SHAREMAX GESINDIKEERDE MAATSKAPPYE OPGEDATEERDE KOMMUNIKASIE 21 Julie 2011 Bykomend tot vorige kommunikasie, is die direksies van die Sharemax gesindikeerde maatskappye ( Maatskappye ) onder direktiewe van die Suid-Afrikaanse Reserwe Bank ( SARB ), bly om bekend te maak soos dit hieronder op rekord geplaas is. 1. VERKRYGING VAN ZAMBEZI MALL 1.1. Sharemax Zambezi Retail Park Investments (Edms) Beperk ( Zambezi Retail ) het effektief vanaf 1 Julie 2011 eienaarskap van die Zambezi Mall eiendom van Capicol (Edms) Beperk verkry. Die verkryging volg op lang en intense onderhandelings. Hierdie transaksie was gedurende die week wat op 8 Julie 2011 geëindig het, gesluit. 1.2. Vanaf verskeie bronne van kommunikasie, insluitende die Road Shows en vanaf interaksie met die beleggers/fa Forum en beleggers, het die Direksie tot die gevolgtrekking gekom dat dit die algemene wens van die beleggers is om eienaarskap van Zambezi Mall te hê en dit is nou bereik, onderhewig aan sekere voorwaardes. Die eiendom sal in twee stappe oorgedra word vir eienaarskap daarvan. Die hoofwinkelgebou sal dadelik oorgedra word en die toepaslike oordragaktiwiteite het reeds begin. Die oordrag van die balans van die eiendomme wat uit die Zambezi Mall se ander geboue bestaan, sal volg gedurende die proses met die implementering van die verkrygingsooreenkoms. 1.3. Die dag tot dag bestuur van die sake van Zambezi Mall is oorgeneem deur Zambezi Retail en die bestuursaktiwiteite onder Zambezi Retail het reeds begin. Die bestuursaktiwiteite sal die invordering van huurgeld en alle ander verwante eiendomsbestuursaktiwiteite insluit. Samesprekings met die huurders het reeds begin en sal so vinnig as wat moontlik is vorder, sodat Zambezi Retail kennis kan dra van die huidige huur- en kontraktuele posisies, asook ander aanverwante sake van Zambezi Mall. 1.4. In ooreenstemming met die terme van die verkrygingsooreenkoms, word beoog om die uitstaande padwerke te voltooi sodat die hooftoegangsroetes tot Zambezi Mall oopgemaak kan word. Daar sal voor die einde van Julie 2011 daarmee begin word en daarmee voort gegaan word, totdat dit voltooi is. 1
1.5. Bykomend volgens die verkrygingsooreenkoms, sal bemarking- en promosie aktiwiteite vir Zambezi Mall van stapel gestuur word, volgens n ooreengekome bemarkingsprogram wat tans geïmplementeer word. 1.6. Die Zambezi Mall se verkrygingsooreenkoms het die weg gebaan vir die Direksie om die nodige befondsing vir die voltooiing van die konstruksie aktiwiteite van die toegangspaaie tot Zambezi Mall te kry en daardeur die langverwagte gemaklike toegang tot Zambezi Mall te verseker. Hierdie befondsingsaktiwiteite kan nou op n kommersiële basis plaasvind, omdat eienaarskap bestaan, teenoor die vorige posisie van nie-eienaarskap van Zambezi Mall en dit bring mee dat daar geen verdere betrokkenheid van die Capicol Groep, die ontwikkelaar van Zambezi Mall, is nie. 1.7. Met die koms van die oordrag van eienaarskap, sal toekomstige netto inkomste wat uit die besigheidsaktiwiteite van Zambezi Mall voortspruit, tot die voordeel van beleggers wees en die Capicol Groep sal geen verdere betrokkenheid hê in terme van die beleggingsopbrengs waarop beleggers geregtig is nie. 1.8. Die aandag van beleggers word egter daarop gevestig dat Zambezi Mall effektief beskou moet word as n nuwe winkelsentrum, wat weer bekendgestel sal moet word met die opening en finale voltooiing van die toegangspaaie en nadat geskikte huurders geplaas is met die effektiewe voltooiing van Zambezi Mall. Die huidige swak huurstatus van