MATZIKAMA MUNISIPALITEIT NOTULE RAADSVERGADERING

Transcription

1 MATZIKAMA MUNISIPALITEIT NOTULE RAADSVERGADERING 30 MAART 2017

2 1 MATZIKAMA MUNISIPALITEIT NOTULE VAN RAADSVERGADERING GEHOU OP DONDERDAG, 30 MAART 2017 OM 10:00 IN DIE MUNISIPALE RAADSAAL, VREDENDAL TEENWOORDIG : RAADSLEDE: Rdl (me) G Stephan Rdl A Sindyamba Rdl (me) AFK Job Rdl WD Loff Rdl RJ Nutt Rdl NS Louw Rdl PG Bok Rdl (me) M Carosini Rdl MV Cloete Rdl (me) J de Jongh Rdl DD Jenner Rdl (me) AW Links Rdl WH Nell Rdl (me) NM Ngobo Rdl XP Tshetu : Uitvoerende Burgemeester : Uitvoerende Onderburgemeester : Burgemeesterskomiteelid : Burgemeesterskomiteelid : Burgemeesterskomiteelid : Speaker AMPTENARE: Mnr DP Lubbe Mnr GRJ Seas Mnr W Conradie Mnr D Engelbrecht Mnr LJ Phillips Mnr JI Swartz Me M Nel Me P Budaza : Munisipale Bestuurder : Direkteur Finansiële Dienste : Direkteur Korporatiewe Dienste : Wnde Direkteur Publieke Werke en Basiese Dienste : Direkteur Ontwikkeling en Stadsbeplanningsdienste : Direkteur Gemeenskapsdienste : Sekretariaat : Tolk

3 2 ONDERNEMING SOOS BENODIG DEUR OUDITEUR-GENERAAL VAN SUID-AFRIKA Ek, Daniël Petrus Lubbe, Rekenpligtige Beampte van die Matzikama Munisipaliteit, verklaar hiermee dat die inhoud van die items soos voorgelê in die agenda, na my wete die ware feite verteenwoordig. DP LUBBE MUNISIPALE BESTUURDER 24 MAART 2017

4 1 OPENING 3 Die Munisipale Bestuurder verwelkom almal by die vergadering en Rdl P Bok open die vergadering met gebed. 2 AANSOEKE OM VERLOF TOT AFWESIGHEID Geen. 3 GOEDKEURING VAN NOTULES VAN VORIGE VERGADERINGS 3.1 Notule van Spesiale Raadsvergadering gehou op 22 Februarie RAADSVERGADERING: 30 MAART 2017 Rdl R Nutt noem dat die tegnologiese probleem wat veroorsaak het dat daar geen klankopname van die Spesiale Raadsvergadering van 22 Febuarie 2017 is nie, onaanvaarbaar is en versoek administrasie dat dit nie weer gebeur nie, maar dat die geskrewe notules van die vergadering wel sodanig reg is. Rdl WH Nell noem dat hy aanstoot neem dat daar geen klankopname van die betrokke raadsvergadering is nie, veral omdat hy persoonlik in die vergadering aangeval is en dat daar ondersoek ingestel moet word waarom die klanksisteem nie gewerk het nie en bevraagteken ook me A Dippenaar se afwesigheid by hierdie vergadering. Rdl DD Jenner vra of n forensiese ondersoek kan bepaal of die klanksisteem gewerk of nie gewerk het nie. Die Munisipale Bestuurder, mnr DP Lubbe noem dat die Direkteur Korporatiewe Dienste, mnr W Conradie n ondersoekverslag oor die aangeleentheid by hom ingedien het, dat me A Dippenaar afwesig is aangesien sy af siek geboek is en dat hy by mnr Conradie seker gemaak het dat die klankstelsel getoets is en nou wel werk. Op voorstel van rdl P Bok, gesekondeer deur rdl WD Loff word Dat bogenoemde notule bekragtig word. 4 VERKLARINGS EN / OF MEDEDELINGS DEUR DIE SPEAKER Die Speaker meld dat n skoonmaakprojek in wyke 3 en 4 te Vredendal begin het waarby skole en die publiek betrokke is, dat ander wyke sal volg en verdere inligting daaroor verskaf word. Rdle WH Nell en NM Ngobo noem dat dit n fout was om betrokke wyksraadslede nie te betrek of in besluite oor die projek te ken nie. Rdl XP Tshetu verneem by die Speaker dat die publiek vir die projek betaal het en noem aan rdl Ngobo dat dit nie nodig was om betrokke raadslede te ken nie. Die Speaker noem dat hy bloot n mededeling gedoen het, dat n vergadering in April gehou sal word waarby alle rolspelers betrek sal word en dat n bespreking hieroor nie nodig is nie.

5 4 Die ANC raadslede versoek n koukus om 11:23 en die vergadering hervat ongeveer om 11:30. Die Speaker laat nie verdere bespreking hieroor toe nie. 4.1 Briewe van dank: Geen. 4.2 Funksies vir die maand: Geen RAADSVERGADERING: 30 MAART 2017 Dat kennis geneem word. 5 VERKLARINGS EN / OF MEDEDELINGS DEUR DIE UITVOERENDE BURGEMEESTER Die Burgemeester bedank die munisipaliteit vir die blomme wat sy na haar knie-operasie ontvang het en versoek dat direkteure die GOP vergaderings wat volgende week begin, bywoon. RAADSVERGADERING: 30 MAART 2017 Dat kennis geneem word. 6 ONDERHOUDE MET AFVAARDIGINGS 6.1 Voorlegging oor Community Workers Programme (CWP): Mnr Naym Daniels van die Dhadhla Stigting namens Departement Koöperatiewe Regering en Tradisionele sake ( COGTA ). Mnr Craig Mitchell en me Patience Oor van die Provinsiale Departement van Plaaslike Regering sal ook teenwoordig wees. RAADSVERGADERING: 30 MAART 2017 Mnr Naym Daniels van die Dhadhla Stigting doen n slideshow aanbieding oor die Community Workers Programme (CWP) by Matzikama Munisipaliteit aangeheg as Bylae A op bladsy 54 tot 68 (van hierdie notule). Verskeie raadslede vra hoedat die program prakties geïmplementeer word, byvoorbeeld hoedat die program en werksgeleenthede geadverteer gaan word, hoedat die werknemers aangestel en betaal gaan word, wanneer die projek gaan begin, of die fondse van COGTA vir die projek deur die munisiapliteit gekanaliseer gaan word, of alle wyke gaan baat vind en of die 500 werksgeleenthede per jaar na 1000 werksgeleenthede per jaar in die toekoms vermeerder kan word en spreek hul ondersteuning vir die projek uit.

