THUTO TSA SEKOLO SASABATA. Bophelo ba Abrahama

Transcription

1 THUTO TSA SEKOLO SASABATA Batho babaholo Bophelo ba Abrahama Vol.93. No.1 Pherekgong-Hlakubele,

2 1. Pitso ya Abrahama Tumelo ya Abrahama Peo e Tshepisitsweng Bara ba babedi ba Abrahama Bana ba nnete ba Abrahama Selekane sa ka Hosafelelng Selekane sa Tshepiso Selekane sa Mohau Mesebetsi ya Abrahama Mopholosi wa Abrahama Mamello ya Abrahama Ho kopele Baetsadibe Lefa la Abrahama...67 DIKATENG SOUTH AFRICA: Office 0750 Bram Fisher Towers 20 Albert Street Marshaltown 2001 Contacts: Telephone & Fax Website: admin@sdarmsa.org.za POSTMASTER: P. O. Box 7950 Johannesburg

3 SELELEKELA Ha re sheba ho potoloha le rona lefatsheng kajeno, re bona ditlokotsi di etsahala ka mahlakore wohle, tsholo ya madi, tlokotsi tsa tlhaho, le bokgopo bo so kang bo eba teng. Ntho tsena tsohle di re hopotsa hore ho tla la bobedi la Morena Jesu wa rona ho haufinyane. Ho re re kopane le qholotso tsena, ho re re lokele ho kopana le Morena wa rona marung a lehodimo, re lokela ho ba le tumelo e matla, tumelo ya Abrahama. Bao ba tlalehang ba shebile ho tla ho haufinyane ha Mopholosi ba lokela ho ba le Tumelo ya Abrahama, tumelo e tlotlwang hoba e ba qositse ho hong, tumelo e sebetsang ka lerato mme e hlwekisa moya. Mohlala wa Abrahama o tlohetswe kgatisong bakeng la rona bao pheletso ya lefatshe e theohetseng ho bona. re lokela ho dumela hore Modimo o kopanong le rona, mme ha rea lokela ho mo nka hanyane. O bolela seo a se buang, mme o batla ho tswa ho rona tumelo e tiileng le thato ya ho mamela. Ka hona o tla dumella hore lesedi la hae le bonese ho potoloha le rona, mme bohle re tla fetoha masedi ho Morena. -The Signs of the Times, Mmesa 1, Kotareng ena re tla be re ithuta ka bophelo ba Abrahama. Monna enwa wa Modimo o ile a feta hara diteko tse ngata tsa tumelo. Ho tsona, Abrahama o ile a newa monyetla wa ho bontsha tshepo ya hae ho Modimo le tshepisong eo Modimo a neng a mo neile yona - hore e tla ba ntata ditjhaba tse ngata. Ka nako tse ding tumelo ya hae e ne e thekesela ha a leka ho phethahatsa leano la Modimo ka nako ya hae le tsela ya hae. le ha ho le jwalo, Modimo o ile a pakahatsa ka botshepehi ba hae, mme ka nako e loketseng, mora wa pele wa tshepiso o ile a tswalwa ke Abrahama. Empa Modimo o ile a boloka teko e kgolo bakeng la Abrahama, eseng ha a le motjha a sana le matla, empa ha e se e le monna ya tsofetseng. Abrahama o ile a lekwa ha bohlokodilemong tsa hae tsa botsofadi. Mantswe a Jehova a ne a bonahala e le a mabe mme a sa hlokehe ho monna moholo ya otluweng, empa ha a ka a botsa tokay a ona kapa a belaela ho mameleng ha hae. ke nnete o ne a ile a bolela hore o se a tsofetse mme a fokola, mme a sitwa ho etsa sehlabelo ka mora wa hae eo e neng e le lethabo la bophelo ba hae. o ne a ka tswa a hopoditse Jehova hore taelo ena e lwantshana le ditshepiso tse entsweng mabapi le mora wa hae. empa ho mamela ha Abrahama ho ne ho hloka pelaelo kapa ho supa ka monwana. Tshepo ya hae ho modimo e ne e tiile. -Testimonies, vol. 4, p Modimo o dumella hore diteko di phallele setjhaba sa hae, hore ka tsepamo ya bona le ho utlwa bona ka bo bona bat le ba ntlafatswe semoyeng, mme mohlala wa bona e tle e be mohlodi wa matla bakeng la ba bang... Diteko tsona tseo tse lekang tumelo ya rona ha bohloko mme di etsa ho bonahale e ka Modimo oo re lahlile, di lokela ho tlisa haufi le Kreste, hore re tle re behe maima a rona wohle maotong a hae mme re be le maiphihlelo a kgotso eo atlang ho re nea yona. -Patriarchs and Prophets, p Ha Modimo a re fe tumelo ya Abrahama. Ha tumelo ena e re lebise ho phela maphelo a rona ka tsela eo ka yona ho tla thweng ka rona, tje ka Abrahama, hore e mong le emong wa rona ke motswalle wa Modimo. The General Conference Sabbath School Department 3

4 SABATA, PHEREKGONG 7, 2017 Kabelo ya Sabata la Pele bakeng sa Ntlokgolo le kereke Malawi Republic ya Malawi ken aha e teteaneng ya borwa bo botjhabela ba Africa. E ne e tswejwa pele e le Nyasa-land, e arolelana moedi le Zambia e ka leboya bophirima, Tanzania ka leboya botjhabela, le Mozambique ka borwa Bophirima. Naha e na e rehelletswe Pelo e Mofuthu ya Africa. Malawi e na le palo e ka fetang 16 million ya baahi, boholo ba bona ba ikamahanya le Bokreste (82%), ho kenyeleditse Roman Catholics, Prebysterians, Anglicans, Baptists, le Seventh-day Adventists. Bonyane bo ikgethileng bo ikamahantse le Muslims (13%). Mosebetsi Malawi o qadile ka 2008 ha moevangeli e mong a nkile qeto ya ho etela naha ena. Bobedi ho tswa Protestant church bo ile ba mo amohela mme ba mo thusa ho fumana bodulo. Moevangeli o ile a ba neha dithuto tsa bibele mme a ba arolela qotso tse itseng ho hlaha Spirit of Prophecy. Ba ile ba ba le kgahleho molaetseng nnete ya Jwale mme ba fana ka sebaka sa ho obamela, bam ea ba bang le bona ho tla teng Sabata se seng le se seng. Ha moevangeli a tloha Malawi, o ile a etsa kopo ho badumedi ba rona ba Zamia ho bona hore na ha ho y among ya ka yang Malawi ho ya thusetsa. Ka mohau wa Modimo moena a le mong o ile a arabela pitso ena, a re, Ke loketse ho ya hohle moo Modimo a batlang ho nthoma teng. Ha a fihla Malawi ka 2009, moena enwa o ile a kgothaletsa bao ba nang le kgahleho mme a ya sebakeng sena le sane a ruta molaetsa. Kajeno hona le dibaka tse ngata moo meya e nang le kgahleho ya molaetsa wa rona. Hona le maloko a ka bang 60 a kolobeditsweng mme hona le maloko a fetang 900 a Sekolo sa Sabata, bongata e le bo ithutang melaotheo ya rona ho itukisetsa kolobetso. Ka mohau wa Modimo, naha ena e ile ya hlophiswa e le Evangeli ka Re ntse re thabile hobane ba bang ba baena le dikgaitsedi ho tswa brazil ba nehelane ka mokitlane ho reka mobu Lilongwe, motse moholo. Mona badumedi ba Malawi ba radile ho aha ntlokgolo le kereke. Empa, naha ena e futsanehile haholo. Maloko a rona ha a na tjhelete a ho phethahatsa tshebetso ena. Ke ka hona re biletsang jwale ho baena ba bo rona, dikgaitsedi, le metswalle ho ptoloha le lefatshe. -GC Sabbath School Department, boemong ba Evangeli ya Malawi 4

