TYDSKRIF VIR REGSWETENSKAP REDIGEERINSTRUKSIES

Transcription

1 TYDSKRIF VIR REGSWETENSKAP REDIGEERINSTRUKSIES 1

2 I. ALGEMENE INSTRUKSIES AAN OUTEURS EN NASIENERS 1. INLEWERING EN LENGTE VAN MANUSKRIPTE 1.1 Manuskripte kan in Afrikaans of Engels voorgelê word. Die TRW verkies artikels wat so na as moontlik aan 15 gedrukte bladsye is, dit wil sê 7000 woorde. Artikels word egter aanvar vanaf 4500 woorde (10 bladsy gedruk) tot n maksimum van woorde (25 bladsye gedruk) onder buitengewone omstandighede. Outeurs word versoek om die aantal woorde van hulle bydraes te tel. 1.2 Manuskripte moet getik of op n goeie drukker uitgedruk word in dubbelspasiëring op A4-papier, op een kant van die papier met ruim kantlyne. Twee afskrifte moet ingelewer word. Daarby moet dit verkieslik ook op persoonlike rekenaarskyf in MS-Word aangebied word. Ander teksverwerkingsprogrammatuur kan gebruik word as die skyf ongeformateer in ASCH-lêer ingelewer word. Inlewering op skyf kan publikasie bespoedig, maar is nie n vereiste nie. 1.3 Manuskripte moet van meet af aan in finaal geredigeerde, sorgvuldig taalversorgde en volledig afgeronde vorm deur die skrywer voorgelê word. 2. REDIGERING 2.1 Manuskripte word vir publikasie aanvaar behoudens die reg van die Redakteur om enige veranderinge aan te bring wat hy as wenslik beskou om die styl en aanbieding in ooreenstemming met die praktyk van die Redaksie te bring. Skrywers word versoek om die nodige sorg te dra dat die Redateur hierdie reg so min as moontlik moet uitoefen. Indien aansienlike veranderings nodig is, kan die manuskrip na die skrywer terugverwys word vir regstelling of goedkeuring. 2.2 Hoewel die stylvoorkeure van skrywers eerbiedig word, plaas die Redaksie n hoë premie op leesbaarheid, gemaklikheid van styl en duidelike uiteensetting. Die oogmerk met duidelikheid is nie dat die leser goed kan verstaan wat bedoel word nie, maar dat hy onder geen omstandighede verkeerd kan verstaan nie. Skrywers word versoek om moeite te doen om foute ten opsigte van grammatika, sinsbou, punktuasie, spelling, idioom en so meer reg te stel; om dubbelsinnigheid, toutologie, omslagtigheid en oortolligheid te verwyder; om akkuraatheid en samehang te bevorder; en om die wyse van uitdrukking en skryfstyl te verbeter. Vermy die gebruik van swaarwigtige terminologie en jargon waar doodgewone woorde net so duidelik, indien nie duideliker nie, sal wees. Elimineer oortollige woorde en verduidelikings. Vermy oormatig lang paragrawe en sinne. Streef te alle tye n logiese en verhelderende opeenvolging na. 2.3 Kriteria wat n rol speel by die keuring van artikels, en wat uitdruklik deur keurders in ag geneem word, is die volgende: die toepaslikheid van die titel; die belangrikheid van die onderwerp en die waarskynlike leser; die bydrae van die artikel tot die bestaande regswetenskaplike kennis; die aard en kwaliteit van die navorsingsmetode; die geldigheid van die bevindinge; foute in die manuskrip, en probleme met die uiteensetting of skryfstyl. 2.4 In die teks moet afskortings en akronieme sover moontlik vermy word. Dit is verkieslik om alles voluit te skryf (behalwe waar n akroniem, byvoorbeeld SAUK, 2

3 óf geyk is óf herhaaldelik gebruik word). In verwysings, voetnote en die bibliografie word afkortings sover moontlik wel gebruik. Skryf afkortings en akronieme sonder punte. 2.5 Titels moet kort en bondig maar informatief wees. Gepaste afdelingsopskrifte en subopskrifte moet waar nodig voorsien word. Nommer afdelings en onderafdelings met Arabiese syfers met punte, dit wil sê 3. Word gevolg deur 3.1 en (tot hoogstens drie vlakke). 3. VOETNOTE 3.1 Sowel bronverwysings as egte voetnote moet deur middel van voetnote onderaan bladsye aangedui word. Die noot se posisie-aanduiding in die teks moet in Arabiese syfers, in boskrif, sonder enige hakie, wees en verkieslik altyd aan die einde van n sin. Voetnote moet deurlopend Arabies genommer en in dubbelspasiëring op aparte bladsye aangebied word as die skrywer se drukker nie voetnote onderaan bladsye kan aanbring nie. Gebruik in voetnote sover moontlik erkende afkortings (sonder punte). Bronverwysings in die voetnote moet in die Harvardstyl gedoen word, en wel soos volg: 3.2 Standaardvorm: boeke en artikels 1 Coetzee 1977: Naam van teks 2 volgens Van der Walt 2 is dit so 3.4 Twee outeurs 3 Nel en Brink 1987:23 (Op Engels: and.) 3.5 Meer as twee outeurs 4 Mouton ea 1986: Op Engels: et al.) 3.6 Meerdere bronne 5 Brink 1978:33; Venter 1970: Meer as een bron per outeur 6 Brink 1978a:46: 1978b: Hofsake; SA na Standard Bank v Neugarten SA 695 W:730C-D Vermy onnodige besonderhede van eisers en verweerders, soos in hierdie geval: Standard Bank of SA Ltd v. Neugarten Let op die dubbelpunt na die saakverwysing om dit in ooreenstemming te kry met die bladsyverwysingstelsel by bibliograifese verwysings ;23. 3

