EKSKLUSIEF SA se Samaritane Gift of the Givers reik wêreldwyd uit Gift of the Givers verleen daagliks hulp aan duisende mense hier in Suid-Afrika waar die organisasie se wortels lê, maar ook regoor die wêreld. En dit het alles begin met een vreeslose man wat sy eie mediese praktyk gesluit het om alle mense wêreldwyd te dien. DEUR: Sonja Carstens FOTO S: Alet Pretorius & Gallo Images (Nelius Rademan, Dino Lloyd & Jan Right) 38 élan <<< www.medihelp.co.za >>> winter 2015
Om alle mense van alle rasse en alle klasse te alle tye te dien. Dít was die oogmerk waarmee dr. Imtiaz Sooliman die humanitêre organisasie Gift of the Givers in 1992 begin het. Sedertdien leef Sooliman en sy sowat 100 personeellede dié beginsels daagliks uit. Gift of the Givers is die grootste nieregeringsrampreaksiegroep in Afrika en het reeds meer as R1,2 miljard se hulp in 42 lande verleen. Ek wil graag ander mense met liefde dien sonder om iets terug te verwag. Ek het nooit voorsien dat Gift of the Givers só groot sou raak nie, sê Sooliman. Die organisasie het veral bekend geraak danksy sy volgehoue pogings om die Bloemfonteinse onderwyser Pierre Korkie deur onderhandelings te probeer bevry. Korkie is ná 18 maande in aanhouding saam met nog n gyselaar, die Amerikaner Luke Somers, weens skietwonde dood ná n mislukte Amerikaanse reddingspoging. Gift of the Givers het onlangs aangekondig dat hulle ook gaan probeer om Stephen McGowan se vrylating in Mali te probeer onderhandel, al het die organisasie nie n kantoor daar nie. Die 40-jarige McGowan is op 25 November verlede jaar ontvoer. Sy familie het by die organisasie om hulp gepleit nadat hulle suksesvol was in die onderhandelings vir die vrylating van Yolande Korkie, Pierre se vrou. Gift of the Givers was ook onlangs in die nuus toe hulle reddingswerk in die aardbewinggeteisterde Nepal gaan verrig het. >>> Ek wil graag ander mense met liefde dien sonder om iets terug te verwag. Ek het nooit voorsien dat Gift of the Givers só groot sou raak nie. ~ Dr. Imtiaz Sooliman ~ winter 2015 <<< www.medihelp.co.za >>> élan 39
Gift of the Givers-dokters in die Mayaadrajour-hospitaal ondersoek n man wat in die aardbewing in die Thini-woonbuurt beseer is. Hulle het operasies in verskeie hospitale uitgevoer. Onbaatsugtige werk ondanks omstandighede Min mense besef egter in watter gevaarlike omstandighede en vir hoe lank Gift of the Givers reeds dié onbaatsugtige werk wêreldwyd doen. Volgens Sooliman het hy destyds pas sy eie mediese praktyk geopen toe hy besluit het om hom op humanitêre werk te begin toespits. Die burgeroorlog in Bosnië was die eerste plek waar die organisasie met Sooliman aan die hoof van die sending hulp gaan verleen het. In 1993 het Gift of the Givers hier die wêreld se eerste mobiele hospitaal bekendgestel, en in 2003 het Gift of the Givers die eerste organisasie in Suid-Afrika se geskiedenis geword wat R60 miljoen van die regering ontvang het om humanitêre verligting in KwaZulu-Natal en die Oos-Kaap te bring. Sooliman, wat oor die jare 43 toekennings vir sy werk ontvang het, vertel van die span se talle noue ontkomings. Hy en sy reddingspan het net uit n gebied in Libië beweeg kort voordat bomme daar geval het. Dieselfde het gebeur kort voordat bomme n hospitaal in Sirië getref het wat deur die organisasie bestuur is. Dié pa van vyf kinders en oupa van twee kleinkinders sien sy eie gesin baie min omdat hy geweldig baie tyd weg van die huis af spandeer. Ek vind dit baie stresvol om net by die huis te sit en rus. My brein is heeltemal te aktief! Samita Pandey, een van die Gift of the Givers-dokters, ondersoek n kind in die Kaule-dorpie waar hulle basiese gesondheidsdienste aangebied het. 40 élan <<< www.medihelp.co.za >>> winter 2015
