Stigterslid en assosiaat van FINSOLNET

Stigterslid en assosiaat van FINSOLNET 1 Finsolnet Nuus Bl.2 2 Beleggingsnuus 3 3 Projek: omskakeling van ou uittreeannuïteite na beter portefeuljes 4 Ekonomiese Oorsig en Grafieke 3-7 5 Inkomstebelasting 8 6 Vlekvryestaal Houers 8 7 Verdeling van Kapitaal 9 8 Maandelikse reisprogram 9 9 Algemeen 10 10 Personeel Nuus 11 11 Bylaes 11-19 12 Personeel en Kontakbesonderhede 20 3 Bladsy 1

1) FINSOLNET NUUS 1.1 SYGNIA BELEGGINGSOPBRENGS: Sygnia bou voort op die baie goeie opbrengste in hulle konserwatiewe, matige en aggressiewe strategieë. Verwys in hierdie verband na die nuutste verslag tot April 2014 - Bylae A - bl. 12. 1.2 VORDERING MET OORDRAG VANAF AIMS NA SYGNIA SE ADMINISTRATIEWE DIENS- LEWERING Ons verwys in hierdie verband na ons Desember 2013 Nuusbrief en ook ons individuele skrywes aan u om die proses en kostevoordeel te verduidelik. Ons wil u graag hartlik bedank vir die spoedige en volledige reaksie wat ons op hierdie skrywes ontvang het. Van sowat 3,500 kliente, het slegs 350 nog nie gereageer nie en is ons dus besig om hulle elkeen persoonlik hieroor op te volg. Sommige keuse vorms wat ons wél terug ontvang het, het ongelukkig nie al die dokumente soos versoek by gehad nie. In hierdie gevalle het dit die oordragproses vertraag, aangesien ons die individuele lêers moes trek om fotostate van die FICA dokumente te maak en/of om individuele kliënte direk daarvoor op te volg. Die proses van oordrag van administratiewe dienslewering vind in die volgende 3 fases plaas: 1) Opsionele geld: (Dit is u beskikbare/likiede kapitaal wat óf vir groei en/óf inkomste in ŉ portefeulje belê is). Oordrag van hierdie beleggings is byna afgehandel en u sal die stawende dokumente direk vanaf Sygnia ontvang. Hul skrywe sal verduidelik hoe internet toegang tot u portefeulje verkry kan word. Verwys in hierdie verband na ons Algemene afdeling (9.1) waar meer inligting oor die toegang tot Sygnia portefeuljes deur die internet bespreek word. 2) Uittree-Annuïteite en Lewende Annuïteite: Ons het met hierdie proses begin en die administrasie van verskeie uittree-annuïteite is reeds na Sygnia oorgedra. Die oordrag proses van lewende annuïteite se administrasie word soos volg hanteer: a. U het reeds ŉ instruksiebrief en ŉ aansoekvorm vir die oordrag onderteken en aan ons terug gestuur; b. Die vorms is volledig deur ons voltooi en aan Sygnia besorg; c. Sygnia het die Artikel 37 oordragvorms (vir die oordrag van u Lewende Annuïteit na hulle) aan AIMS gestuur; d. Bogenoemde proses is nou afgehandel en AIMS het die finale Uitgaande oordrag-keusebriewe aan Sygnia gestuur vir ondertekening. e. Sygnia sal binnekort hulle Inkomende oordragvorms tesame met die AIMS Uitgaande oordragvorms aan u (die kliënt) besorg vir finale goedkeuring, ondertekening en terugsending aan ons. U dringende aandag aan hierdie saak sal weereens waardeer word. Sodra die vorms deur u geteken is, sal die administrasie van die Lewende Annuïteit eenhede vanaf AIMS na Sygnia oorgeplaas word. 3) AIMS Beleggings (5 jaar Lewensreeks polisse): Hierdie beleggings is spesifiek vir groei en/of belastingvrye inkomste aangewend. As gevolg van die feit dat daar reeds ŉ belangrike belastingvoordeel hierin gevestig het, sal ons op ŉ latere stadium individuele besluite neem om te bepaal of hierdie kapitaal behou moet word en of dit herbelê moet word. Verdere voordele hieraan verbonde is: a. Waar die beleggings begunstig is, is geen Eksekuteursvergoeding van toepassing nie. Gevolglik word tot 3.9% van fondswaarde aan koste bespaar. b. Kapitaalwinsbelasting is teen 10% beperk in plaas van die standaard 13.3% van netto wins; c. Belastingvrye inkomste kan ná voortsetting onttrek word. Interne belasting op rente en kapitaal elemente kan deur spesifieke portefeulje-samestellings maklik beperk of oorkom word. 1.3 MAANDELIKSE INKOMSTE BETALINGS UIT OPSIONELE GELD: As gevolg van die oordragproses na Sygnia het dit ongelukkig gebeur dat ŉ paar kliënte se inkomste laat inbetaal is. Ons vra namens Sygnia om verskoning vir die ongerief wat dit veroorsaak het. Sygnia verseker ons dat soortgelyke probleme nie met die oordrag van Lewende Annuïteite sal plaasvind nie. LET WEL: AIMS se maandelikse oorbetalings het ongeveer op die 25ste van elke maand plaasgevind, waar Sygnia se inbetalings waarskynlik teen die 27ste van elke maand sal plaasvind. 1.4 KOSTE VOORDELE AAN VERSKUIWING VAN DIE ADMINISTRATIEWE DIENSLEWERINGSFUNKSIE VANAF AIMS NA SYGNIA Ons stel voor dat u ons Desember 2013 nuusbrief (Bl.4) weer baie deeglik sal bestudeer om u van die voordele te vergewis soos duidelik daarin uiteengesit. Bladsy 2