6 5 Mnr Daniels en die Munisipale Bestuurder, mnr Lubbe antwoord dat die program en werksgeleenthede in die plaaslike koerante en op alle kennisgewingborde en webtuiste van die munisipaliteit geadverteer sal word, dat n komitee vir die program saamgestel gaan word om die aanstellings en sake van die program te help bestuur, dat die beplanning van die projek in April 2017 gaan begin, dat die fondse nie deur die munisipaliteit gekanaliseer gaan word nie, dat slegs 5 wyke aanvanklik gaan baat vind en dat die 500 werksgeleenthede per jaar na 1000 werksgeleenthede per jaar in die toekoms vermeerder kan word. Hulle verduidelik ook dat dit nodig is dat die raad die projek goedkeur en moet besluit oor watter 5 wyke aanvanklik baat kan vind. Die raad aanvaar eenparig die volgende besluit: Dat - 1. die Community Workers Programme (CWP) vir 500 betrokke tydelike werksgeleenthede per jaar vir Matzikama Munisipaliteit goedgekeur word. 2. die raad tydens die volgende Burgemeesterskomiteevergadering sal besin oor watter wyke deur die program gaan baat vind. 3. die raad kennis neem van die wyse waarop die Community Workers Programme (CWP) by Matzikama Munisipaliteit geïmplementeer gaan word. 4. die Munisipale Bestuurder as champion van die program namens die munisipaliteit op die programkomitee dien. 7. VERSLAE 7.1 NOTULE VAN BURGEMEESTERSKOMITEEVERGADERING VAN 21 FEBRUARIE 2017 EN VAN GESAMENTLIKE ARTIKEL 80 KOMITEES VERGADERING VAN 14 FEBRUARIE Maandverslae aan Burgemeesterskomitee Bladsy Verslag van Munisipale Bestuurder Verslag van Direktoraat Ontwikkeling en Stadsbeplanningsdienste Verslag van Direktoraat Korporatiewe Dienste Verslag van Direktoraat Publieke Werke en Basiese Dienste Verslag van Direktoraat Gemeenskapsdienste Verslag van Direktoraat Finansiële Dienste Verslag oor Omgewingsgesondheidsdienste (Weskus Distriksmunisipaliteit) Notule van Gesamentlike Artikel 80 komitees vergadering gehou op 14 Februarie 2017 Bladsy Mandaat en funksionering van die Artikel 80 komitees om die Uitvoerende Burgemeester by te staan NUWE SAKE VIR OORWEGING DEUR DIE RAAD Bladsy Goedkeuring van 2017 tot 2022 konsep Geïntegreerde Ontwikkelingsplan Vestiging van n interregerings bestuurs- en projek komitee en die wysiging van die goedgekeurde Ruimtelike Ontwikkelingsraamwerk, 2014 van Matzikama Munisipaliteit 24-27

7 Konsep kapitaal- en bedryfsbegroting 2017/2018 (MTREF 2017/ /20) Wysiging van beleid: Karavaan-/ kampeerstaanplekke en chalets in Matzikama munisipale gebied Halfjaarlikse prestasie evaluasie verslag van Artikel 57 bestuurders Verlenging van diensooreenkoms met Matzikama Dierebeskerming Aanvaarding van Weskus Distriksmunisipaliteit se Geïntegreerde Kusbestuursprogram vir die Weskus-area Verslapping van sekere beperkende voorwaardes opgelê in n titelakte van n grondeenheid mscoa implementering Die verteenwoordiging van raadslede op SALGA se provinsiale werkgroepe en n raadslid op die Provincial SALGA womens commission Afgevaardigde na die 33ste algemene jaarvergadering van die LA aftreefonds: 26 Mei

8 7. VERSLAE NOTULE VAN BURGEMEESTERSKOMITEEVERGADERING VAN 21 FEBRUARIE 2017 EN VAN GESAMENTLIKE ARTIKEL 80 KOMITEES VERGADERING VAN 14 FEBRUARIE MAANDVERSLAE AAN DIE BURGEMEESTERSKOMITEE VERSLAG VAN DIE MUNISIPALE BESTUURDER 1. Ouditkomitee: Aangeheg as Bylae A op bladsy 1 tot 4 is n notule van die Ouditkomiteevergadering wat plaasgevind het op 14 Desember VOORGELÊ VIR KENNISNAME BURGEMEESTERSKOMITEE: 21 FEBRUARIE 2017 Rdl A Sindyamba vra oor punt 6.2 van bogenoemde notule vervat op bladsy 4 van Bylae A wat handel oor die voorlê van die organogram. Die Munisipale Bestuurder, mnr DP Lubbe noem dat die konsep nuwe organogram van Agitominds ontvang is en aan die volgende Ouditkomiteevergadering beskikbaar gestel sal word. Hy noem ook dat dit weer met die vakbonde gekonsulteer gaan word en dat beoog word om dit aan die einde van Mei 2017 aan die raad voor te lê vir goedkeuring. Dat kennis geneem word. VOORGELÊ VIR KENNISNAME RAADSVERGADERING: 30 MAART 2017 Die Burgemeester, rdl G Stephan vra oor mev Groenewald wat volgens bladsy 1 van die Bylae en notule van die Ouditkomiteevergadering nie die vergadering bygewoon het nie, maar wel as teenwoordig in die notule aangetoon word. Die Munisipale Bestuurder, mnr DP Lubbe noem dat Mev Groenewald wel die vergadering bygewoon het en dat die notule van die Ouditkomiteevergadering sodanig reggestel is. Dat kennis geneem word.

9 VERSLAG VAN DIE DIREKTORAAT ONTWIKKELING EN STADSBEPLAN- NINGSDIENSTE 1. Bouplanne: Aangeheg as Bylae B op bladsy 5 tot 7 is statistieke van goedgekeurde bouplanne met aanduiding van oorskryding waar van toepassing ten opsigte van November 2016 tot Januarie Goedkeuring van grondgebruikveranderingsaansoeke: Gedelegeerde bevoegdhede is aan die Munisipale Bestuurder verleen om aansoeke ingevolge die Ordonnansie op Grondgebruikbeplanning, 1985 (No 15 van 1985) en aan die Authorised Official verleen om aansoeke ingevolge die Matzikama Municipality: Land Use Planning By-Law, goed te keur. Die aansoeke goedgekeur / afgekeur deur beide die Munisipale Bestuurder en Authorised Official vir die tydperk vanaf Oktober 2016 tot Januarie 2017 was soos volg: ERF NR DORP/ EIENAAR TIPE GOEDGEKEUR/ DATUM AREA AANSOEK AFGEKEUR Oktober 2016 Vergunningsgebruik vir n Pl 245/1 Vanrhynsdorp & afwyking van boulyn CG & CF toeristefasiliteit Bessinger (restaurant/kroeg, gastehuis) Goedgekeur 13/10/2016 Erf 341 Lutzville DE Thomas Afwyking vir n gastehuis Goedgekeur 28/10/2016 Erf 671 Louis Rood PJ & GM Vermeulen Afwyking van n boulyn Goedgekeur 28/10/2016 November 2016 Erf 114 Doringbaai RT & A Ebersohn Afwyking van n boulyn Goedgekeur 15/11/2016 Perseel 212 Pl 384/218 Olifantsriviernedersetting PD Carstens Afwyking van n boulyn Goedgekeur 16/11/2016 Vanrhynsdorp Doornrivier Trust Afwyking vir n leengroef Goedgekeur 30/11/2016 Erf 626 Lutzville G & JJ Waldeck Afwyking van n boulyn Goedgekeur 30/11/2016 Erf 1079 Lutzville C & M Owies Afwyking van n boulyn Goedgekeur 30/11/2016 Erf 312 Vredendal Wes-Kaap Regering (Laerskool Vredendal) Afwyking van n boulyn Goedgekeur 30/11/2016 Geen Geen VOORGELÊ VIR KENNISNAME Desember 2016 Januarie 2017 BURGEMEESTERSKOMITEE: 21 FEBRUARIE 2017 Dat kennis geneem word. VOORGELÊ VIR KENNISNAME

10 9 RAADSVERGADERING: 30 MAART 2017 Dat kennis geneem word.