5 Thuto 1 Sabata, Pherekgong 7, 2017 PITSO YA ABRAHAME Ke tla o etsa setjhaba se seholo, ke o hlohonolofatse, ke tumise lebitso la hao; mme ba bang ba tla hlohonolofala ka wena (Genese 12:2). Abrahama o ne a holetse hara bohetene le kobamelo ya ditshwantsho... empa tumelo ya nnete e ne ke ke ya timela. Modimo o hlola ka mehla a bolokile masala ho mo sebeletsa. - Patriarchs and Prophets, p Buka tse kgothaletswang: Patriarchs and Prophets, pp Sontaha Pherekgong 1 1. MODIMO O BITSA ABRAHAMA a. Modimo o bitsitse Abrahama ho tla etsa eng, mme ke mangy a ileng le yena? Genese 12:1-4; Diketso 7:4. Ka morao ho pherekano ya Babele ditshwantsho hape tsa phatlalla le naha, yaba Jehova o tlohela baetsadibe ba thatafetseng ho latela tsela tsa bona tsa bokgopo, ha a kgetthile Abrahama, wa leloko la Sema, mme a mo etsa hore a boloke molao wa hae bakeng sa meloko e tlang. -Patriarchs and Prophets, p b. Hobaneng ha Modimo a ne a sa jwetse Abrahama sebaka seo a neng a mo lebisa ho sona hang? Baheberu 11:8. Ke qeto efe eo Abrahama a ileng a lokela ho e etsa ho utlweng pitso ya Modimo? Genese 12:1; Mattheu 10: Kutlo ya Abrahama e hlokang potso ke e nngwe ya bopaki bo otlang ba tumelo bo fumanwang ka hara bibele yohle...e ne e se teko e bonolo e neng e tlisitswe hoabrahama, e se sehlabelo se senyane se neng se batlilwe ho yena. Ho ne ho ena le ditlamo tse matla tse neng di tla dudisa naheng ya habo, mofuteng wa habo, le lehaeng la habo. Empa ha a ka a qeaqea ho mameleng pitso. O ne a sena potso eo a ka e botsang mabapi le lefatshe la pallo... Modimo o ne a buile, mme mohlanka wa hae o tlamehile ho mamela; tulo eo a neng a tla thaba ka ho fetisa ho yona ke sebakeng seo Modimo a neng a tla batla a be ho sona. - Ibid., p

6 Mantaha Pherekgong 2 2. DITSHEPISO a. Ke tshepiso tsefe tsa pele tseo Modimo a ileng a di etsa ho Abrahama? Genese 12:2, 3. E ne e le ka maikemisetso a ho tlisa dimpho tse loketseng tsa lehodimo ho tjhaba tsohle tsa lefatshe hore Modimo o bitsitse Abrahama ho tswa mofuteng wa habo wa medimo ya bohata mme a mo laela ho ya dula lefatsheng la Kanana. Ke tla o etsa setjhaba se seholo, a bolela, mme ke tla o hlohonolofatsa, ke tumise lebitso la hao; ditjhaba di tla hlohonolofala ke wena (Genese 12:2). Abrahama o ne a bileditswe tlotleng e phahameng ya hore e be ntate wa setjhaba seo ka mengwaha kgolo e neng e tla ba bahlokomedi le baboloki ba nnete ya Modimo lefatsheng, setjhaba seo ka sona ditjhaba tsohle tsa lefatshe di tlang ho hlohonolofatswa ho tleng ha Messia ya tshepisitsweng. Banna ba ne ba lahlehetswe ke tsebo ya Modimo wa nnete. Kelello tsa bona di ne di fifaditswe ke ditshwantsho. Hobane ditaelo tse ikgethileng, tseo e leng hore dia halalela, di lokile, mme di molemo (Baroma 7:12), banna ba ne ba latelletse ho fetoa melao hore e be kgotsong le maikemisetso a bokgopo ba bona, le pelo tsa boikgohomoso. Empa modiom mohaung wa hae ha a ka a ba tlosa bophelong. O ile a ikemisetsa ho ban ea monyetla wa ho ikamahanya le yena ka kereke ya hae. o ile a hloma hore melaotheo e senotsweng ka tjhaba sa hae e be motjha wa ho busetsa sebopeho sa Modimo ho motho. -Prophets and Kings, pp. 15, 16. b. Ke lefatshe lefe leo Modimo a le tshepisitseng Abrahana le peo ya hae? Genese 12:5-7; 13: c. Ke eng e bohlokwa ka Abrahama le bana ba hae ka ho phela diahelong? Baheberu 11:9, 10, Ke maitshwaro afe a tshwanang ao re biletswang ho a kopitsa? 2 Petrose 3: Ha re tsitlalleng ho ba Bakreste (Ba tshwanang le Kreste) ka moelelo o mong le o mong wa lentswe, mme ha moaparo wa rona, puisano le diketso tsa rona di rute hore Kreste o ahetse ka hare, tshepo ya kganya, mme re shebile tshepong eo e lehlohonolo le ho hlaheng ho halalelalng ha Jesu. Ha re bontsheng bao ba re potileng hore lefatshe lena ha se lehae la rona, hore re ba tsamai le melata mona. -The Review and Herald, Phupjane 10,

7 Labobedi Pherekgong 3 3. PHOSO E KGOLO YA LOTA a. Ke teko efe eo Lota a ileng a wela ho yona ha a le leetong la hae ho ya Lefatsheng la pallo le Abrahama? Genese 13: 5-11; 1 Johanne 2: 16, 17. Tulo e neng e none ka ho fetisa Palestina e ne e le nokeng ya Jordane, e hopotsa babohi ba lefatshe la pallo mme botle bat eng bo tshwana ka ho lekana le tlhahiso ya teng e tshwana le ya mapatlelo a nonneng a Nile eo ba neng ba e siile morao....e kgabile ka botle ba maruo a lefatshe, Lota o ile a sheba ka nqane ho bokgopo ba botho le semoya tseo a neng a tla thulana le tsona [mebarakeng e tletseng ya ba ruileng le metse e metkle]. Baahi ba tulo ena e ne e le baetsadibe ka pela Jehova ka ho fetisang; empa o ne a iphapantse sena, kapa, ka ho tseba, a se e nkele hloohong ha kaalo. O ile a ikgethela naha yohle ya jordane, mme a hloma diahelo tsa hae ho shebana le Sodoma (Genese 13:11, 12). O ile a bona hanyane ditlamorao tse bohloko tsa kgetho ya boikgohomoso. -Patriarchs and Prophets, p b. Ke eng seo Diabolosi abatlang ho se fihlella ka takatso ya mahlo? Mareka 4:18, 19; Mattheu 4:8-10. Ha ho dumellwa ditlaleho le metsoto ya lefatshe ho ja nako yohle ya rona le tsepamiso ya maikutlo, matla a rona a semoya a fokola mme a shwe hobane ha a kwetliswe. -This Day with God, p. 87. c. Ke jwang sebaka seo re kgethang ho hloma diahelo tsa rona ho sona e ka bang le bokgoni ba ho timetsa bophelo ba rona ba semoya le bophelo ba malapa a bo rona? Genese 13:12, 13; 19:1, Bongata... ha bo kgetha mahae... bo sheba haholo menyetleng ya nakwana eo ba ka e fumanang hona le sheba tshusumetsong tsa botho le tikoloho tse tlang ho ba potoloha le malapa a bona. ba kgetha naha e ntle e nonneng, kapa ba ye toropong e ntlafalang, ka tshepo ya ho ipokella katleho e netefetseng; empa bana ba bona ba dikanyeditswe ke teko, mme hangata ba etsa dikamano tse sa tsamaisaneng le ntlafatso ya tlhompho le popo ya semelo se loketseng. Tikoloho e sa tsotelleng botho, kapa e sa dumeleng, ya ho se be le phapang nthong tsa borapedi, ena le tlwaelo ya ho fetisa tshusumetso ya batswadi... Bongata bo etsa setswalle le ba sa dumeleng le bahetene, mme ba ikamahantsha le dira tsa Modimo. -Patriarchs and Prophets, pp. 168,