Zambezi Mall sal verbeter moet word met die bogemelde proses, voordat beleggingsopbrengste weer hervat kan word. 1.9. Dit is die oorwoë mening van die Direksie dat die aksies met betrekking tot Zambezi Mall, soos hierbo uiteengesit, tans en in die toekoms tot die beste voordeel en in die beste belang van die beleggers in die Zambezi Mall projek is. 2. VERKRYGING VAN VILLA MALL 2.1. Ook na lang en intense onderhandelings, welke onderhandelings oorvleuel het met die onderhandelings oor Zambezi Mall, het The Villa Retail Park Investments (Edms) Beperk ( Villa Retail ) effektief vanaf 1 Julie 2011 eienaarskap van n 80% onverdeelde aandeel in en van die Villa Mall eiendom van Capicol 1 (Edms) Beperk, verkry. Capicol 1 sal die oorblywende 20% belang hou, welke belang beskikbaar sal wees volgens die kontraktuele 2
ooreenkoms, vir die verkryging daarvan op verskillende stadiums teen voorafbepaalde bedrae. Hierdie transaksie was gedurende die week wat op 15 Julie 2011 geëindig het, gesluit. 2.2. Net soos in die geval met die Zambezi Mall projek, het die Direksie die algemene wens van die beleggers gekry dat hulle eienaarskap van die Villa Mall verkies en dit is nou bereik, onderhewig aan seker voorwaardes. Een voorwaarde is n opskortende voorwaarde, wat op 15 Augustus 2011 nagekom moet word. Beleggers en belanghebbende partye sal oor die nakoming van die opskortende voorwaarde of die nienakoming daarvan, ingelig word. 2.3. Die 80% onverdeelde aandeel in en van die Villa Mall eiendom sal ook in twee stadiums oorgedra word vir die eienaarskap daarvan. Die eerste oordrag, synde die eerste 30% van die 80% onverdeelde aandeel, moet onmiddellik oorgedra word na die nie-nakoming van die bogemelde opskortende voorwaarde. Voorbereidings vir die toepaslike oordragaktiwiteite in hierdie verband, het egter reeds begin en dit is die Direksie se siening dat dit onwaarskynlik is dat die opskortende voorwaarde nagekom sal kan word. Oordrag van die oorblywende 50% van die onverdeelde aandeel sal volg in die normale gang van die inplementeringsproses van die Villa Mall se verkrygingsooreenkoms, wanneer dit onvoorwaardelik is. 2.4. Die Villa Mall se verkrygingsooreenkoms het die weg gebaan vir die Direksie om voort te gaan om die nodige befondsing vir die voltooiing van die Villa Mall, wat deur die Direksie onderneem word. Hierdie befondsingsaktiwiteite kan nou op n kommersiële basis plaasvind omdat eienaarskap bestaan, teenoor die vorige posisie van nie-eienaarskap van Villa Mall en dit bring mee dat daar geen verdere betrokkenheid van die Capicol Groep, die ontwikkelaar en die ontwikkelingsbestuurder van die Villa Mall, is nie. Sou die opskortende voorwaarde nie nagekom word nie, sal die Capicol Groep met sy 20% onverdeelde aandeelbelang nie verder betrokke wees by die ontwikkeling nie, insluitend die voltooiing en die bestuur van die Villa Mall. Die ontwikkeling se voltooiing en bestuur sal deur Villa Retail onafhanklik van die Capicol Groep, onderneem word. 2.5. Dit is die oorwoë mening van die Direksie dat die aksies met betrekking tot Villa Mall, soos hierbo uiteengesit, tans en in die toekoms tot die beste voordeel en in die beste belang van die beleggers in die Villa Mall projek is. 3
