OPGESOMDE GEKONSOLIDEERDE FINANSIËLE JAARSTATE

Transcription

1 OPGESOMDE GEKONSOLIDEERDE FINANSIËLE JAARSTATE 2017

2 Voorsittersverslag... 2 Verslag deur die Groep besturende direkteur... 6 Prestasie volgens mark Verslag deur die Groep finansiële direkteur Direkteure se verantwoordelikhede vir finansiële verslagdoening Onafhanklike ouditeur se verslag Opgesomde gekonsolideerde staat van finansiële stand Hierdie opgesomde gekonsolideerde finansiële jaarstate bevat uittreksels van ons volledige Integrated Report wat aanlyn beskikbaar is by Opgesomde gekonsolideerde inkomstestaat Opgesomde gekonsolideerde staat van omvattende inkomste Opgesomde gekonsolideerde staat van veranderinge in ekwiteit Opgesomde gekonsolideerde kontantvloeistaat Aantekeninge tot die opgesomde gekonsolideerde finansiële jaarstate Kennisgewing aan aandeelhouers van n algemene jaarvergadering Volmagvorm... Invoegsel Alle produkte wat in hierdie opgesomde gekonsolideerde finansiële jaarstate vermeld word is nie te koop aan persone onder die ouderdom van 18 jaar nie. Gebruik ons produkte verantwoordelik.

3 GROEP Veerkragtige omsetgroei ten spyte van moeilike plaaslike en internasionale omstandighede VOLUME +0,0% OMSET +3,7% Omset uitsluitend valutabewegings +5,8% SUID-AFRIKA Stewige prestasie met volumegroei oor alle kategorieë heen VOLUME +1,5% OMSET +7,8% AFRIKA Langtermynvisie onaangetas deur korttermynuitdagings VOLUME -5,2% OMSET -0,1% INTERNASIONAAL Goeie volumegroei in geselekteerde markte teëgewerk deur sterker wisselkoers VOLUME +3,6% OMSET -12,1% HOOFTREKKE VVRBDA -7,8% Genormaliseerde VVRBDA uitsluitend valutabewegings +9,3% VVRBDA bly n sleutelprestasieaanwyser waarteen interne prestasieteikens gestel word. WESENS- VERDIENSTE -3,6% Genormaliseerde wesensverdienste uitsluitend valutabewegings +7,4% Ons bly gefokus op ons reis na groei om n soepel, gefokusde en meer aanpasbare organisasie te bou. VOORSIENINGS- KETTING Kostebesparingsinisiatiewe het groei in aksyns en koste van verkope teengewerk Bruto marge daal van 35,9% tot 33,1% Ons gaan voort om ons aandeelhouers te beloon Totale opbrengs aan aandeelhouers van 14,6% per jaar oor sewe jaar Jaarlikse dividend per aandeel gehandhaaf Totale dividend vir die jaar 379,0 sent per aandeel NETTO KONTANT GEGENEREER DEUR BEDRYFSAKTIWITEITE +14,6% 1

4 VOORSITTERSVERSLAG JJ Durand VOORSITTER 2 Distell is steeds in n opwindende oorgangstydperk te midde van n proses om die Groep in n winsgewende en volhoubare 21ste-eeuse maatskappy te omskep. Ons visie is om die grootte van die besigheid teen 2021 te verdubbel en om n maatskappy tot stand te bring wat by die voortdurend veranderende globale landskap kan aanpas en vinnig daarop kan reageer. Kern tot hierdie reis is ons diverse handelsmerkportefeulje wat deur uitsonderlik begaafde mense van reg oor die wêreld geskep is. Ons portefeulje het veerkragtige groei in omset en wins behaal teen die agtergrond van n mededingende plaaslike en internasionale omgewing en veranderinge in verbruikersgedrag. Ons het nietemin daarin geslaag om Groepomset met 3,7% tot R22,3 miljard te groei. Genormaliseerde VVRBDA (verdienste voor rente, belasting, depresiasie en amortisasie), uitsluitend buitelandse valutabewegings, het met 9,3% tot R2,6 miljard gestyg. Distell is die naasgrootste drankmaatskappy in Suid- Afrika en bly een van die grootste rolspelers in die plaaslike mark. Suid-Afrika is n betreklike volwasse mark en die kapasiteit om totale alkoholvolumes te groei bly gedemp. Selfs onder dié omstandighede is daar steeds aantreklike groeigeleenthede vir ons. Aan die spiritualieëkant herbevestig die verkryging van Cruz Vodka die aantreklike groeigeleenthede vir die vodka-kategorie in die tuismark. In die Skotse whiskykategorie is daar steeds wesenlike kapasiteit vir Distell om sy aandeel in die plaaslike mark te vergroot. Daar is ook positiewe tekens dat die brandewynkategorie sy dekade lange afname in verkope gestabiliseer het. In die res van Afrika gaan ons voort met ons uitbreidings- en investeringsprogram in prioriteitsmarkte waar ons groeiende nuwe verbruikersegmente in die visier het wat erkende en vertroude handelsmerke verkies. In die res van die wêreld, veral in Brittanje en China, is ons strategiese investering in pas met die profiel van ons produkte. Met ons verskeidenheid van handelsmerke is ons vol vertroue dat groei in hierdie markte moontlik is. Ons bly daartoe verbind om ons aandeel in die sidermark op langtermyn te groei. Buite Suid-Afrika het ons China asook sekere lande in Afrika geïdentifiseer as sleutelmarkte vir investering om groei in siderverkope te steun. Groei in dié kategorie sal na verwagting deur millenniërs gedryf word. In hierdie markte handhaaf ons n langtermynsiening wat ook die tempo van ons investering bepaal. Distell se handelsmerke ryg steeds die toekennings in by internasionale kompetisies. Ons is veral trots op Nederburg wat aangewys is as die Wynmakery van die Jaar in die 2017-uitgawe van die gesaghebbende Platter s By Diners Club South African Wine Guide. Nie minder nie as vier van die landgoed se wyne regoor sy omvattende reeks het vyfstergraderings ontvang, meer as enige ander produsent. Dit is die tweede keer dat Nederburg hierdie prestasie behaal nadat dit as die International Wine & Spirit Competition (IWSC) se 2016 Suid-Afrikaanse wynprodusent van die jaar bekroon is. Ons wyne en spiritualieë geniet gereeld die erkenning van internasionale spesialiste by kompetisies waar ons teen inskrywings uit meer as 90 lande wêreldwyd meeding. Skakeling met belanghebbendes bly n sleutelfokusarea. Ons het die afgelope jaar n peiling wat korporatiewe reputasie meet onder sleutelbelanghebbendes in Suid- Afrika laat doen. In n wêreld wat verbruikers n al hoe groter keuse bied, besef ons dat ons belanghebbendes verwag dat gehalte, vertroue en integriteit die grondslag sal vorm van alles wat ons doen. Skakeling met belanghebbendes sal in die volgende jaar groter fokus en ondersteuning geniet om te verseker dat ons voortgaan om waarde te skep. ONS EKONOMIESE EN REGULATORIESE OMGEWING n Kombinasie van swakker Afrika-geldeenhede, n stadiger kommoditeitsiklus en die verstewiging van die rand het n beduidende uitwerking op die vertoning van ons Afrika- en internasionale sake-eenhede gehad. Maar ten spyte van onseker en dikwels onbestendige wêreldvooruitsigte kon ons in die meeste markte daarin slaag om volumeverkope op n vergelykbare grondslag te handhaaf en te verbeter. Ontwikkelde markte was onder druk van gedempte groei, Brexit en terroriste-aanvalle, terwyl opkomende markte beperkte

5 Bain s Cape Mountain Whisky Goud 2017 New York International Spirits Competition TOEKENNING likiditeit, resessionêre toestande en politieke onrus moes trotseer. In Suid-Afrika het ons die uitwerking van n soewereine afgradering, al hoe meer bewyse van korrupsie en toenemende werkloosheid gevoel. Teen hierdie agtergrond het drankverbruik, luidens die IWSR, in 2016 wêreldwyd met 1,3% gedaal. Spiritualieë was die kategorie wat die beste gevaar het. Regulatoriese veranderinge het ekstra uitdagings aan die bedryf gestel, maar ten spyte van die eksterne uitdagings is ons oortuig dat volhoubare groeigeleenthede in al ons markte bestaan. Ons glo dat innovering steeds nuwe kliënte sal lok en ons in staat sal stel om te groei. Distell ondersteun die verantwoordelike gebruik van alkohol en het sy korporatiewe maatskaplike investeringstrategie aangepas om die skadelike gevolge van alkoholmisbruik te help bekamp. Ons besef ook dat dit noodsaaklik is dat ons n model vir skakeling met reguleerders ontwikkel wat deursigtige ontledings asook samewerking tussen die regering en die bedryf met beleidsvorming toelaat. KORPORATIEWE AKSIE EN TRANSAKSIES Die afgelope jaar is gekenmerk aan wesenlike korporatiewe aksie, wat n nuwe en meer mededingende era vir die drankbedryf ingelui het. Distell het onlangs n voorstel aangekondig om ons veelvlakkige eienaarskapstruktuur te vereenvoudig, wat verdere waarde in ons maatskappy sal ontsluit. Dit was grootliks in reaksie op versoeke van ons aandeelhouers om die huidige eienaarskapstruktuur onder die loep te neem. SABMiller, Remgro en KWV het vir etlike dekades n gesamentlike belang van 90% in Distell gehad, met slegs 10% van die aandele wat op die JSE verhandel het. Na die stigting van Capevin in 1997 was Remgro die enkele grootste aandeelhouer met n effektiewe beherende belang van 52,8%. Distell se aandeelhouerstruktuur het verander ná die Openbare Beleggingskorporasie (PIC) onlangs 26,4% van die aandele verkry het. Dit het gelei tot n gesamentlike besluit deur Distell, Capevin en Remgro, met die onherroeplike steun van die twee grootste minderheidsaandeelhouers, naamlik die PIC en Coronation Asset Management, om Distell se veelvlakkige eienaarskapstruktuur te herstruktureer en dit met n eenvoudiger en duideliker aandeelhoudingstruktuur te vervang. Die potensiële sleutelvoordele van die voorstel is kortliks soos volg: dit sal beleggers n enkele toetreepunt tot Distell gee; dit sal n toename in Distell se vrylik verhandelde aandele tot gevolg hê; dit sal Distell se kapasiteit om kapitaal te verkry verhoog, sou dit nodig wees ter ondersteuning van ons langtermyngroeistrategie; dit sal ons kapitaalstruktuur vereenvoudig en Distell se beleggingsaantreklikheid vir sowel buitelandse as plaaslike beleggers verhoog; en die stabiliteit en kontinuïteit wat Remgro as sleutelaandeelhouer bring sal behoue bly. Om n goed bestuurde, etiese proses vir hierdie transaksies te verseker, het ons n onafhanklike raad van direkteure as die besluitnemingsliggaam aangestel. Hierdie raad het die voornemens en kenmerke van die voorgestelde transaksie goedgekeur en die besonderhede van die reëlingskema aan alle aandeelhouers gesirkuleer. Die raad is eenparig ten gunste van hierdie transaksie en n Distellskemavergadering en n Capevin-skemavergadering is vir 27 Oktober 2017 belê om die voorgestelde transaksie goed te keur. Ons wil alle aandeelhouers aanmoedig om hulle van die voorgestelde transaksie te vergewis, om die vergadering by te woon en om met ons hieroor te skakel. GROTER KLEM OP KORPORATIEWE BESTUUR Die direksie het veral n belangrike rol om te vervul om die maatskappy in tye van korporatiewe verandering te stuur en die strategiese rigting te bepaal vir Distell om sy langtermynvisie te realiseer. Die bekendstelling van King IV het die waarde van goeie korporatiewe bestuur 3

