Dit gaan alles oor kommunikasie

Transcription

1 Kripto-geldeenhede waaroor gaan dit nou eintlik? FEBRUARIE 2018 Dit gaan alles oor kommunikasie Die realiteite van die lewe na RDR Millennials: n spesiale soort bemarkingspoging Voldoen aan regulasies en maak 2018 n goeie jaar!

2 KINGJAMES 42462A Gee vir hulle ʼn ekstra groot aftrede. Help jou kliënte om die meeste uit hulle aftrede te kry. Jou kliënte kan vanaf net R300 per maand in die Cumulus Echo Uittreeplan spaar en n Echo Bonus kry om hulle aftreespaargeld n hupstoot te gee. Hoe meer bydraes hulle oor die jare maak, hoe groter sal die Echo Bonus wees. Dít maak die Cumulus Echo Uittreeplan een van die lonendste uittreeplanne wat daar is. Die Echo Bonus hoef boonop nie op te hou groei wanneer jou kliënte aftree nie hulle kan hulle belegging behou sonder om enige verdere bydrae te maak, en met aftrede begin om n gereelde inkomste te trek. Besoek om meer uit te vind. KRY TOT 100% AFSLAG op primêre batebestuursfooie vir Sanlam Beleggings se vlagskipfondse vir Sanlam Reality lede. Sanlam is n Gelisensieerde Verskaffer van Finansiële Dienste.

3 Redakteur Rianet Whitehead Tel Sel Joernalis Jonathan Faurie Sel Navorser/Joernalis Myra Knoesen Cell Advertensies & Subskripsies Michelle Schreuder-Rankin Tel Sel Ontwerp & Uitleg Noël Schreuder Tel WEBWERF en daaglikse gratis e-nuusbrief Kry al jou versekeringsnuus by Teken in op ons daaglikse gratis e-nuusbrief en bly op hoogte van sake. n Dowwe lig skyn iewers... Dis droog in Kaapstad en dit bly droog, met geen onmiddellike vooruitsigte vir reën nie. Beide ekonome en waterkenners reken dat hierdie situasie n rampspoedige uitwerking op Suid-Afrika se ekonomie kan hê. Moody s het Suid-Afrika redelik onlangs onder oorsig vir n afgradering geplaas en gesê die waterkrisis plaas ons in n negatief wanneer dit kom by ons krediet. Die agentskap het Kaapstad op n Baa3-gradering geplaas, wat basies net bo rommelstatus is. Moody s is die laaste graderingsagentskap wat Suid-Afrika op beleggingsgraad het en sommige ekonome sê n afgradering van Kaapstad kan die land se gradering tot rommel laat daal. Moody s sal na verwagting sy beoordelingsoorsigperiode beëindig nadat die minister van finansies, Malusi Gigaba, die begroting in Februarie aangekondig het. Intussen kom Dag Zero nader met ongelooflike ernstige implikasies nie net vir huishoudings nie, maar veral vir klein en groot besighede. Die implikasies is massief iets wat ons land moontlik nog nooit op so groot skaal ervaar het nie. Weet jou kliënte dat hulle versekering nie regtig hierdie keer tot hulle redding gaan kom nie; maak nie saak hoe goed hulle verseker is nie? Ek wil nie graag net oor negatiewe goed skryf nie, maar nog iets wat baie mense tot teen die grond geslaan het was die hele Steinhoff-debakel. Miljarde rande met duisende mense se drome, aftrede, skoolen oorlewingsgeld is in die wiele gery. Dis net verstommend dat niemand hierdie een sien kom het nie Rianet Whitehead - Redakteur Ten spyte van al hierdie negatiwiteit wil dit voorkom of 2018 tog n positiewe jaar gaan wees. Op die politieke front lyk dit of daar n dowwe lig aan die einde van die tonnel skyn, wat natuurlik die grootste rede tot die effe positiewe gevoel in die land is. Ek verluister my dan ook aan die debatte rondom die Krypto-geldeenhede; en dit wil voorkom asof elke Jan Rap en sy maat dink hy kan n vinnige geldjie maak interessant om te sien dat ons hier met mense van alle ouderdomsgroepe te doen het. Vir nou hou elkeen van daai mense vas aan n droom Opinies oor die langdurige bestaan en waarde van al hierdie verskillende geldeenhede verskil, selfs tussen die geleerdes. Ons hou dit dop! Geniet die lees. FAnuus word uitgegee deur Insurance Publications cc Posbus 2342 Wilropark 1731 Tel Faks info@fanews.co.za Die opinies en advies in hierdie tydskrif, hetsy in n artikel, advertensie-artikel, of advertensie, is nie noodwendig die opinie en advies van die eienaars, publiseerder of werknemers van FAnuus nie. INHOUD FEBRUARIE 2018 z IN DIE NUUS 4 Ons kort versterkings die boodskap is duidelik 7 Millennials: n spesiale soort bemarkingspoging 8 Dit gaan alles oor kommunikasie 9 Die realiteite van die lewe na RDR z KORTTERMYN 11 Wanneer n pad nie n pad is nie... OSTI besluit z LEWENS 12 n Ligpunt op die pad na regulatoriese hervorming z BELEGGINGS 14 Kripto-geldeenhede waaroor gaan dit nou eintlik? z REGULATORIES 17 Voldoen aan regulasies en maak 2018 n goeie jaar! z AFTREDE 18 Geen wegkruipplek vir tuimelende Steinhoff 3

4 ONS KORT VERSTERKINGS die boodskap is duidelik Een van kwessies onder bespreking was of die pad na ekonomiese groei en stimulus vandag dieselfde trajek as dié van meer ontwikkelde ekonomieë in die verlede behoort te volg. Plaaslike oorwegings Kom ons neem die Suid-Afrikaanse situasie in oënskou. Cyril Ramaphosa het n baie spesifieke veldtog by die WEF 2018 geloods om buitelandse beleggingsvertroue in die land opnuut aan te wakker. Die Suid- Afrikaanse realiteit is dat, buiten die politiek, ons land se toekomstige sukses met die welslae van die private sektor verweef sal wees. Die aanpak van kwessies soos werkloosheid en ekonomiese groei beteken Suid-Afrikaanse maatskappye moet kop bo water hou in n snel-veranderende globale arbeidsmark. Dit moet geskied op n tydstip waar maatskaplike samehorigheid en mobiliteit uitgedaag word. Volgens die WEF se 2018 Inklusiewe Ontwikkelingsindeks het Suid-Afrika tot die 69ste plek op die wêreldranglys van ontluikende ekonomieë teruggesak. Dit is hoofsaaklik weens groter werkloosheid, welvaart-ongelykheid, lewensverwagting en die land se koolstof-voetspoor. n Vyfjaar-tendensontleding toon dat Suid-Afrika se gesondheidsorg en koolstof-intensiteitsvlakke aan die verbeter is. Per capita groei en arbeidsproduktiwiteit is egter steeds aan die daal. Vanjaar se vergadering van die Wêreld Ekonomiese Forum (WEF) in Davos het ontluikende ekonomieë baie groter visuele blootstelling as vantevore gegee. Die Suid-Afrikaanse werksomgewing sal ook deur die ontwrigting van die Vierde Industriële Revolusie beïnvloed word. Dit is die volgende fase van tegnologiese ontwikkeling wat outomatisering, robotika, kunsmatige intelligensie, masjienleer en bio-tegnologiese vooruitgang inbring om die duur van ons werkslewe te verleng. 4 IN DIE NUUS

