*16 22 Phato SABATHA MOTŠEARE OA MANTSIBOEA. Deut. 32:4; Ps. 28:1; Johanne 17; Johanne 15:1 5; Matt. 7:1 5; Matt. 5:23, 24; 18:15 18.

Transcription

1 Thuto ea 8 *16 22 Phato Kereke SABATHA MOTŠEARE OA MANTSIBOEA Bakeng sa Boithuto ba Beke Ena Bala: Deut. 32:4; Ps. 28:1; Johanne 17; Johanne 15:1 5; Matt. 7:1 5; Matt. 5:23, 24; 18: Temana ea Khopolo: Ha ke rapelle bona fela, empa ke rapella le ba tlang ho lumela ho nna ka polelo ea bona; hore bohle ba be bang, joalo kaha oena, Ntate, u le ho nna, le nna ke le ho uena; le bona ba be bang ho rona, hore lefats e le tle le lumele hoba u nthomile (Johanne 17:20, 21). Metso ea kereke ea Bokreste e ka fumaneha ho tloha ho Adama, Abrahama, le bara ba Israele. Molimo o ne a bitsitse Abrahama, me hamorao Baisraele, ho kena likamanong tsa selekane le Eena e le hore a tle a hlohonolofatse lefatše ka bona. Ho tsoeleng pele ha nalane, likamano tsena tsa selekane li ntšelitsoe pele ke kereke. Kereke ha ea thehoa ke baapostola kapa motho o fe kapa o fe. Nakong ea bosebeletsi ba Hae, Kreste ka sebele sa Hae o ile a phatlalatsa boikemisetso ba Hae ba ho theha kereke ea Hae: Ke tla theha kereke ea Ka (Matt. 16:18). Kereke e teng ka lebaka la Jesu Kreste. Ke Eena Moqali. Ho latela Li-evangeli, lentsoe kereke le hlaha molomong oa Jesu hararo feela (Matt. 16:18, 18:17). Sena leha hole joalo, ha se bolele hore ha a ka ba sebetsana le taba ena. Hantle-ntle, o ile a ruta litaba tse molemo haholo tse amanang le kereke. Thuto ea rona ea beke ena e tla tsepama holim a ntlha tse peli: motheo oa kereke le kopano ea kereke. *Ithute thuto ea beke ena ho lokisetsa Sabatha sa la 23 Phato. 66

2 SONTAHA Motheo oa Kereke 17 Phato Jesu o ile a re holim a lefika lena ke tla aha kereke ea Ka (Matt. 16:18). Ke mang lefika (petra ka Segerike) leo kereke e tla ahuoa holim a lona? Batoloki ba bang ba lumela hore Petrose ke eena lefika leo. Ba re Morena o ile a bapala ka mantsoe pakeng tsa Petrose le lefika (Petros le petra, ka ho latellana joalo, ka Segerike) papali e neng e ka hlaka haholoanyane ka puo ea Aramaic, eo e kannang eaba Jesu o na e sebelisa. Taba ke hore leha hole joalo, ha ho motho ea tsebang kantle ho tikatiko mantsoe ao Jesu a ileng a a sebelisa ka puo ea Aramaic. Re na le litemana tse Mattheu a li ngotseng ka Segerike feela, tse hlalohanyang pakeng tsa Petros (lejoe) le petra (lefika), tlhalohanyo e sa lokelang ho tlolisoa mahlo holimo. Ho na le mabaka a matle a ho tiisa hore petra eo ke Kreste. Moelelo o haufi oa polelo ea Jesu (Matt. 16:13 20) o holim a seo Kreste a leng sona le thomo ea Hae, e seng ea Petrose. Ho feta moo, Jesu o ne a kile a sebelisa setšoantšo sa ho aha holim a lefika e le Eena le lithuto tsa Hae (Matt. 7:24, 25). Lefika le tšoantša eng Testamenteng ea Khale? Deut. 32:4; Ps. 28:1; 31:2, 3; 42:9; 62:2; Esa. 17:10. Ha Petrose le baapostola ba bang ba utloa Jesu a bua ka ho aha kereke ea Hae holim a lefika, ba ka be ba tolokile setšoantšo seo ho latela hore na se ne se bolela ng Testamenteng ea Khale e leng, ho tšoantšang Molimo. Petrose ka sebele sa hae o ile a tiisa hore Kreste ke Lejoe le lahliloeng ke lona lihahi, joale le fetohile lejoe la ntlha la motheo (Liketso 4:11), me o ile a sebelisa lentsoe lefika ho Kreste e le motheo oa kereke (1 Pet. 2:4 8). Leha a bapisitse Bakreste ka kakaretso le majoe a phelang, o sebelisitse lentsoe lefika (petra) ho Kreste feela. Ka hare ho Bibele ha ho motho ea bitsoang petra, ntle le Jesu. Moapostola Paulosi o sebelisitse lentsoe petra ha a bua ka Kreste (Baroma 9:33, 1 Bakor. 10:4) me ka maikemisetso a phatlalatsa hore haho motho ea ka thehang motheho o sele ho o setseng o theiloe e leng Jesu Kreste (1 Bakor. 3:11). Re fihlela qeto kahoo, hore kereke ea baapostola e n e utloisisa hammoho hore Jesu Kreste ka sebele sa Hae ke Eena petra eo kereke e ahiloeng holim a eona, me baprofeta bohle le baapostola, ho kenyelletsa le Petrose, ke mothati oa pele oa majoe a phelang khahong ea semoea ea kereke (Baef. 2:20). Hobaneng ho le bohlokoa ho tseba hore kereke, leha e ka bonahala e fokola ka linako tse ling, e theiloe holim a Kreste ka Sebele sa Hae? 67

