PSG Menlyn Building B Ground Level; 261 Lois Avenue, Newlands, Pretoria Tel: +27 (12) 368 1778 Fax: +27 (12) 368 1770 MENLYN Week in oorsig Aandeel van die week DB Tracker USA (DBXUS) 17 Januarie 2014 Disclaimer: The opinions expressed in this document are the opinions of the writer and not necessarily those of PSG and do not constitute advice. Although the utmost care has been taken in the research and preparation of this document, no responsibility can be taken for actions taken on information in this newsletter. Should you require further information, please consult an adviser for a personalised opinion.
Week in oorsig 17 Januarie 2014 JSE Nuus oor potensiële stakings in die platinum sektor het die afgelope week oorheers op die JSE, maar sterker markte in Europa en die swak Rand het gehelp om die Algehele Indeks met 2.6% op te stoot. Die top presteerders sluit Anglo American, Kumba Ystererts, Sasol en SABMiller in. Die Finansiële indeks het n strawwe tyd beleef en het met 1.2% gedaal, terwyl die Industriële Indeks en Hulpbron Indeks met 1.2% en 4.7% afsonderlik gestyg het. Die rand handel teen R10.83 teen die USD, Goud het n goeie week beleef en die prys het gestyg tot $1255 per ons en Brent ru-olie handel teen n prys van $106.33 per vaatjie. Die Europese aandele het op n 6-jaar hoogtepunt gesluit, terwyl die VSA se S&P 500 n marginale verlies getoon het. Japanese aandele het afgeneem teen die rug van n sterker Yen, terwyl die Shanghai saamgestelde indeks in Sjina gedaal het onder 2000 vir die eerste keer in 6-maande as gevolg van laer nywerheidsproduksie en besighede se spandering wat laer as verwagting was. AANDEEL VAN DIE WEEK: DBXUS DBXUS is n beursverhandelde fonds wat ontwerp is om die prestasie van die MSCI VSA Indeks te weerspieël. Die Indeks word gesien as n barometer van die Amerikaanse ekonomie en as gevolg daarvan sal die belegging uiteindelik die prestasie van die VSA se aandele markte navolg. Maatskappye met n gekombineerde markkapitalisasie van meer as $14 triljoen word hierin verteenwoordig. Die Indeks word opgemaak vanuit groot en medium grootte maatskappye wat gebaseer word op die gekombineerde waarde van n maatskappy se aandele wat geredelik beskikbaar is, in vergelyking met ander maatskappye. Die Indeks se doelwit is om 85% van die geredelik beskikbare aandele te verteenwoordig in elk van die bedryfsektore in VSA se markte. Die maatskappy se gewig op die Indeks hang af van sy relatiewe grootte.
Maatskappy Struktuur:
VOORDELE VAN BUITELANDSE BEURSVERHANDELBARE FONDSE: - Diversifikasie teen die swak Rand - Geen valutabeheerkwessies nie - Koste effektiewe manier om in buitelandse maatskappye te belê - Koop en verkoop op die JSE Aandeel prestasie
Aanbeveling Om in die buiteland te belê behels gewoonlik groot kostes, baie papierwerk en n beperking op die minimum bedrag wat belê mag word. Deur die DBXUS direk op die JSE te koop, kan die belegger blootstelling tot die top VSA maatskappye verkry sonder baie moeite. Soos ons vroeër genoem het, bly ons bekommerd oor die langtermyn vooruitsigte van die Rand as gevolg van stakings en swak ekonomiese groei in Suid-Afrika. Amerikaanse maatskappye groei verdienste teen n goeie koers en dit word verwag om so voort te gaan in 2014. As verdienste groei teen die koers soos verwag deur die kredietgraderings agentskap S&P sal die 1-jaar vooruitgeskatte PV van die VSA aandele in die omgewing van 15 wees, wat laer is as die langtermyn gemiddeld. Ons sien hierdie beursverhandeldefonds as die beste van beide wêrelde, met die voordeel van diversifikasie en die moontlikheid van goeie groeivooruitsigte. Ons adviseer langtermyn beleggers om die aandeel aan te koop. PSG Menlyn Tel: +27 (12) 368 1778, Fax: +27 (12) 368 1770 PO Box 118, Newlands, Pretoria, 0049 Marius Cornelissen Portfolio manager mariusc@psg.co.za Magdeleen Cornelissen Financial planner magdeleen.cornelissen@psg.co.za Ben Fraser Financial advisor ben.fraser@psg.co.za Gerda Potgieter Administrative assistant gerda.potgieter@psg.co.za Mariska Blom Administrative assistant mariska.blom@psg.co.za PSG Menlyn Client administration menlyn@psg.co.za