die heel eerste Silwerskermfees in 2012 die kategorie vir beste kortfilm gewen het met haar kortfilm, Nantes. Mooirivier is haar eerste vollengte film en daar word verwag dat sy nog n groot naam in die industrie gaan word. (Haar man, Corné van Rooyen, het ook nou sy eerste vollengte film, Hollywood in my Huis, voltooi. Hierdie film is as beste vollengte film aangewys by 2014 se Silwerskermfees.) Mooirivier word op 6 Februarie 2015 in teaters regoor Suid-Afrika vrygestel. Maak seker dat jy nie hierdie opwindende nuwe film misloop nie! Vir meer inligting of foto s, kontak vir Riaan Grobler van Headline PR & Marketing by riaan@headlineprm.co.za of besoek: Webtuiste: Facebook:

5 Alumnus from Korea visits alma mater North-West alumnus from Korea recently visited the synod A of the Reformed Churches of South Africa as delegate of the Kosin Presbyterian Church in Korea. During this time Dr Paul Kwon had an opportunity to meet Prof Herman van Schalkwyk, Rector of the Potchefstroom Campus of the North-West University. Dr Kwon currently is a lector in educational sciences at the Kosin University in Busan, South Korea. The Kosin University has its own theological training facilities, as well as a well equipped training hospital. Dr Sarel van der Walt from the Faculty of Theology, says he previously had the honour to visit this hospital where they use some of the most advanced equipment. Dr Kwon is also a pastor at the Kosin Presbyterian Church in Korea and it was in this capacity that he attended the synod in South Africa. He is an alumnus of the NWU and obtained his PhD at the previously known PU for CHE under mentorship of Prof Hannes van der Walt. Dr Paul Kwon from the Kosin University in Busan, South Korea, with the Rector of the Potchefstroom Campus, Prof Herman van Schalkwyk.

6 Varsity Krieket: Nuwejaar in Februarie Twintig20 is springmieliekrieket. As toetskrieket die liefde van jou lewe is, die vrou waarmee jy trou, is die 50-beurt formaat n kortstondige verhouding wat tog n indruk gelaat het. Twintig20 is n flirtasie wat jou hart laat bokspring. Dit is opwindend en jy geniet die vuurwerke. Van 3 tot 8 Februarie is dit dus Nuwejaar in Potchefstroom wanneer die NWU-Puk, in samewerking met Noordwes Krieket, die eerste Varsity Krietet-toernooi aanbied. Volgens die NWU-Puk se hoofafrigter, Conrad de Swardt, is Varsity Krieket n broodnodige inspuiting vir dié sportsoort op plaaslike sowel as nasionale vlak. Dit gaan vir n feit n groot en positiewe invloed op die Suid-Afrikiaanse kriekterlandskap hê. Twintig20 is ook die formaat wat die meeste ondersteuning in die land geniet, so ek dink die impak gaan fenomenaal wees. Ook die nuwe reëls, wat onder meer behels dat twee gekleurde spelers op die veld moet wees en een speler in die 14-man groep etnies swart moet wees asook 40% van die wedstryde moet speel, gaan ongelooflik baie vir krieketontwikkeling in die land doen. Vir keurders gaan dit baie beteken en dit gaan die groei van die spel verseker. Nóg n reëlverander sluit die Power Plus Playbeurt in. Die kolwende span kan enige tyd deur die loop van die wedstryd die Power Plus Playbeurt roep, maar eers van die bouler die top van sy aanloopmerk bereik het. Elke lopie wat dan aangeteken word tel dubbeld en indien n paaltjie verloor word, word vyf lopies van die somtotaal afgetrek. Ek hou van innovasie, so ek dink dit is skitterend. Ek wonder wel ons ons vanjaar al gaan weet hoe om hierdie beurt reg te gaan gebruik. Wat is die effek wat dit gaan hê? Ek is nie seker nie, maar ons gaan vinnig uitvind, het de Swardt gesê. De Swardt is dit eens dat die toernooi gewis n vuurdoop vir elke betrokke speler gaan wees. Die spelers het nog nie baie blootstelling aan Twintig20-krieket gehad nie. Dit is nie net iets nuuts vir spelers in Noordwes nie, maar vir studente regoor die land. Gepols of hy dink ondersteuners n individuele honderdtal gaan sien het De Swardt gesê: Ja, ons behoort. Al drie velde het relatiewe kort grense.