6 4 sterker na vore gebring. Ons as n direksie is besig om nuwe handveste, beleide en raamwerke aan te neem om voldoening aan King IV te verseker. Ons glo daaraan om deur voorbeeld te lei en werk saam met die bestuur om n omgewing te skep wat etiese praktyke in die werkplek en in al ons interaksies met ons verskaffers, sakevennote en kliënte bevorder. Ons is ook bedag daarop om plaaslike en internasionale wetgewing teen omkopery, korrupsie en bedrog na te kom en bedryf ons sake met die hoogste integriteit. Ons vermoë om risiko te bestuur verbeter voortdurend en ons sal altyd die voordele teen die risiko s opweeg om potensiële negatiewe impakte te verminder. Ons beskou ondernemingsrisikobestuur as n belangrike hulpmiddel om ondernemingswaarde te optimaliseer terwyl belanghebbendes se belange beskerm word. Ons het gedurende die jaar n nuwe risiko- en voldoeningskomitee as n subkomitee van die ouditkomitee gestig. Dié komitee sal die doeltreffendheid van ons risikobestuursproses verder verbeter. Distell het vanjaar n belangrike leierskapverandering ondergaan nadat David Nurek, wat die afgelope 16 jaar as direksievoorsitter gedien het, sy aftrede in November 2016 aangekondig het. Met sy uittrede is André Parker wat in 2008 as n onafhanklike nieuitvoerende direkteur by die direksie aangesluit het, as leidende onafhanklike direkteur aangestel. Tydens sy ampstermyn het David Nurek n hoogs professionele diens aan die Groep gelewer, waarvoor ons hom opreg dankbaar is, en ons wens hom alles van die beste toe met dié nuwe hoofstuk in sy lewe. Kevin Hedderwick het op 14 Februarie 2017 weens gesondheidsredes bedank na n kort dienstyd as direkteur. GEDEELDE WAARDE EN VOLHOUBAARHEID Ons het ons fokus op volhoubaarheid verskerp deur n holistiese, geïntegreerde en gestruktureerde benadering te volg wat tot die bekendstelling van n Volhoubaarheidsraad gelei het. Die Volhoubaarheidsraad is een van vyf sleutelbesigheidsrade. Die ander rade is Bedrywighede, Mense, Handelsmerk en Innovering, en Strategie. Die Volhoubaarheidsraad sal strategiese denkleierskap en oorsig verskaf om te verseker dat die sleuteldoelwitte van ons volhoubaarheidstrategie bereik word. Dit sluit in monitering van die impak van ons werksaamhede op die omgewing, die plaaslike gemeenskappe en die regerings in die lande waarin Distell handel dryf. Die moniteringsproses sal onder meer plaaslike verkrygings- en entrepreneursgeleenthede identifiseer terwyl dit die integrasie van korporatiewe maatskaplike investeringen verantwoordelikheidsinisiatiewe fasiliteer en verseker dat dit met die oogmerke van die Distell Ontwikkelingstrust strook om n volhoubare, langtermynimpak te verseker. Van besondere belang op langtermyn is ons gemeenskapsinisiatiewe en ons programme om ondernemings en verskaffers in ons waardeketting te ontwikkel. Distell se E+Scalator-programme is toegewyde ontwikkelingsprogramme binne die maatskappy wat saam met kleinen middelslagondernemings in swart besit werk om hul ontwikkeling binne Distell se waarde- en voorsieningsketting te fasiliteer. Die programme bestaan uit voorkeurbefondsing en sake-ontwikkelingsondersteuning en fasiliteer kruisfunksionele skakeling met die Groep. Die vlak 4 BBSEB-status wat ons verwerf het getuig van die vordering wat reeds gemaak is. Ons bly verbind tot hierdie transformerende ondernemings, wat veerkragtigheid bou en ons toelaat om waarde met al ons belanghebbendes te deel. VOORUITSIGTE Daar word verwag dat ekonomiese groei vanaf 2018 wêreldwyd gaan versnel, gedryf deur n oplewing in gevorderde ekonomieë asook verbeterde toestande in China. Opkomende markte wat in onlangse jare onder druk was naamlik Brasilië, Rusland en Nigerië gaan na verwagting ook verbeter. Die Afrika-streek sal oor die algemeen dinamies bly met korttermynuitdagings in sekere markte. In Suid-Afrika bly vooruitsigte gedemp met die risiko van toekomstige kredietafgraderings, onsekerheid in die politieke landskap en afwesigheid van strukturele hervormings. Vir Distell bly diversifisering van ons markte en kategorieë gebiedend noodsaaklik terwyl ons verdere geleentheid vir groei in hierdie voortdurend veranderende globale landskap nastreef. Ons is vol vertroue dat ons multijaar- strategiese reis, met korten langtermynvoordele, die gewenste groeiresultate sal lewer. ERKENNING Ons mense het nogmaals hul vasberadenheid, veerkragtigheid, innoverende denke en standhoudende fokus getoon in n jaar van dinamiese verandering. Ek en die direksie huldig die uitvoerende en bestuurspanne, onder die uiters bedrewe leiding van Richard Rushton, vir hul pogings om groei, batedoeltreffendheid en winsgewendheid te verseker terwyl daar gewerk word om n markleier-groep tot stand te bring wat sy waardes uitleef. Ons is ook groot dank verskuldig aan ons aandeelhouers, vennote, kliënte en verskaffers vir hul volgehoue ondersteuning. JJ Durand Voorsitter Stellenbosch 30 Augustus 2017

7 5

8 VERSLAG DEUR DIE GROEP BESTURENDE DIREKTEUR RM Rushton GROEP BESTURENDE DIREKTEUR 6 N DINAMIESE EN MEDEDINGENDE OMGEWING Distell het n stewige stel resultate in n onstuimige jaar behaal. Ons prestasie toon dat die Groep se fundamentele sakebeginsels oor die algemeen steeds kerngesond is. Ons strategie is lewenskragtig, ons het goeie vordering gemaak met die implementering daarvan en ons is vol vertroue dat Distell goed geposisioneer is vir volhoubare groei. Laastens is ons oortuig dat die maatreëls wat ons voortdurend in die maatskappy implementeer sal voortgaan om ons vir langtermynsukses te posisioneer. Konsolidasie raak wêreldwyd n algemene gesig in die drankbedryf met die drie grootste brouerye AB InBev, Heineken en Carlsberg wat almal by samesmeltings en verkrygings betrokke is waarvan SABMiller se oorname deur AB InBev die grootste was. Danksy ons sterk en diverse handelsmerkportefeulje skep dit vir ons geleenthede ten spyte van die groter mededinging. Nog n faktor wat konsolidasie aanhelp is globalisering. Die wêreld se grootste produsente fokus toenemend op die verkoop van hul produkte aan snelgroeiende ontwikkelende lande deur plaaslike produsente (veral van spiritualieë) te koop. Meer intense bemarking, goedkoper verspreidingskoste en minder handelsversperrings het ook die weg gebaan vir konsolidasie. Die grootste internasionale maatskappye diversifiseer hul portefeuljes oor verskeie kategorieë heen, wat konsolidasie verder ondersteun. Mededinging is straf in die markte en kategorieë waarin ons handel dryf. Teen dié agtergrond is ons regdeur die maatskappy besig om verskeie inisiatiewe bekend te stel wat daarop gemik is om n meer vaartbelynde en gefokusde organisasie tot stand te bring. Distell het die afgelope 15 jaar getransformeer van n maatskappy wat deur brandewyn en wyn oorheers is na n maatskappy wat aan sy siders en RTD s gekenmerk word. Ofskoon ons in 2017 meer as 50% van ons volume uit hierdie kategorie verkry het en ons voortgaan om ons investering op hierdie gebied te vergroot speel brandewyn en wyn steeds n sleutelrol in ons groei-doelwitte. Ons pogings die afgelope dekade om Distell in nuwe markte te vestig, werp steeds vrugte af en ons het ons verkoopsmomentum behou selfs nadat die Europese markte begin taan het ná die lewendige vraag van vroeg in die 1990 s. Ons sleutelprestasies die afgelope paar jaar sluit die volgende in: Suid-Afrika: stewige omsetgroei gerugsteun deur groei in markaandeel. Afrika: die KWA Holdings E.A. Limited (KHEAL)- verkryging en die onlangse aankondiging dat ons n 26%-belang verkry het in Best Global Brands, n groeiende hoofstroom-spiritualieëhandelsmerk met n groot en groeiende teenwoordigheid dwarsoor die vasteland. Internasionaal: die integrasie van Burn Stewart Distillers in ons Europese bedrywighede, en sterk groei in Taiwan. Ons prestasies word gerugsteun deur n sterk en gediversifiseerde handelsmerkportefeulje wat wêreldwye gunstelinge soos Amarula Cream, Hunter s, Savanna, Bain s en Scottish Leader insluit handelsmerke wat almal goed vaar in ontwikkelende markte. Die sukses van ons portefeulje is toe te skryf aan die suksesvolle hernuwing van ons sleutelhandelsmerke, die uitsonderlike groei van 4th Street en ander hoofstroomwyne, asook ons groeiende lys toekennings. Suid-Afrika bied n aantreklike hoofstroomgroeigeleentheid. Ons het ons handelsbemarkingsinvestering verhoog om hoofstroom-binneverbruikafsetpunte te ondersteun. Ons het ook geleenthede in die hoofstroom-rtd-mark geïdentifiseer en sal ons bedingingsmag ten opsigte van toegang tot spasie in yskaste en sleutelbemarkings- en verkoopsaktiwiteite soos bemarking- en prysstrategieë inspan om volumes te verhoog. Ons besef egter dat ons blootstelling aan die Suid- Afrikaanse mark n potensiële risiko inhou. Die kredietafgradering, valutaskommelinge en volgehoue politieke en regulatoriese beleidsonsekerheid het n negatiewe uitwerking op sake- en verbruikersvertroue gehad. Om die risiko te versag, het ons n kombinasie van organiese en nie-organiese groeigeleenthede nagestreef om die besigheid uit te brei. Ons nieorganiese strategie fokus hoofsaaklik op die verkryging van groot produksie- en distribusieplatforms in