11 VERSLAG VAN DIE DIREKTORAAT KORPORATIEWE DIENSTE 1. Biblioteke: 10 Aangeheg as Bylae C op bladsy 8 tot 13 is verslae oor die ledetal, sirkulasiesyfers en aktiwiteite ten opsigte van die biblioteke ten opsigte van November 2016 tot Januarie Menslike Hulpbronbestuur: Aangeheg as Bylae D op bladsy 14 is n verslag oor diensbeëindigings, bevorderings en aanstellings van personeel ten opsigte van Oktober tot Desember VOORGELÊ VIR KENNISNAME BURGEMEESTERSKOMITEE: 21 FEBRUARIE 2017 Rdl A Sindyamba verwys na bladsy 14 van Bylae D en verneem of die vakante Superintendent (Verkeer) pos, geadverteer is. Die Munisipale Bestuurder, mnr DP Lubbe bevestig dat die pos geadverteer is. Dat kennis geneem word. VOORGELÊ VIR KENNISNAME RAADSVERGADERING: 30 MAART 2017 Dat kennis geneem word.

12 VERSLAG VAN DIREKTORAAT PUBLIEKE WERKE EN BASIESE DIENSTE 1. Watermonsters: 11 Die uitslag van watermonsters word maandeliks deur die Omgewingsgesondheidsdienste van Weskus Distriksmunisipaliteit geneem en indien daar probleme is, word dit uitgewys. Die Direkteur Tegniese Dienste skenk aandag aan enige probleme uitgewys en neem ook watermonsters vir bakteriologiese ontleding. Alle uitslae is by die Direkteur Tegniese Dienste beskikbaar en word ook opsommend in die Omgewingsgesondheidmaandverslae van Weskus Distriksmunisipaliteit (sien item ) hanteer. 2. Siviele werke: Aangeheg as Bylae E op bladsy 15 tot 17 is verslae ten opsigte van straat-, water- en rioolwerke ten opsigte van November 2016 tot Januarie Elektrisiteitswerke: Aangeheg as Bylae F op bladsy 18 tot 23 is verslae ten opsigte van kragonderbrekings, nuwe diensaansluitings, voorafbetaalde meteromskakelings, toetsmeters en stroomveranderinge ten opsigte van November 2016 tot Januarie Die gewone instandhouding op elektriese toerusting is gedoen. Aansluitings en afsnyding van wanbetalers is gedoen. Kabels is uitgewys, substasie-onderhoud is gedoen en kwotasies is op aanvraag gegee. VOORGELÊ VIR KENNISNAME BURGEMEESTERSKOMITEE: 21 FEBRUARIE 2017 Rdl WD Loff verwys na bladsy 74 van Bylae P waar gemeld word dat die watermonsters van Ebenhaeser, Koekenaap en Klawer nie aan die SABS 241 vereiste voldoen het nie. Die Direkteur Publieke Werke en Basiese Dienste, mnr JD Pekeur noem dat die munisipaliteit ook hul eie watermonsters neem en het die watermonsters wel aan die vereistes voldoen. Dat kennis geneem word. VOORGELÊ VIR KENNISNAME RAADSVERGADERING: 30 MAART 2017 Rdl NM Ngobo versoek dat strate te Vredendal-Noord, byvoorbeeld Oliver Thambo Straat ook gevee moet word en dat daar met raadslede gekommunikeer word wanneer elektrisiteit afgeskakel word.

13 12 Die Speaker noem dat sodanige versoeke deur die wykskomitees en op hoofdevergaderings aangespreek kan word en die Munisipale Bestuurder, mnr DP Lubbe meld dat munisipale noodnommers aan raadslede verskaf sal word. Rdl WD Loff verneem na die toetsresultate van waterkwaliteit op bladsye 83 en 84 van die Bylae wat toon dat water by betrokke toetspunte nie aan vereistes voldoen het nie. Die Munisipale Bestuurder, mnr DP Lubbe meld dat wanneer sodanige negatiewe toetsresultate vanaf die Weskus Distriksmunisipaliteit ontvang word, die waterpunte dadelik weer deur ons munisipaliteit getoets word en gewoonlik wys ons resultate dan dat die water reg is. Rdl A Sindyamba vra oor die strate van Vredendal wat volgens die verslag op bladsy 15 van die Bylae skynbaar nie gevee word nie en rdl NM Ngobo versoek dat die straatname wat gevee word, gelys moet word. Rdl WH Nell vra dat die betrokke portfolioraadslede op hoogte van sake moet wees om te antwoord want dit lyk vir hom of die strate in Vredendal-Noord nie gereeld gevee word nie. Die Munisipale Bestuurder, mnr DP Lubbe meld dat hy weekliks met die hoofde vergader waartydens sodanige probleme aangespreek word en dat die hoofde ook van nou af een maal per maand met alle wyksraadslede gaan vergader om probleme in die onderskeie wyke aan te spreek. Dat kennis geneem word.

14 VERSLAG VAN DIREKTORAAT GEMEENSKAPSDIENSTE 13 Aangeheg as Bylae G op bladsy 24 tot 33 is verslae van Direktoraat Gemeenskapsdienste oor hul werksaamhede tot Januarie VOORGELÊ VIR KENNISNAME BURGEMEESTERSKOMITEE: 21 FEBRUARIE 2017 Dat kennis geneem word. VOORGELÊ VIR KENNISNAME RAADSVERGADERING: 30 MAART 2017 Rdl WH Nell vra na aanleiding van die Behuising Status Quo verslag op bladsy 30 en 31 van die Bylae vordering met die hofuitspraak oor die betrokke uitsettingsbevel en oor die verkeersdepartement wat die volgens bladsy 26 van die Bylae geen inkomstes vir Februarie en Maart 2017 toon nie. Rdle A Links en WH Nell wys op moontlike rassisme ten opsigte van die beskikbaarstelling van toilette en water in Happy Valley te Vredendal-Noord en rdl XP Tshetu noem van 4 persone wat nie daar plek gekry het nie en ook nie op die waglys nie. Rdl J de Jongh verneem watter magte die wetstoepassingsbeamptes het. Die Direkteur Gemeenskapsdienste, mnr J Swartz noem dat n aparte verslag oor die betrokke uitsettings binnekort aan die raad voorgelê sal word met die nuutste inligting oor die hofuitspraak en wys daarop dat die verkeersinkomsteverslag in die Bylae ten opsigte van Januarie 2017 is en dat latere maande se verslae opgedateerde inligting sal bevat. Hy wys ook daarop dat Happy Valley n tydelike verblyfarea is en noem dat hy kennis neem van die betrokke probleme geopper en daaraan aandag sal skenk. Hy noem ook dat die EPWP Wetstoepassingsbeamptes opleiding gekry het en wel boetes mag uitreik. Dat kennis geneem word.