5 Afrika se kapasiteit om aan te pas Gemiddelde blootstelling 0.44 Kapasiteit (Skaal van 0-1) Die huidige gehalte en reikwydte van die werksmag se opvoeding ná basiese onderrig Hoë kapasiteit, lae blootstelling Hoë kapasiteit, hoë blootstelling Gemiddelde kapasiteit: 0.63 Lae kapasiteit, lae blootstelling Lae kapasiteit, hoë blootstelling Bron: Wêreld Ekonomiese Forum Blootstelling (Skaal van 0-1) Reikwydte van nuutste tegnologie en diversifikasie van plaaslike arbeidsmarkte Soos die grafiek hierbo aandui, is Suid-Afrika in n onbenydenswaardige posisie teenoor ander Afrika-lande. Volgens die WEF is Suid-Afrika hoogs blootgestel aan globale tegnologiese tendense, maar het min kapasiteit om tred te hou met sulke tektoniese verskuiwings. Weens sy voorlaaste plek op die vasteland met betrekking tot die gehalte van onderwys en hoë werkloosheid, is Suid- Afrika in n swak posisie om hierdie globale uitdagings die hoof te bied. Die WEF beraam byvoorbeeld dat so veel as 77% van ons huidige werksgeleenthede deur die veranderings geraak gaan word. Hoe gereed is ons werkplekke vir sulke destabiliserende invloede? Ons moet oplossings soek om maatskaplike uitdagings die hoof te bied nie slegs ekonomiese uitdagings nie. Konsepte soos die gig - ekonomie (waar werknemers verskeie werke doen en kort-kort van een werk na die ander spring); die deelnemende/ samewerkende ekonomie (waar die hele waardeketting van produksie waarskynlik ontwrig sal word); en die realiteit dat werkers steeds produktief is lank nadat hulle hulle verpligte aftreedatums bereik het dui alles op n wêreld waar aftreevoordele en werknemer/werkgewerverhoudings herkonseptualiseer moet word. n Kritiese gaping gevul Belasting- en pensioenhervorming saam met n sterk weersin in die paternalisme van talle maatskappye in die verlede, het daartoe gelei dat die meeste werkgewers hulle voordele tot die absolute minimum beperk het. Dit sluit in aftreebefondsing, risikodekking vir inkomste (vir geselekteerde werkgewers) en mediese voordele. Werknemers is met verdrag besig om hulle los te maak van hierdie beskerming. Werknemers se kommer is van meer onmiddellike aard; en wanneer n krisis toeslaan, dan is dit die voordele waarmee die eerste weggedoen word. Dit is die kern van die probleem; die prioritisering van aftreespaargeld voorveronderstel dat mense hulle inkomste oor hulle werklewe herontplooi om in basiese behoeftes soos behuising, onderwys, gesondheidsorg, die aankoop van bates en risiko-beskerming te voorsien. Aftreebeleggings is dan eenvoudig die laaste fase van befondsing vir behoeftes bo en behalwe dié wat genoem is. Om geskiedkundige redes was dit nie moontlik vir die grootste gros van Suid-Afrikaners nie. Vir verskeie generasies was hulle uitgesluit van die akkumulasie en besit van bates. Wanneer talentvolle jong Suid- Afrikaanse beroepslui die arbeidsmark betree, is hulle geneig om hulle inkomste na n wyer verskeidenheid van verantwoordelikhede oor verskeie generasies heen te herontplooi die sogenaamde swartbelasting. Toegang tot inkomste beteken ook toegang tot krediet en Suid- Afrikaners het die gaping in bate-akkumulasie oorbrug deur hopeloos te veel lenings aan te gaan op die weg na maatskaplike mobiliteit. Met dit in gedagte moet ons kritiese vrae vra oor hoe verpligte spaar- en werknemervoordele her-gekonseptualiseer kan word om die kwessies beter aan te pak. Ons moet wen-wen situasies skep waar werknemerbehoeftes omgeskakel word in n Suid-Afrikaanse korporatiewe wêreld wat meer produktief en winsgewend is en dus wêreldwyd ook meer mededingend. Vra sleutelvrae Maatskappye moet in die toekoms sleutelvrae aan hulle werknemers stel. Hulle moet Suid-Arikaanse werknemers vra wat hulle die meeste van hulle werknemervoordele verwag. Die antwoord kan ondubbelsinnig wees: hulle mag dalk werksekuriteit wil hê, welwetende dat hulle die vaardighede kan ontwikkel wat relevant is tot die werkplek van die toekoms; hulle mag dalk finansiële sekuriteit wil hê want hulle weet die beste hoe om daardie inkomste te herontplooi om lewenslange befondsing en aspirasie-uitdagings te bestuur; en hulle mag dalk gesondheidsorgsekuriteit wil hê wat sal verseker dat hulle en hulle gesinne beskerming geniet indien gesondheids-, finansiële of emosionele uitdagings opduik. Om dit reg te kry beteken om die aspekte aan te pak wat Suid- Afrikaanse ondernemings en beleidsmakers nodig het om die uitdagings van die snel-veranderende werkplek wêreldwyd die hoof te bied. Dit beteken: vaardigheidsontwikkeling en bevordering behoort n integrale deel (Vervolg op p.6) IN DIE NUUS 5

6 (Vervolg vanaf p.5) van werknemervoordele te word. Werkgewers wat n aktiewer rol speel in die gebruik van die werkplek om opleiding en vaardigheidsontwikkeling te herkonseptualiseer sou in n ideale posisie wees om hulle toekomstige hulpbronkwessies aan te pak. Suid- Afrika kan op sy beurt die roete gebruik om die aansienlike tekort in opleiding en vaardigheids-ontwikkelingsbeleidsrigtings reg te stel. Beleidsmakers sal egter vinniger moet reageer om die inisiatiewe ekonomies lewensvatbaar vir werkgewers te maak; werknemervoordeleprogramme wat finansiële welvaart en sekuriteit vir werknemers en hulle gesinne verseker, kan die kultuur verskuif na een wat fiskale verantwoordelikheid en selfversorging bevorder. Deur in werknemers se daaglikse finansiële behoeftes te voorsien, behoort werkgewers n vermindering in werkafwesigheid en betaalstaatvermorsing te kan sien. Laasgenoemde word deur ons navorsing so hoog as 35% in Suid-Afrika geraam; en die huidige druk op die Suid-Afrikaanse fiskus toon dat n omvattende beleid oor maatskaplike sekuriteit steeds ver buite ons bereik is. Intussen kan werkgewers die land help om die gaping te vernou. Dit sal egter slegs werk as die debat in n ander vorm gegiet en dramaties uitgebrei word. ONS KORT VERSTERKINGS die boodskap is duidelik finansiële stabiliteit en volhoubaarheid binne daardie demografiese groep te vestig, sal sosiale onrus volg. Finansiële en werksekuriteit oor n individu se werkleeftyd kan die langtermynversorging van bejaardes ondersteun. Veel meer kan gedoen word In die dramaties veranderende wêreld van indiensneming is daar baie meer wat gedoen kan word binne n uitgebreide visie van werknemervoordele wat spreek tot dit wat die meeste vir werknemers en werkgewers saak maak. Wat benodig word is n raamwerk vir doeltreffende finansiële besluitneming, nie slegs ná aftrede nie, maar vir die leeftyd van n individu se finansiële reis. Deur lede te help om vir die reis voorsiening te maak, word kwessies oor aftrede, inkomstebeskerming en gesondheid ook opgelos. Die Suid-Afrikaanse wêreld van indiensneming moet homself gereed maak vir die uitdagings van die Vierde Industriële Rewolusie. Ons kan dit doen en soveel meer as werkgewers, vakbonde, beleidmakers en werknemers dit wat ons het, optimaliseer en herorganiseer om n wen-wen situasie te skep. Los werkloosheidsprobleem onder die jeug op Een finale punt moet bespreek word. Soos die data in die Verenigde Nasies se grafiek hier onder aantoon, gaan die demografiese uitdaging vir Suid-Afrika (en die meeste Afrika-lande) meer oor die oplossing van die jeugwerkloosheidsprobleem as die beskerming van bejaardes. In die Afrika kulturele konteks word bejaardesorg steeds gereken as n familie-aangeleentheid en verantwoordelikheid. Dit is die sterk boodskap wat ons ná Davos aan ons leiers kan oordra. Hoe gaan die prentjie oor dertig jaar daaruit sien? Die demografie wat eintlik dopgehou moet word is nie bejaardes nie, maar eerder die werkende bevolking. Die uitdaging hier is kommerwekkend. As ons in gebreke bly om Anne Cabot-Alletzhauser Hoof van Alexander Forbes se Navorsingsinstituut Lesiba Mothata Uitvoerende Hoof-ekonoom Alexander Forbes Investments Suid-Afrika se demografiese profiel Suid-Afrika 2014 Getal mense volgens onderskeie ouderdomsgroepe in Afrika, suid van die Sahara in miljoene, oor tyd. Medium-variasie peiling van die Verenigde Nasies Bo onderdom van 64 Bevolking wat steeds werk Onder ouderdom van 15 Die uitdaging in die toekoms is: Minder oor beplanning vir aftrede Meer oor lewensbeplanning Die antwoord: Ons verpligte spaarprogram moet omgeskakel word na n Guided Financial Planning Framework vir individue. (Bevolking in miljoene) Ouderdomsgroep (Bevolking in miljoene) Bron: Alexander Forbes en die Verenigde Nasies 6 IN DIE NUUS