9 VERKOOPSVOLUMES +0,0% OMSET +3,7% VVRBDA -7,8% aantreklike opkomende markte waarin ons handel dryf, veral in Afrika. Ons glo die diversifisering van ons geografiese voetspoor verminder ons blootstelling aan n enkele mark. BEDRYFSVERTONING IN 2017 Ons drie grootste bedryfstreke, naamlik Suid-Afrika, die res van Afrika en internasionaal, het gemengde resultate gelewer met wisselkoersskommelinge, trae ekonomiese groeitoestande en verhoogde mededinging wat die grootste uitwerking op prestasie gehad het. n Hoogtepunt vir die plaaslike mark was die ommeswaai in brandewynverkope, wat luidens die Suid-Afrikaanse Drankhandelsmerk-eienaarsvereniging (SALBA) volumegroei van 4,7% behaal het gebaseer op vervaardigersdata. Suid-Afrika het prysenswaardige omsetgroei van 7,8% behaal om die bedryfsjaar op R16,5 miljard af te sluit, terwyl volumes met 1,5% gestyg het ten spyte van verhoogde mededinging. Hierdie mark bly onder druk weens n afname in verbruikersbesteding en n kultuur van verlaagde pryse as gevolg van mededingeraktiwiteite. Die Groep se wynportefeulje het nogmaals goeie vergelykbare omset- en volumegroei behaal, terwyl die spiritualieë-portefeulje n hupstoot gekry het danksy n uitstekende vertoning deur Viceroy. Die sider- en RTD-portefeulje het n verbeterde verkoopsmengsel gereflekteer en volumes vir die volle jaar het marginaal gestyg ná n moeilike eerste helfte van die finansiële jaar. Ons handelsmerkportefeulje het in die tweede helfte van die jaar gesonde volumeherstel getoon op die rug van sterk verbruikers- en kliënteveldtogte. Ons het ons leierskapposisie behou met handelsmerke soos Hunter s en Savanna, en Bernini het stewig gegroei danksy die unieke posisionering en inherente aantreklikheid van die handelsmerk. Die prestasie van die res van Afrika buite Suid- Afrika is negatief geraak deur hoofsaaklik die 61,7% volumedaling in Angola histories die Groep se grootste mark op die vasteland (buiten Suid-Afrika). Dit is vererger deur volumeverliese in Tanzanië en swakker groei in Namibië. Ander markte het gemengde resultate behaal, met bemoedigende groei wat in Kenia behaal is. Omset vir die streek het marginaal met 0,1% gedaal, op n volumedaling van 5,2%, en het 50,1% tot buitelandse omset bygedra. Omset uit verkope van die Groep se handelsmerkprodukte in internasionale markte (buiten Afrika) het met 12,1% gedaal en is beïnvloed deur n sterker rand. Die internasionale bedrywighede het egter uitstekende volumegroei van 3,6% aangeteken te midde van hardnekkige stram handelstoestande en in n jaar waarin ons verskeie belangrike roete-na-markveranderinge aangebring het om ons besigheid vir langtermyn-volhoubaarheid te posisioneer. Die sideren RTD-portefeulje het bemoedigende volumegroei van 4,9% behaal, ofskoon vanaf n relatief lae basis. Ons handelsmerke in die wynportefeulje het gemengde resultate behaal met algehele volumes wat 1,4% hoër was as in die vergelykende tydperk. Breedvoerige kommentaar oor Distell se bedryfsvertoning volgens streek is in die prestasieverslae van bladsy 12 tot 20 vervat. VORDERING MET ONS STRATEGIESE AGENDA Ons strategie word gereeld hersien en beide interne en eksterne faktore soos ons vermoë om mee te ding, batedoeltreffendheid, die aantreklikheid van sleutelgeleenthede en die noodsaaklikheid om ons sterkpunte as hefboom te gebruik, word onder die loep geneem. Een van die uitkomste van die mees onlangse oorsig is dat ons drie prioriteite geïdentifiseer het wat die volhoubaarheid van ons markposisies en ons prestasie sal dryf. Kortom, ons gaan: op groei fokus; marges en produktiwiteit verbeter; en ons werkwyse vereenvoudig. Tot dusver het ons die manier van dinge doen tussen ons buitelandse en streekbemarkingspanne suksesvol vereenvoudig sodat ons vinniger kan reageer. Ons het terselfdertyd ons innoveringsvermoë versterk sodat ons gerat is om in ons verbruikers se spesifieke behoeftes te voorsien. Ons het ook goeie vordering gemaak met die vereenvoudiging van ons handelsmerkportefeulje om ons toe te laat om op enkele kernhandelsmerke te fokus en ons vermoë en voortreflikheid in implementering op te bou. Ons het ook ons batebasis en vennootskappe hersien en verskeie besluite geneem wat ten doel het om ons handelsmerkportefeulje te vereenvoudig en ons fokus te verskerp. Hierdie besluite sal n impak op ons batebasis hê en op die gepaardgaande ontwerp- en bedryfsmodel van die 7

10 GENORMALISEERDE VVRBDA UITSLUITEND BUITELANDSE VALUTABEWEGINGS +9,3% WESENSVERDIENSTE -3,6% WESENSVERDIENSTE UITSLUITEND BUITELANDSE VALUTABEWEGINGS +7,4% 8 maatskappy. Ons uitgangspunt is dat ons op n meer gedesentraliseerde manier moet sake doen om vinniger te kan reageer op voortdurend veranderende verbruikers- en mededingende omstandighede in ons prioriteit-marksegmente en -lande. Hierdie veranderinge stem ook ooreen met ons voorneme om die implementering van sleutel inisiatiewe wat ons kliënte en klante raak te verbeter en samewerking aan te moedig. Die vordering wat ons met ons ses strategiese temas gemaak het, word hieronder uiteengesit: Neem die voortou in geselekteerde markte Ons Europese bedrywighede is nou ten volle geïntegreer. Ons het n ten volle funksionele onderneming wat gereed is om vinniger op kliënte se behoeftes te reageer, en oor n wyer Europese voetspoor as ooit tevore. Ons het n sentrale voorsieningspunt en bemarkingsdiensfunksie in Europa gevestig vanwaar ons ons volledige handelsmerkportefeulje, dit wil sê al die wyn-, spiritualieë- en sider-kategorieë, aan ons Europese verspreiders kan lewer. Ons het ook ons eie verkoopstruktuur in Brittanje gevestig met die doel om n heelwat sterker teenwoordigheid in dié mark te vestig. Die finale fase van integrasie is om al die stelsels te integreer en ons is tans besig om dit te finaliseer. Die resultaat is n ten volle geïntegreerde Europese sakeeenheid met verbeterde diensvlakke in die hele streek. Die verkryging van Burn Stewart in 2013 het ons blootgestel aan die uiters waardevolle en werklik internasionale Skotse whisky-kategorie. Dit het ons ook toegang gegee tot n stewige verspreidingsplatform in die Taiwanese mark. Taiwan bly een van die wêreld se grootste en toonaangewendste spiritualieëmarkte en ons verwag dat dit so sal bly. Dit bly n belangrike element van ons strategie vir die streek en word gerugsteun deur sterk investering in ons handelsmerke. In China is ons besig om strukture volgens n vraaggedrewe benadering te skep. China bied goeie langtermyngeleenthede en ons het n unieke handelsmerkaanbod wat in hierdie mark kan slaag. Ons onderneming in Taiwan gee ons n goeie vastrapplek vanwaar ons n teenwoordigheid in China kan vestig. Afrika het enorme onontginde potensiaal en ons as n maatskappy sien beduidende groeivooruitsigte op middel- tot langtermyn. Die vasteland huisves van die snelgroeiendste markte vir alkoholiese drank, wat aantreklike geleenthede bied om n formele alkoholiesedrankmark op die vasteland te vestig. Ons is van mening dat keuses op die vasteland tot dusver beperk was tot hoofstroombierhandelsmerke. Ons is dus baie optimisties dat die vasteland sterk groeipotensiaal vir ons omvattende handelsmerkportefeulje bied. Verbruikers in dié markte beweeg ook van nie-handelsmerk alkoholiese produkte na handelsmerkprodukte en dit verteenwoordig n reuse geleentheid vir Distell in die hoofstroomsegment van die mark. Ons vertroue in Afrika word weerspieël in die volgende: Naas Suid-Afrika verteenwoordig Nigerië, Angola en Kenia die grootste alkoholmarkte op die vasteland volgens volume. Nigerië is een van die digsbevolkte lande op die vasteland met meer as 182 miljoen mense, met whisky wat n sterk groeisegment is. Kenia, met n bevolking van meer as 47 miljoen, is ook belangrik en sal na verwagting een van die snelgroeiendste ekonomieë in Afrika wees, gedryf deur snel verstedeliking en sterk per capita-inkomstegroei in die grootste stede oor die volgende dekade. Die spiritualieësegment is die snelgroeiendste segment in Kenia se alkoholiesedrankbedryf. Ons meerderheidsbelang in KHEAL sal aan ons belangrike bedingingsmag gee ten opsigte van verspreiding, produksie en roete-na-mark-platforms in Oos-Afrika. Dit word gekomplementeer deur ons onlangse verkryging van n 26%-belang in Best Global Brands, n markleier in Angola met n sterk plaaslike platform, en n groeiende plaaslike teenwoordigheid in Nigerië en ander lande soos Kenia en Zambië. Ons handelsmerkportefeulje is uniek saamgestel om verbruikers n keuse te bied, van bekostigbare tot premium handelsmerke, van wyne en spiritualieë tot RTD-kategorieë. Baie min rolspelers in die alkoholiesedrankmark het die vermoë om so n omvattende portefeulje wat soveel verskillende