8 Laboraro Pherekgong 4 4. TIKOLOHO TSA SEBE a. Ke eng seo re lokelang ho ithuta sona ho tswa maiphihlelong a mosadi wa Lota? Genese 19:26; Luka 17: [Mosadi wa Lota] o ile a kwenehela Modimo hobane dikahlolo tsa hae di ne di kenyeleditse matlotlo a hae le bana ba hae timelong... Memo tsa mohau di biletsa ho bohle; mme ka lebaka la hore metswalle ya rona e latola lerato la mopholosi le kopang, na le rona re lokela ho suta? Topollo ya moya e bohlokwa. Kreste o entse tefo ya ka ho a feleng bakeng la pholoho ya ona, mme ha ho ya mong ya amohelang boleng ba sehlabelo sena se seholo kapa boleng ba moya ya tlang ho hloya mohau wa Modimo hobane ba bang ba kgetha ho etsa jwalo. -Patriarchs and Prophets, pp. 161, 162. b. Le ha e le moo baradi ba Lota ba phonyohile Sodoma, botho ba bona bo ne bo senyehile jwang? Genese 19:30-38; Levitike 18:6, 7. Lota o ile a leba dithabeng yaba o dula lehaheng, a sena letho hobaneng o ne kentse lelapa la hae tlasa tshusumetso ya motse o kgopo. Empa thohako ya Sodoma e ile ya mo latela le hana mona. Maitshwaro a baradi ba hae a sebe e bile sephetho sa kamano tse mpe tsa tulo eo e ditshila. Bo bodu ba botho ba yona bo ne bo momahane le semelo sa bona hoo ba neng ba sitwa ho etsa phapang pakeng tsa botle le bobe. Bokamoso feela ba Lota, bamoabe le baamone, ba ne le ditshila, ele meloko e obamelang ditshwantsho, mme e le bakwenehi kgahlanong le Modimo. -Ibid., pp. 167, 168. c. Matsatsing ana a ho qetela, tulo e bolokehileng ka ho fetisa ke efe ya ho hloma diahelo tsa rona ha re ntse re le leetong la lefatshe la Pallo, mme ke hobaneng? Genese 2:7, 8; Juda 5-7. Ha feela Modimo o ntse o mpha matla a ho bua le tjhaba sa rona, ke tla twelapele ho biletsa ho batswadi ho tswa ditoropong mme ba iphumanele metse mahaeng, moo ba ka phetholang mobu mme ba ithuta ho tswa bukeng ya tlhaho dithuto tsa bohlweki le bonolo. Ntho tsa tlhaho ke thero tse kgutsitseng tsa Jehova, tseo re di newang ho re ruta nnete tsa semoya. Di bua le rona ka lerato la Modimo mme di tlaleha bohlale ba Mmopi e Mohlo. - The Adventist Home, pp. 146,

9 Labone Pherekgong 5 5. HO NETEFATSA PITSO YA RONA a. Jwalo ka ha re bileditswe Lefatsheng la pallo tje ka Abrahama a bitsitswe, ke eng seo re lokelang ho se ela hloko? 2 Petrose 1:10, 11; Mattheu 22:14. Ha ho ya hlokang ho lahlehelwa ke bophelo bo sa feleng. Bohle ba kgethang ka mehla ho ithuta ka Mosuwe wa lehodimo ba tla etsa pitso ya hae kgtho ya nnete. Ha re kokobetseng dipelo tsa rona ka pela modimo mme re latele jwalo ho mo tseba eo ho yena bophelo e leng bo sa feleng... Re ka se kgone ho dumella letho ho re arohanya le modimo le lehodimo. Bophelong bona re lokela ho nka karolo tlhahong e halalelang. Baea le dikgaitsedi, ona le bophelo bo le bong ba ho phelwa. Ha e be bophelo ba boleng bo phahameng, bophelo bo patilweng le Kreste ho Modimo! -In Heavenly Places, p. 29. b. Ke bo mang feela ba tlang ho kena Lefatsheng la pallo? Tshenolo 17:14; Baheberu 3: Mosebetsi wa ho hlola sebe o lokela ho etswa ka tumelo. Bao ba yang lepatlelong la ntwa ba tla fumana hore ba tlameha ho apara dihlomo tsohle tsa Modimo. thebe ya tumelo e tla ba tshireletso ya bona mme e tla etsa hore ba hlole ka ho fetisa. Ha ho letho le tlang ho ba teng ntle le sena tumelo ho Jehova wa makgotla, le kutlo ditaelong tsa hae. Mabotho a mangata a hlometseng ka tsohle a ke ke a etsa letho le be teng ntweng ya ho qetela e kgolo. Ntle le tumelo, lengeloi la makgotla le ka se ke la thusa. Tumelo e phelang feela e tla ba etsa ba se bonahale mme e etse hore ba eme tsatsing le lebe, ba tiile, ba sa sisinyehe, ba tshwere qalo ya tshepo ya bona ba tiiseditse ho isa qetellong. -Counsels to Parents, Teachers, and Students, pp. 182, 183. Labohlano Pherekgong 6 DIPOTSO TSA BO MONG 1. Ho bolela eng ho rata malapa a rona ho feta ho rata Kreste? 2. Re ka bolela jwang haeba re le batsamai le melata kajeno? 3. Hlalosa ke jwang tulo eo re kgethang ho phela ho yona e ka amang pheletso ya rona. 4. Dikotsi ke tsefe tsa ho phela haufinyane le ditoropo tse tletseng sebe? 5. Ke hobaneng ha bohle ba sa bitswang ba ka kgethwa? 9

10 Thuto 2 Sabata, Pherekgong 14, 2017 TUMELO YA ABRAHAMA [Abrahama] a sumela ho Modimo; mme Morena a mmalla hoo e le ho loka (Genese 15:6). Meya ya rona e ka kwetliswa ho dumela, ya rutwa ho itshetleha hodima Lentswe la Modimo. -Our High Calling, p Buka tse kgothaletswang: Testimonies, vol. 6, pp HO TSHWENYEHA HO HO HOLO HA ABRAHAMA a. Ho tshwenyeha ho ho holo e ne e le eng mabapi le ditshepiso tsa Modimo? Genese 12:7; 15:1-3. Tje ka ha Abrahama a ne a sena mora, o ile a hoopla hore mohlanka wa hae ya tshetjwang, Eliasa, e ne e tla ba mora wa hae, le mojalefa wa hae. Empa Modimo o ile a tsebisa Abrahama hore mohlanka e se ke ya eba mora wa hae le mojalefa, le hore o lokela ho ba le mora wa hae wa madi. -The Story of Redemption, p. 77. b. Modimo a ileng a netefaletsa Abrahama jwang hore ha a lebala tshepiso tsa hae ho yena? Genese 15:4, 5; Esaia 55:10, 11. Modimo o lakatsa hore re fumane mahlohonolo a maholo. Ditshepiso tsa hae di hlakile hore ha ho lebaka la ho belaela. O lakatsa hore re mo nke Lentsweng la hae. ka nako tse ding re tla ba tlokotsing e kgolo mme re se ke ra tseba hore re etsa jwang. Empa nakong tseo ke monyetla wa rona ho nka Dibibele tsa rona mme re bale melaetsa eo a re neileng yona; re ntano kgumama ka mangwele a rona re mo kope hore a re thuse. Ka makgetlo a mangata o fane ka bopaki bah ore ke Modimo ya utlwang dithapelo ebile a arabelang dithapelo. O phethahatsa ditshepiso tsa hae ka tekanyo e fetisang ka moo re ka lebellang ho ka fumana thuso... Hohle moo re leng teng, re tlasa setlamo jwalo ka barutuwa ba Morena le Mmusi wa rona, ho beha tumelo ya rona ditshepisong tsa Modimo. -The Watchman, Motsheanong 1,