15 VERSLAG VAN DIREKTORAAT FINANSIËLE DIENSTE /2017 Kapitaalbegroting: 14 Aangeheg as Bylae H op bladsy 34 is die kontantvloeisyfers ten opsigte van bogemelde begroting tot einde Januarie 2017 vir die 2016/2017 finansiële jaar /17 Bedryfsbegroting: Aangeheg as Bylae I op bladsy 35 tot 38 is die werklike inkomste en uitgawes van bogemelde begroting tot einde Desember Debiteure betaalsyfers: Aangeheg as Bylae J op bladsy 39 tot 41 is die debiteure betaalsyfers ten opsigte van November 2016 tot Januarie Masakhaneverslag: Aangeheg as Bylae K op bladsy 42 tot 44 is die Masakhaneverslae ten opsigte van November 2016 tot Januarie Betaling van salarisse en lone: Aangeheg as Bylae L op bladsy 45 tot 48 is die inligting tot Januarie 2017 wat ingevolge Artikel 66 van die Wet op Plaaslike Regering : Munisipale Finansiële Bestuur, Wet No 56 van 2003 ( MFMA ) maandeliks aan die raad voorgelê moet word. Die eerste gedeelte handel oor die vergoeding van vaste personeel sowel as raadstoelaes. Die tweede deel handel oor tydelike lone wat uitbetaal was. 6. Reis- en Verblyfeise van Personeel en Raadslede: Aangeheg as Bylae M op bladsy 49 tot 55 is n lys van die reis- en verblyfeise ten opsigte van November 2016 tot Januarie Uitstaande verpligtinge teenoor krediteure: Aangeheg as Bylae N op bladsy 56 is n lys van uitstaande krediteure soos op 31 Januarie Kontantsituasie: Aangeheg as Bylae O op bladsy 57 tot 59 is n opsomming van die kontantsituasie ten opsigte van November 2016 tot Januarie VOORGELÊ VIR KENNISNAME BURGEMEESTERSKOMITEE: 21 FEBRUARIE 2017 Dat kennis geneem word.

16 VOORGELÊ VIR KENNISNAME 15 RAADSVERGADERING: 30 MAART 2017 Rdl A Sindyamba wys daarop dat daar op bladsy 34 van die Bylae staan dat spreiligte vir die kleinboere te Vanrhynsdorp opgerig is, maar dat die ligte nie werk nie. Rdl WH Nell verneem na rdle Louw en Nutt wat volgens bladsy 51 van die Bylae op een dag met twee voertuie na Piketberg vir raadslidopleiding gery het terwyl hulle saam in een voertuig kon ry. Rdl RJ Nutt verduidelik dat rdl Louw na die raadslidopleiding verder Kaap toe moes ry. Die Burgemeester, rdl G Stephan wys daarop dat me JM Gorden op bladsy 53 van die Bylae verkeerdelik op raadslede se lys van reis en verblyfeise geplaas is en reggestel moet word. Dat kennis geneem word.

17 VERSLAG OOR OMGEWINGSGESONDHEIDSDIENSTE (WESKUS DISTRIKS- MUNISIPALITEIT) Omgewingsgesondheidsdienste gelewer in onderskeie dorpe en plase: Aangeheg as Bylae P op bladsy 60 tot 86 is n verslag ten opsigte van omgewingsgesondheidsdienste wat vanaf November 2016 tot Januarie 2017 in die onderskeie dorpe en plase van Matzikama Munisipaliteit deur die Weskus Distriksmunisipaliteit gelewer is. VOORGELÊ VIR KENNISNAME BURGEMEESTERSKOMITEE: 21 FEBRUARIE 2017 Dat kennis geneem word. VOORGELÊ VIR KENNISNAME RAADSVERGADERING: 30 MAART 2017 Dat kennis geneem word.

18 NOTULE VAN GESAMENTLIKE ARTIKEL 80 KOMITEES VERGADERING GEHOU OP 14 FEBRUARIE MANDAAT EN FUNKSIONERING VAN DIE ARTIKEL 80 KOMITEES OM DIE UITVOERENDE BURGEMEESTER BY TE STAAN (3/1/2/1) 1. DOEL Dat die raad en lede van sogenaamde Artikel 80 komitees om die Uitvoerende Burgemeester by te staan, kennis neem van die mandaat en funksionering van die Artikel 80 komitees van die raad. 2. AGTERGROND Die Raad kan ingevolge artikels 33 en 80 van die Wet op Plaaslike Regering: Munisipale Strukture, No 117 van 1998 (hierna genoem die Wet ) komitees aanstel. Artikel 33 van die Wet handel oor riglyne vir die instelling van komitees en bepaal dat: n Munisipaliteit kan n komitee waarvoor in hierdie Wet voorsiening gemaak word, instel indien (a) die munisipaliteit n soort is wat ingevolge hierdie Wet gemagtig word om n komitee van die verlangde soort in te stel; (b) die instelling van die komitee nodig is met inagneming van (i) die omvang van die funksies en bevoegdhede van die munisipaliteit; (ii) die nodigheid vir die delegasie van daardie funksies en bevoegdhede ten einde die doelmatigheid en doeltreffendheid van hul uitvoering te verseker; en (iii) die beskikbare finansiële en administratiewe hulpbronne van die munisipaliteit om die voorgenome komitee te ondersteun; en (c) in die geval van die instelling van n uitvoerende komitee, die munisipaliteit meer as nege raadslede het. Artikel 80 van die Wet bepaal die volgende: 80. Komitees om die uitvoerende komitee of uitvoerende burgemeester by te staan: (1) Indien n munisipale raad n uitvoerende komitee of n uitvoerende burgemeesters het, kan hy ingevolge Artikel 79, komitees van raadslede aanstel om die uitvoerende komitee of die uitvoerende burgemeester by te staan. (2) Sodanige komitees mag nie in getal die getal lede van die uitvoerende komitee of burgemeesterskomitee oorskry nie. (3) Die uitvoerende komitee of uitvoerende burgemeester (a) stel n voorsitter vir elke komitee vanuit die uitvoerende komitee of burgemeesterskomitee aan, (b) kan enige van die bevoegdhede en pligte van die uitvoerende komitee of uitvoerende burgemeester aan die komitee delegeer (c) word nie van sy verantwoordelikheid onthef betreffende die uitoefening van die bevoegdheid of verrigting van die plig nie; (d) kan enige besluit deur die komitee geneem, wysig of herroep behoudens enige gevestigde regte. (4) So n komitee moet aan die uitvoerende komitee of uitvoerende burgemeester ooreenkomstig die voorskrifte van die uitvoerende komitee of uitvoerende burgemeester verslag doen.