7 Millenials is die generasie wat grootgeword het in totaal verskillende ekonomiese, politieke en tegnologiese tye as vorige generasies. MILLENNIALS: n spesiale soort bemarkingspoging Millennials gebruik meer dikwels tegnologie om met mense in reële tyd in verbinding te tree. n Digitale boorling is iemand wat in n media-versadigde wêreld grootgeword het. Populêre wanopvattings Om met hierdie groep te kommunikeer kan baie uitdagend wees as jy nie die regte vaardigheid het om dit te bemeester nie. Daar is egter n paar wydverspreide wanopvattings oor Millennials en die digitale boorling leefstyl. Hulle het minderwaardige sosiale vaardighede en sal heel waarskynlik persoonlike interaksie ten gunste van digitale interaksie vermy; Hulle is baie beter met veelvuldige taakverdeling as ander generasies; en Hulle het n natuurlike instink oor hoe om rekenaars en ander digitale produkte te gebruik en reg te maak. Hierdie is verseker wanopvattings maar Millennials se vroeë ervaring met digitale tegnologie het hulle gedrag en uitgangspunt oor die produkte of dienste wat hulle tans gebruik, gevorm. Verskillende benaderings Terwyl Millennials grootgeword het, het hulle hulle ouers dopgehou terwyl dié hard gewerk het en huise, karre, bote en ander materiële dinge gekoop het. Hulle het ook agtergekom dat hulle ouers gewerk het tot op die punt dat hulle nie kon toer nie (behalwe vir die tradisionele gesinsvakansie), en hulle het gesukkel om n balans tussen werk en lewe te bewerkstellig. Millennials trou ook later in die lewe en het ook minder kinders op later ouderdomme. As kliënte stel Millennials minder belang in die besit van karre en huise, wat verduidelik hoekom die aandele-ekonomie floreer en tegnologie firmas soos Uber en Airbnb teen n snelle vaart groei. Nuwe kliënte Millennials gebruik tegnologie om wonderlike ervarings te deel en met maatskappye te verbind. En verder is hulle meer geneig om op sosiale media met n besigheid te kommunikeer as die ouer generasies. As jy aan Millennials wil bemark, sal jy tegnologie moet gebruik, sosiale media moet inkorporeer en n uitsonderlike kliënteervaring moet verskaf. Om n gemaklike kliënte-ervaring te lewer vereis n teenwoordigheid by elke stadium van die reis. Millennials word nie deur advertensies beïnvloed nie; Hulle waardeer eerlikheid eerder as inhoud; Hulle wil in verbinding tree met handelsmerke op sosiale netwerke; en Millennials is getrou aan handelsmerke. Hierdie generasie waardeer tegnologie, maar dis nie soveel verskillend van vorige generasies nie. Jy moet ten alle tye sigbaar wees, op jou webwerf en selfs op jou blog. Deur digitale bemarkingsegnieke te gebruik, n Millenaal-gefokusde benadering en nommerpas produkte te hê, kan versekeraars vir hierdie generasie bemark en hulle bereik, aangesien hulle nou vinnig die fleur van hulle lewe nader. Gespesialiseerde belange Om te spesialiseer in kliënte-belange is ietwat anders en is meer gefokus op Millenials se ingesteldheid. Millenials gebruik verskeie sosiale media platforms en het gemiddeld n baie groter netwerk van konneksies. Millennials se konneksies word onderverdeel binne sosiale platforms van belangstellingsvelde soos stokperdjies of gemeenskaplike doelwitte. Hulle gebruik sosiale media netwerke om deelnemende gemeenskappe van gedeelde belangstellings te volg. Maak gebruik hiervan. Jy sal deel van hierdie belangstellingsgemeenskappe moet word. Millennials sal twee keer meer waarskynlik besigheid met n handelsmerk wat n Facebookblad en selfoonnetwerk het, besigheid doen. Integreer jou handelsmerk op n outentieke manier in die gemeenskappe wat Millennials dikwels besoek en jy sal mettertyd hulle vertroue wen. Die kern van alles Versekeraars wat werklik Millennials omhels, en uiteindelik n goeie kliënte-ervaring opbou, sal een of ander vorm van konstante konneksie of beskikbaar moet verskaf. Dit kan toegang tot polis-inligting deur middel van veelvoudige toepassings of n webportaal beteken. Hier is n paar voorstelle oor hoe om te begin: Gebruik Facebook Live video om met Millenniale te konnekteer; Gebruik n teksboodskap vir diegene wat dit verkies; en Gebruik kort video s om algemene versekeringsvrae te beantwoord. Alhoewel hierdie oplossings meer tyd sal kos, en die feit dat jy uiteindelik sekere van die wyses waarop jy besigheid doen sal moet verander, is die voordeel daarvan dat jy n beter kliënte-ervaring sal verskaf en meer Millennials as kliënte sal kry. Thomas Kieck Besigheidsontwikkelingsdirekteur Tial Technologies IN DIE NUUS 7

8 Dit gaan alles oor KOMMUNIKASIE Volgens Katelyn Rattray, Senior Inhoudbemarkingspesialis by Advicent, is finansiële beplanning glad nie meer n statiese proses nie, en opleiding en volgehoue leer behoort ook nie te wees nie. kliënte kyk op na hulle adviseurs as n bron van inligting en n finansiële lewensafrigter, in plaas van net n persoon wat hulle geld bestuur. Dis dus noodsaaklik dat adviseurs nie hierdie rol ligtelik opneem nie en proaktief toegang het tot n kliënt se Baie finansiële plan asook relevante, opvoedkundige inligting verskaf om n kliënt se oorhoofse finansiële geletterdheid te verhoog, sê Rattray. Finansiële geletterdheid Opvoeding is n belangrike deel van die finansiële beplanningsproses. Rattray sê die volgende ses metodes kan n adviseur se diens verbeter deurdat kliënte aktief opgevoed word. 1Kry n diep begrip en insig van elke kliënt - Dis belangrik om te verseker dat jy tydens die proses waar jy die kliënt aan boord kry n deeglike begrip van hulle demografiese en finansiële inligting verkry. Benewens hierdie basiese inligting, moet adviseurs hulle kliënte se persoonlikheid, asook hulle gedrag, emosies en finansiële geletterdheidsvlak leer ken. Deur n beter begrip van elke kliënt te hê, kan jy die opvoedingsinligting nommerpas by jou kliënt se lewe aanpas en uitvind watter styl van leer miskien die beste by elkeen sal pas. 2Vra hulle direk op watter manier hulle die beste leer - Stuur periodiek kort vraelyste uit waarin jy direk vir kliënte vra watter materiaal vir hulle voordelig is en hoe hulle daarvan hou om opvoedkundige inhoud in te neem. Sommige kliënte hou daarvan om video s by die huis te kyk of om na n opname in die motor te luister, terwyl ander sal verkies om n harde kopié van die inligting te lees of ander wil een of ander speletjie daarby betrokke hê. 3Gebruik multimedia Die tipes multimedia wat n adviseur gebruik om sy of haar kliënte op te voed kan gegrond wees op die opvoedkundige voorkeure in die opnames in punt twee hierbo. Adviseurs kan n paar vinnige video s van hulleself verfilm waar hulle n finansiële industrie onderwerp verduidelik, artikels van betroubare bronne bymekaarsit (of dit self skryf), of interaktiewe werkskaarte bou vir kliënte wat daarvan hou om self navorsing te doen. Verskillende style van leer beteken dikwels dat verskillende mediums gebruik moet word om kliënte te leer. 4Bied n gesamentlike leersessie aan Een (dikwels vergete) metode om opvoedkundige inligting aan kliënte te bied is op persoonlike vlak op n een-tot-een grondslag of in n groepopset. Terwyl een-tot-een opvoedkundige sessies dikwels met kliëntevergaderings gepaard kan gaan, dink daaraan n om klas by n bekende plaaslike plek aan te bied. Bepreek n privaatkamer by n restaurant, n kroeg, n besigheidsontmoetingssentrum, of selfs die adviseur se kantoor om verskillende kliënte (en selfs voornemende kliënte) bymekaar te bring om hulle te leer en persoonlike finansiële onderwerpe te bespreek. Miskien nader sekere kliënte hulle aftrede of iemand wil hulle eerste huis koop; hou dan n klas oor aftredevoorbereidingstrategieë of die huiskoopproses. 5Verbind die lesse aan hulle persoonlike lewe - Baie mense mag sukkel om abstrakte of ingewikkelde finansiële konsepte of onderwerpe te begryp as hulle dit nie op hulle eie lewens kan toepas nie. Dis hier waar n diep insig van elke kliënt van punt nommer een werklik n rol begin speel. Wanneer n mens vir kliënte finansiële aspekte van dinge soos die koop van n huis, kinders, opvoedingsbeplannning, aftrede-beplanning of beleggingstrategieë leer, moet n mens die les skoei of lewensgetroue ervarings. Dit kan kliënte help om n beter idee van die proses en die effek op hulle finansiële toekoms te kry. 6Verskaf voortdurende toegang tot inligting Soos kliënte hulle finansiële geletterdheid vergroot, kan dit help om konstante, gerieflike toegang tot hulle finansiële plan se inligting te hê ten (Vervolg op p10) 8 IN DIE NUUS