7 Almal moet ewe lank wees, en Ibbies se korste een is 60m, die blaaie lyk skitterend, so ek dink n honderdtal is definitief n moontlikheid. Op die internasionale verhoog het draaiboulers soos Sunil Narine, Ajantha Mendis en Ravichandran Ashwin hulself as onvervangbare wedstrydwenners bewys. Langs die Mooirivier is towenaars soos dié n bedreigde spesie. Ek dink op veral Ibbies se veld kan draaibalboulers n rol speel, want die blad is bietjie stadiger. Op die Puk1-veld en Senwespark is die blaaie baie vinniger, so indien spanne draaibalboulers wil gebruik, gaan hulle hul storie moet ken, het de Swardt gesê. Oor sy span se kanse was De Swardt versigtig om nie die kar voor die perde te span nie. Hoewel ons tuisveldvoordeel geniet dink ek ons kanse is so goed soos enige ander span s n. Ons het onsself die afgelope paar jaar as een van die top drie klubs in die land bewys, maar as mens na ons trofeekas kyk is dit niks om oor huistoe te skryf nie. Die gunstelinge is verseker Maties en Tukkies, hoewel NMMU ook n goeie span gaan uitstuur. Dit gesê, as dit kom by talent skort daar niks met sy groep nie. Ek is baie opgewonde oor die groep wat ons bymekaar getrek het. Ons het opwindende spelers soos Janneman Malan, Marques Ackerman, Rusty Erasmus en Jovuan van Wyngaardt. Ons het ook baie hard gewerk om spelers van kleur wat al SA o.19 verteenwoordig het, te betrek. Dit sluit in talente soos Bjorn Fortuin en Julien Soutter. Wat my baie na aan die hart lê is dat n groot gros van ons spelers inwoners van Potchefstroomkampus se manskoshuise is. Laat die aftel begin... Hier is n paar interessante Twintig20 feite vir fynproewers van kitskos: Die Jamaikaan Chris Gayle spog met die hoogste individuele Twintig20 kolfbeurt. Gayle het op 23 April 2013 n verstommende 175* lopies van slegs 66 aflewerings ( n treftempo van ) vir die Royal Challengers Bangalore teen die Warriors gemoker. Dit is 17 sesse en 13 grenshoue ingesluit. Sy 6975 lopies in dié formaat is ook die meeste ooit, gevolg deur die Australiese duo van Brad Hodge en David Hussey. Gayle se 13 honderdtalle is ook myle bo die twee naaste aanspraakmakers op die titel. Australië se David Warner en Nieu-Seeland se Brendan McCullum spog met vyf elk. Potchefstroom se Senwespark het die 15de grootse Twintig20-beurt nóg gesien toe Quinton de Kock op 13 Februarie * (69 aflewerings) vir die Lions teen die Cape Cobras geslaan het. Suid-Afrika se eie Herschelle Gibbs is al die meeste keer vir n koeëlronde nulletjie uitgehaal en moes al 23 keer kopomlaag die tog kleedkamer toe aandurf. Die bouler met die meeste paaltjies is Sri Lanka se onortodokse snelbouler Lasith Malinga met 265 slagoffers. Albie Morkel is die Suid-Afrikaanse bouler met die meeste paaltjies (208) in Twintig20-krieket en beklee die algehele sewende posisie op die internasionale paaltjielys. Die beste boulontleding ooit behoort aan Arul Suppiah wat vir die Engelse graafskapspan Somerset speel. Dié linkshandige draaibalbouler het op 5 Julie 2011 in 3.4 boulbeurte ses paaltjies vir slegs vyf lopies teen Glamorgan geneem. Statistieke danksy espncricinfo.com en korrek soos op 16 Januarie 2015

