Vir uitreiking Maandag, 9 April 2018 KUNSTENAARS EN KULTURELE ORGANISASIES BAAN DIE WEG VIR KLIMAATSGEREGTHEID DWARSOOR SUID-AFRIKA Die Vrystaat Kunstefees en die Nasionale Kunsteraad van Suid-Afrika het n verslag bekendgestel wat uiteensit hoe die kunste en kultuur n meer omgewingsvolhoubare en -billike gemeenskap vorm. Towards a Regenerative Culture onthul n diverse verskeidenheid projekte in lyn met nasionale beleidsdoelwitte om oor te skakel na n lae koolstof- en regverdige ekonomie teen 2030, insluitend energiedoeltreffendheid en volhoubare infrastruktuur; volhoubare voedingstelsels, landgebruik, herbebossing en biodiverse bewaring; toenemende openbare bewustheid en klimaatsverandering en effektiewe politieke voorspraak; samewerking oor dissiplines heen; en holistiese besluitneming wat mense, die ekonomie en die omgewing ewe veel dien. Sleutelbevindings sluit in: n Diverse en deskundige gemeenskap van kunstenaars, skeppende praktisyns en kulturele organisasies dwarsoor die kulturele en skeppende bedrywe pak reeds sake verwant aan klimaatsgeregtigheid, verskaf leierskap op voetsoolvlak om die gaping tussen nasionale beleidsdoelwitte entoepassing kleiner te maak. Artistieke en kulturele projekte verwant aan klimaatsgeregtigheid lewer dikwels bydraes tot sosiale resultate, insluitende sosiale kohesie en ekonomiese bemagtiging. Fondse vir projekte is beperk, met baie kunstenaars wat self hul inisiatiewe befonds bo en behalwe amptelike steun van n verskeidenheid Suid-Afrikaans en internasionale skenkings. Die sektor se impak op klimaatsgeregtigheid kan versterk en verhoog word met strategiese koördinering en belegging. Die volle verslag is hier te kry: http://bit.ly/cultureclimatejusticesa Die verslag het lig gewerp op aktiewe en deskundige kunstenaars en kulturele leiers wat omgewingsuitdagings onder die aandag bring, verskaf nuwe perspektiewe en bied nuwe narratiewe oor ons verhouding met die natuurwêreld; werk met gemeenskappe om hul lewens rondom klimaatweerstand en ekonomiese volhoubaarheid te (her)ontwerp; skep nuwe prototipes van prosesse, materiale en tegnologie om eko-innovering te ondersteun; en geleenthede te fassiliteer vir beleidmakers, akademici en ander burgerlike deelhouers om meer skeppend te dink oor wat moontlik is. Die verslag gee ook aanbevelings wat hierdie praktyk kan verhoog om meer impak te hê en die kulturele sektor as n belangrike deelhouer in die oorgang na n klimaat-weerstandige en regverdige toekoms vir Suid-Afrika te posisioneer.
Dit is die gevolg van vennootskap en samewerking tussen die Vrystaat Kunstefees, die Nasionale Kunsteraad van Suid-Afrik en die Brits-gebaseerde organisasie, Julie s Bicycle n wêreldleier in kulturele aksie op klimaatsverandering. Dit is gelewer deur die navorser Sholeh Johnston as deel van n Clore-leierskapprogram werksplasing, ondersteun deur die Kunsteraad van Engeland. Professor Francis Peterson, rector en vise-kanselier, Universiteit van die Vrystaat, sê: Die Culture and Climate Justice: Towards a Regenerative Culture in South Africa-verslag is die resultaat van n besoek in 2016 deur die hoofuitvoerendebeampte van Julie s Bicycle, Alison Tickell, gesteun deur die Program vir Innovasie in Kunsteontwikkeling (PIKO), n inisiatief van die Universiteit van die Vrystaat en die Vrystaat Kunstefees, geborg deur die Andrew Mellon-stigting. Op die PIKO-forum oor die kunste en die omgewing in 2016 was me. Tickell die sleutelspreker, is n omvattende dokument voorgestel om die stand van die kunste en omgewingsaktivisme in Suid-Afrika te karteer. Sholeh Johnston het onderneem om die navorsing te doen en n aansienlike dokument met n breë siening van huidige praktyke in die land ontwikkel. Ek is besonder trots dat die Universiteit van die Vrystaat, deur PIKO, betrokke is by hierdie pioniersdokument n eerste vir Suid-Afrika. Ons het nou die eerste stap in n voortdurende proses voltooi danksy haar bydrae. Rosemary Mangope, hoofuitvoerendebeampte van die Nasionale Kunsteraad van Suid-Afrika (NAC), sê: Suid-Afrika se oorgang na n omgewingsvolhoubare, weerstandig teen klimaatsverandering, laekoolstof ekonomie is tans die voorloper (2014-2019). Hierdie fase is n loods- en ondersoekfase wat fokus op die skep van n raamwerk vir die implementering van die oorgang na n omgewingsvolhoubare, lae-koolstof ekonomie. Dit sluit in die oopmaak van bepalende inperkings, dataversameling