9 Die realiteite van die lewe NA RDR Tussengangers sal hulle op gepaste wyses moet posisioneer vir n nuwe wêreld van adviesgebaseerde fooie na mate die verskillende fases van die Kleinhandeldistribusie-oorsig (RDR) oor die volgende twee jaar ontvou. Dit vereis noukeurige navorsing en beplanning om n suksesvolle oorgang van n kommissie-gedrewe na n fooi-gedrewe onderneming te maak en in die proses n volhoubare praktyk te bou. Wanneer daar oor fooie besluit word, moet makelaars die regte balans tussen winsgewendheid en waarde vind en dit koste-doeltreffend vir hulle kliënte aanbied. Kry n realistiese maatstaf Waarde moet versigtig bepaal word want menige markfaktore speel hier n rol. Kliënte sal vining begin rondkyk as hulle voel dat jy hulle te veel vra en nie billike waarde bied nie. Dit kan van nut wees om n realistiese maatstaf te vind om mee te werk; om met kliënte oor hulle verwagtings te praat en navorsing te doen oor wat ander praktyke min of meer vra. Dit sal jou n goeie grondslag gee om gepaste tariewe te bepaal. Fooie-struktuur Wat is dan die strukture betreffende die dienste binne DR-voorstelle waarvoor tussengangers fooie kan vra? Die eerste is die adviesproses. Dit behels n finansiële behoefteontleding, die samestelling van n finansiële plan en die maak van aanbevelings gegrond op kliënte se behoeftes. Daar is verskillende maniere om jou fooie te struktureer. Dit sluit in n maandelikse fooi, uurlikse tarief, of n projekfooi vir n spesifieke diens wat benodig word. Elkeen het sy voor- en nadele. Daar is ook die opsie om verskillende pakkette aan te bied wat aan die behoeftes van verskillende kliënte voldoen en n fooi per pakket te vra. Die fooi wat gevra word, kan ooreengekom word tussen die tussenganger en die kliënt. Tweedens is daar die implementering van die advies. Met ander woorde, die koop van die produkte wat deur die gekose produkverskaffer aanbeveel word. Die toekomstige bedeling sal steeds kommissie op lewensversekering en risiko bied, maar nie vir spaar- en beleggingsprodukte nie. Dan is daar take wat tussengangers namens die verskaffer verrig waarvoor n fooi gevra kan word. Suid-Afrika het nou eers begin met die implementering van RDR - jare ná die VK, wat ons in staat stel om te leer uit die foute wat daar gemaak is. n Algemene fout is om nie fooie vir die eeste fase die aanvanklike behoeftebepaling en plan te hef nie, wat n noemenswaardige verlies kan meebring. Dikwels probeer n makelaar die koste hiervan verhaal deur pryse op produkte te verhoog wat dit dan te duur maak. Die proses vir die bepaling van fooie Ten einde die prysvlak van elke fase reg te kry, kan makelaars die elemente, soos hieronder uiteengesit, oorweeg in die proses om hulle fooie vas te stel: 1Kry n ystergreep op jou besigheidskoste. Jy moet presies weet wat die koste is van byvoorbeeld jou kantoorspasie, brandstofkoste om kliënte te gaan sien, die salaris van n persoonlike assistent, onthaalkoste, elektrisiteitsrekening en belasting. n Goed bestuurde onderneming gee aandag aan al hierdie dinge sodat jy realisties oor jou wins kan wees; 2Onderskei jou deur jou waardeproposisie. Uiteindelik beteken die fooi wat jy vra dat kliënte verstaan en bereid is om te betaal vir die waarde wat jy bied. Wees presies oor wat jy aanbied en plaas dit in n pakket wat bruikbaar en aantreklik vir kliënte is. Verskillende kliënte sal verskillende vlakke van diens kan bekostig. Dit kan voordelig wees om jou waardeproposisie in verskilende pakkette aan te bied en daarvolgens fooie te hef. 3Hoe gaan jy die invorderings en fakturering administreer? Jy moet n duidelike plan hê om wanbetalers te hanteer. Vermy dié scenario deur wettige kontrakte te sluit; 4Kyk na maniere om n gereëlde inkomste te verseker om so kontantvloei aan te help en kostes te dek. Risiko-produkte wat gespesifiseerde vooraf-kommissie aan tussengangers besorg en die res oor die termyn van die polis, kan n sekere vlak van diens op (Vervolg op p10) IN DIE NUUS 9

10 Dit gaan alles oor KOMMUNIKASIE (Vervolg vanaf p.8) einde hierdie onderwerpe altyd in hulle gedagtes te hou. Deur toegang tot n kliënte-portaal te verskaf, kan adviseurs dit makliker vir kliënte maak om hulle te kontak met vrae, hulle doelwitvordering na te gaan en meer te leer oor hoe hulle leerproses, aangebied deur hulle adviseur, hulle toekoms kan raak. Jou kommunikasie-aanslag Sean Marus, Inhoudskrywer by Advicent, sê kommunikasie met kliënte kan vinnig, effektief en doeltreffend wees. Deur jou inhoudstrategie op hierdie uitgangspunte te skoei, kan jy verseker dat jou kommunikasiebenadering so maklik soos ABC is. Marus wys op die volgende punte: Wees toepaslik As n mens met kliënte kommunikeer, is dit belangrik om tydige en relevante inligting met hulle te deel. Die uitreiking van breë, algemene, nie-spesifieke kommunikasie sal nie pertinent wees tot die meerderheid op jou poslys nie. Op die ou einde is dit onwaarskynlik dat hierdie tegniek effektief sal wees om jou kliënte te bereik. Probeer om jou kliënte-basis op verskillende maniere te segmenteer. Byvoorbeeld, verdeel een groep volgens ouderdomskategorieë, een groep vir kliënte met kinders, en een groep wat kliënte volgens nettowaarde bepaal. Dan kan jy geteikende, maar ook grootskaalse inligting wat op elke groep van toepassing is, stuur. Indien jy n kliënte segment het wat 70 nader, kan jy vir hulle tydige materiaal oor vereiste minimum distribusies stuur. As jy n segment vir jonger ouers het, kan jy vir hulle inligting oor die opstel van gekwalifiseerde aftrede-rekenings stuur. Sodoende gee jy vir jou kliënte presies wat hulle nodig het wanneer hulle dit nodig het. Wees kort en kragtig Baie kliënte wil nie oorval word met inligting oor finansiële onderwerpe wat voel soos die lees van n André P Brink novelle nie. Wat kliënte regtig wil hê is geteikende, spesifieke inligting wat direk verband hou met hulle situasie. In vergaderings sal oë begin waserig raak as die gesprek in n rigting beweeg wat nie op hulle situasie van toepassing is nie. Wanneer jy met jou kliënte in verbinding tree, maak seker dat jou boodskap kort en kragtig is. Wees op die man af oor die doel van die kommunikasie en maak seker dat dit direk verband hou met jou kliënt. In ons gejaagde lewe is tyd geld vir beide jou en jou kliënt; maak dus jou kommunikasie so doeltreffend as moontlik. Wees kreatief Gegewe die alomteenwoordigheid van die internet, is kliënte daartoe in staat om toegang te hê tot oneindige hoeveelhede inligting oor basies enige onderwerp wat vir hulle relevant is. n Adviseur moet hom-/haarself afvra hoe hulle op n meer betekenisvolle wyse met kliënte kan konnekteer as die beskikbare inligting wat reeds op die punte van hulle vingers beskikbaar is. Alhoewel sekere inligting die beste pas in n gewone teksformaat, is daar tye dat visueel-gebaseerde stukke meer effektief sal wees wanneer daar met kliënte gepraat word. Gebruik visuele inligting sover moontlik, omdat daar bewys is dat die leerproses met 400 persent verbeter as visuele hulpmiddels ingesluit word. Die konneksie met kliënte op n duidelike, presiese en kreatiewe wyse mag wel vreesaanjaend klink. Maar, kliënte-kommunikasie kan pynloos wees as jy bewus bly van hoe om dit so effektief as moontlik te doen, het Marus afgesluit. (Vervolg vanaf p.9) n maandelikse grondslag verseker. As jy die maandelikse retensieroete inslaan moet jy seker maak wat by die retensie ingesluit is en wat nie. Dit sal jou help om nie tyd te bestee aan dinge waarvoor jy nie vergoed word nie en wat jou retensie onwinsgewend kan maak. Jy moet jou fooie op n jaarlikse grondslag hersien wat jou ook die kans gee om die dienste wat jy aanbied, te hersien; 5Kry jou faktuurstelsel gereed en hou streng daarby. Fakturering, invordering en kontraksluiting is noodsaaklik om jou praktyk aan die gang te hou. Daar moet n kontrak in plek wees wat die voorwaardes van die kliënt- en tussenganger-ooreenkoms stipuleer. Versekeringsverskaffers het in die verlede die hele proses behartig, insluitend die invordering van fooie en die regsgevolge vir kliënte wat nie betaal nie. Dit is nou die tussenganger se verantwoordelikheid wat n geleentheid bied vir n beter verhouding met n kliënt; en 6Oorweeg dit om van meet af in n goeie boekhouer te belê. Deur die finansiële bestuur van jou maatskappy aan iemand anders oor te laat, stel dit jou in staat om op jou kernvaardighede Die realiteite van die LEWE NA RDR te fokus wat die verskaffing van finansiële advies aan kliënte is. Die boekhouer kan omsien na onder meer winsgewendheid, raad gee oor prysingsmodelle, kontantvloei en belasting. Die belangrikste is om vooruit te beplan. As jy dit nog nie gedoen het nie, kan dit die moeite werd wees om tyd aan voorafbeplanning en navorsing te bestee wat jou op die lang duur tot groot voordeel kan wees. Jacques Coetzer Hoofbestuurder Sanlam Persoonlike Finansies: Makelaarsdistribusie 10 IN DIE NUUS