3 MANTAHA 18 Phato Thapelo ea Kreste ea Bonngoe E ne e le Labone bosiu. Kamor a selallo, ha Jesu le barutuoa ba Hae ba nyolohela Thabeng ea Mehloare. Tseleng e eang Gethesemane, Jesu a emisa eaba oa ithapella, a rapella barutuoa ba Hae, a rapella le bao hamorao ba tla lumela ho Eena ka thuto ea baapostola. Leha mahlomola a Sefapano a ne a le kapele ho Eena, khathatseho ea Hae e kholo e ne e se ka Eena empa ka balateli ba Hae. Johanne 17 e ngotse thapelo ea ho rapella ea Jesu e telele ka ho fetisisa e ngotsoeng ka hare ho Bibele. Ho ea khothatsa hore o rapelletse e mong le e mong ea lumelang ho Eena, ho kenyelelitse le e mong le e mong oa rona. Bala Johanne 17. Kopo ea mantlha ea Jesu thapelong ho Ntate malebana le balumeli e ne e le e fe? Sheba haholo-holo teman a Bonngoe bo bohlokoa bakeng sa bophelo ba kereke. Re ka kala bohlokoa ba eona ka taba ea hore ka makhetlo a mane Jesu o phetile tabatabelo ea Hae ea hore balateli ba Hae ba be ntho e le ngoe (Johanne 17:11, 21 23). Horeng eo ea ho qetela e khethehileng, Morena a ka be a rapelletse lintho tse ling tsa bohlokoa tse neng li hlokeha. Empa a khetha ho tsepamisa thapelo ea Hae holim a bonngoe ba balumeli. O ne a tseba hore kotsi e kholo kholo ea kereke e tla ba moea oa bora le likarohano. Kopo ea Jesu ha se ho tšoana empa bonngoe ba batho joalo ka likamano tsa Hae le Ntate. Eena le Ntate ba babeli ka tsela khetholohileng, le ka mesebetsi e fapaneng. Feela ba na le bonngoe ba sebopeho le morero. Ka tsela e tšoanang, kaofela ha rona re na le libopeho, nalane, bokhoni, le mesebetsi e fapaneng, empa bohle re lokela ho ba le bonngoe ho Jesu Kreste. Mofuta ona oa bonngoe ha u iketsahalle feela. Hore o tle o be teng, re lokela ho amohela borena ba Kreste maphelong a rona. O lokela ho bopa limelo tsa rona, me re lokela ho nehela thato ea rona ho ea Hae. Bonngoe bona ha se pheletso ka bobona. Ke bopaki bo tla susumetsa lefatše hore le lumele ho Kreste e le Mopholosi ea romiloeng ke Ntate. Bonngoe le kopano har a batho ba libopeho tse fapaneng ke bopaki bo matla ka ho fetisisa bo ka bang teng ba hore Molimo o romile Mora oa Hae ho pholosa baetsalibe. Ke bopaki bo sa belaelloeng ba Matla a Kreste a ho pholosa le ho fetola. Me re na le monyetla oa ho fana ka bopaki bona. Hangata bonngoe bo behoa tsietsing ke boikhabo feela e seng ho hong. Re ka etsa joang ho etsa bonnete ba hore ha re senye bonngoe ka mabaka a sa utloahaleng? 68