11 Mantaha Pherekgong 9 2. TSHUSUMETSO E PHETHAHETSENG a. Hobaneng ha Abrahama a nkile qeto ya ho dumela tshepiso ya ya ngwana e tswang ho Modimo? Genese 15:6 (karolo e qalang); Baroma 4:20, 21. Tumelo eo e sebetsang ka lerato mme e hlwekisa moya ha se taba ya maikutlo feela. E tswelapele hodima ditshepiso tsa Modimo, ka tumelo ya hore seo a se boletseng, o kgona ho se etsa. -Our High Calling, p [Bafilipi 4:4-7 e qotsitswe.] Tshepiso ka bo yona ha ena boleng ntle le hore nna ke dumele ka botlalo hore eo ya entseng tshepiso o kgona ho e phethahatsa ka ho kgaphatseha, mme ka matla a sa lekanngweng a ka etsa tsohle tseo a di boletseng. -This Day With God, p b. Moputso wa hae e ne e le ofe ka ho dumela tshepisong ya Modimo? Genese 15:6 (karolo e qetelang); Baroma 4:22. Nakong eo moetsadibe a dumelang ho kreste, o ema ka pele ho Modimo a sena molato; hobane o na le ho loka ha Kreste: Kutlo ya Kreste e phethehileng e behwa ho yena. Empa o lokela ho sebetsa mmoho le matla a halalelang, mme a kenye tshebetsong maleke a hae a botho ho rena hodima sebe, mme a eme a phethahetse ho Kreste. -Fundamentals of Christian Education, pp. 429, 430. Re ka phomola ho Modimo, eseng ka lebaka la bokgoni ba rona, empa ka hoba ho loka ha Kreste ho beuwe ho rona. Re lokela ho sheba hole ho bo-nna re tadime Konyana ya Modimo e senang sekodi, ya sa etsang sebe; mme ka ho sheba ho yena ka tumelo re tla tshwana le yeena. -Gospel Workers (1892), p c. Ke neng tumelo e kwetliswang e le ka nnete? Baheberu 11:1; Habakuke 2:3. Ho dula tumelong ke ho behella ka thoko maikutlo le takatso tsa boikgohomoso, ke ho tsamaya ka boikokobetso le Jehova, ho amohela tshepiso tsa hae, le ho di Kenya tshebetsong nthong tsohle, o dumela hore Modimo o tla sebetsa meralo ya hae le maikemisetso pelong ya hao le bophelong ka ho halaletsa semelo sa hao; ke ho itshetleha ka ho phetthahala, ho tshepa ntle le pelaelo, hodima botshepehi ba Modimo. ha tsela ena e latelwa, ba bang ba tla bona ditholwana tse kgethehileng tsa Moya di bonahatswa bophelong le semelong. -Fundamentals of Christian Education, pp. 341,

12 Labobedi Pherekgong MODIMO O LOKAFATSA BA SENANG BO-MODIMO a. Ke eng se re bontshang hore Abrahama e ne e le moetsadibe ya hlokang tokafatso? Baroma 3:9-12, 23; Genese 12: Nakong ya bodulo ba hae Egepeta, Abrahama o fane ka bopaki ba ho re o ne a sa lokoloha ho fokoleng ha botho le ho phethahatso. Ka hopata ntlha ya hore Sara ke mosadi wa hae, o ile a kwenehela tlhokomelo ya kgalalelo, tlhoko ya tumeo eo e phahameng le sebete seo hangata a se bontshitseng bophelong ba hae. -Patriarchs and Prophets, p b. Ke eng seo Bibele e se bolelang ka tokafatso ya Abrahama ka pela Modimo? Baroma 4:1-8; 3:28. Kamohelo ya rona ho Modimo e netefetse feela ka Mora wa hae ya ratwang, mme mesebetsi e metle ke sephetho feela sa tshebetso ya lerato la hae le tshwarelang sebe. Ha se tokelo ya rona, mme aha re na letho le re le newang ka lebaka la mesebetsi ya rona e metle eo ka yona re ka tlalehang karolo pholosong ya meya. Pholoso ke mpho ya bolokolohi ya Modimo ho modumedi, eo a e newang ka lebaka la Kreste feela. Moya o tshwenyehileng o ka fumana kgotso ka tumelo ho Kreste, mme kgotso ya hae e tla tsamaya mmoho le tumelo ya hae le tshepo. A ke ke a hlahisa mesebetsi ya hae e metle e le kopo bakeng la pholoho ya moya wa hae. -The SDA Bible Commentary [E.G.White Comments], vol. 5, p Hopola hore Kreste o tlile lefatsheng lena ho pholosa baetsadibe. Ha re na letho la ho re rotloetsa ho Modimo; kopo eo re ka e kgothaletsang ke feela ke boemo ba rona bo hlokang thuso, bo etsang matla a hae a topollo e be tlhokeho. Re lahla ho ithsetleha ka bo-nna, re ka sheba sefapanong sa Kgolkgotha. -The Ministry of Healing, p. 65. c. Ho etsahala eng ka motho ya hlokang bo-modimo ha a kgetha ho dumela ka pelo yohle ho Modimo? Baroma 6:17, 18; 10:9, 10; 1:17. Motsotso oo re inehelang ho Modimo, re dumela ho Jesu, re na le ho loka ha Kreste. Re hlokomela hore re lopollotswe ho tswa sebeng mme re amohela sehlabelo sa hae sa theko ya tokoloho ya rona. -Manuscript Releases, vol. 5, p

13 Laboraro Pherekgong LETSHWAO LA PHETOHO a. Ke ketso efe ya ka ntle eo Abrahama a ileng a e phetha ho bontsha phetoho ya hae ya ka hare? Genese 17:10, 11; Baroma 4:11. Tshebeletso ya lebollo... e ne e lokela ho etswa ke moetapele [Abrahama] le ba tlang ka morao ho yena e le letshwao la hore ba ne ba iteetse tshebetsong ya Modimo mme ka hona ba arohane le ba kgumamelang ditshwantsho, le hore modimo o ba amohetse e le letlotlo la hae le kgethehileng. Ka tshebeletso ena ba ne ba itlamme ho phethahatsa, hlakoreng la bona, maemo a selekane se entsweng le Abhrahama. Ba ne ba sena bo hona ba ho ka nyallana le bahetene; hobane ka ho etsa jwalo ba ne ba tla lahlehelwa ke kobamelo ya bona ho Modimo le molaong wa hae o halalelang; ba ne ba tla lekwa ho kena tshebeletsong tsa sebe tsa ditjhaba tse ding mme ba ne ba tla hohelwa ho kgumamela ditshwantsho. - Patriachs and Prophets, p b. Hobaneng ha ho ne ho hlokeha ho utlwisisa hore Abrahama o baduwe e le ya lokileng pele a bolla? Baroma 4:8-12; 2:28, 29. Ho loka ke ho utlwa molao. Molao o batla ho-loka, mme moetsadibe o kolota molao seo; empa o sitwa ho fana ka hona. Tsela feela eo a ka fumanang ho loka ke ka tumelo. Ka tumelo a ka kgona ho tlisa ho Modimo ho loka ha Kreste, mme Jehova o beha kutlo ya Mora wa hae sebakeng sa moetsadibe. Ho loka ha Kreste ho amohelwa sebakeng sa motho ya hlolehang, mme modimo o amohela, a tshwarele, a lokafatse, moya o bakang, o dumelang, a mo nke jwalo ka ha eka o lokile, mme a mo rate tje ka ha a rata mora wa hae... Bongata bo lahlehelwa ke tsela e nepahetseng, ka ditlamorao tsa ho nahana hore ba lokela ho hlwella lehodimo, hore ba lokela ho etsa ho itseng ho lokela mohau wa Modimo. ba batla ho itokafatsa ka maleke a bona a sa fumanang thuso. Sena ba ka se se fihlelle. Kreste o entse tsela ka ho shwa e le Sehlabelo sa rona, ka ho phela Mohlala wa rona, ka hore e be Moprista e Moholo wa rona. O tlaeha a re, Ke nna tsela, le nnete, le bophelo (Johanne 14:6). Ha ka maleke ao e leng a rona re ka hatela pele ka mohato o le mong ho leba lereng, mantswe a Kreste e tla ba ha se a nnete. Empa ha re amohela Kreste, mesebetsi e metle e tla hlahella e le tholwana ya bopaki ba hore re tseleng ya bophelo, hore Kreste ke tsela ya rona, le hore re tsamaya mmileng wa nnete o lebisang lehodimong. -Faith and Works, pp. 101,