19 18 Die Raad het tydens hul raadsvergadering gehou op 30 Augustus 2016 (onder item 7.1.2) besluit om die volgende 5 sogenaamde Artikel 80 komitees aan te stel, raadslede aangewys om daarop te dien en kennis geneem van die aanwysing van die voorsitters van die Artikel 80 komitees: Finansiële Dienste komitee (Voorsitter: Rdl G Stephan) Tegniese Dienste komitee (Voorsitter: Rdl W Loff) Korporatiewe Dienste komitee (Voorsitter: Rdl R Nutt) Gemeenskapdienste- en Veiligheidskomitee (Voorsitter: Rdl A Job) Ontwikkeling- en Stadsbeplanningsdienste komitee (Voorsitter: Rdl A Sindyamba) Die raad het tydens hul afgelope raadsvergadering gehou op 31 Januarie 2017 kennis geneem van die konsep skedule van raads- en ander vergaderings ten opsigte van 2017 en was versoek dat n opsomming van die onderskeie portefeuljekomitees se mandate aan raadslede beskikbaar gestel word. Die Speaker het toe versoek dat die Munisipale Bestuurder, mnr DP Lubbe reël dat die mandate van die onderskeie portefeuljekomitees tydens hul eerste vergadering wat vir 14 Februarie 2017 beplan word, beskikbaar gestel word. 3. KOMMENTAAR Volgens bogenoemde Artikel 33 van die Munisipale Strukture Wet kan n munisipaliteit n komitee waarvoor die Wet voorsiening maak, instel indien die instelling van die komitee nodig is met inagneming van: a. die omvang van die funksies en bevoegdhede van die munisipaliteit. b. die nodigheid vir die delegasie van daardie funksies en bevoegdhede ten einde die doelmatigheid en doeltreffendheid van hul uitvoering te verseker. c. die beskikbare finansiële en administratiewe hulpbronne van die munisipaliteit om die voorgenome komitee te ondersteun. Weens die grootte en omvang van die funksies en bevoegdhede van Matzikama Munisipaliteit met n Burgemeesterskomitee wat uit slegs vyf raadslede bestaan, het die munisipaliteit nie (soos metro-, distriks- en groot munisipaliteite) n stel kleiner Artikel 80 komitees nodig om die doelmatigheid en doeltreffendheid van die uitvoering van die funksies en bevoegdhede te verseker nie. Dié munisipaliteit beskik in elk geval nie oor die administratiewe kapasiteit om n uitgebreide stelsel van Artikel 80 komitees te ondersteun nie. Die Burgemeesterskomitee is klein genoeg om meeste sake prakties en doeltreffend te ondersoek, gedelegeerde sake te oorweeg en aanbevelings oor nie-gedelegeerde sake aan die raad te maak. Aangesien die raad wel Artikel 80 komitees aangestel het en raadslede aangewys het om daarop te dien kan die komitees baie nuttig aangewend word om die voorsitter en lede van die komitees op hoogte te bring van aangeleenthede wat n betrokke direktoraat (waarvoor n portefeuljekomitee aangestel is), hanteer. In oorleg met die betrokke direkteur kan ook besluit word indien n verslag oor n aangeleentheid opgestel en aan die Burgemeesterskomitee voorgelê moet word. Die Burgemeesterskomitee en Raad kan ook sake of verslae op hul agendas na n Artikel 80 komitee verwys vir verdere ondersoek indien daar nie voldoende inligting of klarigheid is om n besluit daaroor te neem nie. Die komitees kan dus nuttig as n algemene inligtingsvergadering en spesiale ondersoek-vergadering benut word.

20 19 Volgens bogenoemde Artikel 80 van die Munisipale Strukture Wet is sogenaamde Artikel 80 komitees bedoel om die Uitvoerende Burgemeester by te staan. Die Uitvoerende Burgemeester wys n voorsitter vir elke komitee vanuit die geledere van die Burgemeesterskomitee aan, kan enige van sy/haar bevoegdhede en pligte aan so n komitee delegeer en die komitees ooreenkomstig die voorskrifte van die Uitvoerende Burgemeester aan hom/haar verslag doen. Hoewel die komitees in hoofsaak hul bevoegdheid aan die Uitvoerende Burgemeester ontleen is daar enkele bevoegdhede wat die raad aan sodanige komitees kan delegeer. Die raad het tydens hul raadsvergadering gehou op 29 November 2011 onder item n stel delegasies aanvaar waarin slegs die volgende bevoegdhede en pligte aan Artikel 80 komitees (wat toe bestaan het) gedelegeer is: 1. Om adviserende lede wat nie lede van die Munisipale Raad is nie te koöpteer ten einde die komitee by te staan in die uitvoering van sy pligte. 2. Om raadslede en amptenare te versoek om voor die komitee te verskyn. Met inagneming van bogenoemde kommentaar is mandate vir elke komitee opgestel wat ook insluit die voorskrifte van die uitvoerende burgemeester hoedat die komitees aan hom/haar verslag moet doen (aangeheg as Bylae Q op bladsy 87 tot 96). 4. AANBEVELING Dat kennis geneem word van die aangehegte mandate van elke Artikel 80 komitee en gepaardgaande voorskrifte van die Uitvoerende Burgemeester oor die funksionering en wyse van verslagdoening van die komitees. VOORGELÊ VIR KENNISNAME Agenda item opgestel deur Direkteur Korporatiewe Dienste GESAMENTLIKE ARTIKEL 80 KOMITEES: 14 FEBRUARIE 2017 Die Direkteur Korporatiewe Dienste, mnr W Conradie gee kortliks toeligting oor die verslag en mandate en verduidelik dat die hooffunksie van die onderskeie komitees is om die Uitvoerende Burgemeester by te staan. Die Direkteur Gemeenskapsdienste, mnr JI Swartz noem dat biblioteke onder die Direktoraat Korporatiewe Dienste komitee moet ressorteer, maar die Direkteur Korporatiewe Dienste, mnr W Conradie wys daarop dat biblioteke wel onder Direktoraat Korporatiewe Dienste ressorteer en ook by Direktoraat Gemeenskapsdienste gelys is vir die onderhoud van biblioteekgeboue. Die Direkteur Ontwikkeling en Stadsbeplanningsdienste, mnr LJ Phillips noem dat Prestasiebestuur en -evaluering ten opsigte van GOP (SDBIP) as n aparte hofie onder die funksies van Direktoraat Ontwikkeling en Stadsbeplanningsdienste moet ressorteer.

21 20 Rdl WH Nell versoek dat die Finansiële Dienste komitee op hoogte gehou word van die implementering van die begroting en hoedat die onderskeie direktorate se finansies bestuur word. Dat kennis geneem word van die aangehegte mandate van elke Artikel 80 komitee en gepaardgaande voorskrifte van die Uitvoerende Burgemeester oor die funksionering en wyse van verslagdoening van die komitees. VOORGELÊ VIR KENNISNAME RAADSVERGADERING: 30 MAART 2017 Die raad aanvaar eenparig die volgende besluit: Dat kennis geneem word van die aangehegte mandate van elke Artikel 80 komitee en gepaardgaande voorskrifte van die Uitvoerende Burgemeester oor die funksionering en wyse van verslagdoening van die komitees.