11 Wanneer n pad nie n pad is nie... OSTI BESLUIT Dis belangrik dat kliënte hulle polisbewoording verstaan en ook bewus gemaak word van alle uitsluitings in n polis ten einde te verstaan waarvoor hulle gedek is en wat toepaslik sal wees vir n afwysing van n eis. Alhoewel dit taamlik voor-die-handliggend is, gebeur daar nog steeds dikwels omstredenheid. Me Z het n eis ingestel by haar versekeraar na n motorongeluk. Die ongeluk het plaasgevind terwyl Me Z in haar residensiële kompleks gery het. Me Z se eis is afgewys op grond van die feit dat sy op n nie-openbare pad gery het en derhalwe nie dekking onder die polis vir die verlies geniet het nie. Ter ondersteuning van hierdie afwysing, het die versekeraar op die volgende voorwaardes van die polis gesteun: (1) Motorvoertuigongeluk beteken die onbeplande botsing van een motorvoertuig met n ander voertuig, n stilstaande voorwerp of persoon, wat beskadiging aan die voertuig tot gevolg het en wat in n openbare pad, soos gedefinieer in die Wet op Nasionale Padverkeer, 1996 (soos ge-amendeer) plaasvind. (2) Spesiale Voorsienings. Díe maksimum herstelbydrae wat beskikbaar is ten tye van n eis sal met 50% verminder word waar die motorvoertuigongeluk of verlies op n pad wat nie gesement of geteer is nie, plaasvind. Geen voordele sal van toepassing wees tewyl n voertuig bestuur word waar daar geen formeel geregistreerde pad is nie. Versekeraar stel sy saak Ongelukkig oor die afwysing van die eis, het Me Z die OSTI vir ondersteuning genader. Me Z beweer dat sy nie ingelig is oor die feit dat sy nie gedek sou wees vir ongelukke wat op nie-openbare paaie plaasvind tydens die verkope-stadium nie. Sy het verder beweer dat daar padverkeerstekens binne die kompleks was en dat alle verkeersreëls van toepassing is binne die kompleks. Haar gevolgtrekkeng was dat hierdie paaie dus erken moet word as openbare paaie. In sy reaksie op die klag het die versekeraar beweer dat die algemene kenmerke van die polis onder Me Z se aandag gebring is tydens die verkope-stadium. Die polisdokumente is ook na Me Z gestuur en sy is n 44 dag afkoeltydperk gegun om die dokumente na te gaan en om verdere navrae te doen indien nodig. Omdat daar geen verdere navrae of n kansellasie was deur Me Z binne die afkoeltydperk nie, het die polis n aanvang geneem na die eerste suksesvolle debietorder. Die versekeraar het verder beweer dat die kompleks waar Me Z woon, openbare toegangsbeheer het. Lede van die publiek is nie toegelaat om sonder die toestemming van die persoon wat daar woon binne te kom sou hulle n besoek wou aflê nie. Volgens die versekeraar het die insident dus op n nie-openbare pad plaasgevind en was daar geen dekking onder die polis nie. Materiële feite Onder die polis is die versekeraar verplig om n bydrae te lewer tot die herstelkoste van die voertuig na n motorvoertuigongeluk wat op n openbare pad plaasvind soos gedefinieer in die Wet op Nasionale Padverkeer Die Wet op Nasionale Padverkeer definieer n openbare pad as enige pad, straat, deurgang of enige ander plek (hetsy n deurgang al dan nie) wat oor die algemeen deur die publiek of enige gedeelte daarvan die reg tot toegang het... Die woorde of enige gedeelte daarvan sal in hierdie instansie hierdie kategorie/gedeelte/klas van die publiek wat in die kompleks woon, insluit. Derhalwe sal die pad waarop die ongeluk plaasgevind het volgens doe Wet op Nasionale Padverkeer as n openbare pad beskou word nieteenstaande die feit dat daar geen reg tot algemene ingang is nie en dat toestemming vereis word ten einde die kompleks binne te gaan. OSTI se siening Me Z se eis sal dus binne die omvang van die polis val. Die polisuitsluiting het staatgemaak op wat die versekeraar stel dat Geen voordele sal van toepassing wees terwyl n voertuig bestuur word waar daar geen formeel geregistreerde pad is nie. Die versekeraar het nie enige bewyse gelewer om te voldoen aan sy vertroue op hierdie uitsluiting nie, maar het bloot staatgemaak op sy vorige argument dat die pad n nie-openbare pad is. Aangesien die versekeraar die onus dra om sy vertroue op die uitsluiting te regverdig, was die vereiste dat hy bewyse lewer dat die pad nie n geregistreerde een is nie. (Vervolg op p13) KORTTERMYN 11