8 Gaan 2015 die jaar wees? Wat sou Woensdagaand 31 Desember deur Robert de Preez se gedagtes geflits het? Sou die NWU-Puk-breier gedink het aan sy kroos, Robert, Dan en Jean-Luc. Oor wat hulle op die rugbyveld gaan bereik, of miskien het hy net gehoop dat hulle n gelukkige 2015 gaan hê. Dalk het hy vir homself gesê hy gaan meer oefen en gesonder eet. Dalk weet hy beter as sommige van ons om nie vir homself te jok nie. Of, miskien het hy homself n laaste oomblik gegun om oor n handvol minute op die aand van 7 April 2014 te dink wat soos n nagmerrie voor hom afgespeel het. NWU-Pukke het in hul Varsitybekereindstryd teen Ikeys op die Fanie du Toit-sportterrein hier in Potchefstroom voorgeloop en n geskiedkundige eerste Varsitykroon was so te sê n gegewe. Speeltyd was immers omtrent verstreke en net n katastrofiese instorting in die tuisspan se verdediging sou die sjampanje op ys hou. Daardie bottel se kurk is steeds nie getrek nie: is n lelike lees. Du Preez sou nie alleen daardie Woensdagaand gewees het nie. Elke speler wat daai hartverskeurende nederlaag teen Ikeys gesmaak het, elke bestuurslid en afrigter sou een voorneming gehad: Vanjaar gaan ons een stappie beter, vanjaar gaan ons dit doen. Die manne sweet al van November hul agterstewe om slaggereed te wees kom 9 Februarie. Dit is dan wanneer NMMU op die Fanie aangedurf word voor koers Stellenbosch toe gekies word om Maties die stryd aan te sê. Hierna is dit UJ in die Goudstad voor die Blou Bulle se Vodacombekerspan, oftewel Tuks, met Noordwes se trots langs die Mooirivier gaan swaarde kruis. Soete wraak kan 9 Maar op die Fanie opgedis word wanneer Ikeys al die pad van die Kaap af gaan opvlieg. n Aansienlike makliker wedstryd volg teen CUT in Bloemfontein en dan kan NWU-Pukke net sowel in die Rosestad bly, want die daaropvolgende week is dit Shimlas op Shimlapark. So, dis dan hoe dit lyk tot voor die uitspeelrondtes. My voorneme is om nie n sekonde daarvan te mis nie.

9 Alumni beplanning Aandag OUD-NWU-PUKKE Ons hoop dat 2015 n jaar gaan wees wat verwagtinge oortref! Deur jou kontakbesonderhede opgedateer te hou, sal jy meer inligting rakende die betrokke geleenthede ontvang. Skakel vir opdatering: Loer gerus na 2015 se huidige datums op die Alumni kalender en maak seker ons sien jou daar!! Reünie Datum Alumni Gholf-liefhebbers kan solank die volgende datums oophou. Alumni wyn-liefhebbers kan solank die volgende datums oophou. Navrae Frik Prinsloo by Navrae Yolandi Haasbroek by Reünie Datum Reünie Datum SR Maart Gholf Varsity Cup 2 Maart Bierproe 11 Februarie Rustenburg 15 April Gholf Varsity Cup 9 Maart Altydgedacht 11 Maart Pretoria 12 Mei Gholf Alumni dag 18 April Wynproe 8 April Nelspruit 28 Julie Gholf Tukkies 9 Mei Hermanuspietersfontein 13 Mei Klawerhof 60 jr reünie 31 Jul 2 Aug Gholf Rhodes 15 Augustus Zonnebloem 10 Junie Heide 45 jr reünie 31 Jul 2 Aug Gholf Alumni Dag 19 September Oranjerivierkelder 12 Augustus Durban Afkampus 15 September Gholf Matie/UJ 17 Oktober Marianne Wyn landgoed 9-September Regte 50 jaar 25/26 September Gholf Davis Cup 1 November Gabriëlskloof 14 Oktober Nuwe Alumni 22 Oktober Gholf - Kovsies 5 November Jakkalsvlei 11-November 1965 Eerstejaarsreünie 6 November Alumni Nuus

10 Kontak ons Vir enige voorstelle en kommentaar oor die nuusbrief, skryf asseblief aan Yolandi Haasbroek deur op die Kommentaar-skakel te kliek. Kommentaar Indien u verkies om nie die nuusbrief te ontvang nie, kliek op kanselleer-skakel, vul u voorletters, van en geboortedatum in en stuur die e-pos vir ons aan. Het die alumnikantoor jou nuutste kontakinligting of weet jy van ander oud-nwu-pukke wat graag die nuusbrief wil ontvang? Vir adresveranderings besoek Kliek hier en gaan LIKE ons Facebook-blad Kanselleer