Setho se Ratehang sa Bohlokwa PHETOHELO HO MOKGATLO WA KGWEBO O TSAMAISWANG KE SEHLOPHA SA BATHO WA MANTLHA (PRIMARY CO-OPERATIVE)

Transcription

1 6 Lwetse 2012 Setho se Ratehang sa Bohlokwa PHETOHELO HO MOKGATLO WA KGWEBO O TSAMAISWANG KE SEHLOPHA SA BATHO WA MANTLHA (PRIMARY CO-OPERATIVE) Re thabela ho o tsebisa hore ho tloha ka Mantaha, 10 Lwetse 2012 le ho fetela kgweding e latelang le halofo, balaodi ba SAMRO le balaodi ba baholo ba tla tshwara diboka tsa therisano le wena ka ho latelana tse mabapi le phetohelo ya mokgatlo wa hao, SAMRO, sebopehong sa tshebedisanommoho (corporate) ho ya ho Mokgatlo wa Kgwebo o Tsamaiswang ke Sehlopha sa Batho wa Mantlha. Ho o thusa hore o be teng dibokeng tsena o na le kutlwisiso mme o hlometse bakeng sa dipuisano tse hahang, bakeng sa ho o nahanela, re kentse ditokomane tse nne tse tla o fa tlhahisoleseding e lekaneng. Re dumela hore ditho kaofela tsa SAMRO di hlokometse hore ka baka la ho kena tshebetsong ha Companies Act 71 ya 2008 (Molao), ka 1 Motsheanong 2011 SAMRO ha e sa tla sebetsa jwalo ka Khampani e Nyane (e Nyane ka Karanti) hobane mofuta wa kgwebo yeo o tlositswe ho tswa Molaong. Ka mantswe a mang ho ka se be le mofuta o jwalo wa khampani e tla bang teng ho tloha ka mohla wa ho kena tshebetsong ha Molao. Ho ya ka Molao kgetho e leng teng ho SAMRO le mekgatlo e ngodisitsweng ka tsela e tshwanang e ne e le hore o fetohele ho khampani e sa etseng phaello [non-profit company (NPC)] kapa bakeng sa khampani e etsang phaello (for-profit company). Ka mora tshebetso ya nako e telele e qadileng ka Extraordinary General Meeting (EGM) ka 20 Motsheanong 2011 ho ne ho hlakile hore mahareng a dikgetho tsena tse fumanehang ka Molao ha ho na e tshwanelang boemo le tsela ya tshebetso ya kgwebo ya SAMRO. O tla hopola hore ha re lebile ho EGM le ha re le ho EGM ditho di ile tsa botswa hore di etse kgetho mme di voute mahareng a NPC kapa bakeng sa khampani e etsang phaello. Maemong ao ditho di ka beng di voutetse khampani e etsang phaello mme ho ne ho tla hlokahala ho etswe kgetho mahareng a khampani e nang le tlelase e lenngwe ya dishere kapa ditlelase tse tharo tsa dishere. Mahareng a dikgetho tsena ha hona kgetho e fumaneng Khampani e Ngodisitsweng Reg. No. 1961/002506/07 SAMRO Place, 20 De Korte Street, Braamfontein, Johannesburg 2001, South Africa; P.O. Box 31609, Braamfontein 2017; t +27 (0) ; f +27 (0) Affiliated to the Confederation of International Societies of Authors and le Composers (CISAC). Balaodi: A E Emdon (Modulasetulo); Adv T S Kekana (Motlatsi wa Modulasetulo); C G De Villiers; J Edmond; S Khumalo; S C P Mabuse; M N Motsatse (Phethahaso); N A Sibiya; C F E Woods; J Zaidel-Rudolph; G J Zoghby (Phethahatso); J Mnisi (Ya Kgethetsweng ho ba-molaodi).