11 GENORMALISEERDE WESENSVERDIENSTE PER AANDEEL +7,2% GROEI IN TOTALE BATES +2,7% NETTO KONTANT GEGENEREER DEUR BEDRYFSAKTIWITEITE +14,6% kategorieë en verbruikersegmente dek aan verbruikers te bied. Skep ikoniese en voortreflike handelsmerke Ons handelsmerkaanbod berus op ons vermoë om n wye verskeidenheid internasionale en streekshandelsmerke te skep wat mense by verskillende geleenthede byeen bring en inspireer. Dit is veral relevant in n omgewing waar verbruikers onder druk verkeer en hulle hul moontlik na goedkoper alternatiewe kan wend op soek na outentieke en direkte interaksie met vertroude handelsmerke. Om ons handelsmerke van ander te onderskei, is ons afhanklik van die spesialisondersteuning van ons intrinsieke ontwikkelingspanne wat uit bedryfspesialiste met jare se gesamentlike ondervinding in die bedryf bestaan. Dié spesialisspanne werk nóú saam met ons innovation centre of excellence om nuwe en innoverende idees na die mark te bring en speel n sleutelrol om te verseker dat ons aanhou om bekroonde wyne, spiritualieë, siders en RTD-produkte te produseer. Van die vernuwings wat ons die afgelope jaar in die mark bekend gestel het, was Hunter s Edge, Savanna Loco (die beperkte uitgawe-rtd), Klipdrift Ngqo, J.C. Le Roux se Vibrazio-reeks en die nuwe Amarula Cream-verpakking wat deur n wêreldwye olifantbewaringsveldtog ondersteun word. Ons gaan voort om ons verbruikersbasis uit te brei deur nuwe verbruikers te werf en na die wynkategorie te lok deur middel van handelsmerke soos Bernini en 4th Street. Ons vermoë om voortreflike handelsmerke te skep word ook weerspieël in die sukses van sommige van ons handelsmerke soos 4th Street, wat nou n miljard rand se wynhandelsmerk is en wat deur die International Wine and Spirit Research (IWSR) as die wêreld se snelgroeiendste wynhandelsmerk aangewys is. Ons handelsmerke geniet ook steeds internasionaal erkenning deur die talle toekennings, trofeë en eerbetone wat hulle inpalm, wat die gehalte, waarde en aantreklikheid van dié produkte onder die aandag van n wyer verbruikersgehoor bring. Amarula Cream, die naasgrootste roomlikeur ter wêreld, het n goue toekenning by die 2017 San Francisco World Spirits Competition verower. Die handelsmerk sit sy stewige vertoning voort met dubbelsyfergroei in die VSA. Amarula Cream se verpakking is ook heeltemal vernuwe en word gerugsteun deur n omvattende bemarkingsveldtog om die handelsmerk se aantreklikheid onder sy verbruikersbasis te verhoog. Nederburg se prestasie weerspieël steeds die wyer aanloklikheid wat die wyn onder verbruikers geniet. Die handelsmerk het stewige herstel in die Suider- Afrikaanse en Europese markte getoon en ryg steeds die toekennings in. The Anchorman Chenin Blanc 2016 het n platinummedalje by die Decanter World Wine Awards 2017 ontvang as die beste Suid-Afrikaanse Chenin Blanc. Besit die laaste myl Ons het ons mededingende posisie versterk deur ons eie roete-na-mark-platforms in geselekteerde geografiese gebiede te ontwikkel, en deur n netwerk vennootskappe te vestig om ons markpenetrasie te verhoog en kliëntediensvlakke te verbeter. In Suid-Afrika het ons n verkoopspan wat meer as markafsetpunte besoek dit is twee-derdes van die gelisensieerde drankafsetpunte in Suid-Afrika en dek formele binneverbruik-, buiteverbruik- en hoofstroomkanale. Ons het ons batebasis vanjaar hersien om die optimale groepering van ons vervaardigings- en verspreidingsfasiliteite te bepaal in al die markte waarin ons handel dryf. Die hersiening van ons batebasis het ons batekeuse gedefinieer en het verskeie veranderinge aan ons verspreidingsooreenkomste, die ligging van fasiliteite asook toekomstige investeringsprioriteite tot gevolg gehad. Ons vorder fluks met die implementering van die uitkomste. In Afrika het ons ons roete-na-mark ooreenkomstig plaaslike produksievermoëns ingerig. Ons is ook besig met die transformasie van ons Afrika-bedrywighede om volhoubare omsetgroei te verseker, gebaseer op plaaslik vervaardigde of uitgekontrakteerde verpakking en mededingend geprysde hoofstroomhandelsmerke. Dit word deur n gedesentraliseerde organisatoriese struktuur ondersteun. Ons het veranderlike vergoedingstrukture vir die verkoopspan bekend gestel om toepaslike gedrag en fokus aan te moedig wat in pas is met ons groei- 9

12 10 aspirasies. Ons gaan ook voort om n verkoopsvermoë en handelsmerkondersteuning te vestig in elke land waarin ons handel dryf, en wel deur die oordrag van vaardighede en investering in ons mense. Ons brei ons teenwoordigheid in Afrika en geselekteerde internasionale markte uit deur verkrygings of vennootskappe. Byvoorbeeld: In Kenia besit ons n meerderheidsbelang in KHEAL, wat ons belangrike bedingingsmag gee t.o.v. verspreidings-, produksie- en roete-namarkplatforms in Oos-Afrika. Ons het vennootskappe in Angola gevestig en beoog om ons produksie-, verspreidings- en roete-na-markvermoëns in die land verder uit te brei. Ons vennootskap met Terlato in die VSA is goed op dreef en ons is ingenome met die gehalte van die bestuurspan wat ons aangestel het. Sedert ons ons verspreidingsreëlings in die sleutelstate waarin ons handel dryf gekoördineer het, is ons besig om sterk vermoëns te bou om ons fokushandelsmerke in die mark te groei. Ons sien reeds bemoedigende tekens vir ons Amarula Cream en ons is vol vertroue dat ons die prestasie van ons oorhoofse whisky-portefeulje vorentoe beduidend sal verbeter. Ons het agt internasionale verkoopskantore wat geleenthede ondersoek om verspreiding te verhoog en wat verkoop- en bemarkingstrukture vestig, handelsmerke verkry en gesamentlike ondernemings identifiseer. Laasgenoemde sluit byvoorbeeld die onlangse gesamentlike onderneming met Haisheng in China in. Streef na voortreflikheid Strategiese inisiatiewe om marges te verbeter, doeltreffendheid te verhoog, betroubaarheid te verhoog en gehalte te verbeter het vanjaar kostebesparing van meer as R500 miljoen teweeggebring. Dit het die sentralisering van die verkrygings- en vervoerfunksies ingesluit terwyl ons internasionale beste praktyke geïmplementeer en dienslewering aan ons kliënte verbeter het. Ons pogings om n meer betroubare, meer vaartbelynde en meer aanpasbare voorsieningsketting tot stand te bring was tot dusver dinamies en lewer meetbare resultate. Ons onlangs opgeknapte fasiliteit op Springs, ons grootste produksie-aanleg, is n model vir volhoubare besparings en doeltreffendheid. Die fasiliteit spog met n reeks nuwe groentegnologieinnoverings wat die volgende insluit: n kwp fotovoltaïese (PV) sonkragfasiliteit wat die afgelope jaar kwh opgewek het en wat die potensiaal het om in spitsproduksie tot 35% van die aanleg se elektrisiteitsbehoeftes te voorsien. Dit verminder ons afhanklikheid van tradisionele kragbronne en dra by tot ons pogings om ons koolstofvoetspoor teen 2020 met 25% te verminder. Ons is besig met die oprigting van n nuwe afvalwaterbehandelingsaanleg vir die generering van biogas/metaan as n byproduk van die behandelingsproses, wat gebruik kan word om elektrisiteit mee op te wek terwyl sowat 200 miljoen liter water per jaar behandel kan word. Ons het ons siderbotteleringsaanleg uitgebrei met die aanleg wat nou ook gistings- en versnydingsfasiliteite insluit. Die uitbreidings sluit die installering van n CO 2 -herwinningsfasiliteit in. Gedurende die oorsigjaar het CO 2 -herwinning met 59,6% gestyg. Ons het ook n nuwe afvalwaterbehandelingsaanleg op Stellenbosch geïnstalleer. Dié aanleg genereer hernubare biogas terwyl dit sowat 200 miljoen liter water per jaar behandel. Dit is een van verskeie inisiatiewe wat daarop gemik is om ons afhanklikheid van openbare waterbronne te verminder. Verwys asseblief na ons volhoubaarheidsverslag vir volledige besonderhede oor hierdie projekte. Ons strewe na voortreflikheid het vanjaar erkenning gekry toe Distell n top-eerbewys by die Massmart Supplier Environmental Awards ontvang het. Die toekennings verleen erkenning aan Distell se verbintenis tot en uitstekende prestasie in die implementering van omgewingsvolhoubare sakepraktyke. Namate die maatskappy groei en die besigheid meer gesofistikeerd raak, sal ons sukses direk gekoppel wees aan ons vermoë om voortdurend te innoveer. Kerf die toekoms uit Ons het verkoops- en bemarkingsakademies in Suid-Afrika tot stand gebring om n pyplyn van bedryfsverwante vaardighede te verseker, en gaan voort om uitstekende vordering te maak met ons verkoopspandoeltreffendheidsprogram, wat tans in ander markte uitgerol word. Dit sal kliëntediensvlakke en die gehalte van ons bemarkingsen verkoopsinisiatiewe in n intens mededingende omgewing verbeter. Die omsetbestuursvermoë wat ons verlede jaar in Suid- Afrika ontwikkel het, word nou na ander streke uitgerol. Hierdie beste-in-klas-vermoë kombineer handelsmerk-, verpakkings-, kliënte- en verbruikersinsigte met wetenskaplike prysbestuurshulpmiddels in elke handelsklas, wat ons in staat stel om Distell se omseten margegroei te optimaliseer. Ons omsetgroei en bruto marge-uitbreiding in Suid-Afrika herbevestig die noodsaaklikheid om hierdie vermoë te vestig en te versterk. Om doeltreffend te kan meeding, investeer ons voortdurend in ons stelsels en die kundigheid van ons mense. Ons het ook veranderinge aan ons bedryfsmodel gemaak sodat ons onsself as n hoofstroommaatskappy in ons kernmarkte en -segmente kan posisioneer. Ons het deur SAP afgeskop met die wêreldwye finansiële en ondernemingsrisikobestuursintegrasie en is besig om n internasionale end-tot-end-voorsieningskettinginligtingstelsel te ontwikkel. Een van die belangrikste inisiatiewe om ons kernvermoëns oor die hele waardeketting heen te verbeter, was die integrasie van top-talent uit uiteenlopende agtergronde, en die vernuwing van ons prestasiebestuursprosesse, -stelsels en -belonings.