en die vestiging van grondlyninligting, en aanduidings wat sommige van hierdie konsepte en idees toets om te bepaal of hulle opgegradeer kan word. Die NAC is trots daarop dat hy die gasheer was vir die omgewingsvolhoubarespesialis, me Sholeh Johnston (Mei tot Junie 2017) om n studie te doen van dit wat reeds daar is wat opgegradeer kan word. Daar is n behoefte om kreatiewe interseksies tussen die kunste en die omgewing te identifiseer. Verandering hang van ons af. Ons moet individue word wat bereid is om op te staan en te sê dis tyd vir minder praat en meer doen. Dit is ons planeet en ons is sy plunderaars. Om die rol van kultuur in die uitdaging van omgewings- en sosiale uitdagings in Suid-Afrika sigbaar te maak, is n belangrike stap. Die kulturele sektor, sleutel- strategiese organiseerders en borge soos die NAC moet die pogings van die dapper, deskundige kunsgemeenskap, skeppende praktisyns en kulturele organisasies vanuit die kulturele en skeppende bedrywe steun wat reeds betrokke is by sake verwant aan klimaatsgeregtigheid en leierskap op voetsoolvlak verskaf om die gaping tussen nasionale bleidsdoelwitte en implementering te vernou. Annalize Dedekind, voorsitter van die Vrystaat Kunstefees, sê: Dat die kunste n groot rol speel in die skep van gemeenskappe, is nie voorbladnuus nie. Maar hierdie verslag beklemtoon die feit selfs meer, want dit is in ons teaters, met n palet en verfkwas in die hand, die skryf of lees van n boek, deur na musiek te luister of skeppende mense van uiteenlopende perspektiewe saam te bring dat ons vooropgesette idees kan verander. Uit die oogpunt van n kunstefees sien ons dit elke dag hoe die kunste help om mure af te breek en ons selfsin te verbeter.
Wat het ons beter as die kunste in al sy verskeidenheid vorms om verandering te bring oor belangrike sake soos die volhouding van die omgewing. Alison Tickell, hoofuitvoerendebeampte van Julie s Bicycle, sê: By Julie s Bicylce het ons keer op keer gesien dat om skeppende klimaatspraktisyns met hul eweknieë te verbind, en hul inspirerende werk sigbaar te maak, een van die magtigste katalisators is om verandering te verhoog. Hierdie verslag is n belangrike stap tot die verkryging van erkenning vir die kunste en kultuur as belangrike deelhouers in die globale klimaatsreaksie, en lê die impak en potensiaal bloot wat Suid-Afrikaanse kunstenaars en kulturele organisasies bied. Sholeh Johnston, navorsingshoof, sê: Suid-Afrika ervaar reeds erge gevolge van klimaatsverandering droogte, waterskaarste en mislukte oeste onder ander uitdagings. Die oorgang na klimaatsweerstand vereis massadeelname, verdeelde leierskap en skuiwe in bewustheid en gedrag: hierdie verslag demonstreer die belangrike rol van kultuur in daardie skuif. Dit is maklik om individuele kunstenaars en organisasies wat op plaaslike vlak vir verandering werk, mis te kyk, maar hul gekombineerde impak in hierdie grootprentnarratief is onmoontlik om te ignoreer. Dink net wat is moontlik as hul toegeweidheid, kreatiwiteit en kunde met strategiese steun aangevul word? Kontak Vir nuusnavrae kontak asseblief: Adri van Veijerin Ontwikkelingsbestuurderkonsultant adri.herbert@vodamail.co.za Spesifieke navrae oor die inhoud van die navorsing: sholeh.johnston@gmail.com Nota vir redakteurs Towards a Regenerative Culture is gelewer deur navorser Sholeh Johnston gedurende n intensiewe periode van navorsing in Suid-Afrika. Dit put uit onderhoude met 30 kunstenaars, kulturele organisasies, ontwerpers en kulturele beleidsmakers, asook lessenaarnavorsing. Dit bou op n voortdurende verhouding tussen Julie s Bicycle en die Vrystaat Kunstefees. Die behoefte vir n gekarteerde projek om die staat van die kunste en omgewingsaktivisme in Suid-Afrika te identifiseer is oorspronklik in 2016 voorgestel by die Forum oor Kunste en Omgewing van die Program vir die Innovering in Kunsontwikkeling (PIKO) ná n sleuteltoespraak deur die hoofuitvoerendebeampte van Julie s Bicycle, Alison Tickell. Die navorsing het plaasgevind gedurende n werksplasing wat gesteun is deur die Cloreleierskapprogram en die Kunsteraad van Engeland. Die verslag is te kry by: http://bit.ly/cultureclimatejusticesa
Re-Future project, Keith Armstrong, Mangaung, 2017 (Image courtesy of the Artist) Planet B, Well Worn Theatre, 2016 (Photo by Jonathan Jones)
Spider photo credit: Karoo Disclosure, 2015 Strijdom 4 credit: Strijdom van der Merwe, 2014