14 Labone Pherekgong LEBOLLO LA KA HARE a. Pele re ka kolobetswa ka metsi (eleng selekane se setjha se emelang lebollo), ke eng se lokelang pele ho nka sebaka? Johanne 3:5-8; Bakolose 2: Bohle ba kenang bophelong bo botjha ba lokela ho utlwisisa, pele ho kolobetso, hore Jehova o batla lerato le phethahetseng...ho beha ditholwana ho pakahatsa semelo sa sefate. Bsefate se molemo se ka se behe tholwana tse kgopo...ho na le tlhokeho ya phetoho e phethahetseng ho nnete. -Evangelism, p Moya o mong le o mong o kopaneng le Kreste e tla ba evangeli e phelang ho bohle ba o potolohileng. -Ibid., p b. Ho etsahala eng ka Bakreste ba itshetlehileng feela ka ketso e ka ntle ya kolobetso hore ba bolokehe, tje ka ha Bajuda ba ne ba itshetlehile lebollong? Baroma 10:1-3; Mattheu 23: Kamano ya hao le kereke, mokgwa oo baena ba hao ba o nkang ka ona, di ke ke tsa thusa ntle le hore o dumele ho Kreste. Ha ho a lekana ho dumela ka yena; o lokela o dumele ho yena. O lokela o itshetlehe ka ho phethahala mohaung wa hae o pholosang. -Testimonies, vol. 5, p. 49. Jehova o na le mmosebetsi bakeng la bohle ho etswa. Mme ha nnete e sa tswe pelong, ha dihla tsa tlaho tse semelong di sa fetolwe ke Moya o Halalelang, re ka se be basebetsi mmoho le Jesu Kreste. Bo-nna bo hlahella hangata, mme semelo sa Kreste se ke ke sa bonahatswa maphelong a rona. -The SDA Bible Commentary [E.G. White Comments], vol. 7, p Labohlano Pherekgong 13 DIPOTSO TSA BO MONG 1. Re ka ba le tsheo jwang ditshepisong tsa Modimo? 2. Ho bolela eng ho susumetswa lentsweng la Modimo? 3. Ke tlhohonolofatso efe ya mohau eo e leng ya rona ha re inehela ho Modimo? 4. Lebollo le emetse eng? 5. Ho molemo ke eng, kolobetso ya ka ntle kapa ya ka hare? 14

15 Thuto 3 Sabata, Pherekgong 21, 2017 PEO E TSHEPISITSWENG Jwale ditshepiso di ile tsa etswatswa Abrahama le setloholo sa hae. Mangolo ha a re ditloholo, e leng ho bolela batho ba bangata, empa a re le setloholo sa hao, e leng ho bolela motho a le mong feela, Kreste (Bagalata 3:16). Mpho ya Abrahama le peo ya hae e ne e sa kenyeletsa feela lefatshe la Kanana empa lefatshe lohle. -Patriarchs and Prophets, p Buka tse kgothaletswang: Patriarchs and Prophets, pp Sontaha Pherekgong PEO YA TSHEPISO a. Le ha e le moo Abrahama a kopile Modimo peo e le nngwe hore e tle e be yona mojalefa, ke bana ba bakae bao Modimo o tshepisitseng ho mo hlohonolofatsa ka bona? Genese 13:15, 16; 15:2-5. b. Ke jwang moapostola Paulose a senolang hore ditshepiso tsa Modimo tse entsweng ho Abrahama di ne di tla lemohwa ka peo e le nngwe e kgethehileng, e leng Jesu Kreste? Genese 17:1-8; Bagalata 3:16; Baheberu 2: Boporofeta bo totobetseng ebile bo hlakile bo ne bo fanwe mabapa le ho hlaha ha a Nnotshi ya Tshepisitsweng. Ho Adama ho ile ha fanwa ka netefaletso ya Mopholosi ya tlang. Polelo e boletsweng ho Satane, Ke tla beha hloyano pakeng tsa hao le mosadi, le pakeng tsa peo ya hao le peo ya hae; e tla o kgoba hlooho, mme wena o tla e loma serethe (Genese 3:15), e ne e le ho batswadi ba rona ba pele tshepiso ya topollo e neng e tla tliswa ka Kreste. Ho Abrahama ho ile ha newa tshepiso ya hore lelokong la hae ho tla hlaha Mopholosi wa lefatshe: Peong ya hao ho tla hlohonolofatswa ditjhaba tsohle tsa lefatshe di tla itlhohonofatsa lelokong la hao, ha ho thwe, meleko, jwalo ka hoja ho bolelwa e mengata, empa ka holekanya le le leng feela, ho itswe: leloko la hao, e leng Kreste. (Genese 22:18; Bagalata 3:16). Acts of the Apostle, p

16 Manataha Pherekgong TSWALO YA PEO E TSHEPISITSWENG a. Re tseba jwang hore Abrahama o ne a elelletswe hore ditshepiso di ne di tla tla ka peo e kgethehileng, e leng Jesu Kreste? Johanne 8:56. [Abrahama] o ile a newa pono ya sehlabelo se halalelang. Ka sehlabelo sena o ne a ena le mohlala ka maiphihlelo a hae... Hodima aletare ya sehlabelo o ile a beha mora wa tshepiso, mora eo tshepo tsa hae di ne di le bohareng... Abrahama o ile a ithuta hotswa ho Modimo thuto e kgolo e kileng ya newa motho. Thaplo ya hae ya hore a bone Kreste pele a shwa e ile ya arabelwa. O bone Kreste; o bone tsohle tseo motho ya shwang a ka di bonang, mme a phela. Ka ho etsa boitelo bo phethahetseng, o ile a kgona ho utlwisisa pono ya Kreste, eo a neng a e neuwe. O ile a bona hore ka hore a nehelane ka Mora wa hae a tswetsweng a nnotshi ho tla pholosa baetsadibe timelong ya ka ho sa feleng, Modimo o ne a etsa sehlabelo se seholo se makatsang ka ho fetisa ho feta seo motho a ka se etsang. -The Desire of ages, pp. 468, 469. b. Ka ho bona hore Sara o se a fetile dilemo tsa ho pepa, ke eng seo Abrahama le Sara ba neng ba hloka ho se etsa pele ba ka ba le ngwana? Genese 17:15-19; 18:9-14; Mareka 10:27. Nka thabela ha bohle ba ka hlokomela ke bokgoni bofe le kgoneho tsefe tse teng bakeng la bohle ba etsang Kreste tekano ya bona le tshepo ya bona. bophelo bo patilweng le Kreste ho Modimo bon a le setshabelo; a ka re, Nka etsa tsohle ka Kreste ya mphang matla (Bafilipi 4:13). -Country Living, p. 28. c. Ke ka tsela tsefe eo mohlolo wa tlhaho ya Isaaka e bontshang mohlolo wa tswalo ya peo e tshepisitsweng, e leng Jesu Kreste? Esaia 7:14; Mattheu 1: Tswalo ya mora wa Sakaria, jwalo ka tswalo ya mora Abrahama, le mora Maria, e ne le tse tla rutang nnete e kgolo ya semoya, nnete eo re iketlileng ho ithuta yona mme re itokiseditse ho e lebala. Ka ho rona re sitwa ho etsa ntho e molemo; empa seo re hlolehang ho se etsa se tla tliswa ke matla a Modimo moyeng o ikokobeditseng mme o dumela. E ne e le ka tumelo ngwana wa tumelo a fanweng. Ke ka tumelo bophelo ba semoya bo tswalwang, mme re kgontshwa ho etsa mesebetsi ya ho loka. -The Desire of Ages, p

17 Labobedi Pherekgong HO SWAH HA PEO E TSHEPISITSWENG a. Hlalosa ke jwang Modimo a boletseng lefu la peo e tshepisitsweng, Jesu Kreste, ka sehlabelo sa Isaaka. Genese 22:1-3, 9-13; Baroma 8:31, 32; Esaia 53:4-7. Pheleu e fanweng sebakeng sa Isaaka e ne e emetse mora Modimo, ya neng a tla nka sebaka sa rona sehlabelong. Ha motho a ne a loketse lefu ka lebaka la tlolo ya molao wa Modimo, Ntate, ka ho tadima Mora wa hae, a re ho moetsadibe, Phela: ke fumane sehlabelo. E ne e le ho susumetsa kelello ya Abrahama ka nnete ya evangeli, le ho leka tumelo ya hae, hore Modimo a mo laele hore a bolaye mora wa hae. Bohloko boo a bo utlwileng nakong ya matsatsi a lefifi a teko eo e tshabehang e ile ya dumellwa hore a tle a utlwisise ho tswa maiphihlelong a hae ka sehlabelo se seholo se entsweng ke Modimo wa bo sa feleng bakeng la topollo ya motho. Ha ho teko e ka qosang Abrahama bohloko bo bokaalo ba moya tje ka teko ya ho fana ka mora wa hae. Modimo o fane ka Mora wa hae lefung la bohloko le tshwabo. Mangeloi a neng a tadimile tlontlollo le bohloko ba moya tsa mora wa Modimo a ne a sa dumellwa ho thusetsa, tje ka ketsahalo ya Isaaka. Ho ne ho se lentswe le howang, Ho lekane. Ho pholosa moloko o weleng, Morena wa kganya o teetse bophelo ba hae. ke bopaki bofe bo matla bo ka fanwang ba kutlwelobohloko e sa feleng le lerato la Modimo? - Patriarchs and Prophets, p b. Ke eng se neng se le bohlokwa ka polelo ena, mora wa hao a nnotshi ha Modimo a ne a bua le Abrahama? Genese 22:2; Mareka 1:11; 1 Johanne 4:9. Ntate wa rona ya mahodimong a teela Mora wa hae ya ratwang matshwenyehong a thakgiso... Mora ya ratwang wa Modimo, Mopholosi wa Lefatshe, o ile a rwakwa, a songwa, mme a hlokofatswa, ho fihleletse a koba hlooho ya hae lefung. Ke bopaki bofe bo boholo boo a Nnotshi wa Bosafeleng a ka re nehang bona ka lerato la hae le halalelang le kutlwelobohloko? [Baroma 8:32 e qotsitswe]. -That I May Know Him, p. 20. Ha re hlokofalleng, ke hona, ho itseng ka lebaka la Jesu, re ithakgise ka mehla, mme re nke karolo bohlokong ba Kreste mona, hore re tle re nke karolo le yena kganyeng ya hae, mme re rweswe moqhaka wa kganya, tlotla, ho se shwe, le bophelo bo sa feleng. -Early Writings, p