13 Ons gee om en maak n verskil Ons is daartoe verbind om n maatskaplik- en omgewingsverantwoordelike korporatiewe burger te wees wat omgee en wat met billikheid en integriteit sake doen. Dit sluit die bevordering van veilige en verantwoordelike drankverbruik, sosio-ekonomiese transformasie en etiese gedrag in. Distell is n ondertekenaar van die United Nations (UN) Global Compact en gaan voort om die 10 beginsels daarin te ondersteun deur ons strategie, kultuur en werksaamhede. Ons strategiese temas word ondersteun deur die volgende volhoubaarheidsinisiatiewe, wat in meer besonderhede in die volhoubaarheidsverslag beskryf word: Verantwoordelike drankverbruik Volhoubare gemeenskappe Ontwikkeling van ons mense Transformasie Volhoubaarheid van ons voorsieningsketting Omgewingsvolhoubaarheid Ons het vanjaar ons doel bereik om vlak 4 BBSEBstatus te bereik nadat die Departement van Handel en Nywerheid (dti) die Kodes vir Goeie Praktyk vir BBSEB verander het. Ons is veral trots op ons ondernemingsen verskaffersontwikkelingsinisiatiewe. In die markplek was die Amarula Trust se Name Them, Save Them -veldtog een van ons mees sigbare verbintenisse tot bewaring. Die doel van die veldtog is om bewustheid oor die uitwissing van die Afrikaolifant te kweek spesiaal ontwerpte bottels Amarula Cream is verkoop as n huldeblyk aan die olifante wat in Afrika oor is. Ons gaan voort om die Bedryfsvereniging oor Verantwoordelike Alkoholgebruik (ARA) in Suid-Afrika te ondersteun en werk nóú saam met reguleerders en bedryfsliggame in die ander markte waarin ons handel dryf om die skade te verminder wat met alkoholmisbruik gepaard gaan. Dit word verder ondersteun deur ons hergefokusde korporatiewe investeringsprioriteite. TOEKOMSTIGE VOORUITSIGTE Die vooruitsig op globale ekonomiese groei bly lusteloos te midde van toenemende ekonomiese en politieke onsekerheid. Die laer kommoditeitspryse het steeds n negatiewe uitwerking op BBP-groei in Afrika. In Suid-Afrika neem mededinging toe terwyl groei naby aan resessievlakke is met verbruikersvertroue wat laag bly en wisselkoerse wat onbestendig is. Die voorgestelde drankwetgewing, insluitend beperkings op bemarking en verpakking, die verhoging van die wettige drinkouderdom, strenger etiketteringsvereistes en ander potensiële belastings sal verbruikers se bestedingspatrone en die maatskappy se volhoubaarheid onder druk plaas. Om ons aspirasies onder dié omstandighede te verwesenlik, sal dit nodig wees om die regte strategiese keuses en kompromieë te maak om te verseker dat ons ons beperkte hulpbronne op n verstandige en doeltreffende wyse benut. Dit sal ons in staat stel om n beter balans tussen ons groei- en winsdoelwitte te vind. Ons neem besluite wat ons sal toelaat om ons besigheid meer stroombelyn te maak en ons fokus te verskerp. Ons investeer ook in inisiatiewe wat ons sal toelaat om ons doeltreffendheid te verbeter, die kapasiteitsbenuttingsvlakke van ons fasiliteite te verhoog en ons kostebasis te verlaag. Ons sal ook voortgaan om nie-organiese groeigeleenthede te soek wat ons sal toelaat om die sterkte, aantreklikheid en diversiteit van ons handelsmerke as hefboom in ons gekose speelveld te gebruik. Ons besef dat Distell sy teenwoordigheid buite Suid-Afrika moet uitbrei en ook dat ons verbeterde vermoë om in verskillende markte handel te dryf, n bepalende faktor vir ons toekomstige sukses sal wees. Ons is optimisties dat daar steeds goeie geleenthede bestaan om n moderne, doeltreffende en gediversifiseerde alkoholiesedrankonderneming in wyne, spiritualieë en sider te bou wat suksesvol kan meeding en volhoubare waarde en opbrengs aan al ons belanghebbendes kan lewer. ERKENNINGS Die veerkragtigheid van ons mense het n goeie prestasie tot gevolg gehad ten spyte van interne veranderings en eksterne uitdagings. Ons het voortgegaan om ons sleutel- organisatoriese veranderingsinisiatiewe ooreenkomstig ons korporatiewe strategie deur te voer, terwyl ons na hoër standaarde en verhoogde vlakke van innovering gestreef het. Ons werknemers het weereens bewys dat hulle gewillig en in staat is om die uitdagings te takel en het ons mees ambisieuse verwagtinge oorskry. Dit is hierdie positiewe, energieke ingesteldheid wat ons vordering en groei dryf terwyl ons in die behoeftes van n snelveranderende en toenemend mededingende globale handelsomgewing voorsien. Ek is trots op wat ons bereik het, en ek wil graag my dank uitspreek teenoor ons eksterne direksie, die uitvoerende komitee, direkteure, bestuurders en personeel dat hulle ons korporatiewe visie gedeel het en vir hulle passie en toewyding om n sterk vertoning in n voortdurend veranderende wêreld te lewer. Ons kliënte en hulle verwagtinge is ons belangrikste prioriteit. Ons vermoë om hulle te behaag sal die rede vir ons toekomstige sukses bly. RM Rushton Groep besturende direkteur Stellenbosch 30 Augustus

14 PRESTASIE VOLGENS MARK: SUID-AFRIKA W Bührmann BESTURENDE DIREKTEUR: SUIDER-AFRIKA 12 Distell se vertoning kan toegeskryf word aan n buigsame benadering en die voordele van n diverse handelsmerkportefeulje wat op verskillende mark- en verbruikersegmente en uiteenlopende verbruiksgeleenthede gemik is. SUID-AFRIKA: OORSIG Die jaar is gekenmerk aan verskerpte korporatiewe aksie in die Suid-Afrikaanse dranksektor na afloop van AB InBev se verkryging van SABMiller, die ontbinding van brandhouse en verskeie kleiner transaksies, wat inderwaarheid die dinamika en mededingende posisies van die grootste rolspelers verander het. Die intenser mededinging wat daarop gevolg het, het uitgespeel teen die agtergrond van n ekonomie wat in n resessie gedompel is, die afgradering van Suid-Afrika se staatskuld en beleidsonsekerheid. Luidens die Buro vir Ekonomiese Navorsing het groei in verbruikers se reële besteebare inkomste sedert 2015 skerp gedaal, met BBPgroei wat in 2016 op die laagste vlak sedert 2009 was. Ten spyte van die vertraging in groei was verbruik van nie-duursame goedere en dienste betreklik bestendig, gegewe die baie lae vlakke van verbruikersvertroue en moeiliker toegang tot krediet. Verbruikers se reaksie op hierdie faktore sluit in om bekostigbare hoofstroomhandelsmerke, kleiner verpakkingsgroottes of waarde-vir-geld-verpakkings te kies, of om na ander kategorieë te skuif wat volgens hulle beter waarde bied. Namate die repertoire van produkte wat mense koop gekrimp het, het prysmededinging die mark oorheers. Distell het n buigsame benadering gehandhaaf en voortgegaan om voordeel te put uit n diverse handelsmerkportefeulje wat op verskillende mark- en verbruikersegmente en uiteenlopende verbruiksgeleenthede gemik is. Ons gedesentraliseerde benadering was van kritieke belang vir ons taktiese reaksies, met die winssentrums in elke streek wat in die beste posisie was om die breër portefeulje aan te pas by die verbruikersvraag, hetsy verbruikers hulle tot goedkoper of duurder alternatiewe gewend het. In ons tuismark het ons gedempte volumegroei van 1,5% behaal, terwyl omset met 7,8% gestyg het. Volumegroei is hoofsaaklik gedryf deur die goeie vertoning in die spiritualieë-kategorie, terwyl die wynmark sy markaandeel effens vergroot het met n marginale verlangsaming in 4th Street se verkope. Daarteenoor het totale drankverkope in Suid-Afrika gedurende die tydperk met 0,4% gestyg. Die verkoopspersoneeldoeltreffendheidsprogram was n sleutelbemagtiger in n mededingende mark, met die program wat nou versnelde vaardigheidsontwikkeling inkorporeer. Die ontwikkeling van verkoopspersoneel se vaardighede is n deurlopende proses en word deur sterk aansporings ondersteun wat op prestasiekriteria en sterk bestuur gegrond is. Die fokus was eerder op bedryfsverbeterings as op verdere penetrasie, en derhalwe die stabilisering van ons nuwe bedryfsmodel en verbeterde implementering. Daarvan getuig die goeie verkoopsmomentum wat in die hoofmark gehandhaaf is. Omdat handelsbemarkings- en verkoopsvaardighede van kritiese belang is vir die afdeling, het ons vanjaar twee akademies tot stand gebring een vir verkope en een vir bemarking. Die akademies verskaf formele onderrigstrukture, insluitend e-leerprogramme, om n volhoubare en bevoegde vaardigheidspoel te verseker. Groei is verder ondersteun deur verbeterings aan ons verspreidingsvermoë, insluitend die herontwerp van roetes en samestelling van ons voertuigvloot, wat doeltreffendheid verhoog en deurlopende kostebesparings meegebring het. Ons sal voortgaan om maniere te vind om ons diensaanbod aan ons kliënte te verbeter. Hoewel ons ons investeringsprogram in yskaste by verkoops- en verbruikspunte voortgesit het, het die oorheersende posisie van sommige rolspelers in die mark ons vordering gekniehalter. Die gesondheid van ons handelsmerke is ons vernaamste prioriteit, en dit word ondersteun deur deurlopende handelsmerkuitbouingsinisiatiewe en -vernuwings. Ons het die afgelope jaar ook ons leerlingskapprogram uitgebrei met die fokus wat op swart vroue val. Die leerlingskapprogram vir swart vroue is n ontwikkelingsprogram oor 18 maande wat ons vroulike werknemers bemagtig en ontwikkel. Meer as 30 swart vroulike werknemers, oorwegend kliëntedienskonsultante, sal uiteindelik die program volg en n NQF 4-kwalifikasie in kliëntebestuur

15 VERKOOPSVOLUMES +1,5% GETAL WERKNEMERS OMSET +7,8% HANDELSMERK WAT BESTE PRESTEER (VOLUME) Bernini BYDRAE TOT GROEPOMSET 74,3% HANDELSMERK WAT BESTE PRESTEER (WAARDE) Viceroy verwerf. Die program bied n breë insig in bemarkings- en handelsmerkbestuursbeginsels. Dit ontwikkel praktiese bevoegdheid in verkoops- en onderhandelingsvaardighede, promosietegnieke, optimale kliëntebevrediging, die hantering van kliënteklagtes, en vir n pos in verkope en bemarking. Dit behandel ook aspekte van nakoming en wetlike oorwegings. Tot dusver het 14 leerders gekwalifiseer, met n verdere 18 wat op finale SETA-moderering wag. Ons bly verbind tot transformasie en korporatiewe maatskaplike investering en ons skakel proaktief met belanghebbendes om binneverbruikfasiliteite in ons gemeenskappe te normaliseer. Lees meer oor ons inisiatiewe in die volhoubaarheidsverslag. Ons het ook goeie resultate behaal ten opsigte van kostebesparings en doeltreffendheid wat teweeggebring is danksy n toename in die inruil van leë bottels, veral van 660 ml Hunter s-bottels wat in kratte verpak is. Dit sal tot verdere rasionalisering lei wat daarop gemik is om die aantal bottelvorms te verminder en daar word beplan om die model in Namibië te implementeer. Lees meer hieroor in die volhoubaarheidsverslag. SIDERS EN RTD S Die siderkategorie in gekonfronteer met aggressiewe mededinging van goedkoper alternatiewe, nuwe toetreders tot die mark en produkvernuwings in n jaar waarin die kategorie lustelose volumegroei getoon het. Ons sider- en RTD-portefeulje het n volumedaling in die eerste helfte van die jaar ervaar, maar in die tweede helfte stewig herstel met volumes wat met meer as 7% gegroei het op die rug van sterk kliënte- en verbruikersveldtogte. Dit het n geringe volumegroei vir die volle jaar tot gevolg gehad, en gesorg dat Distell sy leiersposisie behou het met handelsmerke soos Hunter s en Savanna. Ons siders en RTD s is sterk handelsmerke met relevansie waarvan die gewildheid steeds toeneem danksy gefokusde en geteikende kommunikasieveldtogte. Die bekendstelling van Savanna se tequila-gegeurde Loco in 2016 is verder uitgerol om n 500 ml-formaat in te sluit. Dié vindingryke variasie is selfs beter as verwag in die handel ontvang en het die handelsmerk se verbruiksgeleenthede uitgebrei. Verkope van die oorspronklike produkte in die reeks, wat in n verskeidenheid groottes te koop is, groei steeds en dien om handelsmerkgesondheid verder te verbeter. Edge, wat deur Hunter s onderskryf word, is in April 2017 bekend gestel as n innoverende nuwe drankie wat verfrissende natuurlike sider met regte hopsekstrak kombineer. Edge sal deur n afsonderlike handelsmerkveldtog ondersteun word wat in Augustus 2017 uitgerol word. Ons oorspronklike Hunter s-handelsmerk het die Start something -veldtog bekend gestel: n platform vir aspirerende Suid-Afrikaanse musikante wat hul loopbane n hupstoot wil gee. Aangesien Hunter s die ideale drankie is om sosiale geleenthede mee af te skop het die veldtog die funksionele aspek van die handelsmerk suksesvol verbind met die emosionele behoefte van jong Suid-Afrikaners om iets te begin in hul lewens. Bernini, wat in n blikkieformaat bekend gestel is, het stewig vertoon met volumes wat sedert 2014 meer as verdriedubbel het. Bernini se sukses is n voorbeeld van verbruikersgeleide groei en momentum n langlewende handelsmerk wat gewild is in Suid-Korea en wat onlangs ontdek is deur n oorwegend vroulike segment van die Suid-Afrikaanse mark wat dit as hul voorkeurdrankie aangeneem het. Bernini se smaak en prys en geleentheidsprofiel as n premium reg-om-te-drink druifgebaseerde vonkeldrankie is die perfekte pasmaat vir dié segment, en dit was die dryfkrag wat die handelsmerk op sy onlangse groeitrajek geplaas het. WYNE Luidens die IWSR bly Distell wat volume betref die Suid-Afrikaanse markleier in natuurlike-, gefortifiseerde en vonkelwyne. Terwyl die gefortifiseerde segment in 2016 gekrimp het, het die natuurlike- en vonkelsegmente gedempte groei getoon, met Distell wat besonder bemoedigende markaandeel in natuurlikewyn gegroei het. Dit is gestu deur die volgehoue dubbelsyfer verkoopsgroei wat 4th Street behaal het, selfs al het handelsmerkvolumes n tendens van stadiger groei begin toon. Die IWSR het 4th Street aangewys as die wynhandelsmerk wat die beste groei ter wêreld behaal het en dit in die 29ste plek op die wêreldranglys geplaas. Die handelsmerk het sedert sy bekendstelling in 2009 fenomenale groei behaal, veral as in aanmerking geneem word dat dit slegs in Suid-Afrika en sekere Afrika-lande versprei word. Terwyl dit op nuwe verbruikers in die kategorie gemik is, het 4th Street n nuwe generasie wynverbruikers gelok waarvan sommige nou gereed is om wyne in ander style en prysvlakke op die proef te stel. 13