1.5 ADMINISTRATIEWE PROSES: AIMS Administrasie versus Sygnia Administrasie Die proses is presies dieselfde as by AIMS, nl. Sygnia sal in die toekoms vir u: - van kwartaalstate voorsien, hetsy direk of per epos, soos u verkies. - Die belastingbewyse voorsien; - Die ter sake inkomste aan kliënte betaal; - Internet toegang op u eie portefeuljes met ŉ spesiale magtigingskode reël; 2) BELEGGINGSNUUS 2.1 LIBERTY LIFE PORTEFEULJES Ons belê reeds vir die afgelope 15 jaar in fondse van Liberty Life, hoofsaaklik in hulle volvestigende Eiendomsportefeulje en die Multi-bestuurde konserwatiewe strategie. Die eerste ±12 jaar se opbrengs was voortreflik, maar vir die laaste paar jaar is die opbrengs nie met bv. Sygnia se portefeulje opbrengste vergelykbaar nie. Waar inkomste reeds uit voortgesette portefeuljes onttrek word, is Pieter en Japie tans besig om kliënte individueel te besoek en alternatiewe voorstelle te maak. Waar kapitaalgroei ŉ vereiste is, veral waar die portefeuljes in Trusts belê is, word elke saak afsonderlik 1.6 VERGELYKING VAN SYGNIA ADMINISTRATIEWE KOSTE Verwys asseblief na Bylae B - Bl.13 wat ŉ kostevergelyking tussen Sygnia en ander Maatskappye vir u kennisname reflekteer. 1.7 PRESTASIE/OPBRENGS VERGELYKING VAN SYGNIA SE FONDSE Verwys asseblief na Bylae C - Bladsy 13 vir die opgedateerde uiteensetting van die opbrengs vergelykings tussen die verskeie Sygnia portefeuljes / strategieë. hanteer en poog ons om die portefeuljes met alternatiewe Liberty Life portefeuljes intern te vervang. Indien u wel inkomste by Liberty Life ontvang en nog nie deur Maria vir ŉ afspraak genader is nie, stel ons voor dat u haar kontak om vas te stel waar u op haar geskeduleerde afspraaklys is. 2.2 OU MUTUAL XTRA-MAX BELEGGING Hierdie Ou Mutual Max belegging het ŉ groter aggressiewe portefeulje opsie beskikbaar gestel. Verwys asseblief na die Desember 2013 nuusbrief waar die belegging volledig beskryf word, asook na die aangehegte brosjure - Bylae D - Bl. 14-15. 3) PROJEK: OMSKAKELING VAN OU UITTREE-ANNUÏTEITE NA BETER PORTEFEULJES Soos in die Desember 2013 Nuusbrief bevestig is Pieter en Japie tans besig om individue te besoek om hierdie portefeuljes, hetsy te wysig en/of om die kapitaal in alternatiewe, meer koste effektiewe portefeuljes met beter opbrengste, te herbelê. Hierdie projek vorder tans goed. 4) EKONOMIESE OORSIG EN GRAFIEKE 4.1 MARKTE IN OËNSKOU: Die vooruitskatting vir die opbrengs van ons ekonomie vir 2015 is tot ±2% per jaar afwaarts aangepas, wat niks goeds vir die ernstige probleem van werkskepping voorspel nie. Die Staat raak al meer by die ekonomie betrokke en, alhoewel dit ŉ positiewe effek Volg n tennis wedstryd Volg die Beurs Bladsy 3 mag hê, het dit ook ŉ negatiewe effek in die sin dat toenemende bedrog met die toestaan van staatskontrakte en bv. die abnormale hoë huur wat Staatsdepartemente moet betaal vir kantoorspasie wat deur Swart Bemagtigingsmaatskappye beheer word.

Die ekonomieë van V.S.A. asook dele van Europa toon besliste tekens van herstel wat veral in stygende huispryse waargeneem word. Die Chinese ekonomie gaan weer teen ongeveer 7.5% per jaar groei, wat ŉ uitstekende groeipersentasie verteenwoordig, ten spyte van die effense afplatting in vergelyking met vorige jare se behalings. Dit het in elk geval goeie vooruitsigte vir die uitvoer van ons grondstowwe tot gevolg, aangesien China die grootste verbruiker van die wêreld se beskikbare grondstowwe is. 4.2 RENTEKOERS OORSIG: Die Reserwebank het besluit om die repokoers onveranderd te laat, wat teenstrydig is met die verwagting van heelparty ekonome. Stygende rentekoerse is ŉ belangrike instrument om ŉ stygende inflasiekoers mee te beheer en dit maak ook die land se Staatseffekte meer aantreklik vir buitelandse beleggers. Die nadeel van stygende rente is egter dat dit ŉ dempende invloed op die ekonomie het en dat hierdie stygende koste oor tyd eenvoudig weer aan die verbruiker toegedeel sal word. Verwys in hierdie verband na verskeie grafieke wat onder die volgende punt (4.3) bespreek word. 4.3 GRAFIEKE Ons het sopas weer 2 dae aan Finsolnet assosiate se algemene jaarvergadering te Zevenwacht spandeer. Ons is deur die volgende gassprekers toegespreek: Willem van der Merwe en Justine Wyatt van Sygnia; Michael Power; Prof. Mathew Lester; Charl Gouws. Hier volg ŉ uittreksel van ŉ paar grafieke uit Mnr Willem van der Merwe se voorlegging, wat vir ons kliënte van waardevolle inligting kan voorsien. (Die voorlegging was in Engels) GRAFIEK 1 - KOMMENTAAR: Alle sektore van die ekonomie het goeie opbrengste getoon met die uitsondering van Staatseffekte wat ernstig negatief beweeg het. Bladsy 4