18 Laboraro Pherekgong TSOHO YA PEO E TSHEPISITSWENG a. Ke jwang Modimo a bontshitseng Abrahama hore peo e tshepisitsweng, Jesu Kreste, e tla ba Mopholosi wa lefatshe? Genese 22:7, 8, 11-13; Baheberu 11: Ha taelo e ne e newa Abrahama hore a etse sehlabelo ka mora wa hae, kgahleho ya diphedi tsohle tsa lehodio e ile ya lekolwa. Ka tjheseho di ile tsa sheba mehato yohle phethahatsong ya taelo ena. Ha ho fihlwa potsong ya Isaaka, Nku ya sehlabelo e kae Abrahama o ile a fana ka karabo, Modimo o tla ikgethela yona (Genese 22:7, 8); mme ha letsoho la ntate le ile la emiswa nakong eo a tlang ho hlaba mora wa hae, mme pheleu eo Modimo a faneng ka yona e nehelwa sebakeng sa isaaka lesedi le ile la bat eng ke hona sephiring sa topollo, le mageloi a ile a utlwisisa ka ho hlaka nehelano e ntle eo modimo a e entseng bakeng la pholoho ya motho. -Patriarchs and Prophets, p b. Ke nnete e fe e makatsang eo Abrahama a ileng a e netefaletswa ha a tshwara tshepiso, Ho Isaaka ho tla tswa peo ya hao (Genese 21:12)? Genese 22:5; Baheberu 11:18, 19. [Abrahama] o ile a matlafatsa moya wa hae ka ho dula hodima bopaki ba molemo le botshepehi ba Jehova. Mora enwa o ne a fanwe ho sa lebellwa; na jwale Eo ya faneng ka mpho e bohlokwa ha a na tokelo ya ho bitsa ba hae? Jwale tumelo ya phetha tshepiso, Ho Isaaka ho tla bitswa peo ya hao - peo e ke keng ya balwa jwalo ka lehalbathe la lewatle lebopong. Isaaka e bile ngwana wa mohlolo, na jwale matla a mo fileng bophelo a ne a tla sitwa ho bo kgutlisetsa? Ha re tadima ka nqane ho se bonwang, Abrahama o ile a fupara lentswe le halalelang, a pakajatsa hore Modimo o kgkonne ho mo tsosa, ho tswa lefung (Baheberu 11:19). -Ibid., pp. 151, 152. c. Ke jwang nnete ena e ileng ya ya supa tshepiso ya peo ya nnete, e leng Jesu Kretse? Diketso 3:15, 26; 1 Petrose 1: [Mora Modimo] a trsoha lebitleng mme a pakahatsa hodimalebitla la Josefa le adimilweng, Ke nna tsoho, le bophelo (Johanne 11:25). Ya lekanang le Modimo o ile a feta lefung sebakeng sa rona. O ile a latswa lefu bakeng la motho e mong le e mong hore ka yena batho bohle bat le ba nke karolo ya bophelo bo sa feleng. -In Heavenly Places, p

19 Labone Pherekgong LEFA LA PEO E TSHEPISITSWENG a. Ke lefa lefe leo Modimo a ileng a le tshepisa Abrahama le peo ya hae? Genese 17:7, 8; Dipesaleme 105: Ke jwang sena se bontshang lefa la Kreste? Daniele 7:13, 14, 18; Mattheu 25: Puo e pallwa ho hlahisa boleng ba lefa la bo sa feleng. Kanya, maruo, le tlotla tse fanweng ke Mora Modimo ke tsa boleng bo sa feleng bo fetang matla a batho kapa a mangeloi ho ka fana ka mohopolo o le mong wa boleng ba tsona, phethahalo, le botle ba tsona. - Testimonies, vol. 2, p. 40. b. Ke jwang re ka bang le netefaletso ya hore Modimo o tla boloka ditshepiso tsa hae mme a nehe bana ba hae Lefatshe la Pallo? Baheberu 6:13-18; Johanne 14:1-3. Ke nako e telele re emetse ho kgutla ha Mopholosi wa rona. Empa le ha ho le jwalo tshepiso e ntse e le ya nnete. Haufinyane re tla be re le lehaeng la rona la tshepiso. Teng Jesu o tla re tsamaisa pela metsi a phelang a phallang ho tswa teroneng ya Modimo mme o tla re hlalosetsa tsela tsa lefifi tseo lefatsheng lena a re tsamaisisteng ho tsona hore re lokafatse dimelo tsa rona. Teng re tla boha ka pono tse hlakileng botle ba edene e ntjhafaditsweng. Re beha maotong a Mopholosi wa rona meqhaka eo a e beileng hloohong tsa rona, mme re nke harepa tsa rona tsa guta, re tla tlatsa lehodimo lohle ka thoriso ho Eo ya dutseng teroneng. -Ibid., vol. 8, p Labohlano Pherekgong 20 DIPOTSO TSA BO MONG 1. Modimo o senotse jwang Evangeli ho Abrahama? 2. Ke mohlolo ofe o tlalehang Kreste e le qalo e halalelang? 3. Maiphihlelo a Abrahama le Isaaka a senola jwang botebo ba sehlabelo seo modimo a se entseng bakeng la motho? 4. Hobaneng ha tsoho e le ya bohlokwa ho modumedi? 5. Ke eng seo re lokelang ho se hoopla ka mehal ha re emetse lefatshe la pallo? 19

20 Thuto 4 Sabata, Pherekgong 28, 2017 BARA BA BABEDI BA ABRAHAMA Ho ngotswe hore Abrahama o ne a ena le bara ba babedi, e mong e le wa mosadi eo e leng lekgoba, e mong e le wa mosadi eo e sa kang ya eba lekgoba (Bagalata 4:22). Tumelo ha se maikutlo a ho fofa ha monate; ke feela ho nka Modimo lentsweng la hae ka tumelo ya hore o tla phethahatsa ditshepiso tsa hae hobane a boletse hore o tla etsa jwalo. -Our High Calling, p Buka tsa kgothaletswang: Our High Calling, p Patriarchs and Prophets, pp Sonataha Pherekgong MORA WA TSHEPISO a. Hobaneng ha Isaaka a bitswa mora wa tshepiso? Genese 15:2, 3; 17:15, 16; 18:9-14 (bapisa le Bagalata 4:22, 23, 27, 28) b. Ke jwang Abrahama le Sara ba ileng ba leka ho thusa Jehova ho phethahatsa tshepiso ya hae ya mora? Genese 16:1-4. Abrahama o ne a amohetse ntle le potso tshepiso ya mora, empa ha a ka a emela hore Modimo a phethahatse lentswe la hae ka nako ya hae le tsela ya hae. Tieho e ile ya tlohelwa ho leka tumelo ya hae matleng a Modimo; empa o ile a hloleha ho mamella teko. Ka ho nahana hore ha ho kgonehe a newe ngwana dilemong tsa hae tsa botsofadi, Sara a sisinya hore, e le leano leo ka lona maikemisetso a halalelang a tle a phethahatswe, e mong wa makgoba a hae a nkwe ke Abrahama e le mosadi wa bobedi. Sethepu se ne se phatlalletse haholo ebile se sa hlole se nkwa e le sebe, empa le ha ho le jwalo e ne e le tlolo ya molao wa Modimo, mme ho le kotsi kgotsong le ho kgetheheng ha kamano ya lelapa. Lenyalo la abrahama ho Haga le felletse bokgopong, eseng feela tlung ya hhae, empa le ho melokong ya ka hosane. -Patriarchs and Prophets, p