4 3.9 Strafsake Vir strafsake word net die van of afkorting van die beskuldigde gebruik: 8 Tsutso SA 666 SR: K SA 353 A: Hofsake voor 1947 Vir uitsprake van Suid-Afrikaanse howe van voor 1947 word die tradisionele afkortings op Engels gebruik: 10 Baker v Baker 1945 AD 708: Tweede verwysing na hofsake By n tweede of verdere verwysing na hofsake word net die naam en bladsy verwysing van die saak gegee (moenie ibid of supra gebruik nie): 11 Standard Bank v Neugarten: Tsutso: Wetgewing 13 Wet op Beslote Korporasies 69/1984. As dit materieel is, kan melding van wysiging gemaak word: Wet op Beslote Korporasies 69/1984 (soos gewysig deur Wet ab/19xy). As daar na n bepaalde artikel verwys word, word dit so gedoen: 14 Wet op Beslote Korporasies 69/1984: art 55(3)(b) By n tweede of verdere verwysing in die voetnote na n wet, hoef die nommer en jaar van die wet nie vermeld te word nie: 15 Wet op Beslote Korporasies: art 56. As dit uit die meegaande teks begripsmatig blyk na welke wet verwys word, kan net die artikel vermeld word: 16 Art Proklamasies en regeringskennisgewings 17 GK 162 Staatskoerant 1974:103(4157) 18 Prokl 147 Staatskoerant 1976:131(2123). Die verwysing na die Staatskoerant moet dus verskaf word (vol 103, nommer 4157). By n tweede of verdere verwysing hoef daar slegs so verwys te word: 19 GK 162/

5 3.14 Ou skrywers en klassieke bronne Romeins-Hollandse skrywers en klassieke bronne word in die Bibliografie vermeld (sien onder). In voetnote word soos volg verwys: 20 Voet Van der Linden 1914: Van der Linden 1706: D As daar dus nie meer as een bron in die Bibliografie van een skrywer is nie, hoef die jaartal nie hier aangedui te word nie Algemeen: voetnote Bronverwysings na skrywers moet slegs die van bevat, sonder enige voorletters, tensy daar meer as een met dieselfde van voorkom. Verskaf sover moontlik bladsyverwysings, nie hoofstukke nie. Bronverwysings moet verkieslik aan die einde van n sin, of na n aanhaling, geplaas word. Vermy oormatige verwysings en substansiëring, of n oormatige aantal bronne in een verwysing. Indien n verwysing te lank word, moet die teks wat daarby pas, heroorweeg word. Uitdrukkings soos my beklemtoning moet net na die bladsyverwysing geplaas word Egte voetnote, dit wil sê inhoudsnotas of aantekeninge wat tersaaklike en noodsaaklike toeligting van die teks bevat, moet tot n minimum beperk word. Ingevolge die Harvardstyl moet belangrike opmerkings verkieslik op n gepaste plek in die teks self hanteer word, en nie aan die voet nie. Minder belangrike opmerkings, aan die ander kant, moet as goeie kandidate vir eliminering beskou word. Vermy endnotas of end-aantekeninge Kruisverwysings: Gebruik Afrikaanse terme ( sien/kyk; vgl; sien bo ) en Engelse terme ( see; see above ) sover moontlik en nie Latynse terme soos vide of vide supra nie. 4. BIBLIOGRAFIE 4.1 n Volledige bibliografie in die Harvardstyl moet verskaf word, met alle relevante besonderhede van boeke en artikels wat in die artikel gebruik is. Hofsaakverwysings en wetgewende instrumente moet egter nie in die bibliografie ingesluit word nie. Lys alle bibliografiese bronne bymekaar, sonder kategorisering, alfabeties volgens outeur (insluitend instansies). Die basiese punktuasiebeginsel van die TRW is dat verskillende eenhede in die verwysing met punte geskei word, met die minimum ander leestekens. Gebruik die volgende formaat (let daarop dat hoofletters nie in titels gebruik word nie, behalwe vir eiename). 4.2 Boeke COETZEE JS EN BRINK KL 1978.Writing research papers. 2de uitg. Londen: Macmillan. DRUCKER PF The sociology of law. New York: Basic Books Excellence in research. New York: Basic Books. 5