GRAFIEK 2 - KOMMENTAAR: Die ernstige uitvloei van oorsese beleggerskapitaal uit Staatseffekte word duidelik in hierdie grafiek getoon. Dit is een van die hoofoorsake van die merkbare daling in die Randwaarde teenoor alternatiewe geldeenhede. Die vermindering in likiditeit wat in wêreldmarkte bekend gemaak is, het ook ŉ negatiewe effek op hierdie tendens. Dit is een van die redes waarom die opbrengs van Staatseffekte ernstig gedaal het en vir ŉ geruime tyd laag sal bly. Dit maak hierdie beleggingsopsie baie minder aantreklik en word in die algemeen deur Fondsbestuurders vermy. GRAFIEK 3 - KOMMENTAAR: Die vooruitsigte dat goud as ŉ beleggingsinstrument binnekort weer van veel waarde sal wees, blyk baie onwaarskynlik te wees. Bladsy 5

GRAFIEK 4 - KOMMENTAAR: Hierdie uiteensetting definieer probleemsektore vir die ekonomie en moet met groot omsigtigheid hanteer word. GRAFIEKE 5-7 - KOMMENTAAR: Die volgende drie grafieke toon duidelik hoe die individuele konserwatiewe, matige en aggressiewe portefeuljes in terme van die onmiddellike kompetisie en/of soortgelyke portefeulje samestellings in die individuele groeperings, gevaar het. Sonder uitsondering het al 3 Finsolnet strategieë teenoor konkurrente/kompetisie uitstekend gevaar en is ons weereens teenoor Sygnia en die 10 portefeuljebestuurders wat hul gebruik, dankbaar vir die uitstekende prestasie. Dit is duidelik dat die strategie goed werk. Konserwatief: CPI + 2% Bladsy 6

Matig: CPI + 4% Aggressief: CPI + 6% Bladsy 7

5) INKOMSTEBELASTING 5.1 INKOMSTEBELASTINGWYSIGINGS Die volgende wysigings is sopas vir die 2015 belastingjaar aangekondig: a) Vanaf 1 Maart 2014 verhoog die maksimum belastingvrye bedrag wat by aftrede uit Annuïteite / pensioenfondse onttrek mag word, van R315,000 na R500,000. Dit is uitstekende nuus, veral vir kliënte waar ons besig is met die sogenaamde omrol van uittreeannuïteite, aangesien dit vir ons in staat stel om meer geld met die bestaande annuïteite oor ŉ langer periode, met die gepaardgaande belastingbesparing, te kan terug eis. b) Vanaf 1 Maart 2015 word die huidige formule in terme waarvan 15% van belasbare nie-pensioendraende inkomste as ŉ belasting aftrekbare voordeel in Uittree-Annuïteite belê kan word, na 27.5% per jaar verhoog. Dit bied vir ons die geleentheid om meer kapitaal in uittree-annuïteite te belê en sodoende baie minder belasting te betaal. Dit verhoog ook die hoeveelheid kapitaal wat ons kan omrol met die gepaardgaande besparing van inkomstebelasting. c) Vanaf 1 Maart 2015 word die bedrag wat by kleiner annuïteite kumulatief per maatskappy belastingvry onttrek kan word, van die huidige R75,000 na R150,000 verhoog. Dit is goeie nuus vir die omrol proses aangesien ons steeds groter bedrae per maatskappy kan belê, kan omrol en daardeur belasting bespaar. 5.2 MAKSIMUM UITTREE-ANNUÏTEITBYDRAES VIR 2015 BELASTINGJAAR Ons briewe aan individue om die maksimum bydrae tot Uittree-Annuïteite te maak en/of om bestaande annuïteite weer om te rol, gaan in Augustus gepos word. U word versoek om dit dringend goed te keur, te onderteken en aan ons terug te stuur, aangesien ons geweldig druk ervaar om hierdie lading in Februarie te hanteer. Ons moet dit onder u aandag bring dat ons geen verantwoordelikheid gaan aanvaar vir dokumente wat ons ná 31 Januarie 2015 ontvang nie, aangesien dit dalk tot laat prosessering kan lei met die gevolglike verlies aan inkomstebelastingbesparing. Let ook daarop dat dieselfde druk gedurende Februarie by die individuele versekeringsmaatskappye waar ons hierdie geld belê, ervaar word en ons sal dus die samewerking van alle kliënte in hierdie verband geweldig hoog op prys stel. Werkslading 6) VLEKVRYESTAAL HOUERS 6.1 MULTISTAR Soos in ons Desember 2013 Nuusbrief bespreek, wag ons steeds vir die regsmaatskappy, Sonnenbergs, om aan ons te bevestig wat dit moontlik vir elke individu sal kos om deel te vorm van die hofsaak teen Multistar wat in Engeland verhoor word. Dit het onlangs onder ons aandag gekom dat Multistar skielik ŉ klomp houers vrystel en dat kliënte per brief daarvan ingelig word. Voordat hulle egter werklik ŉ keuse kan uitoefen, word daar ŉ kapitaalsom in hulle banke uitbetaal. Indien dit u oorkom, stel ons voor dat u ŉ afskrif van die betrokke skrywe onmiddellik aan ons stuur en dat u tegelykertyd ŉ skrywe aan Multistar rig waarin u bevestig dat die ontvangs van die kapitaal u nie daarvan weerhou om: a) deel te wees van die regsproses om instandhoudingskoste wat in die verlede nie vir u houers aangewend is nie, te kan eis, en b) dat dit u ook nie daarvan sal weerhou om ŉ eis in te stel vir toekomstige inkomsteverlies as gevolg van die uitbetaling van die houerwaarde, sonder dat u ŉ keuse in hierdie verband uitgeoefen het nie. Bladsy 8 6.2 INTERNATIONAL TANK CONTAINERS Die opbrengs van die ITC houers is steeds uitstekend wat getuig van ŉ besonder goed bestuurde maatskappy. Ons bedank ITC daarvoor.