2 divoutu tse hlokahalang, e leng diphesente tse mashome a supileng le metso e mehlano (75%) ya divoutu kaofela tse entsweng ho EGM. Ho ya ka Molao, ho hloleha ho vouta bakeng sa phetohelo ho ya ho khampani e etsang phaello ho ka ba le maphomela a hore mokgatlo ka ho iketsahalla e tla ba NPC kapa o tla shejwa jwalo ka NPC. Ho sa tsotellehe tokisetso ena e nahanelwang, mme ho nahanelwa kopo ya hao e hlakileng bakeng sa tefo e tswelangpele ya Non-Royalty Revenue (NRR) e le khatekori e arohaneng ya Dikabo, re hlahlobile ditsela tse ding tse fumanehang molaong wa rona tse tla re dumella hore re tswelepele re aba NRR, re fana ka SAMRO Retirement Annuity Fund (SRAF), re fana ka SAMRO Funeral Benefit Scheme (SFBS) le ho tswelapele re fetoha ho finyella ditlhoko tsa nako e tlang tsa ditho tsa rona. Ka tshehetso le keletso ya ditsebi tse ding tse hlahelletseng ditabeng tsa kgwebo, melao ya lekgetho le tokelo ya boqapi, Boroto e fihletse qeto ya hore phetohelo ho sebetseng jwalo ka Mokgatlo wa Kgwebo o Tsamaiswang ke Sehlopha sa Batho wa Mantlha o ka re tshwanela hamolemo ho tiiseha ka hore ho ba le ditshitiseho tse fokolang tshebetsong ya SAMRO, mme sa bohlokwa ke ho tiiseha hore SAMRO e tswelapele ho o sebeletsa hamolemo jwalo ka setho sa bohlokwa, ka ho fana ka ditshebeletso tse sa tshwaneng tseo o seng o di lebeletse mokgatlong wa hao. Leha re tseba hore ha ho na ntho e phethahetseng, re dumela e le kannete hore motheo wa Mokgatlo wa Kgwebo o Tsamaiswang ke Sehlopha sa Batho ke ona o leng haufi ka ho fetisisa ho fumaneng boemo bo lekanang hantle, bakeng sa tshebetso ya kgwebo ya SAMRO. Ka ntle le hore 2012 e ile ya phatlalatswa hore ke Selemo sa Matjhaba sa Mokgatlo wa Kgwebo o Tsamaiswang ke Sehlopha sa Batho ke Seboka se Akaretsang sa UN (UN General Assembly), ke mofuta o tsamaiswang ke ditho, ho thehilwe ka melao ya boitshwaro ya demokrasi, tekano, toka, bonngwe, e etsang hore motheo wa Mokgatlo wa Kgwebo o Tsamaiswang ke Sehlopha sa Batho o tshwanetseng hamolemo mofuta wa kgwebo wa SAMRO ho feta dikgwebo tse ding kapa mefuta ya tshebedisanommoho. Lebaka ke hobane diqeto tse entsweng ka hare ho Mokgatlo wa Kgwebo o Tsamaiswang ke Sehlopha sa Batho di lekalekangwa ke telekiso ya dithahasello tsa khomeshiale, ka lehlakoreng le leng, le ditlhoko/dithahasello tsa ditho le baahi ka lehlakoreng le leng. Ka tsela e sa tshwaneng le ya NPC le / kapa mefuta ya khampani e etsang phaello, phetohelo ho Mokgatlo wa Kgwebo o Tsamaiswang ke Sehlopha sa Batho e tla: 1. Etsa hore SAMRO e tswelepele ho abela ditho tsa yona moputso (revenue) ho tswa mehloding e meng kaofela ho kopanyelletsa le non-royalty revenue (NRR); 2

3 2. Ho lateleng melaometheo ya ditjhelete e nang le temoho le taolo e molemo, e fang Boroto ya bolaodi ho lefa dikoloto tsa khampani ka thekiso ya phahlo (liquidate), ho kopanyeletsa le dipolokelo, bakeng sa ho abela ditho; 3. Ha mokgatlo o ka wa, phemete ya hore diphahlo di rekiswe ho lefa dikoloto tsa khampani mme ka mora hore melato e lefshwe, ditho di ka abelana; 4. Ha e hloke phano ya dishere mme e tlosa tlhokahalo bakeng sa ditshenyehelo tse eketsehileng le tsamaiso e rarahaneng; 5. Boloka dikhatekori tsa hona jwale tsa ho ba setho ka ntle le tlhophiso e kgolo le e ferekanyang ya beng ba di shere; Ka morao ha ho fumana lesedi lena, rona jwalo ka Balaodi ba Boroto, re kopa hore o nke nako ya ho bala ditokomane tse leng mona e le tsela ya ho ipeha leseding empa hape e le tokisetso ya diboka tsa therisano tseo o tla menngwa ho tsona haufinyana. Ha ditokomane tse leng mona o di fuwe ho o thusa ho fana ka tlaleho e tshepahalang le e hlokang leeme ka dikgetho tse sebetsang tse fumanehang ho rona, re o kgothaletsa hore o iketsetse patlisiso ya hao le tlhakiso ya ho batla nnete. Ho na le ditokomane tse latelang: Tokomane ya Tlatsetso A (Annexure A) ke kakaretso e hlalosang hore re fihlile jwang moo re leng teng le mabaka a entseng hore ho finyellwe qeto ya ho fetohela ho Mokgatlo wa Kgwebo o Tsamaiswang ke Sehlopha sa Batho. Tokomane ya Tlatsetso B ke kakaretso ya ntlha ya bulete yeo o ka e sebedisang ka tsela e tshwanang leha o sebedisa tlhaloso ya mantswe Tokomane ya Tlatsetso C e hlakisa dinnete tsa bohlokwa haholo mabapi le kgetho yeo re e kgothaletsang. Tokomane ena e akaretsa tsela yeo Mokgatlo wa Kgwebo o Tsamaiswang ke Sehlopha sa Batho e hlolophisitsweng ka yona le melao le melawana e bontshang hore e sebetsa jwang. Le hoja tokomane ena e le kakaretso, e lokela ho araba dipotso tsa hao tse mabapi le tsamaiso ya Mokgatlo wa Kgwebo o Tsamaiswang ke Sehlopha sa Batho. Tokomane ya Tlatsetso D ke Molaomotheo o tletseng o khavarang, ka botlalo, dintlha kaofela tsa sebopeho se kgothaletswang sa Mokgatlo wa Kgwebo o Tsamaiswang ke Sehlopha sa Batho. Re tshepa hore o tla etsa nako ya ho bala tokomane ena kaha e tla o fa tlhahisoleseding kaofela yeo o e hlokang hore o 3