6 Artikels JOHNSON HJ On the effectiveness of legal policy. American Law Review 36(2):1-24. Let daarop dat die volle naam van die tydskrif veskaf moet word. Omdat dit n eienaam is, word hoofletters by die naam van die tydskrif gebruik Bydraes in versamelwerke Bydraes wat deel is van versamelwerke moet selfstandig gelys word, met n verwysing na die versamelwerk as sodanig. (In die teks moet dus na die bydrae self, en nie die versamelwerk nie, verwys word.) Gebruik op Afrikaans red/reds en op Engels ed/eds. SNYMAN AL Die rol van menseregte in politieke hervorming. Van Rensburg 1986:1-34. VAN RENSBURG CD (red) Menseregte in Suid-Afrika. 2de uitg. Pretoria: HAUM. 4.5 Proefskrifte en referate JAMES AP Psychology and law. Ongepubl PhD-proefskrif. Pretoria: Universiteit van Pretoria. BRINK JL Die rol van menseregte in politieke hervorming in Suid-Afrika. Ongepubl referaat. Pretoria: Kongres van die Juridiese Vereniging van Suid-Afrika. 4.6 Staatspublikasies REPUBLIEK VAN SUID-AFRIKA Privatisering en deregulering in Suid-Afrika. Verslag van die Presidentsraad. RP 8/84. Pretoria: Staatsdrukker. 4.7 Ou skrywers en klassieke bronne CUJACIUS J Opera omnia. 10 vol. Napels. KRUGER P en MOMMSEN T (reds) Corpus iuris civilis. Vol I. Berlyn. VAN DER LINDEN J Institutes of Holland. Vert deur G Morice. Kaapstad: Maskew Miller. VAN DER LINDEN J Regtsgeleerd practicaal en koopmans handboek. Allart: Amsterdam. 6

7 VOET J Commentarius ad Pandectas. Vol I. De Hondt: Den Haag. By die ou bronne kan Romeinse jaartalle verskaf word as die outeur onseker is. As die uitgewer onbekend is, kan dit uigelaat word en slegs die plek van uitgawe verskaf word. 4.8 Gebruik die taal van die artikel vir uitdrukkings soos red, uitg, vert deur, ongepubl, ensovoorts. Gebruik in die bronnelys slegs voorletters van skrywers, geen voorname nie. Slegs eiename, plekname, en so meer begin met hoofletters. Gebruik in die bronnelys sover moontlik erkende afkortings (sonder punte). 5. DIVERSE 5.1 Kursief moet nie oormatig gebruik word nie; indien wel, dan as n aanduiding van beklemtoning. Woorde wat in kursief moet verskyn, moet onderstreep word. Geykte Latynse terme soos per se kan gekursiveer word. In die algemeen egter moet woorde en aanhalings in tale anders as dié van die bydrae in aanhalingstekens verskyn. Vetdruk word normaalweg nie gebruik nie. 5.2 Statistiese en ander tabelle moet van kort maar verklarende opskrifte voorsien word. Beperk die aantal tabelle tot n minimum. 5.3 Diagramme, sketse en grafieke moet elk op n aparte vel papier gereed vir duplisering, dit wil sê professioneel met swart ink geteken, ingedien word. Rekenaargeproduseerde werk wat op n goeie tekentoestel geproduseer is, is ook aanvaarbaar. Fotostatiese afdrukke is nie aanvaarbaar nie. Elke diamgram moet n kort, verklarende opskrif hê. 5.4 Volle tersaaklike besonderhede van die skrywer asook, indien van toepassing, die oorsprong van die artikel (byvoorbeeld n referaat by n kongres) moet verskaf word. Besonderhede van die skrywer moet in die volgende vorm wees: P.F. van der Merwe, Professor en Hoof, Dept. Privaatreg, Universiteit van Durban- Westville. 5.5 Skrywers word uitgenooi om die name, adresse en spesialtietsvelde van tot drie persone (nie aan hul eie inrigting verbonde nie) wat as beoordelaars gebruik kan word, voor te lê. Die Redaksie sal probeer om minstens een hiervan te gebruik. Keuring geskied alty anoniem. 5.6 Twee opsommings van so na as moonltilk aan 200 woorde in sowel Engels as Afrikaans moet ingesluit word. Die opsomming in die ander taal as die van die artikel, moet ook van n korrek vertaalde titel voorsien wees. 5.7 Besorg manuskripte en skrywe aan: Die Redakteur, Tydskrif vir Regswetenskap, Interne bus 183, UVS, Posbus 339, Bloemfontein 9300; of by die Redaksiekantoor, Johannes Brill-gebou 117 (Sekretaresse: tel. (051) ; Redakteur: tel. (051) ). Prof Snyman/Redigeerinstruksies Feb