7) VERDELING VAN KAPITAAL Ons herbevestig ons voorstel, soos in ons vorige nuusbriewe, dat elke persoon nie meer as R30,000 in ŉ geldmark by ŉ Bank vir onvoorsiene uitgawes moet hou nie. Die swak opbrengs op hierdie beleggings duur voort. Dit is ŉ baie voordeliger opsie om sulke kapitaal in Sygnia se konserwatiewe strategie vir likwiditeit en groei te belê. Ons bevestig hiermee Sygnia se Bankrekeningnommer waarin hierdie kapitaalbedrae inbetaal kan word. Ons versoek weereens dat, sodra u sodanige inbetalings gemaak het, u ons so gou moontlik van die ter sake kwitansies per faks of epos voorsien ten einde die kapitaal aan u eie portefeuljes toe te deel. SYGNIA BANK BESONDERHEDE (vir effektetrust): Rekening Naam : Sygnia Financial Services Inflow Bank : Nedbank Takkode : 198765 Rekening Nr. : 1032604158 Verwysing : Voorletters & Van 8) MAANDELIKSE REISPROGRAM 8.1 REISROETE Ons bevestig weereens ons maandelikse reisprogram. Indien u spesifieke finansiële omstandighede het wat u buite ons normale geskeduleerde opvolg wil bespreek, is u welkom om ŉ afspraak deur Maria de Jongh of Eileen van Zyl te reël. Let egter daarop dat, indien u finansiële omstandighede tot so ŉ mate verander het dat herbeplanning benodig word, dit noodsaaklik is dat u volledige inligting aan ons verskaf om ŉ gewysigde ontleding voor te berei. OOS-KAAP - word gedurende die 2de week van elke maand besoek. Vanaf George beweeg ons via Jeffreysbaai na Port Elizabeth en vlieg via Oos-Londen terug na Kaapstad. JOHANNESBURG - POTCHEFSTROOM - PRETORIA word gedurende die laaste week van die maand besoek. KAAPSTAD EN OMGEWING - kliënte word na gelang van omstandighede in die 1ste en 3de week van die maand gesien. 8.2 KANTOORLOKALE: Ons bevestig weer dat indien enige van ons kliënte moontlik ŉ probleem het om ons by die kantoorlokale te sien, dit net aan Maria en Eileen bevestig moet word en ons sal dan die nodige reëlings tref om u aan huis te sien. JOHANNESBURG: Regus House, Blok A, Wedgefield Office Park Muswellstraat Suid 17 Bryanston POTCHEFSTROOM: 2de Vloer, Oktrongebou, James Morokarylaan 62 Potchefstroom PRETORIA: Renwick House, Rubensteinrylaan 878, Moreletapark GEORGE: Office Reliance 123 Mitchellstraat George JEFFREYSBAAI: Supertubes Pepperstraat 12 Jeffreysbaai PORT ELIZABETH: Regus House, Fairview Office Park, Ringstraat, Greenacres OOS LONDEN: Second Office 6 Donaldstraat Vincent Bladsy 9