4 LABOBELI 19 Phato Seo Kreste a Faneng ka Sona Bakeng sa Bonngoe Mohloli oa bonngoe boo Jesu a ileng a rapela ka bona bakeng sa kereke ea Hae ke o fe? Sheba Johanne 17:23 le Johanne 15:1 5. Lona le ho na, na ke ho lona (Johanne 14:20) e hlalosa likamano tse mofutho tseo re lokelang ho ba le tsona le Jesu. Boteng ba Jesu ka lipelong tsa rona bo tlisa bonngoe. O tlisa maphelong a rona lintho tse peli tseo bonngoe bo ke keng ba ea teng ntle ho tsona: Lentsoe le halalelang le lerato le halalelang. Ha rena le Jesu, retla ba le mantsoe a Hae hape, ao hantle e leng mantsoe a Ntate (Johanne 14:24; 17:8, 14). Jesu ke nete (John 14:6), le Lentsoe la Ntate ke nete le lona (Johanne 17:17). Bonngoe ho Jesu bo bolela bonngoe Lentsoeng la Molimo. Maleke a fe kapa a fe a ho bopa bonngoe kantle ho ho itšoarella ka litšia tsa tumelo ha a na ho atleha. Morena hape o batla balateli ba Hae ba kopanngoe ke lerato la nete. Haeba re na le Jesu, re tla ba le lerato le phethehileng leo Ntate a nang le lona ho Mora (Johanne 17:26). Lerato lena ha se taba ea maikutlo kapa boikutlo ba nakoana empa mokhoa oa ho etsa oa kamehla o phelang. E le hore re tle re be le lerato la nete, re lokela ho fokotsa borona re eketse ho ba le Jesu. Boikhohomoso ba rona bo lokela ho shoa, me Jesu a phele ka ho rona. Ke moo re tla ratana e le ka nete le ka botšepehi, re etsa hore bonngoe boo Jesu a bo rapelletseng bo phethahale. Ha bao ba bolelang hore ba lumela nete ba halalelitsoe ke nete, ha ba ithuta ho Kreste, bonolo ba Hae le boikokobetso, ho tla ba le bonngoe bo tletseng bo phethehileng ka hare ho kereke. Ellen G. White, The Signs of the Times, September 19, Esale ho se bobebe ho boloka maikutlo a phahameng a nete le ho ratana ka lerato le tebileng ka nako e le ngoe. Re atisa ho ba kotsing ea ho phahamisa e ngoe e be re bea e ngoe sehlabelo. Ho na le nako eo thuto e neng e nkuoa e le eona ea bohlokoahali e le ngoe bakeng sa bonngoe. Ka lehlohonolo ho hloka tekano hona esale ho lokisoa butle butle. Leha hole joalo, kajeno re kotsing ea ho fetelletsa ho ea ka lehlakoreng le leng: ho nahana hore lerato le bohlokoa ho feta nete bakeng sa bonngoe. Re lokela ho hopola hore lerato le se nang nete le sefofu, le nete e se nang lerato ha e na thuso. Kelello le pelo li lokela ho sebetsa hammoho. Kereke ea baapostola e ne bontša bonngoe boo Kreste a neng a bo rapelletse. Ba ne ba tiisetsa thutong ea Baapostola [ nete] le kopanong ea boena [lerato] (Liketso 2:42). 69