aanspraakmakers Aashim Miya (8) word ondersoek deur n dokter in die dorpie Kaule. Kospakkies word in Oktober 2014 in die Kya Sands-informele nedersetting in Johannesburg uitgedeel nadat n brand meer as 3 000 mense dakloos gelaat het. Ek het al te veel seer en hartseer gesien waaraan iets gedoen moet word, vertel Sooliman. Gratis diens sonder eie gewin Vrywilligers wat hul dienste vir die organisasie aanbied, kom uit alle oorde. Sooliman sê Gift of the Givers het 140 medici en 70 soek-en-reddingswerkers op gereedheidsgrondslag. Almal dien ander gratis. Selfs in gevalle waar die organisasie daarop aandring om hulle te betaal, weier hulle steeds enige bydraes al verloor hulle duisende rande elke dag wat hulle nie in hul eie praktyke werk nie, sê Sooliman. Benewens dokters, verpleegpersoneel, spesialiste, dieetkundiges, sielkundiges, fisioterapeute en arbeidsterapeute, is argitekte en ingenieurs wat hospitale help bou ook deel van die organisasie se ondersteuningsnetwerk. Die groei van die organisasie het Sooliman genoop om sy privaat mediese praktyk op 30 Junie 1994 te sluit. Die organisasie het tans 21 projekte aan die gang. Ek leef Gift of the Givers 24 uur per dag uit. In Suid-Afrika het ons vyf kantore en daar is nog sewe kantore in die buiteland. Dit mag klink na n enorme operasie, maar die organisasie het slegs 100 mense voltyds in diens. Niemand kan glo hoeveel ons met so n klein groepie mense vermag nie, vertel Sooliman. >>> winter 2015 <<< www.medihelp.co.za >>> élan 41
aanspraakmakers Kos en komberse is verlede jaar tydens die stakingskrisis in Rustenburg deur Gift of the Givers en vrywilligers uitgedeel. 42 élan <<< www.medihelp.co.za >>> winter 2015
Gift of the Givers het basiese gesondheidsdienste in Kaule aangebied. Verskeie huise in die gebied is verwoes en die meeste mense moes buite slaap. Drie lede van dieselfde familie is in dié dorpie dood. Gift of the Givers se Suid-Afrikaanse projekte Hulle het die eerste kliniek ter wêreld in n vraghouer begin. Daar is tans 20 van hierdie mobiele klinieke landwyd in gebruik. Die organisasie het n hoëproteïen-sojaaanvulling ontwikkel wat veral gemik is op pasiënte met tuberkulose en MIV/vigs. Gift of the Givers bedryf n inbelhulplyn wat onder meer beradingsdienste aanbied. Die nommer is 0800 786 786. Die Gift of the Givers-stigting het in 2006 die grootste oopbronrekenaarlaboratorium in Afrika bekend gestel. Dié laboratorium by die Northbury Park Sekondêre Skool in Pietermaritzburg spog met 110 rekenaars. Die organisasie verleen hulp met landbouontwikkelings in afgeleë gebiede. Hulle is voortdurend betrokke by die uitdeel van kospakkies en komberse in arm gebiede. Raak betrokke of vind meer uit op die webtuiste www.giftofthegivers.org Medemenslikheid sonder grense Gift of the Givers onderneem sendings na gebiede wat die res van die internasionale gemeenskap huiwer om te besoek. Die organisasie se leuse is ons dien alle mense onvoorwaardelik, ongeag hul ras, geloof, kleur, politieke verband of geografiese ligging. Gift of the Givers het nog nooit grense vir mensemenslikheid gestel nie, al bevind hul spanne hulself gereeld in lewensgevaarlike situasies. Sooliman is op n keer in die oorloggeteisterde Bosnië met n geweer teen die kop aangehou. Die oorlog in Sirië, waar dokters moet opereer terwyl bomme en granate buite die noodhospitaal ontplof, het die grootste impak op Sooliman gehad. Dáár is enige persoon as die vyand gesien. Op n dag was daar 7 000 ongevalle. Die mees hartverskeurende geval was n negejarige seuntjie wat deur sy pa geskiet is toe dié sy vuurwapen skoongemaak het. Die kind is in die hart geskiet. Ons kon niks vir hom doen nie. Vir 35 minute lank het alle bedrywighede in die hospitaal tot stilstand gekom. Daardie skietvoorval was simbolies van alles wat in Sirië aan die gang was. Dit was nie n geval van soldate wat teen mekaar veg nie, maar gewone mense wat niks van wapens weet nie. Vreesloos op die voorpunt Sooliman lei altyd self Gift of the Givers se buitelandse sendings. Ek neem die risiko self. Ek is nie bang nie. Ek sal sterf wanneer dit my tyd is. Op n keer is ek in Suid-Afrika gekaap en die heeltyd gedreig dat ek doodgeskiet sal word. Ek is nie bang om te sterf nie, sê Sooliman. Volgens Sooliman sal hy graag wou sien dat armoede in Suid-Afrika uitgewis word en die land meer baat vind by die opheffing van die res van die vasteland. Sy grootste droom is om sy eie Gift of the Givershospitaal op die been te bring waar pasiënte die allerbeste privaat mediese sorg kan kry, en volgens hul vermoë daarvoor betaal. Hier sal dokters nie n wins maak nie, maar hulle sal hul kundigheid gebruik om terug te ploeg in die armes se gemeenskap. Dit is die laaste ding wat ek wil doen voordat ek my oë finaal toemaak, vertel hy. Volgens Sooliman het Gift of the Givers nog nooit nodig gehad om bakhand te staan nie. Ek vra nie dat mense vir ons geld gee nie. Ons doen wat ons doen en is baie dankbaar vir die geld wat inkom. é winter 2015 <<< www.medihelp.co.za >>> élan 43