9) ALGEMEEN 9.1 INTERNET TOEGANG TOT U SYGNIA PORTEFEULJE Sodra u die verwelkomingsbriewe vanaf Sygnia met betrekking tot die Administrasieoordrag vanaf AIMS óf vir nuwe beleggings gedoen ontvang het, sal u met ŉ persoonlike magtigingskode tot u portefeulje inligting via die internet toegang verkry. Let daarop dat om toegang tot Sygnia webwerf te verkry u internet stelsel aan ŉ minimum vereiste moet voldoen, nl. Windows Explorer 9 of Google Chrome. U kan die opgegradering gratis vanaf die internet verkry. 9.2 WAT IS DIE VERSKIL TUSSEN N ADMINISTRATIEWE PLATFORM EN N ADMINISTRATIEWE MAATSKAPPY? In die algemene taalgebruik verwys ons na ŉ administratiewe maatskappy wat effektetrust portefeuljes hanteer, soos AIMS en Sygnia. Dit impliseer bloot dat hierdie maatskappye die administratiewe diens, soos in punt 1.5 op bladsy 3 uiteengesit, lewer. Ons praat ook in gebruikstaal van ŉ Administratiewe platform en bevestig dat daar hoegenaamd geen verskil tussen die funksies van ŉ administratiewe diensleweraar en dié van ŉ administratiewe platform is nie. Dit is inderwaarheid presies dieselfde. Die woord platform impliseer bloot dat daar ŉ groot verskeidenheid portefeuljes van verskillende maatskappye deur middel van een administratiewe diensleweraar/ maatskappy hanteer kan word. Beleggers hoef dus nie na byvoorbeeld 5 aparte maatskappye te gaan om in hulle individuele effektetrust portefeuljes te belê nie. 9.3 UITEENSETTING VAN DIE VLOEI VAN BELEGGINGSKAPITAAL EN BESTUUR VAN FONDSE: Ons heg weer die uiteensetting, wat ook in die Desember 2013 nuusbrief aangeheg was, hierby aan BYLAE E bl. 16 - met die versoek dat u dit weer bestudeer. Let asb. daarop dat, alhoewel Sygnia primêr vir die bestuur van alle portefeuljes verantwoordelik is, hulle dit doen deur die beleggingskapitaal aan 10 afsonderlike maatskappye toe te deel wat uiters streng deur hulle gemonitor word. Daar is dus geen sprake van die veronderstelling van alle eiers in een mandjie nie. 9.4 PROSEDURE/DOKUMENTE BY STERFTE Verskeie kliënte het versoek dat ons die artikels uit vorige Nuusbriewe oor die prosedure en dokumente by afsterwe, moet herhaal. Ons heg dit graag as Bylae F Bl. 17-19 vir u aan. 9.5 CAMBIST BELEGGING @ 19.5% Ons het hierdie beleggingsopsie ondersoek en is van mening dat ons kliënte dit ten alle koste moet VERMY. ŉ Artikel in die Sunday Times, Business News 01/06/2014, Bl. 8, bevestig hierdie siening. 9.6 INTERESSANTE FEIT: Ons heg vir algemene kennisname die volgende uittreksel uit ŉ koerant artikel vir u aandag hierby aan HOE LYK SO BAIE GELD? 100x$100.00 =$10,000 100x$10,000 = $1 miljoen = $100 miljoen = $1 Biljoen = $1 Triljoen (LW: dubbel lae) Bladsy 10

10) RSA MAKELAARS - PERSONEEL NUUS Pieter en Lynnette Smitsdorff reis gedurende Junie vir 3 weke met verlof oorsee. Ons wens hulle ŉ veilige reis en tuiskoms, met baie nuwe ervarings en herinneringe om te deel. Pieter het vanjaar weer die 2 Oceans en die SAD half-marathons gehardloop en daar is sterk sprake van nog n Comrades in 2015 Ons het so pas verneem dat Stiaan van Zyl, seun van ons nuutste personeellid, Denise, en spesialis kolwer vir die Kaapse Kobras gekies is vir die Protea Krieketspan wat in Julie in Sri Lanka gaan speel. BAIE GELUK en VOORSPOED. Eileen het in Mei vir 2 weke saam met haar man, Deon, in die VSA gekuier en onder andere Washington en die Big Apple verken. Sy is terug in die tuig en volspoed besig om weer in te haal. Die projek om RSA Makelaars se beleggingsboek vanaf AIMS as die administratiewe diensleweraar na Sygnia as administratiewe diensleweraar te skuif het gedurende November/Desember 2013 baie na-ure se harde werk van die personeel geverg. Donderdagnag 12 Desember 2013, om 23h30 het ons klaar gemaak. Die laaste koevert was gevul en in bokse gepak. Die volgende oggend is Pieter se Prado van hoek tot kant vol gelaai en is al die bokse by die poskantoor afgelaai, tot groot verrassing van die Posmeester! Dit was spanwerk en het ook opoffering van ons gesinne tuis gevra aangesien aandetes in daardie weke van laat werk maar bietjie afskeep was. Ons deel graag ŉ paar foto s. 23h30 12 Desember 2013 Ons is DOODMOEG maar bly die taak is sover klaar Bladsy 11

Konserwatief Matig Aggressief 11) BYLAES BYLAE A - FINSOLNET FEITESTAAT Bladsy 12

BYLAE B: SYGNIA ADMINISTRATIEWE KOSTE VERGELYKING Beleggingswaarde SYGNIA AIMS KOSTE VIR KLIËNT PER JAAR OLD MUTUAL WEALTH ALLAN GRAY GLACIER INVESTEC MOMENTUM Uitkeer Ander R 500,000 R 1 425 R 2 280 R1 995 R 2 565 R 2 280 R 2 250 R 2 280 R 2 280 R 1,000,000 R 2 850 R 5 700 R3 990 R 5 730 R 4 560 R 5 700 R 4 560 R 4 560 R 2,000,000 R 5 700 R 9 200 R6 840 R10 260 R 7 980 R 8 693 R 7 410 R 8 265 R 4,000,000 R 7 980 R16 000 R9 120 R13 680 R12 540 R14 939 R13 110 R13 965 R 5,000,000 R 9 120 R20 000 R11 300 R15 390 R14 820 R17 243 R15 960 R16 815 R 6,000,000 R10 260 R20 400 R13 680 R17 100 R17 100 R19 523 R18 810 R19 665 R15,000,000 R20 520 R51 000 R34 200 R32 490 R37 620 R40 043 R44 460 R45 315 BYLAE C: PRESTASIE/OPBRENGS VERGELYKING van Sygnia se alternatiewe Fondse BESTUURDE FONDS (KONSERWATIEF) INDEKSFONDSE (KONSERWATIEF) BESTUURDE FONDSE (MATIG) INDEKSFONDSE (MATIG) SIGNATURE 40 SKELETON 40 SIGNATURE 50 SKELETON 50 1 Maand 0.64% 0.93% 0.91% 0.91% 3 Maande 2.79% 3.65% 3.40% 4.12% 6 Maande 5.44% 5.50% 5.89% 5.85% 1 Jaar 15.40% 14.06% 17.91% 16.01% 3 Jaar 14.26% 14.35% 15.56% 15.56% 5 Jaar 14.08% 14.82% 15.79% 16.47% BESTUURDE FONDS (MATIG) INDEKSFONDSE (MATIG) BESTUURDE FONDSE (AGGRESSIEF) INDEKSFONDSE (AGGRESSIEF) SIGNATURE 60 SKELETON 60 SIGNATURE 70 SKELETON 70 1 Maand 0.93% 1.07% 1.13% 1.26% 3 Maande 3.76% 4.83% 4.40% 5.29% 6 Maande 6.30% 6.55% 6.92% 6.93% 1 Jaar 20.04% 18.95% 23.42% 22.40% 3 Jaar 16.83% 17.21% 17.56% 18.44% 5 Jaar 17.75% 18.10% 18.85% 19.60% Bladsy 13

