INHOUDSOPGAWE Inleiding... 7 DEEL EEN: SEISOENE IN ONS LEWE Seisoene is belangrik vir groei... 15 Wat van die mens?... 17 Lente... 20 Somer... 23 Herfs... 28 Winter... 42 Gevolgtrekking... 68
DEEL TWEE: STORMS Storms wat die Here oor ons laat kom... 77 Storms wat deur die duiwel veroorsaak word... 81 Storms wat deur ander mense veroorsaak word... 88 Onverklaarbare storms... 93 Geloof wat storms deurstaan... 104 Gevolgtrekking... 107 DEEL DRIE: WOESTYNE Woestyne in die Bybel... 112 Woestyne in ons lewe... 128 TEN SLOTTE
1 SEISOENE IN ONS LEWE
Ons almal is vertroud met die seisoene in die natuur: lente, somer, herfs en winter. Baie van ons het n voorkeur vir n spesifieke seisoen. Ek verkies die herfs. Herfs, wanneer die blare sulke pragtige kleure kry en die weer en temperatuur so heerlik is nie te warm en nie te koud nie. Ander verkies weer die winter; die koulikes onder ons weer die somer. Natuurlik is lente, wanneer alles na die winter ontwaak en daar oral te kens van nuwe lewe is, n spesiale seisoen vir die meeste mense. Verskillende lands- en wêrelddele se seisoene verskil natuurlik onderling. Sommige streke kry hulle reën byvoorbeeld in die winter, ander in die somer en in ander reën dit sommer die hele jaar deur. Tog het die onderskeie seisoene in verskillende landstreke sekere gemeenskaplikhede. As jy byvoorbeeld van winter praat, besef enige persoon van waar ook al dat dit die koudste seisoen is, dié een waar die groei afplat of tot stilstand kom en waar die bladwisselende bome hulle blare verloor. So ook kan n mens in enige land in die wêreld byvoorbeeld aan die plantegroei en die verkleu ring van die blare agterkom dat dit herfs is.
14 Isak Burger GOD VAN DIE SEISOENE As jou oë daarvoor oop is, is dit opmerklik watter belangrike rol seisoene ook in die Bybel speel. Daar is heelparty tekste waar die bepaling en instelling van seisoene aan God toegeskryf word. Natuurlik is God ook die Skepper van seisoene ál die seisoene. Die seisoene is deel van die skepping. God het nie net die materiële dinge soos planete en sterre geskape nie, Hy het ook die ritme in die skepping bepaal, die bane van planete en sterre, die verhouding van die hemelliggame tot mekaar en hulle wedersydse uitwerking op mekaar. As jy na die volmaakte balans en wisselwerking van al die hemelliggame kyk en dit bestudeer, word n Godlose evolusieteorie wat die rol van God as Skepper en Onderhouer ontken, al meer problematies. Net n Meester-argitek en Skepper kon so n betekenisvolle heelal daarstel! In hierdie groot prentjie pas die seisoene ook in. In die natuur word seisoene bepaal deur die gradiënt van die aarde en sy afstand vanaf die son op daardie spesifieke stadium van die jaar. Die feit is egter dat seisoene nie maar toevallig ontstaan het nie. Die Here is ook God van die seisoene. In die Bybel is daar meer as een woord in die grondtale wat met seisoene vertaal kan word. Terwyl dit interessant is dat die Engelse vertalings dit gewoonlik met season vertaal, word dit in die Afrikaanse vertalings meer dikwels met tyd, uur of geleentheid vertaal. n Tipiese voorbeeld is Prediker 3:1. In Afrikaans lees dit: Alles het sy bepaalde uur, en vir elke saak
Seisoene in ons lewe 15 onder die hemel is daar n tyd en in Engels: To every thing there is a season. A time for every purpose under heaven (NKJV). Nog so n voorbeeld is in Daniël 2:21: Hy tog verander die tye en die geleenthede terwyl dit in die NKJV soos volg vertaal word: And He changes the times and the seasons. Die rede vir hierdie verskil in vertalings is dat die woord seisoen in die grondtale nie op n vlietende, onbepaalde tyd dui nie, maar op n spesifieke, vasgestelde of bepaalde tyd a set time. Die woord seisoen laat myns insiens reg geskied aan hierdie Bybelse konsep van n bepaalde tyd wat deur God daargestel en beheer word. SEISOENE IS BELANGRIK VIR GROEI Enige natuur- en plantkundige weet dat die afwisseling en verandering van seisoene nodig is. Seisoene het n betekenisvolle plek en doel, beide in die natuur en in ons lewens. God het seisoene in die natuur gegee omdat dit nodig is, soos gesien kan word in Psalm 74:17: Ú het al die grense van die aarde bepaal; somer en win ter, Ú het hulle geformeer. Seisoene in die natuur speel n belangrike rol in die totale groeiproses, in die veranderings wat die plant moet deurgaan om in n volgende nuwe fase in te gaan en om die plant of boom tot volwassenheid te bring. As die natuur by een seisoen, soos somer, sou vashaak, sal die plant op die lang duur waarskynlik tot niet gaan. Daarom is daar n Goddelik-bepaalde ritme en sinvol-
16 Isak Burger heid ten opsigte van die verskillende seisoene wat mekaar opvolg. Dit is belangrik om te verstaan dat elke seisoen belangrik en onmisbaar is. Die feit dat ons miskien nie van n spesifieke seisoen hou nie, dat dit miskien n koue of droë of winderige tyd van die jaar is, beteken nie dat dit betekenisloos, onbelangrik of onnodig is nie. Dit laat my dink aan die denkbeeldige verhaaltjie wat ek eenmaal gehoor het van die boer wat altyd ontevrede was en gekla het oor een of ander abnormaliteit in die weersomstandighede op sy plaas. Hy kry toe die geleentheid om vir die volgende jaar die weer te bestel presies soos hy dit wou hê. Hy het alles perfek en in detail bestel: die regte temperature, spesifieke hoeveelhede reën op spesifieke tye alles perfek. Dit het gelyk of dit n rekord-oesjaar sou wees. Die mielies het groen en geil en hoog gegroei. Maar toe die oestyd kom, was sy verbystering groot: die mieliekoppe het net hier en daar n pit gehad. Die rede? Hy het nie van wind gehou nie en dit daarom nie bestel nie, en toe het die behoorlike bestuiwing van die mielies in die slag gebly. Hierdie verhaaltjie laat n mens net weer besef dat veranderings en skommelinge wat seisoene in die natuur (en in ons lewens) teweegbring betekenisvol en nodig is al dink ons nie so nie. Een van die kommerwekkende gevolge van die globale versteuring van die klimaat en die natuur is juis die effek wat dit op die seisoene het. Aardverwar ming en besoedeling het die balans van die natuur só versteur dat dit ook die seisoene deurmekaarkrap, met die gevolglike negatiewe effek op die plant- en die relewe.