12 n Ligpunt op die pad na REGULATORIESE HERVORMING Die lewensversekeringsbedryf het, ondanks die feit dat 2017 n uitdagende jaar vir talle lewensversekeraars was, bewonderingswaardig presteer, sê die Suid-Afrikaanse Vereniging vir Spaar en Beleggings (Asisa). So, wat lê voor in 2018? FAnuus het met Leon Campher, Asisa se Uitvoerende Hoof en Anna Rosenberg, Senior Beleidsadviseur van Asisa se Lewens- en Risikokomitee gesels om uit te vind wat hulle dink die jaar gaan gebeur. Die jaar wat verby is Indien mens, volgens Campher, die prestasie van die lewensversekeringsbedryf in 2017 in oënskou neem, hoef daar nie verder gekyk te word as die uitbetaling van voordele deur lewensversekeraars nie. Ondanks die swak ekonomie het Suid- Afrikaanse lewensversekeraars eise van polishouers en begunstigdes ter waarde van R458 miljard vir die jaar geëindig 30 Junie 2017 erken. Dit verteenwoordig n styging van 9% in betaalde voordele vergeleke met die vorige 12 maande. Lewensversekeraars het terselfdertyd daarin geslaag hulle bates met 2% tot R2.7 triljoen te laat groei. In die 12 maande tot die einde van Junie 2017 is meer as R57.4 miljard aan mense betaal wat n sterfgeval, ongeskiktheid of ernstige siekte in hulle familiekring gehad het. Dit is n styging in uitbetaling van voordele van meer as R7.5 miljard vergeleke met die 12 maande tot Junie Daar was ook n aansienlike toename van 21% in eise teen individuele ongeskiktheids-polisse in die 12 maande tot Junie Taai ekonomiese omstandighede Suid-Afrikaners staar moeilike ekonomiese omstandighede in die gesig, sê Campher. Dit word weerspieël in die styging in eise wat versekeraars ontvang. Die toename in ongeskiktheidseise wat ongetwyfeld met stres met verband hou, is kommerwekkend. Campher sê as daar ooit n saak uit te maak was vir die waarde van versekering, dan is dit dit. Versekeraars is gelukkig goed gekapitaliseer en is in staat om die toestroming van eise te hanteer, sê Campher. Daar is ook die kwessie van moeilike besluite wat polishouers soms moet neem. Volgens Campher is daar baie mense wat hulle spaargeld elke maand verminder ten gunste van premies op hulle lewens- en ongeskiktheidspolisse. Gereed vir verandering Die naderende regulatoriese verandering wat waarskynlik vanjaar soos n brander op die bedryf se strand gaan breek, naamlik die skuif na die Twin Peaks regulatoriese model wat n aparte regulatoriese rol gaan speel, is nog n groot uitdaging. Hoewel talle mense binne die bedryf onseker is of dit gereed is vir hervorming, is Rosenberg vol vertroue dat die bedryf gereed is om die veranderings te hanteer aangesien hierdie proses n paar jaar aan die gang is. Is die golf van regulatoriese verandering nuut? Nee, dit is iets waarby versekeraars aktief betrokke was en hulle is slaggereed daarvoor. Ons het reeds die finalisering van die Wetsontwerp oor die Regulering van die Finansiële Sektor beleef wat die oorhoofse wetgewing is vir die Twin Peaks model van regulering. Hopelik sal dit teen Julie in werking wees. Nie n maklike pad Die voorbereiding vir die pad wat voorlê het niks te doen met hoe maklik of moeilik die taak vir versekeraars gaan wees nie. Rosenberg het nie doekies omgedraai toe sy gesê het dit was nie n maklike kruis vir versekeraars om te dra nie, veral nie met die uitgebreide veranderinge wat gemaak is teen die einde van 2017 in die versekeringsregulasies en Policyholder Protection Rules nie. Die implementeringskoste van regulatoriese hervorming, veral Solvensie Assessering en Bestuur (SAM) is moeilik om te bereken want daar is groot indirekte kostes betrokke. Een ligpunt is die feit dat daar genoeg tyd gegee is vir die oorskakeling en dat die Financial Services Board (FSB) aangekondig het dat hy die kwessie van proporsionaliteit gaan bestudeer. Die oorblywende stuk wetgewing wat geïmplementeer moet word is die mikroversekering-standaarde wat in die Versekeringswetgewing ingeskryf moet word wat met minder kapitaalvereistes vir spesigiek mikro-versekeraars gepaardgaan. Kleiner versekeraars sal dus nie benadeel word wanneer dit kom by die implementering van regulatoriese hervorming nie, sê Rosenberg. 12 LEWENS

13 Die groot knelpunt Transformasie is een van die grootste knelpunte wanneer dit by regulatoriese hervorming kom. Campher sê die bedryf is besig met vrugbare samesprekings oor die kwessie. Die bedryf het met die FSB en Nasionale Tesourie vergader en het verskeie bemoedigende en oop gesprekke met hulle oor transformasie gevoer. Al die partye het saamgestem dat dit nie n goeie idee is dat die grootste gedeelte van die bedryf in die hande van individue is nie. Eienaarskap van lewensversekeraars behoort in die hande van pensioenfondse en instellings te wees want hulle verskaf die geld wanneer eise en masse ingedien word, sê Campher. Die industrie het alreeds met die FSB en Nasionale Tesourie om n tafel gesit en baie positiewe gesprekke oor transformasie gehad, voeg Campher by. Hy sê ook alhoewel goeie vordering die afgelope paar jaar gemaak is met die bereiking van betekenisvolle transformasie, bly verteenwoordiging op direksie-vlak n uitdaging. Baie meer moet ook op die gebied van toegang en aankope gedoen word. Hy wys daarop dat die twee top prioriteite van Asisa se strategie - wat nou sy tiende bestaansjaar ingaan - transformasie en die bereiking van inklusiewe ekonomiese groei en toegang is. Die Asisa-direksie het ook besluit om n derde korporatiewe bestuurskomitee in die lewe te roep om te help met die verwesenliking van Asisa se transformasiedoelwitte. Die raad beskik nou oor die volgende korporatiewe bestuurskomitees: die uitvoerende komitee, die nominasiekomitee en die transformasiekomitee. Die langverwagte gewysigde Finansiële Sektorkode (FSC) het uiteindelik Vrydag 1 Desember op die wetboeke verskyn. Ons gaan nóú met ons lede op die inisiatiewe saamwerk wat hulle sal help om die hersiene teikens te haal, voeg Campher by. Goeie nuus Na al dié nuus oor uitdagings vir 2017 is dit goed om goeie nuus oor die toestand van die lewensversekeringsbedryf te hoor. Die feit dat versekeraars gereed is vir regulatoriese veranderings is die nuus waarvoor adviseurs al vir n lank tyd wag. As ons net die transformasiekwessie kan regkry, kan die Suid- Afrikaanse lewensversekeringsbedryf n voorbeeld vir die res van die wêreld wees oor hoe om n ekonomiese en regulatoriese storm effektief te trotseer. Wanneer n pad nie n pad is nie... OSTI BESLUIT (Vervolg vanaf p.11) Aangesien hy in gebreke gebly het om dit te doen, kon hy nie op die uitsluiting staatmaak nie. In elk geval, al sou die versekeraar die onus ter syde stel, was die OSTI van mening dat dit nog steeds nie in die posisie sou wees om dit in die guns van die versekeraar te regverdig nie, gegrond op die versekeraar se onvermoë om Me Z se aandag tydens die verkope-stadium daarop te vestig dat die spesifieke uitsluiting, waarop sy haar hoop vestig, van krag is. Die OSTI het gesê meer moes gedoen geword het om dit onder die versekerde se aandag te bring. Die versekeraar het nie gedemonstreer dat dit voldoen het aan die Polishouer Beskermigsreëls (PBR) met betrekking tot openbaarmaking nie. Volgens die OSTI is dit nie genoegsaam om bloot na die bepalings en voorwaardes wat vervat is in die polisdokumente wat na die verseker-de gestuur is nadat die kontrak gesluit is, te verwys nie. Daar moet volledige en behoorlike voldoening met die PBR wees voordat die kontrak gesluit word en wat dan die versekerde in staat sal stel om n ingeligte besluit te neem of hy/sy met die voorwaardes wat deur die versekeraar aangebied word, saamstem. In hierdie omstandighede het die OSTI aanbeveel dat die versekeraar die eis betaal, waartoe hy ingestem het. Daardie een klein stukkie detail Die kruks van die saak, soos die OSTI dit uitgelig het, is dat die uitsluiting onder die versekerde se aandag gebring moes gewees het tydens die verkope-stadium. Dis n skrille herinnering om te verseker dat kliënte hulle polisbewoordings verstaan en weet waarvoor hulle gedek is en waarvoor nie. Maar aan die ander kant moet ons altyd onthou dat ons die kliënt regverdig moet behandel; en hierdie uitsluiting is glad nie regverdig nie. 13