BYLAE D - OLD MUTUAL XTRAMAX Bladsy 14

Bladsy 15

BYLAE E BELEGGINGSPROSEDURE OM KAPITAAL DEUR ADMINISTRATIEWE PLATFORMS TE BELÊ FINSOLNET BELEGGINGSPROSEDURE DEUR SYGNIA ADMIN. PLATFORM DIE VLOEI VAN NUWE KAPITAAL Kliënt Kliënt plaas die beleggingskapitaal per bankoordrag in die bankrekening van die betrokke Administratiewe maatskappy. Inbetalingsbewyse word aan Finansiëlebeplanner gestuur. Administratiewe maatskappy Beskikbare maatskappye Sygnia AIMS Glacier (Sanlam) Investec Allan Gray Momentum Die Administratiewe maatskappy verdeel die beleggingskapitaal tussen die strategieë in die Finsolnet Sygnia Fondse volgens die kliënt se risikoprofiel en die Finansiëlebeplanner se advies KONSERWATIEF MATIG AGGRESSIEF SYGNIA Oorkoepelend Fondsbestuurder Individuele boublokke van die portefeuljes Kontant (Cash) Effektetrust (Bonds) Eiendom (Property) Aandele (Equities) Individuele Fondsbestuurders deur Sygnia aangestel: Allan Gray; Cadiz; Coronation; Foord; Investec; Kagiso; Mazi; Prudential; Stanlib; 36ONE 1. Sygia is die amptelike Fondsbestuurder: a. Deur Sygnia se beleggingsnavorsing word besluit hoe die individuele portefeuljes in die verskillende beleggingskategorieë onderverdeel word. b. Sygnia stel die individuele Bestuursmaatskappye aan om die fondse te hanteer. c. Sygnia kommunikeer hierdie beleggingsproses deur die Finsolnet Beleggingskomitee. d. Die Beleggingskomitee rapporteer op hulle beurt aan die Finsolnet Direksie. 2. Voordele van hierdie proses: a. As gevolg van die kumulatiewe kapitaal waarmee Sygnia werk, is hulle by magte om uiters kompeterende Institusionele bestuurstariewe vir ons te beding. b. As gevolg van die groot volume kapitaal wat op die platform hanteer word, word administratiewe kostes vir Finsolnet kliënte noemenswaardig verminder. c. As gevolg van die interaktiewe bestuursproses wat Sygnia toepas, kan beleggingsamestellings en/of wysigings vinnig by mark omstandighede aangepas word. Bladsy 16

BYLAE F - PROSEDURE/DOKUMENTE BY AFSTERWE Dokumente rondom afsterwe wat elke individu op datum en gereed moet hou. Stap 1: Die volgende persone moet van die sterfte in kennis gestel word: Die gesinsgeneesheer, indien die afsterwe by die huis plaasvind; Die polisie moet ontbied word indien die afsterwe as gevolg van onnatuurlike oorsake was; Tree met die oorledene se Makelaar in verbinding, wie op sy beurt met die Eksekuteur in verbinding sal tree. Die oorledene se predikant; Die werkgewer en/of pensioenfonds; Nader die plaaslike begrafnisondernemer om reëlings vir die begrafnis te tref. Stap 2: Die volgende dokumente/ inligting word benodig om die boedel te hanteer: Oorspronklike en Gesertifiseerde afskrifte van Sterftesertifikaat Die oorspronklike Testament Identiteitsdokumente (oorledene, gade en kinders) Huwelikssertifikaat/kontrak Titelakte en verwante dokumente Polisse (lewens en korttermyn) Bankrekeningbesonderhede, Spaarboekies/ rekening nommers Mediesefonds besonderhede Beleggingsbewyse Aandelesertifikate Enige ander dokumente wat op bates / beleggings betrekking het Voertuigregistrasiesertifikate Uitstaande rekeninge Huurkoopooreenkomste Banklenings Inkomstebelastingbesonderhede Ouditeursinligting Enige ander dokumente wat op laste/skulde betrekking het Werkgewer- en/of pensioenfondsbesonderhede Ons beklemtoon die dringende noodsaaklikheid daarvan dat u so gou moontlik u Makelaar, in ons kliënte se geval, RSA Makelaars, van die afsterwe in kennis moet stel. Indien u die nagelate gade of voog van minderjarige kinders is, moet u met die Eksekuteur reël vir tussentydse oorbruggingsinkomste. Onthou dat u GEEN besluite neem sonder om die Eksekuteur te raadpleeg nie. n Ongekompliseerde boedel behoort nie langer as 6-9 maande te neem om af te handel nie. Sake wat die afhandeling van ŉ testament kan vertraag of bemoeilik het met komplekse maatskappystrukture, eiendomstransaksies en/ of ingewikkelde vererwingsversoeke te doen. Let daarop dat die Eksekuteur alleenlik vergoed word nádat die boedel afgehandel is. Dit is dus ook tot sy voordeel om die boedel so spoedig moontlik te finaliseer. Ons beveel sterk aan dat u te alle tye die Eksekuteursvergoeding VOORAF reeds beding en dat dit in u testament genoem word, sodat daar geen twyfel oor hierdie vergoeding sal bestaan nie. ŉ Verassingsversoek moet verkieslik ook in u testament genoem word. Lewende testament Let verder daarop dat dit belangrik is om aandag aan ŉ sogenaamde lewende testament (Living Will) te skenk. Orgaanskenker Verder, indien u daarin belang sou stel om ŉ orgaanskenker te wees, moet u nou reeds daarvoor registreer en u naasbestaandes in kennis stel. Kontak gerus die Organ Donor Foundation vir meer inligting en registrasie. U kan hulle webtuiste besoek by: www.odf.org.za, of u kan hulle skakel by: Kaapstad 021-4260198; Johannesburg 082-7101156 Bladsy 17