16 14 Hierdie verskuiwing het handelsmerke soos Drostdy-Hof bevoordeel. Die nuwe Drostdy-Hof-verpakking is goed in die mark ontvang. Verdere bemarkingsinisiatiewe in die wynkategorie sluit die nuwe BIB-bekendstelling vir Two Oceans in. Ons het ons leiersposisie in die vonkelwynkategorie deur House of J.C. Le Roux versterk deur die bekendstelling van n nuwe, droër reeks vonkelwyne, Vibrazio, wat gemik is op vroue in die hoofmark wat n droër, gesonder styl verkies. Verskeie ander handelsmerke wat ook tot die stewige omsetgroei bygedra het, was Tassenberg, Original Paarl Perlé en Autumn Harvest Crackling, wat n toonbeeld is van Distell se deskundigheid in hierdie segment van die mark. Volgens die IWSR is die penetrasie van stedelike en landelike areas deur die kettingdrankwinkels n sleutelfaktor wat wynverkope die afgelope drie jaar gestu het. Dit word bevestig deur ons handelsmerke se verhoogde volumes in die hoofmark, wat ondersteun word deur inisiatiewe om ons kliënte doeltreffender te diens. Ofskoon ons premium, spesialiswynhandelsmerke nie dieselfde momentum as ons meer hoofstroomwynhandelsmerke gehandhaaf het nie, het handelsmerke soos Durbanville Hills, Nederburg, Two Oceans en J.C. Le Roux goeie vordering gemaak. SPIRITUALIEË n Hoogtepunt vir die jaar was die brandewynkategorie se vertoning, wat n ommeswaai getoon het en die afgelope jaar positief gegroei het te midde van n afname in verkope wêreldwyd en 10 jaar van stagnasie in Suid- Afrika. Die totale spiritualieë-kategorie in Suid-Afrika het die afgelope vyf jaar met 2% gegroei, met Viceroy wat vanjaar een van die leiers in die brandewynkategorie was. Ons glo die brandewynkategorie se herstel kan toegeskryf word aan die handelsmerk se vertroude posisie: dit het goeie intrinsieke eienskappe wat goeie waarde teen n bekostigbare prys bied, en dit het n uitstekende kwaliteitsrekord waarvan sy vertoning by plaaslike en internasionale kompetisies getuig. Klipdrift se groei in omset en ekwiteit was te danke aan gefokusde pogings om die handelsmerk te herposisioneer vir n jong, hoofstroomgehoor met die oog daarop om Klipdrift Export se volume en waardeaandeel in die hoofstroomkanale te groei en om verlore verkoopsvolumes van Klipdrift Premium te herwin. Dit het n TV-advertensie, Headshake, ingesluit wat verbruikers in die Millward Brown AdReaction Video-studie aangewys het as een van die tien beste en mees geliefde 1 van 5 top-drankadvertensies op televisie wêreldwyd Adforum TOEKENNING advertensies. Benewens n reeks kommunikasieveldtogte en aktiverings is die beperkte uitgawe, reg-om-te-drink Ngqo-handelsmerk bekend gestel. Die naam is ontleen aan die Zulu-woord wat slaan die spyker op die kop beteken. Die herposisionering van ons spiritualieë-portefeulje aan die premiumkant van die mark het vanjaar n hupstoot gekry met die verkryging van n 75%-belang in Cruz Vodka n wit spiritualieëhandelsmerk wat ons bestaande handelsmerkaanbod komplementeer in een van die snelgroeiendste spiritualieë-kategorieë in Suid- Afrika. Die Cruz Vintage Black Vodka het verskeie goue medaljes by gerekende internasionale kompetisies soos die Londen Vodka Masters, Consumer Choice Awards USA, SIP Awards USA en Fifty Best in New York ingepalm. Die handelsmerk is vroeg in Mei 2017 as deel van die Distell-portefeulje bekend gestel. Ons jenewerhandelsmerke het nog n jaar van sterk dubbelsyfergroei aangeteken met Gordon s Gin, die naasgrootste handelsmerk in die plaaslike wit spiritualieëkategorie, aan die spits. Ons whisky-volumes het die afgelope jaar gedaal, wat in pas is met die tendens in die Suid-Afrikaanse whiskykategorie. Dit is gedeeltelik teëgewerk deur die bekendstelling van Scottish Leader 12-jaaroud in Suid- Afrika en ons investering in handelsmerkgesondheid en teenwoordigheid in die toepaslike marksegmente. Amarula Cream is steeds die markleier in die roomlikeurkategorie en geniet sterk ondersteuning van die Name Them, Save Them -veldtog, wat voortbou op die handelsmerk se simboliese verbintenis met olifante. Die veldtog het n nuwe bottelvorm en n spesiale uitgawe van geïndividualiseerde etikette ingesluit. Nog n Amarula Cream-vernuwing is geïnspireer deur verbruikers se versugting dat daar n doel moet wees agter die handelsmerke wat hulle kies: om die stroping van Afrika se olifante onder die vergrootglas te plaas, het ons onlangs die ikoniese olifant van die etiket verwyder en n nuwe veldtog, Don t Let Them Disappear, van stapel gestuur. VOORUITSIGTE Ons verwag dat die handelsomgewing in Suid-Afrika straf sal bly. Ons handelsmerkportefeulje is egter gerat om veerkragtige omsetgroei te lewer en markaandeel te wen. Ons is veral vol vertroue dat versnelde distribusiegroei ons in staat sal stel om Hunter s Edge, wat onlangs bekend gestel is, se handelsmerkpenetrasie te versnel en momentum op te bou. Ons hoofstroomwynhandelsmerke behoort verdere stewige groei te behaal namate verbruikers na nuwe kategorieë skuif en alternatiewe handelsmerke op die proef stel. Ons sien ook uit na toekomstige groei in die brandewynkategorie. Ons is besig om ons bestaande kliënteverhouding te verstewig deur middel van verbeterde, gesamentlike besigheidsbeplanning met die doel om n holistiese diens aan kliënte te lewer.

17 15

18 PRESTASIE VOLGENS MARK: AFRIKA D Hegland BESTURENDE DIREKTEUR: AFRIKA 16 Ons fokus vir Afrika bly om volhoubare groei te versnel deur weldeurdagte investering in end-tot-end roete-tot-mark-platforms. RES VAN AFRIKA: OORSIG Na nog n uitdagende jaar dwarsoor die vasteland van Afrika is dit belangrik om te verseker dat ons gefokus bly op ons visie om volhoubare groei te versnel. Die besigheid is verbind tot die geleenthede wat Afrika bied, met projeksies wat groei in die verbruik van verbruikersgoedere en die gevolglike positiewe implikasies vir die drankmark steun. Hierdie volgehoue groei sal behaal word deur sowel organiese as nie-organiese kanale wat ons model mettertyd fundamenteel sal verskuif van grotendeels uitvoergebaseer na n model van end-tot-end plaaslike teenwoordigheid in sleutelmarkte. Daar is steeds beduidende geleenthede om Distell se portefeuljekundigheid aan te wend in hoofstroomwyne, spiritualieë en RTD s, insluitend fokus op die Groep se globale handelsmerke. Die sleutelmarkte is steeds Angola, Nigerië, Kenia, Tanzanië, Mosambiek, Zambië en Ghana. Die finansiële jaar is gekenmerk deur voortdurende ekonomiese onstuimigheid dwarsoor die vasteland, met kommoditeite steeds onder druk. Laer inkomste uit olie en koper is vererger deur geldeenheiddevaluasies en tekorte. Wat die politiek betref, het verkiesings in baie van ons markte verdere ontwrigting en onsekerheid veroorsaak, tesame met beleidsveranderinge wat tot verdere uitdagings vir groei gelei het. Belastingseëls, beperkings op verpakkings en ongunstige aksynsverhogings het deurgaans n impak gehad. Reklamebeperkings bly n besprekingspunt in baie markte. Die totale volume vir die streek was 5,2% laer as die vorige jaar, met omset wat n geringe daling van 0,1% toon, gesteun deur selektiewe prysverhogings en die verkryging van n verdere 26,43% in KHEAL. Ten spyte van beduidende kostebesparings was VVRB 4,4% laer as in die vorige jaar, grootendeels as gevolg van n swak vertoning deur geassosieerdes, veral Tanzania Distilleries Limited (TDL). Die grootste uitwerking van ekonomiese en beleidsuitdagings was in Angola, Tanzanië en Mosambiek. Nieteenstaande hierdie uitdagings word positiewe momentum opgebou in Nigerië, Ghana, Zimbabwe en die Demokratiese Republiek van die Kongo (DRK). Angola het nog n moeilike jaar beleef, met dalende volumes en omset. Die mark was onder druk van hiperinflasie, lae valutalikiditeit en sterker mededinging van plaaslike produsente. Die valutalikiditeituitdagings maak dit uiters moeilik om positiewe resultate met die uitvoermodel te behaal. Gevolglik het ons suksesvol begin met die plaaslike produksie van blikkies vir een van ons sleutelhandelsmerke, Esprit, wat mettertyd aangehelp sal word deur n botteleringsfasiliteit vir wyn en sider. Kenia word hoofsaaklik deur ons belang in KHEAL bedien, met n sterk end-tot-end-vermoë en gediversifiseerde portefeulje. In die loop van die jaar het ons n verdere 26,43%-belang in KHEAL verkry, en ons het nou meerderheidsbeheer (52,43%). As Kenia se voorste vervaardiger en verspreider van spiritualieë, wyn en RTD s sal KHEAL baat vind by nog nouer samewerking en verdere versnelling van ons pogings om te groei. In die verslagdoeningsjaar is gemengde resultate behaal, en die plaaslike handelsmerke Kibao, Kingfisher en Caprice het onder druk gekom. Planne is in werking gestel om hierdie handelsmerke te herposisioneer, met vroeë positiewe tekens. Daar was ook uitstekende prestasies deur die handelsmerke Hunter s Choice en Viceroy, waar die span die nuwe Viceroy 10 later in die jaar suksesvol bekend gestel het. In die geheel gesien is ons ondanks die volume-uitdagings bemoedig deur die algemene margeverbeterings en die vordering wat met die ontwikkeling van nuwe groei-inisiatiewe behaal is. In Tanzanië, waar ons n minderheidsbelang in TDL het, het n verbod op die verkoop van sachets, n belangrike bydraende verpakkingsformaat, die besigheid kwaai geknou. Die skuif na alternatiewe verpakkingsformate is aan die gang en TDL se bestuur is bemoedig deur die hersteltempo en projekteer herstel van winsvlakke op medium termyn. Werk gaan ook voort vir die ontwikkeling van portefeulje-uitbreidings om n terugkeer na volhoubare groei op lang termyn te verseker. Nigerië het, ondanks ekonomiese en valutalikiditeitsuitdagings, bestendige groei in volumes en omset getoon danksy verbeterde roete-na-mark-