3. PROSES VAN DIE REËLINGSKEMAS 3.1. Weens die suksesvolle sluiting van die verkrygingstransaksies met betrekking tot Zambezi Mall en die Villa Mall, is die direksies nou in staat om voort te gaan om die Reëlingskemas waaroor voorheen gerapporteer is, te implementeer tot die voordeel van die beleggers as n geheel en vir sover as wat dit spesifieke beleggers raak. Dit sal gedoen word in ooreenstemming met n finale tydtafel, welke tydtafel ook van toepassing sal wees om die versterkte posisie van Zambezi Mall en Villa Mall se transaksies te implementeer, soos hierbo vermeld. 3.2. Vordering met die proses van die Reëlingskemas, soos bo gemeld, het reeds begin in ooreenstemming met die tydtafel. 3.3. Behalwe in buitengewone omstandighede, word dit verwag om die implementering van die prosesse van die Reëlingskemas teen die einde van September 2011 te finaliseer, met die verkryging van die sanksionering van die toepaslike Reëlingskemas en om die opheffing van die direktiewe van die SARB te soek, nadat die toepaslike Reëlingskemas gesanksioneer is met die verstandhouding dat die beleggers ten gunste sal stem vir die aanvaarding en die sanksionering van die voorgestelde Reëlingskemas. 4. BESONDERHEDE VAN DIE VOORSTELLE AAN BELEGGERS 4.1. Die toepaslike dokumentasie van die Reëlingskemas word tans saamgestel met toeligting wat spesifiek handel oor die voordele wat beleggers sal kry, noudat die Zambezi Mall en Villa Mall se verkrygingstransaksies gefinaliseer is. 4.2. Die omsendskrywes met die formele voorstelle wat aan die krediteure en die beleggers in die maatskappye gestuur gaan word, word tans voorberei met die oog daarop om dit te finaliseer en in die laaste deel van Augustus 2011 uit te stuur. Die formele vergaderings van krediteure en beleggers sal na verwagting byeengeroep word om teen die laaste deel van September 2011 plaas te vind. Dit sal gevolg word deur die sanksionering van die voorgestelde Reëlingskemas en die opheffing van die direktiewe, kort nadat die formele vergaderings van die krediteure en die beleggers plaasgevind het. 4
4.3. Volle besonderhede van die finale voorstelle aan krediteure en beleggers sal in die gemelde dokumentasie vervat wees en dit sal betyds aan krediteure en beleggers gesirkuleer word, sodat die voorstelle en dokumentasie met die toepaslike ondersteunende inligting, op n ingeligte basis oorweeg kan word. 5. INKOMSTE PLANNE 5.1. Verdere substansiële onderhandelings en verfyning van die voorstelle met betrekking tot die Reëlingskema het plaasgevind en die verfyning daarvan is nou voltooi. 5.2. Die proses van die Reëlingskema met betrekking tot die Inkomste Planne, sal vorder in ooreenstemming met dieselfde tydtafel waarna reeds verwys is en gelyktydig met die Reëlingskemas van Zambezi Mall en Villa Mall. 5.3. Besonderhede oor die betaling van die verwagte inkomste opbrengs met betrekking tot die Inkomste Planne, sal deur Frontier aan die beleggers voorsien word. Dit sal nie deur die voorafgaande proses met betrekking tot die Reëlingskema van die Inkomste Planne, geaffekteer word nie. 6. GROEI PLANNE Daar word gevorder met die strukturering van n Reëlingskema met betrekking tot die Groei Planne projekte. Die toepaslike Reëlingskemas sal voorgestel word, (insluitende die omsendskrywe aan krediteure en beleggers) in ooreenstemming met die tydtafel waarna reeds hierbo verwys is en daar word verwag om dit terselfdertyd te implementeer en te finaliseer as die prosesse wat op Zambezi Mall, Villa Mall en die Inkomste Planne projekte van toepassing is. 7. VERDERE VORDERING Verdere vorderingsverslae en opdaterings sal volg so gou as wat dit prakties moontlik is. Neem asseblief kennis dat hierdie inligting ook beskikbaar sal wees op Frontier se webtuiste by www.frontieram.co.za. U is welkom om hierdie webtuiste vir gereelde opdaterings en agtergrondinligting te besoek. 5