22 7.2 NUWE SAKE VIR OORWEGING DEUR DIE RAAD GOEDKEURING VAN 2017 TOT 2022 KONSEP GEÏNTEGREERDE ONTWIKKELINGSPLAN (5/1/ ) 1. DOEL Dat die Raad goedkeuring verleen vir die konsep Geïntegreerde Ontwikkelingsplan (GOP). 2. AGTERGROND Die Geïntegreerde Ontwikkelingsplan (GOP) is die Munisipaliteit se vyf jaar strategiese plan wat handel oor die mees kritieke ontwikkelingbehoeftes (eksterne fokus) van die munisipale gebied sowel as die mees kritieke bestuursbehoeftes van die organisasie (interne fokus). Die GOP word deur die raad saamgestel binne een jaar na n munisipale verkiesing en bly van krag vir die raad se verkose termyn (vyf jaar 2017 tot 2022) word jaarliks hersien en ooreenkomstig gewysig in oorleg met die plaaslike gemeenskap sowel as belanghebbende organe van die staat en ander rolspelers verskaf leiding tot alle beplanning en ontwikkeling, op alle besluite met betrekking tot die beplanning, bestuur en ontwikkeling vorm die raamwerk en die basis vir die munisipaliteit se medium termyn bestedingsraamwerk, jaarlikse begrotings en prestasie; poog om integrasie te bevorder deur die balansering van die ekonomiese, ekologiese en sosiale pilare van volhoubaarheid sonder om die institusionele kapasiteit wat nodig is in die implementering, in gevaar te stel en deur die koördinering van aksies oor sektore en sfere van regering Die dokument wat ingedien word, is die nuwe vyf jaar GOP vir die tydperk 1 Julie 2017 tot 30 Junie Dit is die vierde generasie GOP. Die belangrike mylpale in die samestelling van die dokument is die volgende: Die aanvaarding van die prosesplan en tydskedule deur die Raad op 31 Augustus 2016 wat leiding gebied het tot die beplanning en opstel van die GOP. Die suksesvolle voltooiing van n intensiewe proses van publieke deelname wat in Oktober 2016 begin het en voltooi word in Mei Die tweedaagse strategiese beplanningsessie deur die raad wat waardevolle insette tot die beplanningsproses gelewer het. Die werkswinkel op 30 Maart 2017 waar die Raad die konsep GOP en begroting bespreek. Kommentaar en nuwe voorstelle wat voortspruitend is uit die publieke deelname prosesse. 3. KOMMENTAAR Die konsep GOP word dus aan die Raad voorgehou vir goedkeuring waarna dit bekend gestel sal word vir publieke kommentaar aan alle rolspelers soos vereis deur die wet. Die goedkeuring van die konsep GOP lei tot die finalisering van die finale GOP vir die vyf jaar termyn van die Raad. Die konsep GOP word as n los bylae saam met die agenda van die raadsvergadering versprei.

23 4. IMPLIKASIES PERSONEEL Addisionele personeel mag benodig word in die uitvoer van take wat deur die GOP vereis mag word. 4.2 REGSIMPLIKASIE Die volgende wetgewing het betrekking: Wet op Plaaslike Regering: Munisipale Stelsels, Wet no. 32 van 2000 Wet op Plaaslike Regering: Munisipale Finansiële Bestuur, Wet no. 56 van FINANSIEEL Alhoewel geen direkte implikasie, moet die GOP in samehang met die voorgestelde kapitale begroting gelees word. Die jaar MTREF begroting moet ook in lyn met die 5 jaar GOP saamgestel word. 4.4 TEGNIES Geen 5. KOMMENTAAR DEUR MUNISIPALE BESTUURDER Die aanbeveling word ondersteun. 6. AANBEVELING Dat (1) die konsep GOP van Matzikama Munisipaliteit goedgekeur word in terme van Artikel 25 (1) van die Wet op Munisipale Stelsels (Wet 32 van 2000). (2) die Munisipale Bestuurder binne 14 dae nadat die plan deur die Raad aanvaar is, kennis gee aan die publiek dat die dokument beskikbaar is vir publieke inspeksie by vooraf gespesifiseerde plekke. VOORGELÊ VIR OORWEGING Agenda item opgestel deur Direkteur Ontwikkeling en Stadsbeplanning RAADSVERGADERING: 30 MAART 2017 Die Speaker noem dat deelname aan GOP vergaderings beter bestuur moet word en dat bywoning die grootste uitdaging is. Rdl RJ Nutt versoek dat die GOP met die raad gewerkswinkel moet word na afloop van die publieke deelname vergaderings. Die Munisipale Bestuurder, mnr DP Lubbe verduidelik dat die GOP n konsep is wat vir die publiek by gespesifiseerde plekke vir kommentaar beskikbaar sal wees en dat die finale GOP eers teen einde Mei 2017 met n detail voorlegging, goedgekeur sal word. Die raad aanvaar eenparig die volgende besluit:

24 23 Dat (1) die konsep GOP van Matzikama Munisipaliteit goedgekeur word in terme van Artikel 25 (1) van die Wet op Munisipale Stelsels (Wet 32 van 2000). (2) die Munisipale Bestuurder binne 14 dae nadat die plan deur die Raad aanvaar is, kennis gee aan die publiek dat die dokument beskikbaar is vir publieke inspeksie by vooraf gespesifiseerde plekke. (3) die GOP met die raad gewerkswinkel moet word na afloop van die publieke deelname vergaderings.

25 VESTIGING VAN N INTERREGERINGS BESTUURS- EN PROJEK KOMITEE EN DIE WYSIGING VAN DIE GOEDGEKEURDE RUIMTELIKE ONTWIKKELINGS- RAAMWERK, 2014 VAN MATZIKAMA MUNISIPALITEIT (15/3/3) 1. DOEL Om oorweging te skenk aan die vestiging van n interregerings bestuurs- en projek komitee en die beginselgoedkeuring van die gewysigde Ruimtelike Ontwikkelingsraamwerk, 2014 (ROR, 2014) sodat die publieke deelname proses in aanvang kan neem. 2. AGTERGROND Tydens n raadsvergadering gehou op 26 Junie 2014 is onder item 7.5 besluit: Dat-: 1. Die Ruimtelike Ontwikkelingsraamwerk, Junie 2014 vir Matzikama Munisipale area wat ter insae by Direktoraat Korporatiewe Dienste is as n sektorplan van die gewysigde 2014/15 Geïntegreerde Ontwikkelingsplan van Matzikama Munisipaliteit goedgekeur word. 2. Die goedgekeurde Ruimtelike Ontwikkelingsraamwerk, Junie 2014 vir Matzikama Munisipale area in terme van Artikels 4(1) en (6) van die Ordonnansie op Grondgebruikbeplanning, 1985 (No 15 van 1985) as n struktuurplan aanbeveel word en na Departement Omgewingsake en Ontwikkelingsbeplanning verwys word vir oorweging. 3. Ruimtelike Ontwikkelingsraamwerk, Junie 2014 vir Matzikama Munisipale area met die raad gewerkswinkel word voordat die finale dokument onderteken word. Artikel 26 van die Wet op Plaaslike Regering: Munisipale Stelsels, 2000 (No 32 van 2000) (MSA) bepaal as volg: An integrated development plan must reflect: (e) A spatial development framework which must include the provision of basic guidelines for a land use management system for the municipality. Artikel 28 van die MSA bepaal as volg: (1) Each municipal council, within a prescribed period after the start of its elected term, must adopt a process set out in writing to guide the planning, drafting, adoption and review of its integrated development plan. (2) The municipality must through appropriate mechanisms, processes and procedures establish in terms of Chapter 4, consult the local community before adopting the process. (3) A Municipality must give notice to the local community of particulars of the process it intends to follow. Ingevolge die skrywe vanaf Wes-Kaap Regering: Omgewingsake en Ontwikkelingsbeplanning met verwysing 15/4/5 gedateer 19 Februarie 2015 is die ROR, 2014 nie na die Provinsiale Minister verwys om in terme van Artikel 4(6) van die Ordonnansie op Grondgebruikbeplanning, 1985 (No 15 van 1985) (LUPO) as n struktuurplan te oorweeg nie, maar behou die ROR, 2014 egter wetlike status in terme van Artikel 4(1) van LUPO.

