PSG Menlyn Building B Ground Level; 261 Lois Avenue, Newlands, Pretoria Tel: +27 (12) 368 1778 Fax: +27 (12) 368 1770 MENLYN Week in oorsig Aandeel van die week Combined Motor Holdings Ltd 4 April 2014 Disclaimer: The opinions expressed in this document are the opinions of the writer and not necessarily those of PSG and do not constitute advice. Although the utmost care has been taken in the research and preparation of this document, no responsibility can be taken for actions taken on information in this newsletter. Should you require further information, please consult an adviser for a personalised opinion.
Weeklikse oorsig 4 April 2014 JSE Dit was n moeilike week vir tegnologie aandele wat op n slegte noot geëindig het na hewige verkope aandeelpryse onder druk geplaas het. Facebook, Google en Naspers het veral deurgeloop. Internasionale markte het die week sterk begin, maar effens gemeng geëindig. Die JSE Indeks van Alle Aandele het met byna 1% gestyg met mynbouaandele wat uitgeblink en n styging van 2.5% getoon het. Die Goud Indeks het teruggeveg met n styging van 1%, terwyl Industriële aandele met 0.8% en Finansiële aandele met byna 1% gestyg het. Die Rand het sy 3-maande hoogtepunt gehandhaaf en verhandel teen R10.57 teen die Amerikaanse dollar, Goud het $10 verhoog in prys en verhandel teen $1303 per ons en Brent ru-olie verhandel effens laer teen $107 per vat. Die Dow Jones het goed gevaar en met 0.5% gestyg, maar die Nasdaq het die week met byna 1% laer afgesluit na die kwaai daling Vrydag in tegnologie aandele.. Die Nikkei in Japan het weereens met byna 3% gestyg, terwyl die Hang Seng in Hong Kong sy onlangse tendens voortgeset het en met 2% hoër gesluit het. Die Europese markte het goed presteer met die FTSE wat met 1.5% gestyg het en die Dax het die week afgesluit met n styging van 1%. Aandeel van die week: Combined Motor Holdings Ltd Combined Motor Holdings Ltd is n vooraanstaande Suid-Afrikaanse motorhandelaars groep. Die maatskappy is sedert 1987 op die JSE genoteer. CMH verteenwoordig n groot aantal van hoogs erkende handelsmerk handelaars regoor Suid-Afrika en poog om verbruikers by te staan met al hul motor- en marienevereistes. Die handelaars sluit die volgende in: -Volvo - Kia - Ford / Mazda - Peugeot - Toyota - Volkswagen - Jaguar - Honda Die maatskappy bestaan ook uit n paar goed gevestigde handelsmerke, naamlik: Carshop, First Car Rental, CMH Finance, CMH Green, Boatshop and Bikeshop, Bonerts, NWE suppliers, BRP and Investment Cars.
Maatskappystruktuur:
FINANSIËLE UITSLAE: Ses maande geëindig 31 Augustus 2013 Verdienste vir die eerste ses maande geëindig 31 Augustus 2013 is opgestoot met 42% na 79c per aandeel danksy n toename in die verkoop van nuwe en tweedehandse voertuie. Inkomste het met 17% gestyg na R5bn en die bedryfsmarge het toegeneem van 2.2% na n stewige 2.8%. Die maatskappy het hooflunverdienste van R86m getoon en n bruto tussentydse dividend verklaar van 28 sent. Die motorhandelaarsafdeling dra steeds die grootste gedeelte by tot die inkomste en het n 9% toename in die verkope van nuwe voertuie behaal. Die verkoop van tweedehandse voertuie het met 8% toegeneem en motorverhuring het ook n toename ervaar in die bedryfswinsmarge, grootliks danksy n verhoging in die gemiddelde daaglikse verhurings. Die mariene- en ontspanningsafdelings het die laaste kleinhandelswinkel verkoop in Junie en sal dus fokus op die groothandelbedryf. Aandeel prestasie
Aanbeveling CMH is n eersteklas motorhandelaarsgroep met n uitstekende kombinasie van handelaars en handelsmerke. Die onlangse verswakking in die Rand, sowel as die verandering in rentekoerse vooruitsigte, gaan n moontlike impak hê op toekomstige verkope. Stygende invoerkostes gaan die pryse van voertuie opstoot wat die getalle in verkope kan verminder en dit kan winsmarges laat afneem. CMH kan wel voordeel trek uit die tweedehandse sektor waar hul wel n toename in verkope kan ervaar soos die vraag vir tweedehandse voertuie toeneem. Die maatskappy het n goeie geskiedenis om aan te pas in moeilike tye en selfs in resessies, maar CMH is n tipiese sikliese aandeel wat onderpresteer wanneer die verbruiker onder druk geplaas word. Die hoeveelheid nuwe voertuie wat in Suid-Afrika verkoop is van Januarie tot Maart 2014 het reeds n afname getoon en daar is geen manier hoe CMH die tendens kan vryspring nie. PASSENGER SALES YEAR SALES Total Sales March 2014 36798 Total Sales March 2013 37612 Total Sales February 2014 34413 Total Sales February 2013 36430 Total Sales January-March 2014 109237 Total Sales January-March 2013 114960 Soos gesien kan word in die nuutste verkope van passasiervoertuie is die industrie onder druk. CMH verhandel op n lae PV van 6.6, n hoë dividendopbrengs van 5.5% en verdienste vir die jaar sal steeds sterk wees, maar dié volgende jaar kan moontlik n moeilike jaar wees. Dit is n goeie maatskappy, maar as gevolg van die huidige toestande in die ekonomie stel ons voor dat die aandeel VERMY word. PSG Menlyn Tel: +27 (12) 368 1778, Fax: +27 (12) 368 1770 PO Box 118, Newlands, Pretoria, 0049 Marius Cornelissen Portfolio manager mariusc@psg.co.za Magdeleen Cornelissen Financial planner magdeleen.cornelissen@psg.co.za Ben Fraser Financial advisor ben.fraser@psg.co.za Gerda Potgieter Administrative assistant gerda.potgieter@psg.co.za Mariska Blom PSG Menlyn Administrative assistant Client administration Mariska.blom@psg.co.za menlyn@psg.co.za