5 LABORARO 20 Phato Tšitiso e Kholo ea Bonngoe Mantsoe a Jesu ho Mattheu 7:1 5 a ka re thusa joang ho qoba likarohano le l ikhang ka kerekeng? Ho bonolo haholo ho bona liphoso tsa ba bang ho feta tsa rona. Ho tšoaea liphoso ho fana ka boikutlo bo fosahetseng ba hoba ka holimo ho ba bang, hobane ea tšoaeang liphoso o ipapisa le batho ba bang ba bonahalang e ka ba babe ho mo feta. Sepheo sa rona, leha hole joalo, ha se ho ipapisa le ba bang empa ho ipapisa le Jesu. Re ne re ka qoba mathata a mangata ha kae haeba re ne re ka mamela taelo e halalelang: U seke oa etselletsa le ea mong oa sechaba sa heno (Lev. 19:16). Ke nete e bohloko hore mosebi o hlobohanya metsoalle (Liprov. 16:28). Ka lehlakoreng le leng, ho na le maemong ao ho hlokehang hore ho buuoe ka motho e mong. Pele re etsa joalo, leha hole joalo, re lokela ho ipotsa lipotso tse tharo: 1. Na seo ke tlo se bua ke nete? U se ke oa etselletsa oa heno ka leshano (Exod. 20:16). Ka nako tse ling re ka tlaleha ntho e ngoe e le nete feela e le hore ke monahano kapa khakanyo. Ebile re ka na ra kenyelletsa le kahlolo ea rona ea taba re sa elelloe, re be kotsing ea ho ahlola maikemisetso a batho ba bang ka phoso. 2. Seo ke tlo se bua na sea ahisa? Na e tla thusa ba tla e utloa? Paulosi o re eletsa ho bua feela [polelo] e hlahisetsang ba e utloang molemo (Baef. 4:29). Haeba taba e ngoe e le nete feela e sa ahise, na ho ka se be molemo ho se e bolele? 3. Na ho ea khonahala ho e bolela ka tsela e nang le lerato? Tsela eo re buang ntho ka eona e bohlokoa joalo ka seo re se buang (sheba Liprov. 25:11). Haeba e le nete ebile e ahisa, re lokela ho etsa bonnete ba hore re e bua ka tsela e satlo khopisa batho ba bang. Jakobo o bapisa leleme le thutsoana e nyane o chesang moru (Jakobo 3:5, 6). Ha re utloa litšebo, ha rea lokela ho beselletsa, hobane mollo o tima ka ho hlokeha ha patsi; ho joalo likomang li fela ha fela mosebi a le sieo (Liprov. 26:20). Litšebo li hloka mokoloko oa bafetisi hore li phele. Re ka li emisa feela ka ho hana ho li mamela; kapa haeba re se re li utloile, re qobe ho li pheta. Ho na le ho seba, me ka mokhoa o joalo re baka likhathatso, ha re boleleng ka matla a se nang ho lekanngoa a Kreste, re bua ka khanya ea Hae. Ellen G. White, The Upward Look, leq Ha ho potang: ho tšoaea ba bang liphoso ho re etsa re ikutloe re feta ba bang. Leha hole joalo ho etsahala eng ha re ipapisa le Jesu? 70