26 25 Met die inwerkingtrede van die Spatial Planning Land Use and Management Act, 2013 (No 16 of 2013) (SPLUMA), die Western Cape Land Use Planning Act, 2014 (No 3 of 2014)" (LUPA) en die Matzikama Municipality: Land Use Planning By-Law (die Verordening) op 1 Desember 2015 in die Matzikama munisipale area, is LUPO waaronder die ROR, 2014 saamgestel is, herroep. Bylaes: Skrywe vanaf Wes-Kaap Regering: Omgewingsake en Ontwikkelingsbeplanning met verwysing 15/4/5 gedateer 19 Februarie 2015: Bylae R op bladsy 97 tot 98 Die Status quo verslag gedateer 29 Januarie 2013 en goedgekeurde Ruimtelike Ontwikkelingsraamwerk gedateer Junie 2014 en voorgestelde wysigings aan goedgekeurde Ruimtelike Ontwikkelingsraamwerk 2014 vorm deel van die konsep GOP wat as los bylae saam met die agenda van die raadsvergadering versprei word. 3. KOMMENTAAR Artikel 11 van LUPA bepaal as volg: The process adopted by a municipality in terms of Section 28 of the Municipal Systems Act relating to the adoption or amendment of its municipal spatial development framework must make provision for: (a) The establishment of an intergovernmental steering committee to compile a draft municipal spatial development framework or a draft amendment of a spatial development framework, or (b) A procedure that complies with Section 13. Artikel 13 van LUPA bepaal as volg: (1) If an intergovernmental steering committee contemplated in Section 12 is not established, the municipality: (a) Must submit a draft spatial development framework or draft amendment of a spatial development framework to the Provincial Minister for written comment, and (b) May not adopt its municipal spatial development framework or approve an amendment thereof until: (i) The municipality has received and considered the comments referred to in subsection (2), or (ii) The end of the period referred to in subsection (2) and if no comments were received from the Provincial Minister during that period. (2) The Provincial Minister must, within 60 days after receiving a draft municipal spatial development framework or draft amendment of a spatial development framework in terms of Section (1)(a), submit written comments thereon to the municipality. (3) The period referred to in subsection (2) may be extended with the written concurrence of the municipality. Die Munisipaliteit het nie in die 2016/2017 finansiële boekjaar van die Munisipaliteit voorsiening vir befondsing vir die hersiening van die ROR, 2014, gemaak nie. Artikel 7 van die Verordening maak voorsiening vir die Munisipaliteit om die proses ten opsigte van die wysiging van die goedgekeurde ROR, 2014 sonder n interregerings bestuurskomitee, te hanteer.

27 26 In ag genome bogenoemde, die huidige beperkte tydsraamwerk vir publieke deelname prosesse wat ten minste 60 dae ten opsigte van die konsep ruimtelike ontwikkelingsraamwerk vereis word en die konsep geïntegreerde ontwikkelingsraamwerk van die Munisipaliteit asook vir finale oorweging van die Munisipale Raad voor te lê, gaan dit nie haalbaar wees om n interregerings bestuurskomitee vir die wysiging aan die ROR, 2014, te vestig nie. Derhalwe word voorgestel dat slegs n projek komitee gevestig word om die proses vir die wysiging van die ROR, 2014, te bestuur. Ingevolge Artikel 7(1) van die Verordening moet n projekkomitee gevestig word en word prosedure vir die vestiging van n projekkomitee in Artikel 4 van die Verordening, uiteengesit en is as volg: (1) The Municipality must establish a project committee to compile or amend its municipal spatial development framework. (2) The project committee must consist of: (a) The Municipal Manager or a municipal employee designated by the municipal manager, and (b) unicipal employees appointed by the Municipal Manager from at least the following municipal departments: (i) The integrated development planning office, (ii) The spatial planning department, (iii) The engineering department, (iv) The local economic development department, and (v) The housing department. Die prosedure vir die wysiging van die ROR, 2014 sonder n interregerings bestuurskomitee word in Artikel 7 van die Verordening, uiteengesit. 4. KOMMENTAAR DEUR MUNISIPALE BESTUURDER Die aanbeveling word ondersteun. 5. AANBEVELING Dat - (1) daar nie n interregerings bestuurskomitee vir die proses ten opsigte van die wysiging van die goedgekeurde Ruimtelike Ontwikkelingsplan, 2014, gevestig word nie. (2) n Projekkomitee ingevolge Artikel 4 van die Matzikama Municipality: Land Use Planning By-Law, gevestig word. (3) die Munisipale Bestuurder, ingevolge Artikel 4(2)(b) van die Matzikama Municipality: Land Use Planning By-Law die lede van die projekkomitee, skriftelik identifiseer. (4) die konsep status quo verslag ten opsigte van die goedgekeurde Ruimtelike Ontwikkelingsraamwerk, 2014 vir die Matzikama munisipale area in terme van Artikel 7(1)(a) van die Matzikama Municipality: Land Use Planning By-Law, goedgekeur word. (5) die konsep wysigings ten opsigte van die goedgekeurde Ruimtelike Ontwikkelingsraamwerk, 2014 vir die Matzikama munisipale area in terme van Artikel 7(1)(b) van die Matzikama Municipality: Land Use Planning By-Law en in terme van Artikel 17 van die Wet op Plaaslike Regering: Munisipale Stelsels, 2000 (No 32 van 2000) in beginsel goedgekeur word sodat die publieke deelname proses ten opsigte van die konsep dokument gedurende April 2017, kan plaasvind.

28 VOORGELÊ VIR OORWEGING 27 Agenda item opgestel deur Direkteur Ontwikkeling en Stadsbeplanning RAADSVERGADERING: 30 MAART 2017 Rdl WH Nell vra waarom is dit volgens die aanbeveling nodig dat n ander komitee (Projekkomitee) vir die Ruimtelike Ontwikkelingsplan (ROP) gevestig moet word. Die Direkteur Ontwikkeling en Stadsbeplanningsdienste, mnr LJ Phillips en die Munisipale Bestuurder, mnr DP Lubbe verduidelik dat n Interregerings Bestuurskomitee nodig is wanneer die ROP in geheel opgestel of hersien word, maar dat slegs n plaaslike Projekkomitee en die raad se besluit nodig is wanneer daar bloot wysigings aan die ROP aangebring word. Die raad aanvaar eenparig die volgende besluit: Dat - (1) daar nie n interregerings bestuurskomitee vir die proses ten opsigte van die wysiging van die goedgekeurde Ruimtelike Ontwikkelingsplan, 2014, gevestig word nie. (2) n Projekkomitee ingevolge Artikel 4 van die Matzikama Municipality: Land Use Planning By-Law, gevestig word. (3) die Munisipale Bestuurder, ingevolge Artikel 4(2)(b) van die Matzikama Municipality: Land Use Planning By-Law die lede van die projekkomitee, skriftelik identifiseer. (4) die konsep status quo verslag ten opsigte van die goedgekeurde Ruimtelike Ontwikkelingsraamwerk, 2014 vir die Matzikama munisipale area in terme van Artikel 7(1)(a) van die Matzikama Municipality: Land Use Planning By-Law, goedgekeur word. (5) die konsep wysigings ten opsigte van die goedgekeurde Ruimtelike Ontwikkelingsraamwerk, 2014 vir die Matzikama munisipale area in terme van Artikel 7(1)(b) van die Matzikama Municipality: Land Use Planning By-Law en in terme van Artikel 17 van die Wet op Plaaslike Regering: Munisipale Stelsels, 2000 (No 32 van 2000) in beginsel goedgekeur word sodat die publieke deelname proses ten opsigte van die konsep dokument gedurende April 2017, kan plaasvind.