Prosedure by die Finansiëlebeplanner (Makelaar) 1. Sodra die F.B. deur die oorlewende naasbestaandes van ŉ sterfte in kennis gestel word, word die oorledene se Beleggings en Versekeringsopgawe onmiddellik op datum gebring en aan die erfgename gegee. ŉ Afspraak word met die langslewende(s) en/of erfgename gereël. 2. Indien dit nie reeds by hom beskikbaar is nie, moet die F.B. afskrifte ontvang van die tersake Testament, Sterftesertifikaat en die volgende FICA dokumente: ID Dokument; bewys van belastingverwysingsnommer, bankrekening en adres (munisipale rekening) - beide nie ouer as 3 maande nie; 3. Die F.B. verkry die tersake eisdokumente vanaf die betrokke versekeraars en beleggingsinstansies en berei dit voor. In gevalle waar beleggings begunstig is, moet dit deur die begunstigde onderteken word ten einde die eis te aktiveer. 4. Die voltooide eisdokumente, sterftesertifikaat en FICA dokumente word deur die F.B. aan die individuele maatskappye voorsien om die eis te hanteer en die kapitaal direk aan die begunstigdes te betaal. 5. Die Eksekuteursaanstellingsbrief moet ook aan die F.B. voorsien word. Die F.B. sal dit op sy beurt aan die betrokke maatskappye besorg. 6. Let daarop dat alle beleggings wat begunstig is, nie aan Eksekuteursvergoeding onderhewig is nie, maar dat dit steeds ŉ geagte bate vir boedelbelasting doeleindes sal wees. Uittree-annuïteite, pensioenfondse, lewende annuïteite en bewaringsfondse is nie aan Eksekuteursvergoeding of boedelbelasting onderhewig nie. 7. Tydens die gesprek met die F.B. sal nuwe finansiële inligting van die erfgename/naasbestaandes ingewin word en sal daar na aanleiding van die kliënt se nuwe begrotingsbehoeftes ŉ finansiële ontleding voorberei word. 8. Indien daar kapitale uitgawes benodig word sal die nodige voorsiening daarvoor gemaak word. 9. Voorstelle vir die herbelegging van die kapitaal sal gedoen word en waar nodig, sal die aansoekvorms vir die oordrag van bv. annuïteite of lewende annuïteite vir ondertekening voorsien word. 10. Die keuses vir die aanwending van individuele beleggings, annuïteite en/of pensioenfondse sal ook volledig bespreek word en die ter sake skriftelike aanbevelings vir die geïdentifiseerde behoeftes sal deurgevoer word. 11. Die F.B. kan die opgawe van beleggings en versekering, in punt 1 genoem, aan die Eksekuteur oorhandig ten einde die werk van die Eksekuteur te vergemaklik en om prosedures te bespoedig. Dit is noodsaaklik dat daar baie goeie samewerking tussen die Eksekuteur en die F.B. moet wees sodat die boedel so spoedig en koste-effektief as moontlik afgehandel word. 12. Die F.B. kontroleer die finale distribusierekening van die Eksekuteur, na afhandeling van die boedel. Bladsy 18

