PSG Menlyn Building B Ground Level; 261 Lois Avenue, Newlands, Pretoria Tel: +27 (12) 368 1778 Fax: +27 (12) 368 1770 MENLYN Week in oorsig Aandeel van die week Aspen Holdings 9 Mei 2014 Disclaimer: The opinions expressed in this document are the opinions of the writer and not necessarily those of PSG and do not constitute advice. Although the utmost care has been taken in the research and preparation of this document, no responsibility can be taken for actions taken on information in this newsletter. Should you require further information, please consult an adviser for a personalised opinion.
Weeklikse oorsig 9 Mei 2014 JSE Dit was 'n gemengde week vir internasionale markte en die meeste aandele het goed presteer, maar tegnologieaandele het weereens wisselvallig vertoon. Die JSE Alle Aandele indeks het byna 0,3% gedaal in n week waarin die plaaslike verkiesing die nuus oorheers het. Hulpbronne het die pad laer aangewys met 'n daling van 1,3%, terwyl die goudindeks weereens uiters wisselvallig was en met 4% gedaal het. Nywerhede en Finansieël het 'n stil week gehad en effens laer gesluit. Die Rand het sterk gebly en verhandel teen R10,37 teen die Amerikaanse dollar, Goud het weer met $14 gedaal om die week op $1287 per ons af te sluit, terwyl Brent ru-olie steeds verhandel teen $108 per vat. Die Dow Jones het 0,3% gestyg en n nuwe rekord bereik Vrydag, maar die Nasdaq het met 2,5% gedaal met veral Apple wat onder druk gekom het. Die Nikkei in Japan en die Hangseng in Hong Kong het beide met 2% gedaal met bekommernisse oor die Oekraïne wat nog steeds die nuus in die Asiatiese markte oorheers het. Europese markte was stil met die FTSE en die Dax wat min verandering gewys het. Aandeel van die week: Aspen Holdings Suid-Afrikaans gebaseerde Aspen is 'n verskaffer van handelsmerk en generiese medisyne in meer as 150 lande regoor die wêreld, as ook van verbruiker en voeding produkte in geselekteerde gebiede. Die Groep het 23 produksie fasiliteite op 17 persele, wat op 6 kontinente teenwoordig is en ongeveer 8200 werknemers in diens het. Aspen word beskou as die negende grootste generiese maatskappy in die wêreld (EvaluatePharma Wêreld Voorskou - Junie 2013). Hul produseer meer as 20 biljoen tablette per jaar. Byna een uit elke vier voorskrifte deur aptekers in Suid-Afrika is vir 'n Aspen produk.
Maatskappystruktuur: Markaandeel (Generies SA) en Geografiese Verdeling
FINANSIËLE UITSLAE: Jaar geëindig 30 September 2013 Aspen se omset het met 33% toegeneem tot R12 miljard in die eerste ses maande van die finansiële jaar. In hierdie tydperk is wesenlike verkrygings vir nuwe besigheid gemaak wat gelei het tot bedryfswins wat met net 16% gegroei het. As 'n mens kyk na genormaliseerde wesensverdienste per aandeel was die toename egter 'n sterk 23%. Die voorste bydraer tot die groei was die internasionale besigheid wat al hoe sterker vertoon. Die buitelandse bydrae het toegeneem tot 71% van die bedryfswins. Aandeelprys
Aanbeveling Aspen is 'n top internasionale farmaseutiese maatskappy met geweldige goeie groei vooruitsigte. Die bestuurspan is een van die beste in die bedryf en het 'n bewese rekord van sukses. Die maatskappy is nou nommer een in Suid- Afrika in generiese en handelsmerk produkte en die maatskappy se prestasie in die res van die wêreld is baie goed. Daar word verwag dat groei in verkope in die tweede helfte van die jaar aansienlik hoër sal wees as in die eerste helfte, wat groot belofte vir die jaar se verdienstegroei inhou. Die maatskappy verhandel teen 'n historiese PVverhouding van 32, maar dit sal vorentoe skerp daal as gevolg van sterk groei in verdienste oor die volgende twee jaar. Die twee jaar vooruit PV-verhouding is in die omgewing van 17, wat nie duur vir 'n maatskappy van hoë gehalte is nie. Die aandeelprys behoort nie weg te vlieg in die kort termyn nie, maar ek sien Aspen as 'n goeie lang termyn aandeel om te KOOP. PSG Menlyn Tel: +27 (12) 368 1778, Fax: +27 (12) 368 1770 PO Box 118, Newlands, Pretoria, 0049 Marius Cornelissen Portfolio manager mariusc@psg.co.za Magdeleen Cornelissen Financial planner magdeleen.cornelissen@psg.co.za Ben Fraser Financial advisor ben.fraser@psg.co.za Gerda Potgieter Administrative assistant gerda.potgieter@psg.co.za Mariska Blom PSG Menlyn Administrative assistant Client administration Mariska.blom@psg.co.za menlyn@psg.co.za