29 KONSEP KAPITAAL- EN BEDRYFSBEGROTING 2017/2018 (MTREF 2017/ /20) (5/2/1/1, 5/2/1/2) 1. DOEL Om die konsep kapitaal- en bedryfsbegroting, gewysigde begrotings en verwante beleide, eiendomsbelasting op eiendomme binne WC011, tariewe en ander heffings aan die raad voor te lê vir doeleindes van publieke konsultasie soos vereis deur die Munisipale Finansiële Bestuurswet. 2. AGTERGROND Die MFMA verplig die burgemeester om ten minste 90 dae voor die aanvang van die nuwe finansiële jaar n konsep begroting aan die raad voor te le om sodoende genoegsame tyd aan die publiek te verleen om insette en kommentaar te gee. Die bedryfsbegroting is opgestel na n intensiewe inkomste modelering oefening en is daar baie aandag geskenk aan ander inkomste bronne om sodoende die las van die basiese mandjie van dienste te verlig. 3. KOMMENTAAR Alle direkteure was deel van die oefening en was die behoeftes weer eens baie meer as die munisipaliteit se inkomste genererende kapasiteit. Die konsep begroting (bladsy 1 tot 26) en konsep 2017/18 Service Delivery and Budget Implementation Plan (SDBIP), die gedetailleerde begrotingsvorms wat deur Begrotingsregulasies voorgeskryf word en die kapitaalbegroting (Aanhangsel A), Tariewe (Aanhangsel B), Beleide (Aanhangsel C) en Diensleweringsstandaarde (Aanhangsel D) word as n los begrotingsbylae saam met die agenda versprei. 3.1 KAPITAALBEGROTING Die totale konsep kapitaalbegroting vir 2017/2018 beloop R47, 032 miljoen en die totale konsep aanwending van die kapitaal oor die drie begrotingsjare beloop R131, 045 miljoen. Die strategie met die oefening van tariewe bepaling was om te verseker dat handels- en ekonomiese dienste ten minste n surplus toon oor die volgende 3 jaar wat nie altyd die situasie was in die verlede nie en ook dat onnodige uitgawes uitgewis word. Laasgenoemde is belangrik aangesien basiese dienste tariewe kapitaal spandering op die dienste moet befonds en om te verseker dat die munisipaliteit op n volhoubare wyse dienste lewer. Vanweë die feit dat die munisipaliteit n wetlike plig het om basiese dienste te lewer en dat geen reserwes opgebou was nie, word kapitale spandering hoofsaaklik befonds met nasionale en provinsiale toekennings waarvan die grootste aanwending van die fondse vir infrastruktuur uitbreidings en vervangings is om te verseker dat dienste op n volhoubare basis gelewer word en infrastruktuur nie verval nie. Dit onderstreep ook verder dat die Raad alle beskikbare fondse wat hom toekom moet verkry anders kan daar nie volgehou word met die huidige befondsing van projekte nie.

30 3.2 BEDRYFSBEGROTING 29 Die totale salaris begroting styg vanaf R110, 856 miljoen na R119, 672 miljoen aangesien daar begroot moet word vir verhogings in salarisse en ook verhogings in ander byvoordele soos mediese fonds en pensioen bydraes, waaroor hierdie munisipaliteit geen beheer het nie. Die verhogings die afgelope paar jaar in salarisse is nie volhoubaar nie en sal daar ernstig moet besin word op nasionale vlak oor die basis van onderhandelinge en die impak op die besigheidsmodel van munisipaliteite. Vir verdere besonderhede, verwys asseblief na die grafiese indeling van die hoof bedryfs uitgawe items op bladsy 13 van die begrotingsverslag en na die tabelle. Die bedryfsbegroting verhoog vanaf R282, 547 miljoen na R289, 655 miljoen wat n 2.52% (8.16 % verhoging in vorige jaar) verhoging te weeg bring. Laasgenoemde sluit die operasionele nasionale en provinsiale subsidies in en is dit duidelik dat hierdie Matzikama Munisipaliteit daarna streef om die totale groei van die begroting met ander bronne binne die perke van die Reserwe Bank se beleidsraamwerk te hou. Die gemiddelde tariefverhoging beloop net 6.4% behalwe vir elektrisiteit wat wisselend sal wees as gevolg van die implementering van die voorgestelde NERSA tarief skedule en skale gekoppel aan water verbruik. Die gemiddelde aanpassing aan basiese tariewe en die belasting koers is as volg verhoog: Belasting koerse : 6.4% Vullisverwydering/ : 6.4% Riool : 6.4% Water : 6.4% Elektrisiteit : 3.11% Omdat daar die afgelope paar jaar byna geen groei in enige van die dorpe was nie, raak dit al hoe moeiliker om tarief stygings te beperk omdat daar geen addisionele inkomste verkry word nie. Die belasting en inkomste basis van Matzikama is baie klein en word al hoe meer krities dat vermorsing en onnodige uitgawes uitgewis word. Hieronder volg die Wes-Kaap se ekonomiese uitkyk en is dit duidelik dat ons ekonomiese situasie swak daaruit sien en verg dit dat ons baie verantwoordelike finansiële besluite neem aangesien dit lang termyn gevolge kan hê. Die volgende eksterne faktore word belangrik geag gegewe die mandaat van munisipaliteite: I. Slegter ekonomiese groei oor die MTREF II. Volhoubare werkskepping onderdruk en n uitdaging III. Hoër inflasie as verwag in 2016/2017 IV. Generering van inkomste onder druk EKONOMIESE UITKYK: Wêreld Ekonomie Suid Afrika

31 30 Wes-Kaap Provinsie NERSA het ʼn verhoging aan Eskom toegestaan van 0.31% vir grootmaat aankope deur munisipaliteite vanaf 1 Julie Omdat grootmaat aankope meer as 80% van die koste van elektrisiteit verspreiding en uitgawe beloop kan munisipaliteite hulle tariewe aanpas met 3.11%. Die gedetailleerde begrotingsvorms wat deur die Begrotingsregulasies voorgeskryf word is deel van die Bylae. 3.3 BELEIDE Dit is nodig dat die volgende finansiële beleide (deel van Aanhangsel C van die los begrotingsbylae wat saam met die agenda versprei word) ingevolge die MFMA saam met die begroting voorgelê word: Tarief Beleid (Ongewysig) Eiendomsbelasting Beleid (Gewysig) Kredietbeheer Beleid (Gewysig) Deernis Beleid (Gewysig) Kontant Bestuur en Beleggingsbeleid (Ongewysig) Voorsieningskanaalbestuursbeleid en Bate Bestuur (Gewysig) Funding and Reserve Policy (Ongewysig) Skuld Beleid (Ongewysig) Reis en Verblyf Beleid (Ongewysig) Virement Policy (Ongewysig) Budget Implementation and Monitoring Policy (Ongewysig) Verhuring van karavaan/kampeerstaanplekke en chalets in Matzikama munisipale gebiede (Gewysig) 4. IMPLIKASIES 4.1 PERSONEEL Soos bespreek. 4.2 REGS IMPLIKASIES Soos voorgeskryf deur Hoofstuk 4 (Munisipale Begrotings, Artikels 15 van 33) van die Wet op Plaaslike Regering: Finansiële Bestuur, Wet 56 van FINANSIEEL Soos bespreek. 4.4 TEGNIES Geen. 5. KOMMENTAAR DEUR MUNISIPALE BESTUURDER Dit was n baie moeilike taak om die konsep 2017/18 begroting te balanseer gegewe die makro- en mikro ekonomiese omstandighede wat n impak het op Matzikama Munisipaliteit.