19 VERKOOPSVOLUMES -5,2% GETAL WERKNEMERS 481 OMSET -0,1% GROOTSTE RTD- HANDELSMERK (VOLUME EN WAARDE) Hunter s BYDRAE TOT GROEPOMSET 12,9% GROOTSTE PREMIUMWYNHANDELSMERK (VOLUME EN WAARDE) Nederburg vermoë, hoewel dit nog op n uitvoerplatform is. Die sleutelhandelsmerke Amarula Cream, Drostdy- Hof, Nederburg, Savanna en 4th Street toon almal bemoedigende tekens. Ons verwag dat hierdie tendense sal voortduur, met die potensiaal om ons voetspoor in die mark eksponensieel te vergroot en terselfdertyd planne vir plaaslike produksie te voltooi. Ghana het later in die jaar positiewe winsgewendheid getoon danksy n gunstiger aksynsbedeling vir siders, terugkeer na n uitvoermodel en die implementering van roete-na-mark-veranderinge via gesteunde sleutelverspreiders. Goeie vertonings is gelewer deur die sleutelhandelsmerke 4th Street, Drostdy-Hof en Nederburg. Mosambiek het belastingseëls in sekere kategorieë ingestel, wat bedryfskomplikasies en korttermynvraaguitdagings veroorsaak het terwyl die mark aanpas. Ten spyte van hierdie laat uitdagings het Mosambiek die begrote VVRB vir die jaar behaal, en die sleutelhandelsmerke Savanna en Fleur du Cap het goed gevaar. Zambië was die bespresterende mark vir die jaar, met volume, omset en VVRB wat almal begrotingsverwagtinge oortref het. Die komende implementering van belastingseëls hou soortgelyke risiko s as Mosambiek in, en voorbereiding is aan die gang om die impak te versag, insluitend plaaslike produksie, verkope en verspreiding wat in die land besit en beheer word. Botswana, Lesotho, Namibië en Swaziland het saam goeie groei in omset behaal, al verkeer Namibië onder kwaai ekonomiese druk. Botswana het bevredigend gevaar, ten spyte van die hoë belasting op ingevoerde produkte en aksynsreg. Wynvolumeverkope in die streek het besonder goed gevaar, gelei deur 4th Street en Tassenberg. Ander handelsmerke wat goeie groei behaal het, sluit in Savanna, Viceroy, Gordon s Gin, Klipdrift en Mellow-Wood. In die res van die vasteland is gemengde resultate behaal op n suiwer handelsbasis, met goeie laat herstel in Sentraal-Afrika en Zimbabwe. VOORUITSIGTE Moeilike handelstoestande in die meeste van ons prioriteitsmarkte sal na verwagting op kort termyn voortduur, maar Distell bly verbind tot die geleenthede wat Afrika bied. Dit is van kritieke belang om volhoubare groei te versnel en skaal te skep deur die ontwikkeling van endtot-end roete-na-mark-vermoë in sleutelmarkte, sodat ons die sterk gediversifiseerde portefeulje van wyn, spiritualieë, siders en RTD s kan gebruik om verkope te dryf. Toegewyde groei sal deur organiese en nie-organiese inisiatiewe gelewer word, met weldeurdagte investering in distribusiestrukture. Ons onlangse verkryging van 26% van die gewone aandele in Best Global Brands Limited (BGB), wat die snelgroeiende hoofstroomspiritualieëhandelsmerk Best in lande dwarsoor Afrika besit, vervaardig en versprei, steun ons doelwit om ons hoofstroomspiritualieëplatform op die vasteland uit te brei. Beduidende voordele sluit in verkrygingsinergieë, n sterk en gevestigde roete-na-mark-vermoë en hoë gehalte plaaslike produksiefasiliteite. Wat toekomsprojeksies betref, word groei ingefaseer volgens beplande investerings in Kenia, Angola, Nigerië, Tanzanië, Mosambiek, Zambië en Ghana. GROOTSTE SPIRITUALIEËHANDELSMERK (VOLUME EN WAARDE) Amarula Cream SNELGROEIENDSTE HOOFSTROOMWYNHANDELSMERK (VOLUME EN WAARDE) 4th Street 17

20 PRESTASIE VOLGENS MARK: INTERNASIONAAL S Nathan BESTURENDE DIREKTEUR: INTERNASIONAAL 18 In die internasionale markte was ons strategie om sekere van ons handelsmerke na die premiumsegment van die mark te verskuif n sterk prestasiedrywer, wat nuwe binneverbruiklystings gelewer het en die mengsel van produkte wat verkoop word verbeter het. INTERNASIONALE MARKTE BUITE AFRIKA Die internasionale afdeling het in die meeste streke sterk resultate opgelewer en markaandeel gehandhaaf en in sommige gevalle vergroot ondanks flou groeitoestande wêreldwyd en voortdurende ekonomiese en politieke onsekerheid. Totale verkoopsvolumes het met 3,6% gestyg, gesteun deur volumegroei in Europa, die Asië-Pasifiese streek, Latyns-Amerika en reiskleinhandel. Noord-Amerika het egter volumedalings in sowel die VSA as Kanada beleef. Ons strategie om sekere van ons handelsmerke na die premiumsegment van die mark te verskuif was n sterk prestasiedrywer, wat nuwe binneverbruiklystings gelewer het en die mengsel van produkte wat verkoop word verbeter het. Ons het vanjaar hoofsaaklik op voortgesette investering in toekomstige groei vir Distell gefokus, met spesifieke fokus op die optimalisering van ons roete-na-mark-kanale en gesamentlike ondernemings. Amarula Cream was steeds n steunpilaar van die internasionale portefeulje, met 11,4% groei ondanks volumedalings in die internasionale roomlikeurkategorie. Die Name Them, Save Them -veldtog, wat in 2016 van stapel gestuur is met die doel om bewustheid oor die beskerming van Afrika-olifante te skep, het verdere momentum gekry met die bekendstelling van spesiale-uitgawebottels vroeg in Die nuwe Jabulani-bottel het n Gold Travel Retail Excellence-toekenning op die 2016 Drinks International Travel Retail-toekennings verower, wat verdere bewustheid vir die handelsmerk meegebring het. Ons mededingende voordeel in internasionale markte bly die diversiteit van die Distell-portefeulje in drie kategorieë met sterk handelsmerke soos Amarula Cream, Nederburg en Bunnahabhain. Ons het n verskeidenheid internasionale en multi-land handelsmerke op verskillende prysvlakke, met verskeie verbruikersegmente en verbruikskgeleenthede as teiken. Siders en reg-om-te-drink-drankies het goed gevaar namate die voordele van ons gefokusde investering in Brittanje en China na hierdie kategorie begin deurvloei het. Volumes het met 4,9% gegroei en omset (beïnvloed deur wisselkoers skommelinge) het met 7,0% gedaal. Wynvolumes vir die afdeling was stagnant en omset het gedaal as gevolg van die wisselkoersimpak. Spiritualieë se fundamentele groei was sterk, met n totale volumestyging van 6,4%; omset is egter negatief geraak deur die wisselkoers en het met 9,1% gedaal. Die SAP-stelsel is gedurende die jaar na Brittanje en Taiwan uitgerol die twee streke waar ons verkoopsen produksiefasiliteite het. Dit was n uitdagende proses, maar dit sal n geïntegreerde begrotings-, voorspellings-, finansiële verslagdoenings- en bestuursproses met verbeterde akkuraatheid en doeltreffendheid teen 2018 tot gevolg hê. EUROPA Europa het algemene volumegroei getoon ondanks gemengde resultate uit die verskillende markte. In Brittanje is die impak van Brexit baie erg gevoel deur die devaluasie van die pond, wat 37,3% van ons valutablootstelling uitmaak. Omset het met 13,9% gedaal maar het sywaarts beweeg op n genormaliseerde basis. Die Britse wynmark het weer groei begin toon na nege jaar van volgehoue daling. Distell is goed geposisioneer om munt te slaan uit hierdie toename in vraag, aangesien ons nou ons eie bemarking- en verkoopspan in dié mark gevestig het sodat ons ons kliënte beter kan diens. Vroeë suksesse sluit in nuwe lystings vir n meer gefokusde portefeulje. Volumegroei is verder gesteun deur n groter fokus op binne-verbruiksverkope, wat ooreenstem met ons strategie om sekere van ons handelsmerke na die premiumsegment van die mark te verskuif.