14 KRIPTO- GELDEENHEDE waaroor gaan dit nou eintlik? Een van die mees veelbesproke onderwerpe in die finansiële wêreld vandag is kripto-geldeenhede (cryptocurrencies), of privaat geldeenhede - soos ek dit verkies, en die impak wat dit op die spaar- en die beleggingswêreldbedryf gaan hê. Die meteoriese opgang van Bitcoin die eerste werklike kriptogeldeenheid het heelwat mense verras. Die wortels van n nuwe stelsel Ná die Tweede Wêreldoorlog was die oorheersende politieke ideologie waarop die Verenigde Nasies ooreengekom het, n demokratiese een wat die meeste lande oor tyd veronderstel was om uiteindelik te aanvaar. Onder dié stelsel sou menseregte in die grondwet van n land beskerm en verskans word. Daar is ook ooreengekom dat die regering (die staat) n invloedryke rol in die ekonomie van n land sou speel, veral onder die invloed van die ekonoom John Mynhard Keyens. Verder is n sentrale bank in die meeste lande gestig, gewoonlik om oorlogspogings van lande te befonds. Hierdie banke het dan besluit hoeveel geld geskep moes word. Dit is dan deur ander banke in die stelsel versprei wat aan die sentrale bank verslag moes doen. Die heersersklas Die groter rol van regerings, sowel as die uitbreiding van die rol van sentrale banke, het aan sentrale banke en politici al meer mag gegee weens hulle groter invloed op die ekonomie van daardie land. In 2008 het ons n uitstekende voorbeeld daarvan gesien toe die Wêreldwye Ekonomiese Krisis (WEK) die wêreld geskud het en sentrale banke en regerings totale onortodokse en oordadige maatreëls aangekondig het om hulle lande se ekonomieë te ondersteun. Na die Tweede Wêreldoorlog is daar ooreengekom dat die staat n groter rol in die ekonomie van n land sou speel, wat wel gebeur het die afgelope dekade of twee. Sentrale banke het sedert die WEK taamlik mal gegaan. Voor die krisis was die skuldvlak van die Amerikaanse Sentrale Bank (die Fed) die instelling wat die rol van n sentrale bank in die VSA speel - $800 miljoen; nou is die skuldvlak van die bank meer as $4 triljoen, geld wat eenvoudig uit niks geskep is. Die rede vir hierdie toename is dat die bank geld gedruk het asof dit uit die mode gaan. Dit is belangrik as mens in ag neem dat die wêreld na 1973 van die goudstandaard afgestap het; en dit het gelei tot die heerskappy van die dollar as die wêreld se geldeenheid. As mens jou sake in dollar wil doen, soos baie lande dit nou buite die VSA doen, dan betaal jy in effek n aansienlike belasting aan Amerika vir hierdie voorreg. Dit maak van die Amerikaanse regering en die Fed baie magtige instellings. Dié mag het tot nou n groot invloed op die publiek gehad wat hulle nou daarteen begin verset het Die anti-instelling beweging n Deel van die verset is dat die publiek besig is om van die instellings te wantrou wat tot belangrike politieke veranderings aanleiding gee. Wêreldwyd is daar n weerstand aan die ontwikkel teen hierdie instelling wat n al groter rol in mense se lewens speel en ook al meer van belastingbetalers eis. Die wêreld vandag Die wêreld is nie net besig om anti-instellings te word wanneer dit by politiek kom nie; dit is ook besig om sy mening oor sentrale banke en die invloed van die politiek by hierdie instellings te verander. Die wêreld is besig om polities al meer digitaal te raak en alles beweeg vinnig na die kuberruimte. Individualisme is besig om baie gewild te raak en die tyd vir werklike individuele vryheid het aangebreek. Intussen daal transaksiekostes soos tegnologie vooruitgaan. Hoe meer transaksies beklink word, hoe meer groei ekonomieë. Die ontstaan van privaat geldeenhede is ook net nog n stap in die vermindering van transaksiekoste. Politici, as n reël, stel gereeld vereistes en reëls wat transiekostes verhoog; en minimum lone is n goeie voorbeeld hiervan. Die radikaal anderse ekonomiese standpunt laat die publiek toe om aanpassings in arbeidsbeleid te maak wat die koste van arbeid verlaag. Nog n fundamentele verskuiwing Privaat geldeenhede is besig om nog n fundamentele verskuiwing teweeg te bring. In die verlede, wanneer jy iets gekoop het of iemand betaal het, moes die geld deur n finansiële tussenganger hanteer word. Die rekord van die transaksies word deur n bank geregistreer word wat toeganklik is vir die owerhede, het belastingontwyking natuurlik bemoeilik. (Vervolg op p16) 14 BELEGGINGS

15 AFTREDE 15

16 Dit is ook waarvandaan die grootste oproepe vir die regulering van privaat-geldeenhede kom. Dit gaan nie oor die geldeenhede as sulks nie, maar oor die onderliggende tegnologie wat dit rugsteun. KRIPTO- GELDEENHEDE waaroor gaan dit nou eintlik? (Vervolg vanaf p.14) As jy egter n item koop of iemand betaal vir n item of diens deur van Blockchain gebruik te maak, is dit moontlik om jou spore dood te vee deur sekere tegnologieë te gebruik. Die heffing van belastings gaan dus in die toekoms baie moeiliker word. Van deurslaggewende belang Hoewel daar groot kommer is oor die tegnologie wat privaatgeldeenhede rugsteun, is daar ook kommer oor die geldeenhede self. Bitcoin het die afgelope jaar aansienlik veld gewen met sy prys wat die hoogte in geskiet het. Daar was egter ook tye wat Bitcoin 20% van sy waarde in een middag se verhandeling verloor het. Dié wisselvalligheid is vreesaanjaend vir beleggers en ek is skepties oor Bitcoin as n belegging. Hoewel daar skeptisisme oor die geldeenhede is, kan daar aansienlike waarde en gevaar skuil in tegnologieë soos Blockchain. My advies is om n paar rand se Bitcoin (of ander geldeenheid) te koop - nie as n belegging nie, maar as n geleentheid om dié tegnologie te leer ken. Vyf en negentig persent van alle belasting is belasting op finansiële transaksies - n salaris is byvoorbeeld n finansiele transaksie, maar as die staat nie jou transaksies kan monitor nie, hoe kan hulle belasting hef? Blockchain het die potensiaal om n groot impak op hierdie fiskale beleid te hê. Dit is miskien hoekom lande soos China, Rusland en Indonesië sterk gekant is teen handel in privaat-geldeenhede. Dit gaan nie soseer oor die geldeenheid nie, maar dalk meer oor die feit dat die tegnologie daaragter potensieel n groot impak op belastinginvordering kan hê. Dawie Roodt Hoofekonoom Efficient Groep CONNECTING THE INDUSTRY The purpose of The Calendar is to ensure that no one misses out on anything anymore. MAKE YOUR EVENT VISIBLE All events, training, results and any other functions across all the different sectors of the insurance and financial services industry will be visible for all to see on The Calendar. If you are the organiser 1 of an event, upload the event yourself. YOUR SHOWCASE It does not matter if you operate in the short term, life, healthcare, EB or investment space; this is the place for you to showcase your events on The Calendar and create network opportunities. NO MORE EMPTY SEATS... The purpose of The Calendar is to ensure that no one misses out on any event and that there are no more empty seats. AS EASY AS PIE Upload your events on The Calendar yourself with 4 easy steps. And best of all, it is FREE to list your event on The Calendar! GROW YOUR FOOTPRINT Expand your presence in the industry by advertising on The Calendar If the event is relevant 3 to our audience, FAnews approves it. As soon as it is 2 loaded, we will receive a notification. Your event 4 is live! 16

17 Voldoen aan regulasies EN MAAK 2018 N GOEIE JAAR! Regulatoriese veranderings, voldoening en die uitdagings wat dit bied is al geruime tyd n belangrike onderwerp van bespreking in die bedryf. In kort word dit word aanvaar dat diegene wat beter toegerus is, die struikelblokke wat in 2018 voorlê, beter sal kan bestuur. Top voldoeningswenke Namate voldoening moeiliker word, is daar agt wenke om in gedagte te hou wat jou vanjaar kan help om nakomingsrisiko s in jou praktyk te vermy. 1Kry professionele hulp Voldoening is n professie en jy moet n professionele persoon vir advies nader. Die meeste professionele mense is lede van die Compliance Institute of South Africa (compliancesa.org) en dit behoort die eerste plek te wees waar jy vir hulp oor voldoening aanklop. Gaan ook na die webtuiste van die Financial Services Board (FSB) en maak seker dat die voldoeningsbeamptes of voldoeningsmaatskappye inderdaad deur die FSB gelisensieer is om die dienste te verskaf wat hulle in hulle bemarkingsmateriaal beskryf. 2Hersien die Retail Distribution Review (RDR) - Hoewel RDR op die oog af intimiderend lyk, is dit belangrik vir alle belanghebbendes in die finansiële dienstebedryf om tyd te maak om dit te verstaan en op hoogte te bly met nuwe verwikkelinge. 3Voorwaardelike liefde - Alle FSB lisensies word met n aantal voorwaardes uitgereik. Een van die belangrikstes is Voorwaarde 1 wat vereis dat gelisensieerde entiteite hulle besonderhede op datum hou. Die reguleerder het in werklikheid geduld met ondernemings verloor wat oënskynlik laks is met die byhou van hulle besonderhede en hulle kan een of ander vorm van administratiewe boete opgelê word. 4Vertroudheid met buitelandse fondse Artikel 65 van die Wet op Kollektiewe Beleggingskemas stel dit uitdruklik dat tensy n buitelandse fonds nie deur die FSB goedgekeur is nie, dit nie aan Suid-Afrikaanse beleggers bemark mag word nie. Daar blyk verwarring hieroor te wees en ek raai jou aan om navraag te doen oor die regulatoriese status van enige fonds wat aan jou voorgelê word om vir jou kliënte aan te bied. 5Hou by die jongste verwikkelinge Dit is belangrik dat ons almal op hoogte moet bly van tegnologiese verwikkelinge en hoe dit finansiële dienste raak. Ons het almal al gehoor van kripto-geldeenhede soos Bitcoin. Ek twyfel nie dat in die toekoms die reguleerders reëls en regulasies daaroor gaan instel nie en sentrale banke gaan waarskynlik n spesifieke kripto-geldeenheid erken en ondersteun. 6Lysies aftik is uit - risiko-gebaseerde benadering is in As jy steeds glo regulatoriese nakoming beteken om bloot blokkies af te tik en nie veel meer as dit nie, wag daar n wrede ontnugtering op jou. Beginsels en uitkoms-gebaseerde teorië slaan die aftik van boksies in die wind soos ons na n gedrags-gebaseerde regime oorbeweeg. Dit sal waarskynlik groot veranderings beteken in die wyse waarop ons aan die reguleerder verslag moet doen. Verslagdoening oor sakebedrywighede, wat reeds n realiteit vir versekeraars is, sal waarskynlik van 2019 na die wyer gemeenskap uitkring. 7Gaan kyk op Google na market conduct risk Maak seker jy verstaan wat die betekenis van market conduct risk is en hoe dit jou onderneming raak. Dit is ongetwyfeld n area waaraan die reguleerder meer tyd in die toekoms gaan spandeer. Ek voorsien dat dit moontlik baie na aan die top, indien nie heel bo aan die lys van enige risikopbestuursplan in 2018 gaan wees nie. 8Moenie probeer slim wees met syfers nie n Aantal finansiële diensteverskaffers (FSP s) het probeer om slim te wees met hulle solvensie-berekenings en die FSB het aangedui dat hy streng gaan optree teen oortreders. Moenie finansiële state manipuleer om solvensie-vereistes te probeer nakom nie, want dit gaan jou verseker in konflik met die reguleerder bring. Indien jy aansoek wil doen vir uitstel van n regulatoriese spertyd, moet jy asseblief seker maak dat n bona fide saak opgestel en ingedien word om jou aansoek te ondersteun. Hierdie jaar gaan n besige een wees en as jy by die voldoeningsreëls hou, sal dit n goeie jaar wees. Richard Rattue Besturende direkteur Compli-Serve SA REGULATORIES 17

