PSG Menlyn Building B Ground Level; 261 Lois Avenue, Newlands, Pretoria Tel: +27 (12) 368 1778 Fax: +27 (12) 368 1770 MENLYN Week in oorsig Aandeel van die week Vodacom Group Ltd 14 Februarie 2014 Disclaimer: The opinions expressed in this document are the opinions of the writer and not necessarily those of PSG and do not constitute advice. Although the utmost care has been taken in the research and preparation of this document, no responsibility can be taken for actions taken on information in this newsletter. Should you require further information, please consult an adviser for a personalised opinion.
Weeklikse oorsig 14 February 2014 JSE Dit was n goeie week vir internasionale markte waarin die Nasdaq sy hoogste vlak in 14 jaar bereik het. Sterker kommoditeitspryse het hulpbron aandele n hupstoot gegee, met die Hulpbron Indeks wat n 5.5% styging vir die week getoon het. Die JSE Algehele Indeks het met 2.8% gestyg, ten spyte van die Nywerheids Indeks wat effens laer beweeg het. Die Finansiële Indeks het met 2% gestyg danksy n sterk prestasie van die banke, na Barclays Group Africa (voorheen ABSA) uitgekom het met beter as verwagte finansiële state. Die Rand verhandel teen R10.87 teen die VSA Dollar, Goud het opgeskiet tot $1323 per ons en Brent ru-olie verhandel onveranderd teen $109 per vat. Die Dow Jones het sy sterkste week in die jaar gehad en 2.2% sterker gesluit, maar die Nikkei in Japan is steeds onder druk en het met 0.1% gedaal. In Hong Kong het die Hang Seng byna 3% hoër beweeg, terwyl die Europese markte sterker was met die FTSE wat 1.5% hoër gesluit het. Aandeel van die week: Vodacom Group Ltd Vodacom is n vooraanstaande mobiele telekommunikasie maatskappy, met die grootste hoeveelheid kliënte van al die sellulêre netwerke in Suid-Afrika. Die maatskappy bied GSM-dienste aan meer as 56 miljoen kliënte in Suid- Afrika, Tanzanië, Lesotho, Mosambiek en die Demokratiese Republiek van die Kongo. Vodafone, van die Verenigde Koninkryk, besit tans n 65% aandeel in die maatskappy. Vodacom verskaf dekking op Kilimanjaro, wat in die verlede die hoogste punt ter wêreld was wat GSM dekking gehad het. Dit is egter nie meer die hoogste punt ter wêreld wat GSM dekking het nie, aangesien TeliaSonera nou dekking bied aan die kruin van Everest, wat die hoogste punt in die wêreld is.
Struktuur van die maatskappy:
FINANSIËLE PRESTASIE: 6 Maande geëindig September 2013 Vodacom het goeie resultate gelewer vir die tydperk gelewer, ten spyte van n 17% verlaging in die gemiddelde prys per minuut van oproepe as gevolg van kompetisie en ICASA regulasies. Hooflynverdienste per aandeel het sterker gegroei as omset danksy sterk bedryfswinsgroei en het met ongeveer 11% gestyg. Die getal aktiewe kliënte het ook met ongeveer 10% gegroei vanweë die groei van die maatskappy se internasionale bedrywighede. Groep data
verkope het toegeneem met 80%, wat grotendeels te danke is aan die sterk groei van verkope van Slim-fone. Vodacom het tans 6.6 miljoen slim-foon kliënte en die vooruitsigte vir verdere groei is uitstekend. Internasionale bedrywighede is tans verantwoordelik vir byna 22% van die groep se inkomste, in vergelyking met 19% n jaar gelede. Aandeel Prestasie Aanbeveling Vodacom is n vooraanstaande telekommunikasie maatskappy met goeie kontantvloei en gesonde winsmarges. Die groep funksioneer in n baie kompeterende industrie waar die marges van telefoonoproepe voortdurend daal. Die aanvraag vir data sal sterk bly en selfs eksponensieel groei in die nabye toekoms soos meer en meer mense oorskakel na slim-fone. Verdere kwartaallikse aankondigings deur die groep het aangedui dat die verdienste weer sal toeneem vir die volle finansiële jaar. Die markte waarin Vodacom handel dryf is nie die mees gesogte uit n groei oogpunt nie en die Suid-Afrikaanse bedrywighede is reeds volwasse, wat die maatskappy agter MTN laat staan in terme van suiwer groei vooruitsigte. Die gevaar is dat Vodacom dalk te veel kan betaal vir toekomstige verkrygings om hul teenwoordigheid in Afrika n hupstoot te gee; sover het hul egter uit die moeilikheid gebly. Die aandeel is relatief goedkoop met n PV van 12 en het n sterk dividendopbrengs van 7.7%. Groei van verdienste per aandeel in die omgewing van 10% word verwag oor die volgende jaar, wat die PV verhouding tot 10 sal laat daal. Vanuit n kapitaalgroei perspektief is ons voorkeur MTN, maar Vodacom sal beter dividende betaal. Ons sien die maatskappy as n langtermyn KOOP.
PSG Menlyn Tel: +27 (12) 368 1778, Fax: +27 (12) 368 1770 PO Box 118, Newlands, Pretoria, 0049 Marius Cornelissen Portfoliomanager mariusc@psg.co.za Magdeleen Cornelissen Financialplanner magdeleen.cornelissen@psg.co.za Ben Fraser Financialadvisor ben.fraser@psg.co.za Gerda Potgieter Administrativeassistant gerda.potgieter@psg.co.za Mariska Blom Administrativeassistant Mariska.blom@psg.co.za PSG Menlyn Clientadministration menlyn@psg.co.za