21 Mantaha Pherekgong MORA WA KGOLEHO a. Modimo o ile a ba jwang ha Abrahama a ne a hlahisa Ishamele e le mora wa tshepiso? Genese 17: Ha Abrahama se a batla a fihla dilemong tse lekgolo, tshepiso ya mora e ile ya phethwa ho yena, ka netefaletso ya hore mojalefa wa bokamoso e lokela e be ngwana wa Saraa. Abrahama o ne a so ka a utlwisisa tshepiso. Kelello ya hae e ile ya shebela ka ho Ishmaele, a kgomaretse tumelo ya hore ka yena maikemisetso a mohau a Modimo a tla phethahala. Ka ho rata mora wa hae a re, Ishmaele a ke a o phelele! Tshepiso e ile ya etswa hape, ka mantswe a ke keng a foswa: Ruri, Sara mosadi wa hao, o tla o tswalla mora, mme o tla mo rea lebitso la Isaaka. Ke tla etsa selekane le yena (Genese 17:18, 19). -Patriarchs and Prophets, p b. Ke hobaneng ha modimo a hanne ho amohela Ishmaele e le peo e tshepisitsweng? Bagalata 4:22, 23, 30; Baroma 14:23 (karolo e qetelang). Ho hloka tumelo hlakoreng la Abrahama le Sara ho ne ho phethetse tswalong ya Ishmaele, ho kopana ha peo e lokileng le ba senang bo-modimo. tshusumetso ya ntate e ile ya hlolwa ke ya mme ya mofuta o kgumamelang ditshwantsho le ka kamano ya Ishmaele le basadi ba bahetene. -Ibid., p c. Ke nnete efe ya bohlokwa oe Abrahama a neng a tla fetwa ke yona hoja Modimo a amohela Ishmaele e le peo e tshepisitsweng? Baroma 4:1-5, 21, 22. Moputso ha se wa mesebetsi, ho seng jwalo motho o tla ithorisa; empa ke ka mohau. - Christ s Object Lessons, p Ha re itshetleha bonngweng ba rona ho Kreste, ka netefaletse e phethahetseng ya tumelo, re tshepetse feela mahlahahlaheng a madi a hae ho re hlwekisa sebeng, re tla fumana kgotso ka ho dumela hore seo Modimo a se tshepisitseng o kgona ho se etsa. -Selected Messages, bk. 3, p [Bafilipi 4:4-7 e qotsitswe.] Tshepiso ka bo yona ha ena boleng ntle le hore ke dumele ka ho pethahala hore Eo ya entseng tshepiso o kgona ka ho kgaphatseha ho phethahatsa, mme o matla wohle h ka etsa tsohle tseo a di boletseng. -This Day With God, p

22 Labobedi Pherekgong BANA BA BOKGOBA a. Hlalosa ke mofuta ofe wa batho oo Ishmaele le mmae Haga ba neng ba ba emetse ka semoya, hobaneng. Genese 16:4-6; Bagalata 4:22, 23. b. Ke hobaneng ha moapostola Paulose a hlalosa Bajuda ba phelang Israele mehleng ya hae e le makgoba, jwalo ka Haga le Ishmaele? Johanne 8:31-36; Baroma 9:6-8. Moya o mong le o mong o latolang ho inehela ho Modimo o tlasa taolo kya matla a mang. Ha se wa hae. a ka bua ka tokoloho, empa o tlasa bokgoba bo sithabetseng. Ha a dumellwa ho bona botle ba nnete, hobane kelello ya hae e tlasa taolo ya Satane. Ha a ntse a ithetsa hore o latela ditaelo tsa kahlolo yya hae, o mamela thato ya kgosi ya lefifi. Kreste o tlile ho kgaola ditlamo tsa bokgoba ba sebe moyeng. -The Desire of Ages, p Modimo o entse tse ngata ho etsa hore ho kgonehe bakeng la rona ho lokoloha ho kreste, re lokolohile bokgobeng ba tlwaelo tse fosahetseng le tshekamelong ya bokgopo. Metswalle e ratehang e menyenyane, na le ke ke la tsitlallela ho lokoloha ho Kreste? -Our High Calling, p. 29. c. Ke ho mang mme ke ho eng moo Bajuda ba nama (ditloholo tsa nama tsa Abrahama) ba ileng ba beha tshepo ya bona ho fumaneng tlhohonolofatso ya Modimo? Johanne 8:37-40; Bafilipi 3:3-9; Bagalata 6:12, 13. Bajuda ba ne ba tlaleha ba tswa ho Abrahama; empa ka ho hloleha ho etsa mesebetsi ya Abrahama, ba ile ba pakahatsa hore e ne e se bana ba nnete ba Abrahama. Ke feela bao ba ipakahatsang hore ba kgotsong ya semoya le Abrahama ka ho mamela lentswe la Modimo, ba lemohuwang e le bana ba nnete. -Christ s Object Lessons, p Paulose o re ka ho ama ho loka ho molaong -ho feta ka moo diketso tsa ka ntle di ka etsang- o ne a sena sekodi (Bafilipi 3:6); empa ha semelo sa semoya sa molao se bonwa, o ile a ipona e le moetsadibe. Ka ho ahlolwa ke tlhaku ya moolao ha banna ba e Kenya tshebetsong bophelong bo ka ntle, o ne a hlobohane le sebe; empa ha a tadima ka botebo taelong tsa ona tse halalelang, a ipona tje ka ha Modimo a mmona, o ile a kgumama ka tshwabo mme a ipolela molato. -Steps to Christ, pp. 29,

23 Laboraro Pherekgong PALE a. Ha re tshepa mesebetsi ya rona bakeng sa ho amohelwa ke Modimo, hona le o tshepa Kreste, re wela tlasa selekane sefe? Bagalata 4:21-25; 3:10; 2 Bakorinthe 3:14, 15. Setjhaba se ne se sa hlokomele dibe tsa dipelo tsa sona, le hore ntle le Kreste ho ne ho sa kgonehe hore ba boloke molao wa Modimo; mme ba ile ba potlakela ho kena selekaneng le Modimo. ka ho utlwa hore ba kgona ho hlomamisa ho loka ha bona, ba tlaleha ba re, Tsohel tseo Jehova a di boletseng re tla di etsa, re tla mamela (Eksoda 24:7);... empa dibeke tse mmalwa di ile tsa feta pele ba roba selekane sa bona le Modimo, mme ba kgumama fatshe ho rapela setshwantsho se betlilweng. Ba ne ba sena tshepo ya mohau wa Modimo ka selekane seo ba se robileng; mme jwale, ka ho bona sebe sa bona le tlhoko ya tshwarelo, ba ile ba tliswa tshenolong ya tlhoko ya bona ya Mopholosi e senotseng selekaneng sa abrahama mme se bontshwa pele ka mahlabelo. Jwale ka tumelo le lerato ba ne ba tlamelletswe ho Modimo e le molopolli wa bona ho tswa kgolehong ya sebe. Jwale ba ne ba loketse ho amohela mahlohonolo a selekane se setjha... Selekane se setjha se ile sa hlomamiswa hodima tshepiso tse ntlafetseng - tshepiso ya tshwarelo ya dibe le ya mohau wa Modimo ho ntjhafatsang pelo le ho e tlisa kgotsong le melaotheo ya Molao wa modimo... Molao o tshwanang le o neng o ngotswe matlapeng o ngotswe ka Moya o Halalelang hodia matlapa a pelo. Ntle le ho hlomamisa ho loka ha rona re amohela ho loka ha kreste. Madi a hae a re buella dibeng tsa rona. Ho mamela ha hae ho wa amoheleha bakeng la rona. Ke ka hona pelo e ntjhafaditsweng ke Moya o Halalelang e tla hlahisa ditholwan tsa Moya. Ka mohau wa Kreste re tla phela tlasa mamelo molaong wa Modimo o ngotsweng. Ha rena le Moya wa Kreste, re tla tsamaya jwalo ka yena. -Patriarchs and prophets, pp. 371, 372. b. Ke hobaneng ha e le bopaki hore motho a ke ke a itokafatsa ka pela Modimo ka ho boloka molao? Galata 2:21; 3:11, 112. Ho ja e se ka sehlabelo se hlwekisang sa Kreste, ho ne ho sena ho ba le letho ho rona le ka kgahlisang Modimo. ha a thabiswe ke motho ya bolokang tlhaho ya hae ya pele, ya sa ntjhafaleng tsebong le mohaung ka hore ke motho e motjha ho Kreste. -God s Amazing Grace, p