4 utlwisise motheo wa Mokgatlo wa Kgwebo o Tsamaiswang ke Sehlopha sa Batho, oo ho ya ka patlisiso ya rona, yeo ka ntle le ho qeaqea e leng tsela e molemo ka ho fetisisa bakeng sa SAMRO hore e tswelepele le hore e eketse tshebeletso ho wena. Ditokomane tse kentsweng di tla o thusa ho fana ka lesedi le boitsebiso bo tla fanang ka tlhaloso e molemo le ho kenya ka hare ho wena, ditho tsa rona, ho ba le tekanyo e phahameng ya tshepo hore ho kgetha bakeng sa SAMRO hore e fetohele ho mofuta wa Mokgatlo wa Kgwebo o Tsamaiswang ke Sehlopha sa Batho wa Mantlha, ke kgetho e nepahetseng. Maemong ao o sa kgoneng ho bula diatatjhemente kapa tokomane ya tlatsetso, o ka nna wa fihlella ditokomane tsena ka leqephe le patilweng saeteng ya SAMRO, ka ho tlika linki e latelang, kapa ka ho kopisa le ho pheista url ena ho braose ya webe ya hao. Haeba o hloka thuso e eketsehileng ka kopo ikopanye le rona ho customerservice@samro.org.za kapa ho Ka kopo hopola hore ha o bala ditokomane tsena tseo Molao motheo wa mokgatlo leha e le ofe e etseditsweng ho beha leihlo tsamaiso e tsamayang ka thello ya mokgatlo tlasa maemo a sa tshwaneng le ho dumella taolo e lekaneng ho amohela diphetoho tikolohong ya tshebetso ya yona. Ditokisetso tse ding tse kgothaleditsweng ho Molao motheo di ka nna tsa bonahala di le ka hodimo ho taolo ya ditshebetso tsa hona jwale. Sena se dumella tenyetseho e lekaneng ya ho amohela Mokgatlo wa Kgwebo o Tsamaiswang ke Sehlopha sa Batho diphetohong leha e le dife tsa bohlokwa tikolohong ya tshebetso. Ho sebedisa tshwantshiso ya dipapadi, Molao motheo ha o hlophisi sepheo le / kapa dipakane empa e hlophisa melawana ya papadi le boholo ba lebala la ho bapala. Diboka tsa molao motheo kapa diwekeshopo di tla tshwarelwa dibakeng tse sa tshwaneng Durban, Cape Town, East London, Polokwane le Johannesburg. Re ho kopa le ho o kgothalletsa hore o etse boiteko bo bong le bo bong hore o be teng sebokeng se haufi le wena moo setho sa Boroto le balaodi ba baholo ho tswa ho SAMRO ba tla fumana maikutlo le dikgothalletso tsa hao. Ba tla buisana le ho hlakisa dintlha leha e le dife tsa tsamaiso kapa dintlha tse leng ka hara tokomane tseo o ka nna wa lakatsa ho buisana kapa ho fumana tlhakiso. Ka kopo hlokomela hore boitsebiso ba tsa ditherisano bo tla romelwa ho ditho kaofela ka sms le imeili. Hape re kopa hore o hopole o re fe dinomoro tsa hao tsa selefounu tsa hona jwale le 4

5 aterese ya imeili ho etsa bonnete ba hore o fumana puisano e hlokahalang e mabapi le ditherisano tse tlang. Re a ho leboha ka ho nka nako ya ho bala lengolo lena kaofela mme re tshepa hore re tla o bona haufinyana ho se seng sa diboka tsa rona. Ka botshepehi Nicholas Motsatse Ofisiri e ka Sehloohong ya Phethahatso (CEO) 5