21 VERKOOPSVOLUMES +3,6% GETAL WERKNEMERS 411 OMSET -12,1% HANDELSMERK WAT BESTE PRESTEER (VOLUME) Amarula Cream BYDRAE TOT GROEPOMSET 12,8% HANDELSMERK WAT BESTE PRESTEER (WAARDE) Durbanville Hills Die nuwe verkoopspan sal ook die groei van n nuwe verspreidingsvennootskap met Angostura in Brittanje ondersteun. Vanaf Julie 2017 gaan Distell hulle voorste internasionale handelsmerke in bitters en rum versprei, wat ons portefeulje sal versterk. In die Nordiese mark krimp die Suid-Afrikaanse wynkategorie steeds en ons volumes verkeer onder druk in hierdie mark; ons portefeulje het egter markaandeel in die SA kategorie gewen danksy gefokusde pogings van ons verspreidingsvennoot. In Duitsland toon ons portefeulje n bemoedigende skuif na premiumprodukte, met die sterkste volumegroei vir handelsmerke soos Amarula Cream, Nederburg en Two Oceans. Nederburg het sy premiumwynvennootskap met Team Dimension Data en Qhubeka as deel van die World Bicycle Relief-program in Suid-Afrika voortgesit ten bate van fondsinsameling deur professionele fietsry. Een van die mylpale sedert die begin van die borgskap in Januarie 2016 was die vestiging van n fietsmonteerfasiliteit by Nederburg in die Wes-Kaap, wat deur die Wes-Kaapse regering gesteun word. Dit het kapasiteit om n minimum van stewige, doelgeboude fietse te monteer. Die span het in Julie 2017 aan die Tour de France deelgeneem en sodoende Nederburg se aansien verder verhoog. ASIË-PASIFIESE MARKTE Die streek se ekonomieë bly taamlik robuus en Distell se volumes het met 2,8% gestyg maar omset het met 3,7% gedaal. Die vertoning van whisky was steeds uitsonderlik, en Scottish Leader het nou n markaandeel van 13,1% in sy kategorie in Taiwan, die sewende grootste Skotse whiskymark ter wêreld. As n onbetwisbare leier in hierdie mark kon die handelsmerk sy markaandeel vergroot in n krimpende versnitwhiskykategorie. Verkope in Taiwan is verder aangehelp deur n groter portefeulje van wyne en RTD s wat deur n aansienlik verbeterde roete-na-mark aangebied word. Ons verwag om ons momentum in hierdie mark te versterk na die uitrol van n verkoopspersoneeldoeltreffendheidsprogram vroeg in die volgende finansiële jaar. In Australië het ons die verspreiding van Savanna uitgebrei, en ons fokus nou daarop om ons whisky- en wynvolumes in Indië te groei. Thailand, Viëtnam en Korea bly verdere fokusmarkte. In China gaan ons voort om vordering met ons vennootskap met China Haisheng Juice Holdings Company te monitor. NOORD-AMERIKA Verenigde State Verkope van alkoholiese drank in die VSA het stagnant gebly, en bier, sider en gemengde drankies het gekrimp, terwyl die mark vir spiritualieë met 2,5% gegroei het. Distell se gesamentlike onderneming met die Terlato Wine Group, TD Spirits, wat vroeg in 2016 gevestig is, bou die teenwoordigheid van ons spiritualieëportefeulje uit in n ontvanklike mark, terwyl ons ook wynverkope deur Terlato Wine Group se verspreidingsnetwerk bevorder. Ons het n weldeurdagte strategie om ons handelsmerke staat vir staat te bevorder, met deeglike konsolidasie en die optimalisering van ons handelsmerkportefeulje. Ons bou kapasiteit in verkope, verspreiding en bemarkingbestuur, en ons sien die vroeë voordele wat uit ons vennoot se reputasie en skaal voortvloei. Ons is baie optimisties oor ons vooruitsigte in die VSA. Kanada Two Oceans, Distell se voorste handelsmerk in hierdie mark en die topverkoper standaardpryswyn in Ontario, het volumes gehandhaaf, terwyl Nederburg en Amarula Cream hulle groeitendens voortgesit het. Verspreidingswinste vir ons enkelmoutwhiskies is bemoedigend. Wysigings aan provinsiale drankhandelregulasies is aangekondig en sal na verwagting rompslomp verminder, buigsaamheid verhoog en nuwe handelsgeleenthede bied. Latyns-Amerika Die politieke en ekonomiese omgewing in Latyns- Amerika is effens gunstiger vir verbruikers as n jaar gelede, en vroeë tekens van groei is bemoedigend. 19

22 Durbanville Hills en Nederburg het dwarsdeur die streek sterk gegroei, met wynvolumes wat 37,9% hoër is terwyl omset met 29,5% gestyg het. Ons verwag n verdere toename in hierdie verkope in 2018, veral in Brasilië, wat Distell se grootste uitvoerbestemming in die streek is. REISKLEINHANDEL Distell se uitstekende vertoning in hierdie kanaal is hoofsaaklik aan Amarula Cream en Nederburg te danke. Ons gefokusde portefeulje en gestroomlynde bestuur van hierdie kanaal het resultate gelewer wat ons voorneme ondersteun om ons handelsmerke in hierdie mark te vestig en uit te bou. VOORUITSIGTE Die internasionale afdeling behou sy fokus op geleenthede in die premiumwhiskymark, en op Amarula Cream en ons premiumwynhandelsmerke, terwyl verseker word dat ons RTD-investerings in Brittanje, China, Latyns-Amerika en Suidoos-Asië op koers bly en teikens haal. Nuwe inisiatiewe en investering sal gemik wees op handelsmerkuitbouingsaktiwiteite vir ons kernhandelsmerke. Ons sal voortgaan om nie-organiese groeigeleenthede deur gesamentlike ondernemings, verkrygings of samesmeltings in al die streke te ondersoek, terwyl ons sal voortgaan om ons uitvoere te groei en te verfyn met die regte portefeulje en die beste mense en vennote in die markte wat ons teiken. Ofskoon ons verwag dat handelstoestande veeleisend sal bly, verwag ons positiewe momentum uit ons strategie om sekere van ons handelsmerke na die premiumsegment van die mark te verskuif, asook ons nuwe verspreidingsvennootskappe. Ek is besonder trots op die sterk onderliggende vertoning van die internasionale afdeling ondanks die negatiewe valutakwessies wat die afgelope jaar ondervind is. 20

23 21

24 VERSLAG DEUR DIE GROEP FINANSIËLE DIREKTEUR LC Verwey GROEP FINANSIËLE DIREKTEUR SKEP WAARDE Ons uiteindelike bestuursdoelwit is om waarde vir alle belanghebbendes te skep. Ons strategiese prioriteite is daarop gemik om Distell te transformeer deur ons vermoë te verbeter om met toonaangewende multinasionale groepe mee te ding. Ses strategiese temas vorm die hoeksteen van ons strategiese reis. Die verwesenliking van ons missie en die bereiking van ons langertermynaspirasies hang in n groot mate af van die suksesvolle implementering van hierdie strategiese inisiatiewe. Elkeen van hierdie strategiese temas en hul bemagtigende strategiese inisiatiewe is dus nou verweef met ons finansiële waardedrywers. Investering om ons groeiteikens te verwesenlik sluit die volgende inisiatiewe in, aangetoon ooreenkomstig die Groep se strategiese prioriteite: STRATEGIESE PRIORITEITE FINANSIËLE WAARDEDRYWERS WAAROP DIT N IMPAK HET SKEP AANVRAAG VOORSIEN IN AANVRAAG Inisiatiewe Omset Bruto wins Bedryfsuitgawes Neem die voortou in geselekteerde markte Skep ikoniese en voortreflike handelsmerke Besit die laaste myl Streef na voortreflikheid Kerf die toekoms uit Investering om plaaslike roete-na-mark-strukture in sleutel-afrika-markte te vestig X X X Groei ons wyn- en spiritualieë-uitvoere na die VSA, Brasilië, Kanada, die VK, Duitsland, Taiwan en China X X X X Herstruktureer ons bedryfsaktiwiteite in Asië, insluitend die gesamentlike onderneming met Haisheng, vir die produksie en verspreiding van sider in China X X Groei en beskerm ons kernportefeulje in Suid-Afrika en skep unieke produkaanbiedinge X X X X Versterk ons verkoops-, distribusie- en bemarkingsvermoë in ons fokusmarkte X X Optimaliseer ons voorsieningsketting- en bestuursinligtingstelsels om beide operasionele en kostedoeltreffendheid te verbeter X X X Desentraliseer ons bedryfsmodel en vorm ons kultuur om behendiger en meer verantwoordbaar en bemagtig te wees X X Streef na deurbraak-innoverings X X Versterk ons korporatiewe reputasie, beïnvloed reguleringsbeleid en implementeer wêreldklas volhoubaarheidspraktyke X X Ons gee om en maak n verskil 22 Hierdie investering word gemonitor as deel van die betrokke bestuurspanne se prestasieteikens en het ten doel om Distell se mededingendheid ten opsigte van die lewering van volhoubare omset- en winsgroei op mediumtermyn te verhoog. Ons gebruik n waardegebaseerde bestuursraamwerk om ons prestasie te meet en hulpbronne te allokeer. Die sleutelkomponente van waarde wat gemeet word, is: Omset Verdienste voor rente, belasting, depresiasie en amortisasie (VVRBDA) Winsgewendheid soos gemeet deur VVRBDA-marge Investering en batedoeltreffendheid Vryekontantvloei Opbrengs op belegging

25 Three Ships 10-year-old Single Malt 2005 Vintage Beste SA Versnitwhisky ter Wêreld 2017 World Whiskies Awards TOEKENNING FINANSIËLE HOOFTREKKE MARGES R m % verandering 2017 % 2016 % Omset ,7 Bruto wins (4,5) 33,1 35,9 VVRBDA ,7 13,0 13,4 VVRBDA, uitsluitend valutabewegings ,3 13,3 12,6 Bedryfswins (2,0) 10,7 11,3 Netto wins na belasting (0,0) 7,2 7,5 Wesensverdienste (3,6) Wesensverdienste, uitsluitend valutabewegings ,4 Vryekontantvloei ,8 Nota: Genormaliseer Ons gebruik n reeks sleutelprestasieaanwysers (SPA s) finansieel sowel as nie-finansieel om ons prestasie te meet en ons vordering te monitor en om by veranderings in die eksterne omgewing aan te pas. SPA s is in ons korttermynaansporingskema ingesluit om n meetbare skakel na strategiese inisiatiewe en die korporatiewe strategie te verskaf, en is opgedeel in teikens op korporatiewe, besigheidseenheid- en funksionele ondersteuningspan-vlak. Die volgende gewigte word aan teikens toegeken: 60% gewig vir die bereiking van finansiële teikens 40% gewig vir die suksesvolle implementering en bereiking van strategiese inisiatiewe. Die volhoubare waarde wat vir ons aandeelhouers geskep word, word die beste gemeet deur Totale Aandeelhouersopbrengs (TAO), n kombinasie van die styging in die aandeleprys en dividende oor die medium tot langer termyn betaal. Distell het oor n tydperk van sewe jaar n TAO van 14,6% per jaar behaal. Beloning aan aandeelhouers Konstante dividendtoekenning Totale opbrengs aan aandeelhouers SJGK: 7 jaar = 14,6% Dividend 295c 256c 256c 90,0 256c 236c 65,5 71,5 55,0 46,0 335c 121,9 DO van 2,5% 379c 379c 346c 337c 167,0 161,8 140,0 137,0 Aandeleprys Die afgelope 10 jaar het die Groep R59,8 miljoen kontant aan belanghebbendes uitgekeer 59% Regering 25% Werknemers 10% Aandeelhouers 6% Teruggehou om groei te befonds P/V 9,8 11,6 14,0 15,0 18,9 22,9 19,4 25,4 22,0 18,9 23