24 Labone Pherekgong TLHORISO YA BOENA a. Ke ketsahalo efe eo Paulose a ileng a e sebedisa ho bontsha tlhoriso ya Bajuda kerekeng ya Bakreste? Bagalata 4:28, 29; Genese 21:6-10. b. Ke hobaneng ha bana ba moya ba tla hlola ba hlorisitswe ke bana ba nama? Johanne 15:17-22; Johanne 3:19, 20; Bagalata 5:17 (karolo e qalang). Kaine o ne a hloile ebile a bolaya moenae, eseng ka lebaka la phoso eo Abele a e entseng, empa ka lebaka la hore mesebetsi ya hae e ne e le e kgopo, ya ngwanabo e le e lokileng (1 Johanne 3:12)... Bophelo ba Abele ba ho mamela le tumelo e sa sisinyeheng e ne e le kgalemelo ho Kaine e matla... Ho kganya ka ho fetisa ha lesedi la lehodimo le bonahalang ho tswa semelong sa bahlanka ba tshepahalang ba Modimo, ke moo dibe tsa ba senang bomodimo di tla senolwang, mme maleke a bona a tla tiya ho timetsa bao ba qholotsang kgotso ya bona. -Patriarchs and Prophets, p. 74. Bakraste ba pele e ne e le batho ba kgethehileng e le ka nnete. Tsela eo ba neng ba tsamaya kayona le tumelo e sa sisinyehenge ne e le kgaemelo e tswelang pele e setisang kgotso ya moetsadibe. Le ha ba le banyane ka palo, ntle le leruo, boemo, kapa mabitso a hlomphehang, e ne e le e tshosang ho ba etsang bokgopo hohle moo semelo sa bona le dithuto tsa bona di neng di tsebahala... E ne e le ka lebaka le tshwanang Bajuda ba ileng ba hana le ho thakgisa Mopholosi hobane tlhweko le kgalalelo ya semelo sa hae e ne e le kgalemelo ya ka mehla boikgohomosong le bobodung. Ho tloha matsatsing a Kreste ho fihlela jwale barutuwa ba hae ba tshepahalang ba thabisitse lehloyo le bohanyetsi ba bao ba ratang le ho latela tsela tsa sebe. -The Great Controversy, p. 46. Labohlano Pherekgong 27 DIPOTSO TSA BO MONG 1. Ke jwang feela ditshepiso tsa Modimo di ka phethahatswang? 2. Hobaneng ha Modimo a sena ho amohela mesebetsi ya nama e le e lokileng? 3. Ke hobaneng ha re sena ho beha tshepo ya rona botjhabeng ba rona, nameng ya rona, le mesebetsing ya rona? 4. Ke hobaneng ho sa kgonehe ho lokafatswa ka mesebetsi ya molao? 5. Hlalosa mofuta wa ntswa eo Bkreste ba tlamehang ho e labella ka lebaka la tumelo ya bona. 24

25 SABATA, HLAKOLA 4, 2017 Kabelo ya Sabata sa pele bakeng sa Tlokotsi tsa Lefatshe le Bophelo bo botle [Jehova] o ahlolela ba hateletsweng: o nea ba lapileng dijo (Dipesaleme 146:7). Morena jesu o itse, Ho lehlohonolo ba mohau, hobane ba tla hauhelwa (Mattheu 5:7). bafumanehi ba hoghle ho potoloha le rona, ba tshwenyehileng, ba mahlomoleng, ba dillong, le bao ba loketseng ho timela. Ho na le tlhokeho e kgolo bakeng sa kwetliso ya mohau kajeno ho feta pele. Modimo o r entse qhoku tsa hae, mme ha a lokela ho qoswa ka ditlhopheho, bohloko, tlhobolo, le tlhoko ya motho. Jehova o fane ka nehelanoe lekaneng rona bohle. O re neile ka ho fetisa disebediswa tseo ka tsona re ka fihlelang ditlhoko tsa bao ba hlophehileng le ba sa fumanang menyetla. Tsatsi ka letsatsi re utlwa ka ho reketla ha lefatshe, ntwa, dikgohola,ho thunya ha thaba, le ditsietsi tse ding le mathata whole hodima lefatshe a bakang timelo, tshenyo ya meaho, le tahlehelo ya maphelo. Hang ha re utlwa ka tsietsi, re kena tshebetsong hang h arabela ditlhoko tsa batho. Tsela eo re arabelang e itshetlehile hodima tlhaho ya tsietsi, naha, boemo ba moruo le maemo a puso a teng. Re qala hang ho lekola boemo ho netefatsa tsela tse lokelang ho thusa. Ho hatela mona, naokong ya kgotso Lefapha la bophelo bo botle le fana ka thuso e kang ya manyane ka dikopo tse kenang, thuso ya disebediswa, kwetliso, le ho tseba tshebetso le ho e phetha. Moo re nang le mahlale, re batla ho thusa ka ho fana ka ponelopele le tataiso e hlokehang. Takatso ya rona ke ho matlafatsa kereke ya selehae ho kopana le ditlhoko tsa setjhaba sa teng; ka tsela ya dijo, diaparo, dikobo, ntlo ya polokeho, kapa tshetso ya tsa maikutlo. Ho arolelana lerato la Modimo ho potolo le lefatshe ho jwalo ka sefofane se hlokang mafura ho qhoba. Kabelo tsa lona ke mafura a tsamaisang ka boholo dihla tsohle tsa ho thusetsa mo ho hlokehang. Ntle le hore le kenye letsoho le mafura ana, maleke a rona ka nnete a tla fetoha tsietsi le ona. Ho thata ho re bohle ba ka fihlella sebaka sa tsietsi, empa mekitlane ya lona e ka finyella. Re biletsa ho lona ho re pelo tsa lona di sisinyehe tshebetsong ena e lokileng. Re kopa le nehelane ka bolokolohi tshebetsong ena. Baena ba lona ho tswa Lefapheng la Bophelo bo botle Welfare Department 25

26 Thuto 5 Sabata, hlakola 4, 2017 BANA BA NNETE BA ABRAHAMA Tsebang ke hona hore badumedi ke bona bao e leng bana ba Abrahama (Bagalata 3:7). E mong le e mong ya tla ikokobetsa jwalo ka ngwana e monyane, ya tlang ho amohela le ho mamela lentswe la Modimo ka bonolo ba ngwana, o tla bat eng hara bakgethwa ba Modimo. -Our High Calling, p. 77. Buka tyse kgotrhaletswang: Our High BCalling, pp Prophets and Kings, pp Sontaha Pherekgong BANA BA NNETE BA ABRAHAMA a. Ke bo mang beo Bibele e ba nkang e le bana ba nnete ba Abrahama e le bo mang tje ka Baisraele ba nnete? Baroma 9:6-8; Bagalata 3:7-9. Ho Esaia ho ile ha newa hore a etse ka ho hlaka ho Juda nnete ya hore hara Israele ya Modimo ho tla balwa bongata boo e seng ditloholo tsa Abrahama ka madi. Thuto ena e ne e se kgotsong le thuto ya tsa borapedi ba nako ya hae, empa ka ho hloka tshabo a tlaleha melaetsa eo a e neilweng ke Modimo yaba o tlisa tshepo ho bongata bon eng bo batla ho fumana mahlohonolo a semoya a tshepisitsweng peo ya abrahama. -Prophets and kings, p b. Ke jwang Baditjhaba, beo e seng bana ba ka tswalo, jwale ba ka nkwang e le peo ya Abrahama ya nnete? Baroma 9:30; 4:11, 12, 16, 17. Bohle beo ka Kreste e bang bana ba tumelo ba tla ballwa e le peo ya Abrahama; ke majalefa a ditshepiso tsa selekane; jwalo ka Abrahama, ba ile ba bitswa bho tla lebela le ho tsebahatsa ho lefatshe molao wa Modimo le evangeli ya Mora wa wona. -Patriarchs and Prophets, p