18 Geen wegkruipplek vir TUIMELENDE STEINHOFF Steinhoff, een van die top presterende maatskappye op die Johannesburgse Aandelemark (JSE), het verlede jaar in onguns verval en byna R300 miljard op die JSE uitgewis. Die kwessies wat tot Steinhoff se verval gelei het, is goed gedokumenteer. Maar wat beteken die hele scenario vir die man op die straat? Ernstige situasie Carte Blanche het n spesiale inset oor die kwessie gelewer en vir Zwelahke Mnguni, die Hoof Beleggingsbeampte en mede-stigter van Bungeula Global Fund Managers, genader om uit te vind wat die Steinhoff-kwessie vir die man op straat beteken. Mense onderskat die waarde van n aandelemark, sê Mnguni. Aandelemark is n besparingsplatform vir langtermynbeleggers. Die mense wat daar bespaar sluit die skoonmakers op die straat, mense wat vullis verwyder en mense wat in winkels werk in. Gewone mense belê in Steinhoff, het Mguni gesê en bygevoeg dat daar mense sal wees wat nie in staat sal wees om hulle kinders skool toe te stuur nie of om vir hulle families te sorg nie, as gevolg van die Steinhoffdebakel. Om R300 miljard gesamentlik te verloor is n reuse bedrag. Dit is groter as die korrupsie/staatskaping waarop ons die afgelope tyd so fokus. Die beleggingsindustrie behoort teen sulke skending op te staan en seker maak dat so-iets nooit weer gebeur nie, het Mnguni gesê. Hoe het ons dit gemis? Maria Wierzycka van Sygnia, het in haar persoonlike hoedanigheid n verklaring aan die media uitgereik en uitgelig dat die mislukking van Steinhoff selfs die mees gesoute batebestuurders geskok het. Dit is die grootste korporatiewe mislukking op die JSE. Aantygings van verdienste manipulerings, ongekontroleerde aankope-togte en belastingbedrog is net die punt van die ysberg. Dekmaatskappye wat nie gebalanseer het nie, is opgestel om hulle verliese te verberg, Uitvoerende Beamptes het saamgewerk om beleggers te bedrieg, en daar is massiewe hoeveelhede skuld aangegaan. Die waarskuwingstekens was alles daar, het Wierzycka gesê. Die ernstige vraag om te vra is hoeveel aktiewe bestuurders in Suid-Afrika dit gemis het. Hulle is trots op hulle presiese navorsing, die ondersoek van balansstate en inkomste-state, gerugsteun deur onderhoude met die bestuur, derhalwe moes aktiewe batebestuurders gesien het wat vanaf die begin voor-die-handliggend was. Dit was so na aan n korporatief-gestruktureerde Ponzi-skema as wat n mens kan kry, het Wierzycka gesê. Nog n Net 1 oomblik Die waarheid van die saak is dat aktiewe fondsbestuurders al gelyksoortige skandale in die gesig gestaar het al was dit op n kleiner skaal. Toe ek na die finansies van Steinhoff gekyk het, het ek weer n Net1 oomblik beleef. Dit het my presies n uur geneem om te besef dat die struktuur van Steinhoff verduister is, dat finansiële items geen sin maak nie, dat die aankope-togte nie ondersteun is deur enige logika nie, dat dit te waansinnig was om weldeurdag te wees en dat skuldvlakke buite beheer was, het Wierzycka gesê. Wierzycka het gesê dis nou miskien die regte tyd is om die aanspreeklikheidsklousule wat die meeste batebestuurders by hulle bestuursooreenkomste byvoeg, te toets, naamlik dié van growwe nalatigheid. Sy het bygevoeg dat die meeste bestuurders die klousule beskou as die hantering van hulle operasionele risiko s en administratiewe mislukkings. Maar, growwe nalatigheid dek ook nalatigheid in soverre dit die bestuur van portefeuljes aangaan. Om die bos gelei Bestuur sluit navorsing in. Ek glo vas dat die blinde geloof in die goue hand van Christo Wiese baie mense onbewus gemaak het van die mislukkings van die maatskappy. Die regte vrae is nie gevra nie, die korporatiewe strukture is nie in detail geanaliseer nie. Verdienste versus skuldberekenings is nie gedoen nie, die bestuur se woord is aanvaar, en dit alles teen die agtergrond van direk teenoorgestelde bemarking en die heffing van spaarders en beleggers vir die voorreg daarvan, het Wierzycka afgesluit. Dis maklik om terug te sit en die vinger van blaam te wys as dit by Steinhoff kom. Maar, aan die einde van dit alles was almal in die industrie om die bos gelei. Wat nou nodig is, is n samewerkingspoging om te sien hoe ons van hierdie verliese wat deur hierdie katastrofe veroorsaak is, terug te win. 18 AFTREDE

19 IS DIE STERREHEMEL DIE GRENS, OF NET DIE BEGIN? Ons sien die sterrehemel nie as n plafon nie, maar as n venster na grenslose moontlikhede. Die kragte wat die sterre geskep het is dieselfde as die wat dit uitmekaar skeur. Wat ons onderskei, is hoe ons kies om dié kragte in te span. Hoe groter die uitdaging, hoe groter is ons inspirasie. As n fasiliteerder van besigheid, bied die Fulcrum-groep pasgemaakte lenings-, beleggings- en bestuursdienste en ons spesialiseer in versekeringsmarkte. FAN001 Image Coutesy of NASA, ESA Ons is gedrewe om produkte en dienste te skep wat n verskil maak ongeag hoe groot of klein jou besigheidsuitdaging, want ons glo daar is altyd n beter manier. The Fulcrum Group FULCRUM Group Capital Delta Fulcrum Collections (Pty) Ltd en Fulcrum Treasury (Pty) Ltd is gemagtigde verskaffers van Finansiële Dienste.

20 Momentum Myriad laat niks aan toeval oor nie Die mees omvattende kritiekesiektedekking wat jou kliënte in die mark sal vind, gewaarborg! Ons Breadth of Cover Guarantee, as die eerste en enigste ter wêreld, vorm deel van Momentum Myriad se nuutste reeks kritiekesiektevoordele. Hiermee waarborg Momentum dat jou kliënte, onder andere, gedek is vir alle toestande wat deur ander plaaslike versekeraars gedek word. Om meer hieroor uit te vind, kontak gerus jou bemarkingsadviseur. momentum.co.za lewensversekering Bepalings en voorwaardes geld. Momentum is n geregistreerde verskaffer van finansiële dienste. Registrasie nommer 1904/002186/06