6 LABONE 21 Phato Pusetso ea Bonngoe Hobaneng poelano le moena ea sitiloeng e le tlhoko ea pele ea borapeli bo amohelehang? Sheba Matt. 5:23, 24. Ho ne ho na le limpho tse fapaneng tse tlisitsoeng aletareng, empa Jesu o tlameha a ne a bua ka phoofolo e entsoeng sehlabelo hore moetsalibe a fumane tšoarelo ea leholimo. Pele re ka fumana tšoarelo ea Molimo, leha hole joalo, re lokela ho lokisa litaba le ba bang. Poelano e hloka tlhokomela ea liphoso tsa rona ka boikokobetso. Ntle ho katamelo ena, re ka kopa tšoarelo ea Molimo joang? Ke mehato e fe e meraro e re lokelang ho e latela ha e mong a re utloisitse bohloko? Sheba Matt. 18: Jesu o re bolella hore ho na le ho bua ka khopiso eo ho ba bang, re lokela ho bua le motho ea re foselitseng, e seng ho mo tšoaea liphoso empa ho montša phoso ea hae le ho mo memela pakong (Lev. 19:17). Ka moea oa bonolo le lerato le mosa, re lokela ho etsa maoala ohle ho mo thusa hore a bone phoso ea hae, re mo fa monyetla oa ho baka le ho kopa tšoarelo. Ho bohlokoa haholo ho se mo soabise ka ho pepesa phoso ea hae. Seo se tla etsa hore ho khutla ha hae ho thatafale ho feta. Hantle-ntle, puisano e sephiring e tla tlisa pako le poelano. Empa, haeba ea fositseng a sa amohele phoso ea hae, kapa a se na maikemisetso a ho lokisa litaba, mothati o latelang ke ho batla paki e le ngoe kapa tse peli (Deut. 19:15) ka sepheo sa ho qeka motho enoa ea phosong. Ba se ke ba nka litaba ka pelo hore ba tle ba be boemong ba ho qeka motho enoa hore a bake. Haeba ea sitiloeng a hana ho utloa keletso ea bona, e ka ba lipaki tsa maleke ao a a etselitsoeng. Qetellong, me ha feela liteko tsa pele li sa sebetsa, re ka bolella kereke e seng bakeng sa ho mo nkela bohato empa bakeng sa boipiletso bo lebisang pakong. Ho tloha sethathong, mehato ena sepheo sa eona ke ho pholosa (Gagal. 6:1). Re lokela ho hopola hore topollo ke tsela e molemo ka ho fetisisa ea ho tlisa pholiso ho mang le mang ea leng ka hare ho tsekisano. Ha motho a re sitetsoe, hobaneng re atisa ho se latele mehato eo Jesu a faneng ka eona? Re ka ithuta joang ho se lumelle takatso ea boiphetetso ho foufatsa kelello tsa rona? 71

7 LABOHLANO 22 Phato Ho Ithuta Haholoanyane: Ellen G. White, Christian Unity, maq , bukeng ea Testimonies for the Church, vol. 5; One With Christ in God, maq , bukeng ea Testimonies for the Church, vol. 8. Kopano ke matla; karohano ke phokolo. Ha ba lumelang nete ea kajeno ba kopane, ba ba le tšusumetso e matla. Satane o utloisisa taba ena hantle. O ikemiselitse ho senya matla a nete ea Molimo ka ho baka likhang le mahloeo ka hare ho batho ba Molimo hajoale ho feta pele. Ellen G. White, Testimonies for the Church, vol. 5, leq Re lokela ho leka ho nahana hantle ka batho bohle, haholo-holo baena ba rona, ho fihlela re qobelleha ho nahana ka tsela e fapaneng. Ha rea lokela ho phakisa ho fana ka tlaleho tse mpe. Tsena li atisa ho jala litholoana tsa mohono le hose utloisisane, kapa li ka tlisoa ke phetelletso kapa ho bua nete e sekheeqe. Leq 58. Lipotso tsa Puisano: 1. U sebetsana joang le batho bao leha thuto ea bona (u na le bonnete) e fosahetse ba leng mosa, ba amohelang, hape ba lerato, ho sa natsehe phapano tsa lona? U lokela ho amana joang le bona? Ka lehlakoreng le leng, u sebetsana joang le batho bao, leha le lumellana ka lithuto tsa Bibele, ba likhoka, ba ahlolang, ba sa rateng mang le mang ea sa boneng litaba ka tsela e tšoanang le ea bona? 2. Leha bonngoe bo le bohlokoa kerekeng ea Bokreste, bonngoe boo bo bolokiloe hantle ha kae? U nahana motho eo e seng Mokreste ha a sheba Bokreste o bona taba ea bonngoe ba Bakreste joang? 3. Jesu o re laela ho tšoarela ba re sitetsoeng. Empa haeba basa baka me basa kope hore ba tšoareloe? Re amane joang le bona? 4. Kamano ke e fe pakeng tsa lerato le khalemelo? 5. Kopano ea likereke e bolela hore ke teko ea ho tlisa bonngoe boo Kreste a neng a bo rapella. Leha merero eo ba bang ba nang le eona e ka ba e molemo ha kae, ke mathata a fe ao re ka a bonang ka kopano ea likereke, ka thoko ho lintho tse hlakileng tse amanang le liketsahalo tsa matsatsi a bofelo? 72

8 Notes