1) Die Eksekuteur moet ook so gou moontlik deur die naasbestaandes/f.b. van die sterfte in kennis gestel word. 2) Die Eksekuteur: reël ŉ afspraak met die gade/ erfgename waartydens die dokumente soos in stap nr. 2 (Bl. 14) van ons Desember 2011 nuusbrief vervat, benodig en voltooi sal word; doen by die Meester se kantoor aansoek vir bevestiging van die aanstelling as Eksekuteur; stel ŉ register van alle bates en laste van die oorledene op; reël die oordrag van alle likiede gelde, bv. in bankrekeninge, na ŉ Trustrekening by die Eksekuteur; reël nodige advertensie in die plaaslike koerant; 3) Op ontvangs van die Eksekuteursaanstellingsbrief gaan die Eksekuteur voort om alle Maatskappye waar daar beleggings en/of versekering is, van die sterfte in kennis te stel en om dan gedetailleerde inligting daarvan te verkry. 4) Eise: Die Eksekuteur hanteer alle eise, bv. Medies, ens. tensy begunstiging van toepassing is. 1) Let daarop dat alle dokumente wat van ŉ oorledene beskikbaar mag wees aan die Eksekuteur oorhandig moet word sodat hulle volgens hul diskresie kan besluit of dit nagespeur moet word al dan nie. Kliënte moet onder geen omstandighede probeer besluit watter aangeleenthede wel of nie aan die Eksekuteur deurgegee moet word nie. 2) Dit is uiters moeilik om ŉ boedelrekening weer by die Meester oop te maak indien daar ná die afhandeling van n boedel gevind word dat daar nog verdere bates of beleggings is. 3) Let ook daarop dat indien ŉ oorledene ŉ begunstigde uit bv. ŉ bestaande Trust was, dit noodsaaklik is dat die Eksekuteur dienooreenkomstig ingelig moet word. 4) Indien dit bekend is dat daar ook in terme van n vorige testament sekere vruggebruikbepalings aan die oorledene was, moet hierdie inligting ook aan die Eksekuteur deurgegee word. 5) Indien die bates in ŉ boedel minder as R125,000 is, word ŉ sogenaamde Artikel Prosedure by die Eksekuteur: Algemeen Bladsy 19 5) Oordragte: In terme van die Testamentêre bepalings, afhangende van omstandighede en soos met die erfgename ooreengekom reël die Eksekuteur die oordrag na die erfgenaam en/of verkoop van vaste bates (bv. eiendom) en roerende bates (bv. motor). Dit is baie belangrik dat erfgename BETYDS met die Eksekuteur skakel om bv. aandele en effekte NIE te verkoop nie, maar om dit juis na die erfgename oor te dra. 6) Ná hantering van moontlike eise, word ŉ voorlopige distribusierekening opgestel. Dit is ŉ opgawe van alle bates en laste wat met die erfgename bespreek word. 7) Sodra die boedel gefinaliseer is, word ŉ finale distribusierekening aan die Meester se kantoor voorgelê vir goedkeuring. 8) Op ontvangs van die goedkeuring van die finale distribusierekening kan die Eksekuteur voortgaan om die likiede bates/kapitaal in die boedel aan die erfgename oor te dra. Die oordrag en/of verkope van eiendom sal op daardie stadium reeds na gelang van die behoefte van die erfgename, gefinaliseer wees. 9) Die Eksekuteur ontvang sy betaling en die Boedel word afgesluit. 18(3) gedoen. Dit is ŉ opgawe van Bates en Laste wat aan die Meester voorgelê word en ŉ tarief van 3.9% van boedelwaarde of soos ooreengekom, is betaalbaar. Geen verdere formaliteite word dan benodig nie. 6) Dit is noodsaaklik om die Eksekuteursvergoeding reeds in die Testament met die Eksekuteur ooreen te kom, of om dit by die aanmelding van die Boedel dadelik te doen. Die maksimum Eksekuteursvergoeding is 3.5% van Netto Boedelwaarde + BTW = 3.9% totaal. 7) Meestersfooie is in die orde van R1,500 per boedel. 8) Begrafniskoste moet van die boedel verhaal word omdat dit die netto batewaarde verminder en dus Eksekuteursvergoeding bespaar. 9) ŉ Nuwe Testament moet so gou doenlik gereël word indien die bestaande Testament onvoldoende blyk te wees. Die Finansiëlebeplanner of Eksekuteur kan dit reël.

12) PERSONEEL EN KONTAK BESONDERHEDE VOOR van links na regs: Ingrid Singels; Japie Louw; Eileen van Zyl; Heidi Fontini; AGTER van links na regs: Colleen Knoetze; Linda Marais; Magda Matthee; Maria de Jongh; Michelle Hüsselmann; Denise van Zyl en Peter-John Smitsdorff; INLAS BO: Derick Payne INLAS MIDDEL: Pam Coetzee INLAS ONDER: Sarah Pieterse (teedame) PERSONEEL E-POS: Tel. Uitbr. Nr.: Peter-John Smitsdorff peterjon@rsabrokers.co.za Derick Payne derick@rsabrokers.co.za Japie Louw japie@rsabrokers.co.za 112 Maria de Jongh (Persoonlike Assistent) maria@rsabrokers.co.za 101 Ingrid Singels (Finansiële Ontledings) ingrid@rsabrokers.co.za 108 Colleen Knoetze (Ontvangs/dikteerwerk) colleen@rsabrokers.co.za 100 Administratiewe Assistente / Kliëntediens: Magda Matthee (A-C ) magda@rsabrokers.co.za 111 Denise van Zyl (D-H) denise@rsabrokers.co.za 115 Michelle Hüsselmann (I-M) michelle@rsabrokers.co.za 109 Heidi Fontini (N-S) heidi@rsabrokers.co.za 107 Linda Marais (T-Z) linda@rsabrokers.co.za 110 Eileen Van Zyl (Portefeulje D Payne) eileen@rsabrokers.co.za 113 FSB KODE: 11108 Posbus 3547 TYGERVALLEI 7536 Insurance House Edwardstraat 126 BELLVILLE 7530 GPS: S 33º52.707 E018º38.171 E-pos: peterjon@rsabrokers.co.za Webtuiste: www.rsabrokers.co.za www.finsolnet.co.za Tel: 021-9196916 Faks: 021-9199718 Bladsy 20